Skip to content

ᐊᒡᓂᒍ ᐃᒍᒃᑯᑦ ᐅᓂᑉᑳᓕᐊᖓ ᑕᕆᐅᓕᒃ ᐃᒪᖅ ᑯᕕᑎᓪᓗᒍ

ᐊᒡᓂᒍ ᐃᒍᒃᑯᑦ ᐅᔭᕋᖕᓂᐊᕐᕕᖓ ᓴᖅᑭᑎᑦᑎᓚᐅᖅᑐᖅ ᑐᓴᒐᒃᓴᒥᒃ ᓯᑎᐱᕆ 2-ᒥ ᑐᓴᖅᑎᑦᑎᑉᓗᓂ ᓄᓇᓕᖕᒥ ᑲᖏᖅᖠᓂᕐᒥ ᐅᖓᑕᐅᔾᔨᓯᒪᓂᖅ ᓴᖅᑭᑉᐸᓪᓕᐊᔪᓂᒃ ᑕᓯᕐᔪᐊᖅ ᒎᓘ ᐅᔭᕋᖕᓂᐊᕐᕕᖕᒥ ᐅᖃᐅᓯᐅᓚᐅᕐᒪᑦ ᑐᓴᕆᐊᓕᖕᓄᑦ − ᓄᓇᕗᒥ ᐃᒪᕐᒧᑦ ᑲᑎᒪᔨᓄᑦ, ᓄᓇᕗᒥ ᐊᕙᑎᓕᕆᔨᒃᑯᓐᓄᑦ, ᑲᓇᑕᒥ ᐃᓄᓕᕆᔨᑐᖃᒃᑯᓐᓄᑦ, ᐊᕙᑎᓕᕆᔨᒃᑯᓐᓄᑦ ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᑲᒪᔨᒃᑯᓐᓄᑦ ᒐᕙᒪᑐᖃᒃᑯᓐᓂᒃ, ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓄᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓄᑦ − ᑯᕕᔫᑉ ᒥᒃᓵᓄᑦ ᐅᓂᑉᑳᓕᐊᒃᑯᑦ ᐊᒐᓯ 31-ᒥ.

ᑕᓯᕐᔪᐊᖅ ᒎᓗᒥᒃ ᐅᔭᕋᖕᓂᐊᕐᕕᒃ ᑲᖏᖅᖠᓂᐅᑉ ᖃᓂᒋᔭᖓᓃᑦᑐᖅ ᐊᐅᓚᑕᐅᔪᖅ ᐊᒡᓂᒍ ᐃᒍ ᐅᔭᕋᖕᓂᐊᖅᑐᓕᕆᔨᒃᑯᓐᓄᑦ. ᐊᔾᔨ ᐅᑭᐅᖅᑕᖅᑐᒥ ᑐᓴᒐᒃᓴᓕᕆᔨᒃᑯᑦ ᐊᔾᔨᖁᑎᖏᓐᓂᙶᖅᑐᖅ

ᑯᕕᔪᖅ ᓴᖅᑭᓚᐅᖅᑐᖅ ᐊᒡᓂᒍ ᐃᒍᒃᑯᑦ ᐱᓕᕆᐊᕆᔭᖏᑦᑎᒍᑦ ᑕᓯᕐᔪᐊᕐᒥ ᒎᓘᒥ ᐅᔭᕋᖕᓂᐊᕐᕕᐅᔪᒥᒃ ᑲᖏᖅᖠᓂᕐᒥ. ᑯᕕᔪᒥᒃ ᐅᓂᑉᑳᓕᐅᖅᑎ, ᑯᓗᐃ ᕗᐊᓐᔩ, ᐅᖃᖅᖢᓂ ᑲᑎᖦᖢᒋᑦ ᓴᖅᑭᓯᒪᔪᑦ ᐃᒪᒃᑯᑦ ᐃᓗᓕᖃᕐᒪᑕ ᓲᕐᓗ ᐳᔪᕐᒥᒃ ᐊᒻᒪᓗ ᐃᑉᔪᕐᒥ, ᐊᒻᒪᓗ plankton-ᒥᒃ ᐊᒻᒪᓗ algae-ᒥ. ᐅᖃᖅᖢᓂ ᒫᓐᓇᐅᔪᖅ ᐅᒃᐱᕈᓱᖕᒪᑕ ᐅᖓᑕᐅᔾᔨᓂᐅᔪᖅ ᐊᖏᓂᖅᓴᐅᖕᒪᑦ ᐱᔾᔪᑎᒋᑉᓗᒍ algae ᐱᕙᓪᓕᐊᓂᖓ ᑕᓯᕐᒥ ᐃᓕᐅᖅᑕᐃᕝᕕᐅᖃᑦᑕᖅᑐᒥ ᐃᒪᕐᒥᒃ ᐊᑐᖅᓯᒪᔪᒥᒃ ᐃᑎᕕᐊᓕᐊᕈᔾᔭᐅᖅᑳᖅᑎᓐᓇᒋᑦ.

