Skip to content

ᑲᑎᖅᓱᖅᑕᐅᕙᓪᓕᐊᓂᖅ ᑮᓇᐅᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑕᐅᓪᓗᑎᒃ ᓯᕗᓂᐊᓂ ᐱᓕᕆᕙᒃᑐᓄᑦ

ᐃᓕᑕᖅᓯᓂᖅ (ᓄᓇᕗᒻᒥ ᑎᑎᕋᕈᓐᓇᕐᓂᕐᒥ ᐅᖃᓕᒫᕈᓐᓇᕐᓂᕐᓗ ᑲᑎᒪᔨᖏᑦ) ᐱᓕᒻᒪᒃᓴᐃᔪᓕᕆᓂᖅ ᐱᓕᕆᐊᖑᔪᖅ ᐊᑕᐅᓯᐅᓪᓗᓂ ᒪᕐᕉᖕᓂ ᑭᖑᖑᓪᓕᖅᐹᖑᖃᑕᐅᔪᓂ $1-ᒥᓕᐊᓐᒥ ᐊᕕᒃᑐᖅᓯᒪᓂᐅᔪᒥ 2022−ᒥ ᐅᑭᐅᖅᑕᖅᑐᒥ ᑲᔪᖏᖅᓴᐃᓂᕐᒥ ᓵᓚᖃᐅᓯᐊᒥᒃ (AIP).
31547841_web1_230116-NUN-Inuk-Kivalliq-Literacy_1
ᐊᓖᓴ ᐊᐅᑐᑦ, ᓴᐅᒥᖕᒥ, ᐊᒻᒪ ᑲᓕ ᓕᓐᑎᐅᓪ ᐊᐅᓚᑦᑎᖃᑎᒌᒃᐳᑦ ᒫᓐᓇᓕᓴᐅᔪᒥ ᐃᓕᑕᖅᓯᓂᖅ ᐃᓕᓐᓂᐊᕐᓂᐅᔪᒥ ᐃᓕᓐᓂᐊᖅᑎᑦᑎᔪᒥ ᐃᓄᐃᑦ ᖃᐅᔨᒪᔭᑐᖃᖏᓐᓂ ᑐᙵᕕᐅᓪᓗᓂ ᐃᓅᓯᕐᒧᑦ.

ᐃᓕᑕᖅᓯᓂᖅ (ᓄᓇᕗᒻᒥ ᑎᑎᕋᕈᓐᓇᕐᓂᕐᒥ ᐅᖃᓕᒫᕈᓐᓇᕐᓂᕐᓗ ᑲᑎᒪᔨᖏᑦ) ᐱᓕᒻᒪᒃᓴᐃᔪᓕᕆᓂᖅ ᐱᓕᕆᐊᖑᔪᖅ ᐊᑕᐅᓯᐅᓪᓗᓂ ᒪᕐᕉᖕᓂ ᑭᖑᖑᓪᓕᖅᐹᖑᖃᑕᐅᔪᓂ $1-ᒥᓕᐊᓐᒥ ᐊᕕᒃᑐᖅᓯᒪᓂᐅᔪᒥ 2022−ᒥ ᐅᑭᐅᖅᑕᖅᑐᒥ ᑲᔪᖏᖅᓴᐃᓂᕐᒥ ᓵᓚᖃᐅᓯᐊᒥᒃ (AIP).

ᓵᓚᒃᓴᖅᑐᑦ ᐅᖃᐅᓯᖃᓂᐊᖅᐳᑦ ᑕᐃᑲᓂ ᐅᑭᐅᖅᑕᖅᑐᒥ ᑲᔪᖏᖅᓴᐃᓂᕐᒥ ᓵᓚᖃᐅᓯᐊᒥᒃ 11−ᖓᓂ ᐊᕐᕌᒍᑕᒫᒥ ᑐᓂᔭᐅᓂᐅᔪᓂ ᖁᕕᐊᓱᒍᑕᐅᔪᒥ ᐋᑐᕚᒥ ᕕᕗᐊᕆ 8−ᒥ ᓴᓂᓕᐊᓂ ᐊᖅᓴᕐᓃᑦ ᓇᖕᒥᓂᕆᔭᐅᔪᓂ ᐊᒻᒪ ᐃᓕᖅᑯᓯᒧᑦ ᑕᑯᒃᓴᐅᑎᑕᐅᓂᖓᓂ.

