Skip to content

ᐊᖏᕈᑎ ᑎᑭᐅᑎᕗᖅ ᐊᑭᑭᓐᓂᖅᓴᐅᔪᒧᑦ ᐸᐃᕆᕝᕕᖕᓂ ᓄᓇᕗᒻᒥ

ᐊᑭᓕᐅᑎᐅᔪᑦ ᓚᐃᓴᓐᓯᖃᖅᑐᓄᑦ ᐸᐃᕆᕝᕕᓂ ᓄᓇᕗᒻᒥ ᓇᑲᑕᐅᓂᐊᖅᐳᑦ ᓇᑉᐸᖓᓂ, ᑕᐃᒪᐃᒐᔪᖕᓂᐅᔪᒥ, ᐃᓱᐊᓂ ᑕᒪᑐᒪᓂ ᐊᕐᕌᒎᔪᒥ, ᐊᒻᒪᓗ ᒫᔾᔨ 2024–ᒥ, ᐸᐃᕆᕝᕕᖕᓄᑦ ᐊᑭᖏᑦ ᒥᒃᖠᒋᐊᖅᑕᐅᓂᐊᖅᐳᑦ $10–ᒧᑦ ᑕᐃᒪᐃᒐᔪᖕᓂᖓᓂ, ᒐᕙᒪᑐᖃᒃᑯᑦ ᐊᒻᒪ ᓄᓇᕗᒻᒥ ᒐᕙᒪᐅᔪᑦ ᑲᑐᔾᔨᓪᓗᑎᒃ ᐅᖃᐅᓯᖃᓚᐅᖅᐳᑦ ᔭᓄᐊᕆ 24–ᒥ.
27963751_web1_220131-NUN-cheaperchildcare_1
ᓯᓂᒃᓴᒥ–ᑭᐱᓯᓂᐅᔪᒥ ᖁᕕᐊᓱᒍᑕᐅᔪᒥᐃᖃᓗᖕᓂ ᓇᓗᓇᐃᖅᓯᓚᐅᖅᐳᖅ ᐱᔭᕇᖅᑕᐅᓂᖓᓂ ᓄᑖᖑᔪᒥ ᐸᐃᕆᕝᕕ ᐅᔪᒥ ᓄᓇᓕᐸᐅᔭᕐᒥ ᔪᓚᐃ 2019 –ᒥ . ᑲᓇᑕᒥ ᒐᕙᒪᒃᑯᑦ ᐊᒻᒪ ᓄᓇᕗᒻᒥ ᒐᕙᒪᒃᑯᑦ ᑎᑭᐅᑎᓯᒪᕗᑦ ᑕᐃᒎᓯᖏᓐᓂ ᐱᓕᕆᓂᐅᔪᒥ ᓇᒃᓴᕐᓂᐊᖅᑐᒥ 238 –ᓂ ᓄᑖᓂ ᓚᐃᓴᓐᓯᓕᖕᓂ ᐸᐃᕆᕝᕕ ᖕᓂ ᐃᓂᐅᔪᓂ ᓄᓇᕗᒻᒧᑦ .

ᐊᑭᓕᐅᑎᐅᔪᑦ ᓚᐃᓴᓐᓯᖃᖅᑐᓄᑦ ᐸᐃᕆᕝᕕᓂ ᓄᓇᕗᒻᒥ ᓇᑲᑕᐅᓂᐊᖅᐳᑦ ᓇᑉᐸᖓᓂ, ᑕᐃᒪᐃᒐᔪᖕᓂᐅᔪᒥ, ᐃᓱᐊᓂ ᑕᒪᑐᒪᓂ ᐊᕐᕌᒎᔪᒥ, ᐊᒻᒪᓗ ᒫᔾᔨ 2024–ᒥ, ᐸᐃᕆᕝᕕᖕᓄᑦ ᐊᑭᖏᑦ ᒥᒃᖠᒋᐊᖅᑕᐅᓂᐊᖅᐳᑦ $10–ᒧᑦ ᑕᐃᒪᐃᒐᔪᖕᓂᖓᓂ, ᒐᕙᒪᑐᖃᒃᑯᑦ ᐊᒻᒪ ᓄᓇᕗᒻᒥ ᒐᕙᒪᐅᔪᑦ ᑲᑐᔾᔨᓪᓗᑎᒃ ᐅᖃᐅᓯᖃᓚᐅᖅᐳᑦ ᔭᓄᐊᕆ 24–ᒥ.