“ᐃᕐᖓᖅᐸᓪᓕᐊᔪᖅ ᓄᖅᑲᖅᑎᑕᐅᑲᐅᑎᒋᓚᐅᖅᑐᖅ ᑐᓴᖅᑎᑕᐅᒐᒥᒃ ᒪᓕᑦᑎᐊᙱᓐᓂᖏᓐᓄᑦ ᓴᖅᑭᑦᑕᕆᐊᓖᑦ ᖃᐅᔨᓴᕈᑕᐅᖃᑦᑕᖅᑐᒃᑯᑦ, “ ᑕᐃᒪᓐᓇ ᐅᖃᖅᖢᓂ ᕗᐊᓐᔩ.

ᐃᕐᖓᖅᑑᑉ ᐊᖏᓂᖓ ᓂᕆᐅᒋᔭᐅᔪᖅ 11,000m3-ᖑᓇᔭᕐᓂᖓᓄᑦ ᐃᒪᖅ, ᐃᒻᒪᖄ 305 ᐃᒥᖅᑕᐅᑎᐅᑉ ᓄᓇᒃᑰᕈᑎᐅᑉ ᐊᖏᓂᖓᑎᑐᑦ. ᖃᓄᖅ ᐊᖏᑎᒋᓪᓚᑦᑖᕐᓂᖓ ᓇᓗᓇᐃᖅᑕᐅᓂᐊᖅᑐᖅ ᑭᖑᓪᓕᖅᐹᒃᑯᑦ ᖃᐅᔨᓴᕈᑕᐅᔪᒃᑯᑦ ᓴᖅᑭᑦᑐᑦ ᖃᐃᑕᐅᒃᐸᑕ.

“ᖃᐅᔨᓴᖅᑕᐅᕙᓪᓕᐊᖏᓐᓇᖅᑐᖅ ᑕᐃᒪᐃᑦᑐᖅ algae ᓇᓗᓇᐃᖅᑕᐅᑦᑎᐊᖁᑉᓗᒍ ᐊᒻᒪᓗ ᐋᖅᑭᒋᐊᖅᓯᒍᑎᑦᑎᐊᕙᖕᒥᒃ ᐊᑐᕈᓐᓇᖁᑉᓗᒋᑦ ᐃᓗᐃᑦᑐᒃᑯᑦ ᒪᓕᑦᑎᐊᕈᓐᓇᖅᓯᖁᑉᓗᒋᑦ ᐲᔭᐃᓂᖅ ᑲᔪᓯᑎᒃᑲᓐᓂᖅᑳᖅᑎᓐᓇᒍ.”

