Skip to content

ᐸᖕᓂᖅᑑᒥ-ᖅᐊᑭᒃᓯᒪᓂᐅᔪᒥ ᑕᕐᕆᔭᓕᐊᖑᔪᒥ Slash/Back ᑕᑯᒃᓴᐅᑎᑕᐅᕗᖅ ᑕᒃᓯᔅᒥ ᖁᕕᐊᓱᒍᑕᐅᔪᒥ

ᐃᓅᓪᓗᓂ ᑕᕐᕆᔭᓕᐅᖅᑎ ᓇᐃᓚ ᐃᓄᒃᓱᒃ ᑕᑯᒃᓴᐅᑎᑦᑎᓚᐅᖅᐳᖅ ᓄᑖᖑᔪᒥ ᑕᕐᕆᔭᓕᐊᖓᓂ Slash/Back–ᒥ, ᐋᖅᑭᒃᓯᒪᓂᐅᔪᒥ ᐸᖕᓂᖅᑑᒥ, South by Southwest ᑕᕐᕆᔭᓕᐊᖑᔪᓄᑦ ᖁᕕᐊᓱᒍᑕᐅᔪᒥ ᐋᔅᑎᓐ, ᑕᒃᓯᔅᒥ, ᔫᓇᐃᑎᑦ ᔅᑕᐃᑦᔅᓂ ᒫᔾᔨ 13–ᒥ, ᓄᓇᕐᔪᐊᓕᒫᒥ ᑕᑯᒃᓴᐅᑎᑕᐅᓂᖃᓚᐅᖅᑐᒥ.
28570925_web1_220328-NUN-SlashBack-Stills_1
Tasiana Shirley, left, stars as Maika alongside Alexis Wolfe as Jesse in a scene from Slash/Back. Photo courtesy of Mixtape SB Productions Inc ᑖᓯᐋᓇ ᓲᓕ, ᓴᐅᒥᖕᒥ, ᒪᐃᑲᙳᐊᖑᕗᖅ ᓴᓂᓕᖃᖅᖢᓂ ᐊᓕᒃᓯᔅ ᕗᕝᒥ ᔭᓯᙳᐊᖑᓪᓗᓂ ᑕᕐᕆᔭᓕᐊᖑᔪᒥ Slash/Back–ᒥ.

ᐃᓅᓪᓗᓂ ᑕᕐᕆᔭᓕᐅᖅᑎ ᓇᐃᓚ ᐃᓄᒃᓱᒃ ᑕᑯᒃᓴᐅᑎᑦᑎᓚᐅᖅᐳᖅ ᓄᑖᖑᔪᒥ ᑕᕐᕆᔭᓕᐊᖓᓂ Slash/Back–ᒥ, ᐋᖅᑭᒃᓯᒪᓂᐅᔪᒥ ᐸᖕᓂᖅᑑᒥ, South by Southwest ᑕᕐᕆᔭᓕᐊᖑᔪᓄᑦ ᖁᕕᐊᓱᒍᑕᐅᔪᒥ ᐋᔅᑎᓐ, ᑕᒃᓯᔅᒥ, ᔫᓇᐃᑎᑦ ᔅᑕᐃᑦᔅᓂ ᒫᔾᔨ 13–ᒥ, ᓄᓇᕐᔪᐊᓕᒫᒥ ᑕᑯᒃᓴᐅᑎᑕᐅᓂᖃᓚᐅᖅᑐᒥ.

ᑕᕐᕆᔭᓕᐊᖑᔪᖅ ᑲᑎᙵᓂᐅᔪᓂ ᐃᓅᓱᒃᑐᓂ ᓴᐳᔾᔨᔪᓂ ᐅᐊᖕᓇᒥ ᕼᐋᒻᓚᖓᓐᓂ ᓯᓚᐃᓐᓇᕐᒥᙶᖅᓯᒪᔪᓂ ᐹᖅᓯᓂᐅᔪᒥ ᐊᑐᖅᖢᑎᒃ ᑲᑉᐱᐊᓇᖅᑐᓂ ᑕᕐᕆᔭᐅᔪᓂ ᖃᐅᔨᒪᓂᕆᔭᖏᓐᓂ ᐊᒻᒪ ᖃᓄᖅᑑᕐᓂᖓᓄᑦ. ᑐᕌᖓᕗᖅ ᒪᒃᑯᖕᓂᖅᓴᐅᔪᓄᑦ ᖁᙱᐊᖅᑎᐅᔪᓄᑦ.

