Skip to content

ᐃᓱᒪᕗᑦ: ᓄᓇᕗᑦ ᐅᓪᓗᖓ ᐃᒻᒥᓂᒃ ᐱ–ᔪᑎᒃᓴᐅᕗᖅ ᓂᕆᐅᖕᓂᖃᑦᑎᐊᕐᓂᕐᒥ

ᐊᒥᓱᑦ ᓄᓇᓕᐅᔪᑦ ᓄᓇᕗᒻᒥ ᐊᒻᒪ ᑲᓇᑕᓕᒫᒥ ᓂᕈᐊᖅᓯᕗᑦ ᑕᒪᑐᒪᓂ ᐊᕐᕌᒎᔪᒥ ᒥᒃᖠᒋᐊᖅᑎᑦᑎᓂᕐᒥ, ᐅᕝᕙᓘᓐᓃᑦ ᐊᑐᙱᑦᑎᐊᒻᒪᕆᖕᓂᖓᓂ ᑕᒪᒃᑭᐅᒪᔪᒥ, ᑲᓇᑕᐅᑉ ᐅᓪᓗᖓᓂ ᖃᓄᐃᓕᐅᕐᓂᐅᔪᓂ ᓴᖅᑭᓐᓂᐅᔪᒥ ᐱᓂᕐᓗᒡᔪᐊᕐᓂᐅᖏᓐᓇᖅᑐᓂ ᓴᖅᑭᑕᐅᓂᖏᓐᓂ ᐃᓂᐅᔪᓂ ᐊᐅᓪᓚᖅᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ ᐃᓕᓐᓂᐊᕐᕕᖏᓐᓂ. ᐃᒪᓐᓇᖔᖅ, ᑕᒪᕐᒥᒐᓚᑦ ᐱᓕᕆᐊᖃᓚᐅᖅᐳᑦ ᐅᓪᓘᔪᒥ ᐃᖅᑲᐅᒪᓂᕐᒧᑦ, ᓂᕈᐊᖅᖢᑎᒃ ᑕᐅᑐᒃᑕᑐᐊᖃᑲᐃᓐᓇᕐᓂᕐᒥ ᐊᖏᓂᖅᓴᐅᔪᒥ ᐊᒻᒪ ᐱᐅᓂᖅᓴᐅᔪᒥ ᓄᓇᕗᒻᒥ ᐅᓪᓗᖓᓂ ᖁᕕᐊᓱᒍᑕᐅᔪᒥ ᐊᕐᕌᒍᑦ 22–ᓂ ᓄᓇᕗᑦ ᐱᓚᐅᖅᑎᓪᓗᒍ ᐃᓕᓴᕆᔭᐅᓯᒪᓪᓚᕆᓕᕐᓂᖓᓂ.
25698844_web1_210517-NUN-editorial-standard_1

