Skip to content

ᐃᓱᒪᕗᑦ: ᒪᑐᓯᓂᖅ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐃᓚᑰᓂᐅᔪᓂ ᓯᕗᓪᓕᐅᔾᔭᐅᔭᕆᐊᖃᖅᐳᖅ

'ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐃᓚᑰᓂᐅᔪᖅ ᑐᕌᖓᓂᓕᖕᒥ ᐃᑲᔪᖅᓱᐃᓲᖑᕗᖅ ᐃᓅᓯᐅᑉ ᐱᐅᓂᖓᓂ ᓄᓇᕗᒻᒥ ᐃᓄᖕᓄᑦ'

ᐊᑲᐅᙱᓕᐅᕈᑎ: ᐱᓪᓚᕆᐅᔪᖅ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ
ᐅᖃᖅᐳᒍᑦ: ᐅᓇᑕᐃᓐᓇᖅᑕ ᐅᓇᑕᑦᑎᐊᕙᐅᓂᐅᔪᒥ

ᐱᕐᔪᐊᖑᓂᐅᔪᒥ ᕿᒥᕐᕈᔭᐅᓂᖓᓂ ᓄᓇᕘᑉ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐃᓚᑰᓂᐅᔪᓂ ᓴᖅᑭᑕᐅᓚᐅᖅᐳᖅ ᓄᓇᕗᒻᒥ ᑐᙵᕕᒃᑯᑦ (NTI) ᐊᕐᕌᒍᑕᒫᒥ ᑲᑎᒪᕕᒡᔪᐊᕐᓂᖓᓂ ᐃᖃᓗᒃᑑᑦᑎᐊᕐᒥ ᐅᒃᑐᐱᕆ 20-22−ᒧᑦ.

ᐅᓂᒃᑳᓕᐊᖅ, ᓄᓇᕘᑉ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐃᓚᑰᓂᐅᔪ, ᑕᒪᒃᑭᐅᒪᔪᒥ ᐋᖅᑭᒃᓱᐃᕗᖅ 18−ᖑᔪᓂ ᐱᒻᒪᕆᐅᔪᓂ ᐃᓂᐅᔪᓂ ᓄᓇᕗᒻᒥᐅᑦ ᕿᒻᒪᑰᓂᖏᓐᓂ ᑕᐅᑐᒃᖢᒍ ᐊᒥᐊᒃᑯᖓᓂ ᑲᓇᑕᒥ, ᐊᒻᒪᓗ ᐅᖃᓕᒫᕆᐊᖃᖅᑎᑕᐅᓪᓗᐊᖅᐳᖅ ᑕᐃᒃᑯᓄᖓ ᐱᓇᓱᐊᕈᒪᔪᓄᑦ ᖁᑦᑎᖕᓂᖅᓴᒧᑦ ᑎᑎᕋᕐᕕᐅᔪᓄᑦ ᓄᓇᕗᒻᒥ ᐊᒻᒪ ᐅᖓᑖᓄᑦ.

ᓄᓇᕗᒻᒥ ᑐᙵᕕᒃᑯᑦ ᐊᖓᔪᖅᑳᖓ ᐊᓗᑭ ᑰᑦᑎᖅ ᑎᑎᕋᖅᐳᖅ ᐱᒋᐊᕐᓂᐊᓂᐃᓄᐃᑦ ᑕᐅᑐᙳᐊᖅᐳᑦ ᖃᖓᐅᓂᐅᔪᒥ, ᑕᐃᒪᓐᓇᑎᑐᑦ ᐊᓯᖏᓐᓂ ᑲᓇᑕᒥᐅᑕᐅᔪᓄᑦ, ᐱᔪᓐᓇᕐᓂᑦᑎᓐᓂ ᐱᒋᐊᕐᕕᐅᔪᒥ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐱᔭᕆᐊᖃᖅᑕᑦᑎᓐᓂ ᑭᐅᔭᐅᓂᖏᓐᓂ ᐊᒻᒪ ᐱᐅᓂᖅᓴᐅᓕᕐᓗᓂ.”

