ᐊᑲᐅᙱᓕᐅᕈᑎ: ᒪᕐᕈᖓᓂ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᒥ ᐅᓄᖅᓯᒋᐊᕐᓂᐅᔪᒥ ᓄᓇᕗᒻᒥ
ᐅᖃᖅᐳᒍᑦ: ᑕᐅᑐᒃᑕᑐᐊᖃᑲᐃᓐᓇᕐᓂᕐᒧᑦ ᐊᒃᑐᖅᑕᐅᓴᕋᐃᑦᑐᓂ
^
ᒫᓐᓇ ᐱᓇᓱᐊᕈᒥᐸᓗᖕᓂ ᐱᖓᓱᓃᓕᖅᐳᒍᑦ ᐃᑎᓂᐅᔪᒥ ᒪᕐᕈᖓᓂ ᐅᓄᖅᓯᒋᐊᕐᓂᐅᔪᒥ ᓄᕙᒡᔪᐊᕐᓇᖅ-19–ᒥ ᓄᓇᕗᒻᒥ.
ᒪᐃ 6–ᖑᔨᖅᑎᓪᓗᒍ, 157–ᓂ ᐱᖃᕐᓂᕋᐃᔪᓂ ᑯᕉᓇ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᒥ ᐅᓂᒃ
ᑲᕆᔭᐅᓯᒪᔪᓂ ᐅᕙᓂ ᐅᓄᖅᓯᒋᐊᕐᓂᐅᔪᒥ, ᐱᓗᐊᖅᑐᒥ ᐃᖃᓗᖕᓂ, ᐊᒻᒪ ᐱᕈᖅᐸᓪᓕᐊᔪᒥ ᐅᓄᕐᓂᐅᔪᓄᑦ ᐅᑭᐅᓕᖕᓂ ᒪᒃᑯᒃᑐᓂ 18 ᑐᖔᓂ.
ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᖓᔪᖅᑳᖓ ᓘᒃᑖᖅ ᒪᐃᑯᓪ ᐹᑐᓴᓐ ᑎᒃᑯᐊᕆᓚᐅᖅᐳᖅ ᐱᔮᖅᑯᒥᐅᙱᑦᑐᖅ ᐊᐃᑦᑐᐃᓂᐅᔪᒥ ᐱᔾᓚᕆᐅᔪᓂ ᓴᓇᔨᐅᔪᓂ ᐊᒻᒪᓗ ᐊᖏᕐᕋᖏᓐᓂ ᖁᕝᕙᕆᐊᕐᓂᐅᔪᒥ ᑕᐃᒃᑯᓄᖓ ᖃᓄᐃᓐᓂᐅᔪᓄᑦ.
ᖃᔅᓯᒐᓚᖕᓂᓗ ᖁᐊᖅᓵᕐᓇᖅᑐᓂ ᐃᓂᐅᔪᓂ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᑦ ᓴᖅᑭᓐᓂᖓᓂ, ᐊᐅᓚᑕᐅᑦᑎᐊᕋᓗᐊᖅᑎᓪᓗᒍ ᒫᓐᓇᐅᔪᒥ, ᐃᓱᒫᓘᑕᐅᕗᖅ ᐱᔾᔪᑎᖃᕐᓂᖓᓂ ᐊᒃᑐᖅᑕᐅᓴᕋᐃᓐᓂᐅᔪᒥ ᐃᓄᒋᐊᖑᔪᓄᑦ ᐊᒃᑐᖅᑕᐅᔪᓄᑦ – ᑕᐃᒃᑯᐊ ᕿᑭᖅᑖᓗᖕᒥ ᐃᑲᔪᖅᑕᐅᕕᖕᒥ (ᕿᑭᖅᑖᓗᖕᒥ ᐃᑲᔪᖅᑕᐅᕕᖕᒥ ) ᐊᒻᒪᓗ ᑕᒻᒫᑎᕝᕕᒃ ᐋᓐᓂᐊᕕᓕᐊᖅᑐᓄᑦ ᐊᖏᕐᕋᕆᔭᐅᔪᒥ.
