Skip to content

ᐅᖅᓱᖅᑑᒥ ᒐᕙᒪᒃᑯᑦ ᐃᒡᓗᕐᔪᐊᖓ ᓄᖑᑦᑎᐊᓚᐅᖅᐳᖅ ᐃᑭᑦᑐᒧᑦ

ᖃᐅᒪᔪᒥ ᐊᐅᐸᔮᖓᔪᒥ ᐃᑭᑦᑐᒥ ᐊᒻᒪ ᕿᕐᓂᖅᑕᒥ ᐳᔫᕐᔪᐊᖅᑐᒥ ᓴᓇᓚᐅᖅᐳᖅ ᑕᑯᒃᓴᐅᕐᔪᐊᖅᑐᒥ ᐅᖅᓱᖅᑑᒥ ᒫᔾᔨ 26–ᒥ ᐃᑭᑦᑐᒥ ᓄᖑᑎᑦᑎᑦᑎᐊᖅᑎᓪᓗᒍ ᓄᓇᓕᐅᑉ ᒐᕙᒪᒃᑯᑦ ᐃᒡᓗᕐᔪᐊᖓᓂ.
28647525_web1_220404-NUN-gjoahavenfireINUK_1

ᖃᐅᒪᔪᒥ ᐊᐅᐸᔮᖓᔪᒥ ᐃᑭᑦᑐᒥ ᐊᒻᒪ ᕿᕐᓂᖅᑕᒥ ᐳᔫᕐᔪᐊᖅᑐᒥ ᓴᓇᓚᐅᖅᐳᖅ ᑕᑯᒃᓴᐅᕐᔪᐊᖅᑐᒥ ᐅᖅᓱᖅᑑᒥ ᒫᔾᔨ 26–ᒥ ᐃᑭᑦᑐᒥ ᓄᖑᑎᑦᑎᑦᑎᐊᖅᑎᓪᓗᒍ ᓄᓇᓕᐅᑉ ᒐᕙᒪᒃᑯᑦ ᐃᒡᓗᕐᔪᐊᖓᓂ.

“ᐱᐅᙱᑦᑐᐊᓘᓚᐅᖅᐳᖅ,” ᐅᖅᓱᖅᑑᒥ ᒪᓕᒐᓕᐅᖅᑎ ᑑᓂ ᐊᑯᐊᒃ ᐅᖃᓚᐅᖅᐳᖅ ᐊᐃᑦᑖᕈᓱᒡᔪᐊᕐᓇᖅᑐᒥ ᐱᓂᕐᓗᒡᔪᐊᕐᓂᐅᔪᒥ. “ᐊᐃᑦᑖᓘᓚᐅᖅᐳᖅ ᑕᑯᓂᕐᒧᑦ.”

ᑭᖑᓂᐊᒍᑦ ᑐᐊᕕᕋᓚᖕᓂᐅᔪᒥ ᐱᑎᑦᑎᓂᖃᓚᐅᖅᐳᖅ ᐃᓚᖏᓐᓂ ᓄᓇᕗᒻᒥ ᒐᕙᒪᒃᑯᓐᓂ ᖃᒪᒋᔭᐅᕙᓚᐅᖅᑐᓂ 6,400-ᑭᑉᐹᕆᒃᑐᒥ-ᐃᓯᒐᓪᓗᐊᓂ ᐃᒡᓗᕐᔪᐊᒥ ᐊᓯᔾᔩᓂᖏᓐᓂ ᐱᓕᕆᔾᔪᓯᐅᔪᓂ ᐊᓯᖏᑦ ᐱᔨᑦᕋᕐᓂᐅᔪᑦ ᓄᖅᑲᖅᑎᑕᐅᓚᐅᑲᒃᓯᒪᓪᓗᑎᒃ.

