Skip to content

ᓴᕐᓕᑦ ᖃᕆᑕᖅ ᓴᓚᐅᓲᔭᓲᖅ ᑎᑎᕋᐅᔭᕐᓂᒃᑯᑦ

ᓴᕐᓕᑦ ᖃᕆᑕᖅ ᑎᑎᕋᐅᔭᖅᑎᐅᖏᓐᓇᖅᑐᖅ ᐊᒻᒪᓗ ᐱᔫᒥᒋᑉᓗᓂᐅᒃ ᑎᑎᕋᐅᔭᕐᓂᖅ, ᑭᓯᐊᓂ ᐊᓈᓇᑦᑎᐊᕐᒥᓃᖃᑦᑕᓚᐅᖅᖢᓂ ᐱᔫᒥᒍᓱᖕᓂᖅᓴᐅᓕᖅᓯᒪᔪᖅ ᑎᑎᕋᐅᔭᕐᓂᕐᒥᒃ ᐃᓗᐃᑦᑐᒃᑯᑦ.
27579509_web1_211222-KIV-charlotte_2
Paintings by Charlotte Karetak tell the story of northern living. Photo courtesy of Charlotte Karetak ᓴᕐᓕᑦ ᖃᕆᑕᐅᑉ ᒥᙳᐊᒐᖏᑦ ᐅᓂᒃᑳᖅᑐᐊᖅᓯᒪᔪᑦ ᐅᑭᐅᖅᑕᖅᑐᒥ ᐃᓅᖃᑦᑕᕐᓂᕐᒧᑦ.

ᓴᕐᓕᑦ ᖃᕆᑕᖅ ᑎᑎᕋᐅᔭᖅᑎᐅᖏᓐᓇᖅᑐᖅ ᐊᒻᒪᓗ ᐱᔫᒥᒋᑉᓗᓂᐅᒃ ᑎᑎᕋᐅᔭᕐᓂᖅ, ᑭᓯᐊᓂ ᐊᓈᓇᑦᑎᐊᕐᒥᓃᖃᑦᑕᓚᐅᖅᖢᓂ ᐱᔫᒥᒍᓱᖕᓂᖅᓴᐅᓕᖅᓯᒪᔪᖅ ᑎᑎᕋᐅᔭᕐᓂᕐᒥᒃ ᐃᓗᐃᑦᑐᒃᑯᑦ.

“ᐊᓕᐊᓇᐃᓚᐅᖅᑐᖅ ᐱᔫᒥᓵᖅᑕᐅᖃᑦᑕᖅᓯᒪᒐᒪ ᐊᒻᒪᓗ ᐃᑲᔪᖅᐸᒃᖢᓂᖓ ᑕᒡᕘᓇ, ᐃᓱᒪᒃᓴᖅᓯᐅᖅᓯᒪᖃᑦᑕᓚᐅᕋᒪ ᓴᖅᑭᑎᑦᑐᒪᖃᑦᑕᖅᖢᒋᓪᓗ, ᑭᓯᐊᓂ ᐅᕙᒻᓂᒃ ᐊᔭᐅᖅᑐᕈᓐᓇᕐᓇᖓ ᑕᒡᕘᓇ ᐅᕝᕙᓘᓐᓃᑦ ᐱᔫᓱᒍᓱᒃᐸᙱᖦᖢᖓ,” ᑕᐃᒪᓐᓇ ᐅᖃᖅᖢᓂ ᖃᕆᑕᖅ ᐅᖃᐅᓯᖃᖅᖢᓂ ᐊᓈᓇᑦᑎᐊᕐᒥᓂᒃ ᐊᒃᐸᓕᐊᐱᒃ ᖃᕆᑕᕐᒥᒃ. “ᑕᑯᖃᑦᑕᖅᖢᒍ ᖃᓄᖅ ᐱᓕᕆᕐᔪᐊᖅᑎᒋᖃᑦᑕᕐᓂᖓᓄᑦ ᑕᐃᒪᐃᑦᑑᔪᒪᓕᓚᐅᖅᑐᖓ.”

ᒥᖅᓱᖅᑎᐅᑉᓗᓂ, ᓱᖓᐅᔭᓕᕆᔨᐅᑉᓗᓂ ᐊᒻᒪᓗ ᓱᓇᑐᐃᓐᓇᕐᓂᒃ ᓴᓇᙳᐊᖅᐸᒃᖢᓂ, ᐊᓈᓇᑦᑎᐊᖓ ᐃᖕᒥᓂᒃ ᐃᓕᓐᓂᐊᖅᑎᑦᑎᓚᐅᕐᒥᔪᖅ ᓴᓇᙳᐊᕐᓂᖅ ᑎᑎᕋᐅᔭᕐᓂᖅ ᐱᓇᓱᐊᕐᓂᕐᒧᑦ ᑐᕌᖓᓂᖃᕐᒥᖕᒪᑦ.

