ᓴᐲᓇ ᒎᓗᒧᑦ ᐊᒻᒪ ᖃᑯᖅᑕᕐᒧᑦ ᐃᓱᓕᑦᑎᓇᓱᐊᖅᐳᖅ $500-ᒥᓕᐊᓐ ᑮᓇᐅᔭᖃᖅᑎᑕᐅᓂᕐᒧᑦ ᐱᓕᕆᓂᐅᔪᖅ ᕿᓚᒻᒥᐅᔪᒥ ᕿᑎᕐᒥᐅᓂ ᒎᓗᒧᑦ ᐱᓕᕆᐊᒃᓴᐅᔪᒥ ᓄᓇᕘᑉ ᑕᓪᓕᒪᒋᓗᓂᐅᒃ ᐊᐅᓚᑕᐅᔪᒥ ᐅᔭᕋᖕᓂᐊᕐᕕᐅᔪᒥ.
ᑲᒻᐸᓂᐅᔪᖅ ᓂᕆᐅᒃᐳᖅ ᑕᐃᒎᓯᖏᓐᓂ ᐱᔭᕇᖅᑕᐅᓂᖏᓐᓂ ᔭᓄᐊᕆᒥ, ᐊᒻᒪ ᒫᑎᐅ ᐱᑯᑦ, ᓴᐲᓇᐅᑉ ᐊᖓᔪᖅᑳᖓᑕ-ᑐᖏᓕᖓ ᐊᕙᑎᓕᕆᓂᕐᒧᑦ ᐊᒻᒪ ᒪᑭᒪᔾᔪᑕᐅᔪᓂ, ᐅᖃᓚᐅᖅᐳᖅ ᑮᓇᐅᔭᓕᐅᕈᑎᖃᒃᑲᓐᓂᕋᓱᐊᖅᑐᑦ ᐅᐊᖕᓇᒥ ᐊᒥᐊᓕᑲᒥ-ᑐᙵᕕᖃᖅᑐᓂ. ᐲᖅᓯᓇᔭᖅᐳᖅ ᐊᒡᕕᐊᕈᑕᐅᔪᓐᓇᖅᑐᓂ ᓴᖅᑭᑕᐅᔪᓂ ᓴᐃᓃᓯᒃᑯᓐᓂ ᐱᔪᒪᓂᐅᔪᓂ ᓯᕗᓪᓕᐅᓗᑎᒃ ᑮᓇᐅᔭᖃᖅᑎᑦᑎᓂᐅᔪᒥ ᐱᓕᕆᐊᒃᓴᐅᔪᒥ.
ᒐᕙᒪᑐᖃᒃᑯᑦ ᓄᖅᑲᖅᑎᑦᑎᓚᐅᖅᐳᑦ ᓴᐃᓃᓯᒥ ᓄᓇᖓᓐᓂ–ᓇᖕᒥᓂᕆᔭᐅᔪᒥ ᑲᒻᐸᓂᐅᔪᒥ ᐱᓂᖏᓐᓂ TMAC ᐃᑲᔪᕈᑎᒃᓴᓂ ᐊᒻᒪ ᑲᑉᐱᕼᐃᓕᖅᑑᖅ ᒎᓗᒧᑦ ᓇᖕᒥᓂᕆᔭᐅᔪᒥ 2020–ᒥ.
ᓴᐲᓇ ᐱᓇᔭᖅᐳᑦ ᐊᑭᓕᒃᓴᖏᓐᓂ, ᐊᑐᐃᓐᓇᖃᖅᑎᑦᑎᑐᐃᓐᓇᕆᐊᖃᖅᖢᑎᒃ ᓇᖕᒥᓂᖃᖃᑕᐅᓂᕐᒥ ᓇᖕᒥᓂᕆᔭᐅᓂᖓᓂ ᐊᒻᒪ ᐃᒻᒪᖄ ᐋᖅᑭᒃᓱᐃᓂᖃᕐᓗᑎᒃ ᑮᓇᐅᔭᓕᐅᕈᑎᖃᒃᑲᓐᓂᕋᓱᐊᖅᑐᑦ ᓂᐅᕕᕐᓂᖏᓐᓂ ᐃᓚᖓᓐᓂ ᐅᔭᕋᖕᓂᐊᕐᕕᐅᑉ ᒎᓗᖏᓐᓂ ᓯᕗᓂᐊᓂ ᐋᖅᑭᒃᑕᐅᓯᒪᔪᒥ ᐊᑭᑭᒡᓕᒋᐊᖅᓯᒪᔪᒥ ᐊᑭᐅᔪᒥ, ᐅᖃᐅᓯᐅᓪᓗᓂ ᐱᑯᑦᒧᑦ.
