ᐃᓄᐃᑦ ᓄᓇᖓᓐᓂ ᐊᑐᐊᒐᖓ ᓴᖅᑭᑕᐅᓚᐅᖅᐳᖅ ᐊᐃᑉᕆᓕ 21–ᒥ ᐋᑐᕚᒥ ᒥᑭᑦᑐᒻᒪᕆᑯᓗᖕᒥ ᓴᖅᑭᔮᖅᑎᑕᐅᓂᖃᖅᖢᓂ ᐱᒻᒪᕆᕐᔪᐊᖑᔪᒧᑦ ᑎᑎᕋᖅᑕᐅᓯᒪᓂᐅᔪᒧᑦ.
ᓯᕗᓪᓕᖅᐹᑦᑎᐊᖑᓪᓗᓂ ᑲᓇᑕᒥ ᒐᕙᒪᒃᑯᑦ ᐱᕙᓪᓕᐊᑎᑦᑎᖃᑎᖃᖅᓯᒪᕗᑦ ᑕᒪᒃᑭᐅᒪᔪᒥᒃ, ᒐᕙᒪᓕᒫᖑᔪᓄᑦ ᐊᑐᐊᒐᕐᒥ ᑕᐃᒪᐃᑦᑐᒐᓚᖕᒥ. ᒐᕙᒪᑐᖃᒃᑯᑦ ᐅᓂᒃᑳᕆᓚᐅᖅᐸᖓ “ᐱᒻᒪᕆᐅᔪᒥ ᐱᓕᕆᓂᐅᔪᒥ ᐃᑲᔪᖅᓱᐃᓂᕐᒧᑦ ᐃᓄᖕᓄᑦ ᐃᒻᒥᓂᒃ–ᐃᓱᒪᓕᐅᕆᓂᖏᓐᓂ ᐊᒻᒪ ᓇᓗᓇᐃᖅᓯᓂᕐᒥ ᑐᑭᖃᑦᑎᐊᖅᑐᒥ, ᐃᓄᖕᓄᑦ–ᐊᐅᓚᑕᐅᔪᒥ ᐋᖅᑭᒍᑎᒃᓴᓂ ᐊᔾᔨᐅᙱᑦᑐᒥ ᐊᑲᐅᙱᓕᐅᕈᑕᐅᔪᓄᑦ ᓵᙵᔭᐅᔪᓂ ᐃᓄᖕᓂ.”
ᖁᑦᑎᓛᖑᔪᒥ ᐱᓕᕆᓂᐅᕗᖅ ᐱᒋᐊᖅᑕᐅᓚᐅᖅᑐᒥ 2017–ᒥ ᐃᓄᖕᓄᑦ-ᑯᐃᓐᒧᑦ ᐱᓕᕆᖃᑎᒌᖕᓂᐅᔪᒥ, ᐊᒻᒪ ᑲᔪᓯᓂᖓᓂ ᐊᕐᕌᒍᒐᓴᓂ ᓇᖕᒥᓂᖅᓱᕐᓂᕐᒥ ᐱᔪᓐᓇᐅᑎᑖᕐᓂᕐᒧᑦ ᐱᓕᕆᓂᐅᔪᒥ.
