Skip to content

ᐃᒡᓗᒃᓴᖃᖅᑎᑦᑎᓂᖅ ᖁᑦᑎᓛᖑᖃᑕᐅᕗᖅ ᓯᕗᓪᓕᐅᔾᔭᐅᖁᔭᐅᔪᓂ Liberal–ᑯᓐᓄᑦ ᓂᕈᐊᒐᒃᓴᐅᔪᒧᑦ ᐹᑦ ᐊᕐᓇᒃᑲᕐᒧᑦ

ᒪᓕᒐᓕᐅᖅᑎᐅᓚᐅᖅᑐᖅ ᐃᖃᓗᐃᑦ–ᓂᐊᖁᙴᒧᑦ ᐊᒻᒪ ᓄᓇᕗᒻᒥ ᒥᓂᔅᑕᐅᓚᐅᖅᑐᖅ ᐹᑦ ᐊᕐᓇᒃᑲᖅ ᐱᓇᓱᐊᖅᐳᖅ ᐅᕘᓇ Liberal–ᑯᑦ ᓇᓗᓇᐃᒃᑯᑕᖓᓐᓂ ᑎᑭᑉᐸᓪᓗᐊᔪᒧᑦ ᒐᕙᒪᑐᖃᒃᑯᑦ ᓂᕈᐊᒐᒃᓴᖓᓂ ᓯᑎᐱᕆ 20–ᒥ. ᓴᖑᑎᑦᑎᓇᓱᐊᖅᐳᖅ ᐃᒃᓯᕙᐅᑕᖓᓂ ᐅᑎᕐᓂᖓᓂ ᐊᐅᐸᖅᑐᒧᑦ ᒪᓕᒃᑐᒥ ᒧᒥᓛᖅ ᖃᖅᑲᐅᑉ ᓵᓚᒃᓴᕈᑎᒋᓚᐅᖅᑕᖓᓄᑦ NDP–ᑯᓐᓄᑦ 2019–ᒥ.
26430266_web1_2109060-NUN-PrimeMinister-AdditionalPhotos_4

ᒪᓕᒐᓕᐅᖅᑎᐅᓚᐅᖅᑐᖅ ᐃᖃᓗᐃᑦ–ᓂᐊᖁᙴᒧᑦ ᐊᒻᒪ ᓄᓇᕗᒻᒥ ᒥᓂᔅᑕᐅᓚᐅᖅᑐᖅ ᐹᑦ ᐊᕐᓇᒃᑲᖅ ᐱᓇᓱᐊᖅᐳᖅ ᐅᕘᓇ Liberal–ᑯᑦ ᓇᓗᓇᐃᒃᑯᑕᖓᓐᓂ ᑎᑭᑉᐸᓪᓗᐊᔪᒧᑦ ᒐᕙᒪᑐᖃᒃᑯᑦ ᓂᕈᐊᒐᒃᓴᖓᓂ ᓯᑎᐱᕆ 20–ᒥ. ᓴᖑᑎᑦᑎᓇᓱᐊᖅᐳᖅ ᐃᒃᓯᕙᐅᑕᖓᓂ ᐅᑎᕐᓂᖓᓂ ᐊᐅᐸᖅᑐᒧᑦ ᒪᓕᒃᑐᒥ ᒧᒥᓛᖅ ᖃᖅᑲᐅᑉ ᓵᓚᒃᓴᕈᑎᒋᓚᐅᖅᑕᖓᓄᑦ NDP–ᑯᓐᓄᑦ 2019–ᒥ.

ᐃᓚᒋᔭᐅᔪᓂ ᓯᕗᓪᓕᐅᔾᔭᐅᖁᔭᖏᓐᓂ ᓂᕈᐊᖅᑕᐅᒍᓂ ᐃᒡᓗᓕᕆᓂᕐᒥ, ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓕᓂᕐᒥ, ᐃᓄᑐᖃᕐᓂ ᐸᖅᑭᓂᐅᔪᒥ ᐊᒻᒪ ᓂᕿᒃᓴᖃᑦᑎᐊᕐᓂᕐᒥ.