ᐊᒥᓱᑦ ᓄᓇᓕᐅᔪᑦ ᓄᓇᕗᒻᒥ ᐊᒻᒪ ᑲᓇᑕᓕᒫᒥ ᓂᕈᐊᖅᓯᕗᑦ ᑕᒪᑐᒪᓂ ᐊᕐᕌᒎᔪᒥ ᒥᒃᖠᒋᐊᖅᑎᑦᑎᓂᕐᒥ, ᐅᕝᕙᓘᓐᓃᑦ ᐊᑐᙱᑦᑎᐊᒻᒪᕆᖕᓂᖓᓂ ᑕᒪᒃᑭᐅᒪᔪᒥ, ᑲᓇᑕᐅᑉ ᐅᓪᓗᖓᓂ ᖃᓄᐃᓕᐅᕐᓂᐅᔪᓂ ᓴᖅᑭᓐᓂᐅᔪᒥ ᐱᓂᕐᓗᒡᔪᐊᕐᓂᐅᖏᓐᓇᖅᑐᓂ ᓴᖅᑭᑕᐅᓂᖏᓐᓂ ᐃᓂᐅᔪᓂ ᐊᐅᓪᓚᖅᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ ᐃᓕᓐᓂᐊᕐᕕᖏᓐᓂ. ᐃᒪᓐᓇᖔᖅ, ᑕᒪᕐᒥᒐᓚᑦ ᐱᓕᕆᐊᖃᓚᐅᖅᐳᑦ ᐅᓪᓘᔪᒥ ᐃᖅᑲᐅᒪᓂᕐᒧᑦ, ᓂᕈᐊᖅᖢᑎᒃ ᑕᐅᑐᒃᑕᑐᐊᖃᑲᐃᓐᓇᕐᓂᕐᒥ ᐊᖏᓂᖅᓴᐅᔪᒥ ᐊᒻᒪ ᐱᐅᓂᖅᓴᐅᔪᒥ ᓄᓇᕗᒻᒥ ᐅᓪᓗᖓᓂ ᖁᕕᐊᓱᒍᑕᐅᔪᒥ ᐊᕐᕌᒍᑦ 22–ᓂ ᓄᓇᕗᑦ ᐱᓚᐅᖅᑎᓪᓗᒍ ᐃᓕᓴᕆᔭᐅᓯᒪᓪᓚᕆᓕᕐᓂᖓᓂ.

ᓄᓇᕗᒻᒥᐅᑦ ᓵᙵᓯᒪᕗᑦ ᐊᒥᓱᓂ ᐊᒃᓱᕈᕐᓇᖅᑐᓂ ᑕᐃᒪᙵᓂ ᓄᓇᕗᑖᓚᐅᖅᑎᓪᓗᒋᑦ ᐃᔨᐅᔪᓂ ᑲᓇᑕᒥ ᒐᕙᒪᐅᔪᓂ, ᐊᒥᓱᑦ ᓅᑕᐅᓂᑰᔪᓂ ᓄᓇᕘᑉ ᐃᓚᒋᔭᐅᑎᓪᓗᒍ ᓄᓇᑦᓯᐊᕐᒥ, ᐅᕝᕙᓘᓐᓃᑦ ᐊᑐᖅᑕᐅᓂᑯᓂ ᐱᖅᑯᓯᕆᙱᑕᓄᑦ ᐱᐅᓯᖃᖅᑎᑕᐅᓂᕐᒥ.

ᐅᖃᖅᑎᐅᔪᖅ ᒪᓕᒐᓕᐅᖅᑎᖏᓐᓂ, ᐹᓪ ᖁᐊᓴ, ᐅᖃᓚᐅᖅᐳᖅ ᓄᓇᕗᑖᕐᓂᕐᒥ ᐃᓚᖓᒍᑦ ᓴᐃᒻᒪᖃᑎᒌᖕᓂᐅᓚᐅᖅᐳᖅ, ᐃᓚᖓᒍᑦ, ᐊᑕᐅᓯᐅᓪᓗᓂ ᑐᕌᒐᒃᓴᓪᓗᐊᑕᐅᓪᓗᓂ ᓄᓇᑖᕋᓱᐊᕐᓂᕐᒧᑦ ᐱᓕᕆᓂᐅᔪᒥ ᐱᓂᕐᒧᑦ ᐊᖏᓂᖅᓴᒥ ᐃᒻᒥᒃᑰᕆᓂᐅᔪᒥ.

ᐃᒻᒥᒃᑰᕆᓂᖅ, ᑭᓯᐊᓂ, ᑐᓂᓯᓂᖃᙱᓚᖅ ᒐᕙᒪᑐᖃᒃᑯᓐᓂ ᕿᒫᓂᐅᔪᒥ ᑲᒪᒋᔭᕆᐊᖃᖅᑕᒥᓂ ᐋᖅᑭᒃᓯᓂᐅᔪᒥ ᑕᒻᒪᕐᓂᐅᓚᐅᖅᑐᓂ ᐱᓕᕆᐊᖑᓂᕐᓂ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ ᑲᓇᑕᒥ.