“ᖁᕕᐊᓱᕐᔪᐊᖅᐳᒍᑦ ᐅᕗᖓ ᑎᑭᐅᑎᓂᕐᒧᑦ. ᓱᓕ ᐱᓕᕆᐊᒃᓴᖃᖅᐳᒍᑦ ᖁᕕᐊᓱᒡᕕᖕᒥ ᕿᑲᕐᓇᐅᔪᒥ ᐊᒻᒪᓗ ᔭᓄᐊᕆᒧᑦ, ᑭᓯᐊᓂ ᐅᒃᐱᕈᓱᑦᑎᐊᖅᐳᒍᑦ ᐊᕐᕌᒎᑉ ᐱᒋᐊᕐᓂᖓᓂ ᐱᓕᕆᓂᖅᓴᐅᔪᓐᓇᕐᓂᐊᕐᓂᑦᑎᓐᓂ ᐃᓂᒋᔭᐅᔪᒥ,” ᐅᖃᓚᐅᖅᐳᖅ, ᓇᓗᓇᐃᖅᓯᓪᓗᓂ ᓇᓂᓯᓂᕐᒥ ᑮᓇᐅᔭᓕᐅᕈᑎᖃᒃᑲᓐᓂᕋᓱᐊᖅᑐᒥᑦ ᖃᔅᓯᒐᓚᖕᓂ ᐊᕐᕌᒍᓂᐅᓚᐅᖅᐳᖅ ᐱᔾᔪᑎᖃᓪᓗᐊᑕᖅᑐᒥ ᐃᓱᒫᓘᑕᐅᔪᓂ ᐊᐅᓚᑕᐅᑦᑎᐊᕐᓂᖓᓂ ᓇᓗᓇᖅᑐᒥ ᐊᐅᓚᑕᐅᓂᖓᓂ, ᓲᕐᓗ ᐅᒥᐊᕐᔪᐊᒃᑰᖅᑎᑦᑎᓂᕐᒥ ᐊᒻᒪ ᓯᑯᒥ ᐊᖅᑯᑎᓕᐅᕐᓂᕐᒧᑦ, ᐅᖓᓯᒃᑐᒥ ᐃᓚᖓᓐᓂ ᑲᓇᑕᐅᑉ ᐅᑭᐅᖅᑕᖅᑐᖓᓂ.
ᑐᓂᓯᓂᐅᔪᒥ ᑮᓇᐅᔭᓂ ᐱᔪᓐᓇᖅᑎᑦᑎᓇᔭᖅᐳᖅ ᓴᐲᓇᒥ ᐱᒋᐊᕐᓂᕐᒥ ᑕᒪᒃᑭᖅᑐᒥ ᓇᑉᐸᖅᑎᕆᓂᐅᔪᒥ ᑲᖑᖅ ᐅᔭᕋᖕᓂᐊᕐᕕᖓᓂ 2022 ᐱᒋᐊᕐᓂᐸᓗᐊᓂ. ᓴᖅᑭᑎᑦᑎᓂᐅᔪᒥ ᖄᖓᓂ ᐅᔭᕋᖕᓂᐊᕐᓂᕐᒥ ᐊᒻᒪ ᓄᓇᐅᑉ ᐊᑖᓂ ᐱᓕᕆᐊᒃᓴᐅᔪᒥ, ᑕᑯᒃᓴᐅᓂᖃᖅᑐᒥ ᐃᑲᔪᕈᑎᒃᓴᐅᓂᖓᓂ 9 ᒥᓕᐊᓐ ᐊᐅᓐᓯᔅᒥ ᒎᓗᒥ, ᑐᕌᒐᕆᔭᐅᕗᖅ 2024 ᓄᙳᐊᓂ.