ᑲᑐᔾᔨᖃᑎᒌᖑᔪᑦ ᐅᐱᒋᔭᐅᓪᓗᐊᖅᐳᑦ ᐊᒃᓱᕈᖅᖢᑎᒃ ᐱᓕᕆᓚᐅᕐᓂᖏᓐᓂ ᐋᖅᑭᒃᓱᐃᓂᕐᒧᑦ ᑕᐃᒪᐃᑦᑐᒥ ᐃᑲᔪᕈᑎᒃᓴᐅᔪᒥ ᐃᓱᒪᒋᔭᐅᓂᐅᔪᒥ ᐱᓕᕆᖃᑎᒌᖕᓂᐅᔪᒥ ᒐᕙᒪᑐᖃᒃᑯᓐᓂ ᐊᒻᒪ ᓄᓇᕗᒻᒥ ᐱᓕᕆᖃᑎᒋᔭᐅᔪᓄᑦ ᑭᐅᓂᕐᒧᑦ 18−ᖑᔪᓂ ᐱᒻᒪᕆᐅᔪᓂ ᐃᓂᐅᔪᓂ ᐊᒃᑐᐃᕙᒃᑐᓂ ᑮᓇᐅᔾᔭᒃᓴᓂᕐᒧᑦ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪ ᐃᓕᓐᓂᐊᕐᓂᕐᒧᑦ ᐱᕕᒃᓴᖃᕐᓂᐅᔪᓂ ᓄᓇᕗᒻᒥ ᐃᓄᖕᓄᑦ.

ᐅᓂᒃᑳᓕᐊᖅ ᐅᖃᖅᓯᒪᓂᖓᓂ, “ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐃᓚᑰᓂᐅᔪᖅ ᑐᕌᖓᓂᖃᖅᖢᓂ ᐃᑲᔪᖅᓱᐃᓲᖑᕗᖅ ᐊᔪᖅᓴᕐᓂᕐᒥ ᐊᒻᒪ ᐊᑦᑎᒃᓯᒋᐊᓲᖑᕗᖅ ᐃᓅᓯᐅᑉ ᐱᐅᓂᖓᓂ ᓄᓇᕗᒻᒥ ᐃᓄᖕᓄᑦ. ᐃᒃᐱᒋᔭᐅᓲᖑᕗᖅ ᓂᕿᒃᓴᖃᑦᑎᐊᙱᓐᓂᐅᔪᒥ, ᐸᖕᒥᐅᓗᐊᖅᑐᓄᑦ ᐃᒡᓗᒋᔭᐅᔪᓂ, ᐊᒻᒪ ᑭᒡᓕᖃᖅᑐᒧᑦ ᑮᓇᐅᔾᔭᒃᓴᓂᕐᒧᑦ ᐱᕕᒃᓴᖃᕐᓂᐅᔪᒥ.”

ᐱᑕᖃᙱᓗᐊᕐᓂᖓᓂ ᐱᓪᓚᕆᐅᔪᓄᑦ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐊᔭᐅᕆᓲᖑᕗᖅ ᐃᓚᒌᖑᔪᓂ ᐊᕕᓯᒪᓂᖏᓐᓂ ᐊᒥᓱᓂ ᐆᒻᒪᑎᒧᑦ ᓱᕋᑦᑎᕆᕙᒃᑐᓂ ᖃᓄᐃᓐᓂᐅᔪᓄᑦ: ᓄᑖᒥᒃ ᐃᓅᓵᖅᑐᒥᒃ, ᐃᓄᑐᖃᖅ ᐊᖏᕐᕋᒥ ᐸᖅᑭᔭᐅᔪᓐᓇᐃᓪᓕᓗᓂ, ᐃᓚᒋᔭᐅᔪᒥ ᖃᓪᓗᓈᑦ ᓄᓇᖓᓐᓄᑦ ᐊᐅᓪᓚᕆᐊᖃᕐᓂᖓᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᓂᖓᓄᑦ ᐅᕝᕙᓘᓐᓃᑦ ᐅᐃᕆᓯᒪᓗᐊᕐᓂᕐᒧᑦ ᒪᒥᓴᕆᐊᕐᓂᕐᒧᑦ, ᐃᓚᒋᔭᐅᔪᑦ ᐊᔪᕈᑎᓕᖕᓂ ᓂᕈᐊᖅᑐᓂ ᐊᖏᕐᕋᖅᓯᒪᐃᓐᓇᕐᓂᕐᒧᑦ ᐅᕝᕙᓘᓐᓃᑦ ᐊᐅᓪᓚᕐᓂᕐᒧᑦ ᐊᖏᓂᖅᓴᓄᑦ ᐱᓕᕆᕝᕕᐅᔪᓄᑦ ᐊᑐᐃᓐᓇᖃᕐᓂᖅᓴᐅᔪᓐᓇᕐᓂᕐᒧᑦ ᐱᔨᑦᑎᕋᕐᓂᐅᔪᓄᑦ.

