ᐊᒥᓱᐃᑦ ᐱᓕᕆᖃᑎᖃᖅᐸᒃᑐᓂ ᑭᕙᓪᓕᕐᒥ ᒪᒃᑯᒃᑐᓂ ᖁᕝᕙᕆᐊᖅᑎᑦᑎᕗᑦ ᐊᑭᕋᖅᑐᕐᓂᕐᒥ-ᑕᕝᕚᑭᒥ ᐅᖃᐅᓯᒃᓴᐅᔪᒥ ᓂᐱᖅᑯᖅᑐᓂᖅᓴᐅᔪᒥ ᑕᐃᒪᐃᒐᔪᖕᓂᖓᓂ ᑕᒪᑐᒪᓂ ᐱᓇᓱᐊᕈᓯᐅᔪᒥ ᑲᓇᑕᒥ ᓱᐴᖅᑐᖅᑕᐃᓕᒪᓂᕐᒥ ᐱᓇᓱᐊᕈᓯᕐᒥ (ᔭᓄᐊᕆ 15−ᒥ 21−ᒧᑦ) ᐱᓕᕆᐊᖑᑎᓪᓗᒍ ᑲᓇᑕᓕᒫᒥ.
ᐊᑭᕋᖅᑐᖅᑐᒥ-ᑕᕝᕚᑭᒥ ᐱᓇᓱᐊᕈᓯᖅ ᐱᓕᕆᐊᖑᕙᒃᐳᖅ ᐊᕐᕌᒍᑕᒫᒥ ᑲᓇᑕᒥ ᑕᐃᒪᙵᓂ 1977−ᒥ. ᐱᓇᓱᐊᕈᓯᐅᑉ ᑐᕌᒐᒃᓴᖏᑦ ᐃᓕᓐᓂᐊᖅᑎᑦᑎᓂᕐᒥ ᑲᓇᑕᒥᐅᑕᓂ ᐅᓗᕆᐊᓇᕈᑕᐅᔪᓂ ᓱᐴᖅᑐᕐᓂᕐᒥ ᐊᒻᒪ ᐃᑲᔪᕐᓂᕐᒧᑦ ᐃᓄᖕᓂ ᓄᖅᑲᕐᓂᖏᓐᓂ ᓱᐴᖅᑐᖃᑦᑕᕐᓂᕐᒥ.
ᒐᓚᓐ ᐳᕌᑯᓪᐹᖕᒃ, ᐃᓕᓴᐃᔨᐅᔪᖅ ᒪᒃᑯᖕᓂᖅᓴᓂ ᑲᓇᑕᒥ ᐅᓇᑕᖅᑐᒃᓴᙳᐊᓂ (JCR) ᐃᒡᓗᓕᒑᕐᔪᖕᒥ ᐅᖃᓚᐅᖅᐳᖅ ᑕᕝᕚᑭᒥ ᐊᑐᖅᑕᐅᓂᖓᓂ ᑕᒪᐃᑎᒍᑦ ᑕᐃᒪᐃᒐᔪᒃᐳᖅ ᑭᕙᓪᓕᕐᒥ ᐊᒻᒪ ᐃᒡᓗᓕᒑᕐᔪᒃ ᒥᓂᑕᐅᙱᓚᑦ.
ᐊᐱᕆᓪᓗᑎᒃ ᒪᒃᑯᒃᑐᓂ ᒪᒃᑯᖕᓂᖅᓴᓂ ᑲᓇᑕᒥ ᐅᓇᑕᖅᑐᒃᓴᙳᐊᓂ ᑐᕌᖓᓂᖃᖅᑐᒥ ᑕᕝᕚᑭᒥ ᐊᑐᕐᓂᕐᒥ ᓄᓇᓕᖕᓂ, ᐅᖃᖅᐳᑦ 7−ᓂ 10−ᖑᔪᓂ ᒪᒃᑯᒃᑐᓂ ᐃᓄᖕᓂ ᐊᑐᓲᖑᕗᑦ ᑕᕝᕚᑭᒥ ᓴᓇᓯᒪᔪᒥ (ᑕᕝᕚᑭᓂ ᑕᒧᐊᔭᐅᓲᓂᒃ ᐅᕝᕙᓘᓐᓃᑦ ᓱᐴᖅᑐᕐᓂᕐᒥ), ᐅᖃᐅᓯᐅᓪᓗᓂ ᐳᕌᑯᓪᐹᖕᒃᒧᑦ.
