Skip to content

ᐃᒡᓗᓕᒑᕐᔪᖕᒥ ᒪᒃᑯᖕᓂᖅᓴᓂ ᐅᓇᑕᖅᑐᒃᓴᙳᐊᑦ ᑐᕌᒐᖃᖅᐳᑦ ᒪᕐᕈᖓᓂ ᑲᓇᑕᒥ ᓵᓚᖃᕋᓱᐊᕐᓂᐅᔪᒥ

ᐃᒡᓗᓕᒑᕐᔪᖕᒥ ᒪᒃᑯᖕᓂᖅᓴᓂ ᑲᓇᑕᒥ ᐅᓇᑕᖅᑐᒃᓴᙳᐊᓂ (JCR) ᑲᑎᙵᓂᐅᔪᑦ ᓅᓐᓂᐅᔪᒥ ᐊᑦᑎᖅᓯᓂᕐᒥ ᑕᓪᓕᒪᓂ−ᐃᓄᓕᖕᓂ ᖁᑭᖅᓴᖅᑎᐅᓂᐊᖅᑐᓂ ᑲᑎᙵᓂᐅᔪᓂ ᓴᐳᔾᔨᓇᓱᐊᕐᓂᐊᖅᑐᓂ ᓄᓇᕗᒻᒥ ᓵᓚᖃᕋᓱᐊᕐᓂᐅᔪᒥ ᐊᒻᒪ ᐱᓗᑎᒃ ᒪᕐᕈᖓᓂ−ᑐᕌᖅᑐᒥ ᐊᐅᓪᓛᕐᓂᐅᔪᒥ ᑲᓇᑕᒥ ᓵᓚᖃᕋᓱᐊᕐᓂᐅᔪᒥ ᑕᒪᑐᒪᓂ ᐊᕐᕌᒎᔪᒥ.
31460600_web1_230104-KIV-INUK-Junior-Rangers_2
ᐃᒡᓗᓕᒑᕐᔪᖕᒥ ᒪᒃᑯᓛᖑᔪᒥ ᒪᒃᑯᖕᓂᖅᓴᓂ ᑲᓇᑕᒥ ᐅᓇᑕᖅᑐᒃᓴᙳᐊᑦ ᐃᓚᒋᔭᐅᖃᑕᐅᔪᖅ, ᐋᔅᑎᓐ ᒪᓕᓐᔅ, 14, ᑐᕌᖅᑎᑦᑎᕗᖅ ᑕᐃᑲᓂ 2022−ᒥ ᑲᓇᑕᒥ ᒪᒃᑯᖕᓂᖅᓴᓄᑦ ᑲᓇᑕᒥ ᐳᓪᓚᓕᖕᓂ ᖁᑭᐅᑎᓂ ᓵᓚᖃᕋᓱᐊᕐᓂᐅᔪᒥ ᐅᐃᓂᐱᐊᒡ, ᒫᓂᑑᐸᒥ ᐅᒃᑐᐱᕆ 10, 2022−ᒥ.

ᐃᒡᓗᓕᒑᕐᔪᖕᒥ ᒪᒃᑯᖕᓂᖅᓴᓂ ᑲᓇᑕᒥ ᐅᓇᑕᖅᑐᒃᓴᙳᐊᓂ (JCR) ᑲᑎᙵᓂᐅᔪᑦ ᓅᓐᓂᐅᔪᒥ ᐊᑦᑎᖅᓯᓂᕐᒥ ᑕᓪᓕᒪᓂ−ᐃᓄᓕᖕᓂ ᖁᑭᖅᓴᖅᑎᐅᓂᐊᖅᑐᓂ ᑲᑎᙵᓂᐅᔪᓂ ᓴᐳᔾᔨᓇᓱᐊᕐᓂᐊᖅᑐᓂ ᓄᓇᕗᒻᒥ ᓵᓚᖃᕋᓱᐊᕐᓂᐅᔪᒥ ᐊᒻᒪ ᐱᓗᑎᒃ ᒪᕐᕈᖓᓂ−ᑐᕌᖅᑐᒥ ᐊᐅᓪᓛᕐᓂᐅᔪᒥ ᑲᓇᑕᒥ ᓵᓚᖃᕋᓱᐊᕐᓂᐅᔪᒥ ᑕᒪᑐᒪᓂ ᐊᕐᕌᒎᔪᒥ.

