ᔫᓂ 3, 2019–ᒥ, ᑲᓇᑕᒥ ᐊᐱᖅᓱᕐᓂᐅᔪᒥ ᐊᓯᐅᖅᑲᔪᓄᑦ ᐊᒻᒪ ᐃᓄᐊᖅᑕᐅᔪᓄᑦ ᓄᓇᖃᖅᑳᖅᓯᒪᔪᓄᑦ ᐊᕐᓇᓄᑦ ᓂᕕᐊᖅᓵᓄᓪᓗ (MMIWG) ᑐᓂᓯᓚᐅᖅᐳᑦ ᑭᖑᓪᓕᖅᐹᖅᓯᐅᑎᖓᓂ ᐅᓂᒃᑳᓕᐊᒥ. ᐅᕙᓂ ᖃᓄᐃᓐᓂᐅᔪᒥ, ᑲᓇᑕᒥ ᐊᖓᔪᖅᑳᕐᔪᐊᖓ ᓇᓗᓇᐃᖅᓯᒃᑲᓐᓂᓚᐅᖅᐳᖅ ᑲᓇᑕᒥ ᒐᕙᒪᒃᑯᓐᓄᑦ ᐊᖏᖅᓯᒪᓂᖓᓂ ᑭᐅᓂᕐᒧᑦ ᐆᒥᖓ ᐊᑲᐅᙱᓕᐅᕈᑕᐅᔪᒥ.
“ᐊᓯᐅᖅᑲᔪᓄᑦ ᐊᒻᒪ ᐃᓄᐊᖅᑕᐅᔪᓄᑦ ᓄᓇᖃᖅᑳᖅᓯᒪᔪᓄᑦ ᐊᕐᓇᓄᑦ ᓂᕕᐊᖅᓵᓄᓪᓗ ᑲᓇᑕᒥ, ᐃᓚᖏᓐᓄᑦ, ᐊᒻᒪ ᐆᒪᔪᓄᑦ – ᐃᓕᔅᓯᓐᓄᑦ ᐱᔨᑦᑎᑲᒻᒪᓚᐅᕋᑦᑕ, ᑭᓯᐊᓂ ᑕᐃᒪᐃᖃᑦᑕᕐᓂᐊᕈᓐᓃᖅᑐᒍᑦ ᓯᕗᓂᒃᓴᑦᑎᓐᓂ,” ᔭᔅᑎᓐ ᑐᕉᑑ ᐅᖃᓚᐅᖅᐳᖅ.
ᒥᐊᕆᐊᓐ ᐳᓗᕐ, ᐊᖓᔪᖅᑳᕆᔭᐅᓪᓗᓂ ᑲᒥᓴᓇᖓ ᐊᐱᖅᓱᕐᓂᐅᔪᒥ, ᐅᖃᓚᐅᖅᐳᖅ ᑕᐃᔅᓱᒪᓂ, “ᐅᓇ ᐅᓂᒃᑳᓕᐊᖅ ᑐᕌᖓᓂᖃᖅᑐᒥ ᐃᓅᖃᑎᒥᒃ, ᑭᓇᐅᓂᖓᓂ ᐊᒻᒪ ᐊᖑᑕᐅᓂᖓᓂ ᐊᕐᓇᐅᓂᖓᓂ–ᑐᙵᕕᓕᖕᓂ ᓄᖑᓴᐃᓂᐅᓇᓱᐊᕐᓂᐅᕗᖅ.”
