ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖑᔪᓄᑦ (QIA) ᐊᒻᒪᓗ ᑲᓇᑕᒥ ᐸᓖᓯᒃᑯᓐᓂ ᓴᖅᑭᑎᑦᑎᓚᐅᖅᐳᑦ ᓄᑖᒥ ᐃᖅᑲᐅᒪᔾᔪᑎᓂᒃ ᑐᕌᖓᔪᒥ ᑲᓇᑕᒥ ᐸᓖᓯᒃᑯᓐᓂ ᐃᓄᖕᓂ ᐸᓖᓯᐅᔪᓂ ᐊᒻᒪ ᕿᒻᒥᖏᓐᓂ (ᕿᒧᒃᓯᐅᑎᓂ ᕿᒻᒥᓂ) ᓯᕗᓂᐊᓂ ᑲᓇᑕᒥ ᐸᓖᓯᒃᑯᓐᓂ’s V ᐊᕕᒃᑐᖅᓯᒪᓂᐅᔪᒥ ᐊᖓᔪᖅᑳᖃᕐᕕᖕᒥ ᐃᖃᓗᖕᓂ ᑎᓯᐱᕆ 2–ᒥ.
ᑕᑯᒃᓴᐅᑎᑦᑎᔪᒥ ᐃᓄᖕᒥ ᐸᓖᓯᐅᔪᒥ ᐊᒻᒪ ᕿᒧᒃᓯᐅᑎᒥ ᕿᒻᒥᖓᓂ, ᐃᓄᖕᒥ–ᐊᖏᑎᒋᔪᒥ ᓴᓇᙳᐊᒐᕐᒥ ᓯᕗᓂᐊᓂ ᑲᓇᑕᒥ ᐸᓖᓯᒃᑯᑦ ᐃᒡᓗᕐᔪᐊᖓᓂ ᓴᓇᙳᐊᖅᑕᐅᓚᐅᖅᐳᖅ ᐃᓄᖕᓂ ᓴᓇᙳᐊᒐᖅᑎᓂ ᓘᑎ ᐱᔭᒥᓂᒧᑦ ᐊᒻᒪ ᐹᓪ ᒪᓕᑭᒧᑦ.
“V ᐊᕕᒃᑐᖅᓯᒪᓂᐅᔪᒥ ᑲᓇᑕᒥ ᐸᓖᓯᒃᑯᓐᓂ ᐅᐱᒍᓱᒃᐳᑦ ᐱᕕᒃᓴᖃᓚᐅᕐᓂᖏᓐᓂ ᐱᓕᕆᖃᑎᖃᕐᓂᕐᒥ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖑᔪᓄᑦ ᐊᒻᒪ ᐃᓄᖕᓂ ᓴᓇᙳᐊᒐᖅᑎᐅᔪᓂ ᐆᒥᖓ ᑲᒪᓇᕐᔪᐊᖅᑐᒥ ᐱᓕᕆᐊᒃᓴᐅᔪᒥ ᐊᒻᒪ ᐃᓕᓴᖅᓯᓂᖃᕐᓂᐊᖅᐳᑦ ᑲᑉᐱᐊᑦᑕᐃᑦᑐᓂ ᐱᓕᕆᓂᐅᔪᒥ ᐃᓄᖕᓂ ᐸᓖᓯᐅᓚᐅᖅᑐᓄᑦ ᐊᒻᒪ ᕿᒻᒥᓄᑦ,” ᐅᖃᓚᐅᖅᐳᖅ V ᐊᕕᒃᑐᖅᓯᒪᓂᐅᔪᒥ ᑲᓇᑕᒥ ᐸᓖᓯᒃᑯᓐᓂ ᐊᖓᔪᖅᑳᖓ ᐊᒫᓐᑕ ᔫᓐᔅ.
ᔫᓐᔅ ᐅᖃᓚᐅᖅᐳᖅ ᐃᓄᖕᓂ ᐸᓖᓯᐅᔪᓂ – ᐊᒻᒪᓗ ᑕᐃᒃᑯᐊ ᐃᓄᐃᑦ ᐊᖑᑎᑦ ᐊᒻᒪ ᐊᕐᓇᓂ ᐃᑲᔪᕐᓂᖓᓂ ᑐᓂᓯᓚᐅᖅᑐᓂ ᐊᑐᕐᓂᖃᐅᑎᖓ ᓴᖅᑭᑎᑕᐅᓚᐅᖅᑳᕋᑎᒃ – ᓇᓗᓇᐃᖅᓯᔪᒥ ᒪᒃᑯᒃᑐᑦ ᑲᓇᑕᒥ ᐸᓖᓯᒃᑯᐅᔪᓂ ᐊᖑᑎᑦ ᐱᓕᕆᔪᓐᓇᓚᐅᕐᓂᖏᓐᓂ ᐱᓕᕆᐊᒃᓴᒥᓂᑦ, ᐊᔪᕆᖅᓱᐃᓪᓗᑎᒃ ᐅᖓᓯᒃᑐᓂ ᖃᐅᔨᓴᕐᓂᐅᔪᓂ ᕿᒧᒃᓯᒃᑯᑦ ᐊᒻᒪ ᐅᒥᐊᒃᑯᑦ.
