ᐊᑲᐅᙱᓕᐅᕈᑎ: ᒪᒃᑯᒃᑐᓂ ᓂᕈᐊᕐᓂᐅᔪᖅ
ᐅᖃᖅᐳᒍᑦ: ᒪᒃᑯᒃᑐᑦ ᑕᒻᒪᙱᑦᑐᐃᓐᓇᐅᕗᑦ
ᐱᖁᔭᒃᓴᖅ ᒥᒃᖠᒋᐊᖅᑎᑦᑎᓂᕐᒧᑦ ᓂᕈᐊᕈᓐᓇᕐᓂᕐᒧᑦ ᐅᑭᐅᖓᓂ 18–ᒥ 16–ᓄᑦ ᐅᑭᐅᓕᖕᓄᑦ ᒪᕐᕈᖓᓂ ᐅᖃᓕᒫᖅᑕᐅᓂᖃᖅᐳᖅ ᑲᓇᑕᐅᑉ ᒪᓕᒐᓕᐅᕐᕕᖓᑕ ᑲᑎᒪᕕᒡᔪᐊᖓᓂ.
ᒫᓂᑑᐸᒥ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎ ᒥᐊᕆᓘ ᒪᒃᕕᑐᕋᓐ ᓴᖅᑭᑎᑦᑎᓚᐅᖅᐳᖅ ᐱᖁᔭᒃᓴᒥ ᐊᒻᒪ ᐊᐱᕆᓚᐅᖅᖢᓂ ᑲᑎᒪᔨᐅᖃᑎᖏᓐᓂ ᐃᓱᒪᒃᓴᖅᓯᐅᕆᓂᕐᒥ ᐱᑕᖃᑐᐃᓐᓇᕆᐊᖃᕐᓂᖓᓂ ᑎᒍᒥᐊᕐᓂᖓᓂ ᐆᒻᒪᖅᑎᑦᑎᒃᑲᓐᓂᕐᓂᕐᒥ ᑲᓇᑕᐅᑉ ᒐᕙᒪᒋᔭᐅᔪᒥᒃ ᓂᕈᐊᕈᓐᓇᕐᓂᖓᓂ.
ᐊᐃᑉᕆᓕ ᓄᙳᐊᓂ, ᒪᒃᕕᑐᕋᓐ ᐊᒻᒪ ᓄᓇᕗᒻᒥ ᑲᓇᑕᐅᑉ ᒪᓕᒐᓕᐅᖅᑎᖏᑕ ᐃᓚᒋᔭᐅᔪᖅ ᒧᒥᓛᖅ ᖃᖅᑲᖅ ᑲᑎᒪᓂᖃᓚᐅᖅᐳᖅ ᐃᓄᒃᓱᒃ ᖁᑦᑎᒃᑐᒥ ᐃᓕᓐᓂᐊᕐᕕᖓᓂ ᐃᓕᓐᓂᐊᖅᑎᓂ ᐱᔾᔪᑎᖃᖅᑐᒥ ᐱᓕᕆᓂᐅᔪᓂ ᐃᓕᓐᓂᐊᕐᕕᐊᕈᓯᖅ ᐱᓕᕆᓚᐅᕐᓂᖏᓐᓂ ᓂᕈᐊᕐᓂᖅ16–ᒧᑦ ᐱᓕᕆᐊᒃᓴᐅᔪᒥ ᐊᒻᒪᓗ ᐃᑲᔪᖅᓱᐃᓂᕐᒧᑦ ᐊᓂᒍᖅᑕᐅᓂᖓᓂ ᐆᒥᖓ ᐱᖁᔭᒃᓴᒧᑦ.
ᐊᑕᐅᓯᕐᒥ ᐃᓕᓐᓂᐊᖅᑎᐅᔪᒥ ᑎᒃᑯᐊᕆᓚᐅᖅᐳᖅ ᐊᒥᓱᑦ 18-ᓂ–ᐅᑭᐅᓕᖕᓂ ᐃᓯᖅᐸᓪᓕᐊᔪᓂ ᐃᖅᑲᓇᐃᔭᖅᑎᐅᖃᑕᐅᔪᓂ ᐊᒻᒪᓗ ᐃᓕᑦᑎᕙᓪᓕᐊᔪᓂ ᓇᓂᓵᖅᑕᒥᓂ ᐃᓐᓇᕈᖅᐸᓪᓕᐊᓂᐅᔪᒥ ᐅᓚᕕᓴᖅᑕᐅᓲᖑᕗᑦ ᑲᒪᒋᔭᒃᓴᒥᓂ ᐃᓚᐅᖃᑕᐅᓲᒥᒃ ᐃᒻᒥᒃᑰᕈᓐᓇᖅᓯᓂᖓᓐᓂ. ᑖᔅᓱᒧᖓ ᐱᔾᔪᑕᐅᔪᒥ, ᑐᑭᖃᑦᑎᐊᖅᐳᖅ ᐃᓱᒪᓕᖅᑎᑦᑎᓂᕐᒥ ᐱᒻᒪᕆᐅᓂᖓᓂ ᑲᑎᒪᔨᕐᔪᐊᖑᓂᐅᔪᒥ ᐊᒻᒪ ᓂᕈᐊᕐᓂᕐᒧᑦ ᓯᕗᓂᐊᓂ ᑕᐃᒃᑯᐊᓕᒫᓂ ᓵᓚᖃᕋᓱᐊᕐᓂᐅᔪᓂ ᐱᔪᒪᔭᐅᔪᓂ ᓵᙵᔭᐅᖔᕈᒪᔪᓄᑦ.
