Skip to content

ᐃᓄᕕᐊᓗᐃᑦ ᑲᔪᓯᑎᑦᑎᕗᑦ ᓱᕈᓯᕐᓂ ᐸᖅᑭᓂᐅᔪᒥ ᒪᓕᒐᕐᒥ ᑐᕌᖓᔪᒥ ᐃᓄᖕᓂ ᓱᕈᓯᕐᓂ ᐊᖏᕐᕋᒥᓂᑦ ᓄᓇᓕᖕᓃᖏᓐᓇᖅᑎᑕᐅᓂᕐᒧᑦ

ᐃᓄᕕᐊᓗᐃᑦ ᐃᓚᒌᓄᑦ ᐆᒪᓂᕆᔭᖓᓐᓄᑦ ᒪᓕᒐᖅ, ᑲᔪᓯᓂᐅᔪᒥ ᐃᓄᕕᐊᓗᐃᑦ ᐊᕕᒃᑐᖅᓯᒪᓂᐅᔪᓂ ᑎᒥᖁᑕᐅᔪᓄᑦ ᓄᕕᐱᕆᒥ, ᐅᕐᐱᕆᔭᐅᓂᐅᕗᖅ ᐅᖓᕙᕆᐊᕐᓂᐅᔪᒥ ᓇᖕᒥᓂᖅᓱᕈᓐᓇᖅᓯᓂᐅᔪᒥ.
27543948_web1_220106-INU-YIRDec-_4
Lawrence Ruben, Gerald Inglangasuk, Jordan McLeod, John Lucas Jr. watch as Duane Ningaqsiq Smith signs the Inuvialuit Regional Corporation’s first-ever nationally recognized law. Photo courtesy of Inuvialuit Regional Corporation ᑐᓄᐊᓂ, ᓗᐊᕆᓐᔅ ᕉᐱᓐ, ᓴᐅᒥᖕᒥ, ᔨᐅᕈᑦ ᐃᖕᓚᖓᓱᒃ, ᔪᐊᑕᓐ ᒪᒃᓚᐅᑦ ᐊᒻᒪ ᔮᓐ ᓘᑲᔅ ᓄᑲᖅᖠᖅ ᖁᙱᐊᖅᐳᑦ ᑐᐊᐃᓐ ᓂᖓᖅᓯᖅ ᓯᒥᑦ ᐊᑎᓕᐅᕆᑎᓪᓗᒍ ᐃᓄᕕᐊᓗᐃᑦ ᐊᕕᒃᑐᖅᓯᒪᓂᐅᔪᓂ ᑎᒥᖁᑕᐅᔪᑦ ᓯᕗᓪᓕᖅᐹᑦᑎᐊᖑᔪᒥ ᑲᓇᑕᒥ ᐃᓕᓴᕆᔭᐅᔪᒥ ᒪᓕᒐᕐᒥ.

ᐃᓄᕕᐊᓗᐃᑦ ᐃᓚᒌᓄᑦ ᐆᒪᓂᕆᔭᖓᓐᓄᑦ ᒪᓕᒐᖅ, ᑲᔪᓯᓂᐅᔪᒥ ᐃᓄᕕᐊᓗᐃᑦ ᐊᕕᒃᑐᖅᓯᒪᓂᐅᔪᓂ ᑎᒥᖁᑕᐅᔪᓄᑦ ᓄᕕᐱᕆᒥ, ᐅᕐᐱᕆᔭᐅᓂᐅᕗᖅ ᐅᖓᕙᕆᐊᕐᓂᐅᔪᒥ ᓇᖕᒥᓂᖅᓱᕈᓐᓇᖅᓯᓂᐅᔪᒥ.