“ᐃᓱᒪᓚᐅᖅᐳᖓ ᐅᓇ ᓴᖑᓂᑦᑎᐊᕙᐅᓇᔭᕐᓂᖓᓂ ᐅᕙᓐᓄᑦ, ᑲᓇᑕᐅᑉ ᒪᓕᒐᓕᐅᖅᑎᖏᓐᓂ ᐃᓚᒋᔭᐅᓕᕐᓗᓂ. ᓂᐱᐅᖏᓐᓇᕈᒪᕗᖓ ᓄᓇᕗᒻᒥᐅᓄᑦ ᐊᒻᒪ ᖃᐅᔨᒪᕗᖓ ᐱᓕᕆᔪᓐᓇᕐᓂᓐᓂ ᑲᓇᑕᐅᑉ ᒪᓕᒐᓕᐅᖅᑎᖏᓐᓂ ᐃᓚᒋᔭᐅᔪᒥ ᑭᒡᓕᐅᔪᒥ,” ᐅᖃᓚᐅᖅᐳᖅ, ᐅᓂᒃᑳᖅᖢᓂ ᓂᕈᐊᒐᒃᓴᙳᓚᐅᕐᓂᖓᓂ.

ᖃᓄᐃᒻᒪᑦ ᓂᕈᐊᓚᐅᕐᓂᖓᓂ Liberals–ᑯᓐᓂ, ᐅᖃᐅᓯᖃᖅᐳᖅ ᒐᕙᒪᑐᖃᒃᑯᑦ ᑲᑎᖅᓱᖅᑕᐅᕙᓪᓕᐊᔪᓂ ᑮᓇᐅᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑕᐅᔪᓂᒃ ᓄᓇᕗᒻᒧᑦ ᐃᒃᓯᕙᐅᑕᖃᙱᒃᑲᓗᐊᖅᑎᓪᓗᒋᑦ ᑭᐳᒥ, ᓲᕐᓗ ᐃᖃᓗᖕᓂ ᐃᑎᔪᒥ–ᑕᕆᐅᕐᒥ ᑐᓚᒃᑕᕐᕕᖓᓂ.

“ᖄᖏᖅᓯᒪᓕᖅᑐᓂ ᖃᔅᓯᐊᕐᔪᖕᓂ ᐊᕐᕌᒍᓄᑦ, ᓄᓇᕗᑦ ᓂᐱᖃᖅᓯᒪᕗᖅ ᑭᐳᒥ ᐊᒻᒪᓗ ᓱᓕ Liberal ᒐᕙᒪᒃᑯᑦ ᐃᔨᖏᑦ ᓄᓇᕗᒻᒨᕗᖅ.”

ᐃᒡᓗᓕᕆᓂᖅ

ᐊᖏᓛᖑᔪᖅ ᐱᓕᕆᐊᖑᔪᒥ ᐊᕐᓇᒃᑲᐅᑉ ᐱᓕᕆᐊᒃᓴᖏᓐᓂ, ᐅᖃᖅᐳᖅ, ᐱᓗᐊᖅᑐᒥ ᐃᒡᓗᓕᕆᓂᐅᕗᖅ. ᐱᓕᕆᓂᐅᔪᖅ ᐱᓯᒪᔪᒥ ᐅᖃᐅᓯᐅᕐᔪᐊᖅᓯᒪᓂᖓᓂ Liberal–ᑯᓐᓂ ᓯᕗᓕᐅᖅᑎᐅᔪᓂ.