ᐱᓕᒻᒪᒃᓴᐃᔪᓕᕆᓂᖅ ᐱᓕᕆᐊᖑᔪᖅ ᐃᓄᖕᓄᑦ−ᓴᓇᔭᐅᓯᒪᕗᖅ, ᐃᓄᖕᓄᑦ−ᐊᐅᓚᑕᐅᓪᓗᓂ ᐱᒋᐊᕈᑕᐅᔪᖅ ᐱᕙᓪᓕᐊᑎᑕᐅᓪᓗᓂ ᑭᐅᓂᕐᒧᑦ ᑲᓇᑕᒥ ᐃᓄᖕᓄᑦ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐸᕐᓇᒍᑕᐅᔪᒥ, ᐃᓅᓯᕗᑦ ᐊᓐᓂᓇᖅᑐᖅ ᓄᓇᕗᒻᒥ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐸᕐᓇᒍᑎ ᐊᒻᒪ ᐊᓕᐊᓇᐃᑦ ᐃᓄᖕᓄᑦ ᐃᓱᒪᒧᑦ ᖃᓄᐃᙱᑦᑎᐊᕐᓂᐅᔪᒥ ᖃᓄᐃᓕᐅᕐᓂᕐᒧᑦ ᐸᕐᓇᐅᑎ.

ᐃᓱᒻᒥᖅᑐᐃᔨ ᐊᐃᑐᕆᐋᓇ ᑯᓱᒐᖅ ᐅᖃᓚᐅᖅᐳᖅ ᐃᓕᑕᖅᓯᓂᖅ ᐱᕈᖅᓴᐃᓂᐊᖅᐳᖅ ᖄᒃᑲᓐᓂᐊᒍᑦ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐱ)ᓐᓇᑦᑎᐊᕐᓂᐅᔪᒥ ᐊᒻᒪ ᐃᓄᖕᓄᑦ ᖃᓄᐃᙱᑦᑎᐊᕐᓂᐅᔪᒥ ᐱᖅᑯᓯᑐᖃᖅᑎᒍᑦ ᐃᓕᓐᓂᐊᖅᑎᑦᑎᓂᐅᔪᓂ ᓄᓇᓕᖕᓄᑦ−ᑐᙵᕕᓕᖕᓄᑦ ᐱᓕᕆᐊᖑᔪᓄᑦ ᓴᓇᓯᒪᔪᓂ ᐃᑲᔪᖅᓱᐃᓂᕐᒧᑦ ᓄᓇᓕᖕᒥᐅᑕᓂ ᑐᓂᓯᕙᒃᑐᓂ ᓄᓇᓕᖕᓂ−ᑐᙵᕕᓕᖕᓂ ᐱᓕᕆᐊᖑᓂᐅᔪᓂ ᐃᓄᐃᑦ ᓄᓇᖓᓐᓂ ᓴᐳᔾᔨᓯᒪᓂᕐᒧᑦ ᐊᒻᒪ ᐱᕈᖅᓴᐃᓂᕐᒧᑦ ᓴᙱᓂᖏᓐᓂ.

