Skip to content

ᑲᖏᖅᖠᓂᖅ ᐊᐱᖅᑯᓯᖃᖅᐳᑦ ᐊᒃᑐᐃᓂᐅᔪᓂ ᐱᐊᒥ ᐊᒻᒪ ᕙᐃᓂᒥ ᓂᐅᕕᕐᕕᖓᓂ

ᑲᓇᑕᒥ ᐸᓖᓯᒃᑯᑦ ᑭᓪᓕᓯᓂᐊᕐᓂᖓ ᑲᑎᙵᓂᖃᖅᐳᖅ ᐊᖏᒡᓕᒋᐊᖅᑐᒥ ᐅᖃᓗᖕᓂᐅᔪᓂ ᐃᒥᐊᓗᒃᑖᕐᕕᖕᒥ ᓂᐅᕕᕐᕕᖓᓂ ᐃᑲᕐᕋᖏᓐᓄᑦ
31914010_web1_230222-KIV-beerandwinesadness_3
ᑲᖏᖅᖠᓂᕐᒥ ᖃᑦᑎᕆᔨᓄᑦ ᐊᖓᔪᖅᑳᖓ ᒫᒃ ᐅᐊᐃᐊᑦ ᓄᑖᙳᕆᐊᖅᓯᒪᔪᓂ ᐅᓂᒃᑳᓕᐊᖅᐳᖅ ᓴᐳᔾᔨᓯᒪᓂᐅᔪᒥ ᐱᔨᑦᑎᕋᕐᓂᐅᔪᒥ ᐊᕕᒃᑐᖅᓯᒪᓂᐅᔪᒥ ᐊᒻᒪ ᐅᖃᐅᓯᖃᖅᐳᖅ ᑐᕌᒐᕆᔭᖓᓂ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᐅᔪᓂ ᖃᑦᑎᕆᔨᐅᔪᓂ ᐊᒻᒪ ᑐᐊᕕᕐᓇᖅᑐᒥ ᐃᓅᓕᓴᐃᓂᕐᒧᑦ ᑭᐅᔨᐅᔪᓂ ᐅᐸᒃᐸᒃᑐᓂ ᐅᖃᓗᖕᓂᐅᔪᒥ ᐃᒻᒥᓃᕐᓂᖃᖅᑐᓂ.

ᑕᑯᒃᓴᐅᑎᑕᐅᓂᐅᔪᒥ ᓇᓗᓇᐃᒃᑯᑕᐅᔪᒥ ᑲᓇᑕᒥ ᐸᓖᓯᒃᑯᑦ Sgt. ᐹᑐᕆᒃ ᕕᕆᓂᑦ ᑲᖏᖅᖠᓂᕐᒥ ᑲᑎᒪᔨᖏᓐᓂ ᑕᑯᒃᓴᐅᑎᑦᑎᕗᑦ ᐊᒃᑐᐃᓂᐅᔪᓂ ᐱᐊᒥ ᐊᒻᒪ ᕙᐃᓂᒥ ᓂᐅᕕᕐᕕᖓ ᓴᓇᓯᒪᓂᖓᓂ ᐅᖃᓗᖕᓂᐅᔪᓂ ᐅᓄᕐᓂᐅᔪᓂ ᐸᓖᓯᒃᑯᓐᓄᑦ.

“ᑕᑯᓯᒪᕗᒍᑦ ᐊᖏᐸᓗᒃᑐᒥ ᖁᕝᕙᕆᐊᕐᓂᐅᔪᒥ ᐊᐃᑉᐹᓂ ᐃᒥᐊᓗᒃᑖᕐᕕᒃ ᓂᐅᕕᕐᕕᒃ ᒪᑐᐃᕌᖓᑦ, ᐊᒻᒪ ᖁᕝᕙᕆᐊᓲᖑᕗᖅ ᐱᖓᔪᐊᓐᓂ ᑕᐃᑯᖓᓗᒃᑖᖅ ᓯᕙᑖᕐᕕᖕᒧᑦ,” ᐅᖃᓚᐅᖅᐳᖅ ᕕᕆᓂᑦ, ᑕᐅᑐᒃᖢᒍ ᑕᑯᒃᓴᐅᑎᑕᐅᓂᐅᔪᒥ ᓇᓗᓇᐃᒃᑯᑕᐅᔪᒥ ᐊᕐᕌᓂᐅᓚᐅᖅᑐᒥ ᓂᐅᕕᕐᕕᒃ ᒪᑐᐃᓚᐅᖅᑳᕋᓂ ᑕᑯᒃᓴᐅᑎᑦᑎᔪᒥ ᐊᐅᓚᔾᔭᖕᓂᖃᓗᐊᙱᑦᑐᒥ ᐱᓇᓱᐊᕈᓯᕐᒥ ᖁᕝᕙᕆᐊᕐᓂᖃᖅᐸᒃᖢᓂ ᐱᓇᓱᐊᕈᓯᐅᑉ ᓄᙳᐊᓂ.

