Skip to content

ᓇᓗᓇᐃᖅᓯᓂᖅ ᓄᓇᕗᑦ ᐃᓄᖕᓄᑦ ᑐᕌᖓᓂᖓᓐᓂ

ᔮᒃ ᐅᓄᒑᖅ ᐱᑳᓪᓚᒃᑯᓂ ᐊᖓᔪᖅᑳᑉ−ᑐᖏᓕᖓᓂ ᐃᓂᐅᔪᒥ ᓄᓇᕗᒻᒥ ᑐᙵᕕᒃᑯᓐᓄᑦ ᑎᓯᐱᕆ 12-ᒥ ᓂᕈᐊᕐᓂᐅᔪᒥ, ᑕᑯᔪᒪᕗᖅ ᓄᓇᕗᒻᒥ ᐱᓪᓚᕆᙳᕐᓂᖓᓂ ᑕᐃᒪᐃᓪᓗᐊᓚᐅᕐᓂᖓᓂ ᐱᒋᐊᕐᓂᖓᓂ.
31136510_web1_221130-INUKjackNTI_1
ᔮᒃ ᐅᓄᒑᖅ ᐅᕙᓂ ᑕᑯᒃᓴᐅᕗᖅ ᓈᓚᒃᑐᒥ ᐃᒃᓯᕋᕐᔪᐊᕌᐱᐅᑉ ᒪᒥᐊᓐᓂᖓᓂ ᑕᒪᑐᒪᓂ ᐊᐅᔭᐅᓚᐅᖅᑐᒥ. ᐱᓇᓱᐊᖅᐳᖅ ᐊᖓᔪᖅᑳᑉ−ᑐᖏᓕᖓᓄᑦ ᐃᓂᒃᓴᐅᔪᒥ ᓄᓇᕗᒻᒥ ᑐᙵᕕᒃᑯᓐᓄᑦ.

ᔮᒃ ᐅᓄᒑᖅ ᐱᑳᓪᓚᒃᑯᓂ ᐊᖓᔪᖅᑳᑉ−ᑐᖏᓕᖓᓂ ᐃᓂᐅᔪᒥ ᓄᓇᕗᒻᒥ ᑐᙵᕕᒃᑯᓐᓄᑦ ᑎᓯᐱᕆ 12-ᒥ ᓂᕈᐊᕐᓂᐅᔪᒥ, ᑕᑯᔪᒪᕗᖅ ᓄᓇᕗᒻᒥ ᐱᓪᓚᕆᙳᕐᓂᖓᓂ ᑕᐃᒪᐃᓪᓗᐊᓚᐅᕐᓂᖓᓂ ᐱᒋᐊᕐᓂᖓᓂ.

