ᐅᒡᒍᐊᕈᑎᑕᖃᕐᔪᐊᕋᓗᐊᖅᑎᓪᓗᒍ ᑕᐃᔅᓱᒪᓂᐅᓚᐅᖅᑐᒥ ᐊᕐᕌᒍᓄᑦ 150-ᐅᖓᑖᓄᑦ ᐱᖅᑯᓯᕆᙱᑕᓄᑦ ᐱᐅᓯᖃᖅᑎᑕᐅᓂᖅ ᐊᑐᖅᑕᐅᕙᓚᐅᖅᑐᓂ, ᐅᐱᒋᕐᔪᐊᒐᒃᓴᖃᖅᐳᖅ ᖁᕕᐊᓱᒍᑎᖃᖅᑎᓪᓗᑕ ᑲᓇᑕᒥ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ ᐅᓪᓗᖓᓂ ᔫᓂ 21–ᒥ.
ᐃᖏᕐᕋᓂᐅᔪᒥ ᒐᕙᒪᑐᖃᒃᑯᓐᓂ ᒪᓕᒐᙳᖅᑎᑦᑎᓯᒪᕗᑦ 10–ᓂ 94–ᖑᔪᓂ ᖃᐃᖁᔨᓂᐅᔪᓂ ᖃᓄᐃᓕᐅᕐᓂᕐᒧᑦ ᐱᕙᓪᓕᐊᑎᑕᐅᓯᒪᔪᓂ ᓱᓕᓂᕐᒧᑦ ᐊᒻᒪ ᓴᐃᒻᒪᖃᑎᒌᖕᓂᐅᔪᒥ ᑭᓪᓕᓯᓂᐊᖅᑏᑦ ᐊᕐᕌᒍᑦ ᑕᓪᓕᒪᓂ ᐅᖓᑖᓂ. ᐊᒻᒪ ᐅᓇ ᒫᓐᓇᐅᔪᒥ ᒐᕙᒪᐅᔪᑦ ᐊᓂᒍᐃᑎᑦᑎᓯᒪᑎᓪᓗᒋᑦ ᓯᕗᓂᐊᓂ ᒐᕙᒪᐅᓚᐅᖅᑐᓂ ᐃᓱᒪᒋᓪᓗᒍ ᐃᖏᕐᕋᓂᖃᕐᓂᕐᒥ ᐋᖅᑭᒋᐊᖅᓯᓂᕐᒥ ᐊᒻᒪ ᐱᓪᓚᕆᐅᔪᓂ ᐱᓱᒃᐸᓪᓕᐅᓂᐅᔪᓂ, ᐱᔭᒃᓴᖃᕐᔪᐊᖅᐳᖅ ᓯᕗᓂᐊᓂ ᐊᒻᒪᓗ ᓱᒃᑲᒡᓕᒋᐊᕐᕕᒃᓴᖃᕐᓇᓂ.
ᖃᔅᓯᒐᓚᐃᑦ ᓄᓇᓕᖕᓂ-ᑐᙵᕕᓕᖕᓂ ᐱᒋᐊᕈᑕᐅᔪᑦ ᐱᓕᕆᐊᖑᕙᓪᓕᐊᕗᑦ, ᐊᒥᓱᑦ ᑮᓇᐅᔭᖃᖅᑎᑕᐅᓪᓗᑎᒃ ᐃᓚᖓᒍᑦ ᑲᓇᑕᒥ ᒐᕙᒪᒃᑯᓐᓂ. ᐊᑕᐅᓯᖅ ᐃᓂᐅᔪᖅ ᑕᑯᓯᒪᔪᒥ ᐅᖓᕙᕆᐊᕐᔪᐊᕐᓂᐅᔪᒥ, ᐊᒃᓱᕈᖅᖢᑎᒃ ᐃᓄᑐᖃᐃᑦ ᐊᒻᒪ ᖃᐅᔨᒪᓂᕐᒧᑦ–ᐸᖅᑭᔨᐅᔪᓄᑦ, ᐅᓇᐅᕗᖅ ᐃᓄᐃᑦ ᐅᖃᐅᓯᖓᓐᓂ ᐆᒻᒪᖅᑎᑦᑎᒋᐊᒃᑲᓐᓂᕐᓂᐅᔪᖅ.