ᐃᑭᑦᑐᖅ ᐱᒋᐊᓚᐅᖅᐳᖅ ᓯᕙᑖᕐᕕᖕᒥ ᐅᓐᓄᒃᓴᖓᓂ. ᖃᑦᑎᕆᔨᒃᑯᑦ ᐊᖓᔪᖅᑳᖓ ᕼᐃᐊᒃᑐᕐ ᓇᒡᔭᖅ ᐃᓄᓕᒫᓄᑦ ᑐᒃᓯᕋᓚᐅᖅᐳᑦ ᓄᓇᖃᖅᑎᐅᔪᓂ ᐅᐸᒃᑕᐃᓕᒪᓂᕐᒧᑦ ᐃᑭᕐᔪᐊᖅᑐᐊᓗᖕᒥ ᐊᑭᓕᖅᓱᖅᑕᐅᓇᑎᒃ ᖃᑦᑎᕆᔨᐅᔪᑦ ᐅᑕᖅᑭᑎᓪᓗᒋᑦ ᐃᒡᓗᕐᔪᐊᖓᑕ ᐅᖅᓱᐊᓗᖃᐅᑎᖓᓐᓂ “ᐃᑭᙱᔾᔪᒥᓕᕐᓂᖓᓂ.”

ᓇᒡᔭᖅ ᐅᖃᐅᔾᔨᓚᐅᖅᐳᑦ ᓄᓇᓕᖕᓂ ᐅᓐᓄᐊᖓᓐᓂ ᐃᑭᑦᑐᖅ ᖃᒥᑕᐅᔪᓐᓇᙱᓐᓂᖓᓂ ᐊᒻᒪᓗ ᐃᑭᑐᐃᓐᓇᖅᑎᑕᐅᓂᐊᕐᓂᖓᓂ ᐅᖃᐅᔾᔨᓂᐅᔪᒥ ᖃᑦᑎᕆᔨᕐᔪᐊᒃᑯᑦ ᐃᑲᔪᖅᑎᖓᓐᓂ.

“ᐅᖃᐅᔾᔭᐅᓚᐅᖅᐳᒍᑦ ᐃᒃᓯᓐᓇᑐᐃᓐᓇᖁᔭᐅᓪᓗᓂ,” ᐅᖃᓚᐅᖅᐳᖅ, ᐃᓚᒋᐊᖅᓯᓪᓗᓂ ᑲᓇᑕᒥ ᐸᓖᓯᒃᑯᑦ ᑐᓂᓯᓂᐊᕐᓂᖏᓐᓂ ᐅᓐᓄᐊᓕᒫᒥ ᓇᐅᑦᑎᖅᓱᕐᓂᐅᔪᒥ ᐃᓂᒋᔭᖓᓂ.

ᐊᑯᐊᒃ ᐅᐱᒋᔭᖃᓚᐅᖅᐳᖅ ᖃᑦᑎᕆᔩᑦ ᐊᒃᓱᕈᕐᓂᖏᓐᓂ.

“ᖁᕕᐊᓱᒍᑎᖃᖅᐳᖓ ᖃᑦᑎᕆᔨᓄᑦ … ᐃᑭᑦᑐᒦᓚᐅᖅᐳᑦ ᐃᑲᕐᕋᑦ 12 ᐅᖓᑖᓂ. ᑕᖃᓯᒪᕐᔪᐊᖅᑐᒃᓴᐅᕗᑦ,” ᐅᖃᓚᐅᖅᐳᖅ. “ᐃᒡᓗᕐᔪᐊᖅ ᓴᐳᑎᔭᐅᔪᓐᓇᓚᐅᙱᓚᖅ ᑭᓯᐊᓂ ᐊᒃᓱᑦ ᑭᒃᑯᓕᒫᓂ ᐊᑦᑕᓇᔾᔭᐃᖅᓯᓯᒪᓚᐅᖅᐳᑦ.”

ᒪᐃᔭ ᒪᐃᒋᓐ ᐳᐊᑕ ᐅᐱᒋᓚᐅᕆᕙᖏᑦ ᑭᒃᑯᓕᒫᑦ ᐱᓕᕆᓚᐅᖅᑐᓂ “ᑕᖃᔪᐃᑦᑑᓪᓗᑎᒃ.”