“ᐱᑕᖃᓚᐅᙱᑉᐸᑕ, ᑲᓇᑕᒥ ᐸᓖᓯᒃᑯᑦ ᐆᒪᔪᓐᓇᕋᔭᓚᐅᙱᓚᑦ,” ᔫᓐᔅ ᐃᓚᒋᐊᖅᓯᓚᐅᖅᐳᖅ.
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖑᔪᓄᑦ ᐊᖓᔪᖅᑳᖓ ᐅᓛᔪᒃ ᐊᑭᓱᒃ ᐅᐱᒋᔭᖃᓚᐅᖅᐳᖅ ᐃᖅᑲᐅᒪᔾᔪᑎᒥᒃ ᓯᕗᒻᒧᑦ ᐱᓱᒃᑲᓐᓂᕐᓂᐅᔪᒥ ᓴᐃᒻᒪᖃᑎᒌᖕᓂᕐᒧᑦ ᓇᓗᓇᐃᖅᑕᐅᓯᒪᓂᖓᓂ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᐅᓂᒃᑳᓕᐊᖓᓂ, ᐱᓗᐊᖅᑐᒥ ᐊᑐᖁᔭᐅᓇᔭᓚᐅᖅᑐᒥ 3–ᒥ. “ᑕᐃᒪᙵᓂ 2010–ᒥ, ᐊᑐᓕᖅᑎᑦᑎᓯᒪᕗᒍᑦ ᐊᑐᖁᔭᐅᓇᔭᓚᐅᖅᑐᓂ ᐅᕙᙶᖅᑐᓂ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᐅᓂᒃᑳᓕᐊᖓᓂ,” ᐅᖃᓚᐅᖅᐳᖅ ᐊᑭᓱᒃ, “ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖑᔪᓄᑦ ᐅᐱᒋᔭᖃᖅᐳᑦ ᐱᓕᕆᓂᐅᔪᓂ ᐃᓄᖕᓂ ᓴᓇᙳᐊᒐᖅᑎᐅᔪᓂ ᑐᓂᓯᓂᖏᓐᓂ ᐆᒪᙵᑦ ᐊᑐᖅᑕᐅᓂᑯᓂ ᐆᒻᒪᖅᑎᑕᐅᓂᖓᓄᑦ ᓴᓇᐅᒐᖏᓐᓄᑦ.”
ᓄᓇᕗᒻᒥ ᓯᕗᓕᖅᑎ ᐊᒻᒪ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖑᔪᓄᑦ ᐊᖓᔪᖅᑳᖑᓚᐅᖅᑐᖅ P.J. ᐊᕿᐊᕈᖅ ᖁᕕᐊᓱᓚᐅᕆᕗᖅ ᑕᑯᓂᕐᒥ ᐊᓯᒃᑲᓐᓂᐊᓂ ᐅᓂᒃᑳᓕᐊᑉ ᐅᑐᖁᔭᖏᓐᓂ ᓯᕗᒻᒧᑦ ᐃᖏᕐᕋᓂᖓᓄᑦ, ᐱᓗᐊᖅᑐᒥ ᐱᔾᔪᑎᖃᖅᑐᒥ ᐊᑐᕐᓂᖃᐅᑎᖓᓂ ᐊᓯᐊᒎᖅᑐᒥ ᐸᓖᓯᐅᔪᓄᑦ ᐊᑐᓚᐅᕐᓂᖏᓐᓂ ᓄᓇᕗᒻᒥ.
“ᐊᖏᔪᒻᒪᕆᐊᓗᖕᒥ ᐱᓕᕆᓂᖃᓚᐅᖅᐳᑦ ᓄᓇᕗᓕᒫᒥ ᐊᒻᒪᓗᑦᑕᐅᖅ ᐊᖏᔪᐊᓗᖕᓂ ᓴᒃᑯᐃᑦᑎᓂᐅᔪᓂ ᐃᒻᒥᓂᒃ ᐊᒻᒪ ᐃᓚᒌᑦ ᐊᑐᖅᓯᒪᔭᖏᓐᓂ. ᖁᕕᐊᓇᕐᔪᐊᖅᐳᖅ ᑕᑯᓂᕐᒥ ᐃᖅᑲᐅᒪᔾᔪᑎᒥᒃ ᓴᖅᑭᑕᐅᓂᖓᓂ ᐅᓪᓗᒥ,” ᐅᖃᓚᐅᖅᐳᖅ ᐊᕿᐊᕈᖅ.