ᑭᓪᓕᓯᓂᐊᖅᑕᐅᓯᒪᔪᑦ ᐅᕙᑦᑎᓐᓂ ᐅᖃᐅᔾᔨᕗᑦ ᓄᓇᖃᖅᑳᖅᓯᒪᔪᓄᑦ ᐊᕐᓇᐃᑦ ᐊᒻᒪ ᓂᕕᐊᖅᓵᑦ 12–ᖏᖅᓱᓪᓗᐊᖅᑐᒥ ᐅᓄᕐᓂᖅᓴᐅᔪᒥ ᐊᓯᐅᖅᑲᔪᓐᓇᖅᐳᑦ ᐊᓯᖏᓐᓂ ᓇᓗᓇᐃᖅᑕᐅᓯᒪᔪᓄᑦ ᐃᓄᖕᓄᑦ ᐃᓄᒋᐊᖕᓂᐅᔪᓂ ᑲᓇᑕᒥ ᐊᒻᒪ ᐃᓄᐃᑦ ᐊᕐᓇᐃᑦ ᐊᑐᕐᓂᖃᓲᖑᕗᑦ ᖁᑦᑎᓛᖑᔪᒥ ᐅᓄᕐᓂᐅᔪᒥ ᐋᓐᓂᖅᓯᕆᓂᐅᔪᒥ ᑲᓇᑕᒥ, 14-ᖏᖅᓱᕐᓗᒍ ᐅᓄᕐᓂᖅᓴᐅᔪᒥ ᑲᓇᑕᒥ ᑕᐃᒪᐃᒐᔪᖕᓂᐅᔪᒥ.
ᑭᓪᓕᓯᓂᐊᕐᓂᖅ ᐅᖃᐅᓯᖃᓪᓚᕆᙱᑦᑑᕗᑦ, ᑭᓯᐊᓂ, ᐊᒻᒪ ᑕᑯᒃᓴᐅᑎᑦᑎᑐᐃᓐᓇᖅᐳᑦ ᐃᓚᐃᓐᓇᑯᓗᖓᓐᓂ ᒥᑭᑦᑐᒥ ᑕᑯᓂᐅᔪᒥ.
ᑕᐃᒫᒃ, ᒪᕐᕈᖓᓂ–ᐊᕐᕌᒍᒥ ᓇᓪᓕᐅᓐᓂᖅᓯᐅᕐᓂᖓᓂ ᐊᓯᐅᖅᑲᔪᓄᑦ ᐊᒻᒪ ᐃᓄᐊᖅᑕᐅᔪᓄᑦ ᓄᓇᖃᖅᑳᖅᓯᒪᔪᓄᑦ ᐊᕐᓇᓄᑦ ᓂᕕᐊᖅᓵᓄᓪᓗ ᑭᖑᓪᓕᖅᐹᖅᓯᐅᑎᖓᓂ ᐅᓂᒃᑳᓕᐊᖓᓂ ᓴᖅᑭᑕᐅᓂᖓᓂ, ᐱᒻᒪᕆᐅᕗᖅ ᑕᑯᓂᕐᒥ ᑲᓇᑕᒥ ᐃᓄᖕᓄᑦ ᖃᓄᐃᓕᐅᕐᓂᐅᔪᒥ ᐸᕐᓇᐅᑎᒥ ᐊᓯᐅᖅᑲᔪᓄᑦ ᐊᒻᒪ ᐃᓄᐊᖅᑕᐅᔪᓄᑦ ᓄᓇᖃᖅᑳᖅᓯᒪᔪᓄᑦ ᐊᕐᓇᓄᑦ, ᓂᕕᐊᖅᓵᓄᑦ ᐊᒻᒪ 2SLGBTQQIA+ ᐃᓄᖕᓄᑦ, ᐃᓚᒋᔭᐅᓂᖓᓂ ᑲᓇᑕᒥ ᑭᐅᓂᐅᔪᒥ ᐊᐱᖅᓱᕐᓂᐅᔫᑉ ᓇᓂᔭᖏᓐᓂ, ᐱᔭᕇᖅᑕᐅᔪᒥ ᐊᕐᕌᒍᓕᒫᒥ ᑭᖑᕙᕆᐊᕐᓂᐅᔪᒥ.