ᐅᓂᒃᑳᓕᐊᖅ ᑭᐅᓗᒍᑎᖃᕆᕗᖅ “ᐃᓄᖕᓄᑦ ᐃᓅᖃᑎᒌᖕᓂᐅᔪᒧᑦ ᐊᒻᒪ ᐃᓕᖅᑯᓯᒧᑦ ᖃᓄᐃᙱᑦᑎᐊᕐᓂᐅᔪᒥ ᐊᒻᒪᓗ ᐃᖏᕐᕋᐃᓐᓇᖅᑐᒥ ᐱᒻᒪᕆᐅᓂᖓᓂ ᐃᓄᐃᑦ ᖃᐅᔨᒪᔭᑐᖃᖏᓐᓂ ᒪᓕᖕᓂᖃᖅᐳᖅ ᓈᒻᒪᒃᑐᓂ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ, . ᑎᑎᕋᖅᓯᒪᔪᖅ 33 ᓄᓇᕗᒻᒥ ᐊᖏᕈᑕᐅᔪᒥ ᓇᓗᓇᐃᖅᓯᓯᒪᕗᖅ ᐱᔪᓐᓇᕐᓂᕆᔭᐅᔪᓄᑦ ᐃᓄᖕᓂ ᐃᓕᖅᑯᓯᒧᑦ ᐱᐅᓯᑐᖃᕐᓂ ᓄᓇᕗᒻᒥ ᐊᒻᒪᓗ ᐱᒻᒪᕆᐅᓂᖓᓂ ᐱᓕᕆᕝᕕᐅᔪᓄᑦ ᐊᒻᒪ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐃᑲᔪᖅᓱᐃᓂᕐᒧᑦ ᑕᐃᔅᓱᒥᖓ ᐊᑐᕐᓂᖃᐅᑕᐅᔪᒥ.”

ᑕᑯᔭᒐᖃᕐᕕᖃᕋᓂ ᐊᖏᕐᕋᖃᖅᑎᑦᑎᓂᕐᒧᑦ ᐊᒻᒪ ᑕᑯᒃᓴᐅᑎᑦᑎᓗᓂ ᑲᑎᖅᓱᐃᓂᐅᔪᓄᑦ ᐃᓄᐃᑦ ᐱᐅᓯᑐᖃᕐᓂ, ᓄᓇᕗᒻᒥ ᒐᕙᒪᒃᑯᑦ ᑮᓇᐅᔭᖃᖅᑎᑦᑎᓲᖑᕗᑦ ᐱᓕᕆᕝᕕᐅᔪᓂ ᑎᒍᒥᐊᕐᓂᖏᓐᓂ ᐃᓄᐃᑦ ᐃᑦᑕᕐᓂᓴᐅᔪᓂ, ᓲᕐᓗ ᐅᐃᓂᐱᐊᒡᒥ ᓴᓇᙳᐊᒐᖃᕐᕕᐅᔪᒥ, ᐱᓕᕆᑦᑎᐊᖅᑐᒻᒪᕆᐅᓪᓗᓂ ᖁᕝᕙᖅᓴᐃᓂᕐᒧᑦ ᐃᓄᐃᑦ ᐃᓕᖅᑯᓯᖓᓐᓂ, ᑭᓯᐊᓂ ᓱᓂ ᐱᓕᕆᔾᔪᓲᖑᕗᑦ ᖃᓪᓗᓈᑦ ᓄᓇᖓᓐᓄᑦ ᖁᙱᐊᖅᑎᐅᔪᓄᑦ.

