Skip to content

ᐃᓕᓐᓂᐊᖅᑎᑦ ᓂᕈᐊᖅᑎᑕᖑᓂᖏᑦ

ᐃᓕᓐᓂᐊᖅᑎᑦ ᓂᕈᐊᖅᑎᑕᖑᓂᖏᑦ

ᓇᐅᔮᑦ

ᒍᕇᑦ 9−ᒥ ᐃᓕᓐᓂᐊᖅᑐᑦ ᑑᒑᓕᒃ ᐃᓕᓐᓂᐊᕐᕕᒡᔪᐊᖓᓂ ᑐᓴᖅᑎᑕᐅᓚᐅᖅᐳᑦ ᑕᓪᓕᒪᓂᑦ ᓂᕈᐊᖅᑕᐅᓇᓱᐊᖃᑕᐅᔪᓂᑦ ᓂᕈᐊᖑᐊᖅᑎᑕᐅᓚᐅᖏᓐᓂᕐᒥᖕᓂ ᓂᕈᐊᕐᓂᐊᖅᑎᓪᓗᒋᑦ ᒪᐃᔭᒥᒃ ᑕᒡᕙᓂ ᑕᖅᑭᒥ.

 

ᒍᕇᑦ 9−ᒥ ᐃᓕᓐᓂᐊᖅᑎ ᐋᓐᑎ ᑯᐸᒃ ᐃᓚᐅᖃᑕᐅᔪᖅ ᓂᕈᐊᖑᖃᑕᐅᓂᕐᒧᑎ ᓂᕈᐊᕐᓂᐊᖅᑎᓪᓗᒋᑦ ᒪᐃᔭᒥᒃ ᑎᓴᐱᕆ 5−ᒥ ᑑᒑᓕᒃ ᐃᓕᓐᓂᐊᕐᕕᒡᔪᐊᖓᓂ ᓇᐅᔭᓂ.

ᑭᖑᓪᓕᖅᐹᒥ ᖃᐅᔨᑎᑕᐅᓚᐅᖏᒃᑲᓗᐊᖅᑎᓪᓗᑕ ᖃᓄᖅ ᓂᕈᐊᓚᐅᕐᒪᖔᑕ ᕼᐃᐅ ᕼᐊᖅᐱ ᓇᐅᔮᓂ ᒪᐃᔭᖑᖅᑎᑕᐅᓚᐅᖅᐳᖅ ᓂᕈᐊᖑᐊᖅᑐᓂ.

ᐱᑦᖤᖏᓴᖅᑐᖅ ᑎᕆᒐᓐᓂᐊᖅ

ᑲᖏᖅᖠᓂᖅ

ᑲᖏᖅᖠᓂᕐᒥᐅᑦ ᐅᖃᐅᔾᔪᖅᑕᐅᓯᒪᕗᑦ ᖃᐅᔨᓴᑦᓯᐊᖁᔭᐅᑉᓗᑎᒃ ᑕᑯᔪᖃᓚᐅᑎᓪᓗᒍ ᖃᐅᔨᔭᐅᔪᖃᓚᐅᖅᑎᓪᓗᒍᓗ ᐱᑦᖤᖏᓴᖅᑐᒥᒃ ᑎᕆᒐᓐᓂᐊᖅᑕᖃᕐᓂᖓᓄᑦ.

ᑎᕆᒐᓐᓂᐊᖅ ᑕᑯᔭᐅᓚᐅᖅᖢᓂ ᐊᒃᑕᕐᕕᖕᒥ ᐊᒻᒪ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᖕᓂᒃ ᖃᐅᔨᓴᖁᔨᕗᑦ ᖃᓄᐃᖏᑦᑑᔮᕈᓐᓇᕐᓂᖏᓐᓄᑦ ᑕᐃᒪᓐᓇᐃᒃᑲᓗᐊᖅᖢᑎᒃ.

ᖃᕐᓕᒃᑕᐃᓕᖁᔭᐅᑉᓗᑎᒡᓗ ᑎᕆᒐᓐᓂᐊᓄᑦ ᑕᒪᐃᓐᓄᑦ ᓄᓇᓕᖕᒥ ᐅᖓᓯᒃᑐᒥᓗ, ᑭᓯᐊᓂ, ᐱᓗᐊᖅᑐᒥᒃ ᓄᕚᕿᒃᐸᑕ ᖃᓂᒥᒍᑦ, ᓂᐱᖃᖅᐸᑕᓗ ᐅᕐᕈᔮᖅᐸᑕᓗ.

ᑭᓇᑐᐃᓐᓇᖅ ᑮᔭᐅᓯᒪᓇᓱᒋᒍᒥ ᑕᐃᒪᓐᓇᐃᑦᑐᖃᖅᑐᒧᑦ, ᐋᓐᓂᐊᕐᕕᓕᐊᕆᐊᖃᖅᐳᖅ ᖃᐅᔨᓴᖅᑕᐅᓂᐊᕐᓗᓂ.