ᐅᖃᓚᐅᖅᐳᖅ ᐃᓕᑕᖅᓯᓂᖅ ᐊᖏᒡᓕᒋᐊᖅᓯᓂᐊᖅᐳᖅ 2022−ᒥ ᓯᕗᓪᓕᖅᐹᒥ ᐱᓕᕆᐊᕆᔭᐅᔪᒥ ᐋᖅᑭᒃᓱᖅᓯᒪᓂᖓᓂ (ᐱᕙᓪᓕᐊᑎᑦᑎᓂᖅ ᓄᓇᓕᖕᓂ ᓯᕗᓕᐅᖅᑎᓂ ᐋᖅᑭᒃᓱᖅᓯᒪᓪᓚᕆᙱᑦᑐᒥ ᐱᓕᕆᐊᖑᓂᐅᔪᒥ), ᐱᓕᒻᒪᒃᓴᐃᔪᓂ−ᐱᓕᒻᒪᒃᓴᐃᔨᒃᓴᓂ ᐱᓕᕆᐊᖑᔪᒥ, ᐃᓕᑕᖅᓯᓂᖅ ᑐᓂᓯᓪᓗᓂ ᐃᓚᐅᖃᑕᐅᔪᓂ ᑕᒪᒃᑭᖅᑐᒥ, ᐃᓚᓕᐅᔾᔭᐅᓯᒪᔪᒥ ᑐᕌᒐᕆᔭᐅᔪᒥ ᓇᓂᔭᐅᔪᒥ ᐃᓄᐃᑦ ᖃᐅᔨᒪᔭᑐᖃᖏᓐᓂ (IQ)−ᐃᓄᖕᓄᑦ ᐃᓅᖃᑎᒌᖑᔪᓄᑦ ᑐᙵᕕᐅᔪᓂ ᐃᑲᔪᖅᓱᐃᓂᕐᒧᑦ ᐱᓕᕆᐊᖑᔪᓂ ᐱᕙᓪᓕᐊᑎᑕᐅᓂᖓᓂ ᐱᓂᕐᓗᖕᓂᐅᔪᒥ−ᐅᖃᐅᔾᔨᓯᒪᔪᒥ ᑐᕌᒐᖃᖅᑐᒥ ᐃᓗᐊᓃᑦᑐᒥ ᐃᓚᐅᑎᑦᑎᓂᐅᔪᒥ ᑎᑎᕋᕈᓐᓇᕐᓂᕐᒧᑦ ᐅᖃᓕᒫᕈᓐᓇᕐᓂᕐᒥᓪᓗ ᐊᒻᒪ ᐅᖃᐅᓯᕐᒥ ᐊᔪᙱᓐᓂᐅᔪᓂ ᕿᑎᖅᐸᓯᐊᓃᑦᑐᓂ ᐱᓪᓚᕆᐊᓘᙱᑦᑐᒥ ᐃᓕᖅᑯᓯᒧᑦ ᐱᓕᕆᐊᖑᓂᐅᔪᓂ.

“ᐱᓕᕆᑦᑎᐊᖅᐸᑦ, ᐱᒋᐊᕐᓂᐊᖅᐳᒍᑦ ᐱᓕᕆᓂᑦᑎᓐᓂ ᐊᐃᑉᕆᓕ 2023−ᒥ,” ᐅᖃᓚᐅᖅᐳᖅ ᑯᓱᒐᖅ. “ᐱᓕᕆᖃᑎᖃᕐᓂᐊᖅᐳᒍᑦ ᐃᓄᖕᓂ ᐃᓄᑐᖃᕐᓂ, ᖃᐅᔨᒪᓂᕐᒥ ᐸᖅᑭᔨᐅᔪᓂ ᐊᒻᒪ ᐃᓱᒪᒧᑦ−ᐋᓐᓂᐊᕋᕐᓇᙱᑦᑐᓕᕆᓂᕐᒥ ᐱᓕᕆᔨᕐᔪᐊᖑᔪᓂ ᓯᕗᓪᓕᖅᐸᐅᔪᒥ ᑕᖅᑭᓄᑦ 18−ᓄᑦ ᖃᐅᔨᓴᕐᓂᕐᒧᑦ, ᓇᓗᓇᐃᖅᓯᓂᕐᒥ ᐊᒻᒪ ᐃᓗᐊᓃᑎᑕᐅᓂᖓᓂ ᐃᓱᒪᒧᑦ−ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐊᒻᒪ ᐃᓄᐃᑦ ᖃᓄᐃᙱᑦᑎᐊᕐᓂᖏᓐᓂ ᐱᖅᑯᓯᑐᖃᖅᑎᒍᑦ ᐃᓕᓐᓂᐊᖅᑎᑦᑎᓂᐅᔪᓂ ᐱᓕᕆᐊᖑᒧᒥ ᐋᖅᑭᒃᑕᐅᓯᒪᓂᖓᓂ.

