ᐊᑲᐅᙱᔨᐅᕈᑎ: ᐃᒡᓗᖃᖅᑎᑦᑎᓂᕐᒥ, ᓲᓕ
ᐅᖃᖅᐳᒍᑦ: ᓄᓇᕗᑦ ᐅᖃᓗᖁᔨᔪᑦ ᑲᓇᑕᒥ ᐊᖓᔪᖅᑳᕐᔪᐊᒥ ᑐᕉᑑᒥ
ᐱᕕᒃᓴᖃᕐᓂᖃᖅᐳᖅ ᐅᖃᓪᓚᖕᓕᕐᒧᑦ, ᐊᒻᒪᓗ ᐱᕕᒃᓴᖃᕐᓂᖃᖅᐳᖅ ᖃᓄᐃᓕᐅᕐᓂᕐᒥ.
ᖄᖏᖅᓯᓯᒪᔅᓲᔭᓕᖅᐳᒍᑦ ᐱᕕᒃᓴᖃᕐᓂᐅᔪᒥ ᐅᖃᓪᓚᖕᓂᕐᒧᑦ ᐅᕗᙵᖅᑎᓪᓗᒍ ᐃᒡᓗᒃᓴᖃᖅᑎᑦᑎᓂᕐᒧᑦ ᑐᐊᕕᕐᓇᕐᓂᐅᔪᒥ ᑲᓇᑕᐅᑉ ᐅᑭᐅᖅᑕᖅᑐᖓᓂ, ᐱᓗᐊᖅᑐᒥ ᓄᓇᕗᒻᒥ ᓄᓇᓕᐅᔪᓂ.
ᐅᑯᐊ ᓄᓇᓕᐅᔪᑦ ᓴᓇᔭᐅᓚᐅᖅᐳᑦ ᐱᖅᑯᓯᕆᒋᑕᓄᑦ ᐱᐅᓯᖃᓕᖅᑎᑕᐅᓂᕐᒧᑦ ᓱᓕᓂᕋᐃᓂᐅᔪᒥ ᐱᐅᓂᖅᓴᐅᔪᒥ ᐃᓅᓯᖃᕐᓂᐅᔪᒥ, ᐊᒻᒪᓗ ᓇᒃᓴᖅᓯᒪᕗᖅ ᐊᔪᕐᓇᙱᑦᑐᑯᓗᖕᒥ ᐊᒃᓱᕈᕐᓇᕐᓂᐅᔪᓂ ᑐᒃᓯᕋᓚᐅᖅᑐᓂ ᐃᓱᓕᓐᓂᐊᕐᓂᖓᓂ – ᐃᓚᖏᑦ ᑭᐅᓗᒃᑲᔭᖅᐳᑦ ᐊᖏᓂᖅᓴᓄᑦ.
ᐊᒥᓱᑦ ᐅᖁᖃᐅᖅᑐᓂ ᐃᒡᓗᒋᔭᐅᔪᑦ, ᓴᓇᓯᒪᔪᓂ ᒪᓕᖕᓂᖏᓐᓄᖅ ᖃᓪᓗᓈᑦ ᓄᓇᖓᓐᓂ ᒪᓕᒋᐊᓕᖏᓐᓂ, ᓈᒻᒪᒍᓐᓃᖅᐳᑦ ᐃᓄᖕᓄᑦ ᐃᒡᓗᒋᔭᐅᓂᖏᓐᓄᑦ.
ᑲᓇᑕᐅᑉ ᒪᓕᒐᓕᐅᖅᑎᖏᑕ ᐃᓚᒋᔭᐅᔪᒥ ᒧᒥᓛᖅ ᖃᖅᑲᖅ ᓇᓗᓇᐃᖅᓯᓚᐅᖅᐳᖅ ᐅᑯᓂᖓ ᐊᒻᒪᓗ ᐅᓄᕐᓂᖅᓴᓂ ᓈᒻᒪᙱᓐᓂᐅᔪᓂ ᐅᓂᒃᑳᓕᐊᖓᓂ ᓄᓇᕘᑉ ᐃᒡᓗᖃᖅᑎᑦᑎᓂᕐᒧᑦ ᑐᐊᕕᕐᓇᕐᓂᖓᓂ ᑕᐃᒎᓯᓂᕐᒥ ᐅᑕᖅᑭᙳᓂᕐᒥ, ᓴᖅᑭᑕᐅᓚᐅᖅᑐᒥ ᒫᔾᔨᒥ ᒪᓕᒃᑐᒥ ᐊᐅᔭᒃᑯᑦ ᐳᓚᕋᕐᓂᕆᓚᐅᖅᑕᖓᓂ 8−ᖑᔪᓂ ᓄᓇᕗᒻᒥ ᓄᓇᓕᐅᔪᓂ.
