Skip to content

ᓲᓐᓂᐅᒪᙱᑦᑐᒥ ᒫᔾᔨᐅᔪᒥ ᓴᓇᐅᒐᓕᐅᕐᓂᕐᒥ

ᐃᓴᒃᓯᒪᒋᑦ ᐃᓘᓯᕐᒥ ᑲᑐᔾᔨᖃᑎᒌᒃᑯᑦ ᐊᑐᐃᓐᓇᖃᖅᑎᑦᑎᕗᖅ ᐃᓂᐅᔪᒥ ᑲᑎᕝᕕᒃᓴᐅᔪᒥ
32244185_web1_230329-KIV-embracecrafts_1
ᕼᐊᐃᓕ ᐅᐊᐃᑦ, ᑭᕙᓪᓕᕐᒥ ᐱᓕᕆᐊᖑᔪᒧᑦ ᐱᓕᕆᔨᐅᔪᖅ ᐃᓴᒃᓯᒪᒋᑦ ᐃᓘᓯᕐᒥ ᑲᑐᔾᔨᖃᑎᒌᒃᑯᓐᓂ, ᐅᖃᓚᐅᖅᐳᖅ ᐅᓄᕐᓂᖅᓴᐅᔪᓂ 150−ᓂ ᐃᓄᖕᓂ ᑎᑎᕋᕐᕕᖓᒎᖅᓯᒪᕗᑦ ᒫᔾᔨᒥ ᓱᓐᓂᐅᒪᙱᓪᓗᓂ ᑕᖅᑭᐅᔪᒥ ᖃᓄᐃᓕᐅᕐᓂᐅᔪᓄᑦ.

ᐱᕈᖅᓴᓯᒪᓪᓗᓂ ᑲᖏᖅᖠᓂᕐᒥ, ᕼᐊᐃᓕ ᐅᐊᐃᑦ ᑕᑯᓯᒪᕗᖅ ᐊᓯᔾᔨᕐᓂᐅᔪᓂ ᓄᓇᓕᖕᓂ ᑕᐃᒪᙵᓂ ᒪᑐᐃᖅᑕᐅᓚᐅᕐᓂᖓᓂ ᐱᐊᒥ ᐊᒻᒪ ᕙᐃᓂᒥ ᓂᐅᕕᕐᕕᖓᓂ 2021−ᒥ.

“ᑕᑯᓯᒪᕐᔪᐊᖅᐳᖓ ᐱᐅᙱᓐᓂᖅᓴᐅᔪᒥ ᐊᓯᔾᔨᕐᓂᐅᔪᒥ ᓄᓇᓕᑦᑎᓐᓂ,” ᐅᖃᓚᐅᖅᐳᖅ ᐅᐊᐃᑦ, ᑭᕙᓪᓕᕐᒥ ᐱᓕᕆᐊᖑᔪᒧᑦ ᐱᓕᕆᔨᐅᔪᖅ ᐃᓴᒃᓯᒪᒋᑦ ᐃᓘᓯᕐᒥ ᑲᑐᔾᔨᖃᑎᒌᒃᑯᓐᓂ. “ᑕᑯᓯᒪᕗᖓ ᖃᓄᖅ ᐊᒃᑐᐃᕙᖕᓂᖓᓂ ᓄᓇᖃᖅᑎᐅᔪᓂ ᓄᓇᓕᖕᓂ. ᐆᒻᒪᑎᒧᑦ ᓱᕋᖕᓇᑦᑎᐊᖅᑐᖅ.”

ᐱᐊᖃᐅᑎᓂ ᓄᓇᒥ ᐊᒻᒪ ᐃᓱᒫᓘᑕᐅᔪᓂ ᐋᖓᔮᖅᑐᓄᑦ ᐃᓄᖕᓂ ᐊᖏᕐᕋᐅᕙᓪᓕᐊᓪᓗᑎᒃ ᓯᓚᑦᑎᐊᕙᐅᙱᑦᑐᒥ ᐃᓚᒋᔭᐅᓯᒪᕗᖅ ᐱᐅᙱᑦᑐᒥ ᐊᓯᔾᔨᕐᓂᐅᔪᒥ.

ᑭᓯᐊᓂ ᐃᓱᐊᓂ, ᐅᐊᐃᑦ ᐊᑐᓚᐅᖅᐳᖅ ᒫᔾᔨᒥ ᕙᖅᓴᐃᓂᕐᒧᑦ ᓱᓐᓂᐅᒪᙱᓐᓂᕐᒥ ᐊᒻᒪ ᐱᐅᔪᒥ, ᐃᓚᒌᓄᑦ−ᑐᙵᓇᖅᑐᒥ ᖃᓄᐃᓕᐅᕐᓂᐅᔪᓂ ᐅᕘᓇ ᐃᓴᒃᓯᒪᒋᑦ ᐃᓘᓯᕐᒥ ᑲᑐᔾᔨᖃᑎᒌᒃᑎᒍᑦ.