“ᐊᒥᓱᐃᖅᓱᓗᐊᖅᖢᓂ, ᐃᓄᐃᑦ ᐃᓚᒌᑦ ᐊᕕᑎᑕᐅᓲᖑᕗᑦ ᐱᓂᕐᓗᖕᓂᖃᖅᑎᓪᓗᒍ. ᐅᓇ ᓄᑖᖅ ᒪᓕᒐᖅ ᓇᓗᓇᐃᖅᓯᓂᐊᖅᐳᖅ ᐃᓕᖅᑯᓯᒥᒃ ᐃᖏᕐᕋᐃᓐᓇᕐᓂᖓᓂ ᐊᑐᓂ ᐃᓄᕕᐊᓗᖕᒥ ᓱᕈᓯᕐᒥ ᐊᒻᒪ ᒪᒃᑯᒃᑐᒥ, ᐊᖏᒡᓕᒋᐊᖅᓯᓗᓂ ᐃᑲᔪᖅᓱᐃᓂᐅᔪᓂ ᐃᓚᒌᖑᔪᓄᑦ, ᐱᐅᓯᒋᐊᖅᑎᑦᑎᓗᓂ ᑐᓴᒐᒃᓴᓂ ᑐᓴᐅᒪᑎᑦᑎᓂᐅᔪᒥ, ᐊᒻᒪ ᐃᑲᔪᕐᓂᕐᒧᑦ ᐱᕈᖅᓴᐃᓂᕐᒥ ᐃᓄᕕᐊᓗᐃᑦ ᐱᔪᓐᓇᕐᓂᖃᕐᓂᖏᓐᓂ,” ᐅᖃᓚᐅᖅᐳᖅ ᕇᐱᑲ ᑲᓪᓗ, ᐊᖓᔪᖅᑳᖑᔪᖅ ᐸᐅᒃᑑᑎᑦ ᐃᓄᐃᑦ ᐊᕐᓇᓄᑦ ᑲᓇᑕᒥ. “ᐅᐱᒍᓱᒃᐳᖓ ᐱᒻᒪᕆᐅᔪᒥ ᓯᕗᓪᓕᖅᐸᐅᔪᒥ ᐱᓕᕆᓂᐅᔪᓂ ᓴᐳᔾᔨᓯᒪᓂᕐᒧᑦ ᐃᓚᒌᖑᔪᓂ ᐃᓄᕕᐊᓗᐃᑦ ᐊᕕᒃᑐᖅᓯᒪᓂᐅᔪᒥ. ᐅᐱᓐᓇᖅᐳᓯ ᐊᑎᓕᐅᕆᑎᓪᓗᒍ ᐃᓄᕕᐊᓗᐃᑦ ᐊᕕᒃᑐᖅᓯᒪᓂᐅᔪᓂ ᑎᒥᖁᑕᐅᔪᑦ ᑲᑎᒪᔨᐅᔪᑦ ᐊᒻᒪ ᐃᖅᑲᓇᐃᔭᖅᑎᖏᓐᓂ ᐱᐅᔪᒥ ᐱᓱᖕᓂᐅᔪᓂ ᑐᓂᓯᓂᐅᔪᒥ ᓱᕈᓯᕐᓄᑦ ᐃᓄᓕᕆᓂᕐᒧᑦ ᐃᓄᖕᓄᑦ ᐃᓄᖕᓂᑦ.”

ᑕᐃᒪᐃᑦᑐᐸᓗᖕᒥ ᒪᓕᒐᓕᐊᖑᔪᒥ ᐱᓪᓚᕆᙳᕈᓐᓇᕋᔭᕐᓂᖓᓂ ᓄᓇᕗᒻᒥ ᑐᑭᓯᓇᙱᓚᖅ. ᓄᓇᕗᒻᒥ ᑐᙵᕕᒃᑯᑦ, ᐅᖃᖅᓯᒪᔪᓂ ᐱᓕᕆᓛᕈᒪᔭᖏᓐᓂ ᐱᓇᓱᐊᕐᓂᕐᒥ ᓇᖕᒥᓂᖅ–ᐊᐅᓚᑦᑎᓂᐅᔪᒥ ᐋᔩᖃᑎᒌᖕᓂᐅᔪᓂ ᑲᓇᑕᒥ ᒐᕙᒪᒃᑯᓐᓄᑦ, ᑭᐅᓚᐅᙱᓚᑦ ᐊᐱᖅᑯᑕᐅᔪᓄᑦ ᖃᓄᖅ ᑕᐃᒪᐃᑦᑐᒥ ᒪᓕᒐᐅᔪᒥ ᐊᑐᓕᖅᑎᑕᐅᓇᔭᕐᓂᖓᓂ ᓄᓇᕗᒻᒥ. ᓄᓇᕗᒻᒥ ᑐᙵᕕᒃᑯᓐᓄᑦ ᐅᖃᖅᑎᐅᔪᒥ ᐊᔭᐅᕆᓚᐅᖅᐳᖅ ᓄᓇᕗᒻᒥ ᑐᓴᒐᒃᓴᓕᕆᔨᒃᑯᓐᓂ ᐅᖃᖃᑎᖃᕐᓂᕐᒧᑦ ᐃᓄᕕᐊᓗᐃᑦ ᐊᕕᒃᑐᖅᓯᒪᓂᐅᔪᓂ ᑎᒥᖁᑕᐅᔪᓄᖔᖅ.

