ᒫᔾᔨ 8 ᐃᓕᓴᕆᔭᐅᓯᒪᕗᖅ ᓄᓇᕐᔪᐊᓕᒫᒥ ᐊᕐᓇᓄᑦ ᐅᓪᓗᖓᓂ (IWD).
ᐅᓪᓘᕗᖅ ᓇᓗᓇᐃᖅᓯᔪᒥ ᖃᐃᖁᔨᓂᐅᔪᒥ ᖃᓄᐃᓕᐅᕐᓂᕐᒧᑦ ᐅᖓᕙᕆᐊᖅᓯᓂᕐᒧᑦ ᐊᕐᓇᐅᓂᖓᓂ ᐊᖑᑕᐅᓂᖓᓂ ᐊᔾᔨᒌᒃᑎᑕᐅᔭᕆᐊᖃᕈᓐᓇᐅᒻᒥ ᐊᒻᒪ ᐃᓕᓴᖅᓯᕗᖅ ᐊᒥᓱᓂ ᑎᑭᐅᑎᔭᐅᔪᓐᓇᖅᓯᒪᔪᓂ ᐊᕐᓇᓄᑦ, ᐃᓅᖃᑎᒌᖕᓂᐅᒐᓗᐊᖅᐸᑦ, ᑲᑎᒪᔨᕐᔪᐊᖑᓂᖏᓐᓄᑦ, ᐃᓕᖅᑯᓯᒧᑦ ᐅᕝᕙᓘᓐᓃᑦ ᑮᓇᐅᔭᓕᐅᕐᓂᐅᔪᒧᑦ.
ᑕᒪᑐᒪᓂ ᐊᕐᕌᒍ ᓇᓗᓇᐃᖅᓯᕗᖅ ᐊᕐᕌᒍᓂ 110–ᓂ ᓄᓇᕐᔪᐊᓕᒫᒥ ᐊᕐᓇᓄᑦ ᐅᓪᓗᖓᓂ; ᓯᕗᓪᓕᖅᐹᖅ ᐱᓕᕆᐊᖑᓪᓗᓂ 1911–ᒥ ᓈᒻᒪᒃᓴᙱᓐᓂᕐᒥᓂᒃ ᑕᑯᒃᓴᐅᑎᑦᑎᔪᓂ ᐊᒻᒪ ᓱᓕᓂᐅᔪᒥ ᑕᑯᒃᓴᐅᑎᑦᑎᓂᐅᔪᓂ ᐅᐸᒃᑕᐅᓯᒪᔪᓂ ᐅᓄᕐᓂᖅᓴᐅᔪᓂ 1 ᒥᓕᐊᓐᓂ ᐃᓄᖕᓂ ᐋᔅᑐᕆᐊ, ᑎᐊᓐᒫᒃ, ᔫᒪᓂ ᐊᒻᒪ ᓱᕕᑦᓱᓚᓐᒥ.
ᐅᖃᐅᓯᐅᔪᑦ ᑕᐃᔅᓱᒪᓂ ᐃᓚᖃᓚᐅᖅᐳᑦ ᐱᔪᓐᓇᕐᓂᕆᔭᐅᔪᓂ ᓂᕈᐊᕈᓐᓇᕐᓂᕐᒧᑦ, ᕿᓂᕐᓂᕐᒥ ᐃᖅᑲᓇᐃᔮᓂ ᐊᖏᕐᕋᐅᑉ ᓯᓚᑖᓂ ᐊᒻᒪᓗ ᓇᓕᒧᑦᑐᒥ ᐊᑭᓕᖅᓱᖅᑕᐅᔪᓐᓇᕐᓂᕐᒧᑦ ᐱᓕᕆᓂ ᐱᓕᕆᓂᕐᒧᑦ.
ᐃᒪᐃᑦᑑᔮᖅᐳᖅ, ᐃᓛᓐᓂᒃᑯᑦ, ᐊᓯᔾᔨᖅᓯᒪᔪᖃᓗᐊᕌᓗᙱᓐᓂᖓᓂ ᐊᑯᓂᐅᓂᖅᓴᐅᔪᒥ ᐊᕐᕌᒍᑦ 100–ᓂ.