ᐋᒍᔅᑎ 30–ᒥ, ᕿᓚᒥᑯᓗᒃ ᐳᓚᕋᕐᓂᐅᔪᒥ ᐃᖃᓗᖕᓄᑦ, Liberal–ᑯᑦ ᓯᕗᓕᐅᖅᑎᖓ ᐊᒻᒪ ᑲᓇᑕᒥ ᐊᖓᔪᖅᑳᕐᔪᐊᖓ ᔭᔅᑎᓐ ᑐᕉᑑ ᐅᖃᐅᓯᖃᓚᐅᖅᐳᖅ $360 ᒥᓕᐊᓐᓂ ᐃᒡᓗᓕᕆᓂᕐᒧᑦ ᑲᑎᖅᓱᖅᑕᐅᕙᓪᓕᐊᔪᓂ ᑮᓇᐅᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑕᐅᔪᓂᒃ ᓄᓇᕗᒻᒧᑦ ᐃᓚᒋᔭᐅᓗᓂ ᑲᓇᑕᒥ $2-ᐱᓕᐊᓐᓂ ᐊᖏᖅᓯᒪᓂᐅᔪᒥ ᐃᒡᓗᓕᕆᓂᕐᒧᑦ ᑲᓇᑕᒥ.

ᑎᑭᐅᒪᑎᓪᓗᒍ ᑕᒪᐃᑎᒍᑦ ᑐᕌᒐᕆᔭᖓᓂ ᐃᒡᓗᓕᕆᓂᕐᒧᑦ, ᐱᓕᕆᖃᑎᖃᕐᓂᖅ ᐊᓯᖏᓐᓂ ᓄᓇᕗᒻᒥ ᑲᑎᙵᓂᐅᔪᓂ ᐊᑕᐅᓯᐅᓪᓗᓂ ᐊᖅᑯᒻᒥ ᓯᕗᒧᐊᕆᓂᐅᔪᒥ.

“ᐃᓱᒪᒋᔭᖃᖅᓯᒪᕗᖓ ᖃᓄᖅ ᐱᓕᕆᔪᓐᓇᕐᓂᑦᑎᓐᓂ, ᐅᒃᐱᕈᓱᑦᑎᐊᖅᐳᖓ ᐱᓕᕆᖃᑎᒌᖕᓂᑦ ᐊᑐᕆᐊᖃᖅᐸᕗᑦ. ᐅᓄᕐᓂᖅᓴᐅᔪᓂ 3,000–ᓂ ᐃᒡᓗᒃᓴᓂ ᐱᔭᕆᐊᖃᖅᐳᒍᑦ,” ᐊᕐᓇᒃᑲᖅ ᐅᖃᓚᐅᖅᐳᖅ.

ᓂᕆᐅᒃᑭᕗᖅ ᐱᕙᓪᓕᐊᑎᑦᑎᓂᕐᒥ ᐸᕐᓇᒍᑕᐅᔪᒥ ᓴᓂᓕᖃᕐᓗᓂ ᓄᓇᕗᒻᒥ ᒐᕙᒪᒃᑯᓐᓂ ᐊᒻᒪ ᐊᕕᒃᑐᖅᓯᒪᔪᓄᑦ ᐃᓄᐃᑦ ᑲᑐᔾᔨᖃᑎᒌᖑᔪᓂᑦ. ᐊᕐᓇᒃᑲᖅ ᑕᑯᕙᖓ ᐊᑲᐅᙱᓕᐅᕈᑕᐅᓂᖓᓂ ᓄᓇᕗᒻᒥᐅᓕᒫᓄᑦ ᑭᐅᔭᐅᓪᓗᐊᖅᑐᒥ ᓄᓇᕗᒻᒥᐅᓂ.