ᒪᒃᑯᖕᓂᖅᓴᓂ ᐅᓇᑕᖅᑐᒃᓴᙳᐊᑦ ᐱᓕᕆᐊᖑᔪᖅ ᐱᒋᐊᖅᑎᑕᐅᓚᐅᖅᐳᖅ ᓄᓇᓕᖕᓂ 2002−ᒥ. ᐅᓇᑕᖅᑐᒃᓴᙳᐊᓂ ᐃᓕᓴᐃᔨᐅᔪᖅ ᒐᓚᓐ ᐳᕌᑯᓪᐹᖕᒃ ᐃᓚᐅᖃᑕᐅᓕᓚᐅᖅᐳᖅ ᐱᓕᕆᐊᖑᔪᒥ 2003−ᒥ ᐊᒻᒪ ᑲᑎᙵᔪᓃᖃᑕᐅᓯᒪᕗᖅ ᑕᐃᒪᙵᓂ.

ᐃᒡᓗᓕᒑᕐᔪᖕᒥ ᑲᑎᙵᓂᐅᔪᑦ ᐋᖅᑭᒃᓱᐃᕗᑦ ᓴᙱᒃᑲᓐᓂᖅᑐᒥ ᑲᑎᙵᓂᐅᔪᒥ 2023−ᒥ ᓂᕆᐅᖕᓂᖃᕐᓂᕐᒥ ᓴᐳᔾᔨᓯᒪᓂᖏᓐᓂ ᓄᓇᕗᒻᒥ ᖁᑭᖅᓴᕐᓂᐅᔪᒥ ᓵᓚᖃᐅᓯᖓᓐᓂ. 2023−ᒥ ᑲᓇᑕᒥ ᒪᒃᑯᖕᓂᖅᓴᓄᑦ ᑲᓇᑕᒥ ᐳᓪᓚᓕᖕᓂ ᖁᑭᐅᑎᓂ ᓵᓚᖃᕋᓱᐊᕐᓂᐅᔪᒥ ᐱᓕᕆᐊᖑᓂᐊᖅᐳᖅ ᑐᕉᕈ, ᓅᕙ ᔅᑰᓯᐊᒥ, ᒫᔾᔨ 23–26−ᒧᑦ.

ᑲᑎᙵᓂᐅᔪᑦ ᒥᒃᖠᒋᐊᖅᑎᑦᑎᕗᖅ ᖁᑦᑎᓛᖓᓂ 10−ᓂ ᖁᑭᖅᓴᖅᑎᐅᔪᓂ ᐊᒻᒪ ᖃᓂᒡᓕᕗᑦ ᓂᕈᐊᖅᓯᓂᖏᓐᓂ ᖁᑦᑎᓛᖑᔪᓂ ᑕᓪᓕᒪᐅᔪᓂ, ᒫᓐᓇᒧᑦ ᑎᑭᖦᖢᒍ, ᖁᑦᑎᓛᖑᔪᒥ ᑎᑭᐅᑎᓂᕐᒧᑦᐹᖕᒪᖓᓪᓗᓂ ᐃᓂᐅᔪᒥ 92 ᐳᓴᓐᑎᒥ, ᐊᒻᒪ ᐊᑦᑎᓛᖓᓂ 71 ᐳᓴᓐᑎᐅᓪᓗᓂ.

ᓄᓇᕗᒻᒥ ᒪᒃᑯᖕᓂᖅᓴᓂ ᑲᓇᑕᒥ ᐅᓇᑕᖅᑐᒃᓴᙳᐊᑦ ᑲᑎᙵᓂᐅᔪᑦ ᐱᓕᕆᐊᖃᓚᐅᖅᐳᑦ ᑎᑎᖅᑲᑎᒍᑦ−ᓇᒃᓴᐅᔾᔨᓂᐅᔪᒥ ᓵᓚᖃᕋᓱᐊᕐᓂᐅᔪᒥ ᓂᕈᐊᖅᓯᓂᕐᒧᑦ ᖁᑦᑎᓛᖑᔪᓂ ᑕᓪᓕᒪᓂ ᖁᑭᖅᓴᖅᑎᐅᔪᓂ ᐅᐱᕐᙶᒥ 2022−ᒥ, ᖁᔭᓐᓇᒦᒃ ᐊᑕᐃᓐᓇᖅᑐᒥ ᐊᒃᑐᐃᓂᐅᔪᓂ ᓄᕙᒡᔪᐊᕐᓇᖅ ᐊᒥᓱᓄᑦ ᖃᓂᒻᒪᓐᓇᐅᔪᒥ.

ᓄᓇᕗᒻᒥ ᐳᓪᓚᓕᖕᒥ-ᖁᑭᐅᑎᒧᑦ ᓵᓚᖃᕋᓱᐊᕐᓂᐅᔪᒥ ᐃᒡᓗᓕᒑᕐᔪᖕᒥ ᑲᑎᙵᓂᐅᔪᑦ ᐅᑯᐊᖑᕗᑦ ᓴᐳᕇᓇ ᑕᓇᔪᒃ, 16, ᑲᔭᓛᖅ ᓖᔅᒪᓐ-ᐳᕌᑯᓪᐹᖕᒃ, 15, ᕖᓕᒃᖦ ᐊᒡᒐᖅ, 16, ᑲᕙᓐ ᑭᒻᒥᐊᓛᕐᔪᒃ, 16, ᐊᒻᒪ ᐋᔅᑎᓐ ᒪᓕᓐᔅ, 14.

2022 ᑲᓇᑕᒥ ᖃᓄᐃᓐᓂᐅᔪᖅ ᐱᓕᕆᐊᖑᓚᐅᖅᐳᖅ ᐅᐃᓂᐱᐊᒡᒥ ᖁᔭᓕᓐᓇᐅᔪᒥ ᐱᓇᓱᐊᕈᓯᐅᑉ ᓄᙳᐊᓂ, ᐃᒡᓗᓕᒑᕐᔪᖕᒥ ᑲᑎᙵᓂᐅᔪᑦ ᐱᔭᕇᖅᖢᑎᒃ ᑲᒪᓇᖅᑐᒥ ᑕᓪᓕᒪᒋᔭᐅᓪᓗᑎᒃ ᑕᒪᐃᑎᒍᑦ 13−ᖑᔪᓂ ᑲᑎᙵᓂᐅᔪᓂ.

ᐊᑐᓂ ᑲᑎᙵᓂᐅᔪᑦ ᐊᑕᐅᓯᕐᒥ ᐊᕐᓇᒥᒃ ᖁᑭᖅᓴᖅᑎᖃᕆᐊᖃᖅᐳᑦ ᐊᒻᒪ ᐊᑕᐅᓯᕐᒥ ᖁᑭᖅᓴᖅᑎᒥ ᐅᑭᐅᓕᖕᒥ 14−ᓂ ᐊᑖᓂᓪᓘᓐᓂᑦ ᒪᐃ 1−ᒥ.

ᐃᒡᓗᓕᒑᕐᔪᖕᒥ ᑲᑎᙵᓂᐅᔪᑦ ᑭᖑᕙᖅᖢᑎᒃ ᑎᑭᓚᐅᖅᐳᑦ ᐅᐃᓂᐱᐊᒡᒧᑦ, ᐃᓚᐅᖃᑕᐅᙱᖦᖢᑎᒃ ᓯᕗᓪᓕᖅᐸᐅᒧᒥ ᐅᓪᓗᖓᓂ ᖃᓄᐃᓕᐅᕐᓂᐅᔪᒥ ᐃᓚᖃᓚᐅᖅᑐᒥ ᐊᐅᓪᓛᕐᓂᐅᔪᒥ ᐆᒪᔪᖃᕐᕕᐅᔪᒧᑦ.