ᐃᖏᕐᕋᓂᐅᔪᖅ, ᓇᒥᑐᐃᓐᓇᖅ ᐃᓂᐅᔪᒥ., ᐆᒃᑐᕋᖅᑕᐅᓲᖑᕗᖅ ᓱᒃᑲᐃᑦᑐᒻᒪᕆᐊᓗᖕᒥ ᐃᖏᕐᕋᓂᐅᔪᓂ. ᑭᓯᐊᓂ, ᐅᓇᑕᕐᓂᕐᒥ ᑕᐃᒪᓐᓇᒐᓚᑦᑕᐃᓐᓇᖅ ᐅᓇᑕᕐᓂᐅᔪᒥ ᐊᒪᐅᑦᑎᓐᓂ ᐊᒻᒪ ᐅᖓᑖᓄᑦ ᐃᓕᓯᑐᐃᓐᓇᖅᐳᖅ ᐱᓂᕐᓗᒃᓯᓂᕐᒥ ᐋᓐᓂᕐᓂᐅᔪᒧᑦ.
ᓯᓚᕐᔪᐊᕐᒥᐅᓕᒫᑦ ᐅᖃᖅᐳᑦ ᑕᒪᑐᒪᓂ ᐊᕐᕌᒎᔪᒥ ᐱᓕᕆᐊᖑᓂᐅᓂᐊᖅᑐᖅ “ᐊᕐᓇᐃᑦ ᓯᕗᓕᐅᖅᑎᐅᓂᕐᒦᑦᑐᓂ: ᑎᑭᐅᑎᓂᖅ ᐊᔾᔨᒌᒃᑎᑕᐅᔭᕆᐊᖃᕐᓂᐅᔪᒥ ᓯᕗᓂᒃᓴᒥ ᓄᕙᒡᔪᐊᕐᓇᖅ-19–ᒥ ᓄᓇᕐᔪᐊᒥ,” ᓴᓂᓕᖓᓂ ᓄᓇᕐᔪᐊᓕᒫᒥ ᐊᕐᓇᓄᑦ ᐅᓪᓗᖓᓂ ᖃᓄᐃᓕᐅᕈᑕᐅᔪᒥ “ᓂᕈᐊᕐᓗᑎᑦ ᓵᓚᒋᓇᓱᐊᕐᓂᕐᒥ.”
ᓄᓇᕗᑦ ᐅᐱᒍᓱᒍᓐᓇᖅᐳᑦ ᐊᒥᓱᓂ ᑲᒪᓇᖅᑐᓂ ᐊᕐᓇᓂ ᓯᕗᓕᐅᖅᑎᐅᓂᐅᔪᓂ ᐃᓂᐅᔪᓂ, ᐃᓚᖃᖅᑐᒥ ᑲᒥᓴᓇ ᐄᕙ ᐋᕆᐊᖅ, ᐸᐅᒃᑑᑎᑦ ᐊᖓᔪᖅᑳᖓ ᕇᐱᑲ ᑲᓪᓗ, ᓄᓇᕗᒻᒥ ᑐᙵᕕᒃᑯᑦ ᐊᖓᔪᖅᑳᖓ ᐊᓗᑭ ᑰᑦᑎᖅ, ᑲᓇᑕᐅᑉ ᒪᓕᒐᓕᐅᖅᑎᖏᑕ ᐃᓚᒋᔭᐅᔪᒥ ᒧᒥᓛᖅ ᖃᖅᑲᖅ, ᑕᓪᓕᒪᓂ ᐃᓚᒋᔭᐅᔪᓂ ᒪᓕᒐᓕᐅᖅᑎᒃᑯᓐᓂ ᐊᒻᒪ ᓇᐃᓴᒐᒃᓴᐅᙱᑦᑐᓂ ᐃᓄᑐᖃᕐᓂ ᓴᙱᒃᑎᒋᐊᖅᓯᕙᒃᑐᓂ ᐃᓅᓯᑦᑎᓐᓂ ᖃᐅᔨᒪᓂᖏᓐᓂ.
