ᑲᖏᖅᖠᓂᕐᒥ ᑲᑎᒪᔨᖏᑦ ᐅᖃᐅᓯᖃᕆᐊᖃᒻᒪᕆᓚᐅᕐᒪᑕ ᑕᒪᒃᑯᐊ ᐊᔪᓕᕈᑕᐅᓯᒪᔪᑦ ᐃᒥᐊᓗᒻᒧᑦ ᓄᓇᓕᓐᓂ, ᑕᒪᓐᓇ ᓄᓇᓕᓐᓂ ᐊᑦᑕᓇᕐᔭᐃᖅᓯᒪᓂᕐᒧᑦ ᐊᒻᒪᓗ ᓱᕈᓯᕐᓄᑦ, ᐊᒻᒪᓗ ᖃᓄᖅ ᐋᖅᑭᒍᑎᒃᓴᖅᑕᖃᕈᓐᓇᕐᒪᖔᖅ ᐱᐊᑖᕐᕕᒃ ᐊᒻᒪᓗ ᕙᐃᓂᑖᕐᕕᒃ.
ᐊᕐᕕᐊᓂᓕ, ᐃᓪᓗᒥᒃ ᐊᑐᕐᓂᕐᒧᑦ ᐊᑐᐊᒐᖅ ᐊᑐᓕᖅᑎᑕᐅᓚᐅᖅᑐᖅ ᐋᖓᔮᓗᐊᕈᓐᓃᖁᓪᓗᒋᑦ, ᓲᖑᓵᖃᑦᑕᓂᕐᒥᒃ ᐊᒻᒪᓗ ᐅᓇᑕᕐᓂᕐᒥᒃ ᕼᐋᒻᓚᒃᑯᑦ ᐃᓪᓗᖁᑎᖏᓐᓂ.
ᐊᕐᕕᐊᑦ ᐃᒥᐊᓗᑦᑖᕐᕕᖃᓐᖏᑐᐃᓐᓇᕆᐊᓕᒃ, ᑭᓯᐊᓂ ᑕᒪᒃᑮᒃ ᓄᓇᓖᒃ, ᓄᓇᕗᓕᒫᕐᓗ, ᐊᔾᔨᒌᐸᓗᓐᓂᑦ ᐃᓅᓯᕐᒧᑦ ᐊᔅᓱᕈᕈᑎᖃᕐᒪᑕ ᐊᒻᒪ ᐱᓕᕆᐊᖃᙱᓗᐊᖅᑐᑎᒃ.
ᑲᖏᖅᖠᓂᕐᒧᐊᓚᐅᙱᓐᓂᓐᓂ, ᐃᖅᑲᓇᐃᔭᓚᐅᖅᓯᒪᕗᖓ ᔫᑳᓐᒥ ᐅᑯᓄᖓ, Carcross/Tagish First Nation, ᑕᐃᑲᓂᓗ ᐃᓚᐅᔪᓐᓇᓚᐅᖅᖢᖓ 18−ᓄᑦ ᐅᓪᓗᓄᑦ ᐅᓪᓗᓕᒫᖅ ᐊᔪᕈᓐᓃᖅᓴᒐᒃᓴᒥᒃ ᐃᒪᓐᓇ ᑕᐃᔭᐅᓪᓗᓂ, Peaceming. ᐊᐅᓚᑕᐅᓪᓗᓂ ᓄᓇᓕᖕᓂ ᐃᓐᓇᕐᓄᑦ, ᓂᐹᕿᔭᖕᓂᖅ ᑲᑎᑎᑕᐅᓂᐅᕗᖅ ᐊᓯᐊᒍᑦ ᐱᕋᔭᒃᐸᒃᑐᓄᑦ ᒪᓕᒐᓕᕆᓂᕐᒥᑦ ᐊᒻᒪ ᑲᑎᙵᔪᓂ ᒪᒥᓴᕐᓂᕐᒥᑦ.