“ᐅᓇ ᓯᕗᓪᓕᖅᐹᑦᑎᐊᖑᓪᓗᓂ ᑐᑭᒧᐊᒃᑎᑦᑎᓂᕆᓯᒪᔭᓐᓂ, ᓯᕗᓪᓕᖅᐸᐅᓪᓗᓂ ᑕᑭᔪᒥ ᑕᕐᕆᔭᓕᐊᓐᓂ,” ᐃᓄᒃᓱᒃ, ᑐᑭᒧᐊᒃᑎᑦᑎᔨ ᐊᒻᒪ ᑎᑎᕋᖅᑎᐅᖃᑕᐅᔪᖅ (ᓴᓂᓕᐊᓂ ᕋᐃᔭᓐ ᑲᕙᓐᒥ) Slash/Back–ᒥ.

“ᑐᑭᖃᙱᑦᑐᐊᓘᓪᓗᓂ ᓯᕗᓪᓕᖅᐹᖑᓪᓗᓂ ᑕᕐᕆᔭᓕᐊᖑᔪᒥ ᓴᓇᓇᓱᐊᕐᓂᕐᒧᑦ,” ᐃᓚᒋᐊᖅᓯᓚᐅᖅᐳᖅ.

”ᐱᓕᕆᖃᑎᖃᖅᖢᓂ ᐃᓅᓱᒃᑐᓂ ᖁᙱᐊᖅᑕᐅᕙᒃᑐᓂ ᐊᒻᒪ ᒪᒃᑯᒃᑐᓂ, ᐊᒥᓱᓂ ᐊᑐᖅᑕᐅᓲᓂ ᐊᒻᒪ ᖃᕋᓴᐅᔭᑎᒍᑦ ᐊᒃᑐᐃᓂᖃᕐᓂᐅᔪᓂ ᐱᓕᕆᔪᓂ. ᖃᓄᐃᓕᐅᕐᓂᖃᖅᖢᓂ–ᑲᑉᐱᐊᓇᖅᑑᓪᓗᓂ ᑕᕐᕆᔭᓕᐊᖑᒋᕗᖅ ᑕᐃᒫᒃ ᐊᒥᓱᓂ ᐊᓕᐊᓇᐃᑦᑐᖃᓚᐅᖅᐳᖅ ᐊᒻᒪ ᐊᒃᓱᕈᕐᓇᖅᖢᓂ.”

ᐃᓄᒃᓱᒃ ᑐᙵᕕᖃᖅᐳᖅ ᐃᒡᓗᓕᖕᒥ ᐊᒻᒪ ᐃᖃᓗᖕᓂ ᐊᒻᒪ ᒫᓐᓇ ᑐᕌᓐᑐ, ᐋᓐᑎᐊᕆᐅᒥᐅᑕᐅᕗᖅ.

ᑕᕐᕆᔭᓕᐅᕐᓂᖃᓚᐅᖅᐳᖅ ᐸᖕᓂᖅᑑᒥ ᐊᐅᔭᐅᔪᒥ 2019–ᒥ, ᐱᒋᐊᖅᖢᑎᒃ ᔫᓂ ᓄᙳᐊᓂ, ᐃᖅᑲᓇᐃᔭᖅᑎᐅᔪᑦ ᐃᒡᓗᖃᖅᑎᑕᐅᓪᓗᑎᒃ ᐊᑕᒍᔪᒃ ᐃᓕᓐᓂᐊᕐᕕᖓᓂ ᑕᕐᕆᔭᓕᐅᕆᑎᓪᓗᒋᑦ. ᓯᕗᓪᓕᖅᐹᒥ ᑕᕐᕆᔭᓕᐅᕐᓂᕐᒥ ᐱᓕᕆᔭᐅᓚᐅᖅᐳᖅ ᐱᓇᓱᐊᕈᓯᕐᓂ 8–ᓂ ᐃᓚᖏᓐᓂ ᖄᒃᑲᓐᓂᐊᒍᑦ ᑕᕐᕆᔭᓕᐅᕆᓂᐅᔪᒥ ᓄᓇᓕᖕᓂ ᐊᒻᒪ ᐋᖅᑭᒃᓱᖅᑕᐅᓂᐅᔪᒥ ᐱᓕᕆᓂᐅᔪᓂ ᐱᓕᕆᐊᖑᓪᓗᓂ ᐅᒃᑐᐱᕆ 2020–ᒥ.

