ᐃᙱ ᕚᓐᑐᕐᒥᐅᓕᓐ ᐊᒻᒪ ᐸᕗᓕ ᒪᑯᐃᓐ ᒥᑦᓱᓪ ᑐᕌᓐᑐᒥᐅᑕᑦ ᐱᔪᓐᓇᖅᑎᑦᑎᓚᐅᙱᓚᑦ ᐊᕐᕌᒍᒐᓴᓂ ᐱᓕᕆᑦᑎᐊᕐᔪᐊᕐᓂᐅᔪᓂ ᐅᑭᐅᖅᑕᖅᑐᒥ ᑲᓇᑕᒥ ᒥᑭᑦᑑᑎᓂ ᐱᓕᕆᐊᒃᓴᐅᔪᓄᑦ ᐱᑕᖃᕈᓐᓃᑐᐃᓐᓇᕐᓂᖓᓂ ᐊᐃᑦᑖᖑᒐᓗᐊᖅ ᐃᓅᔪᓐᓃᕐᓂᐅᓚᐅᖅᑐᒥ ᐱᓕᕆᐊᒃᓴᐅᔪᒧᑦ ᓇᓂᓯᔨᐅᔪᒥ ᓯᓐᓂ ᑎᓕᓐ ᑳᒻᓘᑉᔅ, B.C.−ᒥᐅᑕᒥ, ᑕᒪᑐᒪᓂ ᔫᓂᐅᓚᐅᖅᑐᒥ.
ᑕᐃᑲᓂ ᑎᓕᓐ ᐊᕐᕌᒍᓄᑦ ᑕᓪᓕᒪᓄᑦ ᐱᒋᐊᕈᑕᐅᔪᒥ, ᐅᑭᐅᖅᑕᖅᑐᒥ ᑲᓇᑕᒥ ᒥᑭᑦᑑᑎᓂ ᐱᓕᕆᐊᒃᓴᐅᔪᓄᑦ ᓇᒃᓯᐅᔾᔨᕙᓚᐅᖅᐳᖅ ᖁᕕᐊᓱᒡᕕᖕᒥ ᖁᕕᐊᓲᓯᐊᓂ ᐊᑐᓂ ᓄᓇᕗᒻᒥ ᓄᓇᓕᐅᔪᒥ ᐊᑕᐅᓯᐊᓪᓗᐊᖅᑐᒥ, ᐃᒡᓗᓕᒑᕐᔪᑦ ᐊᕐᕌᒍᑕᒫᒥ ᐱᕙᒃᖢᑎᒃ ᖁᕕᐊᓲᓯᐊᓂ ᑐᕌᖓᔪᓄᑦ ᐃᓕᓐᓂᐊᖅᑎᓄᑦ ᐊᒻᒪ ᐃᓄᑐᖃᓄᑦ ᑕᐃᒪᙵᓂ ᐱᒋᐊᕈᑕᐅᔪᖅ ᐱᒋᐊᓚᐅᕋᒥ.
ᐱᓕᕆᐊᖑᔪᖅ ᑕᐅᑐᒃᑕᑐᐊᖃᓚᐅᖅᐳᖅ ᐊᒃᓱᕈᕐᓂᖏᓐᓂ ᐃᑲᔪᕐᓂᕐᒧᑦ ᐅᑭᐅᖅᑕᖅᑐᒥ ᐃᓕᓐᓂᐊᕐᕕᐅᔪᓄᑦ, ᐊᔪᖅᓴᖅᑐᓄᑦ ᓂᕿᑖᕐᕕᖕᓄᑦ, ᖃᔪᖅᑐᕐᕕᖕᓄᑦ, ᐃᓄᑐᖃᕐᓄᑦ ᑲᑎᙵᓂᐅᔪᓄᑦ, ᐃᓱᒪᒧᑦ-ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᒋᐊᕈᑕᐅᔪᓄᑦ ᐊᒻᒪ ᐊᓯᖏᓐᓄᑦ ᐳᐃᒡᒍᑰᖅᑰᔨᔪᓄᑦ, ᑮᓇᐅᔭᖃᖅᑎᑕᐅᙱᑦᑐᓂ ᐅᕝᕙᓘᓐᓃᑦ ᑮᓇᐅᔭᖃᖅᑎᑕᐅᓂᑭᓗᐊᖅᑐᓄᑦ, ᑎᓕᓐ ᐅᖃᐅᓯᐅᓚᐅᖅᐳᖅ ᐅᖃᕐᓂᖓᓂ ᔭᓄᐊᕆ 2021−ᒥ.