ᐅᓚᕕᓴᖅᓯᒪᔪᒥ 18-ᒥ–ᐅᑭᐅᓕᖕᒥ ᓂᕈᐊᖅᐸᙱᑦᑐᒥ 50-ᒥ–ᐅᑭᐅᖃᓕᒐᔪᒃᐳᑦ ᓂᕈᐊᖅᑎᐅᔪᒥ ᐃᓱᒫᓗᒋᔭᐅᓗᐊᙱᓐᓂᐅᔪᒥ. ᐊᔭᐅᕆᔭᐅᓯᒪᑐᐊᕈᕕᑦ ᐊᔾᔨᒋᙱᑕᖓᓂ ᓴᖅᑭᑎᑦᑎᓂᐅᔪᒥ ᓂᐱᖕᓄᑦ ᐊᒻᒪᓗ ᓲᕐᓗ ᓄᓇᕐᔪᐊᖅ ᖃᓄᐃᙱᓐᓂᖓᓂ ᑕᐃᒪᐃᙱᓐᓂᐅᔪᒥ, ᖃᓄᐃᒻᒪᑦ ᑕᐃᒪᐃᓪᓕ ᕼᐃᓖ?
ᐃᓱᒫᓗᒋᔭᐅᓗᐊᙱᓐᓂᐅᔪᖅ ᐱᔨᑦᑎᕋᑐᐃᓐᓇᓲᖑᕗᖅ ᑕᐃᒃᑯᓄᖓ ᐊᔪᙱᓐᓂᖃᖅᑐᓄᑦ, ᑭᓯᐊᓂ.
ᐃᑲᔪᖅᓱᐃᓂᕐᒥ ᐱᖁᔭᒃᓴᖅ S-209–ᒥ ᑲᓇᑕᐅᑉ ᒪᓕᒐᓕᐅᕐᕕᖓᑕ ᑲᑎᒪᕕᒡᔪᐊᖓᓂ ᓄᕕᐱᕆ 5–ᒥ, ᒪᒃᕕᑐᕋᓐ ᐅᖃᓚᐅᖅᐳᖅ, “ᑭᐅᓘᑎᓂᐅᔪᑦ ᐊᑦᑎᒃᓯᒋᐊᖅᓯᓂᐅᔪᒥ ᒪᓕᒐᑎᒍᑦ ᓂᕈᐊᕈᓐᓇᕐᓂᕐᒧᑦ ᐅᑭᐅᖑᔪᖅ 16–ᒧᑦ ᐊᔾᔨᒋᕙᐅᒃ ᑭᐅᓘᑎᓂᐅᓚᐅᖅᑐᓂ ᐊᑦᑎᒃᓯᒋᐊᖅᓯᓂᕐᒥ ᓂᕈᐊᕈᓐᓇᕐᓂᕐᒧᑦ ᐅᑭᐅᖑᔪᒥ 18–ᒧᑦ 1940–ᖏᓐᓂ, 1950–ᖏᓐᓂ ᐊᒻᒪᓗ 1960–ᖏᓐᓂ. ᐄᓪᓚᕆᒃ, ᐊᔾᔨᖃᖅᐳᖅ ᑭᐅᓘᑎᓂᐅᔪᒥ ᐊᕐᓇᐃᑦ ᓂᕈᐊᕈᓐᓇᖅᑎᑕᐅᓪᓗᐊᕐᓂᖏᓐᓂ. ᐅᓪᓗᒥ ᓈᒻᒪᒋᔭᐅᙱᓐᓂᐅᒐᔪᒃᑐᓂ ᒪᒃᑯᒃᑐᓂ ᐊᔾᔨᖃᖅᐳᖅ ᑕᐃᔅᓱᒪᓂ ᑭᐅᓘᑎᓂᐅᕙᓚᐅᖅᑐᓂ, ᑭᓯᐊᓂ ᐃᔾᔪᐊᕐᓂᐅᕗᑦ ᑕᑯᒃᓴᐅᓂᖃᕐᓇᓂ.”
