ᐊᖏᕐᕋᒥᐅᒐᓗᐊᕈᓂ, ᐃᓕᓐᓂᐊᕐᕕᓂ, ᐅᕝᕙᓘᓐᓃᑦ ᐱᓕᕆᖃᑎᖃᕐᓂᕐᒥ ᐊᒥᓱᓂ ᐃᓕᓐᓂᐊᕐᓂᐅᔪᓂ ᐋᖅᑭᒃᓱᖅᑕᐅᔪᓂ ᓄᓇᕗᓕᒫᒥ ᑐᕌᖓᓂᖃᖅᑐᓂ ᐃᖅᑲᓇᐃᔭᖅᑎᐅᔪᓂ ᐊᒻᒪ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᐅᔪᓂ, ᐃᓄᑐᖃᕗᑦ ᐃᓚᒋᔭᐅᕗᑦ ᐱᓐᓇᕆᓛᕆᔭᑦᑎᓐᓂ ᐃᓅᖃᑎᒌᖑᔪᓂᑦ.
ᑕᐃᒃᑯᓇᙵᑦ ᐃᓕᑦᑎᕗᒍᑦ ᐊᖏᓂᖅᓴᐅᔪᒥ ᐊᔪᙱᓐᓂᐅᔪᓂ. ᐃᓕᒃᑯᐊᒥ ᐱᓐᓇᕆᔭᐅᔪᑦ ᑐᓂᔭᐅᕙᓪᓕᐊᖏᓐᓇᖅᐳᑦ, ᐅᖃᐅᓯᖅ ᐸᐸᑕᐅᕗᖅ ᐊᒻᒪ ᐱᕈᖅᓴᔭᐅᓪᓗᓂ ᐊᒻᒪ ᑐᑭᖃᑦᑎᐊᖅᑐᒥ ᑲᑎᙵᓂᐅᔪᓂ ᓴᖅᑭᑎᑕᐅᕗᑦ ᐱᐅᓯᖃᑎᒌᖑᔪᓄᑦ.
ᑭᕙᓪᓕᕐᒥ, ᐅᑯᐊ ᑲᑎᙵᓂᕆᔭᐅᔪᑦ ᓴᙱᒃᑎᒋᐊᖅᑕᐅᕗᑦ ᐱᓕᕆᐊᖑᔪᒥ ᑕᐃᔭᐅᔪᒥ ᐳᓛᕐᕕᒃ ᑲᑉᓚ ᐱᖃᓐᓇᕇᖑᔪᓄᑦ ᐱᓕᕆᕝᕕᖕᒥ ᐊᒻᒪ ᐱᙳᐊᖅ ᑲᒪᒋᔭᖃᖅᐳᖅ ᐱᓕᕆᖃᑎᖃᖅᖢᑎᒃ HelpAge ᑲᓇᑕᒥ. ᒪᒃᑯᒃᑐᐃᑦ ᐃᑲᔪᖅᓱᐃᕗᑦ ᐃᓄᑐᖃᕐᓂ ᖃᐅᔨᓇᓱᐊᕐᓂᕐᒥ ᐊᖏᒡᓕᕙᓪᓕᐊᖏᓐᓇᖅᑐᒥ ᖃᕋᓴᐅᔭᑎᒍᑦ ᓄᓇᕐᔪᐊᖓᓂ, ᐱᕈᖅᓴᐃᓪᓗᑎᒃ ᐃᓄᑐᖃᐃᑦ ᐊᔪᙱᓐᓂᖏᓐᓂ ᐅᖃᓘᑎᓄᑦ ᐊᒻᒪ ᖃᕋᓴᐅᔭᕋᓛᒃᑯᑦ ᐊᒻᒪ ᐅᖃᐅᓯᖃᕐᓂᕐᒥ ᓇᖕᒥᓂᖅ ᖃᐅᔨᒪᔭᖏᓐᓂ.
“ᐊᑐᖅᓯᒪᔪᐃᓐᓇᐅᕗᒍᑦ ᐃᓄᑑᓂᐅᔪᒥ ᐊᒻᒪ ᑭᐱᙳᓂᐅᔪᒥ ᖄᖏᖅᓯᒪᓕᖅᑐᓂ ᐊᕐᕌᒍᓄᑦ ᒪᕐᕉᖕᓄᑦ,” ᐅᖃᓚᐅᖅᐳᖅ ᓂᑰᓪ ᐱᐊᕆ, ᑐᑭᒧᐊᒃᑎᑦᑎᔨ ᑲᓇᑕᒥ ᐱᓕᕆᐊᖑᔪᒥ HelpAge ᑲᓇᑕᒥ. “ᐅᓇ ᐊᑕᐅᓯᐅᓪᓗᓂ ᐊᑐᐃᓐᓇᐅᓛᖑᔪᒥ ᐱᓕᕆᓂᐅᕗᖅ ᐃᑲᔪᕐᓂᕐᒧᑦ ᐅᓇᑕᕐᓂᖓᓂ ᑖᖦᓱᒥᖓ.”