ᑎᓕᓐ ᓇᓗᓇᐃᖅᓯᕙᓚᐅᖅᐳᖅ ᓄᓇᓕᐅᑉ ᐱᔭᕆᐊᓕᖏᓪᓕ ᑐᙵᕕᖃᖅᑐᒥ ᑐᓴᒐᒃᓴᐅᔪᓂ ᐱᓇᔭᖅᑕᖏᓐᓂ ᐃᓕᓴᐃᔨᒥᒃ, ᐃᓄᓕᕆᔨᒥᒃ, ᐃᓱᒪᒧᑦ−ᐋᓐᓂᐊᖃᕐᓇᙱᑦᑐᓕᕆᔨᐅᔪᒥ, ᐊᓯᖏᓪᓗ.
ᖃᓪᓗᓈᑦ ᓄᓇᖓᓐᓂ ᐃᓄᖏᑦ ᐊᑐᐃᓐᓇᖃᓕᖅᖢᑎᒃ ᐊᑐᐃᓐᓇᖃᕈᓐᓇᕐᓂᖏᓐᓂ ᓇᖕᒥᓂᖅ ᑮᓇᐅᔭᓂ ᐊᑐᖅᑐᒃᓴᖏᓐᓂ ᐊᒻᒪ ᐃᖏᕐᕋᓂᐅᔪᒥ ᐃᑲᔪᕐᓂᕐᒧᑦ.
ᓄᑖᖑᔪᑦ ᐃᓚᒋᔭᐅᔪᑦ ᐃᓚᐅᖃᑕᐅᒐᔪᒃᖢᑎᒃ ᕙᐃᔅᐳᒃᑯᑦ-ᑐᙵᕕᓕᖕᒥ ᐱᒋᐊᕈᑕᐅᔪᒥ ᐃᓄᓕᒃᓴᖏᑦ ᐊᒻᒪ ᑐᕌᒐᒃᓴᖓᓐᓂ ᐅᖃᐅᓯᐅᒐᒥ ᐃᓚᒌᖑᔪᓄᑦ ᐊᒻᒪ ᐱᖃᓐᓇᕆᔭᐅᔪᓂ ᑭᓇᑐᐃᓐᓇᒥ ᐃᓚᐅᖃᑕᐅᕌᓂᒃᑐᒥ ᑲᑎᙵᓂᐅᔪᒥ, ᐅᒃᐱᕈᓱᒃᑐᒥ ᖃᓄᐃᓕᐅᖅᐸᖕᓂᖓᓂ.
ᕚᓐᑐᕐᒥᐅᓕᓐ ᐅᖃᓚᐅᖅᐳᖅ ᐃᒻᒥᓂᒃ ᐊᒻᒪ ᒥᑦᓱᓪ ᐃᓱᒪᓕᐅᕆᓚᐅᖅᐳᑦ ᐱᓕᕆᓂᐅᔪᖅ ᑲᔪᓯᔭᕆᐊᖃᕐᓂᖓᓂ ᐊᒻᒪ ᓇᓂᓯᓯᒪᖃᑎᖃᓕᓚᐅᖅᐳᑦ ᓯᓐᑎᐅᑉ ᐅᑭᐅᖅᑕᖅᑐᒥ ᑲᓇᑕᒥ ᐱᓕᕆᐊᒃᓴᐅᔪᒥ ᕿᓚᒻᒥᐅᔪᒥ ᑎᓕᓐ ᐃᓅᔪᓐᓃᓚᐅᖅᑎᓪᓗᒍ.