ᓄᓇᕘᑉ ᐃᓚᒌᓄᑦ ᐱᔨᑦᑎᕋᖅᑎᐅᔪᑦ ᐅᖃᓚᐅᖅᐳᑦ “ᖁᕕᐊᑉᐳᑦ ᐱᓕᕆᖃᑎᖃᕐᓂᖏᓐᓂ ᓇᓗᓇᐃᖅᑕᐅᓯᒪᔪᓂ ᐃᓄᖕᓂ ᑲᑐᔾᔨᖃᑎᒌᖑᔪᓄᑦ ᐃᓱᒪᓕᐅᕆᔪᓐᓇᖅᑐᓂ ᐱᒋᐊᖅᑎᑦᑎᓂᖓᓂ ᒐᕙᒪᑐᖃᒃᑯᑦ ‘ᒪᓕᒐᐅᔪᒥ ᐱᔾᔪᑎᖃᖅᑐᒥ ᓄᓇᖃᖅᑳᖅᓯᒪᔪᓄᑦ, ᐃᓄᖕᓄᑦ ᐊᒻᒪ ᐊᓪᓚᖓᔪᓄᑦ ᓱᕈᓯᕐᓂ, ᒪᒃᑯᒃᑐᓂ ᐊᒻᒪ ᐃᓚᒌᖑᔪᓂ’ ᓄᓇᕗᒻᒥ.”

ᒪᓕᒐᖅ — ᖃᐅᔨᒪᔭᐅᓪᓗᓂ ᐃᓄᕕᐊᓗᐃᑦ ᕿᑐᕐᙵᕇᑦ ᐃᓅᓂᐊᕐᓂᒃᑯᓐ ᒪᓕᒐᒃᓴᑦ ᐃᓄᕕᐊᓗᒃᑐᓐ — ᐊᑯᓂᐅᔪᒃᑯᑦ ᑐᕌᒐᒃᓴᖃᕐᓂᖓᓂ ᐊᑎᓕᐅᕆᑎᓪᓗᒍ ᐃᓄᕕᐊᓗᐃᑦ ᐊᕕᒃᑐᖅᓯᒪᓂᐅᔪᓂ ᑎᒥᖁᑕᐅᔪᑦ ᐃᓇᖏᖅᓯᓂᖏᓐᓂ ᐃᓚᒌᓄᑦ ᐃᓄᓕᕆᓂᕐᒧᑦ ᐱᔨᑦᑎᕋᕐᓂᐅᔪᒥ ᐊᒻᒪ ᐊᐅᓚᓂᖏᓐᓂ, ᓯᕗᓪᓕᖅᐸᐅᔪᖅ ᐸᕐᓇᐅᑎ ᐊᑐᐃᓐᓇᖃᕐᓂᕐᒥ ᑐᓴᒐᒃᓴᓄᑦ ᐊᒻᒪ ᓴᖅᑭᑎᑦᑎᓂᕐᒧᑦ ᐱᐅᓂᖅᓴᐅᔪᒥ ᐊᐅᓚᑕᐅᓂᐅᔪᒥ ᖃᓄᖅ ᐱᓯᒪᐃᓐᓇᕐᓂᖏᓐᓂ ᓱᕈᓯᕐᓂ ᐊᖏᕐᕋᖏᓐᓂ ᓄᓇᓕᐅᔪᓂ.