“ᓄᕙᒡᔪᐊᕐᓇᖅ-19−ᒥ ᐊᒥᓱᓄᑦ ᖃᓂᒻᒪᓐᓇᐅᔪᒥ ᓇᓗᓇᐃᖅᓯᓯᒪᕗᖅ ᑐᐊᕕᕐᓇᖅᑐᒥ ᐱᔭᕆᐊᖃᕐᓂᐅᔪᒥ ᐃᕐᙲᓐᓇᑲᐅᑎᒋ ᒐᕙᒪᑐᖃᒃᑯᓐᓂ ᑲᑎᖅᓱᖅᑕᐅᕙᓪᓕᐊᔪᒥ ᑮᓇᐅᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑦᑎᓂᕐᒥ ᐃᒡᓗᖃᖅᑎᑦᑎᓂᕐᒧᑦ ᓄᓇᕗᒻᒥ. ᕼᐊᓐᓇᖏᓐᓂ ᐃᓄᖕᓂ ᐅᑕᖅᑭᓂᐅᔪᓂ ᑎᑎᕋᖅᑕᐅᓯᒪᔪᓂ ᓄᑖᓂ ᐊᖏᕐᕋᒃᓴᓄᑦ, ᐅᖓᓯᒌᒋᐊᖃᕐᓂᐅᔪᒥ ᐊᔪᕐᓇᑲᓴᑦᑎᐊᖅᐳᖅ ᖃᔅᓯᒐᓚᖕᓂ ᐃᓄᖕᓂ ᐃᒡᓗᖃᖃᑕᐅᒧᓂ ᑕᐃᑲᓂᑦᑕᐃᓐᓇᖅ ᐃᒡᓗᕈᓯᐅᔪᒥ, ᐊᒻᒪᓗ ᐅᖂᓂᐅᔪᓂ ᖃᓄᐃᓐᓂᐅᔪᓂ ᐃᑲᔪᖅᓱᐃᕗᖅ ᐊᓂᖅᓵᖅᑐᕈᑎᖏᑦ ᒥᑭᒡᓕᓯᒪᔪᓄᑦ ᐊᒻᒪᓗ ᐊᓯᖏᓐᓂ ᐊᓂᖅᑎᕆᓂᕐᒧᑦ ᖃᓄᐃᓐᓂᐅᔪᓄᑦ ᓄᕙᒡᔪᐊᕐᓇᖅ -19−ᒥ ᐱᐅᙱᑎᑦᑎᒃᑲᓐᓂᖅᑐᒥ,” ᐅᖃᓚᐅᖅᐳᖅ ᖃᖅᑲᖅ. “ᒐᕙᒪᑐᖃᒃᑯᑦ ᓈᒻᒪᒃᑐᓂ ᑐᓂᓯᓚᐅᖅᓯᒪᙱᓚᑦ ᑮᓇᐅᔭᓂ ᑭᐅᓂᕐᒧᑦ ᐱᒋᐊᕈᑕᐅᔪᒥ ᐃᒡᓗᖃᖅᑎᑕᐅᓂᕐᒥ ᐱᔭᕆᐊᖃᕐᓂᐅᔪᓂ. ᐱᓕᕆᔭᕆᐊᖃᖅᐳᑦ ᓄᓇᕗᒻᒥᐅᑦ ᐊᑦᑕᓇᔾᔭᐃᖅᓯᒪᓂᖏᓐᓂ ᐊᒻᒪᓗ ᖃᓄᐃᙱᑦᑎᐊᕐᓗᑎᒃ ᐊᖏᕐᕋᖏᓐᓂ.”