“ᐅᓇ ᐊᖏᐸᓗᒃᑐᒥ ᐊᖏᒡᓕᒋᐊᖅᑎᑦᑎᓂᐊᖅᐳᖅ ᐱᔪᓐᓇᕐᓂᑦᑎᓐᓂ ᐃᓕᑕᖅᓯᓂᖅ ᐃᖅᑲᓇᐃᔭᖅᑎᑦᑎᓐᓂ — ᖃᐅᑕᒫᒥ ᐱᓕᕆᕙᒃᑐᓂ ᐱᔪᓐᓇᖅᑎᑦᑎᓂᕐᒥ ᐃᓄᖕᓂ — ᐊᒻᒪ ᐅᕙᑦᑎᓐᓂ ᐱᔪᓐᓇᖅᑎᑦᑎᓗᓂ ᐱᕈᖅᓴᐃᓂᕐᒥ ᐃᓱᒪᒧᑦ−ᖃᓄᐃᙱᑦᑎᐊᕐᓂᐅᔪᒥ ᐱᔪᓐᓇᕐᓂᑦᑎᓐᓂ ᑐᙵᕕᖃᖅᑐᒥ ᐃᓄᐃᑦ ᖃᐅᔨᒪᔭᑐᖃᖏᓐᓂ ᓄᓇᓕᖕᓂ−ᑐᙵᕕᓕᖕᓂ ᐱᓕᕆᐊᖑᔪᒥ ᑐᓂᔭᐅᓂᐅᔪᓂ ᑎᓴᒪᓂ ᐃᓄᐃᑦ ᓄᓇᖓᓐᓂ ᐊᕕᒃᑐᖅᓯᒪᓂᐅᔪᓂ.

“ᒪᓕᒃᑐᓂ ᑕᖅᑭᓂ 18−ᓂ, ᓯᕗᓪᓕᖅᐹᒥ ᐱᓕᕆᐊᖃᕐᓂᐊᖅᐳᒍᑦ ᐱᓕᕆᓂᑦᑎᓂ 6-ᓄᑦ ᓄᓇᓕᖕᓂ−ᑐᙵᕕᓕᖕᓂ ᐃᓕᓐᓂᐊᖅᑎᑦᑎᓂᐅᔪᓂ, ᐅᖃᐅᓯᖃᕐᓗᑕ ᐃᑲᔪᖅᓱᐃᓂ ᐃᑲᔪᕈᑎᒃᓴᓂ ᐊᒻᒪ ᐃᑲᒧᖅᓱᐃᖏᓐᓇᖅᑐᒥ ᑕᐃᒃᑯᓄᖓ ᐃᓚᐅᔪᓂ ᐃᓕᓐᓂᐊᕐᓂᐅᔪᒥ.”