ᓇᑉᐸᖅᑎᕆᓂᖅ ᓂᕆᐅᒋᔭᐅᕗᖅ ᐱᔭᕆᐊᖃᕋᔭᕐᓂᖏᓐᓂ ᑎᑭᐅᒪᔪᒧᑦ 800–ᓂ ᐃᖅᑲᓇᐃᔭᖅᑎᐅᓇᔭᖅᑐᓂ, ᐅᖃᓚᐅᖅᐳᖅ ᐱᑯᑦ“ᑕᐅᑐᒃᑕᑐᐊᖃᑲᐃᓐᓇᕐᓂᐊᖅᐳᒍᑦ ᕿᑎᕐᒥᐅᑕᐅᔪᓂ ᐱᔪᓐᓇᕐᓂᓕᒫᑦᑎᓐᓂ ᐊᒻᒪ ᕿᑎᕐᒥᐅᓂ–ᐱᔪᓐᓇᖅᑐᓄᑦ ᓇᖕᒥᓂᕆᔭᐅᔪᓂ ᑳᓐᑐᕌᒃᓯᔪᓐᓇᕐᓂᑦᑎᓐᓂ,” ᐅᖃᓚᐅᖅᐳᖅ ᓄᓇᓕᖕᓂ ᐱᕚᓪᓕᕈᑕᐅᓇᔭᖅᑐᓄᑦ.
ᑲᖑᖅ ᓇᖕᒥᓂᕆᔭᖓᓂ, ᐃᓂᖃᖅᑐᒥ 400 ᑭᓛᒥᑐᐸᓗᖕᓂ ᐃᖃᓗᒃᑑᑦᑎᐊᑉ ᓂᒋᖓᓂ, ᓇᓚᐅᑦᑖᕆᔭᐅᔪᒥ ᐅᔭᕋᖕᓂᐊᕐᕕᖕᒥ ᐃᓅᓯᖃᕐᓂᐊᕋᓱᒋᔭᐅᕗᖅ ᐊᕐᕌᒍᓄᑦ 15–ᓄᑦ.
ᐱᓕᕆᓂᐅᔪᒥ ᑕᒪᐃᑎᒍᑦ ᐅᒃᑯᓯᒃᓴᓕᒃ ᐱᓕᕆᐊᒃᓴᐅᔪᒥ ᐃᖏᕐᕋᐃᓐᓇᖅᓯᒪᕗᖅ ᐊᕐᕌᒍᓄᑦ 15–ᓄᑦ ᓂᕆᐅᖕᓂᖃᖅᑐᒥ ᓴᖑᑎᑦᑎᓂᕐᒥ ᐃᓂᒋᔭᐅᔪᒥ ᖃᔅᓯᒐᓚᖕᓄᑦ ᐅᔭᕋᖕᓂᐊᕐᕕᓄᑦ. ᓴᐲᓇ ᓂᕆᐅᖕᓂᖃᕆᕗᖅ ᔪᐊᔾ ᐱᑕᓕᖕᒥ, 50 ᑭᓛᒥᑐᐸᓗᖕᒥ ᐅᐊᖕᓇᒥ ᑲᖑᕐᒧᑦ, ᑎᑭᐅᑎᓂᖓᓂ ᐊᖏᓂᖓᓂ ᐊᒻᒪ ᑮᓇᐅᔾᔭᒃᓴᓂᐅᔪᒥ ᐱᔭᕆᐊᖃᖅᑐᒥ ᓴᖑᑎᑕᐅᓂᖓᓂ ᐅᔭᕋᖕᓂᐊᕐᕕᖕᒧᑦᑕᐅᖅ. ᔪᐊᔾ ᑲᒪᒋᔭᖃᓲᖑᕗᖅ 2 ᒥᓕᐊᓐᐸᓗᖕᓂ ᐊᐅᓐᓯᔅᓂ ᒎᓗᒥᒃ, ᑭᓯᐊᓂ ᕿᓂᕐᓂᕐᒥ ᐊᒃᓱᕈᕐᓂᐅᔪᑦ ᐊᖏᒡᓕᒋᐊᕐᓂᖓᓂ ᑕᐃᔅᓱᒧᖓ ᐃᑲᔪᕈᑎᒃᓴᐅᔪᒧᑦ ᖁᕝᕙᕆᐊᕐᓂᐊᖅᑐᒃᓴᐅᕗᖅ 2022–ᒥ, ᐱᑯᑦ ᐅᖃᓚᐅᖅᐳᖅ.