“ᑕᐃᒪᐃᓐᓂᖓᓂ, ᓄᑖᖑᔪᒥ ᓯᕙᑖᕐᕕᒃ ᐅᖃᓗᖕᓂᐅᔪᓂ ᐅᓄᕐᓂᐅᔪᓂ ᐱᒋᐊᓲᖑᕗᖅ ᐊᐃᑉᐹᓂᖔᖑᓕᖅᑐᒥ ᒫᓐᓇ.”

ᔭᓄᐊᕆᒥ ᑲᓇᑕᒥ ᐸᓖᓯᒃᑯᑦ ᑭᓪᓕᓯᓂᐊᕐᓂᖏᑦ ᐊᒥᐊᕆᓚᐅᖅᐳᖅ ᖃᐱᓚᓇᖅᑐᒥ ᐊᔾᔨᙳᐊᒥ ᖃᓄᐃᓕᖓᓂᐅᔪᓄᑦ. ᐅᖃᓗᖕᓂᐅᔪᓂ ᑲᓇᑕᒥ ᐸᓖᓯᒃᑯᓐᓄᑦ ᖁᕝᕙᕆᐊᖅᓯᒪᓚᐅᖅᐳᑦ 69 ᐳᓴᓐᑎᒥ ᔭᓄᐊᕆ 2022−ᖑᓚᐅᖅᑐᒥ, ᐅᖃᓗᖕᓂᐅᔪᑦ ᐃᓚᖃᖅᑐᒥ ᐃᒥᐊᓗᖕᒥ 163 ᐳᓴᓐᑎᒥ ᖁᕝᕙᕆᐊᖅᖢᑎᒃ.

57−ᓂ ᑎᒍᔭᐅᓂᐅᔪᓂ ᑎᑎᕋᖅᑕᐅᓯᒪᓚᐅᖅᐳᑦ ᑕᒪᑐᒪᓂ ᔭᓄᐊᕆᐅᔪᒥ, ᑕᐅᑐᒃᖢᒍ 18−ᑐᐃᓐᓇᓂ ᔭᓄᐊᕆ 2022−ᒥ. 49−ᖑᔪᑦ ᑎᒍᔭᐅᔪᓂ ᐋᖓᔮᓚᐅᖅᐳᑦ.

ᐊᐃᑉᐸᕇᖑᔪᓄᑦ ᐋᓐᓂᖅᓯᕆᓂᐅᔪᒥ ᐅᖃᓗᖕᓂᐅᔪᑦ ᖁᕝᕙᕆᐊᓚᐅᖅᐳᑦ 716 ᐳᓴᓐᑎᐅᓚᐅᖅᐳᑦ ᐊᕐᕌᒍᒥ−ᐊᕐᕌᒍᒧᑦ ᔭᓄᐊᕆᒥ. ᓯᕗᓪᓕᖅᐹᖑᔪᓂ ᑕᖅᑭᐅᔪᒥ ᐊᕐᕌᒍᒥ, 8−ᓂ ᐅᖃᓗᖕᓂᖃᓚᐅᖅᐳᖅ ᖁᓄᔪᓐᓂᐊᕐᓂᐅᔪᒥ ᐊᒻᒪ 100−ᓂ ᖃᓄᖓᓴᖅᑐᓂ ᐱᕋᔭᖕᓂᐅᔪᒥ, ᐃᓚᖃᖅᑐᒥ ᐱᖓᓱᓂ ᐃᒻᒥᓃᕐᓂᐅᔪᓂ.