ᐳᕌᑯᓪᐹᖕᒃ ᐅᖃᓚᐅᖅᐳᖅ ᑭᖑᕙᖅᖢᑎᒃ ᑎᑭᓐᓂᖏᓐᓂ ᓵᓚᖃᕋᓱᐊᕐᓂᐅᔪᒥ ᖁᑭᖅᓴᖅᑎᖏᓐᓂ ᓯᕘᕋᑎᑦᑎᓚᐅᖅᐳᖅ, ᑭᓯᐊᓂ ᐱᕕᒃᓴᖃᓚᐅᖅᐳᑦ ᖃᐅᔨᒋᐊᕐᓂᕐᒥ ᖁᑭᖅᓴᕐᕕᐅᓂᐊᖅᑐᒥ ᐊᒻᒪ ᑕᑯᓗᑎᒃ ᐋᖅᑭᒃᓱᖅᑕᐅᓯᒪᓂᖓᓐᓂ ᖁᑭᖅᓴᕆᐊᓚᐅᙱᓐᓂᖏᓐᓂ.

ᐅᖃᓚᐅᖅᐳᖅ ᖁᑭᖅᓴᖅᑎᖏᑦ ᐱᕕᖃᖅᑎᑕᐅᓚᐅᖅᐳᑦ ᐋᖅᑭᒋᐊᖅᓯᓂᖏᓐᓂ ᕿᙳᒻᒥᒐᐅᑎᖓᓐᓂ ᐳᓪᓚᓕᖕᓂ ᖁᑭᐅᑎᖏᓐᓂ ᐊᒻᒪ ᐊᑐᕐᓗᑎᒃ ᑲᓇᑕᒥ ᓵᓚᖃᕋᓱᐊᕐᓂᐅᔪᒥ ᐱᓕᕆᔾᔪᑎᖏᓐᓂ, ᓇᐃᓴᐃᑲᐅᑎᒋᔪᒥ ᑐᕌᒐᕆᔭᐅᔪᓂ ᐃᕐᙲᓐᓇᑲᐅᑎᒋ ᐊᒻᒪ ᑎᑎᕋᖅᓯᓪᓗᓂ ᖃᐅᔨᓴᖅᑕᐅᓂᑯᓂ ᑎᑎᕋᖅᓯᒪᔪᓂ ᕿᑎᖅᐸᓯᐊᓄᑦ ᖃᕋᓴᐅᔪᒧᑦ.

“ᐱᓕᕆᓕᒪᓂᐅᔪᒥ, ᓯᕗᓪᓕᖅᐹᕆᓚᐅᖅᐸᕗᑦ ᐅᑯᓂᖓ ᒪᒃᑯᖕᓂᖅᓴᓂ ᑲᓇᑕᒥ ᐅᓇᑕᖅᑐᒃᓴᙳᐊᓂᑦ ᐅᐸᒃᓯᒪᓪᓗᑎᒃ ᖁᑭᖅᓴᕐᓂᕐᒧᑦ ᓵᓚᖃᕋᓱᐊᕐᓂᐅᔪᒥ ᑕᐃᒫᒃ ᐊᓯᐊᓄᑦ ᑕᐅᑐᙳᐊᕐᓂᖃᓚᐅᙱᓚᒍᑦ,” ᐅᖃᓚᐅᖅᐳᖅ ᐳᕌᑯᓪᐹᖕᒃ. “ᑕᒪᐃᑎᒍᑦ, ᒪᒃᑯᒃᑐᑦ ᖁᕕᐊᓱᓚᐅᖅᐳᑦ ᐱᓕᕆᓂᖏᓐᓂ, ᑭᓯᐊᓂ ᐱᓕᕆᑦᑎᐊᒃᑲᓐᓂᕈᒪᓚᐅᖅᐳᑦ ᓇᖏᕐᓂᐅᔪᓂ, ᓲᖃᐃᒻᒪ.