ᒍᓗᕆᐊ ᔅᑕᐃᓂᒻ, ᐃᓅᖃᑎᒌᖑᔪᓄᑦ ᐊᓯᔾᔨᖅᓯᓇᓱᐊᖅᑎ, ᐃᑲᔪᖅᓱᐃᔨᐅᔪᒥ ᐊᕐᓇᐃᑦ ᐱᔪᓐᓇᕐᓂᕆᔭᐅᔪᓂ ᐊᒻᒪᓗ ᐅᖃᓕᒫᒐᕐᓂ ᑐᓴᒐᒃᓴᓕᕆᔨ ᐅᖃᓚᐅᖅᓯᒪᕗᖅ, ᐅᓂᒃᑳᖅᑐᐊᖅ ᐊᕐᓇᓄᑦ ᐊᒃᓱᕈᕐᓂᖏᓐᓂ ᐊᔾᔨᒌᒃᑎᑕᐅᔭᕆᐊᖃᕈᓐᓇᐅᑦ ᐱᔪᓐᓇᕐᓂᕆᔭᐅᔪᓂ ᐱᒋᔭᐅᕗᖅ ᐊᑕᐅᓯᑐᐊᖑᙱᑦᑐᒧᑦ ᐃᑲᔪᖅᓱᐃᔨᐅᔪᒥ ᐊᕐᓇᐃᑦ ᐱᔪᓐᓇᕐᓂᕆᔭᐅᔪᒥ, ᐊᒻᒪᓗ ᐊᑕᐅᓯᑐᐊᒧᑦ ᑲᑐᔾᔨᖃᑎᒌᖑᙱᑦᑐᒧᑦ, ᑭᓯᐊᓂ ᑲᑐᔾᔭᐅᓪᓗᑎᒃ ᐊᒃᓱᕈᕈᑕᐅᔪᓂ ᑕᒪᒃᑭᓄᑦ ᐃᒃᐱᒍᓱᑦᑎᐊᖅᑐᓄᑦ ᐃᓄᐃᑦ ᐱᔪᓐᓇᕐᓂᕆᔭᐅᔪᓂ.”
ᑕᒪᒃᑭᑦ ᐃᓄᐃᑦ ᐱᓕᕆᖃᑕᐅᓪᓗᐊᖅᐳᑦ ᐊᕐᓇᓄᑦ ᐱᔪᓐᓇᕐᓂᕆᔭᐅᔪᓂ ᓇᓕᒧᓕᖅᑎᑦᑎᓂᕐᒧᑦ ᐱᒋᐊᕐᓂᐅᔪᒥ ᐱᒋᐊᕐᕕᖓᓐᓂ.
ᓄᓇᕐᔪᐊᒥ ᐊᕐᓇᐅᓂᖓᓂ ᐊᖑᑕᐅᓂᖓᓂ ᐃᓚᑰᓂᐅᔪᒥ ᐅᓂᒃᑳᓕᐊᖅ, ᑎᑎᕋᖅᑕᐅᓚᐅᖅᑐᒥ 2020–ᒥ, ᐅᖃᖅᓯᒪᕗᖅ, “ᐃᓕᓐᓂᐊᕐᓂᕐᒥ ᐱᓂᕐᒧᑦ ᐊᒻᒪᓗᑦᑕᐅᖅ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐆᒪᓇᓱᐊᕐᓂᐅᔪᒥ ᐊᓕᐊᓇᐃᒋᔭᖃᕐᓂᖓᓂ ᖃᓂᓐᓂᖅᓴᐅᔪᒥ ᐊᔾᔨᒌᒃᑎᑕᐅᔭᕆᐊᖃᕈᓐᓇᐅᒻᒥ … ᐊᕐᕌᒍᓄᑦ 95–ᓄᑦ ᒪᑐᓯᔪᓐᓇᕐᓂᐊᖅᐳᑦ ᐊᕐᓇᐅᓂᖓᓂ ᐊᖑᑕᐅᓂᖓᓂ ᐃᓚᑰᓂᐅᔪᒥ ᑲᑎᒪᔨᕐᔪᐊᖑᔪᓂ ᑭᒡᒐᖅᑐᐃᓂᐅᔪᒥ.”
