ᐱᒋᐊᕐᓂᖓᓂ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ, ᓇᒃᓴᖅᑐᒥ ᓱᒃᑲᐃᑦᑐᒥ ᐊᓯᔾᔨᖅᐸᓪᓕᐊᓂᖓᓂ ᑕᐃᒪᐃᒐᔪᒃᑐᓄᑦ ᓯᓚᒥ ᐊᑐᖅᑕᐅᕙᒃᑐᒥ ᑲᓇᑕᓕᒫᒥ ᐊᕐᕌᒍᑕᒫᒥ, ᐊᖏᔪᒥ ᐊᒃᑐᐃᓂᖃᖅᐳᖅ ᓄᓇᕗᒻᒥ ᐊᒻᒪ ᐅᖓᓯᖕᓂᖅᓴᐅᔪᒧᑦ ᐅᑭᐅᖅᑕᖅᑐᒥ.
ᐅᑯᐊ ᐃᓚᖃᖅᐳᑦ ᑭᓯᐊᓂ ᑭᒡᓕᖃᕐᓇᓂ ᐊᐅᒃᐸᓪᓕᐊᓂᐅᔪᒥ ᖁᐊᖑᐃᓐᓇᖅᑐᖅ ᓄᓇᒥ, ᓯᕐᒥᓂ ᐊᐅᒃᐸᓪᓕᐊᓂᖏᓐᓂ, ᓴᖑᕙᓪᓕᐊᔪᓂ ᐆᒪᔪᓄᑦ ᓇᔪᖅᑕᐅᔪᓄᑦ, ᓯᒡᔭᖅᐸᓯᖕᒥ ᓄᖑᑉᐸᓪᓕᐊᓂᖓᓂ ᐊᒻᒪ ᐊᖏᒡᓕᕙᓪᓕᐊᔪᒥ ᓇᓗᓇᕐᓂᖅᓴᐅᔪᒥ ᓯᓚᒥ.
“ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᓄᓇᕐᔪᐊᓕᒫᒥ ᐊᑲᐅᙱᓕᐅᕈᑕᐅᕗᖅ,” ᐅᖃᓚᐅᖅᐳᖅ ᓯᐊᕋ ᕼᐆᓪᔅᒪᓐ, ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐱᓕᕆᐊᖑᔪᒥ ᐱᓕᕆᔨᒻᒪᕆᒃ ᓄᓇᕗᒻᒥ ᒐᕙᒪᒃᑯᓐᓄᑦ (GN) ᐊᕙᑎᓕᕆᔨᒃᑯᓐᓄᑦ.
ᓄᓇᕗᒻᒥ ᒐᕙᒪᒃᑯᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐱᓕᕆᕝᕕᖓ (CCS), ᐅᕘᓇ ᐊᕙᑎᓕᕆᔨᒃᑯᓐᓂ, ᓴᖅᑭᑎᑕᐅᓚᐅᖅᐳᖅ ᓄᕕᐱᕆ 2016–ᒥ ᐊᐅᓚᑦᑎᓂᕐᒥ ᐊᔾᔨᒌᙱᑦᑐᓄᑦ ᐱᓕᕆᕝᕕᐅᔪᓄᑦ ᓄᓇᕗᒻᒥ ᒐᕙᒪᒃᑯᑦ ᐃᓗᐊᓂ ᐊᒻᒪ ᓴᖅᑭᑎᑕᐅᓚᐅᖅᐳᖅ ᐃᑲᔪᕐᓂᕐᒥ ᐋᖅᑭᒃᓯᓂᕐᒥ ᐱᓕᕆᖃᑎᒌᖕᓂᐅᔪᓂ, ᐱᕙᓪᓕᐊᑎᑦᑎᓂᕐᒥ ᐊᑐᐊᒐᓂ ᐊᒻᒪ ᐃᑲᔪᕐᓗᑎᒃ ᓄᓇᕗᒻᒥᐅᓂ ᓱᖏᐅᔾᔨᓂᖏᓐᓂ ᐊᒻᒪ ᒥᒃᖠᒋᐊᖅᑎᑦᑎᓂᕐᒧᑦ ᐊᒃᑐᐃᓂᐅᔪᓂ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ.