“ᐱᓕᕆᓂᖃᕐᔪᐊᓚᐅᖅᐳᒍᑦ ᐆᒃᑐᕋᕐᓂᕐᒥ ᑕᒪᒃᑭᓂ ᑎᓴᒪᓂ ᖁᑭᖅᓴᕐᓂᕐᒧᑦ ᐃᓂᐅᔪᓂ ᐊᑐᓚᐅᖅᑕᑦᑎᓐᓂ ᓄᓇᕗᒻᒥ ᓵᓚᖃᕋᓱᐊᕐᓂᐅᔪᒥ (ᐹᒻᒪᖓᓪᓗᓂ, ᐃᒃᓯᕚᖅᖢᑎᒃ, ᓰᖅᑯᖓᓪᓗᑎᒃ ᐊᒻᒪ ᓇᖏᖅᖢᑎᒃ), ᖃᐅᔨᑐᐃᓐᓇᖅᖢᑕ ᑎᑭᓐᓇᑦᑕ ᐅᐃᓂᐱᐊᒡᒧᑦ ᑲᓇᑕᒥ ᓵᓚᖃᕋᓱᐊᕐᓂᐅᔪᒥ ᐱᓕᕆᓂᖃᑐᐃᓐᓇᓚᐅᕐᓂᖓᓂ ᐹᒻᒪᖓᓪᓗᑎᒃ ᐊᒻᒪ ᓇᖏᖅᖢᑎᒃ ᖁᑭᖅᓴᕐᓂᐅᔪᒥ.

“ᐊᐃᑦᑖᖑᒐᓗᐊᖅ ᓇᖏᖅᖢᑎᒃ ᑲᑎᙵᓂᕆᔭᑦᑕ ᓴᙲᓛᕆᓪᓗᓂᐅᒃ ᐱᓕᕆᓂᒋᓚᐅᖅᐸᖓ, ᑭᓯᐊᓂ ᐱᓕᕆᓕᒪᓂᑦᑎᐊᕙᐅᓚᐳᖅᐳᖅ ᑕᒪᒃᑭᓄᑦ ᒪᒃᑯᒃᑐᖁᑎᑦᑎᓐᓄᑦ.”

ᐊᒡᒐᖅ ᐅᖃᓚᐅᖅᐳᖅ ᐊᓕᐊᓇᐃᒋᔭᖃᑦᑎᐊᓚᐅᖅᐳᖅ ᑲᓇᑕᒥ ᖃᓄᐃᓐᓂᐅᔪᒥ ᐊᒻᒪ ᐃᖅᑲᐅᒪᕐᔪᐊᑦᐸᖓ ᐅᐃᓂᐱᐊᒡ, ᓖᔅᒪᓐ−ᐳᕌᑯᓪᐹᖕᒃ ᐅᖃᓚᐅᖅᐳᖅ ᐊᓕᐊᓇᐃᒋᑦᑎᐊᓚᐅᖅᐸᖓ ᑲᑎᙵᓂᕆᔭᒥᓂ ᐊᒻᒪ ᐊᓕᐊᓇᐃᒍᓱᑦᑎᐊᖅᖢᓂ ᓵᓚᖃᕋᓱᐊᕐᓂᐅᔪᒥ.

“ᐊᒥᓱᐊᓗᖕᓂ ᑎᔅᓯᓇᕐᔪᐊᖅᑐᖃᓚᐅᖅᐳᒍᑦ,” ᐅᖃᓚᐅᖅᐳᖅ ᓖᔅᒪᓐ−ᐳᕌᑯᓪᐹᖕᒃ. “ᖃᖓᑕᓲᓄᑦ ᑕᑯᔭᒐᖃᕐᕕᖕᒧᑦ ᐱᐅᕐᔪᐊᓚᐅᕆᐱᕗᖅ.”