ᐃᓄᑑᓂᐅᔪᒥ ᐊᒻᒪ ᑭᐱᙳᓂᐅᔪᒥ ᐱᑕᖃᒐᔪᒃᖢᑎᒃ ᐱᔾᔪᑕᐅᕗᑦ ᐊᒥᓱᓂ ᐃᓅᓯᐅᔪᓂ, ᑭᓯᐊᓂ ᑕᐃᒪᐃᓗᐊᙱᓚᖅ ᐱᓗᐊᖅᑐᒥ ᐃᒻᒥᓂᒃ–ᐱᔪᓐᓇᖅᑐᓂ ᐃᓐᓇᐅᓂᖅᓴᐅᔪᓄᑦ.
ᖃᓄᐃᙱᑦᑎᐊᖅᑐᒥ, ᑏᑐᕆᐊᕐᓂᖅ ᐊᒻᒪ ᓂᕆᕕᒡᔪᐊᖅᑎᑦᑎᓂᑦ ᐱᓕᕆᐊᖑᓇᔭᖅᐳᑦ ᑲᑎᙵᓂᖃᖅᑎᑦᑏᓐᓇᕐᓂᕐᒧᑦ ᓴᙱᑎᑕᐅᓂᖓᓂ. ᐊᒥᓱᓄᑦ ᖃᓂᒻᒪᓐᓇᐅᔪᒥ ᑭᒡᓕᖃᖅᑎᑕᐅᓂᐅᔪᓂ, ᒪᓕᒋᐊᖃᖅᐳᒍᑦ ᑭᒡᓕᖃᖅᑎᑕᐅᓂᐅᔪᓂ ᐳᓚᕋᕐᓂᕐᒥ ᐊᖓᔪᖅᑳᑦᑎᓐᓂ ᐊᒻᒪ ᐊᑖᑕᑦᑎᐊᑦᑎᓐᓂ ᐊᓈᓇᑦᑎᐊᑦᑎᓂ ᐸᖅᑭᔭᐅᕕᖕᓂ ᐊᖏᕐᕋᐅᔪᓂ, ᐊᒻᒪ ᐃᓚᖏᓐᓂ, ᓇᒡᓕᒋᔭᕗᑦ ᐊᐅᓪᓚᖅᑎᑕᐅᓯᒪᓪᓗᑎᒃ ᐅᖓᓯᒃᑐᐊᓗᖕᒥ ᓄᓇᓕᖏᓐᓂ ᐊᑯᓂᐅᔪᒥ ᐸᖅᑭᕝᕕᐅᔪᓂ ᐃᒡᓗᕐᔪᐊᓂ, ᓲᕐᓗ ᑕᐃᔅᓱᒥᖓ ᐃᖃᓗᖕᓂ, ᒪᑐᔭᐅᓚᐅᖅᐳᖅ ᐱᔾᔪᑎᖃᖅᑐᒥ ᓄᕙᒡᔪᐊᕐᓇᕐᒥ ᐊᐃᑦᑐᐃᓂᐅᔪᒥ ᐃᖅᑲᓇᐃᔭᖅᑎᐅᔪᓂ.
ᐊᑕᐅᓯᖅ ᐊᑕᐅᓯᖅ ᐊᖏᕐᕋᒥᓂ ᐊᐅᓪᓚᖅᑎᑕᐅᔪᖅ ᐃᓄᑐᖃᖅ, ᕋᐃᒪᓐ ᓂᖏᐅᑦᓯᐊᖅ, ᐅᑎᖅᑎᑕᐅᓵᓚᐅᖅᐳᖅ ᐃᓚᒥᓄᑦ ᐃᐊᒻᐸᓯ ᐱᓇᖕᓇᕐᒥ ᐸᖅᑭᕕᐅᔪᒥ ᐋᑐᕚᒥ ᐃᓚᖏᑦ ᐃᓱᒫᓗᓚᐅᖅᑎᓪᓗᒋᑦ ᑭᒡᓕᐅᔪᒥ ᐃᓕᖅᑯᓯᒧᑦ ᓈᒻᒪᒃᑐᒥ ᐸᖅᑭᓂᐅᔪᒥ ᐱᓚᐅᖅᑕᖓᓂ.