ᐊᓯᐊᒎᖅᑐᒥ, ᐋᑐᕚᑉ ᑮᓇᐅᔭᖃᖅᑎᑦᑎᓂᕐᒧᑦ ᐊᖏᖅᓯᒪᓂᖓ ᐱᓕᕆᐊᒃᓴᐅᔪᓂ ᓲᕐᓗ ᖁᕐᓗᖅᑐᐊᕐᔫᑉ ᐊᖅᑯᑎᖓᓐᓂ ᐊᒻᒪ ᑐᓚᒃᑕᕐᕕᖓᓂ ᐳᐊᕐᕆᔭᒐᒃᓴᙳᖅᑎᑕᐅᓂᖓᓂ ᐱᐅᓪᓗᓂ ᐱᓕᕆᓂᐅᕗᖅ ᒪᑐᓯᓂᐅᔪᒥ ᐃᓚᑰᓂᐅᔪᓂᑦ.

ᐅᖃᐅᓯᐅᒐᔪᒃᓯᒪᕗᖅ ᐊᑲᐅᙱᓕᐅᕈᑕᐅᔪᑦ ᓵᙵᔭᐅᔪᓂ ᐆᒪᙵᑦ ᒪᒃᑯᒃᑐᒥ ᓄᓇᕘᔪᒥ ᓇᓗᓇᖅᑐᐊᓘᕗᑦ ᐊᒻᒪ ᑲᑎᙵᖃᑎᒌᒃᖢᑎᒃ. “ᓄᓇᕘᑉ ᑕᒪᐃᑎᒍᑦ ᐱᑕᖃᙱᓗᐊᕐᓂᖓᓂ ᓈᒻᒪᒃᑐᒥ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᑭᓱᓕᒫᓂᒃ ᐊᔪᕐᓴᖅᑎᑦᑎᒃᑲᓐᓂᓲᖑᕗᖅ, ᐊᑭᑐᓂᖅᓴᒻᒪᕆᐅᓪᓗᓂ, ᑕᒪᒃᑭᓂᓪᓘᓐᓃᑦ. ᐅᓇ ᐊᒃᓱᕈᕐᓴᖅᑎᑦᑎᒃᑲᓐᓂᖅᐳᖅ ᒪᑐᓯᓂᐅᔪᒥ ᐃᓚᑰᓂᐅᔪᓂᑦ, ᐃᓱᒪᑐᓂᕐᒥ ᐋᖅᑭᒍᑎᖃᕋᓗᐊᖅᑎᓪᓗᒍ. ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐃᓚᑰᓂᐅᔪ ᐱᑕᖃᙱᓚᑦ ᐃᓗᑐᓂᐅᔪᓂ, ᑲᑎᖃᑎᒌᓲᖑᖔᖅᐳᑦ ᐊᒻᒪ ᐸᕐᔭᒡᓗᒃᓯᒪᕗᑦ, ᐊᖏᒡᓕᒋᐊᖅᑎᑦᑎᓪᓗᓂ ᐊᒃᑐᐃᓂᐅᔪᒥ ᐊᑐᓂ ᐃᓚᑰᓂᐅᔪ ᑲᑎᙵᓂᐅᔪᒥ ᐊᑐᖅᑕᐅᓂᐅᔪᒥ.”

ᐃᒡᓗᒃᓴᖃᕐᓂᕐᒧᑦ ᐃᓚᑰᓂᐅᔪᖅ, ᓲᕐᓗ, ᑐᕌᖓᓂᖃᖅᑐᒥ ᐊᒃᑐᐃᓂᖃᓲᖑᕗᖅ ᑕᒪᒃᑭᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐃᓕᓐᓂᐊᕐᓂᐅᔪᒥ ᓂᕆᐅᖕᓂᐅᔪᓂ ᒪᒃᑯᒃᑐᓄᑦ ᓄᓇᕗᒻᒥᐅᓄᑦ.