ᐊᐃᑦᑖᖑᒐᓗᐊᖅ ᐸᕐᓇᐅᑎᒥ ᑐᕌᖓᓇᓱᐊᖅᑐᒥ ᖃᓱᒋᐊᖅᑎᑦᑎᓂᕐᒥ ᐃᓚᖏᓐᓂ ᐱᓕᕆᔾᔪᓯᐅᔪᒥ ᓇᓕᒧᑎᑕᐅᙱᓐᓂᐅᔪᒥ ᓵᙵᔭᐅᔪᒥ ᑕᐃᒃᑯᓄᖓ ᐊᓯᐊᒎᖅᑐᒥ ᐊᒃᑐᖅᑕᐅᓯᒪᔪᓄᑦ ᓄᕙᒡᔪᐊᕐᓇᖅ-19–ᒧᑦ ᐊᒥᓱᓄᑦ ᖃᓂᒻᒪᓐᓇᐅᔪᒥ, ᐅᓂᒃᑳᕆᔭᐅᓯᒪᓂᖓᓂ ᑲᓇᑕᒥ ᑭᓪᓕᓯᓂᐊᖅᑎᒃᑯᓐᓂ ᐱᓇᓱᐊᕈᓯᐅᓚᐅᖅᑐᒥ, ᑭᖑᕙᕆᐊᖅᑕᐅᓂᖓᓂ ᑕᐃᒃᑯᓄᖓᑦᑕᐃᓐᓇᖅ ᖃᓄᐃᓐᓂᐅᔪᓄᑦ, ᑭᓯᐊᓂ ᐸᕐᓇᐅᑎᖃᓕᑕᐃᓐᓇᖅᐳᒍᑦ ᐃᓚᖃᖅᑐᒥ 51–ᓂ ᓄᓇᓕᖕᓂ ᐃᓄᐃᑦ ᓄᓇᖓᓐᓂ ᐊᒻᒪ ᐃᓄᖕᓄᑦ ᓄᓇᖃᖅᑐᓂ ᖃᓪᓗᓈᑦ ᓄᓇᖓᓐᓂ.
ᐱᕙᓪᓕᐊᑎᑕᐅᓪᓗᓂ 10-ᓂ–ᐃᓄᓕᖕᓂ ᑲᓇᑕᒥ ᐃᓄᖕᓂ ᐱᓕᕆᓪᓗᑎᒃ ᑲᑎᙵᓂᐅᔪᓂ ᐊᒻᒪ ᐃᒃᓯᕙᐅᑕᖃᑎᖃᖅᖢᓂ ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪ ᐸᐅᒃᑑᑎᑦ ᐃᓄᐃᑦ ᐊᕐᓇᓄᑦ ᑲᓇᑕᒥ, ᑲᒪᓇᖅᖢᓂ ᑎᑎᖅᑲᖁᑕᐅᕗᖅ, ᐊᖏᓂᖓᓂ ᐊᒻᒪ ᑎᑭᐅᑎᓂᐅᔪᒥ, ᑕᑯᒃᓴᐅᑎᑦᑎᕗᖅ ᑲᓇᑕᒥ ᐃᓄᖕᓄᑦ ᐱᔪᓐᓇᕐᓂᕆᔭᐅᔪᓂ ᐱᓕᕆᐊᕆᔭᕆᐊᓕᖏᓐᓂ ᑭᐅᔭᐅᔭᕆᐊᖃᕐᓂᐅᔪᓄᑦ ᐅᕘᓇ ᐊᖏᔪᒻᒪᕆᐊᓗᖕᒥ ᐊᔾᔨᒌᙱᕈᓘᔭᖅᑐᓂ ᓄᓇᓖᑦ ᐊᑐᖅᐸᒃᑕᖏᓐᓂ ᐊᐅᓚᔪᓐᓇᖁᓪᓗᒋᑦ, ᐃᓕᓐᓂᐊᕐᓂᕐᒧᑦ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᓂᐅᔪᒥ ᐊᒻᒪᓗ ᒪᓕᒐᓕᕆᓂᕐᒧᑦ ᑲᑎᖅᓱᖅᑕᐅᕙᓪᓕᐊᔪᓄᑦ ᑮᓇᐅᔭᑦ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᓯᑕᐅᔪᓄᑦ.