“ᐊᑕᐅᓯᑐᐊᕐᒥ ᐱᔾᔪᑎᖃᖅᐳᖅ ᓄᓇᕗᓕᐅᖅᑕᐅᓚᐅᕐᓂᖓᓂ, ᐅᕝᕙᓘᓐᓃᑦ ᓄᓇᑦᓯᐊᖅ ᐊᕕᒃᑕᐅᓚᐅᕐᓂᖓᓂ ᒪᕐᕉᖕᓄᑦ,” ᐅᖃᓚᐅᖅᐳᖅ ᐅᓄᒑᖅ, ᐊᑯᓂᐅᔪᒥ ᑲᑎᒪᔨᕐᔪᐊᖑᓂᕐᒥ ᐱᓕᕆᓕᒪᓂᖃᕐᓂᖓᓂ, “ᐊᒻᒪᓗ ᑕᐃᒪᐃᑉᐳᖅ ᐃᓄᖕᓄᑦ ᓄᓇᕗᒻᒥ. ᑕᒪᓐᓇᑐᐊᖅ ᐃᓱᒫᓘᑕᐅᓪᓗᐊᖅᐳᖅ, ᐅᕝᕙᓘᓐᓃᑦ ᐊᖏᓛᖑᔪᒥ ᐃᓱᒫᓘᑕᐅᔪᒥ ᓄᓇᕗᒻᒥ ᑐᙵᕕᒃᑯᓐᓄᑦ ᐊᒻᒪ ᓄᓇᕗᒻᒥ ᒐᕙᒪᒃᑯᓐᓂ, ᐊᒻᒪᓗᑦᑕᐅᖅ ᐊᕕᒃᑐᖅᓯᒪᓂᐅᔪᓂ ᑲᑐᔾᔨᖃᑎᒌᖑᔪᓂ, ᐊᐅᓚᑦᑎᓂᖃᒃᑲᓐᓂᕆᐊᖃᖅᐳᖅ ᐊᒻᒪ ᐊᒥᓱᒃᑲᓐᓂᕐᓂ ᐊᖏᖃᑎᒌᖕᓂᐅᔪᓂ ᑕᐃᑯᓇᙵᑦ ᑎᒥᐅᔪᓂ ᓇᓗᓇᐃᖅᓯᔪᓐᓇᕐᓂᕐᒧᑦ ᐃᓄᐃᑦ ᐱᓂᖏᓐᓂ ᐱᕚᓪᓕᕈᑕᐅᔪᓂ ᖃᓄᐃᒻᒪᑦ ᓄᓇᕗᑖᕋᓱᓚᐅᕐᓂᑦᑎᓐᓂ ᓯᕗᓪᓕᖅᐹᖑᔪᒥ.”

ᖁᑦᑎᓛᖑᔪᒥ ᓂᕈᐊᖅᑕᐅᓇᓱᐊᕐᓂᖓᓂ ᐃᓅᖃᑎᒌᖑᔪᓄᑦ ᐊᒃᓱᕈᕈᑕᐅᔪᓂ ᓄᓇᕗᒻᒥ, ᐱᓗᐊᖅᑐᒥ ᐸᖕᒥᐅᓗᐊᖅᑐᓂ ᐊᖏᕐᕋᕆᔭᐅᔪᓂ. ᐅᖃᓚᐅᖅᐳᖅ ᐱᔭᕆᐊᖃᕐᓂᖃᖅᐳᖅ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᒡᓗᕐᔪᐊᓂ, ᐃᓄᑐᖃᕐᓄᑦ ᐃᒡᓗᕐᔪᐊᓂ, ᐅᐃᕆᓯᒪᓂᕐᒧᑦ ᒪᒥᓴᕐᕕᖕᓂ ᐊᒻᒪ ᐱᓗᐊᖅᑐᒥ ᐃᒡᓗᒃᓴᒃᑲᓐᓂᕐᓂ.

“ᐊᒥᓱᐊᓗᖕᓂ ᐊᖏᕐᕋᖃᙱᓐᓂᖃᖅᐸᓪᓕᐊᓕᖅᐳᖅ ᓄᓇᕗᒻᒥ,” ᐅᖃᓚᐅᖅᐳᖅ ᐅᓄᒑᖅ, ᐃᓚᒋᐊᖅᓯᓚᐅᖅᑐᒥ ᑕᑯᔪᒪᓇᔭᕐᓂᖓᓂ ᐃᒡᓗᒃᓴᒧᑦ ᑮᓇᐅᔭᓂ ᑐᕌᕐᓂᐊᖅᑐᓂ ᓄᑖᙳᕆᐊᖅᑎᑦᑎᓂᕐᒥ ᐊᒻᒪ ᐱᔾᔪᑎᒃᓴᓕᐅᒃᑲᓐᓂᕐᓂᖓᓂ ᓄᑕᐅᙱᑦᑐᓂ ᐃᒡᓘᔪᓂᑦ ᐊᑐᒐᒃᓴᙳᒃᑲᓐᓂᕐᓗᑎᒃ. “ᐸᖕᒥᐅᓗᐊᕐᓂᖅ ᐱᑎᑦᑎᓂᖃᖅᐳᖅ ᐃᓱᒪᒧᑦ ᐊᒃᓱᕈᕐᓂᐅᔪᒥ. ᓇᒃᓯᐅᔾᔨᔪᓂ ᐃᓄᑐᖃᕐᓂ ᖃᓪᓗᓈᑦ ᓄᓇᖓᓐᓄᑦ ᐱᑎᑦᑎᓲᖑᕗᖅ ᐃᓱᒪᒧᑦ ᐊᒃᓱᕈᕐᓂᐅᔪᒥ.”