ᑲᓇᑕᐅᑉ ᒪᓕᒐᓕᐅᖅᑎᖏᑕ ᐃᓚᒋᔭᐅᔪᖅ ᒧᒥᓛᖅ ᖃᖅᑲᖅ ᐅᖃᓪᓚᐅᓯᖃᓚᐅᖅᐳᖅ ᐸᖕᒥᐅᓗᐊᖅᑐᓂ, ᐅᖁᖃᕐᔪᐊᖅᑐᓂ ᐊᖏᕐᕋᐅᔪᓂ ᒪᓕᒃᑐᒥ ᐳᓚᕋᕐᓂᕆᓚᐅᖅᑕᖓᓂ ᕿᑎᕐᒥᐅᓂ ᐊᒻᒪᓗ ᑭᕙᓪᓕᕐᒥ ᐊᕕᒃᑐᖅᓯᒪᓂᐅᔪᓄᑦ ᓯᕗᓂᐊᓂ ᐊᕐᕌᒎᔪᒥ.

ᐅᓇ ᓄᓇᕗᒻᒥ ᑐᙵᕕᒃᑯᑦ ᐅᓂᒃᑳᓕᐊᖓ ᓇᓗᓇᐃᖅᓯᑐᐃᓐᓇᖅᐳᖅ ᑕᑯᓚᐅᖅᑕᓐᓂ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᒥᑭᓗᐊᖅᑐᒻᒪᕆᐊᓗᖕᒥ ᑮᓇᐅᔭᖃᖅᑎᑕᐅᓲᖑᕗᖅ ᒐᕙᒪᑐᖃᒃᑯᓐᓂᓈᒻᒪᒃᑐᒥ ᐃᒡᓗᒃᓴᖃᖅᑎᑦᑎᓂᕐᒧᑦ ᒥᑭᓛᖑᔪᒥ ᐱᓕᕆᐊᖑᓪᓗᐊᖅᐳᖅ ᐊᕐᕌᒍᒐᓴᓂ ᒐᕙᒪᑐᖃᒃᑯᓐᓂ ᐃᒃᓯᓐᓇᖅᑕᐅᓯᒪᓂᐅᔪᒥ, ᐱᖅᑯᓯᕆᙱᑕᓄᑦ ᐱᐅᓯᖃᓕᖅᑎᑕᐅᓂᕐᒥ ᐊᒻᒪ ᐱᑦᑎᐊᖅᑕᐅᙱᓐᓂᐅᔪᒥ.”

ᐃᓱᒪᕗᖓ ᑭᓱᑐᐃᓐᓇᖅ ᐅᕙᑦᑎᓐᓂ ᐃᑲᔪᖅᑐᒥ ᓴᓇᓂᕐᒧᑦ ᐱᐅᓂᖅᓴᐅᔪᒥ ᐊᖅᑯᒻᒥ ᓄᓇᙳᐊᖑᔪᒥ ᐅᕗᖓ ᖃᓄᖅ ᑭᐅᕙᖕᓂᑦᑎᓐᓂ ᑖᔅᓱᒥᖓ ᐊᑲᐅᙱᓕᐅᕈᑕᐅᔪᒥ ᐱᐅᕗᖅ” ᐅᖃᓚᐅᖅᐳᖅ ᐅᑭᐅᖅᑕᖅᑐᒥ ᐱᓕᕆᓂᕐᒧᑦ ᒥᓂᔅᑕᖓ ᑖᓐ ᕚᓐᑎᐅᓪ.

ᐃᐱᒃᓴᓚᐅᕐᓚᕗᑦ ᑕᐃᒃᑯᐊ ᑎᑎᕋᐅᑎᑦ ᐊᒻᒪ ᑎᑎᕋᐅᔭᖅᐸᓪᓕᐊᓚᐅᖅᑕ.