ᑯᓱᒐᖅ ᐅᖃᓚᐅᖅᐳᖅ ᐱᓕᕆᐊᒃᓴᐅᔪᖅ ᐱᓕᕆᐊᖑᓂᐊᖅᐳᖅ ᐊᒻᒪ ᓴᖅᑭᑎᑦᑎᓗᓂ ᐱᐅᔪᓂ ᐊᒃᑐᐃᓂᐅᔪᓂ ᐱᖓᓱᓂ ᐊᕕᒃᑐᖅᓯᒪᓂᐅᔪᓂ ᓄᓇᕗᒻᒥ (ᕿᑭᖅᑖᓗᒃ, ᑭᕙᓪᓕᖅ ᐊᒻᒪ ᕿᑎᕐᒥᐅᑦ) ᐊᒻᒪ ᐊᓯᖏᓐᓂ ᐱᖓᓱᓂ ᐊᕕᒃᑐᖅᓯᒪᓂᐅᔪᓂ ᐃᓄᐃᑦ ᓄᓇᖓᓐᓂ (ᐃᓄᕕᐊᓗᐃᑦ ᓄᓇᑖᕐᓂᐅᔪᒥ ᐊᕕᒃᑐᖅᓯᒪᓂᖓᓂ, ᓄᓇᕕᒃ ᐊᒻᒪ ᓄᓇᑦᓯᐊᕗᑦ).

ᐅᖃᓚᐅᖅᐳᖅ ᐃᓕᑕᖅᓯᓂᖅ ᓇᓗᓇᐃᖅᓯᔪᒪᕗᖅ ᐃᓗᓕᖓ ᓴᖅᑭᑎᑦᑎᓂᖓᓂ ᐊᑑᑎᖃᑦᑎᐊᖅᑐᒥ ᓴᐳᔾᔨᓯᒪᓂᐊᖅᐳᖅ ᐊᒻᒪ ᐱᕈᖅᓴᐃᓗᓂ ᓴᙱᓂᐅᔪᒥ ᑕᐃᒃᑯᓄᖓ ᐱᔨᑦᑎᕋᖅᑐᓄᑦ ᓄᓇᓕᖏᓐᓂ ᓇᓗᓇᐃᖅᓯᓂᕐᒧᑦ ᐃᑲᔪᐃᓐᓇᕈᓐᓇᕐᓂᐊᕐᓂᖏᓐᓂ.

“ᑲᑎᖅᓱᖅᑕᐅᕙᓪᓕᐊᓂᖅ ᑮᓇᐅᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑕᐅᓪᓗᑎᒃ ᓯᕗᓂᐊᓂ ᐱᓕᕆᕙᒃᑐᓄᑦ ᐱᓕᕆᓂᐅᔪᓂ ᐃᖅᑲᓇᐃᔭᖅᑎᓂ ᒫᓐᓇᐅᔪᒥ ᓄᓇᓕᖕᓃᑦᑐᓂ, ᑕᒪᒃᑭᑦ ᐃᓕᑕᖅᓯᓂᖅ ᐊᒻᒪ ᖃᔅᓯᒐᓚᖕᓂ ᐊᓯᖏᓐᓂ ᑲᑐᔾᔨᖃᑎᒌᖑᔪᓂ, ᐃᑲᔪᕐᓂᕐᒧᑦ ᓄᓇᓕᖕᓃᖏᓐᓇᖅᑎᑕᐅᓂᖏᓐᓂ ᐊᒻᒪ ᐃᑲᔪᖅᓱᐃᓐᓇᕐᓗᑎᒃ ᑕᒪᒃᑭᓂ ᐃᓄᖕᓂ ᐊᒻᒪ ᓄᓇᓕᖕᓂ ᐃᓄᐃᑦ ᓄᓇᖓᓐᓂ.