“ᓄᓇᓕᖕᓂ ᖃᑦᑎᕆᔨᕗᑦ ᐊᒻᒪ ᕼᐋᒻᓚᒃᑯᑦ ᐱᔨᑦᑎᕋᕐᓂᕐᒧᑦ ᐃᖅᑲᓇᐃᔭᖅᑎᖏᑦ ᐊᒃᓱᕈᖅᖢᑎᒃ ᐱᓕᕆᓚᐅᖅᐳᑦ ᐊᐅᓚᑦᑎᑦᑎᐊᕋᓱᐊᖅᖢᑎᒃ ᐃᑭᑦᑐᒥ, ᖃᔅᓯᒐᓚᐃᑦ ᐊᒃᓱᕈᕈᕋᓗᐊᖅᑎᓪᓗᒋᑦ ᓇᖕᒥᓂᖅ ᖃᓄᐃᓐᓂᐅᔪᓂ ᐊᓯᐅᔨᓂᐅᔪᒥ ᐊᒻᒪ ᐃᓚᐃᓪᓕᕿᓂᕐᒥ. ᑲᓇᑕᒥ ᐸᓖᓯᒃᑯᓐᓄᑦ ᐊᒻᒪ ᕼᐋᒻᓚᒃᑯᑦ ᐃᖅᑲᓇᐃᔭᖅᑎᐅᔪᓂ ᐃᑲᔪᓚᐅᖅᑐᓂ ᓄᓇᖓᓂ ᐊᐅᓚᑦᑎᓂᐅᔪᒥ, ᐋᔩᖃᑎᒌᖕᓂᐅᔪᒥ ᐊᒻᒪ ᐊᓂᐊᑎᑦᑎᓂᕐᒧᑦ ᐅᖃᐅᔾᔨᓂᐅᔪᓂ, ᕼᐋᒻᓚᒃᑯᑦ ᐃᖅᑲᓇᐃᔭᖅᑎᖏᑦ, ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᐅᔪᑦ ᐊᒻᒪ ᓂᐅᕕᕐᕕᖕᒥ ᐃᑲᔪᖅᓱᐃᓚᐅᖅᑐᓂ ᓂᕆᔭᒃᓴᓂ ᐊᒻᒪ ᓂᐅᖅᑲᕐᓂᐊᖅᑕᒥᓂᑦ ᐸᕐᓇᐃᓂᐅᔪᓂ, ᐊᒻᒪ ᐃᓄᓕᒫᓄᑦ ᒪᓕᑦᑎᐊᖏᓐᓇᖅᑐᓂ ᐅᖃᐅᔾᔭᐅᓂᖏᓐᓂ ᐅᐸᒃᑕᐃᓕᓂᕐᒧᑦ ᐃᓂᐅᔪᒥ ᐊᐱᕆᔭᐅᒐᒥᒃ, ᖁᔭᓐᓇᒦᒃ,” ᐳᐊᑕ ᐅᖃᓚᐅᖅᐳᖅ. “ᐃᒡᓗᕐᔪᐊᖅ ᐊᑐᒐᒃᓴᐅᔪᓐᓃᑦᑎᐊᕋᓗᐊᖅᑎᓪᓗᒍ, ᓄᓇᓕᕗᑦ ᑲᑎᖃᑎᒌᓚᐅᖅᐳᑦ ᐱᔭᕆᐊᖃᕐᓂᐅᔪᒥ, ᐃᓱᒪᒋᓇᒍ ᓇᖕᒥᓂᖅ ᖃᓄᐃᓐᓂᐅᔪᓄᑦ ᐊᒻᒪ ᐊᑲᐅᙱᓕᐅᕈᑕᐅᔪᓂᑦ. ᑕᒪᒃᑭᑦᑎᐊᖑᔪᓯ ᐅᐱᒋᕙᔅᓯ. ᐃᓅᔪᓐᓃᖅᑐᖃᓚᐅᙱᓚᖅ, ᐋᓐᓂᖅᑐᖃᕐᔪᐊᓚᐅᙱᓚᖅ.”