ᐊᑐᓕᖅᑎᑕᐅᓂᖓᓂ ᐊᑐᐊᒐᕐᒥ ᑲᔪᓯᓂᐊᖅᐳᖅ $25-ᒥᓕᐊᓐᓂ ᑲᑎᖅᓱᖅᑕᐅᕙᓪᓕᐊᔪᓂ ᑮᓇᐅᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑕᐅᔪᓂ ᒪᓕᒃᑐᓄᑦ ᐊᕐᕌᒍᓄᑦ ᑕᓪᓕᒪᓄᑦ, ᑐᕌᒐᒃᓴᖃᖅᖢᓂ ᐱᐅᓯᒋᐊᖅᑎᑦᑎᓂᕐᒥ ᐊᐅᓚᑕᐅᓂᖓᓂ ᐊᒥᓱᓄᑦ ᒐᕙᒪᑐᖃᒃᑯᓐᓂ ᐱᔨᑦᑎᕋᕐᓂᐅᔪᓂ ᑐᓂᓯᔨᐅᔪᓂ ᐊᑐᕐᓂᕐᒧᑦ “ᑕᐃᒪᐃᓪᓗᐊᖅᑎᑕᐅᓂᕐᒥ ᐱᔪᓐᓇᕐᓂᐅᔪᒥ ᐊᒻᒪ ᐊᑐᐃᓐᓇᖃᕐᓂᖏᓐᓂ ᒐᕙᒪᑐᖃᒃᑯᓐᓄᑦ ᐱᓕᕆᐊᖑᔪᓄᑦ, ᐱᔨᑦᑎᕋᕐᓂᐅᔪᓂ ᐊᒻᒪ ᐱᒋᐊᕈᑕᐅᔪᓄᑦ ᐃᓄᐃᑦ ᓄᓇᖓᓐᓂ ᐊᒻᒪ ᑕᒪᒃᑭᓄᑦ ᐃᓄᖕᓄᑦ.”
ᐊᑐᐊᒐᖅ ᓇᓗᓇᐃᖅᓯᕗᖅ ᐃᓄᐃᑦ ᐱᖅᑯᓯᑐᖃᖓᓐᓂ ᖃᐅᔨᒪᓂᐅᔪᒥ ᐊᒻᒪ ᐱᒻᒪᕆᐅᔪᒥ ᐊᑐᕐᓂᖃᐅᑎᖓᓐᓂ ᐱᓕᕆᔭᕆᐊᖃᕐᓂᖓᓂ ᐃᓱᒪᓕᐅᕆᓂᐅᔪᒥ ᑕᒪᒃᑭᓂ ᐃᓄᐃᑦ ᓄᓇᖓᓐᓂ. ᐃᓚᐅᑎᑦᑎᒋᕗᖅ ᖃᓪᓗᓈᑦ ᓄᓇᖓᓐᓂ ᐃᓄᐃᑦ ᓄᓇᒋᔭᖏᓐᓂ.
ᑕᐃᒪᐃᓪᓗᐊᖅᑎᑕᐅᓂᖅ ᐅᖃᐅᓯᐅᕗᖅ ᐊᑐᖅᑕᐅᒐᔪᒃᑐᒥ ᑎᑎᖅᑲᖁᑕᐅᔪᒥ, ᐅᔾᔨᖅᓱᑦᑎᐊᖅᓯᒪᔪᒥ ᓂᕈᐊᖅᑕᐅᔪᒥ ᐅᖃᐅᓯᕐᒥ ᕿᒪᐃᔪᒥ ᐃᓂᒃᓴᖃᕐᓂᖓᓂ ᓂᕆᐅᖕᓂᖃᑦᑎᐊᕐᓂᐅᔪᒥ. ᕿᓂᕐᓂᕐᒥ ᐊᔾᔨᒌᒃᑎᑕᐅᔭᕆᐊᖃᕐᓂᐅᔪᒥ ᐊᕿᑦᑐᖓᔪᒧᑦ ᐱᓕᕆᐊᒃᓴᐅᕗᖅ, ᑭᓯᐊᓂ ᓇᓕᒧᓐᓂᖅᓴᐅᔪᒥ ᐱᒋᐊᕐᕕᖃᕐᓂᖓᓂ, ᐅᑯᓄᖓ ᐅᔾᔨᕆᔭᐅᔪᓄᑦ “ᐊᔾᔨᒌᙱᓗᐊᕐᓂᐅᔪᒥ ᐃᓅᓯᕐᒥ ᒪᑭᒪᐅᑎᓂᒡᓗ ᐊᒻᒪ ᐃᓕᖅᑯᓯᒧᑦ ᑕᐃᒪᐃᓪᓗᐊᖅᑎᑕᐅᙱᑦᑐᓄ ᓵᙵᔪᓂ ᐃᓄᖕᓄᑦ ᑕᐅᑐᒃᖢᒍ ᑕᒪᒃᑭᒐᓚᖕᓄᑦ ᐊᓯᖏᓐᓄᑦ ᑲᓇᑕᒥᐅᑕᓄᑦ” ᐱᒻᒪᕆᕐᔪᐊᖑᕗᑦ ᑕᒪᒃᑭᓂ ᓴᐃᒻᒪᖃᑎᒌᖕᓂᐅᔪᒥ ᓇᖏᕐᕕᐅᓂᖓᓂ, ᐊᒻᒪᓗᑦᑕᐅᖅ ᐃᓄᖕᓄᑦ ᐱᔪᓐᓇᕐᓂᕆᔭᐅᔪᓄᑦ.