 

ᓂᕈᐊᖅᑕᐅᖃᑕᐅᓯᒪᔪᑦ

ᑲᖏᖅᖠᓂᖅ

ᑲᖏᖅᖠᓂᕐᒥ ᕼᐋᑭᖅᑎᐊᓛᑦ Rankin Rock ᐃᓕᓐᓂᐊᖅᑎᑕᐅᒍᑕᐅᖃᑦᑕᖅᑐᖅ ᑮᓇᐅᔭᖅᑖᖃᑕᐅᑐᐃᓐᓇᕆᐊᖃᖅᐳᑦ ᓵᓚᒃᓴᖃᑕᐅᓗᑎᒃ Arctic Inspiration Prize (AIP)−ᒥᒃ.

ᐃᓕᓐᓂᐊᖅᑎᑕᐅᖃᑦᑕᖅᑐᑦ ᒪᒃᑯᒃᑐᑦ, ᐃᓕᑕᕆᔭᐅᒍᓯᐊᑐᐃᓐᓇᕆᐊᖃᖅᐳᑦ $100,000−ᓂᒃ ᐱᓐᖑᐊᖅᑎᓄᑦ ᑕᐱᕇᒃᑐᓄᑦ 7−ᓄᑦ.

ᑲᖏᖅᖠᓂᕐᒥ ᕼᐋᑭᕐᓂᕐᒧᑦ ᐃᓕᓐᓂᐊᖅᑎᑎᒍᑎᑦ ᑖᒃᑯᓂᖓ Rankin Rock Hockey ᐃᓕᓐᓂᐊᖅᑎᑕᐅᖃᑦᑕᕐᒪᑕ ᐃᓕᓐᓂᐊᖅᑎᑎᔨᒥᖕᓄᑦ ᓯᕗᓕᒃᑎᓄᓪᓗ. ᕼᐋᑭᕐᓇᐅᓂᐊᖅᑐᒧᑦ ᐃᓕᓐᓂᐊᖅᑎᑕᐅᓂᐊᖅᐳᑦ − ᒪᒃᑯᒃᑐᓪᓗ ᐃᓕᓐᓂᐊᖅᑎᑕᐅᓂᐊᖅᖢᑎᒃ ᓯᕗᓕᖅᑎᐅᓂᕐᒧᑦ, ᐃᓕᓐᓂᐊᖅᑎᑎᔨᐅᓂᕐᒧᑦ − ᐊᔪᖏᓴᖅᑕᐅᓗᑎᒃ, ᐃᓕᓐᓂᐊᖅᑎᑕᐅᓗᑎᒡᓗ ᐱᑦᓯᐊᔪᓴᓂᕐᒧᑦ ᐱᕙᓪᓕᐊᑎᑕᐅᓗᑎᒃ ᖃᓄᐃᓕᐅᕈᒪᓂᖏᓐᓄᓪᓗ ᒪᓕᒡᓗᒋᑦ, ᐃᖕᒥᓄᑦ ᐋᓐᓂᐊᖃᖅᑕᐃᓕᒪᓂᕐᒧᓪᓗ. ᑖᒃᑯᐊ ᓵᓚᒃᓴᐅᑎᖃᕐᓂᐊᖅᑐᑦ ᑐᓴᖅᑎᑎᓂᐊᖅᖢᑎᒃ ᔭᓐᓄᐊᕆ Jan. 31, 2018−ᖑᓕᖅᐸᑦ.

 

ᕼᐋᑭᖅᑐᓕᕆᔨᑦ ᐃᓕᓐᓂᐊᖅᑎᑕᐅᓂᐊᕐᓂᖏᑦ

ᑲᖏᖅᖠᓂᖅ

ᑲᖏᖅᖠᓂᕐᒥ ᐃᓐᓇᐃᑦ ᐊᖑᑎᑦ ᕼᐋᑭᖅᑎᖏᑦ ᐊᒻᒪ ᑲᖏᖅᖠᓂᕐᒥ ᕼᐋᑭᖅᑎᐊᓛᑦ ᑲᑐᔾᔨᖃᑎᒌᒃᑯᖏᑦ ᓕᕗ 1-2 ᕼᐋᑭᖅᑐᓕᕆᔨᐅᓂᕐᒧᑦ ᐊᔪᖏᓴᖅᑕᐅᓚᐅᖅᐳᑦ ᓴᓇᑦᑕᐃᓕᐊᕈᓯᐅᓚᐅᖅᑐᒥ, ᑎᓴᐱᕆ 9.

ᐃᓕᓐᓂᐊᖅᑎᑕᐅᓂᖅ ᑲᔪᓯᒋᐊᒃᑲᓐᓂᓚᐅᖅᖢᓂ ᓕᕗ 2-4 ᐃᓕᓐᓂᐊᖅᑎᑕᐅᓚᐅᖅᖢᑎᒃ ᑕᖅᑭᐅᓚᐅᖅᑐᒥ, ᓇᓗᓇᐃᒃᑯᑕᖅᑖᓚᐅᖅᖢᑎᒡᓗ ᑕᒪᐃᓐᓂ ᓄᓇᓕᖕᓂ ᕼᐋᑭᕐᓂᕐᒧᑦ ᐊᒻᒪ ᕼᐋᑭᖅᑎᐊᓛᑦ ᐃᓐᓇᐃᓪᓗ ᕼᐋᑭᕐᔪᐊᕐᓂᐊᖅᑎᓪᓗᒋᑦ ᐱᓕᕆᓂᐊᖅᖢᑎᒃ.





Pop-up banner image