ᐅᖃᐅᔾᔨᓚᐅᖅᐳᑦ ᑲᑎᙵᓂᐅᔫᑉ ᐃᓚᒋᔭᐅᖃᑕᐅᔪᑐᖃᓂ ᐊᒃᓱᕈᕐᓂᖏᓐᓂ ᐊᒻᒪ ᐃᓚᐅᖃᑕᐅᓂᖏᓐᓂ ᓄᑖᖑᔪᒥ ᐱᒋᐊᕈᑕᐅᔪᒥᑦ.
“ᐅᒃᐱᕈᓱᙱᓚᖓ ᐊᖏᓂᐊᓗᖕᒥ ᐱᓂᕆᓂᐅᔪᒥ ᐊᕐᓇᖅ ᐱᓕᕆᓚᐅᕐᓂᖓᓂ,” ᕚᓐᑐᕐᒥᐅᓕᓐ ᐅᖃᓚᐅᖅᐳᖅ ᑎᓕᓐᒥ. “10−ᐸᓗᒃᑎᒍᑦ ᐱᓕᕆᓪᓗᑕ ᐴᒃᓴᓂ ᑕᒪᑐᒪᓂ ᖁᕕᐊᓱᒡᕕᐅᔪᒥ ᐊᒻᒪ ᐃᒻᒥᓂᑐᐊᑯᓗᒃ ᐱᓕᕆᕙᓚᐅᖅᐸᖏᑦ. ᒪᒃᑯᒃᑐᓄᑦ ᐊᒻᒪ ᐃᓄᑐᖃᕐᓄᑦ ᐴᖑᔪᑦ ᐊᔾᔨᒌᓕᖅᑎᑕᐅᓯᒪᕗᑦ ᐊᒻᒪ ᐃᓗᓕᖃᖅᐳᑦ ᑕᐃᒃᑯᓂᖓᑦᑕᐃᓐᓇᖅ ᐱᖁᑎᐅᔪᓂ .
“ᐊᑐᓂ ᐴᖑᔪᖅ ᐃᓗᓕᖃᕐᓂᐊᖅᐳᖅ ᐱᖁᑎᓂᑦ ᓲᕐᓗ ᐊᔾᔨᒌᙱᑦᑐᓂ ᐊᓕᖅᓯᓂᒃ, ᖁᕕᐊᓇᖅᑐᒥ ᑎᑎᕋᐅᒻᒥ, ᐅᖃᓕᒫᒐᕐᒥ, ᐊᓯᖏᓪᓗ, ᓂᕈᐊᖅᑕᐅᔪᐃᓐᓇᐅᓚᐅᖅᑐᓂ ᓇᒃᓯᐅᔾᔨᔨᐅᔪᒧᑦ.
“ᑕᐃᒫᒃ, ᐊᑐᓂ ᐴᖑᔪᖅ ᐃᓗᓕᖃᕋᓗᐊᖅᑎᓪᓗᒍ ᑕᐃᒃᑯᓂᖓᑦᑕᐃᓐᓇᖅ ᐱᖁᑕᐅᔪᓂ, ᐊᑕᐅᑦᑎᒃᑯᑦ, ᐊᔾᔨᒌᙱᑦᑑᑕᐃᓐᓇᐅᕗᑦ.”
ᑲᑎᙵᓂᐅᔪᑦ ᓇᒃᓯᐅᔾᔨᓚᐅᖅᐳᑦ 120−ᐸᓗᖕᓂ ᐴᖑᔪᓂ ᐃᒡᓗᓕᒑᕐᔪᖕᒧᑦ ᑕᒪᑐᒪᓂ ᐊᕐᕌᒎᔪᒥ, ᐃᓚᖏᑦ ᓱᖏᐅᔾᔭᐅᓯᒪᓪᓗᑎᒃ ᐊᓯᐊᒎᖅᑐᓄᑦ ᐱᔭᕆᐊᓕᖕᓄᑦ ᐃᓕᓂᐊᖅᑎᐅᔪᓄᑦ.