ᓵᓚᖃᕋᓱᐊᕐᓂᐅᔪᒥ ᓵᓚᒃᓴᖅᑐᑦ
ᐅᔭᕋᒃᓯᐅᖅᑎᑦ ᐊᒻᒪ ᐱᕙᓪᓕᐊᑎᑦᑎᔨᐅᔪᑦ ᑲᑐᔾᔨᖃᑎᒌᖑᔪᓂ ᑲᓇᑕᒥ (PDAC) ᒫᓐᓇᓕᓴᐅᔪᒥ ᓂᕈᐊᖅᓯᓚᐅᖅᐳᑦ ᓴᐲᓇ ᒎᓗᒧᑦ ᐊᒻᒪ ᖃᑯᖅᑕᕐᒧᑦ ᐱᓂᐊᕐᓂᖏᓐᓂ ᐊᕐᕌᒍᑕᒫᒥ ᒪᑭᒪᔾᔪᑎᒃᓴᐅᔪᓄᑦ ᓵᓚᖃᐅᓯᐊᒥᒃ, ᐅᐱᒋᔭᖃᖅᖢᑎᒃ ᒪᒃᑯᒃᑐᓂ ᑲᒻᐸᓂᐅᔪᒥ ᐊᕙᑎᓕᕆᓂᕐᒧᑦ ᓴᐳᔾᔨᓯᒪᓂᐅᔪᒥ, ᐱᓗᐊᖅᑐᒥ ᑐᒃᑐᓄᑦ, ᐊᒻᒪᓗ ᓄᓇᓕᖕᓂ ᐃᓚᐅᑎᑦᑎᓂᐅᔪᒥ.
“ᑲᑐᔾᔭᐅᔪᒥ ᐱᓕᕆᓂᐅᔪᒥ ᐱᔪᓐᓇᖅᑎᑦᑎᓚᐅᖅᐳᖅ ᓴᐲᓇᒥ ᓴᖅᑭᑎᑦᑎᓂᖏᓐᓂ ᓴᙱᓛᖑᔪᒥ ᑐᒃᑐᓄᑦ ᓴᐳᔾᔨᓯᒪᓂᐅᔪᒥ ᐸᕐᓇᐅᑎᓂᒃ ᐅᑭᐅᖅᑕᖅᑐᒥ,” ᐅᔭᕋᒃᓯᐅᖅᑎᑦ ᐊᒻᒪ ᐱᕙᓪᓕᐊᑎᑦᑎᔨᐅᔪᑦ ᑲᑐᔾᔨᖃᑎᒌᖑᔪᓂ ᑲᓇᑕᒥ ᐅᖃᓚᐅᖅᐳᑦ.
ᐃᓚᖃᖅᐳᖅ ᐃᓄᖕᓂ ᓇᐅᑦᑎᖅᓱᖅᑎᐅᔪᓂ, ᓄᖅᑲᕐᓂᐅᔪᒥ ᖄᖅᑎᑦᑎᕆᓂᕐᒥ ᑐᒃᑐᑕᖃᖅᑎᓪᓗᒍ, ᐋᖅᑭᒋᐊᖅᓯᓂᐅᔪᓂ ᖁᓕᒥᒎᓕᒃᑯᑦ ᐊᒻᒪ ᓄᓇᓯᐅᑎᓂ ᖃᓄᐃᓕᐅᕐᓂᐅᔪᓂ ᐊᒻᒪᓗᓐᓃᑦ ᓄᖅᑲᖅᑎᑕᐅᓂᖓᓂ ᑕᒪᒃᑭᒐᓚᖕᓂ ᐅᔭᕋᖕᓂᐊᕐᓂᕐᓄᑦ ᖃᓄᐃᓕᐅᕐᓂᐅᔪᓂ ᑐᒃᑐᓂ ᕿᑐᕐᙱᐅᖅᑎᓪᓗᒋᑦ ᐅᕝᕙᓘᓐᓃᑦ ᕿᑐᕐᙱᐅᓚᐅᖅᑎᓪᓗᒋᑦ–ᑭᖑᓂᐊᒍᑦ.