ᐊᕐᕌᒍᑦ 100 ᐊᓂᒍᖅᑎᓪᓗᒍ, ᐱᐅᕗᖅ ᖃᐅᔨᒪᓂᕐᒧᑦ ᐊᕐᓇᐃᑦ ᐊᒃᓱᓪᓘᓐᓃᑦ ᓇᓕᒧᑲᓴᒃᑐᒥ ᐱᕕᒃᓴᖃᖅᐳᑦ ᐆᒪᔪᓐᓇᕐᓂᕐᒧᑦ ᐃᓐᓇᕈᕐᓂᕐᒧᑦ ᐊᒻᒪᓗ ᐱᔪᓐᓇᕐᓂᖃᕐᓗᑎᒃ ᓇᒧᑐᐃᓐᓇᖅ ᑭᒡᓕᐅᔪᒧᑦ ᐃᓕᓐᓂᐊᕐᓂᐅᔪᒥ ᓂᕈᐊᖅᑕᒥᓂᑦ – ᐊᒃᓱᓪᓘᓐᓃᑦ ᐃᓚᖏᓐᓂ ᓄᓇᐅᔪᓂ. ᑭᓯᐊᓂ ᐅᓂᒃᑳᓕᐊᖅ ᐅᖃᖅᓯᒪᕗᖅ, ᐃᓱᒪᒋᓇᒍ ᐅᑯᐊ ᐅᖓᕙᕆᐊᕐᓂᐅᔪᓂ, ᐃᖅᑲᓇᐃᔭᕈᓐᓇᕐᓂᕐᒥ ᐊᒻᒪᓗ ᑮᓇᐅᔾᔭᒃᓴᓂᕐᒥ ᐊᒻᒪᓗ ᐱᕕᒃᓴᖃᖅᑎᑕᐅᓂᕐᓂᓪᓘᓐᓃᑦ ᑕᐃᒪᐃᑦᑐᓐᓇᕐᓂᕐᒧᑦ ᑲᑕᒃᐸᓪᓕᐊᓂᖃᕐᔪᐊᖅᐳᑦ ᐊᒥᓱᓂ ᐃᖅᑲᓇᐃᔮᖑᔪᓂ ᖃᕋᓴᐅᔭᒃᑰᖅᐸᓪᓕᐊᓂᖏᓐᓂ ᐊᒻᒪᓗ ᐃᓚᐅᖃᑕᐅᓂᑭᓗᐊᕐᓂᖓᓂ ᐱᕈᖅᐸᓪᓕᐅᔪᓄᑦ ᐱᓕᕆᕕᒡᔪᐊᖑᔪᓂ.
ᐅᓇ “ᓱᕋᑦᑎᕙᓪᓕᐊᔪᒥ ᖃᓄᐃᓐᓂᐅᔪᖅ ᐊᔭᐅᕆᕗᖅ ᐊᕐᓇᐅᓂᖓᓂ ᐊᖑᑕᐅᓂᖓᓂ ᐊᔾᔨᒌᒃᑎᑕᐅᔭᕆᐊᖃᕈᓐᓇᐅᒻᒥ ᐊᑦᑎᒃᑐᒧᑦ 57.8 ᐳᓴᓐᑎᒧᑦ, ᐊᑯᓂᐅᔪᒥ ᑭᒡᒐᖅᑐᐃᕗᖅ ᐊᖏᕐᔪᐊᖅᑐᒥ ᐊᕐᕌᒍᓄᑦ 257–ᓂ ᐊᕐᓇᐅᓂᖓᓂ ᐊᖑᑕᐅᓂᖓᓂ ᐊᔾᔨᒌᒃᑎᑕᐅᔭᕆᐊᖃᕈᓐᓇᐅᒻᒥ ᑎᑭᐅᑎᔭᐅᔪᓐᓇᕐᓂᖓᓂ.”