ᕚᓐᑐᕐᒥᐅᓕᓐ ᐅᖃᓚᐅᖅᐳᖅ ᑲᑎᙵᓂᐅᔪᖅ ᒥᑭᓐᓂᖅᓴᐅᓚᐅᖅᐳᖅ 2022−ᒥ ᐱᔾᔪᑎᖃᖅᑐᒥ ᑎᓕᓐ ᐃᓅᔪᓐᓃᓚᐅᕐᓂᖓᓂ, 420−ᓂ ᒫᓐᓇᐅᔪᒥ ᐃᓚᒋᔭᐅᔪᓂ, ᐃᓚᖏᑦ ᐃᓚᐅᖃᑕᐅᔪᓐᓃᖅᑐᓂ.
ᐅᖃᓚᐅᖅᐳᖅ ᐊᒥᓱᑦ ᐃᓚᒋᔭᐅᔪᓂ ᐊᑐᖅᐸᒃᐳᑦ ᑲᓇᑕᒥ ᑎᑎᖅᑲᕐᓂᐊᕐᕕᖓᓂ ᐊᑭᖃᙱᑦᑐᒥ ᑎᑎᖅᑲᒃᑯᕕᒃᑰᖅᑎᑦᑎᓂᐅᔪᒥ ᐊᐃᑉᐹᓂ ᐅᒃᑐᐱᕆᒥ ᓇᒃᓯᐅᔾᔨᓂᕐᒥ ᑐᓐᓂᖅᑯᑕᐅᔪᓂ, ᓯᓐᑎᐅᑉ ᑲᓇᑕᒥ ᐱᓕᕆᐊᒃᓴᐅᔪᒧᑦ ᓇᒃᓯᐅᔾᔨᓗᑎᒃ ᐅᓄᕐᓂᖅᓴᐅᔪᒥ 3,000−ᓂ ᐴᖑᔪᓂ ᑕᒪᑐᒪᓂ ᐊᕐᕌᒎᔪᒧᑦ ᖄᖏᖅᓯᒪᓕᖅᑐᒥ.
“ᑮᓇᐅᔭᖃᖅᑎᑕᐅᓲᖑᙱᓚᒍᑦ. ᐃᓚᓕᒫᕗᑦ ᐊᑭᓖᓲᖑᕗᑦ ᑭᓱᓕᒫᓂᑦ ᐃᒻᒥᓂᒃ. ᐃᓚᖏᓐᓂ ᑲᑎᙵᓂᑕᖃᖅᐳᖅ, ᓲᕐᓗ ᐊᖑᑎᓄᑦ/ᐊᕐᓇᓄᑦ Scout ᑲᑎᙵᓂᐅᔪᓂ, ᑲᑎᙵᓂᐅᔪᒥ ᕌᒪᑕᓐ ᐊᒻᒪ ᐊᓯᖏᓐᓂ ᓴᓂᓕᕇᖑᔪᓂ ᑲᑎᖅᓱᐃᕙᒃᑐᓂ ᐃᑲᔪᕈᑎᒃᓴᓂ.
“ᓇᖕᒥᓂᖅ, ᑕᐃᒪᑐᖅ ᒥᑭᑦᑐᓂ ᑐᓂᔭᕋ ᐊᔾᔨᒌᙱᑎᑦᑎᓂᐊᖅᐳᖅ ᓱᕈᓯᕐᒧᑦ (ᐃᓄᑐᖃᕐᒧᓪᓘᓐᓃᑦ) ᐊᓯᐊᒍᑦ ᖁᕕᐊᓲᓯᐊᕋᔭᙱᑦᑐᒥ.
“ᐅᖃᐅᓯᒃᓴᖃᙱᓚᖅ ᐅᓂᒃᑳᕆᓂᕐᒥ ᓯᓐᑎᒥᒃ (ᑎᓕᓐ). ᐊᖏᓂᐊᓗᖕᒥ ᐱᓕᕆᓂᐅᔪᒥ ᐅᓇ ᐊᕐᓇᖅ ᐱᓕᕆᓚᐅᕐᓂᖓᓂ ᐅᒃᐱᕐᓇᙱᕐᔪᐊᖅᐳᖅ.”