“ᒫᓐᓇᐅᔪᒥ ᐃᓕᓐᓂᐊᕐᓂᖃᖅᐳᒍᑦ ᐃᓕᓐᓂᐊᖅᑎᑦᑎᕙᒃᑐᒥ ᐃᓄᐃᑦ ᖃᐅᔨᒪᔭᑐᖃᖏᓐᓂ ᑐᙵᕕᐅᓪᓗᓂ ᐃᓅᓯᕐᒧᑦ, ᐅᖃᐅᓯᖃᖅᑐᒥ ᐱᓐᓇᕆᔭᐅᔪᓂ, ᐅᒃᐱᕆᔭᐅᔪᓂ, ᐊᑐᖅᑕᐅᕙᒃᑐᓂ, ᐃᓱᒪᒋᔭᐅᓂᐅᔪᓂ, ᐊᑐᖅᑕᐅᕙᓚᐅᖅᑐᓂ ᐊᒻᒪ ᐊᒃᑐᐃᓂᐅᔪᓂ ᐱᓂᕐᓗᖕᓂᐅᔪᓂ ᐊᒃᑐᐃᓂᐅᔪᓂ ᐱᖅᑯᓯᕆᙱᑕᓄᑦ ᐱᐅᓯᖃᓕᖅᑎᑕᐅᓂᕐᒥ.

“ᐃᓕᓐᓂᐊᕐᓂᖅ ᐃᓚᐅᑎᑦᑎᒋᕗᖅ ᐅᖃᐅᓯᖃᕐᓂᕐᒥ ᑐᕌᒐᕆᔭᐅᔪᒥ ᐊᒻᒪ ᑕᒪᒃᑭᐅᒪᔪᒥ ᐆᒃᑑᑎᐅᔪᒥ ᐃᓕᑕᖅᓯᓂᖅ ᓴᓇᓯᒪᔭᖓᓐᓂ ᐱᕙᓪᓕᐊᑎᑦᑎᓂᕐᒧᑦ ᐊᒻᒪ ᑐᓂᓯᓗᓂ ᓄᓇᓕᖕᓂ−ᑐᙵᕕᓕᖕᓂ ᐱᓕᕆᐊᖑᔪᓂ.

“ᒫᓐᓇ ᐃᓚᓯᓂᐊᓕᖅᐳᒍᑦ ᓄᑖᖑᔪᒥ ᐃᓚᒋᔭᐅᔪᒥ ᐃᓕᓐᓂᐊᕐᓂᐅᔪᒧᑦ ᓯᕗᓪᓕᕐᒥ ᖃᐅᔨᓴᕐᓂᕐᒥ ᐊᒻᒪ ᑲᑎᖅᓱᐃᓂᕐᒥ ᐱᖅᑯᓯᑐᖃᖅᑎᒍᑦ ᖃᐅᔨᒪᓂᐅᔪᒥ ᐊᒻᒪ ᐊᑐᖅᑕᐅᕙᒃᑐᓂ ᐃᓄᖕᓄᑦ ᐃᓱᒪᒧᑦ−ᐋᓐᓂᐊᖃᕐᓇᙱᑦᑐᓕᕆᓂᕐᒥ−ᐊᒻᒪ−ᖃᓄᐃᙱᑦᑎᐊᕐᓂᐅᔪᒥ ᐊᑐᖅᑕᐅᕙᒃᑐᓂ ᑕᐃᑲᙵᓪᓚᕆᒃ ᐃᓄᑐᖃᕐᓂ.”

ᑯᓱᒐᖅ ᐅᖃᓚᐅᖅᐳᖅ ᐃᓕᑕᖅᓯᓂᖅ ᑲᑎᖅᓱᐃᓂᐊᕆᕗᑦ ᖃᐅᔨᓴᕐᓂᐅᔪᒥ ᐊᒻᒪ ᑐᓴᒐᒃᓴᓂ ᐃᓱᒪᓕᕆᔨᐅᔪᓂ ᐊᒻᒪ ᐃᖃᐃᓕᓴᐃᔨᐅᔪᓂ ᐃᓚᓕᐅᔾᔨᕙᒃᑐᓂ ᖃᕋᓴᒧᑦ ᖃᐅᔨᓴᕐᓂᐅᔪᒥ ᑐᓴᒐᒃᓴᓂ ᐃᓱᒪᒧᑦ−ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ−ᐊᒻᒪ−ᖃᓄᐃᙱᑦᑎᐊᕐᓂᕐᒧᑦ ᐊᑐᖅᑕᐅᕙᒃᑐᓂ.