ᑕᒪᓐᓇ ᑲᒪᒋᔭᒃᓴᐅᕗᖅ ᑕᒪᒃᑭᓂ ᑭᒡᓕᐅᔪᓂ ᒐᕙᒪᐅᔪᓂ, ᐅᖃᓚᐅᖅᐳᖅ, ᑭᓯᐊᓂ ᓄᓇᕗᒻᒥ ᑐᙵᕕᒃᑯᑦ ᐃᑲᔪᖅᓱᐃᒃᑲᓐᓂᕈᓐᓇᖅᐳᑦ ᐃᒡᓗᒃᓴᓄᑦ ᐋᖅᑭᒍᑎᒃᓴᐅᔪᓂ ᑲᑐᔾᔨᖃᑎᒌᖕᓂᖅᓴᕐᓂᖃᖅᐸᑦ ᑕᒃᑯᓇᙵᑦ ᐊᒻᒪ ᐊᕕᒃᑐᖅᓯᒪᓂᐅᔪᓂ ᐃᓄᖕᓂ ᑲᑐᔾᔨᖃᑎᒌᖑᔪᓂ ᐅᐸᒍᓐᓇᕐᓂᐊᕐᒪᑕ ᑭᐳᒥᒃ ᐊᑕᐅᓯᕐᒥ ᓂᐱᐅᔪᒥ.

“ᐃᓱᒪᕗᖓ ᓄᓇᕗᑦ ᐱᓪᓚᕆᙳᖅᑎᓐᓂᐊᕈᑦᑎᒍᑦ ᓯᕗᓕᐅᖅᑎᐅᔪᑦ ᐱᔪᒪᓚᐅᖅᑕᖏᓐᓂ, ᐱᓕᕆᒃᑲᓐᓂᕆᐊᖃᖅᐳᒍᑦ ᐊᒥᓱᒃᑲᓐᓂᕐᓂ ᐱᐅᓯᒋᐊᖅᑎᑦᑎᓂᕐᒥ ᖃᓄᐃᓕᖓᓂᐅᔪᓂ ᐃᓄᖕᓄᑦ,” ᐅᖃᓚᐅᖅᐳᖅ ᐅᓄᒑᖅ, ᓇᐅᔮᓂᕐᒥᐅᑕᐅᔪᖅ ᑭᓯᐊᓂ ᐃᖃᓗᖕᓂ ᓄᓇᖃᓕᖅᑐᒥ.

ᐃᓚᒋᐊᖅᓯᓚᐅᖅᐳᖅ ᐃᓚᒌᖑᔪᓄᑦ ᖃᓂᒪᓐᓂᐅᔪᒥ ᐊᒻᒪ ᐊᓯᐅᔨᓯᒪᓂᖓᓂ ᓄᖅᑲᖅᑎᑦᑎᓯᒪᕗᖅ ᓂᕈᐊᒐᒃᓴᐅᓇᓱᐊᕐᓂᖓᓂ, ᑭᓯᐊᓂ ᓱᓕ ᐱᓇᓱᐊᖅᐳᖅ ᐃᓂᒃᓴᐅᒧᒥ ᐃᓇᖏᖅᓯᓂᕐᒥ ᐊᑯᓂᐅᔪᒥ ᐊᖓᔪᖅᑳᑉ−ᑐᖏᓕᖓᓄᑦ ᔭᐃᒥᓯ ᐃᑦᑐᓗᖕᒥ ᐊᒻᒪᑦᑕᐅᖅ ᑲᓚᐃᑕᓐ ᑕᖅᑕᖅ, ᐹᓪ ᐃᕐᙵᐅᑦ ᐊᒻᒪ ᔭᐃᑯᐴᓯ ᐲᑕ.