ᓇᓚᐅᑦᑖᕆᔭᐅᕗᖅ ᐊᖓᔪᖅᑳᖑᔪᓄᑦ ᕿᑐᕐᙵᓕᖕᓂ ᑎᑭᐅᑎᔪᓄᑦ ᐅᑭᐅᓕᖕᓄᑦ 6–ᓄᑦ ᓇᐃᑕᓐᓯᖃᖅᑐᓂ ᐸᐃᕆᕝᕕᖕᓂ, ᐊᑦᑎᙱᓐᓂᖅᓴᐅᑎᑦᑎᓂᐊᖅᐳᖅ ᐊᑭᖓᓂ ᐋᖅᑭᒃᑕᐅᓯᒪᓂᖓᓂ ᐊᑐᙱᓐᓂᖏᓐᓂ ᐃᓚᒌᖑᔪᓂ $14,000–ᒥ ᐊᕐᕌᒍᑲᒫᒥ ᐸᐃᕆᕝᕕᒃ ᐊᑭᓕᐅᑎᐅᔪᓂ.

238–ᓂ ᓄᑖᓂ ᐸᐃᕆᕝᕕᖕᓂ ᐃᓂᒃᓴᖅᑕᖃᓕᕐᓂᐊᖅᐳᖅ ᓄᓇᕗᒻᒥ ᓚᐃᓴᓐᓯᖃᖅᑐᓂ ᑮᓇᐅᔭᓕᐅᕋᓱᐊᙱᑦᑐᓂ ᐊᒻᒪ ᐃᓚᒌᓄᑦ–ᑐᙵᕕᓕᖕᓂ ᐸᐃᕆᕝᕕᖕᓄᑦ ᑐᓂᓯᔨᐅᔪᓂ ᒫᔾᔨ 2026–ᒥ.

ᐊᖏᕈᑎ ᓇᒃᓴᕐᓂᐊᕆᕗᖅ ᖁᑦᑎᖕᓂᖅᓴᐅᔪᓂ ᑮᓇᐅᔾᔭᒃᓴᓂᐅᔪᓂ ᐸᐃᕆᕝᕕᖕᒥ ᓴᓇᔨᐅᔪᓄᑦ. ᑎᑭᐅᑎᔭᐅᓂᐊᖅᐳᖅ ᐅᕘᓇ ᓴᖅᑭᑎᑦᑎᓂᐅᔪᒥ ᑮᓇᐅᔾᔭᒃᓴᓂᐅᔪᓂ ᐋᖅᑭᒃᓱᖅᓯᒪᓂᐅᔪᒥ ᐊᒻᒪ ᓄᓇᕗᒻᒥ ᒐᕙᒪᒃᑯᑦ ᑐᒃᓯᕋᖅᐳᑦ ᑲᑎᖅᓱᖅᓯᔪᒪᕗᑦ ᑮᓇᐅᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑦᑎᓂᕐᒧᑦ 25 ᐳᓴᓐᑎᒥ $66 ᒥᓕᐊᓐᓂ ᒐᕙᒪᑐᖃᒃᑯᑦ ᑮᓇᐅᔭᖃᖅᑎᑕᐅᓂᖓᓂ ᐊᕐᕌᒍᓄᑦ ᑕᓪᓕᒪᓄᑦ ᖁᕝᕙᕆᐊᖅᑎᑦᑎᓂᕐᒧᑦ ᐊᑭᓖᓂᕐᒧᑦ ᐸᐃᕆᕝᕕᖕᓂ ᐃᖅᑲᓇᐃᔭᖅᑎᐅᔪᓄᑦ.

ᓄᑖᖅ ᐱᓕᕆᓂᐅᔪᖅ ᐃᓚᖃᖅᐳᖅ ᐊᖏᕐᓂᐅᔪᒥ ᐱᓕᕆᐊᖑᔪᒥ ᑲᔪᓯᑎᑦᑎᓂᕐᒥ ᐃᓄᐃᑦ ᑲᑐᔾᔨᖃᑎᒌᖑᔪᓄᑦ ᓇᓗᓇᐃᖅᓯᓂᕐᒧᑦ ᑕᒪᒃᑭᑦ ᓱᕈᓰᑦ ᓄᓇᕗᒻᒥ ᐊᑐᐃᓐᓇᖃᕐᓂᖏᓐᓂ ᐃᓄᖕᓄ–ᑐᕌᖓᔪᓄᑦ ᓄᓇᖃᖅᑳᖅᓯᒪᔪᓄᑦ ᓯᕗᓂᐊᓂ ᐃᓕᑦᑎᓂᐅᔪᒥ ᐊᒻᒪ ᐸᐃᕆᕝᕕᖕᓄᑦ. ᑐᕌᖓᓂᖃᕐᓂᐊᖅᐳᖅ ᓯᕗᓂᐊᓂ ᐃᓕᑦᑎᓂᐅᔪᒥ ᐊᒻᒪ ᐸᐃᕆᕝᕕᖕᓄᑦ ᑮᓇᐅᔭᖃᖅᑎᑕᐅᓂᐅᔪᒥ ᑐᕌᖓᔪᒥ ᓄᓇᕗᒻᒥ ᑐᙵᕕᒃᑯᓐᓄᑦ ᐊᒻᒪᓗ ᐊᕕᒃᑐᖅᓯᒪᓂᐅᔪᓂ ᐃᓄᖕᓄᑦ ᑲᑐᔾᔨᖃᑎᒌᖑᔪᓄᑦ.