ᐃᒡᓗᕐᔪᐊᖅ — ᒪᒃᐱᖅᑕᐅᓚᐅᖅᑐᒥ 1999–ᒥ ᐊᒻᒪ ᐃᓂᖃᖅᑐᒥ ᕿᑎᖅᐸᓯᐊᓂ ᓄᓇᓕᖕᓂ, ᖃᓂᒋᔭᖓᓂ ᖁᑦᑎᒃᑐᒥ ᐃᓕᓐᓂᐊᕐᕕᖕᒥ ᐊᒻᒪ ᐊᓐᓂᑭᑕᕐᕕᖕᒥ — ᐃᖅᑲᓇᐃᔭᕐᕕᐅᓚᐅᖅᐳᖅ 10–ᓄᑦ ᐃᖅᑲᓇᐃᔭᖅᑎᐅᔪᓄᑦ ᐊᔾᔨᒌᙱᑦᑐᓂ ᐱᓕᕆᕝᕕᐅᔪᓂ ᐊᒻᒪ “ᑐᓴᒐᒃᓴᓄᑦ ᑕᐅᖅᓰᕝᕕᐅᓚᐅᖅᐳᖅ,” ᐃᓗᓕᖃᖅᑐᒥ ᐅᖅᓱᖅᑑᒥ ᕙᐃᐸᒧᑦ ᑲᑎᙵᓂᖃᕐᕕᓪᓗᐊᑕᐅᓚᐅᖅᐳᖅ, ᑭᐳᒋᔭᐅᔪᓂ, ᓄᓇᓕᖕᓂ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᐱᓕᕆᕝᕕᒃ, ᐱᔨᑦᑎᕋᕐᕖᑦ, ᐊᒻᒪ ᐅᖃᓘᑎᒧᑦ ᐊᒻᒪ ᖃᕋᓴᐅᔭᑎᒍᑦ ᑲᑎᒪᓂᕐᒧᑦ ᐱᔨᑦᑎᕋᕐᓂᐅᔪᒥ, ᐅᖃᐅᓯᐅᓪᓗᓂ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂ (CGS). ᒫᔾᔨ 28–ᒥ, ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ ᒥᓂᔅᑕᖓ ᑕᐃᕕᑦ ᔪᐊᓇᓯ ᑐᓂᓯᓚᐅᖅᐳᖅ ᖁᔭᓕᓂᖓᓂ ᐃᖅᑲᓇᐃᔭᖅᑎᐅᔪᓄᑦ ᐱᓕᕆᔪᓄᑦ ᐅᑎᖅᑎᕆᓂᕐᒥ ᐱᔨᑦᑎᕋᕐᓂᐅᔪᓂ ᐊᒻᒪᓗ ᓄᓇᓕᖕᒥᐅᑕᓄᑦ “ᑲᔪᓰᓐᓇᖅᑐᒥ ᓴᖑᓴᕋᐃᓂᖏᓐᓂ ᑕᒪᑐᒪᓂ ᐊᒃᓱᕈᕐᓇᕐᓂᐅᔪᒥ.” ᐃᓚᒋᐊᖅᓯᓚᐅᖅᐳᖅ ᖄᒃᑲᓐᓂᐊᒍᑦ ᐃᖅᑲᓇᐃᔭᖅᑎᓂ ᐊᒻᒪ ᐃᑲᔪᕈᑎᒃᓴᓂ ᓇᒃᓯᐅᔾᔭᐅᓂᐊᕐᓂᖏᓐᓂ ᓄᓇᓕᖕᓄᑦ.