ᐅᑯᐊ ᓇᐃᓴᐅᑎᐅᔪᑦ ᓄᓇᕐᔪᐊᒥ ᐊᖏᓂᐅᕗᑦ – ᐅᐊᖕᓇᒥ ᐊᒥᐊᓕᑲᒥ ᒪᕐᕈᒋᔭᐅᕗᖅ ᑎᑎᕋᖅᓯᒪᓂᐅᔪᒥ ᐊᕕᒃᑐᖅᓯᒪᓂᐅᔪᓂ ᐃᖏᕐᕋᓂᖃᓛᖑᓂᐅᔪᓂ ᐊᕐᓇᐅᓂᖓᓂ ᐊᖑᑕᐅᓂᖓᓂ ᐊᔾᔨᒌᒃᑎᑕᐅᔭᕆᐊᖃᕈᓐᓇᐅᒻᒥ 72.9 ᐳᓴᓐᑎᒥ, ᑭᓯᐊᓂ ᑐᑭᓕᐊᖑᓂᖓᓂ ᐊᕐᕌᒍᓄᑦ ᓱᓕ ᐊᖏᔪᒻᒪᕆᐊᓗᖕᒥ ᐊᕐᕌᒍᓄᑦ 151–ᖑᕗᑦ ᑕᑯᓚᐅᖅᑳᕐᓂᑦᑎᓐᓂ ᑕᑯᓂᕐᒧᑦ ᐊᕐᓇᓂ ᐊᔾᔨᒌᒃᑎᑕᐅᓂᕐᒧᑦ ᑮᓇᐅᔾᔭᒃᓴᓂᕐᒧᑦ ᑐᙵᓂᖃᕐᓂᖓᓂ ᐊᖑᑎᓄᑦ.
ᑕᒪᓐᓇ ᐱᓪᓚᕆᐅᕗᖅ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᒥ ᐋᓐᓂᐊᕐᓂᖃᕐᔪᐊᖅᑐᒥ ᐋᓐᓂᖅᓯᕆᓂᐅᔪᒥ ᐊᕐᓇᓄᑦ, ᐃᓂᒃᓴᖃᒐᔪᙱᑦᑐᓄᑦ ᓴᖑᕝᕕᒃᓴᖓᓄᑦ.
ᐊᔪᖅᓴᕐᓂᖅ, ᐊᔾᔨᒌᙱᑎᑕᐅᓂᐅᔪᒥ, ᐊᒻᒪ ᐋᓐᓂᖅᓯᕆᓂᐅᔪᖅ ᑲᑎᙵᓂᖃᖅᐳᑦ.
ᐅᑯᐊ ᐊᑲᐅᙱᓕᐅᕈᑎᑐᐃᓐᓇᐅᙱᓚᑦ ᐊᕐᓇᐃᑦ ᐅᖃᓪᓚᒋᐊᖃᕐᓂᖏᓐᓂ, ᑭᓯᐊᓂ ᐊᖑᑎᑦᑕᐅᖅ. ᐊᖑᑏᑦ ᐱᓪᓚᕆᐅᓛᖑᓪᓗᑎᒃ ᐃᑲᔪᖅᑎᒋᕙᕗᑦ ᐅᑯᓇᓂ ᐅᓇᑕᕐᓂᐅᔪᓂ ᐊᔾᔨᒌᙱᑎᑦᑎᓂᕐᒧᑦ, ᐊᒻᒪᓗ ᓵᓚᖃᕋᓱᐊᑐᐃᓐᓇᕆᐊᖃᖅᐳᒍᑦ ᐱᓕᕆᔾᔪᓯᐅᔪᓂ ᐊᕐᓇᓂ ᓯᕗᒻᒧᐊᖅᑎᑦᑎᕙᙱᑦᑐᓂ, ᑭᓯᐊᓂ ᐊᖑᑎᓂᑦ ᐊᑕᐅᓯᑦᑕᐃᓐᓇᒥ ᐊᔪᖅᓯᓯᒪᑎᑦᑎᕙᒃᑐᓂ.
ᑭᓯᐊᓂ ᐱᓕᕆᖃᑎᒌᒡᓗᑕ ᓵᓚᖃᕋᓱᐊᕐᓂᕐᒥ ᒫᓐᓇᐅᔪᒥ ᖃᓄᐃᓐᓂᐅᔪᒥ ᑎᑭᐅᑎᔪᓐᓇᕐᓂᐊᖅᐳᒍᑦ ᖃᓄᐃᑦᑐᑐᐃᓐᓇᕐᒥ ᐊᔾᔨᒌᒃᑎᑦᑎᓂᐅᔪᒥ ᓯᕗᓂᐊᓂ ᐊᕐᕌᒍᒃᑲᓐᓂᕐᓂ 200-ᓂ ᐊᓂᒍᖅᓯᒪᓂᖅᐸᑦ.