ᐊᕐᕌᒍᒐᓵᓗᖕᓂ ᑕᐃᔅᓱᒥᖓᑦᑕᐃᓐᓇᖅ ᐅᖃᓪᓚᒍᓯᖃᖅᖢᑎᒃ ᖃᓄᐃᓕᐅᕆᐊᖃᕐᓂᖏᓐᓂ ᐆᒥᖓ ᐊᑲᐅᙱᓕᐅᕈᑕᐅᔪᒥ−ᖃᓄᐃᓕᖓᓂᐅᔪᒥ ᐱᕈᖅᐸᓪᓕᐊᖏᓐᓇᖅᑐᒥ ᐃᓱᒪᓕᐅᕆᓂᕐᒥ ᖃᓄᐃᓕᐅᕐᓂᐅᔪᒥ ᑭᖑᕙᕆᐊᖅᑕᐅᒃᑲᓐᓂᖅᐸᒃᑎᓪᓗᒍ. ᑮᓇᐅᔭᖃᖅᑎᑕᐅᓂᐅᔪᒥ ᐅᖃᐅᓯᐅᓂᐅᔪᑦ ᑐᓂᔭᐅᒐᔪᒃᐳᑦ ᒐᕙᒪᑐᐊᒃᑯᓐᓂ, ᑭᓯᐊᓂ ᐃᒪᐃᒐᔪᖕᓂᖅᓴᐅᕗᑦ ᐅᓇᐅᙱᑦᑐᒥ ᐅᖃᐅᓯᖃᒃᑲᓐᓂᕐᓂᐅᔪᒥ ᑕᐃᒃᑯᓂᖓᑦᑕᐃᓐᓇᖅ ᐊᖏᕈᑕᐅᔪᓂ.
2019−ᒥ ᒐᕙᒪᑐᖃᒃᑯᑦ ᐅᖃᐅᓯᒃᓴᓕᐊᖓᓂ ᓱᓕᓂᕋᐃᓚᐅᖅᐳᑦ “$316 ᒥᓕᐊᓐ−ᑲᓴᖕᓂ ᑐᕌᒐᕆᔭᐅᔪᓂ ᓴᐳᔾᔨᓯᒪᓂᕐᒧᑦ, ᓄᑖᙳᕆᐊᖅᑎᑦᑎᓂᕐᒥ, ᐊᒻᒪ ᐊᖏᒡᓕᒋᐊᖅᑐᒥ ᐃᓅᖃᑎᒌᖑᔪᓄᑦ ᐊᒻᒪ ᓄᓇᓕᖕᓂ ᐃᒡᓗᒃᓴᖃᖅᑎᑦᑎᓂᕐᒧᑦ, ᐊᒻᒪᓗ ᐋᖅᑭᒃᓱᐃᓂᕐᒧᑦ ᐊᒻᒪᓗ ᓴᓇᓗᑎᒃ ᐊᑭᑐᓗᐊᙱᑦᑐᓂ ᐊᖏᕐᕋᐅᔪᓂ ᓄᓇᕗᓕᒫᒥ. (ᐅᑯᐊ) ᑲᑎᖅᓱᖅᑕᐅᕙᓪᓕᐊᔪᒥ ᑮᓇᐅᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑦᑎᓂᕐᓂ– ᑲᑎᙵᖃᑎᖃᖅᑐᒥ ᑮᓇᐅᔭᖃᖅᑎᑦᑎᓂᐅᔪᒥ ᐊᑐᐃᓐᓇᐅᕌᓂᒃᑐᒥ ᐅᕘᓇ ᐃᓅᖃᑎᒌᖑᔪᓄᑦ ᐃᒡᓗᖃᖅᑎᑦᑎᓂᕐᒧᑦ ᐊᖏᕈᑕᐅᔪᒥ ᑲᓇᑕᒥ ᐊᒻᒪ ᓄᓇᕗᒻᒥ – ᐃᑲᔪᕐᓂᐊᖅᐳᖅ ᐸᐸᑦᑎᓂᕐᒥ ᐅᓄᕐᓂᖅᓴᐅᔪᓂ 1,600−ᓂ ᓄᓇᓕᖕᓂ ᐃᒡᓗᖃᖅᑎᑦᑎᓂᕐᒥ ᐃᒡᓗᒃᓴᓂ ᓄᓇᕗᓕᒫᒥ.”