ᐱᓇᓱᐊᕈᓯᑕᒫᑦ, ᓄᓇᖃᖅᑎᐅᔪᑦ ᐊᐃᒃᓯᕈᓐᓇᖅᐳᑦ ᐊᓯᔾᔨᖅᐸᓪᓕᐊᔪᓂ ᓴᓇᐅᒐᓕᕐᓂᕐᒧᑦ ᑲᑎᙵᓂᐅᔪᓂ – ᐃᓇᖏᑦ ᑎᑎᕋᐅᔭᕐᓂᕐᒧᑦ, ᐳᐊᓗᓕᐅᕐᓂᕐᒥ ᐊᒻᒪ ᐊᒥᓱᒃᑲᓐᓂᕐᓂ – ᐊᒻᒪ ᐃᓴᒃᓯᒪᒋᑦ ᐃᓘᓯᕐᒥ ᑲᑐᔾᔨᖃᑎᒌᒃᑯᑦ ᑎᑎᕋᕐᕕᖓᓃᓪᓗᑎᒃ ᐃᓅᖃᑎᒌᖏᓐᓂ, ᓴᓇᐅᒐᓕᐅᕈᓘᔭᕐᓗᑎᒃ ᐊᒻᒪ ᐊᑦᑕᓇᙱᑦᑐᒥ ᐃᓂᒃᓴᖃᕐᓗᑎᒃ ᑲᑎᓐᓂᕐᒧᑦ. ᐃᓯᖅᑎᑕᐅᓚᐅᕆᕗᑦ ᐊᒧᔭᐅᓂᐅᔪᓄᑦ ᓵᓚᖃᐅᓯᐊᓄᑦ ᓲᕐᓗ ᑳᓪᒻ ᐃᐊᕐᒥ ᖃᖓᑦᑕᐅᑎᒃᓴᓂ ᐊᒻᒪ ᖃᓪᓗᓈᖅᑕᓂ ᑲᑎᙵᓂᐅᔪᓂ.

“ᑭᒃᑯᓕᒫᑦ ᐱᐅᔪᓂ ᐅᖃᐅᓯᒃᓴᓕᐅᖅᓯᒪᕗᑦ,” ᐅᖃᓚᐅᖅᐳᖅ ᐅᐊᐃᑦ. “ᐱᐅᓪᓗᓂ, ᐊᑲᐅᓪᓗᓂ ᐃᒃᐱᒍᓱᖕᓇᕐᓂᐅᕗᖅ. ᓄᓇᖃᖅᑎᐅᔪᑦ ᐃᒪᐃᓕᕗᑦ, ‘ᐄ, ᑕᐃᒪᐃᓕᐅᖏᓐᓇᓪᖢᐊᖅᐳᓯ, ᑲᒪᓇᖅᑐᐊᓗᒃ, ᐅᕙᑦᑎᓐᓂ ᐱᓕᕆᑎᑦᑎᓇᖅᑐᖅ, ᐱᔭᒃᓴᖃᐃᓐᓇᖅᑎᑦᑎᓪᓗᓂ.’”

ᓂᕆᐅᒃᐳᖅ ᐱᒃᑲᓐᓂᕐᓂᐊᕐᓂᖓᓂ ᐅᖃᐅᓯᒃᓴᓕᖓᖑᔪᓂ ᑕᖅᑭᖅ ᐃᓱᓕᑉᐸᓪᓕᐊᑎᓪᓗᒍ ᑭᓱᓂᒃ ᐱᐅᓯᒋᐊᖅᑕᐅᔪᓐᓇᕐᓂᖏᓐᓂ ᐊᒻᒪ ᐊᓯᔾᔨᖅᑕᐅᓗᓂ ᑭᖑᓪᓕᐅᔪᒧᑦ. ᐊᑕᐅᓯᖅ ᖃᐅᔨᒪᔭᖓᓐᓂ ᑎᑎᕋᕐᕕᖓᓂ ᒪᑐᐃᖓᑎᑦᑏᓐᓇᕐᓂᕐᒥ ᐅᓐᓄᖓᓄᑦ ᐅᐸᒃᑕᐅᕝᕕᒃᓴᐅᓗᓂ.