ᓄᓇᕗᒻᒥ ᒐᕙᒪᒃᑯᑦ ᐃᓄᓕᕆᔨᒃᑯᓐᓂ ᒥᓂᔅᑕᖓ ᐃᓕᓴᐱ ᓯᐅᑎᐊᐱᒃ ᐅᖃᓚᐅᖅᐳᖅ ᔫᓂ 7–ᒥ “ᓄᓇᕗᒻᒥ ᒐᕙᒪᒃᑯᑦ (GN) ᐊᔾᔨᐅᙱᑦᑐᒥ ᐃᓕᓯᒪᕗᖅ ᐅᖓᕙᕆᐊᖅᓯᓂᕐᒥ ᑲᓇᑕᒥ ᐊᐱᖅᓱᖅᑕᐅᓂᐅᔪᒥ ᖃᐃᖁᔨᓂᐅᔪᓄᑦ ᒪᓕᒐᓕᕆᓂᕐᒧᑦ ᐊᑯᓂᐅᔪᒃᑯᑦ, ᐱᓗᐊᖅᑐᒥ ᐃᓄᖕᓄᑦ–ᑐᕌᖓᔪᓄᑦ ᐱᓕᕆᐊᖑᔪᓄᑦ, ᐱᓕᕆᐊᖑᔪᑦ, ᐊᑐᐊᒐᑦ ᐊᒻᒪ ᐱᒋᐊᕈᑕᐅᔪᑦ ᑕᐅᑐᙳᐊᖅᑕᐅᕙᖕᒪᑕ ᐊᒻᒪ ᐊᑐᓕᖅᑎᑕᐅᓪᓗᑎᒃ ᐃᓄᒋᐊᖕᓂᐅᔪᓄᑦ 85 ᐳᓴᓐᑎᒥ ᐃᓅᓪᓗᑎᒃ.”
ᓯᐅᑎᐊᐱᒃ ᓇᓚᐅᑉᐳᖅ ᐅᖃᖅᑎᓪᓗᒍ, “ᑕᒪᒃᑭᐅᒪᔪᒥ ᐊᒻᒪ ᑐᑭᖃᑦᑎᐊᖅᑐᒥ ᑭᐅᓂᐅᔪᒥ ᐊᑯᓂᐅᓂᐊᖅᐳᖅ ᐊᒻᒪ ᐱᔭᕆᐊᖃᖅᑎᑦᑎᓗᓂ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐊᒻᒪ ᑮᓇᐅᔭᖃᖅᑎᑕᐅᔪᓐᓇᕐᓂᖓᓂ, ᑲᑎᒪᔨᕐᔪᐊᖑᔪᓄᑦ ᐱᔪᒪᓂᐅᔪᓄᑦ, ᐊᒻᒪᓗ ᐅᓇᑐᐊᖑᙱᑦᑐᒥ ᑕᒪᒃᑭᐅᒪᔪᒥ–ᒐᕙᒪᐅᔪᓄᑦ ᑐᕌᒐᒃᓴᐅᔪᒥ, ᑭᓯᐊᓂ ᓄᓇᕗᓕᒫᒥ ᑐᕌᒐᒃᓴᐅᔪᒥ ᐃᓚᖃᖅᑐᒥ ᑕᒪᒃᑭᓂ ᑭᒡᓕᐅᔪᓂ ᒐᕙᒪᐅᔪᓄᑦ, ᐱᓕᕆᔨᐅᔪᓄᑦ ᐊᒻᒪ ᐃᓄᖕᓄᑦ ᑲᑐᔾᔨᖃᑎᒌᖑᔪᓄᑦ.”