ᒪᒃᑯᒃᑐᑦ ᐅᖃᐅᔾᔨᓯᒪᓂᖅᓴᐅᓕᖅᐳᑦ ᑕᐃᒪᐃᑉᐸᓚᐅᕐᓂᖓᓐᓂ, ᐃᓚᖓᒍᑦ ᐱᔾᔪᑎᖃᖅᑐᒥ ᒪᑐᐃᖓᓂᐅᔪᒥ ᑭᒡᓕᐅᔪᓂ ᐋᔩᖃᑎᖃᕐᓂᐅᔪᒥ ᖃᕋᓴᐅᔭᒃᑯᑦ. ᐃᓚᐅᓂᖅᓴᒻᒪᕆᐅᓕᕆᕗᑦ ᑕᐃᔅᓱᒪᓂᐅᓚᐅᖅᑐᒥ, ᒪᒃᑯᒃᑐᓄᑦ ᑲᑎᒪᔨᓄᑦ ᐊᒻᒪᓗ ᒪᒃᑯᒃᑐᓂ ᑭᒡᒐᖅᑐᐃᔨᓂ ᐱᑕᖃᕐᓂᐅᔪᒥ ᑭᓱᑐᐃᓐᓇᑦᑎᐊᒧᑦ ᐊᑲᐅᙱᓕᐅᕈᑕᐅᔪᒧᑦ – ᐊᒻᒪᓗ ᐅᖃᐅᓯᒃᓴᖏᑦ ᕿᓂᖅᑕᐅᒐᔪᒃᐳᑦ ᐃᓄᑐᖃᓄᑦ ᐱᓕᕆᖃᑎᒋᔭᒥᓂᑦ.
ᑕᒪᒃᑭᑲᓴᐃᑦ ᑲᑎᒪᔨᕐᔪᐊᖑᔪᓄᑦ ᐱᓕᕆᔪᑦ ᐱᔪᓐᓇᖅᑎᑦᑎᓲᖑᕗᑦ ᐃᓚᒋᔭᐅᓂᐅᔪᒥ ᐅᑭᐅᖃᓕᖅᑎᓪᓗᒋᑦ 14–ᓂ. ᐃᓚᖏᑦ ᐆᒻᒪᕆᒃᑐᓂ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᐸᒃᑐᑦ ᐅᕙᙶᓲᖑᕗᑦ 14- ᓂ 17-ᓄᑦ–ᐅᑭᐅᓕᖕᓂᙶᖅᑐᓂ.
ᐅᒃᐱᕈᓱᒃᐸᒌᖅᐳᒍᑦ 16-ᓂ–ᐅᑭᐅᓕᖕᓂ ᓄᓇᓯᐅᑎᓂ ᐊᖁᓐᓂᕐᒧᑦ, ᐅᖃᐅᔾᔨᓯᒪᔪᒥ ᐊᖏᕐᓂᐅᔪᒥ ᐊᐃᑉᐸᕇᖕᓂᐅᔪᒥ, ᐊᑎᓕᐅᕆᓂᕐᒥ ᐅᓇᑕᖅᑐᒃᓴᓄᑦ ᓴᓂᕐᕙᒃᑕᐅᓯᒪᔪᓄᑦ ᐊᒻᒪ ᐊᑭᓖᓂᕐᒧᑦ ᑖᒃᓯᓂᑦ ᑮᓇᐅᔾᔭᒃᓴᓂᖏᓐᓄᑦ.
ᐃᓄᐃᑦ ᐅᑭᐅᓕᖕᓂ 30–ᓂ ᑐᖔᓂ ᐋᖅᑭᒃᓱᖅᓯᒪᕗᖅ ᑕᒪᒃᑭᒐᓚᐅᔪᓂ ᓄᓇᕘᑉ ᐃᓄᒋᐊᖕᓂᖏᓐᓂ.
