ᑲᑎᓪᓗᒍ ᐅᓄᕐᓂᖅᓴᐅᔪᓂ 4,000−ᓂ ᒪᑐᐊᕐᓂ ᐃᑲᔪᕐᓂᐊᖅᑐᒥ ᐅᓇᑕᐃᓐᓇᕐᓂᐅᔪᒥ ᓄᕙᒡᔪᐊᕐᓇᖅ-19−ᒥ ᑐᓐᓂᖅᓴᖅᑕᐅᓚᐅᖅᐳᑦ ᔫᓇ ᐊᒥᑦᓈᖅ ᖁᑦᑎᒃᑐᒥ ᐃᓕᓐᓂᐊᕐᕕᖓᓄᑦ (JASS) ᐊᒻᒪᓗ ᕋᐃᑦᓱᓪ ᐊᕐᓇᒪᒃᑎᖅ ᐱᒋᐊᓕᓵᖅᑐᓄᑦ ᐃᓕᓐᓂᐊᕐᕕᖓᓄᑦ ᖃᒪᓂᑦᑐᐊᕐᒥ ᑎᓯᐱᕆ 1−ᒥ.
ᒪᑐᐊᑦ ᐅᐱᒋᔭᐅᓪᓗᑎᒃ ᑐᓂᔭᐅᓚᐅᖅᐳᑦ ᐃᓕᓐᓂᐊᕐᕕᓄᑦ ᓄᓇᓕᖕᓂ ᖃᒪᓂᑦᑐᐊᕐᒥ ᑲᒻᐸᓂᐅᔪᒥ, ᐲᑕ ᑐᐊᕕᕐᓇᖅᑐᒥ ᐊᐅᓪᓚᖅᑎᑦᑎᔨᐅᔪᓄᑦ ᓕᒥᑎᑦᑯᓐᓂ.
ᑐᓐᓂᖅᑯᓯᐊᖅ ᓴᓇᔭᐅᓂᑯᓂ−ᑲᓇᑕᒥ ᒪᑐᐊᑦ ᐊᔪᕐᓇᙱᑎᑕᐅᓚᐅᖅᐳᖅ ᑲᑐᔾᔭᐅᔪᒥ ᐊᒃᓱᕈᕐᓂᐅᔪᓂ ᐲᑕ ᑐᐊᕕᕐᓇᖅᑐᒥ ᐊᐅᓪᓚᖅᑎᑦᑎᔨᐅᔪᓄᑦ (ᓂᐅᕕᓚᐅᖅᑐᓂ ᐊᒻᒪ ᐱᓚᐅᖅᑐᓂ 2,500 ᒪᑐᐊᕐᓂ), ᒪᑐᐊᓕᐅᖅᑏᑦ ᐃᒻᒥᓂᒃ, ᐅᓕᐴᑦ, (ᑐᓂᓯᓚᐅᖅᑐᒥ ᖄᒃᑲᓐᓂᐊᒍᑦ 1,500 ᒪᑐᐊᕐᓂ) ᐊᒻᒪᓗ ᐊᒡᓂᑯ ᐄᒍᓪ ᐅᔭᕋᖕᓂᐊᕐᕕᒃ (ᐊᒡᔭᖅᓯᓚᐅᖅᑐᓂ ᒪᑐᐊᕐᓂ ᖃᓪᓗᓈᑦ ᓄᓇᖓᓐᓂ ᖃᒪᓂᑦᑐᐊᕐᒧᑦ).