ᓄᓇᕗᒻᒥ ᒐᕙᒪᒃᑯᑦ ᐊᖏᕐᕋᖅᑎᑦᑎᔪᓐᓇᓚᐅᙱᒻᒪᑕ ᐱᔾᔪᑎᖃᖅᑐᒥ ᓘᒃᑖᒧᑦ ᐅᖃᐅᔾᔨᓂᖓᓂ, ᐃᓚᒌᑦ ᐊᑭᓖᓚᐅᖅᐳᑦ $37,000–ᑲᓴᖕᒥ ᐊᑭᓕᕆᐊᓕᖕᒥ. ᑮᓇᐅᔭᑦ ᐱᕈᖅᓴᔭᐅᓚᐅᖅᐳᖅ ᐅᕘᓇ ᐃᓄᑐᐃᓐᓇᕐᓄᑦ ᐊᒻᒪ ᓇᖕᒥᓂᕆᔭᐅᔪᓄᑦ ᑐᓐᓂᖅᑯᓯᐊᖑᔪᓂ, ᐊᑭᓖᓪᓗᑎᒃ ᓵᑕᖅᑕᐅᓯᒪᔪᒥ ᖃᖓᑕᓲᒥ ᐊᒻᒪ ᐃᓅᓕᓴᐅᑎᓄᑦ ᐱᓕᕆᔾᔪᑎᓂ ᐱᔭᕆᐊᓕᖏᓐᓂ 80-ᓂ-ᐅᑭᐅᓕᖕᒥ ᐊᑦᑕᓇᙱᓐᓂᖓᓂ ᐃᓚᒌᑦ ᐊᖏᕐᕋᖓᓂ.
ᓂᖏᐅᑦᓯᐊᖅ ᐊᖏᕐᕋᓚᐅᖅᐳᖅ ᕕᕗᐊᕆ 21–ᒥ ᐊᒻᒪ ᒪᒃᑖᖅᑐᓚᐅᖅᐳᖅ, ᑐᒃᑐ ᐊᒻᒪ ᐃᖃᓗᖕᒥ ᐃᓯᑐᐊᕋᒥ, ᐅᖃᓚᐅᖅᐳᖅ ᐸᓂᖓ, ᓯᐊᕋ ᓇᑦᓱᕐ. ᐃᓚᖏᑦ ᑲᑎᙵᓂᖃᖅᑎᑦᑎᓂᐊᖅᐳᑦ 81–ᖓᓂ ᓇᓪᓕᐅᓐᓂᖅᓯᐅᕐᓂᖓᓂ ᒫᔾᔨ 11–ᒥ. ᓇᑦᓱᕐ ᐅᖃᓚᐅᖅᐳᖅ ᐊᖏᕐᕋᖅᓯᒪᐃᓐᓇᕐᓂᐊᖅᐳᖅ ᑭᓯᐊᓂ ᐃᓅᔪᓐᓃᕐᓂᕈᓂ.
“ᖁᔭᓕᕐᔪᐊᖅᐳᖓ ᐊᒻᒪ ᖁᕕᐊᑉᐳᖓ ᐊᒻᒪ ᖃᓱᕗᖓ,” ᐅᖃᓚᐅᖅᐳᖅ ᓇᑦᓱᕐ ᑭᒃᑯᓕᒫᓄᑦ ᑐᓂᓯᓚᐅᖅᑐᓄᑦ.
ᓂᖏᐅᑦᓯᐊᑉ ᐅᓂᒃᑳᖓ ᓱᓕ ᐆᒃᑑᑎᒃᑲᓐᓂᐅᕗᖅ ᐱᔭᕆᐊᖃᕐᔪᐊᕐᓂᐅᔪᒥ ᐸᖅᑭᕕᐅᔪᓂ ᐊᖏᕐᕋᐅᔪᓂ ᐊᑐᓂ ᓄᓇᕗᒻᒥ ᓄᓇᓕᐅᔪᓂ. ᑲᑎᖅᓱᐃᓂᐅᔪᒥ ᐱᔪᒪᓂᐅᔪᒥ ᐱᓪᓗᐊᙱᓚᖅ ᐊᒻᒪ ᑕᐅᓴᓐ–ᖏᓐᓂ ᑮᓇᐅᔭᓂ ᑐᓐᓂᖅᑯᓯᐊᖑᔪᓂ ᓇᓗᓇᐃᖅᓯᓂᕐᒥ ᐊᑕᐅᓯᕐᒥ ᐃᓄᖕᒥ ᐃᓐᓇᕈᖅᐸᓪᓕᐊᓂᖓᓂ ᐊᑦᑕᓇᙱᑦᑐᒥ ᑕᐃᑲᓂ ᐃᒻᒥᓂᒃ ᐊᒻᒪ ᐃᓚᖏᑦ ᐱᔪᒪᔭᖏᓐᓂ.