ᖄᒃᑲᓐᓂᐊᒍᑦ ᒐᕙᒪᑐᖃᒃᑯᓐᓂ ᑮᓇᐅᔭᖃᖅᑎᑕᐅᓂᐅᔪᒥ, ᓄᓇᕗᑦ ᒫᓐᓇᐅᔪᒥ ᑲᑎᖅᓱᖅᓯᔪᒪᕗᑦ ᑮᓇᐅᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑦᑎᓂᕐᒧᑦ $4.3 ᒥᓕᐊᓐᑲᓴᖕᓂ ᓯᕗᓂᐊᓂ ᐃᓕᑦᑎᓂᐅᔪᒥ ᐊᒻᒪ ᐸᐃᕆᕝᕕᖕᓄᑦ ᐊᕐᕌᒍᑕᒫᒥ.

ᐱᐅᓯᒋᐊᖅᑐᒥ ᐸᐃᕆᕝᕕᐅᔪᓂ ᓄᓇᕗᒻᒥ ᐊᑕᐅᓯᐅᓪᓗᓂ ᓯᕗᓕᐅᖅᑎᐅᑉ P.J. ᐊᕿᐊᐴᑉ ᓂᕈᐊᒐᒃᓴᐅᓂᖓᓂ ᑐᕌᒐᒃᓴᕆᓚᐅᖅᐸᖓ.

“ᑲᑎᖅᓱᖅᓯᔪᒪᔪᑦ ᑮᓇᐅᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑦᑎᓂᕐᒧᑦ ᓴᓇᔭᑦᑎᓐᓂ ᓯᕗᓂᐊᓂ ᐃᓕᑦᑎᓂᐅᔪᓂ ᐱᕕᒃᓴᖃᕐᓂᐅᔪᓂ ᓱᕈᓯᑦᑎᓐᓄᑦ ᐅᓪᓗᒥ ᐃᓱᒪᓕᐅᕆᓂᐊᖅᐳᖅ ᓯᕗᓂᒃᓴᑦᑎᓐᓂ,” ᐊᕿᐊᕈᖅ ᐅᖃᓚᐅᖅᐳᖅ ᓇᒡᒐᔾᔭᐅᒥ ᐅᖃᐅᓯᒃᓴᓕᐊᖑᔪᒥ. “ᐊᑦᑕᓇᙱᑦᑐᓂ, ᑕᑎᒋᔭᐅᔪᓐᓇᖅᑐᒥ, ᐊᒻᒪ ᐊᑭᑐᓗᐊᙱᑦᑐᒥ ᐸᐃᕆᕝᕕᖕᓂ ᐱᑎᑦᑎᑐᐃᓐᓇᔾᔮᙱᓚᖅ ᐱᐅᔪᓂ ᖃᓄᐃᓕᖓᓂᐅᔪᓂ ᓱᕈᓯᑦᑕ ᐱᕙᓪᓕᐊᑎᑕᐅᓂᖓᓂ, ᑭᓯᐊᓂ ᐃᑲᔪᕐᓂᐊᕆᕗᖅ ᐃᓚᒌᖑᔪᓂ ᑮᓇᐅᔭᓕᐊᒥᓄᑦ ᐆᒪᑦᑎᐊᕈᓐᓇᖅᓯᑎᑦᑎᓂᐊᖅᐳᖅ.”