ᖃᒪᓂᑦᑐᐊᕐᒧᑦ ᑐᓐᓂᖅᑯᑕᐅᔪᑦ ᒪᓕᓚᐅᖅᐳᖅ ᑕᐃᒪᐃᓐᓂᐅᔪᒥ ᑭᕙᓪᓕᖅ ᐊᕕᒃᑐᖅᓯᒪᓂᓕᒫᒧᑦ – ᐅᔾᔨᕐᓇᓗᐊᖅᑐᒥ ᐊᕐᕕᐊᓂᑦ ᐊᒻᒪᓗ ᑲᖏᖅᖠᓂᕐᒥ – ᑕᑯᓯᒪᔪᓂ ᖃᔅᓯᒐᓚᖕᓂ ᑲᒻᐸᓂᐅᔪᓂ, ᑲᑐᔾᔨᖃᑎᒌᖑᔪᓂᑦ ᐊᒻᒪᓗ ᕼᒡᐊᒻᓚᐅᔪᓂ ᐃᒻᒥᖕᓂᒃ ᓇᖏᖅᓯᔪᓄᑦ ᑐᓂᓯᕐᔪᐊᕐᓂᖏᓐᓂ ᐊᒻᒪᓗ ᑐᓐᓂᖅᓴᐃᓪᓗᑎᒃ ᐱᖁᑎᓂᑦ ᐊᒻᒪ ᐱᔨᑦᑎᕋᕐᓂᐅᔪᓂ ᐃᓄᖕᓄᑦ ᓄᓇᓕᖏᓐᓂ ᖁᕝᕙᓯᒃᑎᑦᑎᓇᓱᐊᕐᓂᐅᔪᒥ ᐊᒻᒪᓗ ᐊᑐᐃᓐᓇᖃᕐᓂᕐᒥ ᐃᑲᔪᕐᓂᕐᒧᑦ ᐊᒡᒐᓂᑦ ᐊᒃᓱᕈᕐᓇᖅᑐᒃᑯᑦ ᖃᓄᐃᓐᓂᐅᔪᓄᑦ ᑎᑭᑎᑕᐅᓯᒪᔪᒥ ᐊᒥᓱᓄᑦ ᖃᓂᒻᒪᓐᓇᐅᔪᒥ.
ᒥᐊᑐᐹᖕᒃ ᐃᒡᓗᕐᔪᐊᖓᓂ ᐊᐅᓚᑦᑎᔨᖓ ᐋᓕᒃᓵᓐᑐᕐ ᑲᐅᓴᓐ ᐅᖃᓚᐅᖅᐳᖅ ᐊᒡᓂᑯ ᐄᒍᓪ ᖁᕕᐊᓱᑦᑎᐊᓚᐅᖅᐳᑦ ᐃᑲᔪᖅᓱᐃᓂᕐᒥ ᐲᑕ ᑐᐊᕕᕐᓇᖅᑐᒥ ᐊᐅᓪᓚᖅᑎᑦᑎᔨᐅᔪᓄᑦ ᓕᒥᑎᑦᑯᓐᓄᑦ ᑎᑭᑎᑦᑎᓂᖏᓐᓂ ᒪᑐᐊᕐᓂ ᖃᒪᓂᑦᑐᐊᕐᒧᑦ.
“ᐅᑯᐊ ᒪᑐᐊᑦ ᓱᕈᓯᕐᓄᑦ ᒪᒃᑯᒃᑐᓄᓪᓗ ᓄᓇᓕᖕᓂ ᑐᕌᖓᖕᒪᑕ, ᐱᒻᒪᕆᐅᕐᔪᐊᕆᓚᐅᖅᐸᕗᑦ ᐃᑲᔪᖅᓱᐃᓂᕐᒥ,” ᐅᖃᓚᐅᖅᐳᖅ ᑲᐅᓴᓐ.
ᐊᐅᓚᑦᑎᔨᐅᔪᑦ-ᐊᒻᒪ-ᐃᖅᑲᓇᐃᔭᖅᑎᓄᑦ ᑲᑎᙵᓂᐅᔪᑦ ᐲᑕ ᑐᐊᕕᕐᓇᖅᑐᒥ ᐊᐅᓪᓚᖅᑎᑦᑎᔨᐅᔪᓄᑦ ᓕᒥᑎᑦᑯᓐᓂ ᐊᑯᓂᐅᔪᒥ ᐱᓕᕆᑦᑎᐊᖃᑎᖃᕈᓐᓇᕐᓂᕐᒥ ᑕᒪᒃᑭᓂ ᓄᓇᓕᖕᓂ ᐊᒻᒪᓗ ᐱᓕᕆᔨᕐᔪᐊᖑᔪᓄᑦ ᐋᖅᑭᒍᑎᒃᓴᐅᔪᓄᑦ ᐊᒃᓱᕈᕈᑕᐅᔪᓂ ᐹᖅᑕᐅᒑᖓᒥᒃ, ᐊᒻᒪᓗ ᐃᑲᔪᖅᓱᐃᓂᕐᒧᑦ ᐃᓕᓐᓂᐊᕐᓂᕐᒥ, ᐱᓕᒻᒪᒃᓴᐃᓂᕐᒥ, ᐱᕙᓪᓕᐊᑎᑦᑎᓂᕐᒥ ᐊᒻᒪᓗ ᖃᓄᐃᙱᑦᑎᐊᕐᓂᐅᔪᒥ ᖃᒪᓂᑦᑐᐊᕐᒥ.