ᐃᓱᒪᒋᔭᐅᕗᖅ, ᐊᑐᖅᑐᑎᒃ ᐃᖅᑭᓖᑦ ᑐᓐᖓᕕᖏᓐᓂᑦ ᐃᓅᓕᓴᐅᑎᓄᑦ ᐊᑦᓴᓗᐊᓄᑦ, ᓄᓇᓖᑦ ᓇᒻᒥᓂᖅ ᐅᖃᐅᓯᖃᕈᓐᓇᕐᒪᑕ ᐊᑲᐅᙱᓕᐅᕈᑎᖏᓐᓂᑦ, ᐊᑐᕆᐊᖃᙱᓪᓗᑎᒃ ᐸᓖᓯᒃᑯᓐᓂᑦ ᐅᕝᕙᓘᓐᓃᑦ ᐊᓯᖏᓐᓂᑦ ᒐᕙᒪᒃᑯᑦ ᑎᒥᖏᓐᓂᑦ ᐃᓂᖅᑎᕆᓂᕐᒧᑦ, ᐊᑐᓕᖅᑎᑦᑎᓂᕐᒧᑦ ᐊᒻᒪ ᐃᖅᑲᖅᑐᐃᓂᓕᕆᓂᕐᒧᑦ.
ᑰᓐᑎᑐᑦ. ᑭᐊᓕ ᓕᓐᑎᐅᓪ ᐅᖃᓚᐅᕐᒥᔪᖅ ᑲᖏᖅᖠᓂᕐᒥ, ᑕᐃᒃᑯᐊ ᐊᐅᓪᓚᖃᑦᑕᖅᑐᑦ ᐸᓂᖅᓰᔭᖅᑐᖅᑐᑎᒃ, ᐊᖏᕐᕋᖅᑐᑎᒃ ᑕᕝᕗᖓᒃᓴᐃᓐᓇᖅ ᐊᒃᓱᕈᕈᑎᒋᓕᓚᐅᖅᑕᖓᓄᑦ. ᐊᔾᔨᐸᓗᐊᑦᑕᐅᖅ, ᑕᐃᒃᑯᐊ ᒪᓕᒐᑐᖃᕐᒥᒃ ᐊᑐᖅᑎᑦᑎᔪᑦ Carcross−ᒥ ᐊᖏᕐᕋᒧᑦ ᐅᑎᕋᔪᒃᐳᑦ ᐱᕚᓪᓕᙱᖦᖢᑎᒃ ᑭᓯᐊᓂ ᐊᖏᓂᖅᓴᒥᒃ ᑐᐃᖓᓄᐊᖅᐸᒃᖢᑎᒃ. ᑕᒪᓐᓇ ᐃᖏᕐᕋᓂᐅᔪᖅ ᓱᕋᒍᓐᓇᖏᒻᒪᑦ.
ᑐᕌᕆᔭᐅᔪᖅ ᓂᐹᕿᓂᕐᒧᑦ − ᑖᒃᑯᐊᓗ ᐃᓄᐃᑦ ᑭᐅᑯᕌᔅ−ᑯᑦ ᐃᓱᒪᒋᔪᓐᓇᐃᖁᕙᒃᑲ ᖃᓄᑐᐃᓐᓇᖅ ᑐᑭᒋᔭᓐᓄᑦ ᑕᒻᒪᕐᓗᖓ − ᓄᓇᓖᑦ ᐱᐅᓂᖅᓴᐅᔪᓐᓇᖅᐳᑦ ᓄᓇᓕᖕᓂ ᐃᓐᓇᐃᑦ, ᐱᖃᓐᓇᕆᔭᑎᑦ, ᐃᓚᑎᑦ ᓄᓇᓕᖕᒥᐅᓪᓗ ᐃᓚᐅᑎᑦᑎᔪᓐᓇᖅᐸᑕ ᐃᓄᖕᓂᒃ ᐱᓕᕆᐊᖃᑦᑎᐊᖅᓯᒪᙱᑦᑐᓂᒃ ᒪᑐᐃᙶᖅᑐᒃᑯᑦ ᐅᖃᐅᓯᐅᓯᒪᙱᑦᑐᒃᑯᓪᓗ ᕿᓂᕐᓗᑎᒃ ᐋᖅᑭᒃᓯᒪᓕᖅᑎᑦᑎᓂᕐᒥᒃ, ᐃᒪᓐᓇᐅᙱᖔᖅᑐᖅ, ᑕᒪᕐᒥᑦᑎᐊᖅ ᒪᓕᒐᓕᕆᓃᑦ ᖃᓄᐃᑦᑐᓐᓃᖅᑎᑦᑎᕙᓪᓕᐊᓃᓪᓗ ᒐᕙᒪᒃᑯᓐᓄᑦ.