ᐃᓕᓐᓂᐊᖅᑐᓕᕆᔨᒃᑯᓐᓂ ᒥᓂᔅᑕᖓ ᐹᒥᓚ ᒍᕉᔅ ᐃᓚᓯᓚᐅᖅᐳᖅ, “ᐱᐅᓂᖅᓴᒥ ᐊᑐᐃᓐᓇᖃᕐᓂᕐᒥ ᐊᑭᑐᓗᐊᙱᑦᑐᓄᑦ, ᖁᑦᑎᒃᑐᒥ–ᐱᐅᓂᖃᖅᑐᒥ, ᐊᒻᒪ ᐃᓕᖅᑯᓯᒧᑦ ᐊᑑᑎᓕᖕᒥ ᐸᐃᕆᕝᕕᓂ ᐱᕕᒃᓴᖃᖅᐳᖅ ᐊᖏᔪᒥ ᐱᐅᓯᒋᐊᖅᑎᑦᑎᓂᕐᒥ ᐃᓅᓯᐅᔪᓂ ᓄᓇᕗᒻᒥᐅᓂ. ᑐᑭᖃᖅᐳᖅ ᑐᙵᕕᖃᑦᑎᐊᕐᓂᐅᔪᒥ ᓱᕈᓯᑦᑎᓐᓄᑦ, ᐊᖏᓂᖅᓴᐅᔪᒥ ᐃᖅᑲᓇᐃᔮᒃᓴᓂ ᐱᕕᒃᓴᖃᕐᓂᐅᔪᒥ, ᐊᖏᒡᓕᒋᐊᖅᑐᒥ ᑮᓇᐅᔾᔭᒃᓴᓂᐅᔪᒥ ᐃᓚᒌᓄᑦ, ᐊᒻᒪ ᓴᖅᑭᑕᐅᓂᖓᓂ ᐅᓄᕐᓂᖅᓴᐅᔪᓂ ᐃᓄᒃᑐᑦ ᐅᖃᐅᓯᕐᒥ ᐃᑲᔪᕈᑎᒃᓴᓂ ᐸᐃᕆᕝᕕᖕᓄᑦ ᐃᒡᓗᖁᑕᐅᔪᓄᑦ. ᑲᑎᖅᓱᖅᓯᔪᒪᔪᑦ ᑮᓇᐅᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑦᑎᓂᕐᒧᑦ ᐊᒻᒪ ᐊᖏᖅᓯᒪᓂᐅᔪᑦ ᓴᓇᔭᐅᔪᓂ ᐅᓪᓗᒥᒥ ᐊᖏᕈᑕᐅᔪᒥ ᐱᐅᔪᒥ, ᐊᑯᓂᐅᔪᒥ ᐊᒃᑐᐃᓂᖃᕐᓂᐊᖅᐳᖅ, ᓱᕈᓯᑦᑎᓐᓄᑐᐊᖑᙱᑦᑐᖅ ᐊᒻᒪ ᐱᒪᒌᓄᑦ, ᑭᓯᐊᓂ ᓄᓇᕗᓕᒫᒧᑦ”

ᑲᓇᑕᒥ ᐊᒻᒪ ᓄᓇᕗᒻᒥ ᒐᕙᒪᒃᑯᑦ ᓴᖅᑭᑎᑦᑎᓂᐊᖅᐳᑦ ᐊᑐᓕᖅᑎᑦᑎᓂᕐᒧᑦ ᑲᑎᒪᔨᕋᓛᖑᔪᓂ ᓇᐅᑦᑎᖅᓱᕐᓂᐊᖅᑐᓂ ᐃᖏᕐᕋᕙᓪᓕᐊᓂᖓᓂ ᐸᐃᕆᕝᕕᖕᓄᑦ ᐊᖏᖅᓯᒪᓂᖏᓐᓂ ᐅᖃᖃᑎᖃᖅᐸᒡᓗᑎᒃ ᐱᓕᕆᖃᑕᐅᔪᓄᑦ.

ᐅᕘᓇ ᓯᕗᓂᐊᓂ ᑲᑎᖅᓱᖅᓯᔪᒪᔪᑦ ᑮᓇᐅᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑦᑎᓂᕐᒧᑦ ᓯᕗᓂᐊᓂ ᐃᓕᑦᑎᓂᐅᔪᒥ ᐊᒻᒪ ᐸᐃᕆᕝᕕᖕᓄᑦ ᑕᐃᒪᙵᓂ ᐊᒥᓱᓄᑦ ᖃᓂᒻᒪᓐᓇᐅᔪᒥ, ᑲᓇᑕᒥ ᒐᕙᒪᒃᑯᑦ ᐃᑲᔪᓚᐅᖅᐳᑦ ᓴᖅᑭᑎᑦᑎᓂᕐᒥ 1,000 ᐅᖓᑖᓂ ᐸᐃᕆᕝᕕᖕᓂ ᐃᓂᒃᓴᐅᔪᓂ ᓄᓇᕗᒻᒥ.