“ᒪᒃᑯᖕᓂᖅᓴᓂ ᑲᓇᑕᒥ ᐅᓇᑕᖅᑐᒃᓴᙳᐊᓂ ᐃᓕᓴᐃᔨᐅᓪᓗᑎᒃ, ᐅᖃᓪᓚᓲᖑᕗᒍᑦ ᖃᓄᐃᙱᑦᑎᐊᖅᑐᒥ ᐃᓅᓯᕐᒥ ᓂᕈᐊᕐᓂᐅᔪᓂ ᐊᒻᒪ ᐱᑦᑕᐃᓕᒪᓂᕐᒥ ᐱᔪᒪᓂᐊᓗᖕᒥ ᐅᕝᕙᓘᓐᓃᑦ ᒪᒃᑯᒃᑐᖁᑎᖏᓐᓂ ᐊᔭᐅᕆᓂᐅᔪᒥ ᐊᑐᕐᓂᕐᒧᑦ ᑕᕝᕚᑭᒥ,” ᐅᖃᓚᐅᖅᐳᖅ. “ᐊᐅᔭᐅᓚᐅᖅᑐᒥ ᐅᐊᐃᑦᕼᐅᐊᔅᒥ, ᑕᒪᒃᑭᑦ ᑕᕝᕚᑭᒥ ᓴᓇᓯᒪᔪᓂ ᐊᖅᓵᖅᑕᐅᓚᐅᖅᐳᑦ ᒪᒃᑯᖕᓂᖅᓴᓂ ᑲᓇᑕᒥ ᐅᓇᑕᖅᑐᒃᓴᙳᐊᓂ ᐃᓚᐅᖃᑕᐅᔪᓂ ᑕᖕᒫᕐᕕᐅᔪᒥ. ᐃᓱᒫᓘᑎᕐᔪᐊᖑᓚᐅᖅᐳᖅ ᐆᒪᓂᕐᒧᑦ ᖃᓄᐃᙱᑦᑎᐊᖅᑐᒥ ᐃᓅᓯᖃᕐᓂᕐᒧᑦ.”
ᐳᕌᑯᓪᐹᖕᒃ ᐅᖃᓚᐅᖅᐳᖅ ᐃᓕᓴᐃᔨᐅᔪᑦ ᐊᒻᒪ ᒪᒃᑯᖕᓂᖅᓴᓂ ᑲᓇᑕᒥ ᐅᓇᑕᖅᑐᒃᓴᙳᐊᓂ ᒪᒃᑯᒃᑐᑦ ᐅᖃᓪᓚᒐᔪᒃᐳᑦ ᖃᓄᖅ ᐅᐃᕆᓐᓇᕐᓂᖓᓂ ᐃᓗᓕᖏᓐᓂ ᑕᕝᕚᑭᒥ, ᐊᒻᒪ ᐱᒋᐊᓱᖓᕈᕕᑦ ᐊᔪᕐᓇᕐᓂᖓᓂ ᓄᖅᑲᕆᐊᒃᓴᖅ.
ᐅᖃᓚᐅᖅᐳᖅ ᐅᖃᓪᓚᓲᖑᒋᕗᑦ ᖃᓄᖅ ᓄᓇᓕᖕᓂ ᐋᓐᓂᐊᕕᖓᖓ ᖃᔅᓯᒐᓚᖕᓂ ᓂᕈᐊᒐᒃᓴᖃᕐᓂᖏᓐᓂ ᐃᑲᔪᕐᓂᕐᒧᑦ ᐃᓄᖕᓂ ᓄᖅᑲᕐᓂᕐᒧᑦ.
“ᐃᓱᒪᕗᖓ ᐅᖃᓪᓚᖕᓂᕗᑦ ᐅᖃᐅᓯᐅᓂᐅᔪᒥ ᐱᔭᐅᑦᑎᐊᖅᐸᒃᐳᑦ, ᑭᓯᐊᓂ ᐊᖏᐸᓗᒃᑐᒥ ᐳᓴᓐᑎᐅᔪᒥ ᓱᓕ ᐊᑐᖅᐸᒃᐳᑦ ᑕᕝᕚᑭᒥ ᓴᓇᓯᒪᔪᓂ.
“ᑕᒪᕐᒥᒐᓚᑦ ᐅᖃᐅᓯᒃᓴᐅᔪᓂ ᐃᓐᓇᐅᓂᖅᓴᓂ ᐃᓄᖕᓂ ᐊᒻᒪ ᐅᓇᑕᖅᑐᒃᓴᙳᐊᓂ ᐃᒻᒥᓂᒃ ᑕᐃᒪᓕᒎᖅ ᐱᒋᐊᓚᐅᙱᓐᓂᖓᓐᓂ ᓯᕗᓪᓕᖅᐹᖑᔪᒥ, ᐊᔪᕐᓇᕐᔪᐊᕐᒪᑦ ᓄᖅᑲᕆᐊᒃᓴᖅ.
