ᐅᒃᑐᐱᕆ 2020−ᒥ, ᐊᒥᑦᑐᕐᒥ ᒪᓕᒐᓕᐅᖅᑎ ᔪᐃᓕ ᖃᐃᕐᓂᖅ ᓇᖏᖅᓯᓚᐅᖅᐳᖅ ᒪᓕᒐᓕᐅᕐᕕᖕᒥ ᐅᖃᓪᓚᖕᓂᕐᒧᑦ ᐃᓱᒫᓘᑎᖏᓐᓂ ᓂᕈᐊᖅᑎᖏᓐᓂ ᐊᒻᒪ ᐊᓯᖏᓐᓂ ᓄᓇᕗᒻᒥᐅᓂ ᐆᒪᓂᖃᖅᑐᓂ ᐊᔪᕈᑎᓕᖕᓂ ᐃᑲᔪᖅᓯᖅᑕᐅᙱᑦᑐᓂ ᒐᕙᒪᖏᓐᓂ.
ᑕᐃᔅᓱᒪᓂ, ᓄᓇᕗᒻᒥ ᒐᕙᒪᒃᑯᑦ ᑮᓇᐅᔭᖃᖅᑎᑕᐅᓂᖓ ᓄᓇᕗᒻᒥ ᐊᔪᕈᑎᓕᖕᓂ ᒪᑭᓐᓇᓱᐊᖅᑏᑦ ᑲᑐᔾᔨᖃᑎᒌᖏᓐᓂ (NDMS), ᐃᑲᔪᖅᓱᐃᓲᓂ ᑕᐃᒃᑯᓂᖓ ᐊᔪᕈᑎᓕᖕᓂ, ᓄᖅᑲᖓᐃᓐᓇᓚᐅᖅᐳᖅ $100,000−ᒥ, ᖃᐃᕐᓂᖅ ᐊᒃᓱᕈᖅᖢᓂ ᐊᖏᒡᓕᒋᐊᖅᑕᐅᔭᕆᐊᖃᕐᓂᕋᐃᓪᓗᓂ, ᐊᒻᒪ ᑲᑎᒪᔨᐅᖃᑎᒋᔭᖏᑦ ᒪᓕᒐᓕᐅᕐᕕᖕᒥ ᐃᑲᔪᖅᓱᐃᓪᓗᑎᒃ ᐃᓱᒪᒋᔭᐅᓂᐅᔪᒥ.
ᖃᐃᕐᓂᖅ ᐃᓚᒋᐊᖅᓯᓚᐅᖅᐳᖅ ᐊᑭᑐᔫᑎᓂᒃ ᐱᓕᕆᐊᒃᓴᐅᔪᓂ ᓄᓇᕘᑉ ᓄᓇᓕᖏᓐᓂ ᐃᓱᒪᒃᓴᖅᓯᐅᕆᔭᕆᐊᖃᕐᓂᖏᓐᓂ ᐃᓄᖕᓂ ᐊᓯᐊᒎᖅᑐᒥ ᐱᔭᕆᐊᖃᖅᑐᓂ, ᐅᖃᖅᖢᓂ ᕿᑯᕆᓯᒪᔪᓂ ᐊᖅᑯᑎᖃᙱᒻᒪᑕ ᐊᒻᒪ ᕿᑯᕐᒥ ᐊᖅᑯᑎᐅᑉ ᓴᓂᕌᓂ ᐱᓱᒡᕕᒃᑕᖃᕐᓇᓂ ᓇᓂᔭᐅᕙᒃᑐᓂ ᖃᓪᓗᓈᓂ ᓄᓇᖓᓐᓂ ᐱᓕᕆᕝᕕᐅᔪᓂ.