“ᐃᓚᐅᖃᑕᐅᔪᓂ ᐅᐱᒋᕐᔪᐊᖅᐸᒃᑲ,” ᐅᖃᓚᐅᖅᐳᖅ ᐅᐊᐃᑦ. “ᑲᒪᓇᖅᑐᒥ ᐱᓕᕆᕗᑦ. ᐃᒪᐃᑉᐳᖅ−ᐅᖃᒃᑲᓐᓂᕈᒪᙱᓚᖓ ᑲᒪᓇᖅᑐᖅ– ᐅᐊᑲᓪᓚᐅᕗᖅ ᑕᑯᓪᓗᓂ ᐃᓄᖕᓂ ᐃᓯᖅᑐᓂ, ᐊᒻᒪ ᕿᑐᕐᙵᖏᑦ ᐃᓯᖃᑕᐅᔪᓐᓇᖅᖢᑎᒃ. ᐊᒥᓱᐊᓗᖕᓂ ᑎᑎᕋᐅᔭᒐᒃᓴᐅᔪᓂ ᓱᓇᒃᑯᑖᖃᖅᐳᒍᑦ, ᐱᙳᐊᕈᑎᖃᖅᐳᒍᑦ, ᐋᖅᑭᒃᓱᒐᕐᓂ, ᑭᓱᑐᐃᓐᓇᓂ ᐱᔭᕆᐊᓕᖕᓂ ᖃᐃᑎᑦᑎᓂᕐᒧᑦ ᐊᓐ, ᐊᓕᐊᓇᐃᒍᓱᒡᓗᑎᒃ ᖃᓱᖓᑦᑎᐊᕐᓗᑎᒃ ᐅᓐᓅᔪᒥ, ᐅᓐᓄᓴᒥ ᐅᓪᓛᒃᑯᓪᓘᓐᓃᑦ.”

ᑎᑎᕋᕐᕕᖓ ᒪᑐᐃᖓᑎᑲᑕᒃᐸᖓ ᑭᓯᐊᓂ 9−ᒥ ᐅᕝᕙᓘᓐᓃᑦ 10−ᒧᑦ ᐅᓐᓄᒃᑯᑦ ᑕᒪᕐᒥᒐᓚᒃ ᐅᓐᓄᖕᓂ ᐃᓄᖕᓄᑦ ᐃᓯᓚᐅᑲᒍᓐᓇᙱᑦᑐᓄᑦ ᐃᖅᑲᓇᐃᔭᕐᓇᐅᑎᓪᓗᒍ ᐃᑲᕐᕋᖏᓐᓂ. ᐱᖓᔪᖓᓐᓂ ᐱᓇᓱᐊᕈᓯᖓᓐᓂ, ᐅᓄᕐᓂᖅᓴᐅᔪᓂ 150−ᓂ people ᑕᐃᑯᙵᖅᓯᒪᕗᑦ ᐱᓕᕆᐊᖑᓂᐅᔪᓄᑦ, ᐅᖃᓚᐅᖅᐳᖅ ᐅᐊᐃᑦ.

ᒫᔾᔨᒥ ᓱᓐᓂᐅᒪᙱᓐᓂᐅᔪᒥ ᑕᖅᑭᖓ ᓄᖅᑲᖅᐸᓪᓕᐊᓕᖅᑎᓪᓗᒍ, ᐃᓴᒃᓯᒪᒋᑦ ᐃᓘᓯᕐᒥ ᑲᑐᔾᔨᖃᑎᒌᒃᑯᑦ ᐱᓇᓱᐊᖏᓐᓇᖅᐳᑦ ᐃᒻᒥᓃᖅᑎᑦᑕᐃᓕᒪᓂᐅᔪᒥ ᑐᕌᒐᒃᓴᖓᓂ ᐅᕘᓇ ᐊᔾᔨᒌᙱᑦᑑᑕᐅᔪᓂ ᐃᓕᓐᓂᐊᖅᑎᑦᑎᓂᐅᔪᓂ, ᐱᒋᐊᕈᑕᐅᔪᓂ ᐊᒻᒪ ᐱᓕᕆᐊᖑᔪᓂ.

“ᐊᐅᓚᑦᑎᔪᒪᕗᒍᑦ ᐱᓕᕆᐊᖑᒧᓂ ᓄᓇᕗᒻᒥᐅᑕᐅᔪᓄᑦ ᓄᖅᑲᖅᑎᑦᑎᓂᕐᒧᑦ ᐃᒻᒥᓃᕐᓂᐅᔪᒥ ᐊᒻᒪ ᖁᕝᕙᖅᓴᐃᓗᑎᒃ ᐱᐅᔪᒥ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐊᒻᒪ ᐃᓱᒪᒧᑦ ᖃᓄᐃᙱᑦᑎᐊᕐᓂᐅᔪᒥ,” ᐅᖃᓚᐅᖅᐳᖅ ᐅᐊᐃᑦ.