ᐊᖏᔪᐊᓗᖕᓂ ᐃᓚᑰᓂᐅᔪᓂ ᑕᐅᑐᒃᖢᒍ ᖃᓪᓗᓈᑦ ᓄᓇᖓᓐᓂ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ, ᐃᓕᓐᓂᐊᕐᓂᕐᒥ ᐊᒻᒪ ᐃᒡᓗᖃᖅᑎᑕᐅᓂᕐᒥ ᐱᑕᖃᐃᓐᓇᐅᔭᖅᖢᑎᒃ ᐊᑲᐅᙱᓕᐅᕈᑕᐅᕗᑦ.

ᖁᑦᑎᒃᑐᒥ ᐅᓄᕐᓂᐅᔪᑦ ᐊᒻᒪ ᓱᖏᐅᓐᓇᖅᓯᑎᑕᐅᓯᒪᓂᖓᓂ ᐋᓐᓂᖅᓯᕆᓂᐅᔪᒥ ᐃᓚᒌᖑᔪᓄᑦᑕᐅᖅ, ᐱᔾᔪᑕᐅᕗᑦ ᐃᓱᒫᓗᖕᓂᕐᒥ. ᑭᓯᐊᓂ ᐊᒥᓱᒃᑲᓐᓂᕐᓂ ᖃᐅᒪᓂᕐᓂ ᖃᐅᒻᒪᒃᐸᓪᓕᐊᔪᓂ ᑖᖅᑐᒥ ᓯᕗᓪᓕᖅᐹᖑᔪᑦ ᐱᐅᓯᖃᑎᒌᖑᔪᓂ ᒪᒃᑯᒃᑐᓂ ᐃᓐᓇᕐᓂ ᑕᐃᒪᙵᓂ ᓄᓇᕗᑖᓚᐅᖅᑎᓪᓗᒋᑦ ᐃᓱᓕᑦᑎᕙᓪᓕᐊᑎᓪᓗᒋᑦ ᖁᑦᑎᖕᓂᖅᓴᒥ ᐃᓕᓐᓂᐊᕐᓂᕆᔭᖏᓐᓂ ᐱᓕᕆᐊᖑᔪᓂᑦ, ᐃᓕᓴᐃᔨᐅᒐᓗᐊᕈᑎᒃ, ᐃᓗᐊᖅᓴᐃᔩᑦ, ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓴᓇᔨᐅᓗᑎᒃ ᐅᕝᕙᓘᓐᓃᑦ ᐃᖅᑲᓇᐃᔮᒥᓄᑦ ᐃᓕᓐᓂᐊᖅᓯᒪᔪᓂ ᐃᓄᖕᓂ, ᑕᒪᒃᑭᑦ ᐃᑲᔪᖅᓱᐃᒃᑲᓐᓂᕈᓐᓇᖅᑐᓂ ᓄᓇᓕᖏᓐᓂ

ᑕᐅᑐᒃᑕᑐᐊᖃᑲᐃᓐᓇᖅᓯᒪᕗᖅ ᐃᓄᒃᑎᑐᒻᒥ ᑕᒪᒃᑭᓂ ᐅᖃᐅᓯᐅᓗᓂ ᐃᓕᓴᐃᓂᕐᒧᑦ ᐊᒻᒪᓗ ᖃᐅᑕᒫᒥ ᐆᒪᓂᕐᒧᑦ.

