Skip to content

ᐊᖏᔪᐊᓗᖕᒥ ᐱᓕᕆᐊᒃᓴᖅ

ᓗᑕᓇᑦ ᐳᕆᑕᓂ ᐊᒡᒐᖅ ᕿᒫᓚᐅᖅᐳᖅ ᓯᕗᓪᓕᖅᐹᒥ ᐃᑭᑦᑐᒥ.
30656152_web1_221012-KIV-BrittINUK-Inuk_2
ᓗᑕᓇᑦ ᐳᕆᑕᓂ ᐊᒡᒐᖅ ᐅᖃᖅᐳᖅ ᓯᕘᕋᓂᕐᒥ ᐱᓇᓱᐊᖃᑕᐅᓂᕐᒧᑦ ᐱᓕᕆᕝᕕᖓᓂ ᑕᐃᒪᐃᒐᔪᒃᐳᖅ, ᑭᒥᐊᓂ ᓄᑖᖑᔪᓂ ᐃᓚᒋᔭᐅᔪᓂ ᓇᓂᓯᓂᐊᖅᐳᑦ ᑐᙵᓇᖅᑐᓂ ᒪᕐᕈᖓᓂ ᐃᓚᒌᖑᔪᓂ ᐱᓕᕆᖃᑎᒋᔭᒥᓂ. ᓯᑑᕙᑦ ᐸᓇᑦ/NNSL ᐊᔾᔨᖁᑎᖓ

ᓗᑕᓇᑦ ᐳᕆᑕᓂ ᐊᒡᒐᖅ ᕿᒫᓚᐅᖅᐳᖅ ᓯᕗᓪᓕᖅᐹᒥ ᐃᑭᑦᑐᒥ.

“ᖁᓕᕇᒃᑐᓂ ᐃᒡᓗᓂ ᐃᑭᓐᓂᐅᓚᐅᖅᐳᖅ,” ᐃᖅᑲᐅᒪᕗᖅ ᐊᒡᒐᖅ, ᐃᓚᐅᖃᑕᐅᓕᓚᐅᖅᑐᒥ ᑲᖏᖅᖠᓂᕐᒥ ᖃᑦᑎᕆᔨᒃᑯᓐᓂ ᐊᑭᓕᖅᓱᖅᑕᐅᓇᓂ ᐃᑲᔪᖅᑎᐅᓪᓗᓂ ᐅᑭᐅᖃᖅᖢᓂ 18−ᓂ, ᐊᕐᕌᒍᑦ ᑕᓪᓕᒪᓂ ᖄᖏᖅᓯᒪᓕᖅᑐᓂ, ᒪᓕᒃᑐᒥ ᐊᐅᔭᒃᑯᑦ ᐃᓕᓐᓂᐊᖅᑎᐅᓪᓗᓂ ᐃᓂᐅᔪᒥ ᒪᓕᒐᕋᓛᓕᕆᔨᒃᑯᓐᓂ.

“ᑭᓱᓕᒫᑦ ᐃᓱᒪᒋᕈᓘᔭᓚᐅᖅᐸᒃᑲ. ᐃᓯᓚᐅᙱᓚᖓ, ᐊᔪᓗᐊᓚᐅᕋᒪ. ᐅᕙᓐᓄᑦ, ᐅᐃᒪᓇᖅᑑᔮᓚᐅᖅᐳᖅ, ᑭᓯᐊᓂ ᐋᖅᑭᒃᓱᑦᑎᐊᖅᓯᒪᓚᐅᖅᐳᖅ. ᑲᑉᐱᐊᓱᓚᐅᖅᐳᖓ ᑭᓱᓕᒫᓂᒃ ᖃᓂᒋᔭᓐᓂ ᐊᒻᒪ ᑭᒃᑯᓕᒫᑦ ᐅᑎᖅᑕᕋᐅᔭᑲᑕᒃᑐᓂ, ᐊᒻᒪ ᑲᒪᒋᔪᓐᓇᓚᐅᙱᓚᕋ.”

ᐊᖏᕐᕋᒥ ᖃᓄᐃᑦᑐᓐᓃᓚᐅᖅᐳᖅ ᖃᔅᓯᐊᕐᔪᖕᓂ ᐱᓇᓱᐊᕈᓯᕐᓂ ᑭᓯᐊᓂ ᓇᓂᓯᓚᐅᖅᐳᖅ ᐃᓅᓯᖓᓂ ᑭᐱᙳᓇᕐᓂᖓᓂ ᐱᓕᕆᖃᑎᒋᔭᒥᓂ ᕿᒪᐃᓯᒪᓪᓗᓂ. ᑕᐃᒪᙵᓂ ᐊᔪᕈᓐᓃᑦᑎᐊᖅᖢᓂ ᖃᑦᑎᕆᔨᙳᓚᐅᖅᐳᖅ, ᐃᓕᓴᕐᓇᖅᖢᓂ ᑮᓇᐅᓪᓗᓂ ᐱᓕᕆᕝᕕᖕᒥ ᐊᒻᒪ ᐃᑲᔪᖅᓱᐃᔨᐅᓪᓗᓂ ᐱᓇᓱᐊᕐᓂᕐᒧᑦ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᙳᕐᓂᖏᓐᓂ.