ᐃᓱᒪᓕᐅᕆᓂᐅᔪᖅ ᑕᕐᕆᔭᓕᐅᕐᓂᕐᒥ ᓄᓇᓕᖕᒥ ᐃᖃᓗᖕᓂᐅᖔᙱᑦᑐᖅ ᐊᔪᕐᓇᙱᓐᓂᖅᓴᐅᓇᔭᓚᐅᖅᑐᒥ ᐊᔭᐅᕆᔭᐅᓚᐅᖅᐳᖅ ᐃᓄᒃᓲᑉ ᐊᑐᕐᓂᑯᖏᓐᓂ ᑕᑯᓯᒪᓂᖓᓐᓂ ᐊᓯᖏᓐᓂ ᑕᕐᕆᔭᓕᐊᖑᔪᓂ ᓄᓇᕘᑉ ᐊᖓᔪᖅᑳᖃᕐᕕᖓᓂ.

“ᑐᑭᓯᓇᐸᓗᖅᑰᖅᐳᖅ ᐃᓄᐃᑦ ᖃᐅᔨᒪᓇᔭᕐᓂᖏᓐᓂ ᐃᖃᓗᖕᓃᑉᐸᑦ,” ᐅᖃᓚᐅᖅᐳᖅ, “ᐱᐅᓂᖅᓴᐅᓇᓱᒋᕙᖓ ᐅᖓᓯᖕᓂᖅᓴᐅᔪᒥ ᓄᓇᓕᖕᓃᒃᑯᓂ.”

ᓱᕈᓯᕐᓄᑦ ᑕᕐᕆᔭᓕᐅᕈᒪᓚᐅᖅᐳᖅ ᒪᒃᑯᒃᑐᓄᑦ ᓄᐊᖏᓐᓄᑦ ᐸᖕᓂᖅᑑᕐᒥᐅᑕᐅᔪᓂ.

“ᐊᒥᓱᓂ ᐱᓕᕆᓂᐅᔪᓂ ᓴᓇᓚᐅᖅᐸᕋ ᑕᐃᒃᑯᓄᖓ. ᐃᓱᒪᓚᐅᖅᐳᖓ ᐱᐅᔪᒻᒪᕆᐅᓇᔭᕐᓂᖓᓂ ᑕᕐᕆᔭᕐᓂᕐᒧᑦ ᐊᓕᐊᓇᐃᑦᑐᒥ ᐊᒻᒪ ᖁᕕᐊᓇᖅᑐᒥ ᓯᓚᐃᓐᓇᕐᒥᙶᖅᓯᒪᔪᓂ ᐊᒻᒪ ᑑᕐᙵᓂ ᑕᕐᕆᔭᓕᐊᖑᔪᒥ ᐊᖏᕐᕋᖓᓂ ᓄᓇᓕᖓᓐᓂ.”

ᐱᐅᓪᓗᓂ ᐊᑐᕐᓂᑰᓚᐅᖅᐳᖅ ᑕᐃᒃᑯᓄᖓ ᐃᓄᙳᐊᕆᔭᐅᔪᓄᑦ, ᐅᑯᐊᖑᔪᓂ ᐃᓅᓱᒃᑐᓂ ᐊᕐᓇᓂ ᓂᕈᐊᖅᑕᐅᓚᐅᖅᑐᓂ ᐃᖃᓗᖕᓂ ᐊᒻᒪ ᐸᖕᓂᖅᑑᒥ. ᐃᓚᖃᖅᐳᖅ ᑖᓯᐋᓇ ᓲᓕ ᒪᐃᑲᐅᓪᓗᓂ, ᐊᓕᒃᓯᔅ ᕗᕝ ᔭᓯᐅᓪᓗᓂ, ᓈᓚᔮᔅ ᐃᐊᓪᔅᕘᑦ ᐅᕿᐅᓪᓗᓂ ᐊᒻᒪ ᓯᐅᓪᓯ ᐳᕋᔅᑭ ᓖᓇᐅᓪᓗᓂ.