ᐊᕐᕌᒍᑦ ᒪᕐᕉᒃ ᐊᓂᒍᖅᑎᓪᓗᒍ, ᐊᓯᔾᔨᖅᓯᒪᓂᖃᓗᐊᕌᓗᙱᓚᖅ, ᐱᔾᔪᑎᖃᓪᓗᐊᑕᖅᑐᒥ ᐸᒡᕕᒫᕆᓂᐅᔪᒥ ᐱᑎᑕᐅᔪᒥ ᐊᒥᓱᓄᑦ ᖃᓂᒻᒪᓐᓇᐅᔪᒥ – ᐅᓗᕆᐊᓇᕐᓂᖓᓂ ᐊᖏᐸᓗᒃᑐᒥ ᐊᒃᑐᐃᓂᖃᓚᐅᖅᑐᒥ ᑕᐃᒃᑯᓂᖓ ᐊᔪᕈᑎᓕᖕᓂ ᐱᒋᐊᕐᓂᖓᓂ – ᐊᒻᒪ ᐊᒥᓱᓄᑦ ᐆᒪᓂᖃᖅᑐᒥ ᐊᓯᐊᒎᖅᑐᓂ ᐱᔭᕆᐊᖃᕐᓂᐅᔪᓂ ᐃᒃᓯᓐᓇᖅᑕᐅᓯᒪᕗᑦ ᐃᒻᒥᓂᒃ ᐱᓕᕆᓇᓱᐊᕆᐊᒃᓴᖅ ᐊᒻᒪᓗ ᐃᑲᔪᖅᓱᐃᓂᖏᓐᓂ ᐱᔭᕆᐊᖃᕐᓂᖏᓐᓂ ᐊᒥᓱᓄᑦ ᑐᓵᙱᑦᑐᓄᑦ ᓯᐅᑎᓄᑦ.
ᑐᙵᕕᖓᓂ ᑮᓇᐅᔭᖃᖅᑎᑕᐅᓂᐅᔪᒥ ᐊᖏᓂᖓᓂ ᓄᓇᕗᒻᒥ ᐊᔪᕈᑎᓕᖕᓂ ᒪᑭᓐᓇᓱᐊᖅᑏᑦ ᑲᑐᔾᔨᖃᑎᒌᖏᓐᓂ ᓱᖁᓯᓚᐅᙱᓚᑦ 2021-22−ᒥ. ᑭᓯᐊᓂ, ᑲᑐᔾᔨᖃᑎᒌᖑᔪᑦ ᐱᓚᐅᖅᐳᑦ $453,676−ᓂ 2020-‘21−ᒥ ᐱᓕᒻᒪᒃᓴᕐᓂᕐᒧᑦ ᐊᒻᒪ ᐃᖅᑲᓇᐃᔭᓕᒪᓂᕐᒧᑦ ᐃᓄᖕᓄᑦ ᐊᔪᕈᑎᓕᖕᓂ ᐊᒻᒪ $132,250−ᓂ ᐃᖅᑲᓇᐃᔮᒧᑦ ᐊᔪᕆᖅᓱᖅᑕᐅᓂᖏᓐᓂ ᐊᒻᒪ ᐃᓕᓐᓂᐊᖅᑎᑕᐅᓂᐅᔪᒥ.
ᐃᖃᓗᖕᓂ, ᐊᑐᐃᓐᓇᖃᕐᓂᖅᓴᐅᔪᒥ ᐊᒥᓱᓂ ᐃᓄᑭᓐᓂᖅᓴᐅᔪᓂ ᓄᓇᓕᖕᓂ, ᐊᒃᓱᕈᓐᓇᕆᕗᖅ ᓄᓇᖃᖅᑎᐅᔪᓂ ᓇᓂᓯᓂᕐᒥ ᐱᓕᕆᐊᖑᓂᐅᔪᓂ ᐊᒻᒪ ᑐᓂᕐᕈᑎᓂᑦ ᐃᑲᔪᕐᓂᕐᒧᑦ ᐊᑐᖅᑕᐅᓂᖏᓐᓂ.
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᖃᓚᐅᖅᐳᑦ ᑎᓯᐱᕆ 2020−ᒥ ᐊᐱᖅᓱᖅᑕᐅᓂᐅᔪᒥ ᐊᖏᕐᕋᒥ ᐊᒻᒪ ᓄᓇᓕᖕᓂ ᐸᖅᑭᔭᐅᓂᕐᒥ ᐱᓕᕆᐊᖑᔪᑦ ᑐᓂᓯᕙᒃᐳᖅ ᐊᔾᔨᒌᙱᕈᓘᔭᖅᑐᓂ ᐱᔨᑦᑎᕋᕐᓂᐅᔪᓂ, ᐃᓚᖃᖅᑐᒥ ᐊᖏᕐᕋᓕᐅᕐᓂᕐᒥ ᓇᖕᒥᓂᖅ ᐸᖅᑭᓂᐅᔪᒥ, ᐃᓗᐊᖅᓴᐃᔨᒧᑦ ᐸᖅᑭᔭᐅᓂᕐᒥ, ᐸᖅᑭᔨᐅᔪᓂ ᑕᖃᐃᖅᓯᓚᐅᑲᖕᓂᖏᓐᓂ ᐸᖅᑭᓂᐅᔪᒥ ᐊᒻᒪ ᐃᓅᓯᖃᓕᖅᑎᑕᐅᑦᑎᐊᕋᓱᐊᖅᑐᓄᑦ.