“ᐊᐅᓚᑦᑎᕙᒃᐳᒍᑦ ᐅᓄᕐᓂᐅᔪᓂ ᖃᓄᑎᒋ ᐊᑐᖅᐸᖕᓂᖏᓐᓂ ᐱᓇᓱᐊᕈᓯᑕᒫᒥ, ᑕᖅᑭᑕᒫᒥ ᐊᒻᒪ ᐊᕐᕌᒍᑕᒫᒥ ᐊᑐᕐᓂᕐᒧᑦ ᑕᕝᕚᑭᒥ ᐊᒻᒪ ᑲᒪᕐᔪᐊᓲᖑᕗᑦ ᐊᑭᖓᓐᓂ.
“ᐊᔪᕐᓇᖅᑐᐊᓘᓪᓗᓂ ᐅᓇᑕᕐᓂᐅᕗᖅ, ᑭᓪᓕᓯᓂᐊᕐᓂᖓ ᖁᑦᑎᒃᑐᒻᒪᕆᐊᓘᖕᒪᑕ ᐅᑭᐅᖅᑕᖅᑐᒧᑦ ᐊᒻᒪ ᑕᕝᕚᑭᒥ ᐊᑐᕐᓂᕐᒧᑦ.”
ᐳᕌᑯᓪᐹᖕᒃ ᑐᓂᓯᔪᒪᓲᖑᕗᖅ ᓄᓇᓕᖕᓂ ᒪᒃᑯᖕᓂᖅᓴᓂ ᐅᓇᑕᖅᑐᒃᓴᙳᐊᓂ ᓱᓕᓂᐅᔪᓂ ᐊᒻᒪ ᑭᐅᓗᓂ ᐊᐱᖅᑯᑕᐅᔪᓂ.
ᐅᖃᖅᑕᐃᓕᒪᓲᖑᕗᖅ “ᐱᖏᓪᓗᑎᑦ” ᐅᖃᐅᓯᖃᓕᕌᖓᒥ ᑕᕝᕚᑭᒥ ᐊᑐᕐᓂᕐᒥ ᒪᒃᑯᒃᑐᓄᑦ.
“ᐃᓱᒪᓕᐅᕆᔪᓐᓇᖁᕙᒃᑲ ᐃᒻᒥᓂᒃ ᑐᙵᕕᖃᖅᑐᒥ ᑕᒪᒃᑭᓂ ᑐᓴᒐᒃᓴᓂ ᐊᑐᐃᓐᓇᐅᔪᓄᑦ.
“ᑕᐅᑐᒃᑕᑐᐃᖃᑲᐃᓐᓇᖅᐳᖓ ᐊᑭᖏᓐᓂ — ᓲᕐᓗ ᓱᐴᖅᑐᓲᖑᒍᕕᑦ ᒪᕐᕉᖕᓂ ᐴᕐᓂ ᐱᓇᓱᐊᕈᓯᕐᒥ, ᐊᑐᕐᓂᐊᖅᐳᑎᒃ X ᐊᖏᓂᐅᔪᒥ ᑮᓇᐅᔭᓂᒃ ᐊᕐᕌᒍᑕᒫᒥ — ᐊᒻᒪᓗ ᐅᐃᕆᓐᓇᖅᑐᒻᒪᕆᐊᓘᓂᖓᓂ ᐊᒻᒪ ᐊᔪᕐᓇᖅᑐᐊᓘᓂᖓᓂ ᓄᖅᑲᕋᓱᒋᐊᒃᓴᖅ.
“ᐊᓱᐃᓛᒃ ᐊᐱᕆᓲᖑᕗᖓ ᑭᓇᑐᐃᓐᓇᒥᒃ ᐊᑐᓲᖑᔪᒥ ᑕᕝᕚᑭᒥ ᓴᓇᓯᒪᔪᓂ ᑕᐃᒪᓕ ᐱᒋᐊᓚᐅᙱᒃᑯᑎᒃ ᐊᒻᒪ ᖃᓄᐃᒻᒪᑦ.
“ᑎᒃᑯᐊᕆᓲᖑᒋᕗᖓ ᐋᓐᓂᐊᕕᒃ ᓂᕈᐊᒐᒃᓴᖃᖅᐳᑦ ᐃᑲᔪᕐᓂᕐᒧᑦ ᓄᖅᑲᕐᓂᕐᒥ ᐊᑭᖃᙱᑦᑐᒥ ᐃᑲᔪᖅᓯᖅᑕᐅᔪᒪᒍᑎᒃ ᓄᖅᑲᕐᓂᕐᒧᑦ.”