ᐅᓇ ᑐᑭᓯᓇᖅᓯᑎᑕᐅᕗᖅ ᐱᓕᕆᐊᖑᓕᐊᖑᔪᓂ ᐊᐅᓚᑕᐅᔪᓂ ᐱᑦᖁᕆᕐᓂᒃᑯᑦ ᐃᓕᕼᐅᑎᓂᒃ/ᕿᑎᕐᒥᐅᓂ ᐃᑦᑕᕐᓂᓴᓕᕆᓂᕐᒧᑦ ᑲᑐᔾᔨᖃᑎᒌᒃᑯᑦ, ᐱᒋᐊᓚᐅᖅᑐᒥ ᐊᑕᐅᓯᐅᖃᑎᖃᖅᖢᑎᒃ ᐊᔪᕆᖅᓱᐃᓂᕐᒥ ᐃᓕᓐᓂᐊᖅᑎᑕᐅᓪᓗᑎᒃ ᐱᓕᕆᐊᖑᔪᒥ ᐃᓚᖃᖅᑐᒥ 8–ᓂ ᐃᓄᖕᓂ ᐃᓕᑦᑎᕙᓪᓕᐊᔪᓂ ᐃᓄᐃᓐᓇᖅᑐᓐ.
ᐊᓯᖏᓐᓂ ᐱᒋᐊᕈᑎᑕᖃᖅᐳᖅ ᓲᕐᓗ ᐃᓄᒃᑎᑐᑦ ᐅᖃᐅᓯᕐᒥ ᐱᓕᕆᐊᖑᔪᒥ ᐃᓚᒌᓄᑦ, ᐃᖅᑲᓇᐃᔭᕐᕕᖕᒥ ᐊᒻᒪ ᐃᓕᖅᑯᓯᒥ ᖃᓄᐃᓕᐅᕐᓂᐅᔪᑦ ᐊᑐᐃᓐᓇᐅᑎᑕᐅᓪᓗᑎᒃ ᐃᓕᑕᖅᓯᓂᖅ ᓄᓇᕗᒻᒥ ᑎᑎᕋᕈᓐᓇᕐᓂᖅ ᐅᖃᓕᒫᕈᓐᓇᕐᓂᕐᒥᓪᓗ ᑲᑐᔾᔨᖃᑎᒌᖑᔪᓄᑦ, ᐊᐅᓚᑦᑎᕙᒃᑐᓂ ᐃᖃᓗᒃᑑᑦᑎᐊᕐᒥ, ᑲᖏᖅᖠᓂᖅ ᐊᒻᒪ ᐃᖃᓗᖕᓂ.
“ᐃᓕᑕᖅᓯᓂᖅ ᑐᑭᓕᐅᕆᕗᖅ ᑎᑎᕋᕈᓐᓇᕐᓂᖅ ᐅᖃᓕᒫᕈᓐᓇᕐᓂᕐᒥᓪᓗ ‘ᑕᑯᓂᕐᒥ ᐊᒻᒪ ᖃᐅᔨᒪᓂᕐᒥ ᑕᑯᔭᕐᓂᑦ,’ ᑐᑭᓕᐊᖑᔪᖅ ᐱᕙᓪᓕᐊᑎᑕᐅᓪᓗᓂ ᐃᓄᖕᓂ ᐃᓄᑐᖃᕐᓂ ᐅᖅᓱᖅᑑᖅ, ᓄᓇᕗᒻᒥ,” ᐅᖃᖅᓯᒪᕗᖅ ᑲᑐᔾᔨᖃᑎᒌᖑᔪᑦ ᐃᑭᐊᖅᑭᕕᖓᓂ.
ᐅᓇ ᐱᒻᒪᕆᐅᕗᖅ ᐱᓕᕆᓂᐅᔪᒥ ᐸᐸᑦᑏᓐᓇᕋᓱᐊᕐᓂᕐᒥ ᐅᖃᐅᓯᕐᒥ, ᐅᖃᐅᓯᖅ ᐆᒻᒪᑎᒋᔭᐅᖕᒪᑦ ᐃᓕᖅᑯᓯᒧᑦ ᐃᓅᓯᐅᔪᓄᑦ.
ᐅᓄᕐᓂᖅᓴᐅᔪᓂ ᐊᕐᕌᒍᓂ 30–ᓂ, ᐃᓄᐃᑦ ᐱᖁᑎᖏᓐᓂ ᓇᐅᑦᓯᖅᑐᖅᑎᒃᑯᑦ (IHT) ᐃᓂᐅᔪᒥ ᐊᑎᖏᓐᓂ ᐱᓕᕆᐊᖑᔪᖅ ᓂᐱᓕᐅᕆᓯᒪᕗᑦ ᐃᓄᑐᖃᑦ ᖃᐅᔨᒪᓂᖏᓐᓂ ᓄᓇᒥ ᐊᒻᒪ ᕼᐊᓐᓇᓚᖏᓐᓂ ᐱᖅᑯᓯᑐᖃᖅᑎᒍᑦ ᐃᓂᐅᔪᓂ ᐊᑎᖏᓐᓂ ᓄᓇᕗᓕᒫᒥ.