ᐅᖃᓚᐅᖅᐳᖅ ᒪᕐᕉᒃ ᑲᑎᑕᐅᓂᐊᖅᐳᑦ ᐃᓚᒋᐊᖅᓯᓂᕐᒧᑦ ᐃᓕᑕᖅᓯᓂᖅ ᐃᓕᓐᓂᐊᕐᓂᐅᔪᒧᑦ, ᐱᓕᒻᒪᒃᓴᐃᔪᓕᕆᓂᖅ ᐱᓕᕆᐊᒃᓴᐅᔪᖅ ᐃᓕᓐᓂᐊᖅᑎᑦᑎᓂᐊᕐᒪᑦ ᐊᒻᒪ ᐃᑲᔪᖅᓱᐃᓗᓂ ᓄᓇᓕᖕᒥᐅᑕᓄᑦ ᑐᓂᓯᕙᒃᑐᓂ ᓄᓇᓕᖕᓂ ᐱᓕᕆᐊᖑᒧᓂ ᑐᙵᕕᖃᕐᓂᐅᔪᒥ ᐃᓗᓕᖏᓐᓂ ᐃᓄᐃᑦ ᖃᐅᔨᒪᔭᑐᖃᖏᓐᓂ, ᐃᓕᑕᖅᓯᓂᖅ-ᐱᓕᕆᐊᖑᕙᒃᑐᓂ ᐱᓕᕆᐊᖑᔪᓂ ᐊᒻᒪ ᐃᓱᒪᒧᑦ−ᐋᓐᓂᐊᖃᕐᓇᙱᑦᑐᓕᕆᓂᕐᒥ−ᐊᒻᒪ−ᖃᓄᐃᙱᑦᑎᐊᕐᓂᐅᔪᒥ ᐊᑐᖅᑕᐅᕙᒃᑐᓂ ᑐᙵᕕᖃᖅᑐᓂ ᐱᖅᑯᓯᑐᖃᖅᑎᒍᑦ ᖃᐅᔨᒪᓂᐅᔪᒥ ᐊᒻᒪ ᒫᓐᓇᐅᔪᒥ ᒫᓐᓇᓕᓴᐅᔪᓂ ᐊᑐᖅᑕᐅᕙᒃᑐᓂ.

“ᐅᓇ ᓇᓗᓇᐃᖅᓯᓂᐊᖅᐳᖅ ᐊᑐᐃᓐᓇᖃᕈᓐᓇᕐᓂᑦᑎᓐᓂ ᐅᑯᓂᖓ ᐱᓕᕆᐊᖑᔪᓂ ᐃᑲᔪᖅᓱᐃᓂᕐᒧᑦ ᐃᓚᐅᖃᑕᐅᔪᓂ, ᑭᓯᐊᓂ, ᐊᒻᒪᑦᑕᐅᖅ, ᐃᑲᔪᕐᓂᕐᒧᑦ ᓯᕗᓂᐊᓂ−ᐱᓕᕆᕙᒃᑐᓂ ᐱᔨᑦᑎᕋᕐᓂᕐᒧᑦ ᑐᓂᓯᔨᐅᔪᓂ ᐱᓇᓱᐃᓐᓇᕐᓂᖏᓐᓂ ᐊᒻᒪ ᖃᓄᐃᙱᑦᑎᐊᕐᓂᐅᔪᒥ ᐊᑐᖅᑕᐅᕙᒃᑐᓂ ᐃᒻᒥᖕᓄᑦ ᑲᔪᓰᓐᓇᖅᑎᑦᑎᓂᕐᒧᑦ ᐆᒥᖓ ᑐᑭᖃᑦᑎᐊᖅᑐᒥ ᐱᓕᕆᓂᐅᔪᒥ.”