ᓄᓇᕗᒻᒥ ᑐᙵᕕᒃᑯᑦ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᒃᐱᕈᓱᒃᐳᖅ ᐱᓕᕆᓂᖃᒃᑲᓐᓂᕈᓐᓇᕐᓂᖓᓂ ᓯᕗᓂᐊᓂ, ᐅᖃᖅᖢᓂ ᐃᓄᒃᑐᑦ ᐃᓕᓴᕆᔭᐅᔭᕆᐊᖃᕐᓂᖓᓂ ᐃᓕᓴᕆᔭᐅᓯᒪᔪᓄᑦ ᐅᖃᐅᓯᐅᔪᓄᑦ ᑲᓇᑕᒥ ᓄᓇᕗᒻᒥ, ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ ᑕᒪᒃᑭᑦ ᐅᓄᙱᓐᓂᖅᓴᐅᔪᓄᑦ ᐅᖃᐅᓯᐅᖕᒪᑕ ᓄᓇᕗᒻᒥ.

ᖁᐊᓴ ᑕᐃᒪᓐᓇᐸᓗᒃ ᐅᖃᖅᓯᒪᕗᖅ ᐃᓱᒪᒋᔭᐅᓂᐅᔪᒥ, ᐅᖃᖅᖢᓂ, “ᓱᓕ ᕿᒻᒪᑰᕐᔪᐊᐸᓗᒃᐳᒍᑦ ᐱᔾᔪᑎᖃᖅᑐᒥ ᒐᕙᒪᐅᔪᓂ ᐊᑐᖅᑐᒥ ᐃᓄᒃᑎᑐᒻᒥ ᐱᓕᕆᓪᓗᓂ ᐅᖃᐅᓯᐅᓂᖓᓂ. ᒐᕙᒪᕗᑦ ᓱᓕ ᖃᓪᓗᓈᑎᑐᑦ–ᐅᖃᖅᑎᐅᓪᓗᑎᒃ ᒐᕙᒪᐅᕗᑦ, ᒐᕙᒪᕗᑦ ᐃᓕᓯᒐᔪᒃᑑᔮᖅᐳᑦ ᐊᑐᐊᒐᓂ ᐊᒻᒪ ᐱᖁᔭᓂᑦ ᖃᓪᓗᓈᓄᑦ ᑐᕌᖓᕐᔪᐊᖅᑐᓄᑦ. ᐄᓪᓚᕆᒃ ᓱᓕ ᐱᔭᒃᓴᖃᕐᔪᐊᖅᐳᑦ ᐱᓕᕆᐊᖑᔭᕆᐊᓕᖕᓂ ᑕᐃᑯᖓ ᐃᓱᐊᓄᑦ.”

ᐃᓂᒃᓴᖃᕐᓂᐅᔪᒥ ᐱᐅᓯᒋᐊᖅᑎᑦᑎᓂᕐᒧᑦ ᑕᐃᒪᐃᒐᔪᖕᓂᐅᔪᓐᓇᖅᐳᖅ, ᑭᓯᐊᓂ ᓂᕆᐅᒋᔭᒃᓴᐅᕗᖅ ᓄᓇᕗᑦ ᐊᖅᑯᑎᓕᐅᖅᑎᓪᓗᒍ ᓯᕗᒻᒧᑦ ᓯᕗᓂᒃᓴᐅᔪᒧᑦ ᐱᔨᑦᑎᕋᖅᑐᒥ ᐊᒻᒪ ᐃᑲᔪᖅᓱᐃᔪᒥ ᑕᒪᒃᑭᓂ ᓄᓇᕗᒻᒥᐅᓂ.