“ᐃᒃᐱᖕᓇᓚᐅᖅᐳᖅ ᐅᕙᖓ ᐊᒻᒪ ᖁᙱᐊᖅᑕᐅᔪᑦ ᐃᓕᑦᑎᕐᔪᐊᖅᐸᓚᐅᕐᓂᑦᑎᓐᓂ ᖃᐅᑕᒫᑦᑎᐊᖅ,” ᐅᖃᓚᐅᖅᐳᖅ ᐃᓄᒃᓱᒃ, ᑕᕐᕆᔭᓕᐅᕆᓂᕐᒥ.

ᑕᕐᕆᔭᓕᐅᕐᓂᕐᒥ ᓇᖕᒥᓂᖃᕐᓂᕐᒥ ᐊᔪᕐᓇᕈᓐᓇᖅᑎᓪᓗᒍ, ᐃᓄᒃᓱᒃ ᐊᓕᐊᓇᐃᒋᓂᖃᕐᔪᐊᕆᕙᖓ.

“ᐊᔪᕐᓇᖅᑐᒻᒪᕆᐊᓘᕗᖅ ᑮᓇᐅᔭᓕᐅᕋᓱᖕᓂᕐᒥ ᑕᐃᒪᐃᑦᑐᒐᓚᖕᓄᑦ, ᓴᓇᓇᓱᐊᖅᖢᓂ. ᑭᓯᐊᓂ ᐃᓱᐊᓂ ᐊᓕᐊᓇᐃᒋᕐᔪᐊᖅᓯᒪᔭᕋ, ᐊᒻᒪ ᐱᒋᐊᓕᓵᖅᑎᓪᓗᑕ ᓴᓇᓂᕐᒥ Slash/Back–ᒥ ᐱᒋᐊᓚᐅᖅᐳᖅ ᑕᑯᒃᓴᐅᓂᒐᓛᒥᒃ ᐃᓱᒪᒋᔭᐅᓂᐅᔪᒥ.

“ᐱᒋᐊᓚᐅᖅᐳᖅ ᐅᕙᓐᓂ, ᑲᑎᙵᓂᐅᔪᒥ ᐃᓅᓱᒃᑐᓂ ᐊᒻᒪ ᐱᖃᓐᓇᕆᔭᖏᓐᓂ ᓯᓚᑦᑐᖅᓴᕐᕕᖕᒥ. ᑕᑯᓪᓗᓂ ᑕᐃᒃᑯᓂᖓᑦᑕᐃᓐᓇᖅ ᐃᓅᓱᒃᑐᓂ ᑎᐊᒃᓯᔅᒥ ᓯᕗᓂᐊᓂ ᖁᙱᐊᖅᑎᐅᔪᓂ ᐅᖃᐅᓯᖃᖅᑐᓂ ᑕᕐᕆᔭᓕᐊᖑᔪᒥ ᐊᒻᒪ ᐅᐱᒍᓱᖕᓂᖏᓐᓂ ᐱᓕᕆᓂᖏᓐᓂ ᐱᐅᔪᒻᒪᕆᐅᕗᖅ,” ᐃᓚᒋᐊᖅᓯᓚᐅᖅᐳᖅ.

ᐃᓄᒃᓱᒃ ᐅᖃᓚᐅᖅᐳᖅ ᑕᑯᓚᐅᕐᓂᖓᓂ ᐅᑯᓂᖓ ᓂᕕᐊᖅᓵᖑᔪᓂ ᐅᐱᒍᓱᓕᕐᓂᖏᓐᓂ ᐃᓅᓂᖏᓐᓂ ᑕᕐᕆᔭᓕᐅᕐᓂᖏᓐᓂ ᐱᓕᕆᓂᐅᔪᒥ.

“ᐱᒻᒪᕆᕐᔪᐊᖑᓚᐅᖅᐳᖅ ᐅᕙᓐᓄᑦ ᐊᑐᕐᓂᑎᑦᑎᓐᓂ ᐅᐱᒋᔭᑦᑎᓐᓂ ᐅᖃᐅᓯᕐᒥ ᑎᑭᐅᒪᑎᓪᓗᒍ ᓄᓇᖃᖅᑳᖅᓯᒪᓂᐅᓂᑦᑎᓐᓂ ᐊᒻᒪ ᐃᓅᓂᑦᑎᓐᓂ,” ᐅᖃᓚᐅᖅᐳᖅ.