ᓂᐹᕿᔭᖕᓂᒃᑯᑦ, ᐅᖃᓪᓚᒃᐸᒃᑐᑎᑦ ᑭᓯᐊᓂ ᐊᒥᖅᑳᕈᑎᒥᒃ ᕿᔪᑯᑖᖕᒥᒃ. ᐆᓇᖅᑐᒥᒃ ᐃᒃᓯᕙᐅᑕᕐᒦᒃᑯᕕᑦ ᖃᓄᐃᓕᐅᓚᐅᖅᑕᕐᓄᑦ ᓄᓇᓕᖕᒥ, ᑐᓴᕋᔭᖅᑐᑎᑦ ᖃᓄᖅ ᐱᐅᒋᓛᕆᖕᒪᖔᖅᐱᐅᒃ ᐃᓐᓇᑐᖃᐃᑦ, ᖃᓄᖅ ᐊᓈᓇᐃᑦ ᐃᒃᐱᒍᓱᒃᑎᒋᖕᒪᖔᑦ, ᖃᓄᕐᓗ ᐱᕋᔭᒃᑕᐅᓯᒪᔪᖅ ᐊᓯᑎᓪᓗ ᓄᓇᓕᖕᒥᐅᑕᑦ ᐃᒃᐱᒍᓱᒃᑎᒋᖕᒪᖔᑕ. ᐅᖃᐅᓯᐅᔪᑦ ᑐᑭᒧᐊᒃᑎᑕᐅᓲᑦ ᐱᓕᕆᓕᒪᔪᒧᑦ ᐃᓐᓇᕐᒧᑦ ᐅᕝᕙᓘᓐᓃᑦ ᐃᓕᓴᐃᔨᒧᑦ, ᐃᒃᐱᒋᔭᒥᒍᓪᓗ ᓴᖅᑭᑉᐸᒃᖢᑎᒃ ᐅᖃᖃᑎᒌᒃᑎᓪᓗᒋᑦ.
ᐊᒥᓱᒃᑲᓐᓂᐅᕗᑦ ᓇᓗᓇᐃᖅᓱᖅᓯᒪᔪᑦ ᑕᒪᑐᒧᖓ, ᐊᒻᒪ ᐊᓯᐊᒎᕈᑕᐅᒐᓂ ᑲᓇᑕᒥ ᐃᖅᑲᖅᑐᐃᕕᓕᕆᓂᕐᒧᑦ, ᐱᓕᕆᐊᖃᕐᒪᑦ ᓲᕐᓗ ᑲᑎᑎᑕᐅᔪᓄᑦ ᐋᖅᑮᒋᐊᕐᓂᕐᒧᑦ ᐊᒻᒪ ᐃᓚᒌᓄᑦ ᓴᓇᔭᐅᒋᐊᕐᓂᖓᓄᑦ. ᐃᖅᑲᖅᑐᐃᕕᖕᒨᖓᔪᑦ ᒪᓕᒐᑎᒍᓪᓗ ᐱᔾᔪᑎᑦ, ᐃᖅᑲᖅᑐᐃᔨᕋᓛᑦ ᐱᓕᕆᖃᑎᖃᕆᐊᖃᖅᐳᑦ ᒪᓕᒐᓂᑦ ᒪᓕᒃᑎᑦᑎᔨᓂᑦ ᑖᒃᑯᐊ ᒪᓕᒐᑎᒍᑦ ᐋᖅᑭᒃᑕᐅᔪᑦ ᓈᒻᒪᒍᓱᒃᑲᓗᐊᕆᐊᒃᓴᖏᓐᓂᑦ ᓄᓇᓕᖕᓂᓪᓗ. ᐱᒡᒐᓇᖅᓯᒐᓚᑉᐸᒻᒪᑦ ᓇᐃᓈᕋᓱᐊᕆᐊᖓ ᐅᖃᐅᓯᕋᓵᓗᓐᓂᒃ.