ᕗᐊᓐᔨ ᑐᓴᖅᑎᑦᑎᒃᑲᓐᓂᖅᖢᓂ ᓄᓇᓕᖕᒥᒃ ᐊᓯᖏᑦ ᖃᐅᔨᓴᕈᑏᑦ ᑲᒪᒋᔭᐅᓚᐅᕐᒥᖕᒪᑕ ᐱᓇᓱᐊᕈᓯᐅᓚᐅᖅᑐᒥ Melvin Bay-ᒥ. ᐅᖃᖅᖢᓂᓗ, ᐃᖅᑲᐃᑎᑦᑎᔪᒪᑉᓗᓂ, ᐲᔭᐃᓂᐅᔪᖅ Melvin Bay-ᒥ ᑲᒪᒋᔭᐅᓯᒪᔪᖅ ᑕᕆᐅᓕᒃ ᐃᒪᖅ ᓄᓇᐅᑉ ᐊᑖᓂᙶᖅᑐᖅ ᐱᓕᕆᐊᖑᒋᐊᓚᐅᖅᑐᖅ ᐊᒐᓯ 10-ᒥ.

“ᑐᓴᐅᒪᑏᓐᓇᕐᓂᐊᖅᑕᖅᐳᑦ ᐃᓱᒫᓘᑎᓖᑦ ᐊᖓᔪᖅᑳᒡᒍᑏᑦ ᐊᒻᒪᓗ ᑲᖏᖅᖠᓂᕐᒥᐅᑕᑦ ᓴᖅᑭᑉᐸᓪᓕᐊᔪᓂᒃ ᖃᐅᔨᓴᕈᑎᒋᔭᒃᑯᑦ ᐊᒻᒪᓗ ᖃᓄᐃᓕᐅᖅᐸᓪᓕᓂᐊᕐᒪᖔᑉᑕ.

“ᑐᑭᓯᑎᑦᑎᒋᐊᕈᒪᓂᒃᑯᑦ: ᑲᑎᖦᖢᒋᑦ ᓄᖑᑉᐸᓪᓕᐊᔪᑦ ᐃᓗᓕᖏᑦ ᐊᒻᒪᓗ ᑲᑎᖦᖢᒋᑦ ᓴᖅᑭᑉᐸᓪᓕᐊᔪᑦ ᐊᔾᔨᒌᙱᓐᓂᖏᑦ − ᑲᑎᖦᖢᒋᑦ ᓄᖑᑉᐸᓪᓕᐊᔪᒃᑯᑦ ᐆᒃᑐᕋᖅᑕᐅᓯᒪᔪᑦ ᑕᒪᐃᓐᓄᑦ ᓄᖑᑉᐸᓪᓕᐊᔪᒃᑯᑦ ᑕᕆᐅᒃᑯᑦ ᐊᒻᒪᓗ ᐅᔭᕋᒃᑯᑦ ᐃᒪᕐᒥ. “ᑕᒪᒃᑯᐊ ᑕᕆᐅᑦ ᐊᒻᒪᓗ ᐅᔭᖅᑲᑦ ᐃᓗᓕᖃᖅᑐᑦ ᓄᓇᒥᙶᖅᑐᓂᒃ ᐊᒻᒪᓗ ᓄᓇᒥᙶᖅᑐᒃᑯᑦ ᐃᓗᓕᕆᔭᖏᑦᑎᒍᑦ, ᐃᓗᓕᖏᑦ ᐊᒻᒪᓗ ᓴᕕᕋᔭᒃᑯᑦ, ᐊᑐᓂ ᓇᓂᔭᐅᓲᑦ ᐃᒪᖁᑎᒋᔭᐅᔪᓂᒃ.

“ᑲᑎᖦᖢᒋᑦ ᓴᖅᑭᑉᐸᓪᓕᐊᔪᑦ ᐃᓗᓕᖃᖅᑐᑦ ᓴᖅᑭᑉᐸᓪᓕᐊᔪᒃᑯᑦ ᐃᒪᒃᑯᑦ ᑭᓯᐊᓂ ᓄᖑᑎᖅᓯᒪᙱᑦᑐᑦ ᓲᕐᓗ ᐳᔪᐃᑦ ᐊᒻᒪᓗ ᐃᑉᔪᐃᑦ, ᐊᒻᒪᓗ ᐃᓗᓕᕆᔭᖏᑦ ᓲᕐᓗ plankton-ᖑᔪᑦ ᐊᒻᒪᓗ algae.”