ᒪᓕᒐᖅ ᑐᓂᓯᓂᐊᖅᐳᖅ ᑐᙵᕕᐅᔪᒥ ᐊᖏᒡᓕᒋᐊᖅᑎᑦᑎᓂᕐᒧᑦ ᐃᑲᔪᖅᓱᐃᓂᐅᔪᒥ ᐃᓄᕕᐊᓗᐃᑦ ᐃᓚᒌᖑᔪᓄᑦ ᒥᒃᖠᒋᐊᖅᑎᑦᑎᓂᕐᒥ ᐱᔭᕆᐊᖃᕐᓂᐅᔪᓄᑦ ᓄᖅᑲᖅᑎᑦᑎᓂᐅᔪᓄᑦ. ᐱᔭᕆᐊᖃᖅᑎᑦᑎᒋᕗᖅ ᑕᒪᒃᑭᓂ ᒐᕙᒪᑐᖃᒃᑯᓐᓂ, ᓄᓇᕗᒻᒥ ᐊᒻᒪ ᖃᓪᓗᓈᑦ ᓄᓇᖓᓐᓂ ᐊᕕᒃᑐᖅᓯᒪᓂᐅᔪᓂ ᒐᕙᒪᐅᔪᓂ ᑭᐅᓂᕐᒥ ᓈᒻᒪᒋᔭᐅᔪᓂ ᑐᓂᓯᑎᓪᓗᒋᑦ ᓱᕈᓯᕐᒥ ᐊᒻᒪ ᐃᓚᒌᓄᑦ ᐱᔨᑦᑎᕋᕐᓂᐅᔪᒥ ᐃᓄᕕᐊᓗᐃᑦ ᓱᕈᓯᕐᓄᑦ ᐊᒻᒪ; ᐃᓚᖏᓐᓄᑦ. ᑕᒪᐃᑎᒍᑦ, ᐅᓇ ᑐᑭᖃᓕᖅᐳᖅ ᐊᑎᓕᐅᕆᑎᓪᓗᒍ ᐃᓄᕕᐊᓗᐃᑦ ᐊᕕᒃᑐᖅᓯᒪᓂᐅᔪᓂ ᑎᒥᖁᑕᐅᔪᑦ ᑕᒪᒃᑭᐅᒪᔪᒥ ᐃᓚᐅᖃᑕᐅᕗᑦ ᓇᓕᐊᑐᐃᓐᓇᓂ ᐊᒻᒪ ᑕᒪᒃᑭᓂ ᓱᕈᓯᕐᓄᑦ ᐃᓄᓕᕆᓂᕐᒧᑦ ᐱᓕᕆᓂᐅᔪᓂ ᐃᓚᖃᖅᑐᒥ ᐃᓄᕕᐊᓗᖕᓂ ᓱᕈᓯᕐᓂᑦ. ᒪᓕᒐᓕᐊᖑᔪᖅ ᒥᒃᖠᒋᐊᖅᑎᑦᑎᔾᔮᙱᓚᖅ ᐱᑕᖃᖅᐸᒌᖅᑐᓂ ᐱᔨᑦᑎᕋᕐᓂᐅᔪᓂ.

ᒐᕙᒪᑐᖃᒃᑯᑦ ᒪᓕᒐᐅᔪᒥ, ᓄᓇᖃᖅᑳᖅᓯᒪᔪᑦ ᓄᓇᓕᐅᔪᑦ ᒪᓕᒐᑎᒍᑦ ᐱᔪᓐᓇᕐᓂᖃᕐᓂᖃᖅᐳᑦ ᓱᕈᓯᕐᓄᑦ ᐊᒻᒪ ᐃᓚᒌᖑᔪᓄᑦ ᐱᔨᑦᑎᕋᕐᓂᐅᔪᒥ ᑐᙵᕕᖃᖅᑐᒥ ᐃᓕᖅᑯᓯᖓᓐᓂ, ᐱᖅᑯᓯᑐᖃᖅᑎᒍᑦ ᒪᓕᒐᐅᔪᓂ ᐊᒻᒪ ᐊᑐᖅᑕᐅᕙᖕᓂᑯᓂ. ᒪᓕᒐᖅ ᐃᓕᓯᕗᖅ ᓄᓇᖃᖅᑳᖅᓯᒪᔪᓂ ᐱᔪᓐᓇᕐᓂᖃᕐᓂᕐᒥ ᐅᑯᓄᖓ ᑲᓇᑕᒥ ᐊᕕᒃᑐᖅᓯᒪᓂᐅᔪᓂ ᓱᕈᓯᕐᓄᑦ ᐊᒻᒪ ᐃᓚᒌᖑᔪᓄᑦ ᒪᓕᒐᐅᔪᓂ ᐊᒻᒪ ᐊᑐᖅᑎᑕᐅᓪᓗᓂ ᑲᓇᑕᓕᒫᒥ.