ᐃᓄᖕᓂ ᐸᓖᓯᐅᓚᐅᖅᓯᒪᔪᖅ ᓘ ᕕᓕᑉ, ᐃᓅᓚᐅᖅᓯᒪᔪᒥ 1947–ᒥ, ᐃᓄᒃᑎᑐᑦ ᐅᖃᓪᓚᓚᐅᖅᐳᖅ ᐊᒻᒪ ᐃᖅᑲᐅᒪᓪᓗᓂ ᐃᓅᓯᐅᓚᐅᖅᑐᒥ ᐃᒃᐱᐊᕐᔪᖕᒥ ᐊᕐᕌᒍᒐᓵᓗᖕᓂ. ᐃᖅᑲᐅᒪᓂᖃᓚᐅᖅᐳᖅ ᑲᑎᒪᖃᑎᖃᒐᔪᖕᓂᕐᒥ ᑲᓇᑕᒥ ᐸᓖᓯᒃᑯᓐᓂ ᒥᑦᑎᒪᑕᓕᖕᒥ, ᖃᓂᓛᖑᔪᒥ ᐹᓕᓯᒃᑯᕕᖃᕐᓂᖓᓂ ᑕᐃᔅᓱᒪᓂ, ᐅᖅᑯᐊᖃᖅᑎᑦᑎᓪᓗᑎᒃ ᐊᒻᒪ ᐃᑲᔪᖅᖢᑎᒃ ᐸᓖᓯᓂ ᓂᕿᒃᓴᖃᕐᓂᖏᓐᓂ ᐃᒃᐱᐊᕐᔪᖕᒦᓕᕌᖓᑕ.
“ᐊᓐᓄᕌᖃᖅᑎᑕᐅᓚᐅᖅᐳᑦ ᐊᒻᒪ ᓂᕆᑎᑕᐅᕙᒃᖢᑎᒃ ᐃᓄᖕᓂ ᐅᑯᓇᓂ ᓄᓇᓕᐅᔪᓂ. ᓯᕗᒻᒧᑦ ᐃᖏᕐᕋᓂᕐᒧᑦ ᓂᕆᐅᖕᓂᖃᖅᐳᖅ, ᐊᒻᒪ ᓯᕗᒻᒧᑦ ᐃᖏᕐᕋᓂᖃᕈᒪᕗᖅ ᐅᖓᑖᓄᑦ ᐋᓐᓂᕐᓇᕐᓂᐅᔪᓂ ᐊᑐᖅᑕᐅᓂᑯᓂ 40–ᖏᓐᓂ, 50–ᖏᓐᓂ, ᐊᒻᒪ 60–ᖏᓐᓂ ᑐᖁᕋᐃᓂᖃᖅᑎᓪᓗᒋᑦ ᕿᒻᒥᓂᑦ,” ᑲᓇᑕᒥ ᐸᓖᓯᒃᑯᓐᓂ ᐸᓖᓯᐅᔪᖅ ᐸᓖᓯ ᐹᓖᓐ ᒥᓛᓐᓯᓐ ᑐᓵᔨᐅᓪᓗᓂ ᕕᓕᑉᒧᑦ.
ᐱᒋᐊᕐᓂᐊᓂ ᑕᐃᑯᖓ 1900–ᖏᓐᓂ ᕿᑎᖅᐸᓯᐊᓄᑦ ᐃᓄᖕᓂ ᐸᓖᓯᐅᔪᑦ ᐃᓚᐅᖃᑕᐅᕙᓚᐅᖅᐳᑦ ᑲᓇᑕᒥ ᐸᓖᓯᒃᑯᓐᓂ ᐱᔨᑦᑎᕋᖅᖢᑎᒃ ᑐᓵᔨᐅᓂᕐᒧᑦ, ᐊᐅᓪᓚᐅᔾᔨᔨᐅᓪᓗᑎᒃ ᐊᒻᒪ ᑕᒪᐃᑎᒍᑦ ᐃᑲᔪᖅᖢᑎᒃ ᖃᓪᓗᓈᑦ ᓄᓇᖓᓐᓂ ᑲᓇᑕᒥ ᐸᓖᓯᐅᔪᓂ ᐆᒪᓂᖏᓐᓄᑦ ᐅᑭᐅᖅᑕᖅᑐᒥ.