“ᐃᓄᐃᑦ ᐊᒥᓱᐊᓗᖕᓂ ᓂᕆᐅᒋᔭᖃᖅᐳᑦ ᐊᒻᒪ ᓂᕆᐅᖕᓂᖃᖅᐳᑦ,” ᐅᖃᖅᐳᖅ ᑰᑦᑎᖅ. “ᐃᓱᒪᕗᖓ ᐃᓚᖓᓐᓂ ᓂᕆᐅᒋᔭᖃᕐᓂᐅᔪᒥ ᐅᓇᐅᓚᐅᖅᐳᖅ ᐃᓄᓕᒫᓂ ᒐᕙᒪᖃᕐᓂᕐᒥ ᐃᓄᐃᑦ ᐃᓄᓕᒫᓄᑦ ᐅᓄᕐᓂᖅᓴᐅᑎᓪᓗᒋᑦ, ᐱᓕᕆᓂᐅᔪᒧᑦ ᓱᓕᔪᒥ ᐃᓄᖕᓄᑦ ᓯᕗᓪᓕᐅᔾᔭᐅᖁᔭᐅᔪᓂ ᓯᕗᓪᓕᐅᔾᔭᐅᑎᑕᐅᓇᔭᖅᐳᖅ ᐃᓄᓕᒫᓄᑦ ᒐᕙᒪᐅᔪᓄᑦ. ᑭᓯᐊᓂ ᐃᓱᒪᕗᖓ ᐊᑯᓂᐅᓂᐅᔪᒥ ᐊᕐᕌᒍᓄᑦ 22–ᓄᑦ, ᐅᔾᔨᕆᓯᒪᕗᒍᑦ ᐊᒥᓱᑦ ᓯᕗᓪᓕᐅᔾᔭᐅᖁᔭᐅᔪᑦ ᐃᓄᖕᓄᑦ–ᑐᕌᖓᓂᖃᙱᓚᑦ.”

ᖄᖏᖅᓯᒪᓕᖅᑐᓂ ᖃᔅᓯᐊᕐᔪᖕᓂ ᐱᓇᓱᐊᕈᓯᐅᔪᓂ ᑕᑯᒃᓴᐅᑎᑦᑎᓯᒪᕗᖅ ᑖᔅᓱᒥᖓ, ᐱᐅᓛᖑᔪᓂ ᐊᒃᓱᕈᕐᓂᖃᕋᓗᐊᖅᑎᓪᓗᒋᑦ ᓄᓇᓕᖕᓂ ᐊᒻᒪᓗ ᓄᓇᕗᒻᒥ ᓯᕗᓕᐅᖅᑎᐅᔪᓂ, ᐃᓄᐃᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ ᓯᕗᓪᓕᐅᔾᔭᐅᖁᔭᐅᔪᓂ ᖁᑦᑎᓛᖑᐃᓐᓇᖅᓯᒪᙱᓚᑦ–ᐃᓱᒪᒋᔭᐅᓂᐅᔪᓄᑦ ᒐᕙᒪᑐᖃᒃᑯᓐᓂ.

“ᒫᓐᓇᐅᔪᒥ, ᖁᕕᐊᓱᒍᑎᖃᕋᓗᐊᖅᑎᓪᓗᑕ ᓄᓇᕗᒻᒥ, ᐃᖅᑲᐅᒪᔭᕆᐊᖃᖅᐳᒍᑦ ᐃᓄᖕᓂ ᐊᒃᓱᕈᖅᖢᑎᒃ ᐱᓕᕆᓚᐅᖅᑐᓂ ᓄᓇᕗᑖᕋᓱᖕᓂᕐᒧᑦ, ᓇᑭᙶᕐᓂᑦᑎᓐᓂ ᐊᒻᒪ ᐊᑐᖅᓯᒪᔭᑦᑎᓐᓂ ᑎᑭᐅᑎᓂᕐᒧᑦ ᓇᒦᓕᕐᓂᑦᑎᓐᓂ ᐅᓪᓗᒥ,” ᐅᖃᓚᐅᖅᐳᖅ ᑰᑦᑎᖅ.

ᐱᔾᔪᑎᑕᖃᖅᐳᖅ ᓂᕆᐅᖕᓂᖃᑦᑎᐊᕐᓂᐅᔪᒥ, ᑭᓯᐊᓂ ᐱᓕᕆᓂᖅ ᓱᓕ ᐱᔭᕇᖅᓯᒪᙱᓚᖅ.