ᐅᐃᓕ Smarch ᐅᓂᒃᑳᓚᐅᖅᑐᖅ ᐃᓱᒪᒋᔭᐅᓂᖓ ᓰᕖᓰᒃᑯᑦ ᐅᓂᒃᑳᖓᓂ 2019−ᒥ, ᐅᖃᖅᖢᓂ ᐊᖕᒪᓗᖅᓯᓯᒪᔪᑦ ᐊᑐᐃᓐᓇᐅᓂᖏᓐᓂᒃ ᐱᕋᔭᒃᓯᒪᔪᖅ ᐸᓯᔭᒃᓴᐅᒃᐸᑦ, ᐊᒻᒪ ᐱᓕᕆᔾᔪᓯᖅ ᐱᕋᔭᒃᓯᒪᔪᓂᒃ ᐋᖅᑭᒋᐊᖅᓯᔪᓐᓇᖅᖢᓂ ᓄᓇᓕᖕᓂᙶᖅᑐᓂᒃ ᐲᖅᑕᐅᙱᓪᓗᑎᒃ.
“ᑲᓇᑕᒥ ᒪᓕᒐᖅᑎᒍᑦ ]ᐊᑐᖅᑕᐅᔪᒥ ᐃᓄᖕᒥᒃ ᑕᐃᓯᓚᐅᖅᐳᑦ,” ᓰᕖᓰᒃᑯᓐᓄᑦ ᐅᖃᖅᖢᓂ.
“ᐊᑲᐅᙱᓕᐅᕈᑕᐅᔪᖅ ᐃᓄᖕᒧᑦ − ᐊᓄᓪᓚᒃᓰᕕᖕᒧᐊᖅᑎᖦᖢᒋᑦ. ᐊᒻᒪᓗ ᑕᐃᒪᐃᑦᑎᓪᓗᒍ ᑕᒪᓐᓇ ᐊᑐᖅᑕᐅᕙᑦᑐᖅ ᐃᓄᒻᒥᑦ ᐊᒻᒪᓗ ᐊᑲᐅᓐᖏᓕᐅᕈᑎᐅᔪᒥᑦ ᓄᓇᑦᑎᓐᓂ. ᓂᐹᕿᔭᖕᓂᕗᑦ ᐊᖕᒪᓗᖅᓯᓯᒪᔪᑦ ᐅᖃᖅᐳᑦ, ‘ᐋᒃᑲ. ᐱᑕᖃᕈᓐᓃᖅᑐᖅ.’ ᐱᓕᕆᖃᑎᖃᕈᒪᒐᑦᑕ ᐊᑲᐅᙱᓕᐅᕈᑎᑦᑎᓐᓂᒃ, ᐱᔾᔪᑎᕗᑦ ᓲᕐᓗ ᖁᐋᖅᓵᖅᓯᒪᔪᑦ.”
ᐃᒻᒪᖄ ᐃᓚᒌᑦ ᐱᕚᓪᓕᕈᑎᖃᕈᓐᓇᖅᑐᑦ ᐊᒥᖅᑳᖃᑎᖃᕐᓗᑎᒃ ᐊᖕᒪᓗᖅᓯᓯᒪᔪᓂᒃ ᐋᖅᑭᒃᓯᓗᑎᒃ ᐱᔾᔪᑎᓂᒃ ᐃᒥᐊᓗᖕᒧᑦ ᑕᒫᓂ. ᓂᐹᕿᔭᖕᓂᒃᑯᑦ, ᐊᒥᓲᙱᑦᑐᑦ ᓴᙱᓂᕐᓴᐅᔪᑦ ᓄᓇᕐᔪᐊᒥᑦ ᑕᐅᑐᙱᖔᕐᓗᑎᑦ ᐃᓄᖕᒧᑦ ᐃᒃᐱᒍᓱᖕᓂᖕᓂᑦ ᑐᓴᕐᓗᑎᓪᓗ ᖃᓄᑎᒋ ᐋᓐᓂᖕᓂᕐᒪᖔᑦ ᑕᒻᒪᕌᖓᕕᒋᑦ.