“ᑕᑯᓯᒪᕗᒍᑦ ᐊᖏᐸᓗᒃᑐᒥ ᖁᕝᕙᕆᐊᕐᓂᐅᔪᒥ ᐅᖃᓗᖕᓂᐅᔪᓂ ᐅᓄᕐᓂᐅᔪᓂ, ᐱᓗᐊᖅᑐᒥ ᐅᖃᓗᖕᓂᐅᔪᓂ ᐅᓄᕐᓂᐅᔪᓂ ᐱᔾᔪᑎᖃᖅᑐᓂ ᐃᒥᐊᓗᖕᒥ ᐊᒻᒪ ᐊᓄᓪᓚᒃᓯᖅᑐᓄᑦ,” ᐅᖃᓚᐅᖅᐳᖅ ᕕᕆᓂᑦ.

ᑕᑯᒃᓴᐅᑎᑦᑎᓂᐅᔪᒥ ᖃᑦᑎᕆᔨᓄᑦ ᐊᖓᔪᖅᑳᖓ ᒫᒃ ᐅᐊᐃᐊᑦ ᒪᓕᒃᑐᒥ ᕕᕆᓂᑦᒥ, ᐅᔾᔨᕆᔪᒥ ᐊᔾᔨᐸᓗᐊᓂ ᖁᕝᕙᕆᐊᕐᓂᐅᔪᒥ ᐅᖃᓗᖕᓂᐅᔪᓂ ᐅᓄᕐᓂᖏᓐᓂ, ᐅᐊᐃᐊᑦ ᐃᓚᒋᐊᖅᓯᓪᓗᓂ ᑕᐃᒪᐃᒐᔪᖕᓂᐅᔪᒥ ᖃᑦᑎᕆᔨᐅᔪᓄᑦ ᑲᓇᑕᓕᒫᒥ.

ᑲᑎᓪᓗᒍ ᐅᖃᓗᖕᓂᐅᔪᓂ ᑲᖏᖅᖠᓂᕐᒥ ᖃᑦᑎᕆᔨᒃᑯᓐᓄᑦ 2022−ᒥ 846−ᖑᓚᐅᖅᐳᑦ, ᖁᑦᑎᓛᖑᓂᖅᐹᖑᓯᒪᔪᒥ, ᓯᕗᓂᐊᓂ ᓯᕗᓂᐊᓂ ᖁᑦᑎᖕᓂᐅᓚᐅᖅᑐᒥ 2021−ᒥ 672−ᓂ. ᖃᑦᑎᕆᔨᒃᑯᑦ ᐅᐸᓚᐅᕆᕗᑦ ᐅᖃᓗᖕᓂᐅᔪᓂ ᒪᕐᕉᖕᓄᑦ ᐃᒻᒥᓃᕐᓂᐅᔪᓄᑦ, ᐱᖓᓱᓂ ᐃᒻᒥᓃᕈᒪᔪᓄᑦ ᐃᓄᖕᓄᑦ, ᐊᑕᐅᓯᖅ ᐃᒻᒥᓃᕐᓂᕐᒧᑦ ᓴᓗᒻᒪᖅᓴᐃᓂᐅᔪᒥ ᐊᒻᒪ 44−ᓂ ᓇᓂᓯᓂᐅᔪᓂ ᐃᓄᕕᓂᕐᓂ ᑐᖁᖓᔪᓂ.

“ᑕᐃᒪᐃᖏᓐᓇᖅᐸᑦ, ᐃᓗᕕᖃᕐᕕᒃᐳᑦ ᒥᑭᓗᐊᓕᕐᓂᐊᖅᑐᖅ,” ᐅᖃᓚᐅᖅᐳᖅ ᑲᑎᒪᔨ ᑖᓂ ᑲᐅᒧᒃ ᑭᖑᓂᐊᒍᑦ ᑲᑎᒪᓂᐅᔪᒥ ᖁᑦᑎᖕᓂᖓᓂ ᑐᖁᓂᐅᔪᓂ ᓄᓇᓕᖕᓂ.

ᑕᒪᒃᑭᒐᓚᐃᑦ ᐅᖃᓗᖕᓂᐅᔪᓂ ᖃᑦᑎᕆᔨᒃᑯᓐᓄᑦ ᐋᓐᓂᐊᕐᓂᕐᒧᑦ ᐊᑲᐅᙱᓕᐅᕈᑕᐅᕗᑦ, 729−ᓂ 846−ᓂ ᐅᖃᓗᖕᓂᐅᔪᓂ ᑐᐊᕕᕐᓇᖅᑐᒧᑦ ᓄᓇᓯᐅᑎᖓᓐᓄᑦ ᐱᔨᑦᑎᕋᕐᓂᐅᔪᒧᑦ.