ᓄᓇᕗᒻᒥ ᐊᔪᕈᑎᓕᖕᓂ ᒪᑭᓐᓇᓱᐊᖅᑏᑦ ᑲᑐᔾᔨᖃᑎᒌᖏᓐᓂ ᐱᓕᕆᖃᑎᖃᖅᐳᑦ ᓄᑖᖑᔪᒥ−ᐋᖅᑭᒃᑕᐅᓯᒪᔪᒥ ᑲᓇᑕᒥ ᐱᓕᕆᕝᕕᖕᒥ ᐸᖅᑭᓂᕐᒥ ᑐᓂᓯᓂᐅᔪᒥ ᐱᐅᓂᖅᐹᖑᔪᒥ (CCCE) ᓄᓇᙳᐊᓕᐅᕆᓂᕐᒥ ᓄᓇᕗᒻᒥ ᐊᖏᕐᕋᐅᔪᓂ ᐊᒻᒪ ᐃᓚᒌᓄᑦ ᐸᖅᑭᓂᐅᔪᒥ ᑐᓂᓯᓂᕐᒥ ᐱᔭᕆᐊᓕᖏᓐᓂ, ᑲᓇᑕᒥ ᐱᓕᕆᕝᕕᖕᒥ ᐸᖅᑭᓂᕐᒥ ᑐᓂᓯᓂᐅᔪᒥ ᐱᐅᓂᖅᐹᖑᔪᒥ ᐃᓱᒻᒥᖅᑐᐃᔨᖓ ᓕᕝ ᒥᐊᓐᑐᓪᓴᓐ ᐅᖃᓚᐅᖅᐳᖅ ᒥᑭᑦᑐᒻᒪᕆᑯᓗᖕᒥ ᐱᑕᖃᖅᐸᒌᖅᑐᒥ ᖃᐅᔨᓴᖅᑕᐅᓂᑯᓂ ᑎᑎᕋᖅᓯᒪᔪᖁᑎᖃᕐᓂᖓᓂ.
ᓄᓇᕗᒻᒥ ᑐᓴᒐᒃᓴᓕᕆᔨᒃᑯᑦ ᐅᖃᖃᑎᖃᓚᐅᖅᐳᑦ ᔪ ᐊᕼᐅᔭᒥ – ᒪᒃᑯᒃᑐᒥ ᐊᖑᒻᒥ ᐆᒪᓂᖃᖅᑐᒥ ᐱᐅᔪᓐᓃᖅᐸᓪᓕᐊᔪᒥ ᓄᑭᖓᓐᓂ ᐋᓐᓂᐊᕐᓇᒥ ᐊᑐᕆᐊᖃᖅᑎᑦᑎᔪᒥ ᑲᐃᓪᓗᐊᕈᑎᒥᒃ – ᐊᒻᒪ ᐃᓚᖏᑦ ᐃᖃᓗᖕᓂ ᑎᓯᐱᕆ 2020−ᒥ. ᐊᑕᐅᓯᐅᔪᒥ ᐊᖏᓛᖑᔪᒥ ᐃᓱᒫᓘᑎᒋᔭᖏᓐᓂ ᐱᓂᕐᒥ ᐊᖏᕐᕋᒥ ᐸᖅᑭᔭᐅᖏᓐᓇᕐᓂᐅᔪᒥ, ᐊᕼᐅᔭᐅᑉ ᐊᑖᑕᖓ ᐅᖃᓚᐅᖅᐳᖅ ᐊᕐᕌᒍᑦ ᑕᓪᓕᒪᓂ ᐅᖓᑖᓂ ᐊᒃᓱᕈᕈᑎᒋᓯᒪᔭᖓᓐᓂ, ᐃᒪᓐᓇᓘᓐᓃᑦ ᐊᔪᕐᓇᙱᑦᑐᑯᓗᖕᒥ ᐋᖅᑭᒃᓱᐃᓂᕐᒥ ᐸᖅᑭᔨᐅᔪᓂ ᑕᖃᐃᖅᓯᓚᐅᑲᖕᓂᖏᓐᓂ ᐸᖅᑭᓂᐅᔪᒥ ᐅᓐᓄᑐᐃᓐᓇᕐᒥ.