ᑕᒪᓂᑐᒥᐅᔪᒥ ᐊᕐᕌᓂ, ᓯᕗᓪᓕᖅᐸᐅᔪᑦ ᐅᓄᖅᓯᕙᓪᓕᐊᓂᐅᔪᓂ ᐱᑎᓪᓗᒋᑦ ᐃᑲᔪᖅᑕᐅᕕᖕᓂ ᖃᓪᓗᓈᑦ ᓄᓇᖓᓐᓂ, ᐊᒥᓱᑦ ᓯᐊᒻᒪᖅᑎᑦᑎᔨᐅᔪᓂ ᑲᑐᔾᔨᖃᑎᒌᖑᔪᓂ ᐊᐱᖅᓱᕈᑎᖃᓚᐅᖅᐳᑦ ᐊᓄᓪᓚᒃᓯᖅᑐᑦ ᐱᔨᑦᑎᕋᕐᓂᖏᓐᓂ ᐃᖅᑲᖅᑐᐃᕕᖕᒥ ᖃᓄᐃᓕᔭᐅᔾᔪᑎᖏᓐᓂ, ᐅᕝᕙᓘᓐᓃᑦ ᐅᓄᕆᐊᓇᕐᓂᐅᔪᓂ ᐊᐃᑦᑐᐃᓂᐅᔪᒥ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᓂᑦ ᐃᓗᐊᓂ ᐱᕕᑭᑦᑐᒥ ᐃᓗᓕᖏᓐᓂ ᐅᑯᓇᓂ ᐊᓄᓪᓚᒃᓰᕕᐅᔪᓄᑦ ᓱᕋᐃᓂᖃᕐᒪᖔᑦ ᐃᓄᖕᓄᑦ ᐱᔪᓐᓇᕐᓂᕆᔭᖏᓐᓂ ᑕᐃᒃᑯᓄᖓ ᐃᓗᐊᓃᑦᑐᓄᑦ.
ᐊᐃᑉᕆᓕ 2020–ᒥ, 23–ᓂ ᐊᓄᓪᓚᒃᓯᖅᑐᐃᑦ ᐊᓂᑎᑕᐅᓚᐅᖅᐳᑦ ᕿᑭᖅᑖᓗᖕᒥ ᐃᑲᔪᖅᑕᐅᕕᖕᒥ ᐱᔾᔪᑕᐅᔪᒥ ᐃᓱᒫᓘᑕᐅᔪᓂ ᐊᒃᑐᐃᓂᐅᑐᐃᓐᓇᕆᐊᖃᖅᑐᓂ ᓄᕙᒡᔪᐊᕐᓇᖅ-19–ᒥ ᓯᐊᒻᒪᕐᓂᐊᕐᓂᖓᓂ ᐸᖕᒥᐅᖅᑐᓄᑦ ᐃᒡᓗᕐᔪᐊᖑᔪᓄᑦ.
ᖃᔅᓯᐊᕐᔪᖕᓂ ᐱᓇᓱᐊᕈᓯᕐᓂ ᐊᓂᒍᖅᑐᓂ, ᐊᐃᑉᕆᓕ 27–ᓂ, ᐃᓄᖕᒥ ᓅᑕᐅᓚᐅᖅᑐᒥ ᕿᑭᖅᑖᓗᖕᒥ ᐃᑲᔪᖅᑕᐅᕕᖕᒧᑦ ᖃᐅᔨᓴᖅᑕᐅᓂᖓ ᐱᖃᕐᓂᕋᐃᓚᐅᖅᐳᖅ ᓄᕙᒡᔪᐊᕐᓇᖅ-19–ᒧᑦ. ᑕᐃᓐᓇ ᐊᓄᓪᓚᒃᓯᖅᑐᖅ ᐃᓕᔭᐅᓚᐅᖅᐳᖅ ᐅᐸᒃᑕᐅᑦᑕᐃᓕᒪᓂᐅᔪᒥ ᑕᒪᐃᑎᒍᑦ ᐃᓄᒋᐊᖕᓂᐅᔪᓂ ᑎᑭᑎᓪᓗᒍ, ᒪᓕᒃᖢᑎᒃ ᐃᒡᓗᕐᔪᐊᑉ ᒪᓕᒋᐊᖃᕐᓂᖏᓐᓂ. ᒫᓐᓇ 10–ᓂ ᐱᑕᖃᖅᑐᖃᓕᖅᐳᖅ ᓄᕙᒡᔪᐊᕐᓇᖅ-19–ᒥ ᓇᓗᓇᐃᖅᑕᐅᔪᓂ ᕿᑭᖅᑖᓗᖕᒥ ᐃᑲᔪᖅᑕᐅᕕᖕᒥ.
ᓄᓇᕗᒻᒥ ᒐᕙᒪᒃᑯᑦ ᓱᒃᑲᔪᒥ ᑭᐅᓂᐅᔪᒥ ᐅᐸᒃᑕᐅᑦᑕᐃᓕᒪᑎᑦᑎᓂᐅᔪᒥ ᑕᒪᒃᑭᓂ ᐱᖃᕐᓂᕋᐃᔪᓂ-ᖃᐅᔨᓴᖅᑕᐅᔪᓂ ᐃᒡᓗᖃᖅᑐᓂ ᕿᑭᖅᑖᓗᖕᒥ ᐃᑲᔪᖅᑕᐅᕕᖕᒥ ᐊᒻᒪᓗ ᐅᔾᔨᖅᓱᕐᓂᖃᕐᓂᕐᒥ ᐱᔭᕆᐊᓕᖕᓂ ᐅᑯᓂᖓ ᐊᒃᑐᖅᑕᐅᓴᕋᐃᑦᑐᓂ ᐊᑦᑕᓇᔾᔭᐃᖅᓯᒪᓂᐅᔪᒥ ᐅᐱᒋᔭᐅᓪᓗᐊᖅᐳᖅ, ᑭᓯᐊᓂ ᒪᓕᒐᓕᕆᔨᒃᑯᓐᓂ ᒥᓂᔅᑕᖓ ᔪᐊᔾ ᕼᐃᒃᔅ ᐅᖃᖅᐳᖅ, “ᐊᕐᕌᒍᓕᒫᒥ ᐆᒧᖓ ᐸᕐᓇᖕᓂᖃᓚᐅᖅᐳᒍᑦ.”
ᐊᓯᐊᓂ ᐃᓱᒫᓘᑕᐅᔪᒥ ᐃᖃᓗᖕᓂ ᒪᑐᔭᐅᓚᐅᑲᖕᓂᖓᓂ ᐊᑐᐃᓐᓇᐅᑎᑕᐅᕐᔪᐊᖅᑐᒥ ᐅᖅᑯᐊᖑᔪᒥ ᐊᐅᓚᑕᐅᔪᒥ ᐅᑰᑕᖅ ᑲᑐᔾᔨᖃᑎᒌᖑᔪᓄᑦ.
ᓄᓇᓕᐸᐅᔭᖅ ᐃᖃᓗᖕᓂ ᐱᓕᕆᓂᖃᖅᓯᒪᕗᖅ ᐃᓚᖓᓐᓂ ᐃᑲᔪᕐᓂᕐᒧᑦ ᑭᐅᓂᕐᒥ ᐆᒥᖓ ᐊᑲᐅᙱᓕᐅᕈᑕᐅᔪᒥ, ᓲᕐᓗ ᐊᑐᕐᓂᕐᒥ ᐊᖅᓴᕐᓃᑦ ᑐᔪᕐᒥᕕᖓᓂ ᐊᓯᐊᒎᕈᑕᐅᔪᒥ ᐅᐸᒃᑕᐅᑦᑕᐃᓕᒪᓂᐅᔪᒥ ᐃᓂᐅᓂᖓᓂ, ᒪᑦᑐᑎᑐᐃᓐᓇᐅᕗᖅ ᐊᑲᐅᙱᔨᐅᕈᑕᐅᔪᒥ ᐱᕈᖅᐸᓪᓕᐊᖏᓐᓇᖅᑐᓂ ᐊᒻᒪᓗ ᐱᓂᖅᓴᐅᔪᒥ. ᐅᖅᑯᐊᖑᔪᖅ ᐃᒡᓕᖅᑖᒃᑲᓐᓂᕆᐊᖃᖅᐳᖅ, ᐅᓄᙱᓐᓂᖅᓴᐅᙱᑦᑐᓂ, ᐊᒻᒪᓗ ᒪᑐᔭᕆᐊᖃᖅᑎᑕᐅᓪᓗᓂ ᐃᓄᖕᓂ ᐊᑦᑕᓇᔾᔭᐃᖅᓯᓯᒪᓂᕐᒧᑦ ᐊᔾᔨᒌᙱᓐᓂᐅᕗᖅ.
ᐊᓱᐃᓛᒃ, ᑎᑭᑉᐳᒍᑦ ᐊᒃᓱᕈᕐᓇᓛᖑᔪᒥ ᒪᑐᔭᐅᓂᐅᔪᓂ, ᑮᓇᐅᔭᑎᒍᑦ ᐅᖃᓪᓚᖕᓂᐅᔪᒥ.