“ᐊᒥᓱᐊᓗᖕᓂ ᐋᓐᓂᐊᖅᑐᓄᑦ ᐅᖃᓗᒡᕕᐅᕙᓕᖅᐳᒍᑦ ᒫᓐᓇ,” ᐅᖃᓚᐅᖅᐳᖅ ᐅᐊᐃᐊᑦ, ᐃᓚᒋᐊᖅᓯᓪᓗᓂ ᐃᒥᐊᓗᖕᒧᑦ ᐱᔾᔪᑎᖃᓪᓗᐊᑕᙱᖦᖢᑎᒃ.

ᐅᐊᐃᐊᑦ ᐅᖃᓚᐅᖅᐳᖅ ᐃᖅᑲᓇᐃᔭᖅᑎᑖᕐᓂᕐᒥ ᖃᑦᑎᕆᔨᒃᑯᑦ ᐊᖓᔪᖅᑳᖓᑕ ᑐᖏᓕᐊᓂ ᔪᐊᔾ ᐊᒃᓴᔾᔪᐊᕐᒥ ᐱᕚᓪᓕᕈᑎᖃᖅᓯᒪᕗᖅ ᖃᑦᑎᕆᔨᓄᑦ ᐊᒻᒪ ᖁᕕᐊᑉᐳᖅ ᐱᓕᒻᒪᒃᓴᐃᓂᐊᕐᓂᖓᓂ ᐊᒃᓴᔾᔪᐊᕐᒥ ᑕᒪᑐᒪᓂ ᐊᕐᕌᒎᔪᒥ.

ᑭᖑᓂᐊᒍᑦ ᑲᑎᒪᓂᐅᔪᒥ, ᓴᐃᔭ ᕼᐃᐊᕆ ᑕᐅᑐᙱ ᓇᓗᓕᖅᓯᒪᔫᔮᓚᐅᖅᐳᖅ ᖃᓄᖅ ᓄᓇᓕᒃ ᑭᐅᓂᐊᕐᓂᖓᓂ ᐊᒃᓱᕈᕈᑕᐅᔪᓂ ᐃᒥᐊᓗᖕᒧᑦ ᑕᐃᒪᙵᓂ ᐱᐊᒥ ᐊᒻᒪ ᕙᐃᓂᒥ ᓂᐅᕕᕐᕕᖓ ᒪᑐᐃᓚᐅᖅᑎᓪᓗᒍ.

“ᖃᐅᔨᒪᙱᓚᖓ ᖃᓄᐃᓕᐅᕆᐊᒃᓴᖅ,” ᐅᖃᓚᐅᖅᐳᖅ, ᐅᖃᖅᖢᓂ ᐃᒻᒪᖄ ᒪᑐᓯᓚᐅᑲᖃᑦᑕᕐᓂᐅᔪᒥ ᕿᓚᒻᒥᐅᔪᒥ ᑐᙵᕕᖃᖅᑐᒥ ᖃᔅᓯᓂ ᑎᒍᔭᐅᓂᖃᕐᓂᖓᓂ ᓄᓇᓕᖕᓂ.

ᐅᖃᐅᓯᖃᓚᐅᖅᐳᖅ ᐃᒃᐱᒍᓱᖕᓂᐅᔪᒥ ᖃᓄᐃᓕᐅᙱᓗᐊᕐᓂᖃᕐᓂᖓᓂ ᐃᑲᔪᕐᓂᕐᒧᑦ ᐊᑲᐅᙱᓕᐅᕈᑕᐅᔪᒥ, ᐃᓱᒪᓪᓗᓂ ᖃᓄᐃᓕᐅᕐᓂᖃᕈᓐᓇᕐᓂᖓᓂ.

“ᐱᐅᕗᖅ ᐃᓄᐃᑦ ᐃᒥᐊᓗᖕᒥ ᐊᐅᓚᑦᑎᓂᖃᕈᓐᓇᖅᑐᓂ,” ᐅᖃᓚᐅᖅᐳᖅ ᑕᐅᑐᙱ ᓂᐅᕕᕐᕕᐅᔪᒥ. “ᑭᓯᐊᓂ ᐊᓯᖏᓐᓄᑦ ᐃᓄᖕᓄᑦ, ᐊᑲᐅᙱᓕᐅᕈᑎᕐᔪᐊᖑᕗᖅ ᐊᒻᒪ ᐊᒥᓱᓂ ᓱᕈᓯᕐᓂ ᐋᓐᓂᐊᕈᑎᖃᓕᖅᐳᑦ.”