ᓈᒻᒪᖕᓂᐅᔪᒥ ᐊᒻᒪ ᒪᓕᒐᓕᕆᓂᕐᒥ ᐱᓕᕆᓂᐅᔪᒥ ᐊᒻᒪ ᖃᓄᐃᓕᖓᓂᐅᔪᓂ ᑎᑭᐅᑎᔭᐅᓲᖑᕗᑦ ᐲᖅᓯᓂᕐᒥ ᐊᒡᕕᐊᕈᑕᐅᔪᓂ, ᐋᖅᑭᒃᓯᓂᕐᒥ ᖃᓄᐃᓐᓂᐅᔪᓂ ᐊᑲᐅᙱᓕᐅᕈᑕᐅᔪᓂ ᐊᒻᒪ ᓴᖅᑭᑎᑦᑎᓂᕐᒥ ᐊᓯᐊᒎᖅᑐᒥ ᐱᓕᕆᓂᐅᔪᓂ ᐱᔪᓐᓇᖅᑎᑦᑎᓂᕐᒧᑦ ᐊᔾᔨᒌᙱᓐᓂᐅᔪᓂ ᐱᕕᒃᓴᖃᕐᓂᐅᔪᓄᑦ.
ᒐᕙᒪᑐᖃᒃᑯᑦ ᑐᓴᒐᒃᓴᓕᐊᖓ ᐅᖃᖅᓯᒪᕗᖅ ᒫᓐᓇᐅᔪᒥ ᓯᕗᓪᓕᐅᔾᔭᐅᖁᔭᐅᔪᓂ ᐃᓚᖃᖅᐳᖅ ᐃᓄᐃᑦ ᓄᓇᑖᕋᓱᐊᕐᓂᕐᒧᑦ ᐊᑐᓕᖅᑎᑕᐅᓂᖓᓂ; ᐃᓄᒃᑐᑦ ᐆᒻᒪᕆᐊᖅᑎᑕᐅᒃᑲᓐᓂᕐᓂᖓᓂ, ᐋᖅᑭᐅᒪᑎᑦᑎᓂᕐᒥ, ᓴᐳᔾᔨᓯᒪᓂᕐᒥ, ᐊᒻᒪ ᖁᕝᕙᖅᓴᐃᓂᕐᒥ; ᐃᓄᐃᑦ ᓄᓇᖓᓐᓂ ᐊᑐᐊᒐᕐᒧᑦ ᐃᓂᒃᓴᖓᓂ; ᓴᐃᒻᒪᖃᑎᒌᖕᓂᐅᔪᒥ ᐱᓕᕆᓂᐅᔪᓂ ᐊᒻᒪ ᐊᒃᓱᕈᕐᓂᐅᔪᓂ ᐃᓱᓕᑦᑎᓂᕐᒧᑦ ᐊᑲᐅᙱᓕᐅᕈᑕᐅᔪᒥ ᐊᓯᐅᖅᑲᔪᓄᑦ ᐊᒻᒪ ᐃᓄᐊᖅᑕᐅᔪᓄᑦ ᓄᓇᖃᖅᑳᖅᓯᒪᔪᓄᑦ ᐊᕐᓇᓄᑦ ᓂᕕᐊᖅᓵᓄᓪᓗ; ᐃᓕᓐᓂᐊᕐᓂᖅ, ᐱᒋᐊᓕᓵᖅᑐᓄᑦ ᐃᓕᑦᑎᓂᐅᔪᒥ, ᐊᒻᒪ ᐊᔪᙱᓐᓂᐅᔪᓄᑦ ᐱᕙᓪᓕᐊᑎᑕᐅᓂᖏᓐᓂ; ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐊᒻᒪ ᖃᓄᐃᙱᑦᑎᐊᕐᓂᐅᔪᒥ; ᐊᕙᑎᒧᑦ ᐊᒻᒪ ᓯᓚᒧᑦ ᐊᓯᔾᔨᖅᐸᓪᓕᐊᓂᖓᓂ; ᐃᒡᓗᒃᓴᖃᖅᑎᑦᑎᓂᕐᒥ; ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ; ᑮᓇᐅᔾᔭᒃᓴᓂᕐᒧᑦ ᐱᕙᓪᓕᐊᑎᑕᐅᓂᖓᓂ ᐊᒻᒪ ᐱᓂᕐᒥ; ᒪᓕᒐᓕᐅᕐᕕᖕᒥ ᓯᕗᓪᓕᐅᔾᔭᐅᖁᔭᐅᔪᓂ; ᓄᓇᕐᔪᐊᒥ ᐃᓄᖕᓄᑦ ᓯᕗᓪᓕᐅᔾᔭᐅᖁᔭᐅᔪᓂ; ᓇᐅᑦᑎᖅᓱᕐᓂᕐᒥ, ᖃᐅᔨᓴᐃᓂᕐᒥ, ᐊᒻᒪ ᐃᓕᑦᑎᓂᕐᒥ; ᐊᒻᒪ ᓇᖕᒥᓂᖅᓱᕈᓐᓇᕐᓂᕐᒥ, ᓴᐳᔾᔨᓯᒪᓂᐅᔪᒥ ᐊᒻᒪ ᐃᓵᖅᑎᑦᑎᑦᑕᐃᓕᓂᕐᒧᑦ.
ᐅᑯᐊ ᐱᔭᒃᓴᐅᓪᓗᑎᒃ ᐊᒻᒪ ᓇᑉᐸᖓᓂ. ᐅᖃᓪᓚᖕᓂᖃᓗᐊᕌᓗᙱᓚᖅ ᓯᕗᓪᓕᐅᔾᔭᐅᖁᔭᐅᔪᓂ, ᐃᓂᐅᔪᓄᑦ ᐊᖏᓛᖑᔪᒥ ᐃᓱᒫᓘᑕᐅᔪᓄᑦ, ᑕᒪᒃᑭᐅᔮᖅᑐᓂ.
ᑭᓯᐊᓂ, ᑐᑭᓕᐊᕐᓂᖃᑦᑎᐊᖅᐳᑦ ᓄᓇᕗᒻᒥ ᒐᕙᒪᒃᑯᑦ ᒫᓐᓇᐅᔪᒥ ᐱᓕᕆᐊᒃᓴᖏᓐᓂ ᐊᒻᒪ ᑕᒪᒃᑭᒐᓚᑦ ᐱᓕᕆᓂᐅᔪᑦ ᓄᓇᕗᒻᒥ ᑐᙵᕕᒃᑯᑦ ᐊᒻᒪ ᐃᓄᐃᑦ ᑕᐱᕇᑦ ᑲᓇᑕᒥ ᐱᓕᕆᓯᒪᓂᖏᓐᓂ ᖄᖏᖅᓯᒪᔪᓄᑦ ᐊᕐᕌᒍᓄᑦ 20-ᓄᑦ — ᐅᓇᓪᓗᐊᑕᖅ ᓴᖅᑭᑎᑦᑎᓂᕐᒥ ᐊᔾᔨᐸᓗᐊᓂ ᐱᐅᓂᖓᓂ ᐃᓅᓯᐅᔪᒥ ᐃᓄᐃᑦ ᓄᓇᖓᓐᓂ ᑕᐃᒪᓐᓇᑎᑐᑦ ᖃᓪᓗᓈᓂ ᐊᕕᒃᑐᖅᓯᒪᓂᐅᔪᑎᑐᑦ.