ᒪᕐᕉᖕᓂ ᐱᓕᕆᕝᕕᐅᔪᑦ ᐱᓕᕆᕝᕕᐅᔪᒥ ᐱᓕᕆᖃᑎᒋᒐᔪᒃᑕᖏᑦ ᐊᒻᒪ ᐊᖏᖃᑎᒋᔭᐅᓪᓗᑎᒃ ᐅᑯᐊᖑᕗᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᒻᒪ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖓᑦ (QEC) ᐃᑲᔪᕐᓂᕐᒧᑦ ᑐᓴᐅᒪᑎᑦᑎᓂᕐᒥ ᐅᔾᔨᕈᓱᖕᓂᐅᔪᒥ ᐱᓕᕆᐊᖑᔪᓄᑦ ᖃᓄᖅ ᓄᓇᕗᒻᒥᐅᑦ ᐊᑐᙱᓐᓂᖅᓴᐅᔪᓐᓇᕐᓂᖏᓐᓂ ᐆᒻᒪᖅᑯᑎᓂ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖓᑦ ᐊᒥᐊᒃᑯᖓᓂ-ᖃᐅᔨᓴᐅᑎᙳᐊᕐᒥ ᐱᓕᕆᐊᖑᔪᖅ ᐱᔪᓐᓇᖅᑎᑦᑎᕗᖅ ᐊᖏᕐᕋᖓᓐᓂ ᓇᖕᒥᓂᖃᖅᑎᐅᔪᓂ ᓴᓇᓂᖏᓐᓂ ᓇᖕᒥᓂᖅ ᓄᓇᒥᙶᖅᑐᒥ ᐆᒻᒪᖅᑯᑎᓂ ᐃᓚᓯᐅᔮᕐᔪᒃᑲᓐᓂᖅᑎᓪᓗᒋᑦ ᐆᒻᒪᖅᑯᑎᓂ ᐋᖅᑭᒃᓱᖅᓯᒪᓂᐅᔪᒥ ᐊᒻᒪ ᐅᑎᖅᑎᕆᓪᓗᑎᒃ ᐋᖅᑭᒃᓯᒪᓂᐅᔪᒥ ᐆᒻᒪᖅᑯᑎᓄᑦ ᐊᑭᓕᕈᑎᒃᓴᓂ ᓯᕗᓂᒃᓴᒧᑦ ᐊᑭᓕᒐᒃᓴᐅᓂᐊᖅᑐᓄᑦ. ᐊᕙᑎᓕᕆᔨᒃᑯᑦ ᐱᒋᐊᕈᑎᒃᓴᓕᐅᕆᓲᖑᒋᕗᑦ ᐃᒡᓗᕋᓛᓂ ᓇᖕᒥᓂᖃᖅᑎᐅᔪᓂ ᐊᑐᕐᓂᖏᓐᓂ ᓄᓇᒥᙶᖅᑐᓂ ᐅᕘᓇ ᓄᓇᒥᙶᖅᑐᒥ ᐆᒻᒪᖅᑯᑎᓄᑦ ᐃᒡᓗᕋᓛᓄᑦ ᑐᓂᕐᕈᑎᓂᑦ.
ᐱᐅᓂᖅᐹᖑᔪᖅ ᓵᓚᖃᕋᓱᐊᕐᓂᕐᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ, ᐅᖃᖅᐳᖅ ᕼᐆᓪᔅᒪᓐ, ᑲᑎᙵᓂᐅᔪᒥ.