ᓄᓇᕗᒻᒥ ᒐᕙᒪᒃᑯᑦ ᖃᐅᔨᓴᓚᐅᖅᐳᑦ ᐃᓗᐊᒍᑦ ᐊᒻᒪ ᓯᓚᑖᒍᑦ ᔭᒐᐃᓂᐅᔪᓂ ᐱᑎᑕᐅᓂᖓᓄᑦ ᐃᑭᑦᑐᒧᑦ ᐱᓇᓱᐊᕈᓯᐅᓚᐅᖅᑐᒥ ᐊᒻᒪ ᓴᖅᑭᑎᑦᑎᔪᒪᕗᖅ ᐃᖅᑲᓇᐃᔭᕐᓂᕐᒥ–ᐊᖏᕐᕋᒥ ᐱᓕᕆᓂᐅᔪᓂ, ᕿᓚᒻᒥᐅᔪᒃᑯᑦ, ᐅᖃᐅᓯᐅᓪᓗᓂ ᒥᓂᔅᑕᒧᑦ. ᓄᓇᓕᐅᑉ ᐸᖅᑮᓐᓇᕐᓂᐅᔪᒥ ᐱᓕᕆᕝᕕᖓᓂ ᐊᑐᖅᑕᐅᓚᐅᑲᖕᓂᐊᖅᐳᖅ ᐊᖏᕐᕋᕆᔭᐅᓂᖓᓂ ᓯᕗᓪᓕᐅᔪᒥ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᐱᓕᕆᕝᕕᐅᓂᖓᓂ. ᑲᓱᖃᑎᒌᒃᓯᒪᔪᓄᑦ ᐊᐅᓚᑕᐅᓂᖓ ᓂᕆᐅᒋᔭᐅᕗᖅ ᓴᖅᑭᑎᑕᐅᒃᑲᓐᓂᕐᓂᐊᕐᓂᖓᓂ ᒫᔾᔨ 31–ᒥ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ, ᐱᔨᑦᑎᕋᖅᑎᐅᔪᑦ ᐊᒻᒪ ᐅᑎᖅᑎᕆᓂᕐᒥ ᓂᕆᐅᒋᔭᐅᕗᑦ ᓴᖅᑭᑎᑕᐅᒃᑲᓐᓂᕐᓂᐊᕐᓂᖏᓐᓂ ᐊᐃᑉᕆᓕ 1–ᒥ, ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐅᖃᓚᐅᖅᐳᑦ.

ᑭᖑᓪᓕᖅᐹᖓᓂ ᖃᓄᐃᓕᖓᓂᖓᓂ ᖃᐅᔨᓴᐃᓂᐅᔪᒥ ᒐᕙᒪᒃᑯᑦ ᐃᒡᓗᕐᔪᐊᖓᓂ ᐱᓕᕆᐊᖑᓚᐅᖅᐳᖅ ᑎᓯᐱᕆ 22, 2017–ᒥ, ᐅᖃᐅᓯᐅᓪᓗᓂ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂ.

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂ ᐅᖃᓚᐅᖅᐳᑦ ᓄᓇᕗᒻᒥ ᖃᑦᑎᕆᔨᕐᔪᐊᒃᑯᑦ ᑎᑎᕋᕐᕕᖓ ᖃᐅᔨᓴᖅᐳᖅ ᐃᑭᑦᑐᒥ ᐊᒻᒪ ᐅᖃᐅᓯᒃᓴᓕᐅᕈᒪᙱᓚᐅᑲᒃᐳᑦ ᐱᔾᔪᑕᐅᑐᐃᓐᓇᕆᐊᖃᖅᑐᒥ ᒫᔾᔨ 30–ᒥ.

ᓄᓇᕗᒻᒥ ᒐᕙᒪᒃᑯᑦ ᒫᔾᔨ 28–ᒥ ᓄᑖᙳᕆᐊᖅᑎᑦᑎᓂᐅᔪᒥ ᐅᖃᖅᓯᒪᓚᐅᖅᐳᖅ ᐃᓕᓐᓂᐊᖅᑐᓕᕆᔨᒃᑯᑦ ᐱᓕᕆᖃᑎᖃᕐᓂᐊᕐᓂᖏᓐᓂ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂ ᓴᖅᑭᑎᑦᑎᓂᕐᒧᑦ ᕿᓚᒻᒥᐅᔪᒥ ᐃᑭᑦᑐᒧᑦ ᓇᐅᑦᑎᖅᓱᕐᓂᕐᒥ ᑕᒪᒃᑭᓄᑦ ᐃᓕᓐᓂᐊᕐᕕᖕᓄᑦ, ᐱᒋᐊᕐᓂᐊᖅᑐᒥ ᒫᔾᔨ 28–ᒥ.