ᐃᓕᓴᖅᓯᓂᖅ ᐊᒻᒪ ᖁᕝᕙᖅᓴᐃᓂᕐᒥ ᐃᓄᒃᑐᒻᒥ ᖁᕕᐊᓇᖅᖢᓂ ᐱᕙᓪᓕᐊᑎᑕᐅᓂᐅᕗᖅᑕᐅᖅ. ᑕᐃᒪᑐᖅ ᐅᓇ ᐃᓕᓯᔪᓐᓇᕐᓂᐊᖅᐳᖅ ᒐᕙᒪᑐᖃᒃᑯᓐᓂ ᐅᖁᒪᐃᓐᓂᖓᓂ ᐃᓱᓕᕝᕕᒃᓴᐅᔪᓄᑦ ᑐᒃᓯᕋᖅᑕᐅᔪᓂ ᓄᓇᕘᑉ ᐱᖁᔭᒃᓴᖅ 25–ᒥ, ᒪᓕᒐᖅ ᐃᓚᒋᐊᖅᓯᓂᕐᒧᑦ ᐃᓕᓐᓂᐊᕐᓂᕐᒥ ᒪᓕᒐᕐᒥ ᐊᒻᒪ ᐃᓄᐃᑦ ᐅᖃᐅᓯᖓᓐᓂ ᓴᐳᔾᔨᓯᒪᓂᐅᔪᒥ ᒪᓕᒐᕐᒥ, ᖃᓂᒋᔭᖓᓂ ᐊᕐᕌᒍᓄᑦ-20-ᓄᑦ ᐱᓕᕆᕝᕕᒃᓴᖃᖅᑐᒥ ᑐᓂᓯᓂᕐᒥ ᐃᓄᒃᑐᑦ ᐃᓕᓐᓂᐊᕐᓂᐅᔪᒥ ᑕᒪᒃᑭᓄᑦ ᐃᓕᓐᓂᐊᖅᑎᐅᔪᓄᑦ — ᐊᖏᔪᒥ ᐊᒻᒪ ᐊᐃᑦᑖᕈᓱᖕᓇᕐᓂᐅᔪᒥ ᑭᖑᕙᕆᐊᖅᑕᐅᓂᖓᓂ ᓯᕗᓪᓕᖅᐸᐅᔪᒥ ᑕᐅᑐᙳᐊᖅᑕᐅᓚᐅᖅᑐᒥ 2019–ᒥ.