ᐸᐸᑦᑏᓐᓇᕐᓂᕐᒥ ᐅᑯᓂᖓ ᐊᑎᕆᔭᐅᔪᓂ ᐅᓗᕆᐊᓇᖅᑐᒦᑦᑐᓂ ᐊᓯᐅᔨᔭᐅᓂᖏᓐᓂ ᐱᔾᔪᑎᖃᖅᑐᒥ ᖃᓪᓗᓈᑦ ᐊᑐᖅᐸᓚᐅᖅᑕᖏᓐᓂ ᐃᓚᐅᑎᑦᑎᙱᓐᓂᐅᔪᒥ ᐊᓯᖏᓐᓂ ᐊᑦᑎᖅᓯᓂᕐᒧᑦ ᐱᓕᕆᐊᖑᕙᒃᑐᓂ ᐊᒻᒪ ᐱᖅᑯᓯᕆᙱᑕᓄᑦ ᐱᐅᓯᖃᖅᑎᑕᐅᓂᕐᒥ ᐱᓪᓚᕆᐅᓪᓗᓂ ᐱᓕᕆᓂᐅᕗᖅ, ᐊᒻᒪ ᑕᑯᒃᓴᐅᑎᑕᐅᕗᖅ ᑐᙵᓇᕐᓂᐅᔪᒥ ᐱᓕᕆᐊᒃᓴᐅᔪᖅ ᐱᓯᒪᓂᖏᓐᓂ ᓄᓇᓕᖕᓂ ᐊᕐᕌᒍᒐᓴᓂ.
“ᐃᓄᐃᑦ ᐱᐅᒃᓴᑦᑎᐊᖅᐳᑦ ᐅᑯᓂᖓ ᓄᓇᙳᐊᖑᔪᓂ, ᐃᓗᒃᑯᑦ ᐃᒃᐱᖕᓇᕐᓂᐅᖅᑰᔨᕗᖅ, ᓴᙱᔪᒥ ᐃᒃᐱᒍᓱᒃᐳᑦ ᐊᑐᐃᓐᓇᖃᕐᓂᖏᓐᓂ ᐅᑯᓂᖓ ᑐᓴᒐᒃᓴᐅᔪᓄᑦ. ᑭᒡᒐᖅᑐᐃᕐᔪᐊᕐᒪᑦ, ᐃᒃᐱᐊᕐᔪᖕᒥᐅᑕᐅᒍᕕᑦ ᐅᕝᕙᓘᓐᓃᑦ ᐊᓯᐊᓂ ᓄᓇᓕᖕᒥ, ᖃᐅᔨᒪᕗᑎᑦ ᐅᑯᐊ ᑐᓴᒐᒃᓴᐃᑦ ᐊᓯᐅᕙᓪᓕᐊᓂᖏᓐᓂ. ᐅᓇ ᐊᒃᑐᒐᒃᓴᐅᓪᓗᓂ ᓇᑭᙶᕐᓂᐅᕗᖅ ᐱᖅᑯᓯᑐᖃᖅᑎᒍᑦ ᖃᐅᔨᒪᓂᐅᔪᒥ, ᐃᓱᒪᕗᖓ ᐊᒥᓱᓄᑦ ᐃᓄᖕᓄᑦ ᐅᓇ ᐱᒻᒪᕆᕐᔪᐊᖑᕗᖅ.”
ᔫᓂ 14–ᒥ, ᑲᓇᑕᒥ ᒐᕙᒪᒃᑯᑦ ᐅᖃᐅᓯᖃᓚᐅᕆᕗᑦ ᓯᕗᓪᓕᖅᐸᐅᔪᓂ ᑎᓴᒪᓂ ᑎᒃᑯᐊᖅᑕᐅᓯᒪᔪᓂ ᓄᑖᒧᑦ ᑎᑎᕋᕐᕕᐅᔪᒥ ᑲᒥᓴᓇᒧᑦ ᓄᓇᖃᖅᑳᖅᓯᒪᔪᓄᑦ ᐅᖃᐅᓯᕐᓄᑦ: ᑲᒥᓴᓇ ᕌᓄᑦ E. ᐃᒡᓇᐃᔅ ᐊᒻᒪ ᑐᑭᒧᐊᒃᑎᑦᑎᔨᑦ ᕌᐳᑦ ᐅᐊᑦ, ᔪᐊᔾᔩᓇ ᓕᐳᑎ ᐊᒻᒪ ᔫᓐ ᒍᕋᐃᐊᐃᔅ.