“ᐊᒥᓱᐊᓗᖕᓂ ᐅᖃᓗᒡᕕᐅᕙᒃᖢᖓ, ᐃᓕᑦᑎᓚᐅᖅᐳᖓ ᐊᐅᓚᑦᑎᔪᓐᓇᕐᓂᕐᒥ ᐊᐅᓚᔾᔭᐃᔪᑦ ᐆᒻᒪᑎᐅᑉ ᑎᒡᓕᕐᓂᖓᓂ,” ᐅᖃᓚᐅᖅᐳᖅ ᐊᒡᒐᖅ, ᖁᕕᐊᓱᒃᑐᖅ ᐱᔪᓐᓇᓚᐅᕐᓂᖓᓂ ᐃᓅᓕᓴᐃᓂᕐᒥ ᐊᒻᒪ ᐃᑭᑦᑐᓄᑦ ᖃᐅᔨᒪᓂᐅᔪᒥ ᐃᓕᑕᖓᓂ ᐊᖏᕐᕋᒥ ᐃᑲᔪᕈᓐᓇᕐᓂᐊᕐᒪᑦ ᐱᖃᓐᓇᕆᔭᒥᓂ ᐊᒻᒪ ᐃᓚᒌᖑᔪᓂ ᐱᔭᕆᐊᖃᕌᖓᑦ.

ᐱᓕᕆᕝᕕᖓ ᐅᖃᐅᓯᕆᕙᖓ ᐃᑲᔪᕐᓂᖓᓂ ᐱᕈᖅᓴᓂᕐᒧᑦ ᐃᒻᒥᓂᒃ ᐅᒃᐱᕈᓱᖕᓂᖅᓴᐅᓂᖓᓂ ᐊᒻᒪ ᐱᔪᓐᓇᑦᑎᐊᕐᓂᖓᓂ ᐃᓅᓂᖓᓂ.

ᒪᓕᒃᑐᒥ ᑐᕌᒐᒃᓴᕆᔪᒪᔭᖓ ᐃᓕᓴᕆᔭᐅᓂᖓᓂ ᐸᐃᑉᐹᑎᒍᑦ ᑲᓇᑕᒥ ᐃᑭᑦᑐᒧᑦ ᓴᐳᔾᔨᓯᒪᓂᕐᒥ ᑲᑐᔾᔨᖃᑎᒌᖑᔪᓄᑦ ᐊᒻᒪ ᐱᓕᕆᓗᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕐᓂᐅᔪᒥ ᑕᐃᔅᓱᒧᖓ.

ᒫᓐᓇᐅᔪᒥ, ᓂᕆᐅᒃᐳᖅ ᐅᓄᕐᓂᖅᓴᓂ ᐃᓄᖕᓂ ᐃᓚᐅᖃᑕᐅᓂᐊᕐᓂᖏᓐᓂ ᑲᖏᖅᖠᓂᕐᒥ ᐱᓕᕆᕝᕕᖕᒥ ᐊᒻᒪ ᐱᓕᕆᖃᑎᒌᒡᓗᑎᒃ.

“ᐅᓄᕐᓂᖅᓴᐅᔪᓂ ᐊᒡᒐᑕᖃᕐᓂᖓᓂ, ᐱᐅᓂᖅᓴᐅᕗᖅ,” ᐅᖃᓚᐅᖅᐳᖅ ᐊᒡᒐᖅ. “ᐊᓕᐊᓇᐃᒍ)ᖃᑦᑕᖅᐳᒍᑦ ᐊᒻᒪ ᐱᙳᐊᖅᐸᒃᖢᑕ ᐱᓕᕆᕝᕕᖕᒥ. ᒥᑕᓗᖃᑦᑕᐅᑎᕈᓘᔭᖅᐸᒃᐳᒍᑦ. ᖃᖓᒃᑲᓐᓂᐊᔪᒥ, ᑲᑎᙵᓂᖃᓕᓲᖑᕗᒍᑦ ᑭᒃᑯᓕᒫᓂ ᐊᒻᒪ ᐃᓚᒌᖑᔪᓂ ᓴᓇᓲᖑᕗᑦ.”