“ᑭᒃᑯᓕᒫᑦ ᐱᓕᕆᐊᒃᓴᖃᖅᐳᑦ ᖃᓄᐃᓕᐅᕐᓂᐅᔪᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ, ᒥᒃᖠᒋᐊᖅᑎᑦᑎᓂᐅᒍᓂ ᐸᐅᕐᒧᑦ ᑐᒥᖃᖅᑎᑦᑎᓂᕐᒥ ᖃᒥᑎᕆᓗᑎᒃ ᐃᑯᒪᖏᓐᓂ, ᐃᓕᓯᓂᕐᒥ ᓯᕿᓂᕐᒥᙶᖅᑐᒥ ᐆᒻᒪᖅᑯᑎᓕᐅᕈᑎᓂᑦ ᐃᒡᓗᕋᓛᒥᓂᑦ, ᐅᕝᕙᓘᓐᓃᑦ ᐸᕐᓇᐃᓂᕐᒥ ᓇᓗᓇᖅᑐᒥ ᓯᓚᒥ ᐊᒻᒪ ᐊᓯᔾᔨᖅᓯᓂᖏᓐᓂ ᐊᐅᓪᓛᕐᓂᕐᒧᑦ ᐊᖅᑯᑎᖏᓐᓂ ᓄᓇᒦᑎᓪᓗᒋᑦ.”
ᒐᕙᒪᑐᖃᒃᑯᑦ ᐃᓚᐅᖃᑕᐅᒋᕗᑦ ᐃᑲᔪᖅᓱᐃᓂᖏᓐᓂ ᓴᓗᒪᔪᒧᑦ ᐆᒻᒪᖅᑯᑎᓂ ᐅᑭᐅᖅᑕᖅᑐᒥ, ᐊᑕᐅᓯᖅ ᐆᒃᑑᑎᐅᔪᖅ ᐃᑲᔪᖅᓱᐃᓂᖏᓐᓂ ᓄᓇᓕᖕᓂ ᐆᒻᒪᖅᑯᑎᓄᑦ ᐸᕐᓇᐅᑎᒥᒃ ᑰᒑᕐᔪᖕᒥ ᐅᕘᓇ ᓯᓚᒥᙶᖅᑐᒥ ᐃᑲᔪᕈᑎᒃᓴᓂ ᑲᓇᑕᐅᑉ ᓄᓇᖃᖅᑳᖅᓯᒪᔪᓄᑦ ᐅᖅᓱᐊᓗᒃᓴᕐᒥ–ᐊᑐᙱᓐᓂᕐᒧᑦ ᐱᒋᐊᕈᑕᐅᔪᒥ ᐊᒻᒪ ᐊᖏᒡᓕᒋᐊᖅᓯᔪᒥ ᓱᒃᑲᓂᖓᓂ ᐃᓚᐅᕈᑎᒃᓴᓄᑦ ᖃᓄᐃᓐᓂᖓᓂ ᐱᓕᕆᐊᖑᔪᒥ, ᓂᕆᐅᒋᔭᐅᔪᒥ ᐊᐅᓚᓂᐊᕐᓂᖓᓂ ᑕᐃᑯᖓ 2024–ᒧᑦ.
ᓄᓇᓕᖕᓂ ᐆᒻᒪᖅᑯᑎᓄᑦ ᐸᕐᓇᐅᑎᓂ ᐃᑲᔪᓚᐅᖅᐳᑦ ᓇᓗᓇᐃᖅᓯᓂᖓᓐᓂ ᐱᐅᓂᖅᐹᖑᔪᓂ ᐱᕕᒃᓴᖃᕐᓂᐅᔪᓂ ᐆᒻᒪᖅᑯᑎᓄᒃ ᐱᓕᕆᐊᒃᓴᐅᔪᓄᑦ, ᐸᕐᓇᐅᑎ ᑰᒑᕐᔪᖕᒥ ᐃᓚᖃᖅᐳᖅ ᓯᕿᓂᕐᒧᑦ ᐆᒻᒪᖅᑯᑎᓕᐅᕐᓂᖓᓂ ᐊᓐᓂᑭᑕᕐᕕᖓᓄᑦ.
ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐱᓕᕆᕝᕕᖓ ᐱᓕᕆᖃᑎᖃᓕᕆᕗᑦ ᓴᒃᑯ ᐱᕈᐃᔭᖏᓐᓂ ᐊᐅᓚᑦᑎᔨᓂ ᐃᑲᔪᕐᓂᕐᒧᑦ ᐱᕙᓪᓕᐊᑎᑦᑎᓂᖏᓐᓂ ᓄᓇᓕᖕᓂ ᐆᒻᒪᖅᑯᑎᓄᑦ ᐸᕐᓇᐅᑎᓂ ᓇᐅᔮᕐᒧᑦ ᐊᒻᒪ ᓴᓪᓕᓄᑦ ᑭᕙᓪᓕᕐᒥ, ᐊᒻᒪᓗᑦᑕᐅᖅ ᓄᓇᓯ ᕿᑎᕐᒥᐅᓂ ᑎᒥᖁᑕᐅᔪᓂ ᐊᒻᒪ ᐅᑭᐅᖅᑕᖅᑐᒥ ᖃᐅᔨᒪᓂᐅᔪᒥ ᑲᓇᑕᒥ ᐃᖃᓗᒃᑑᑦᑎᐊᕐᒧᑦ.
ᖃᐅᔨᓴᕐᓂᖃᕆᕗᑦ ᐊᒃᑐᐃᓂᐅᔪᓂ ᐊᐅᒃᐸᓪᓕᐊᔪᒥ ᖁᐊᖑᐃᓐᓇᖅᑐᖅ ᓄᓇᒥ ᖁᒡᓗᒃ ᓄᓇᕗᒻᒥ ᒥᕐᙳᐃᖅᓯᕐᕕᖓᓂ ᖁᕐᓗᖅᑑᑉ ᖃᓂᒋᔭᖓᓂ, ᐊᑐᖅᓯᒪᔪᓂ ᐊᖏᐸᓗᒃᑐᒥ ᐊᓯᔾᔨᖅᐸᓪᓕᐊᓂᐅᔪᓂ ᐱᔾᔪᑎᖃᖅᑐᒥ ᐊᐅᒃᐸᓪᓕᐊᔪᓂ ᖁᐊᖑᐃᓐᓇᖅᑐᖅ ᓄᓇᒥ ᐊᒻᒪ ᐃᔾᔪᖓᓂ ᓄᖑᑉᐸᓪᓕᐊᓂᖓᓂ. ᓄᓇᕗᒻᒥ ᒐᕙᒪᒃᑯᑦ ᐃᓚᐅᖃᑕᐅᓲᖑᕗᑦ ᖁᐊᖑᐃᓐᓇᖅᑐᖅ ᓄᓇᒥ ᓇᐅᑦᑎᖅᓱᕐᓂᕐᒧᑦ ᑲᓱᖃᑎᒌᒃᓯᒪᔪᓄᑦ PermafrostNet–ᑯᓐᓂ.
“ᑕᒪᒃᑭᑦ ᐊᕕᒃᑐᖅᓯᒪᓂᐅᔪᑦ ᓄᓇᕗᒻᒥ ᐊᑐᖅᐸᒌᖅᓯᒪᓕᖅᐳᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ ᐊᒃᑐᐃᓂᐅᔪᓂ, ᑭᓯᐊᓂ ᑐᑭᓯᓇᓗᐊᙱᓚᖅ ᓇᓕᐊᒃ ᐊᕕᒃᑐᖅᓯᒪᓂᐅᔪᓂ ᐊᒻᒪ ᓇᓕᐊᖕᓂ ᐱᓕᕆᓂᐅᔪᓂ ᐊᒃᑐᖅᑕᐅᓯᒪᓛᖑᓂᖏᓐᓂ,” ᐅᖃᓚᐅᖅᐳᖅ ᕼᐆᓪᔅᒪᓐ.
ᖃᐅᔨᒋᐊᒃᑲᓐᓂᕐᓂᕐᒧᑦ ᓄᓇᕗᒻᒥ ᒐᕙᒪᒃᑯᓐᓄᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ ᐸᕐᓇᒍᑎᖓᓂ, ᐅᐸᒍᒃ climatechangenunavut.ca.