ᐃᒡᓇᐃᔅ ᐅᖃᓚᐅᖅᐳᖅ, “ᖁᕕᐊᓱᒍᑎᖃᖅᐳᒍᑦ ᐆᒥᖓ ᐅᓪᓘᔪᒥ ᐊᓂᖅᑎᕆᓂᑦᑎᓐᓂ ᓄᑖᒥ ᐃᓅᓯᐅᔪᒥ ᑕᒪᒃᑭᓄᑦ ᓄᓇᖃᖅᑳᖅᓯᒪᔪᓄᑦ ᐅᖃᐅᓯᕐᓂ ᓯᕗᓂᒃᓴᒧᑦ. ᐅᖃᐅᓯᖅᐳᑦ ᑕᕐᕋᒥ ᓇᖏᔾᔮᕈᓐᓃᖅᐳᑦ ᐊᓯᖏᓐᓂ ᐅᖃᐅᓯᕐᒥ ᐅᕙᓂ ᓄᓇᑦᑎᓐᓂ. ᐅᐱᒌᓐᓇᐅᔭᕐᓚᕗᑦ ᓄᓇᖃᖅᑳᖅᓯᒪᔪᓄᑦ ᐅᖃᐅᓯᖏᓐᓂ.”
ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᖓ ᓇᐃᑕᓐ ᐆᐱᑦ ᑐᙵᓱᒃᑎᑦᑎᓚᐅᖅᐳᖅ ᐅᖃᐅᓯᒃᓴᓕᐊᒥ, ᐅᖃᖅᖢᓂ ᑎᑎᕋᕐᕕᒃ “ᐃᑲᔪᖅᓱᐃᓂᐊᕐᓂᖓᓂ ᐃᓄᖕᓂ ᖃᐅᔨᓴᕐᓂᒃᑯᑦ ᐊᒻᒪ ᓇᐅᑦᑎᖅᓱᕐᓂᒃᑯᑦ … ᐊᒻᒪᓗᑦᑕᐅᖅ ᐊᓯᖏᓐᓂ ᐊᐅᓚᓂᐅᔪᓄᑦ ᓇᓗᓇᐃᖅᓯᓂᕐᒧᑦ ᓴᐳᔾᔨᓯᒪᓂᕐᒥ, ᐆᒻᒪᖅᑎᑦᑎᒃᑲᓐᓂᕐᓂᕐᒥ, ᐋᖅᑭᐅᒪᑎᑦᑎᓂᕐᒥ ᐊᒻᒪ ᖁᕝᕙᖅᓴᐃᓂᕐᒥ ᐃᓄᒃᑐᒻᒥ.”
ᑕᒪᒃᑮᑦ ᐅᑯᐊ ᐱᒋᐊᕈᑕᐅᔪᑦ ᐱᔨᑦᑎᕋᖅᐳᑦ ᓴᙱᒃᑎᒋᐊᖅᓯᓂᕐᒥ ᕿᓚᒃᓯᒪᓂᐅᔪᓂ ᓄᓇᒧᑦ ᓄᓇᒋᔭᑦᑎᓐᓂ.
“ᐅᑯᐊᖑᕗᖅ ᐅᑯᓂᖓ ᐊᑎᕆᔭᐅᔪᓄᑦ, ᓄᓇᒥ ᐆᒻᒪᖅᑎᑦᑎᓪᓚᕆᓲᖑᕗᖅ, ᐃᓄᒃᑎᑐᑦ ᐅᖃᕈᓐᓇᑦᑎᐊᕈᕕᑦ ᐊᒻᒪ ᑐᓴᕈᕕᑦ ᐊᑎᖏᓐᓂ, ᓴᖅᑭᑎᑦᑎᓲᖑᕗᖅ ᑕᐅᑐᙳᐊᕐᓂᕐᒥ ᑭᓱᓂᒃ ᑕᐃᑲᓂ ᓇᓂᓯᓂᐊᕐᓂᕐᓂᑦ ᐅᓇᓕ ᐋᒃᑲ Frobisher Bay, ᐃᓕᖕᓂ ᐅᖃᐅᔾᔨᓂᖃᙱᑦᑎᐊᖅᑐᖅ,” ᐱᑉᓕᓐᔅᑭ ᐅᓂᒃᑳᓚᐅᖅᐳᖅ.
ᑲᔪᖏᖅᓴᐃᓐᓇᖅᐳᖅ ᐅᐱᒋᔭᖃᕐᓂᕐᒥ ᑕᐃᔅᓱᒪᓂᐅᓚᐅᖅᑐᒥ ᑎᑭᐅᑎᔭᐅᔪᓐᓇᕐᓂᖓᓂ ᐃᓕᑦᑎᓂᒃᑯᑦ ᐊᒻᒪᓗ ᑲᑎᖃᑎᖃᒃᑲᓐᓂᕐᓂᕐᒥ ᐱᖅᑯᓯᑐᖃᖅᑎᒍᑦ ᖃᐅᔨᒪᓂᐅᔪᒥ ᐃᑲᔪᖅᑕᐅᓗᑎᒃ ᐊᒥᓱᓂ ᐊᖏᖅᓯᒪᔪᓂ ᐃᓄᖕᓄᑦ.