ᐸᕐᓇᐅᑎ ᓇᓗᓇᐃᖅᓯᕗᖅ 14–ᓂ ᐱᒻᒪᕆᐅᔪᓂ ᐃᓂᐅᔪᓂ ᑲᑎᖅᓱᖅᑕᐅᕙᓪᓕᐊᔪᓄᑦ ᑮᓇᐅᔭᑦ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᓯᑕᐅᔪᓄᑦ ᐊᒻᒪ ᖃᓄᐃᓕᐅᕆᐊᖃᕐᓂᐅᔪᓂ ᐱᔭᕆᐊᖃᖅᐳᑦ, ᐊᒻᒪ ᑕᐃᒃᑯᐊ ᖃᐃᖁᔨᓂᐅᔪᑦ ᖃᓄᐃᓕᐅᕆᐊᖃᕐᓂᕐᒧᑦ ᐱᓪᓚᕆᐅᓗᑎᒃ ᐃᓱᒪᒋᔭᐅᓪᓗᐊᖅᐳᑦ ᒐᕙᒪᐅᔪᓂ ᐊᒻᒪ ᑲᑐᔾᔨᖃᑎᒌᖑᔪᓄᑦ. ᒪᓕᒃᑐᓂ ᖃᓄᐃᓕᐅᕈᑎᒃᓴᓂ ᐱᕙᓪᓕᐊᑎᑦᑎᓂᕐᒧᑦ ᐊᑐᓕᖅᑎᑕᐅᓂᖓᓂ ᐸᕐᓇᐅᑎᓂ ᕿᓚᒻᒥᐅᔪᒥ, ᕿᑎᖅᐸᓯᐊᓂ ᐊᒻᒪ ᐊᑯᓂᐅᔪᒃᑯᑦ ᓯᕗᓪᓕᐅᔾᔭᐅᖁᔭᐅᔪᓂ ᐱᒻᒪᕆᐅᓂᐊᖅᐳᖅ.
ᒫᓐᓇᐅᔪᒥ, ᐊᐅᓚᑕᐅᓂᖓᓂ ᐱᓕᕆᓂᐅᔪᖅ ᓴᖅᑭᑎᑦᑎᑎᓪᓗᒍ ᐊᑐᖁᔭᐅᒃᑲᓐᓂᕐᓂᐅᔪᓂ, ᓄᓇᕗᒻᒥᐅᑦ ᑕᐅᑐᒃᑕᑐᐊᖃᑲᐃᓐᓇᕆᐊᖃᖅᐳᑦ ᑭᓱᑦ ᐊᓯᔾᔨᖅᑕᐅᔪᓐᓇᕐᓂᖏᓐᓂ ᐊᖏᕐᕋᒥ. ᐃᑲᔪᖅᓱᐃᖏᓐᓇᕐᓂᐅᔪᒥ, ᑕᖃᓇᕋᓗᐊᖅᑎᓪᓗᒍ, ᐱᓕᕆᐊᖑᐃᓐᓇᕆᐊᖃᖅᐳᖅ.
ᐊᒥᓱᐃᑦ ᖃᓄᐃᓕᐅᕐᓂᐅᔪᑦ ᓴᖅᑭᑎᑕᐅᓯᒪᔪᑦ ᒐᕙᒪᑐᖃᒃᑯᓐᓂ ᐊᒻᒪ ᓄᓇᕗᒻᒥ ᑭᒡᓕᓃᒃᑲᓗᐊᖅᑎᓪᓗᒋᑦ, ᖃᓄᐃᓕᐅᕐᓂᐅᔪᒥ ᐸᕐᓇᐅᑎ ᐃᓕᓯᕗᖅ ᓇᖕᒥᓂᖃᕐᓂᖓᓂ ᐃᓄᐃᑦ ᓄᓇᑖᕋᓱᐊᕐᓂᐅᔪᒥ ᑲᑐᔾᔨᖃᑎᒌᖑᔪᓄᑦ ᐃᑲᔪᖅᓱᐃᓂᕐᒥ ᐊᓯᔾᔨᕐᓂᐅᔪᒥ, ᓯᕗᓪᓕᐅᑎᑕᐅᓂᖓᓂ ᐃᒻᒥᒃᑯᑦ–ᐃᓱᒪᓕᐅᕆᓂᐅᔪᒥ ᐊᒻᒪ ᐊᔪᕐᓇᙱᒃᑳᖓᑦ, ᐱᓕᕆᓗᑎᒃ ᐊᓯᔾᔨᕈᑕᐅᔪᓐᓇᖅᑐᓂ ᐊᒻᒪ ᑲᑎᖅᓱᖅᑕᐅᕙᓪᓕᐊᔪᓄᑦ ᑮᓇᐅᔭᑦ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᓯᑕᐅᔪᓄᑦ ᐱᔪᓐᓇᖅᑕᒥᓂᑦ, ᐃᒡᓗᖃᖅᑎᑦᑎᓂᐅᒍᓂ, ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᐃᓕᓐᓂᐊᕐᓂᕐᒧᓪᓘᓐᓃᑦ ᐊᒻᒪ ᐃᓕᖅᑯᓯᒧᑦ – ᐱᓪᓚᕆᐅᒐᓗᐊᖅᐸᑦ, ᐅᕝᕙᓘᓐᓃᑦ ᐊᕙᓗᓯᔪᒥ ᐊᖓᔪᖅᑳᖑᓂᐅᔪᒥ, ᓱᕈᓯᕐᓄᑦ–ᐱᕈᖅᓴᐃᓂᐅᔪᒥ ᐊᒻᒪ ᖃᓄᐃᙱᑦᑎᐊᖅᑐᓄᑦ ᐃᓚᒌᖑᔪᓄᑦ.
ᑎᑎᖅᑲᖁᑕᐅᔪᖅ ᐃᓱᓕᑦᑎᕗᖅ: “ᑭᓯᐊᓂ ᐅᕙᒍᑦ ᐃᓅᓪᓗᑕ ᐊᕐᓇᐅᓪᓗᑕ, ᓂᕕᐊᖅᓵᑦ ᐊᒻᒪ ᐊᖑᑕᐅᓂᖓᓂ ᐊᕐᓇᐅᓂᖓᓂ ᐊᔾᔨᐅᙱᑦᑑᔪᓄᑦ ᐃᓄᖕᓄᑦ ᐱᓕᕆᔪᓐᓇᓕᕈᑦᑕ ᐊᒻᒪ ᐊᓕᐊᓇᐃᒋᔭᖃᕐᓗᑕ ᐃᓅᓪᓗᑕ ᐱᔪᓐᓇᕐᓂᕆᔭᑦᑎᓐᓂ – ᐃᓚᖃᖅᑐᒥ ᐱᔪᓐᓇᕐᓂᕆᔭᕗᑦ ᐊᑦᑕᓇᖅᑐᒦᑦᑕᐃᓕᒪᓂᕐᒧᑦ – ᐊᑯᓂᐅᔪᒥ ᓴᐃᒻᒪᖃᑎᒌᖕᓂᖅ ᑎᑭᐅᑎᔭᐅᔪᓐᓇᕐᓂᐊᖅᐳᖅ.”
ᓴᐃᒻᒪᖃᑎᒌᖕᓂᖅ ᐱᒋᐊᕈᓐᓇᕐᓂᐊᖅᐳᖅ ᐅᕘᓇ ᒐᕙᒪᑐᖃᒃᑯᑎᒍᑦ ᑮᓇᐅᔭᓂ ᐃᓕᓯᓗᑎᒃ ᐊᒻᒪ ᐊᐅᓚᑕᐅᓂᖓᓂ ᓴᙱᒃᑎᒋᐊᖅᓯᓂᐅᔪᒥ ᓄᓇᖃᖅᑳᖅᓯᒪᔪᓄᑦ-ᐊᐅᓚᑕᐅᔪᓂ ᑲᑐᔾᔨᖃᑎᒌᖑᔪᓂ ᐃᑲᔪᖅᓱᐃᓂᕐᒥ ᒪᒥᓴᕐᓂᐅᔪᒥ ᑲᑉᐱᐊᓇᖅᑐᒻᒪᕆᐊᓗᖕᓂ ᒫᓐᓇᓕᓴᐅᓗᐊᖅᑐᓂ ᐊᒻᒪᓗ ᓱᓕ ᑕᐃᒪᐃᖏᓐᓇᖅᑐᓂ.