ᑕᐃᓐᓇᑦᑕᐃᓐᓇᖅ ᑐᓴᒐᒃᓴᖅ ᐅᔾᔨᕆᕗᖅ “ᓄᓇᕗᑦ ᐱᔭᕆᐊᖃᕐᓂᖏᓐᓂ 3,000 ᐅᖓᑖᓂ ᐃᒡᓗᒃᓴᓂ ᑭᐅᓂᕐᒧᑦ ᒫᓐᓇᐅᔪᒥ ᐃᒡᓗᖃᖅᑎᑕᐅᓂᕐᒧᑦ ᐱᔭᐅᔪᒪᓂᐅᔪᒥ, ᐅᖓᑖᓄᑦ 4,900−ᓂ ᐃᓄᖕᓂ ᐅᕝᕙᓘᓐᓃᑦ 2,500−ᓂ ᐃᓚᒌᖑᔪᓂ ᐅᑕᖅᑭᔪᓂ ᑎᑎᕋᖅᓯᒪᔪᓂ ᐃᓄᓕᒫᓄᑦ ᐃᒡᓗᖃᖅᑎᑕᐅᓂᕐᒧᑦ.”
ᑐᑭᓯᓇᙱᓚᖅ ᐅᑯᐊ ᐅᓄᕐᓂᐅᔪᑦ ᐃᓚᖃᕐᓂᖓᓂ ᓄᓇᕗᒻᒥ ᓱᒃᑲᔪᒥ ᐱᕈᖅᐸᓪᓕᐊᔪᒥ ᒪᒃᑯᒃᑐᓄᑦ ᐃᓄᒋᐊᖕᓂᐅᔪᒥ.
ᐅᖃᐅᓯᐅᓪᓗᐊᕐᒥᔪᖅ 20 ᐳᓴᓐᑎᖓᓂ ᐊᖏᒡᓕᒋᐊᕐᓂᐅᔪᒥ ᐊᑭᐅᔪᒥ ᓴᓇᓂᕐᒧᑦ ᓄᑖᓂ ᐃᒡᓗᒃᓴᓂ 2020 ᓄᙳᐊᓂ, ᐊᒃᑐᐃᕐᔪᐊᕈᓐᓇᖅᑐᒥ ᖃᔅᓯᓂ ᐊᖏᕐᕋᐅᔪᓂ ᐊᒻᒪᓗ ᐋᖅᑭᒃᓱᖅᑕᐅᓂᖏᓐᓂ ᑕᐃᓐᓇ ᖃᑦᑕᐅᔪᖅ ᑮᓇᐅᔭᓂ ᓱᓕᔪᒥ ᑐᓂᓯᔪᓐᓇᕋᔭᕐᓂᖓᓂ ᐊᕐᕌᒍᓄᑦ−ᖁᓕᓄᑦ ᑲᑎᖅᓱᖅᑕᐅᕙᓪᓕᐊᔪᒥ ᑮᓇᐅᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑦᑎᓂᕐᒥ ᐊᑯᓂᐅᓂᖓᓂ.
ᓄᓇᕗᒻᒥ ᒐᕙᒪᒃᑯᑦ ᐊᖏᖅᓯᒪᕗᑦ ᐱᓕᕆᐊᖃᕐᓂᕐᒥ ᐅᖁᕐᒥ ᐊᑲᐅᙱᓕᐅᕈᑕᐅᒧᓂ ᓵᙵᔭᐅᔪᒥ ᐃᓄᓕᒫᓄᑦ ᐃᒡᓗᖁᑕᐅᔪᓂ ᐅᒃᑐᐱᕆᒥ, ᓯᕗᓕᖅᑎ ᔫ ᓴᕕᑲᑖᖅ ᐅᖃᐅᓯᖃᓚᐅᖅᐳᖅ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ (NHC) ᑐᕌᒐᖃᕐᓂᖏᓐᓂ ᐊᖏᖅᓯᒪᓂᕐᒧᑦ $5 ᒥᓕᐊᓐᓂ ᓄᑖᓂ ᑮᓇᐅᔭᖃᖅᑎᑕᐅᓂᐅᔪᒥ ᐅᓇᑕᕐᓂᕐᒧᑦ ᐊᑲᐅᙱᓕᐅᕈᑕᐅᔪᒥ. ᖄᖏᖅᓯᒪᓕᖅᑐᓂ ᐊᕐᕌᒍᓄᑦ ᐱᖓᓱᓄᑦ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑐᓂᐅᖅᑲᐃᓯᒪᕗᑦ $20.3 ᒥᓕᐊᓐᓂ ᐅᖁᖕᒥ ᓄᖑᓴᐃᓂᐅᔪᒥ, ᐃᓚᒋᐊᖅᓯᓚᐅᖅᐳᖅ.