“ᑭᒃᑯᓕᒫᑦ ᓯᕗᓪᓕᐅᔾᔭᐅᖁᔭᐅᔪᒥ ᓄᓇᕗᒻᒥ ᐃᒡᓗᓕᕆᓂᐅᖅᑰᖅᐳᖅ, ᑭᒃᑯᓕᒫᓂ ᐊᒃᑐᐃᓲᖑᕗᖅ ᓇᖕᒥᓂᒃᑯᑦ. ᑭᐅᔭᐅᔭᕆᐊᓕᒃ”

ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᖅ, ᐅᑭᐅᖅᑕᖅᑐᒥ ᓂᕿᑦᑎᐊᕙᓕᕆᓂᖅ ᐊᒻᒪ ᐃᓄᑐᖃᕐᓄᑦ ᐸᖅᑭᔭᐅᓂᖏᓐᓄᑦ

ᐊᓯᐊᓂ ᐱᓕᕆᓂᐅᔪᒥ ᑭᐅᔪᒪᔭᖓᓂ ᓂᕈᐊᖅᑕᐅᒍᓂ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᑲᔪᖅᓱᐃᓂᐅᔪᓂ ᓄᓇᕗᒻᒥ.

“ᑭᒃᑯᓕᒫᑦ ᖃᐅᔨᒪᕗᑦ ᓄᓇᕗᒻᒥ ᐊᒥᓱᓂ ᐃᓄᖃᕐᓂᑦᑎᓐᓂ ᐃᑲᔪᖅᑕᐅᔭᕆᐊᖃᖅᑐᓂ ᐊᒻᒪ ᓇᒧᙵᐅᕝᕕᒃᓴᖃᙱᓚᑦ.”

ᑕᑯᔪᒪᓇᔭᖅᐳᖅ ᓄᓇᓕᖕᓂ ᑐᕌᒐᕆᔭᐅᓂᖅᓴᐅᔪᒥ ᐃᖃᓗᐃᑦ ᓯᓚᑖᓂ ᓴᓂᓕᐊᓂ ᓄᑖᖑᔪᒥ ᒪᒥᓴᕐᕕᐅᔪᒥ, ᐊᕐᓇᒃᑲᖅ ᐅᖃᖅᐳᖅ, ᖃᓄᐃᙱᑦᑎᐊᕐᓂᕐᒧᑦ ᐱᓕᕆᕝᕕᖃᕐᓗᑎᒃ ᓄᓇᓕᖕᓂ ᑭᒡᓕᐅᔪᓄᑦ.

ᐊᑐᐃᓐᓇᖃᑦᑎᐊᕐᓂᖅᓴᐅᔪᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᓂᕐᒥ ᐊᑕᐅᓯᐅᓪᓗᓂ ᐊᕐᓇᒃᑲᐅᑉ ᓯᕗᓪᓕᐅᔾᔭᐅᑎᑕᐅᖁᓂᐊᖅᐸᖓ, ᐱᓗᐊᖅᑐᒥ ᐊᖏᒡᓕᒋᐊᖅᑐᒥ ᐊᖏᕐᕋᒥ ᐸᖅᑭᔭᐅᓂᖏᓐᓄᑦ ᐱᔨᑦᑎᕋᕐᓂᐅᔪᓄᑦ ᐃᓄᑐᖃᕐᓄᑦ ᐊᒻᒪᓗ ᐱᓗᐊᖅᑐᒥ ᑕᐃᒃᑯᓄᖓ ᐃᖅᑲᐃᙱᑕᐅᑎᓕᖕᓄᑦ, “ᐃᓄᑐᖃᕗᑦ ᐃᖅᑲᐃᙱᑕᐅᑎᓕᑦ ᐸᖅᑭᔭᐅᔪᓐᓇᖅᓯᓗᑎᒃ ᓄᓇᕗᒻᒥ ᐊᒻᒪᓗ ᐊᐅᓪᓚᖅᑎᑕᐅᕙᒎᓐᓃᕐᓗᑎᒃ.”

ᐊᕐᓇᒃᑲᐅᑉ ᐸᕐᓇᐅᑎᖓ ᓂᕿᒃᓴᖃᖅᑎᑕᐅᑦᑎᐊᕐᓂᕐᒧᑦ ᐊᖏᒡᓕᒋᐊᖅᑐᒥ ᐃᓕᓐᓂᐊᕐᕕᖕᒥ ᓂᕿᓂᑦ ᐱᓕᕆᐊᖑᔪᓂ ᐅᓄᕐᓂᖅᓴᐅᔪᓂ ᓄᓇᓕᖕᓂ ᐃᓚᐅᑎᑦᑎᓂᐅᔪᒥ.