ᐊᒻᒪ ᐃᓱᒫᓗᒋᐊᖃᙱᓚᑎᑦ ᐱᓕᕆᓕᒪᓂᖃᙱᒃᑲᓗᐊᕈᕕᑦ.

“ᐃᔪᕐᓇᖅᑐᕈᓘᔮᓚᐅᖅᐳᖓ ᐃᓚᐅᖃᑕᐅᓕᓵᖅᑎᓪᓗᖓ,” ᐅᖃᓚᐅᖅᐳᖅ ᐊᒡᒐᖅ. “ᐊᑯᓂᐅᒐᓚᒃᐳᖅ ᐱᓂᕐᒥ ᖃᐅᔨᒪᓂᐅᔪᒥ. ᑭᒃᑯᓕᒫᑦ ᓯᕘᕋᓂᐊᖅᐳᑦ ᐊᒻᒪ ᑲᑉᐱᐊᓱᒡᓗᑎᒃ ᐱᓂᕐᓗᖕᓂᐊᕐᓂᖏᓐᓂ ᐅᖃᓗᒃᑐᖃᖅᑎᓪᓗᒍ. ᓯᕗᓪᓕᖅᐹᖑᕗᖅ ᐅᖃᓗᒡᕕᐅᓗᓂ, ᐃᓕᑦᑎᕙᓪᓕᐊᓪᓗᓂ ᐱᓕᕆᓂᐅᕗᖅ.”

ᑭᓯᐊᓂ ᐱᓕᕆᓂᖅᓴᐅᑎᓪᓗᑎᑦ, ᐃᖅᑲᐅᒪᓂᖅᓴᐅᔪᓐᓇᕐᓂᐊᖅᐳᑎᑦ. ᒫᓐᓇ ᐊᒡᒐᖅ ᑭᐅᒑᖓᒥ ᐅᖃᓗᒃᑐᒧᑦ, ᐊᑕᐅᓯᑐᐊᖑᔪᒥ ᑕᐅᑐᖕᓂᖃᓲᖑᕗᖅ ᖃᓄᐃᓕᐅᕆᐊᖃᕐᓂᕐᒥ.

“ᖃᐃᓗᑎᑦ ᐊᐃᒃᓯᕐᓗᑎᑦ ᑐᒃᓯᕋᐅᑎᒃᓴᒥ,” ᐅᖃᓚᐅᖅᐳᖅ. “ᖃᓄᐃᓕᐅᒐᒃᓴᖅᑕᖃᓗᐊᙱᓚᖅ ᑲᖏᖅᖠᓂᕐᒥ. ᐅᕙᓃᑉᐸᒃᐳᒍᑦ ᕿᑎᖅᑰᒥ ᐅᓐᓄᖓᓂ 7-9 ᐅᓐᓄᒃᑯᑦ, ᐱᓕᒻᒪᒃᓴᓂᐅᕗᖅ ᐅᓐᓄᖓᓂ, ᑲᑎᖃᑎᖃᕈᓐᓇᖅᐳᑦ ᐃᓄᖕᓂ, ᐃᒡᓗᒥ ᐊᓂᓗᑎᑦ. ᐱᓕᕆᔭᒃᓴᑐᐃᓐᓇᐅᙱᓚᖅ, ᑭᓯᐊᓂ ᐊᖏᔫᓪᓗᓂ ᐱᓕᕆᐊᒃᓴᐅᕗᖅ.”

30656152_web1_221012-KIV-BrittINUK-Inuk_3
ᓗᑕᓇᑦ ᐳᕆᑕᓂ ᐊᒡᒐᖅ ᓱᓕᑦᑎᐊᖅᐳᖅ ᐃᓚᖏᓐᓂ ᐊᒃᓱᕈᕐᓇᕐᓂᐅᔪᓂ ᓵᙵᓯᒪᓂᖓᓂ ᐱᒋᐊᓕᓵᖅᑎᓪᓗᒍ ᖃᑦᑎᕆᔨᐅᓂᕐᒥ ᐃᖅᑲᓇᐃᔮᕆᔭᒥᓂ, ᑭᓯᐊᓂ ᑲᖏᖅᖠᓂᕐᒥ ᖃᑦᑎᕆᔨᒃᑯᓐᓃᓐᓂᖓᓂ ᓴᖑᑎᑦᑎᓯᒪᕗᖅ ᐃᒻᒥᓂᒃ ᐅᒃᐱᕈᓱᖕᓂᖅᓴᐅᓕᖅᖢᓂ ᐃᓅᓪᓗᓂ. ᓯᑑᕙᑦ ᐸᓇᑦ/NNSL ᐊᔾᔨᖁᑎᖓ