ᐅᓂᒃᑳᓕᐊᖑᔪᒥ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᓂᑦ ᑲᑎᒪᔨᕋᓛᖑᐃᓐᓇᖅᑐᓂ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ, ᒫᔾᔨ 2017−ᒥ ᐅᖃᖅᓯᒪᕗᖅ: “ᓈᒻᒪᙱᑦᑐᒥ ᖁᑦᑎᒃᑐᒥ ᑭᒡᓕᐅᔪᓂ ᐊᓂᖅᑎᕆᓂᕐᒧᑦ ᐋᓐᓂᐊᕐᓂᐅᔪᓄᑦ, ᐊᐃᑦᑐᐃᓐᓇᖅᑐᒥ ᐋᓐᓂᐊᕐᓇᓂ ᐊᒻᒪᓗ ᐃᓚᒌᓄᑦ ᐋᓐᓂᖅᓯᕆᓂᐅᔪᒥ ᑲᑎᙵᓂᖃᕈᓐᓇᖅᐳᖅ ᐃᒡᓗᑦᑎᐊᔭᐅᙱᑦᑐᓂ ᖃᓄᐃᓕᖓᓂᐅᔪᓂ, ᑕᐃᒪᓐᓇᑦᑕᐅᖅ ᑐᕌᖓᔪᒥ ᐱᐅᙱᑦᑐᓂ ᐊᒃᑐᐃᓂᐅᔪᓂ ᓱᕈᓯᕐᓄᑦ ᐱᔪᓐᓇᕐᓂᖓᓂ ᐃᓕᑦᑎᔪᓐᓇᕐᓂᕐᒧᑦ ᐊᒻᒪᓗ ᐃᓅᖃᑎᒌᖑᔪᓂ ᐊᐃᑉᐸᕇᖕᓂᐅᔪᒥ.”
ᑕᑕᑦᑎᐊᖅᐳᒍᑦ ᐅᓂᒃᑳᓕᐊᓂ. ᐊᒥᓱᐊᓗᖕᓂ ᓄᓇᕗᒻᒥᐅᓂ ᐃᓚᐅᖃᑕᐅᔪᓂ ᐊᔪᙱᓐᓂᐅᔪᓂ ᐱᓕᕆᐊᖑᔪᓂ ᐃᓚᒋᔭᐅᖃᑕᐅᔪᓐᓇᖅᑐᒥ ᐋᖅᑭᒍᑎᒃᓴᐅᔪᓐᓇᖅᑐᒥ ᐋᖅᑭᒃᓯᓂᕐᒧᑦ ᓄᓇᓕᖏᓐᓂ. ᐅᑯᐊ ᒐᕙᒪᑐᖃᒃᑯᑦ ᖃᑦᑕᐅᔪᓂ ᑮᓇᐅᔭᓂ ᑲᑎᖅᓱᖅᑕᐅᕙᓪᓕᐊᔪᒥ ᑮᓇᐅᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑦᑎᒃᑲᓐᓂᓪᓗᐊᖅᐳᑦ ᓄᓇᓕᖕᓂ ᑮᓇᐅᔾᔭᒃᓴᓂᐅᔪᓂ ᖃᓄᐃᙱᑦᑎᐊᖅᑎᑕᐅᓂᖓᓂ.
ᓈᒻᒪᒃᓯᕗᖅ ᓴᓇᓂᕐᒥ ᐃᓐᓄᒍᓐᓇᕐᓂᐅᔪᒥ ᓴᓇᑎᓪᓗᑕ ᐊᒻᒪᓗ ᐋᖅᑭᒃᓱᐃᑎᓪᓗᑕ ᐃᓄᐃᑉ ᐱᐅᓂᖓᓂ ᐃᓅᓯᐅᔪᒥ.