“ᐅᓇ ᐱᓕᕆᐊᖑᔭᕆᐊᖃᖅᐳᖅ ᑲᑎᙵᓂᖃᕐᓗᓂ ᓄᓇᓕᖕᓂ. ᐱᐅᓇᔭᖅᐳᖅ ᐊᖓᔪᖅᑳᖑᔪᓂ ᐃᓚᐅᖃᑕᐅᓕᕐᓗᑎᒃ ᓂᕆᑎᑦᑎᓂᕐᒥ ᓇᖕᒥᓂᖅ ᕿᑐᕐᙵᒥᓂᑦ ᐃᓕᓐᓂᐊᕐᕕᖕᒥ,” ᐅᖃᓚᐅᖅᐳᖅ ᐊᕐᓇᒃᑲᖅ .

ᐅᑭᐅᖅᑕᖅᑐᒥ ᓂᕿᑦᑎᐊᕙᓕᕆᓂᖅ ᓄᑖᙳᕆᐊᖅᑕᐅᖁᖕᒥᔭᖓ, ᖃᐅᔨᓇᓱᐊᕐᓂᕐᒥ ᖃᓄᖅ ᐱᓕᕆᑦᑎᐊᒃᑲᓐᓂᕈᓐᓇᕐᓂᖓᓂ ᓄᓇᕗᒻᒥᐅᓄᑦ.

ᐊᐅᓪᓚᖅᑎᑕᐅᕙᓚᐅᖅᑐᓂ ᐃᓕᓐᓂᐊᕆᐊᖅᑎᑕᐅᓪᓗᑎᒃ

ᑕᒪᑐᒪᓂ ᐊᐅᔭᐅᔪᒥ, ᐱᒋᐊᖅᖢᓂ Kamloops–ᒥ ᒪᐃ 20–ᒥ, ᕿᓂᖅᓴᐃᓐᓇᕐᓂᐅᔪᓂ ᓇᓂᓯᓂᕐᒧᑦ ᑎᒥᐅᔪᓂ ᓱᕈᓯᕐᓂ ᐊᐅᓪᓚᖅᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓄᑦ ᓄᓇᖏᓐᓂ ᑲᓇᑕᓕᒫᒥ.

“ᐃᓗᑐᔪᐊᓗᖕᒥ ᐃᒃᐱᒍᓱᒃᐳᖓ ᐃᓄᖕᓄᑦ ᐊᑐᖅᑐᓂ ᑕᐃᔅᓱᒥᖓ, ᐃᓄᖕᓄᑦ ᐊᓯᐅᔨᓯᒪᔪᓂ ᓇᒡᓕᒋᔭᒥᓂᑦ ᐊᒻᒪ ᖃᐅᔨᒪᙱᑦᑐᓄᑦ ᓇᒦᓐᓂᖏᓐᓂ,” ᐊᕐᓇᒃᑲᖅ ᐅᖃᓚᐅᖅᐳᖅ.

ᐊᕐᓇᒃᑲᖅ ᐅᖃᖅᐳᖅ ᐅᒃᐱᕈᓱᖕᓂᖓᓂ ᖃᐅᔨᓴᒃᑲᓐᓂᕐᓂᐅᔪᒥ ᐱᔭᕆᐊᖃᖅᐳᑦ, ᑭᓯᐊᓂ ᐅᖃᓪᓚᖃᑎᒌᖕᓂᐅᔪᒥ ᓇᒧᙵᐅᓂᐊᕐᒪᖔᑕ ᑕᕝᕙᙵᑦ ᐊᒻᒪᓗ ᐊᖅᑯᑎᖓ ᒪᒥᓴᕐᓂᕐᒧᑦ ᑕᐅᑦᑐᖃᕐᓂᖓᓂ.

For English, click HERE.