ᑲᓇᑕᒥ ᐱᓕᕆᕝᕕᖕᒥ ᐸᖅᑭᓂᕐᒥ ᑐᓂᓯᓂᐅᔪᒥ ᐱᐅᓂᖅᐹᖑᔪᒥ ᐊᒻᒪ ᓄᓇᕗᒻᒥ ᐊᔪᕈᑎᓕᖕᓂ ᒪᑭᓐᓇᓱᐊᖅᑏᑦ ᑲᑐᔾᔨᖃᑎᒌᖏᓐᓂ ᓂᕆᐅᖕᓂᖃᖅᐳᑦ ᓴᖅᑭᔮᖅᑎᑦᑎᒃᑲᓐᓂᕐᓂᕐᒥ ᖃᓄᐃᓕᖓᓂᖓᓂ ᐊᖏᕐᕋᒥ ᐸᖅᑭᔨᐅᔪᓄᑦ ᐱᔭᕆᐊᓕᖕᓂ ᓄᓇᕗᒻᒥ ᓇᓗᓇᐃᖅᓯᓂᕐᒧᑦ ᐱᑕᖃᖅᑐᒥ ᐃᓚᑰᓂᐅᔪᓂ ᐊᒻᒪ ᑕᐃᒪᑐᖅ ᐋᖅᑭᒃᓯᓗᓂ ᑐᙵᕕᐅᔪᒥ ᐱᓕᕆᓂᐅᔪᒥ ᐱᒃᑲᓐᓂᕐᓂᕐᒥ ᐱᓕᕆᐊᖑᔪᓂ ᐊᒻᒪ ᐃᑲᔪᖅᓱᐃᓂᐅᔪᓂ ᐱᒋᐊᖅᑎᑕᐅᓗᑎᒃ ᐊᒻᒪ ᐊᐅᓚᓗᑎᒃ ᑕᐃᒃᑯᓄᖓ ᐸᖅᑭᔨᖃᕆᐊᖃᖅᑐᓂ, ᓲᕐᓗ ᑕᐃᒃᑯᐊ ᐊᔪᕈᑎᓕᖕᓂ ᐊᒻᒪ ᐃᓄᑐᖃᕐᓂ.
“(ᓄᓇᕗᒻᒥ ᐊᔪᕈᑎᓕᖕᓂ ᒪᑭᓐᓇᓱᐊᖅᑏᑦ ᑲᑐᔾᔨᖃᑎᒌᖏᓐᓂ) ᐃᓱᐊᓂ ᑐᕌᒐᒃᓴᕆᔭᖓ ᐃᑲᔪᖅᓱᐃᓂᕐᒥ ᐃᓄᖕᓂ ᐊᔪᕈᑎᓕᖕᓂ ᐆᒪᔪᓐᓇᕐᓂᖏᓐᓂ ᓇᖕᒥᓂᖅ ᐃᓅᓯᖏᓐᓂ, ᐃᑲᔪᖅᓱᐃᓂᕐᒥ ᐃᓚᐅᑎᑦᑎᓂᐅᔪᒥ ᐊᒻᒪ ᐊᑐᐃᓐᓇᖃᕐᓂᖏᓐᓂ ᑕᒪᒃᑭᓗᒃᑖᓂ ᐃᓱᒪᒋᔭᐅᓂᐅᔪᓂ ᐃᓅᓯᖓᓐᓂ, ᑐᑭᖃᕈᓂ ᐊᖏᕐᕋᖓᓃᖏᓐᓇᕈᓐᓇᕐᓂᖏᓐᓂ ᐊᒻᒪ ᑐᓂᓯᓂᕐᒥ ᐱᔪᓐᓇᕐᓂᐅᔪᒥ−ᐱᕈᖅᓴᐃᓂᐅᔪᒥ ᐃᓚᒌᓄᑦ,” ᐅᖃᖅᐳᖅ ᓂᑰᓪ ᑕᐃᔭᑲᐃᑦ, ᐃᓱᒻᒥᖅᑐᐃᔨ ᓄᓇᕗᒻᒥ ᐊᔪᕈᑎᓕᖕᓂ ᒪᑭᓐᓇᓱᐊᖅᑏᑦ ᑲᑐᔾᔨᖃᑎᒌᖏᓐᓂ.