ᑐᑭᒧᐊᒃᑎᑦᑎᔨ ᐊᒻᒪ ᖁᙱᐊᖅᑕᐅᔪᑦ ᐅᐸᒍᓐᓇᓚᐅᖅᐳᑦ South by Southwest ᑕᑯᒃᓴᐅᑎᑦᑎᓂᐅᔪᒥ ᑲᑎᙵᓪᓗᑎᒃ, ᐊᓕᐊᓇᐃᒋᓛᕆᓚᐅᖅᑕᖓᓂ ᐊᐅᓪᓛᕐᓂᖓᓂ, ᐅᖃᖅᖢᓂ “ᐃᓱᒪᕗᖓ ᐱᓕᕆᓕᒪᓂᑦᑎᐊᕚᓘᓚᐅᕐᓂᖓᓂ ᑭᒡᒐᖅᑐᐃᓪᓗᓂ ᑕᕐᕆᔭᓕᐊᖑᔪᒥ.”

ᐳᕋᔅᑭ, ᓖᓇᙳᐊᖑᓚᐅᖅᑐᒥ, ᓯᕗᓪᓕᕐᒥ ᑭᐅᓚᐅᖅᐳᖅ ᐊᐱᖅᑯᑎᓂ ᖁᙱᐊᖅᑐᓂ ᑕᒃᓯᔅᒥ ᐃᓄᒃᑎᑐᑦ, ᑐᑭᓕᐊᖑᕙᓪᓕᐊᓪᓗᓂ.

ᑲᓇᑕᒥ ᑐᓐᓂᖅᓴᐃᔨᐅᔪᖅ Slash/Back–ᒧᑦ ᒫᙳᕈ ᓯᐊᒻᒪᖅᑎᑦᑎᔨᐅᕗᑦ. ᐃᓄᒃᓱᒃ ᐅᖃᓚᐅᖅᐳᖅ ᐸᕐᓇᒃᐳᑦ ᑕᑯᒃᓴᐅᑎᑦᑎᓂᕐᒥ ᐊᓯᐊᒎᖅᑐᒥ ᑕᕐᕆᔭᖅᑎᑦᑎᓂᐅᔪᒥ ᐃᖃᓗᖕᓂ ᐊᒻᒪ ᐸᖕᓂᖅᑑᒥ. ᐅᓪᓗᓂ ᓇᓗᓇᐃᖅᓯᓯᒪᙱᓚᑦ ᐅᑯᓄᖓ ᑕᕐᕆᔭᖅᑎᑦᑎᓂᐅᔪᓂ ᐸᕐᓇᒃᓯᒪᙱᓚᑦ.

“ᓇᒃᓴᕈᒪᕙᕗᑦ ᓄᓇᕗᒻᒧᑦ ᐊᒻᒪ ᑕᑯᒃᓴᐅᑎᓪᓗᒍ ᖁᙱᐊᖅᑐᓄᑦ ᐊᒻᒪ ᐃᓱᒪᕗᖓ ᐊᓕᐊᓇᒃᑲᓐᓂᕐᓂᐅᓂᐊᕐᓂᖓᓂ.”

ᓄᓇᕗᒻᒥ ᑕᕐᕆᔭᖅᑎᑕᐅᓂᐅᔪᑦ ᒪᓕᒃᑕᐅᓂᐊᖅᐳᑦ ᑕᕐᕆᔭᕐᕕᖕᓂ ᓴᖅᑭᑎᑕᐅᓂᐅᔪᒥ ᐊᔾᔨᒌᙱᑦᑐᓂ ᑕᕐᕆᔭᕐᕕᖕᓂ ᑲᓇᑕᓕᒫᒥ, ᐊᒻᒪ ᒪᓕᒃᑐᒥ ᐱᓕᕆᑦᑎᐊᕈᓐᓇᕐᓂᖓᓂ, ᐊᓯᖏᓐᓂ ᐱᓕᕆᕝᕕᐅᔪᓂᑦᑕᐅᖅ.