ᑭᙵᐃᑦ, ᑲᖏᖅᖢᒑᐱᒃ, ᖁᕐᓗᖅᑑᖅ ᐊᒻᒪ ᖃᒪᓂᑦᑐᐊᖅ ᖃᔅᓯᐊᕐᔪᑐᐃᓐᓇᐅᕗᑦ ᓄᓇᓕᐅᔪᓂ ᓂᓪᓕᖅᓯᒪᔪᓂ ᐊᒻᒪ ᑎᑎᕋᖅᖢᑎᒃ ᒪᓕᒐᓕᐅᖅᑎᖏᓐᓄᑦ ᑐᐊᕕᕐᓇᖅᑐᒥ ᐱᔭᕆᐊᖃᕐᓂᐅᔪᒥ ᐸᖅᑭᔭᐅᕝᕕᖕᓂ ᐊᖏᕐᕋᐅᔪᓂ.
ᑕᒪᕐᒥᒐᓚᐃᑦ ᒫᓐᓇᓕᓴᐅᔪᒥ–ᓂᕈᐊᖅᑕᐅᓯᒪᔪᓂ ᒪᓕᒐᓕᐅᖅᑎᐅᔪᓂ ᓇᓗᓇᐃᖅᓯᓯᒪᕐᔪᐊᖅᓯᒪᕗᑦ ᐱᔭᕆᐊᖃᕐᓂᐅᔪᒥ ᐅᓄᕐᓂᖅᓴᓂ ᐊᑯᓂᐅᔪᒥ ᐸᖅᑭᔭᐅᕝᕕᖕᓂ ᐃᒡᓗᕐᔪᐊᓂ ᓄᓇᕗᒻᒥ, ᐊᒻᒪ ᐱᔭᕆᐊᖃᕐᓂᕐᒥ ᐃᓄᑐᖃᑦᑎᓐᓂ ᐊᖏᕐᕋᖅᓯᒪᑎᑕᐅᓗᑎᒃ, ᐸᐸᑦᑏᓐᓇᕈᓐᓇᕐᓂᐊᕐᒪᑕ ᑲᑎᙵᓂᕆᔭᖏᓐᓂ ᓄᓇᒧᑦ, ᓂᕿᑦᑎᐊᕙᖕᓄᑦ ᐊᒻᒪ ᐃᓚᖏᓐᓄᑦ.
ᐊᑎᓕᐅᖅᓯᒪᔪᓂ ᑐᒃᓯᕋᐅᑎᓂᒃ ᐱᒋᐊᖅᑕᐅᓯᒪᔪᖃᖅᐳᖅ, ᐃᓚᒋᔭᐅᔪᓂ ᐅᖃᐅᓯᒃᓴᓕᐊᖏᓐᓂ ᓴᓇᓯᒪᕗᑦ ᐊᒻᒪ ᓱᓕ ᐃᖏᕐᕋᕗᒍᑦ ᓱᒃᑲᐃᑦᑐᕐᔪᐊᒥ ᐃᖏᕐᕋᓂᐅᔪᒥ ᐊᐅᓚᑕᐅᓂᐅᔪᒥ.
ᑕᐃᒪᑐᖅ ᐅᕙᓂ ᒪᓕᒃᑐᒥ ᐃᒃᓯᕚᕐᓂᐅᔪᒥ ᒪᓕᒐᓕᐅᕐᕕᖕᒥ, ᐋᖅᑭᒃᑕᐅᓯᒪᔪᒥ ᐱᒋᐊᕐᓂᐊᕐᓂᖓᓂ ᒫᔾᔨ 7–ᒥ, ᓄᑖᖑᔪᒥ–ᐊᖏᖅᑎᑕᐅᓯᒪᔪᓂ ᐃᓚᒋᔭᐅᔪᑦ ᐋᖅᑭᒍᑎᒃᓴᖃᕐᓂᐊᖅᐳᑦ ᐅᑯᓂᖓ ᐱᔪᒪᔭᐅᔪᓂ ᐱᓪᓚᕆᙳᖅᑎᑕᐅᓂᖏᓐᓂ.
ᐃᓄᑐᖃᖅᐳᑦ ᐱᔭᕆᐊᖃᖅᐳᑦ ᐊᒻᒪ ᐱᓪᓗᐊᖅᐳᑦ ᐱᐅᓛᖑᔪᒥ ᐊᒃᓱᕈᕐᓂᑦᑎᓐᓂ.