“ᒪᒃᑯᒃᑐᑦ ᓵᙵᓲᖑᕗᑦ ᐱᒻᒪᕆᐅᔪᓂ ᐊᒻᒪ ᐱᓪᓚᕆᐅᔪᓂ ᐊᑲᐅᙱᓕᐅᕈᑕᐅᔪᓂ ᑲᑎᓲᖑᔪᒥ ᐊᑐᕐᓂᖃᐅᑎᖓᓐᓂ ᒐᕙᒪᐅᔪᓂ. 2018–ᒥ, ᐃᓄᐃᑦ ᐅᑭᐅᓕᖕᓂ 18 ᑐᖔᓂ ᒪᕐᕈᐃᓪᓗᐊᖅᑐᒥ ᐃᓅᓯᖃᕐᓂᐊᕐᓂᖏᓐᓂ ᐊᔪᖅᓴᕐᓂᐅᔪᒥ ᐅᕙᑦᑎᓐᓂᓗᒃᑖᖅ,” ᐅᖃᓚᐅᖅᐳᖅ ᒪᒃᕕᑐᕋᓐ. “ᑕᐃᔅᓱᒪᓂᑐᖃᖅ, ᒪᒃᑯᒃᑐᓂ ᐃᖅᑲᓇᐃᔮᖃᙱᓐᓂᐅᔪᒥ ᖁᑦᑎᖕᓂᖅᓴᐅᒐᔪᒃᐳᖅ ᐊᒥᐊᒃᑯᖓᓂ ᑕᒪᐃᑎᒍᖅ ᐃᓄᒋᐊᖕᓂᐅᔪᓂ, ᐊᒻᒪᓗ ᑕᑯᕐᔪᐊᖅᐸᕗᑦ ᒫᓐᓇᐅᔪᒥ ᐊᒥᓱᓄᑦ ᖃᓂᒻᒪᓐᓇᐅᔪᒥ ᕿᑎᐊᓂ.”
ᒪᒃᑯᒃᑐᑦ ᑲᓇᑕᒥ ᐱᔪᓐᓇᑦᑎᐊᖅᐳᑦ ᐊᒻᒪᓗ ᐱᔪᒪᕗᑦ ᐃᓚᐅᖃᑕᐅᓂᕐᒥ ᓂᕈᐊᕈᓐᓇᕐᓂᐅᔪᒥ ᐱᓕᕆᓂᐅᔪᒥ. ᑕᐃᒃᑯᐊᑦᑕᐃᓐᓇᒋᕗᑦ ᐱᓂᐊᖅᑐᓄᑦ ᐊᑲᐅᙱᓕᐅᕈᑕᐅᔪᓂ ᒐᕙᒪᐅᔪᓂ ᓯᕗᓂᐊᓂ ᑎᑭᓚᐅᖅᑐᓄᑦ.
ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎ ᒥᐊᕆ ᔭᐃᓐ ᒪᑲᓚᒻ, ᐃᑲᔪᖅᓱᐃᓂᕐᒥ ᐱᖁᔭᒃᓴᒥ, ᐅᖃᓚᐅᖅᐳᖅ ᑎᓯᐱᕆ 3–ᒥ, “ᐃᓱᒪᒋᔭᐅᓂᐅᔪᒥ ᑯᕇᒥ ᐊᕐᓇᐅᔪᒥ, ᐅᓇ ᐱᖁᔭᒃᓴᖅ ᐱᔾᔪᑎᖃᖅᐳᖅ ᐆᒻᒪᖅᑎᑦᑎᒃᑲᓐᓂᕐᓂᕐᒥ ᓄᓇᖃᖅᑳᖅᓯᒪᔪᓂ,ᐊᓪᓚᖓᔪᓂ, ᐃᓄᖕᓂ ᐊᒻᒪᓗ ᓇᓗᓇᐃᒃᑯᑕᖃᙱᑦᑐᓄᑦ ᒪᒃᑯᒃᑐᓂ, ᐊᒻᒪᓗ ᐃᑲᔪᖅᓱᐃᓂᖓᓂ ᐃᒻᒥᖕᓂᒃ–ᐃᓱᒪᓕᐅᕆᔪᓐᓇᕐᓂᖏᓐᓂ.”
ᐱᐅᓂᖅᐹᖑᔪᖅ ᒪᒃᑯᒃᑐᖁᑎᑦᑎᓐᓂ ᐱᕈᖅᓴᓂᕐᒧᑦ ᓯᕗᓕᐅᖅᑎᐅᔪᓄᑦ ᖃᐅᒃᐸᒧᑦ ᓇᓗᓇᐃᖅᓯᓂᕐᒥ ᐃᓚᐅᖃᑕᐅᔪᓐᓇᕐᓂᖏᓐᓂ ᑲᑎᒪᔨᕐᔪᐊᖑᔪᓂ ᐱᓕᕆᓂᐅᔪᓂ ᕿᓚᒻᒥᐅᓂᖅᐹᖑᔪᒥ ᐊᔪᕐᓇᙱᓐᓂᖓᓂ.