ᑖᔅᓱᒥᖓ ᑐᕌᒐᒃᓴᐅᔪᒥ ᐃᓱᒪᒋᔭᖃᕐᓂᕐᒥ, ᐳᓚᕋᕐᓂᐊᖅᐳᑦ ᑕᒪᒃᑭᓂ 25−ᖑᔪᓂ ᓄᓇᓕᖕᓂ ᐅᖃᖃᑎᖃᕐᓂᕐᒧᑦ ᑎᑭᑉᐸᓪᓕᐊᔪᓄᑦ ᖃᔅᓯᐊᕐᔪᖕᓂ ᐊᕐᕌᒎᔪᓂ, ᐊᑐᕐᓗᑎᒃ ᓄᓇᖃᖅᑳᖅᓯᒪᔪᓄᑦ ᖃᐅᔨᓴᕐᓂᕐᒧᑦ ᐱᓕᕆᔾᔪᓯᐅᔪᒥ ᓴᖅᑭᑎᑕᐅᓯᒪᔪᒥ ᓄᓇᕗᒻᒥ ᖃᐅᔨᒋᐊᖅᑏᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᖃᐅᔨᓴᕐᕕᖓᓂ, ᐅᖃᐅᓯᒃᓴᖃᖅᖢᓂ ᓄᓇᓕᖕᒥᐅᑕᓂ ᐊᒻᒪ ᐃᓄᑐᖃᕐᓂ. ᐱᓕᕆᐊᒃᓴᐅᔪᖅ ᐱᒋᐊᕐᓂᐊᖅᐳᖅ ᔫᓂᒥ ᐊᒻᒪ ᖃᐅᔨᓴᕐᓂᖓᓂ ᐃᓚᖓ ᑕᐃᒪᑐᖅ ᐱᔭᕇᖅᑕᐅᓂᐊᖅᐳᖅ ᐊᐃᑉᕆᓕ 2024−ᒥ.
“ᐃᓕᓐᓂᐊᕈᑎᒃᓴᓂ ᑎᑎᕋᖅᓯᒪᓂᖃᙱᓚᖅ ᐅᕝᕙᓘᓐᓃᑦ ᑎᒥᐅᔪᓂ ᖃᐅᔨᒪᓂᐅᔪᓂ ᐸᖅᑭᔨᐅᔪᓄᑦ ᐅᕝᕙᓘᓐᓃᑦ ᐊᔪᕈᑎᓕᖕᓂ ᓄᓇᕗᒻᒥ. ᐊᖏᐸᓗᒃᑐᒥ ᐃᓚᑰᓂᐅᕗᖅ ᐹᖅᓯᒪᔭᑦᑎᓐᓂ ᑕᐃᒪᙵᓂ ᒪᑐᐃᓚᐅᕐᓂᑦᑎᓐᓂ 1999−ᒥ,” ᐅᖃᓚᐅᖅᐳᖅ ᑕᐃᔭᑲᐃᑦ.
ᐅᓇ ᐱᒋᐊᕐᓂᑐᐃᓐᓇᐅᑐᐃᓐᓇᕆᐊᖃᖅᐳᖅ ᑭᐅᓂᕐᒥ ᐅᑯᓂᖓ ᐊᖏᐸᓗᒃᑐᓂ ᐃᓚᑰᓂᐅᔪᓂ, ᑭᓯᐊᓂ ᐱᔪᒥᓇᖅᖢᓂ ᐱᓕᕆᓂᐅᕗᖅ. ᑕᐃᔭᑲᐃᑦᑎᑐᑦ ᐊᒻᒪ ᒥᐊᓐᑐᓪᓯᓐᑎᑐᑦ, ᖁᕕᐊᑉᐳᒍᑦ ᑕᑯᓂᕐᒥ ᖃᓄᖅ ᐅᓇ ᖃᐅᔨᓴᕐᓂᖅ ᐱᐅᓯᒋᐊᕐᓂᐊᕐᓂᖓᓂ ᐃᓅᓯᐅᔪᓂ ᐊᒥᓱᓄᑦ ᓄᓇᕗᒻᒥᐅᓄᑦ ᐊᒻᒪ ᐃᓚᖏᓐᓂ.