ᖃᕆᑕᖅ ᐱᒋᐊᕈᑎᖃᓚᐅᖅᑐᖅ ᑎᑎᕋᐅᑎᒥᒃ ᐊᓕᓚᔪᓂᒡᓗ ᑎᑎᕋᐅᔭᕐᓂᒃᑯᑦ ᐊᒻᒪᓗ ᐱᕙᓪᓕᐊᓂᖃᓕᖅᖢᓂ ᖃᕆᑕᐅᔭᒃᑯᑦ ᑎᑎᕋᐅᔭᕐᓂᒃᑯᑦ.

ᐃᒡᓗᕐᔪᐊᑦ ᓴᓂᕋᖏᑦᑎᒍᑦ ᑎᑎᕋᐅᔭᖃᑦᑕᓕᖅᑐᖅ, ᐃᓚᖏᑦ ᑕᑯᔭᐅᔪᓐᓇᖅᑐᑦ ᓄᓇᓕᐅᑉ ᐃᓗᐊᓂ ᐱᓕᕆᕝᕕᑦ ᓴᓂᕋᖏᓐᓂᒃ, ᑎᑎᕋᐅᔭᖃᑦᑕᕐᒥᔪᖅ ᑐᓃᑦᓂᒃ.

ᐃᖕᒥᓄᑦ, ᑎᑎᕋᐅᔭᕐᓂᖅ ᑐᓴᐅᒪᖃᑦᑕᐅᑎᓂᒃᑯᑦ ᑐᕌᖓᓂᓕᒃ ᐃᖕᒥᓄᑦ ᐊᒻᒪᓗ ᐃᒃᐱᒋᔭᒥᓂᒃ ᓴᖅᑭᑎᑦᑎᔪᓐᓇᕐᓂᕐᒧᑦ. “ᐅᖃᐅᓯᒃᑯᑦ ᓇᓗᓕᖃᑦᑕᕋᒪ ᖃᓄᖅ ᐃᒃᐱᒋᔭᒻᓂᒃ ᑐᓴᖅᑎᑦᑎᓇᔭᕐᓂᕐᒧᑦ ᐅᕝᕙᓘᓐᓃᑦ ᖃᓄᖅ ᑐᓴᖅᑎᑦᑎᓇᔭᕐᓂᒻᓄᑦ ᐅᖃᐅᓯᕆᔪᒪᔭᒃᑲᓂᒃ,” ᑕᐃᒪᓐᓇ ᐅᖃᖅᖢᓂ. “ᑎᑎᕋᐅᔭᕈᓐᓇᕐᓂᕋ ᓴᖅᑭᒐᔪᒃᑐᖅ ᐊᔪᓕᐅᖅᑲᓕᖅᑎᓪᓗᖓ ᐊᒻᒪᓗ ᓇᓗᓕᐅᖅᑲᓕᖅᑎᓪᓗᖓ, ᓇᓗᓕᕌᖓᒪ ᖃᓄᖅ ᑐᓴᖅᑎᑦᑎᓇᔭᕐᓂᒻᓄᑦ ᐃᒃᐱᒋᔭᒃᑲᓂᒃ. ᑕᐃᒪᐃᒻᒪᑦ ᑎᑎᕋᐅᔭᓕᖅᐸᒃᑐᖓ ᐊᒻᒪᓗ ᑎᑎᕋᖅᖢᖓ ᐃᓛᓐᓂᒃᑯᑦ.”

ᐃᓕᓐᓂᐊᖅᑐᖅ ᑎᑎᕋᖅᑎᐅᓂᕐᒧᑦ ᐊᒻᒪᓗ ᐱᓕᕆᐊᒥᓂᒃ ᐊᑐᕐᓗᓂ ᓇᖕᒥᓂᖅᑖᕈᒪᔪᖅ, ᐊᒻᒪᓗ ᐃᓕᓐᓂᐊᖅᑎᑦᑎᔪᒪᑉᓗᓂ ᑎᑎᕋᐅᔭᖅᑎᙳᕈᒪᔪᓂᒃ ᖃᓄᖅ ᑎᑎᕋᐅᔭᖃᑦᑕᕆᐊᖃᕐᓂᕐᒧᑦ.

“ᑕᐃᒪᑐᖅ ᖃᑯᒍ ᓇᖕᒥᓂᖃᓕᕈᒫᖅᐳᖓ,” ᑕᐃᒪᓐᓇ ᐅᖃᖅᖢᓂ ᖃᕆᑕᖅ, ᐅᖃᖅᖢᓂᓗ ᐸᐸᑦᑎᔪᒪᓂᕐᒧᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᒪᓕᒐᓂᒃ ᐊᒻᒪᓗ ᐃᓚᐅᖃᑕᐅᖁᑉᓗᒋᑦ ᐊᖏᓂᖅᓴᒃᑯᑦ ᐃᓕᓐᓂᐊᕐᓂᒃᑯᑦ ᐅᑭᐅᖅᑕᖅᑐᒥ.

ᓇᓂᓯᔪᓐᓇᖅᑐᓯ ᖃᕆᑕᐅᑉ ᑎᑎᕋᐅᔭᖅᓯᒪᔭᖏᓐᓂᒃ Facebook-ᖓᒍᑦ Facebook-ᖓ ᓇᓂᔭᐅᔪᓐᓇᖅᑐᖅ ᐊᑎᖓ ᒪᓕᒡᓗᒍ Charlotte Karetak.