“ᓄᓇᕗᒻᒥ ᐃᓄᐃᑦ ᓂᕆᐅᖕᓂᖃᕐᔪᐊᓚᐅᖅᐳᑦ ᐊᒻᒪ ᓂᕆᐅᒋᔭᖃᓚᐅᖅᐳᑦ ᓄᓇᕗᒻᒥ ᒐᕙᒪᒃᑯᑦ, ᓴᖅᑭᑎᑕᐅᔪᒥ ᓄᓇᕗᒻᒥ ᐊᖏᕈᑕᐅᔪᒥ, ᑎᑭᐅᑎᓇᔭᕐᓂᖓᓂ ᐃᓄᐃᑦ ᓂᕆᐅᖕᓂᐅᔪᒥ ᑎᑭᐅᑎᔪᓐᓇᕐᓂᕐᒥ ᐃᓄᓕᒫᓄᑦ ᐃᓕᓐᓂᐊᕐᓂᐅᔪᒥ ᐱᓕᕆᔾᔪᓯᐅᔪᒥ ᐃᕿᑦᑎᔪᒥ ᐊᒻᒪ ᐱᓐᓇᕈᓱᒡᓗᑎᒃ ᐃᓄᐃᑦ ᐅᖃᐅᓯᖓᓐᓂ,” ᓄᓇᕗᒻᒥ ᑐᙵᕕᒃᑯᑦ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᖃᓚᐅᖅᐳᖅ ᐊᐃᑉᕆᓕ 25–ᒥ. “ᓄᓇᕗᒻᒥ ᒐᕙᒪᒃᑯᑦ ᐱᒋᐊᕈᑎᖓ (ᖁᔭᓈᖅᓯᓇᓱᐊᕐᓂᐅᔪᒥ ᓄᓇᕗᒻᒥ ᑐᙵᕕᒃᑯᑦ ᐃᖅᑲᖅᑐᐃᕕᒃᑰᖅᑎᑦᑎᓂᐅᔪᒥ ᐊᑭᕋᖅᑐᖅᖢᑎᒃ) ᓇᒃᓯᐅᔾᔨᕗᖅ ᑕᒻᒪᖅᑐᒥ ᐅᖃᐅᓯᒃᓴᓕᐅᕐᓂᕐᒥ ᐃᓄᐃᑦ ᐊᐱᕆᔪᓐᓇᙱᓚᑦ ᓇᓕᒧᑦᑐᒥ ᐱᓕᕆᐊᖑᓂᖏᓐᓂ ᖃᓄᖅ ᐱᕙᖕᓂᖏᓐᓂ ᐃᓕᓐᓂᐊᕐᓂᐅᔪᒥ, ᐊᒻᒪ ᐃᓄᐃᑦ ᓈᒻᒪᒍᓱᓪᓗᐊᕐᓂᖏᓐᓂ ᐋᖅᑭᒃᓱᖅᓯᒪᓂᐅᔪᒥ ᐱᑎᑦᑎᔪᓐᓇᖅᑐᒥ ᓴᖑᑎᑕᒃᓴᐅᙱᑦᑐᒥ ᐅᖃᐅᓯᕐᒥ ᐊᓯᐅᔨᓂᐅᔪᒥ.”
ᐱᓕᕆᖃᑎᒌᒃᑐᑦ ᐃᓚᐅᖃᑕᐅᔪᑦ ᖁᕕᐊᑦᑑᔮᕋᓗᐊᖅᑎᓪᓗᒋᑦ ᐃᓄᐃᑦ ᓄᓇᖓᓐᓂ ᐊᑐᐊᒐᕐᒥ ᒫᓐᓇᐅᔪᒥ – ᐊᒻᒪ ᑕᐃᒪᐃᓪᓗᐊᖅᑎᐊᖅᖢᑎᒃ – ᐊᔭᐅᕇᓐᓇᕆᐊᖃᖅᐳᒍᑦ ᐅᓇ ᐊᑐᐊᒐᖅ ᐱᔪᓐᓇᖅᑎᑕᐅᓂᐅᙱᖦᖤᑐᐊᕈᓂ ᐊᓯᖏᓐᓄᑦ ᐃᓱᒪᓕᐅᕆᓂᐅᔪᒥ
ᖃᐅᔨᓴᐃᒃᑲᓐᓂᕐᓂᐅᔪᒧᑦ ᐊᒻᒪ ᐊᑐᐊᒐᓄᑦ ᐸᕐᓇᐃᓂᐅᔪᒥ ᐅᓇᐅᙱᖔᖅᑐᒥ ᐊᖏᔪᕐᔪᐊᒥ ᐊᓯᔾᔨᕐᓂᐅᔪᒥ ᐱᓕᕆᓂᐅᔪᓂ ᓱᓕᓂᕋᐃᔪᒥ.