ᐊᒃᓱᕈᕐᓂᐅᔪᒥ ᐱᓇᓱᐊᕐᓂᕐᒥ ᐊᐅᓚᑦᑎᓂᐅᔪᒥ ᓄᕙᒡᔪᐊᕐᓇᖅ-19–ᒧᑦ ᐅᓄᖅᓯᕙᓪᓕᐊᓂᐅᔪᒥ ᓄᓘᔭᓂ ᐅᔭᕋᖕᓂᐊᕐᕕᖕᒥ, ᐹᕙᓐᓛᓐ ᓴᕕᕋᔭᒃᓴᒧᑦ ᐅᔭᕋᖕᓂᐊᕐᕕᖓ ᐅᖃᐅᓯᖃᓚᐅᖅᐳᑦ ᒪᐃ 5–ᒥ ᓴᖅᑭᑎᑦᑎᓂᐅᔪᒥ ᓄᖅᑲᖅᑎᑕᐅᓚᐅᑲᒃᐳᖅ ᐊᒻᒪᓗ ᐃᖅᑲᓇᐃᔭᖅᑎᐅᔪᑦ ᓅᑕᐅᓇᔭᕐᓂᖏᓐᓂ ᖃᓪᓗᓈᑦ ᓄᓇᖓᓐᓄᑦ ᐱᔭᕇᖅᓯᔭᖅᑐᕐᓗᑎᒃ ᐅᐸᒃᑕᐅᑦᑕᐃᓕᓂᖏᓐᓂ.
ᒪᐃ 6–ᖑᓕᖅᑎᓪᓗᒍ, 23–ᓂ ᐱᖃᖅᑐᖃᓚᐅᖅᐳᖅ ᓄᕙᒡᔪᐊᕐᓇᖅ-19–ᒥ ᐅᔭᕋᖕᓂᐊᕐᕕᖕᒥ, ᐊᑕᐅᓯᓪᓗᐊᒥ ᐅᑎᓚᐅᖅᑐᒥ ᓇᓗᓇᐃᖅᑕᐅᓪᓗᓂ B.1.6.1.7 ᓄᕙᔫᐊᕐᓇᒥ ᓴᙱᓂᖅᓴᐅᔪᒥ, ᐃᑲᔪᕋᔭᖅᑐᒥ ᐅᓂᒃᑳᕆᓂᖓᓂ ᓱᒃᑲᔪᒥ ᓯᐊᒻᒪᖅᐸᓪᓕᐊᓂᖓᓂ ᐅᓪᓗᓄᑦ ᑎᓴᒪᓄᑦ ᓯᕗᓪᓕᖅᐹᖑᔪᒥ ᐱᖃᕐᓂᕋᐃᔪᒥ ᐅᓂᒃᑳᕆᔭᐅᓂᖓᓂ.
ᐅᓇ ᐊᒃᓱᕈᕐᓇᖅᖢᓂ ᑐᓴᒐᒃᓴᐅᕗᖅ ᑕᐃᒃᑯᓄᖓ, ᐅᖃᐅᓯᖃᓚᐅᖅᑎᓪᓗᒋᑦ ᐸᖅᑭᔭᐅᓂᕐᒨᕆᐊᖃᑐᐃᓐᓇᕆᐊᖃᕐᓂᖏᓐᓂ ᐊᒻᒪᓗ ᐋᖅᑭᐅᒪᑎᑕᐅᓂᐅᔪᒧᑦ ᓯᕗᓂᒃᓴᐅᔪᒥ ᐱᔾᔪᑎᖃᖅᑐᒥ ᑲᑕᖕᓂᐅᔪᒥ ᐊᑭᖓᓐᓂ ᓴᕕᕋᔭᒃᓴᓂ.
ᐊᔪᕐᓇᕋᓗᐊᖅᑎᓪᓗᒍ ᐱᕈᖅᐸᓪᓕᐊᔪᖅ ᓄᕙᒡᔪᐊᕐᓇᕐᒧᑦ ᑕᖃᖓᓂᐅᔪᒥ ᐊᐅᓚᑕᐅᓂᖓᓄᑦ, ᑕᒪᑦᑕ ᐱᓕᕆᓂᖃᕆᐊᖃᖅᐳᒍᑦ ᓄᖅᑲᖅᑎᑦᑎᓂᕐᒥ ᐊᐃᑦᑐᐃᓂᐅᔪᒥ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᒥᑦ, ᐱᓗᐊᖅᑐᒥ ᑕᐃᒃᑯᓄᖓ ᓯᐊᒻᒪᖅᐸᓪᓕᐊᓂᐅᔪᓂ ᓄᕙᔫᐊᕐᓇᒥ ᓴᙱᓂᖅᓴᐅᔪᓂ. ᐸᖅᑭᖃᑦᑕᐅᑎᑦᑎᐊᕆᔅᓯ, ᐊᖏᕐᕋᖅᓯᒪᓗᓯ ᐊᒻᒪ ᐊᑦᑕᓇᖅᑐᒦᑦᑕᐃᓕᓗᓯ.