ᑲᑎᒪᔨ ᑲᓕ ᓕᓐᑎᐅᓪ ᐅᖃᓚᐅᖅᐳᖅ ᖃᐅᔨᒪᕗᖅ ᐃᓄᖕᓂ ᕿᒪᐃᔭᕆᐊᖃᓚᐅᖅᑐᓂ ᓄᓇᓕᖕᓂ ᑕᖅᑭᒐᓴᖕᓄᑦ ᐃᒥᖃᑦᑕᕈᓐᓃᕋᓱᐊᕐᓂᕐᒧᑦ, ᑭᓯᐊᓂ ᐅᑎᕌᖓᒥᒃ, ᐅᑎᓲᖑᕗᑦ ᑕᐃᒃᑯᓂᖓᑦᑕᐃᓐᓇᖅ ᖃᓄᐃᓐᓂᐅᔪᓄᑦ ᕿᒪᓚᐅᖅᑕᒥᓂᑦ.

“ᐃᒥᐊᓗᒃᑕᖃᕈᓐᓃᓚᐅᖅᓯᒪᔾᔮᙱᑦᑐᖅ,”ᐅᖃᓚᐅᖅᐳᖅ, ᐅᖃᖅᖢᓂ ᐊᓯᖏᓐᓂ ᐱᓕᕆᓂᖃᕈᓐᓇᕐᓂᖓᓂ ᑭᐅᓂᕐᒧᑦ ᐃᓅᖃᑎᒌᖑᔪᓄᑦ ᐊᒃᑐᐃᓂᐅᔪᓂ ᒪᑐᓯᓂᐅᙱᑦᑐᒥ ᓂᐅᕕᕐᕕᖕᒥ. “ᐱᐊᒥ ᐊᒻᒪ ᕙᐃᓂᒥ ᓂᐅᕕᕐᕕᖃᙱᒃᑯᓂ, ᓇᓂᓯᓂᐊᖅᐳᑦ ᐊᓯᐊᒍᑦ ᐱᓂᖏᓐᓂ.”

ᑲᑎᒪᔨ ᐹᑐᕆᒃ ᑕᒍᕐᓈ ᐅᖃᐅᓯᕆᓚᐅᖅᐸᖓ ᐅᖃᓪᓚᒡᔪᐊᕐᓂᐅᓂᖓᓂ.

“ᖃᐅᔨᒪᕗᖓ ᐅᖃᓪᓚᖕᓂᑦᑎᓐᓂ ᐱᐊᒥ ᐊᒻᒪ ᕙᐃᓂᒥ ᓂᐅᕕᕐᕕᖓᓂ ᑭᓯᐊᓂ ᐅᖃᓪᓚᒃᑭᕗᒍᑦ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ,” ᐅᖃᓚᐅᖅᐳᖅ.

31914010_web1_230222-KIV-beerandwinesadness_1
Sgt. ᐹᑐᕆᒃ ᕕᕆᓂᑦ ᐅᖃᐅᓯᖃᖅᐳᖅ ᔭᓄᐊᕆᒥ ᐱᕋᔭᖕᓂᐅᔪᓂ ᑭᓪᓕᓯᓂᐊᕐᓂᐅᔪᓂ ᑲᖏᖅᖠᓂᕐᒥ ᑲᑎᒪᔨᓄᑦ ᓇᒡᒐᔾᔭᐅ ᕕᕗᐊᕆ 13−ᒥ. ᐅᖃᓗᖕᓂᐅᔪᑦ ᐱᔾᔪᑎᖃᖅᑐᓂ ᐃᒥᐊᓗᖕᒥ ᐊᖏᒡᔨᕚᓪᓕᖅᓯᒪᕐᔪᐊᖅᐳᑦ ᒪᑐᐃᖅᓯᓚᐅᖅᑎᓪᓗᒋᑦ ᐱᐊᒥ ᐊᒻᒪ ᕙᐃᓂᒥ ᓂᐅᕕᕐᕕᖓᓂ 2021 ᓄᙳᐊᓂ.