ᐃᓚᖃᖅᑐᒥ ᑲᔪᓯᑎᑦᑎᓂᐅᔪᒥ ᒪᓕᒐᐅᔪᒥ, ᐃᓄᕕᐊᓗᐃᑦ ᐊᕕᒃᑐᖅᓯᒪᓂᐅᔪᓂ ᑎᒥᖁᑕᐅᔪᑦ ᐅᖃᐅᔾᔨᓯᒪᕗᑦ ᑲᓇᑕᒥ ᒐᕙᒪᐅᔪᓂ, ᓄᓇᑦᓯᐊᕐᒥ, ᐋᓪᐴᑕᒥ ᐊᒻᒪ ᔫᑳᓐᒥ ᐊᕕᒃᑐᖅᓯᒪᓂᐅᔪᒥ ᐊᑎᓕᐅᖅᑕᐅᓂᖓᓂ ᐊᒻᒪᓗ ᑐᒃᓯᕋᓕᖅᐳᑦ ᐃᓯᖃᑎᖃᕐᓂᕐᒥ ᐊᐅᓚᑕᐅᓂᖓᓂ ᐊᖏᕈᑕᐅᔪᓂ ᑎᓴᒪᐅᔪᓂ ᒐᕙᒪᐅᔪᓂ ᐊᑐᓕᖅᑎᑦᑎᓂᕐᒧᑦ ᒪᓕᒐᐅᔪᒥ. ᐅᑯᐊ ᒐᕙᒪᐅᔪᑦ ᐊᑕᐅᓯᕐᒥ ᐊᕐᕌᒍᒥ ᐋᖅᑭᒃᓱᐃᓂᖃᖅᑎᑦᑎᕗᑦ ᖃᓄᐃᓕᐅᕐᓂᐅᔪᒥ ᐃᓄᕕᐊᓗᐃᑦ ᐊᕕᒃᑐᖅᓯᒪᓂᐅᔪᓂ ᑎᒥᖁᑕᐅᔪᓄᑦ, ᑕᐃᒪᐃᙱᑉᐸᑕ ᒪᓕᒐᖅ ᑎᑎᕋᖅᓯᒪᓂᖓᓂ ᐃᓅᕕᖕᒥ ᐊᑐᓕᖅᑎᑕᐅᑦᑎᐊᕐᓂᐊᖅᐳᖅ ᐊᒻᒪ ᓄᖅᑲᖅᑎᑦᑎᓂᕐᒥ ᓄᓇᕗᒻᒥ ᐊᒻᒪ ᒐᕙᒪᑐᖃᒃᑯᓐᓂ ᒪᓕᒐᐅᔪᓂ, ᐃᓚᐅᙱᓪᓗᓂ ᐱᒻᒪᕆᐅᔪᓂ ᒪᓕᒐᓕᐊᖑᔪᓂ ᓲᕐᓗ ᑲᓇᑕᒥ ᐃᓄᖕᓄᑦ ᐱᔪᓐᓇᕐᓂᐅᔪᓂ ᒪᓕᒐᐅᔪᒥ, ᐱᕋᔭᖕᓂᕐᒧᑦ ᓇᓗᓇᐃᒃᑯᑕᖓᓐᓂ ᐊᒻᒪᓗ ᐊᔾᔨᐸᓗᖏᓐᓂ ᒪᓕᒐᓕᐊᖑᔪᓂᑦ.