ᑲᒻᐸᓂᐅᔪᒥ ᐊᖓᔪᖅᑳᖓ ᐲᑕ ᑖᐸᑕᐃ ᖁᕕᐊᓱᖃᑕᐅᑦᑎᐊᓚᐅᕆᕗᖅ ᐲᑕ ᑐᐊᕕᕐᓇᖅᑐᒥ ᐊᐅᓪᓚᖅᑎᑦᑎᔨᐅᔪᓄᑦ ᐃᑲᔪᕈᓐᓇᕐᓂᕐᒧᑦ ᓱᕈᓯᕐᓂ ᐊᒻᒪ ᒪᒃᑯᒃᑐᓂ ᓄᓇᓕᖓᓐᓂ ᐊᑦᑕᓇᔾᔭᐃᖅᓯᓯᒪᓂᖏᓐᓂ, ᓄᕙᒡᔪᐊᕐᓇᖅ-19 ᓄᖅᑲᖓᑎᑕᐅᓯᒪᑎᓪᓗᒍ.
“ᓇᓗᓇᐃᖅᓯᔪᒪᓚᐅᖅᐳᒍᑦ ᐱᓕᕆᐊᒃᓴᓂ ᐃᓚᐅᖃᑕᐅᓂᑦᑎᓐᓂ ᐃᑲᔪᖅᓱᐃᓂᕐᒧᑦ ᓱᕈᓯᕐᓂ ᐊᑦᑕᓇᙱᑦᑐᒦᑎᑕᐅᓂᖏᓐᓂ ᐃᓕᓐᓂᐊᕐᕕᓂᑦ, ᐊᒻᒪᓗ ᓄᓇᓕᖕᓂ, ᐅᑯᓇᓂ ᐊᒃᓱᕈᕐᓇᕐᓂᐅᔪᓂ ᐱᓕᕆᓂᐅᔪᓄᑦ,” ᐅᖃᓚᐅᖅᐳᖅ ᑖᐸᑕᐃ.
ᐅᓕᐴᑦ ᐊᖓᔪᖅᑳᖓ ᑖᓪ ᑎᑎᐅᕐ ᐅᖃᓚᐅᖅᐳᖅ ᑭᒃᑯᓕᒫᑦ ᐃᓚᐅᖃᑕᐅᔪᑦ ᓴᓇᐅᒐᓕᐊᖑᔪᓂ ᑲᒻᐸᓂᒥ ᑐᑭᓯᐅᒪᕗᑦ ᐊᔾᔨᐅᙱᑦᑐᒥ ᐊᒃᓱᕈᕐᓇᕐᓂᐅᔪᒥ ᓵᙵᔭᐅᔪᓄᑦ ᐅᑭᐅᖅᑕᖅᑐᕐᒥᐅᑕᓄᑦ ᑕᒪᑐᒪᓂ ᐊᒥᓱᓄᑦ ᖃᓂᒻᒪᓐᓇᐅᔪᒥ.
“ᐅᕙᓃᑉᐳᒍᑦ ᐃᑲᔪᖅᓱᐃᓂᕐᒥ ᓇᓕᐊᑐᐃᓐᓇᓂ ᓄᓇᓕᐅᔪᓂ, ᐊᑯᓂᐅᔪᒃᑯᑦ−ᐸᖅᑭᓂᐅᔪᒥ ᓄᓇᓕᐅᒍᓂ, ᐃᓕᓐᓂᐊᕐᕕᐅᒍᓂ, ᓇᖕᒥᓂᖅ ᓄᓇᓕᕗᑦ ᐅᕝᕙᓘᓐᓃᑦ ᐱᖃᓐᓇᕆᔭᕗᑦ ᐅᑭᐅᖅᑕᖅᑐᒥ,” ᐅᖃᓚᐅᖅᐳᖅ ᑎᑎᐅᕐ.