ᐅᔭᕋᒃᓯᐅᖅᑎᑦ ᐊᒻᒪ ᐱᕙᓪᓕᐊᑎᑦᑎᔨᐅᔪᑦ ᑲᑐᔾᔨᖃᑎᒌᖑᔪᓂ ᑲᓇᑕᒥ ᐅᐱᒋᔭᖃᓚᐅᕆᕗᑦ ᓴᐲᓇᒥ ᖃᐅᔨᓴᕐᓂᖏᓐᓂ ᑲᑎᙵᓂᐅᔪᒥ ᐊᓄᕆᒧᑦ ᐆᒻᒪᖅᑯᑎᓕᕆᔾᔪᑎᒥᒃ ᐊᑐᙱᓐᓂᖅᓴᖃᕐᓂᕐᒧᑦ ᐅᖅᓱᐊᓗᒃᓴᒥ ᐊᑐᖅᑕᐅᓂᖓᓂ; ᐊᑭᓖᓗᑎᒃ ᐅᑎᖅᑎᕆᓂᕐᒥ ᑰᕋᓛᖑᔪᒥ ᑰᒃᑐᒧᑦ Bernard Harbour–ᒧᑦ ᐃᑲᔪᕐᓂᕐᒧᑦ ᐃᖃᓗᖕᓂ ᓱᕙᐃᔭᖅᑐᓂ; ᐃᓕᓯᓂᕐᒥ $4 ᒥᓕᐊᓐᓂ ᐊᑯᓂᐅᔪᒧᑦ ᐃᖅᑲᓇᐃᔮᓄᑦ ᐱᕕᒃᓴᖃᕐᓂᐅᔪᓂ ᕿᑎᕐᒥᐅᓄᑦ ᐅᔭᕋᖕᓂᐊᕐᓂᐅᑉ ᓯᓚᑖᓄᑦ; ᑐᓂᓯᓂᕐᒥ 80 ᕿᙳᒻᒥᒐᕈᑎᓂᑦ ᐃᓕᓐᓂᐊᕐᕕᓄᑦ ᐊᕕᒃᑐᖅᓯᒪᓂᐅᔪᒥ ᐊᒻᒪ ᐱᒋᐊᖅᑎᑦᑎᓂᕐᒧᑦ ᓂᕿᒃᓴᖃᑦᑎᐊᕐᓂᕐᒧᑦ ᐱᓕᕆᐊᖑᔪᒥ ᓄᕙᒡᔪᐊᕐᓇᖅ–19–ᖑᑎᓪᓗᒍ ᐱᔪᓐᓇᖅᑎᑦᑎᓚᐅᖅᑐᒥ ᐃᖅᑲᓇᐃᔭᖅᑎᓂ ᐃᖅᑲᓇᐃᔭᕈᓐᓇᓚᐅᙱᑦᑐᓂ ᓂᐅᕕᕐᓂᖏᓐᓂ $500–ᓂ ᓂᕿᓂᑦ ᑕᖅᑭᑕᒫᒥ ᑯᐊᐸᒃᑯᑎᒍᑦ.
“ᐊᖏᐸᓗᒃᑐᒥ ᐱᓕᕆᖃᑕᐅᔪᓄᑦ ᐃᓚᐅᑎᑕᐅᓂᐅᔪᓂ ᐊᒻᒪ ᐅᖃᖃᑎᖃᕐᓂᐅᔪᒥ ᐱᑎᑕᐅᓯᒪᕗᑦ ᓴᖅᑭᑎᑕᐅᓂᖓᓂ ᐅᒃᐱᕆᔭᑦᑎᓐᓂ ᓄᑖᖑᔪᓂ ᓈᒻᒪᒋᔭᐅᔪᓂ ᐊᕙᑎᒧᑦ ᓴᐳᔾᔨᓯᒪᓂᐅᔪᒧᑦ ᐅᑭᐅᖅᑕᖅᑐᒥ. ᑎᑭᐅᑎᔪᓐᓇᕋᔭᓚᐅᙱᑕᕗᑦ ᐅᓇ ᐃᓕᓴᕆᔭᐅᓂᐅᔪᖅ ᐊᒃᓱᕈᖅᖢᑎᒃ ᐱᓕᕆᓂᐅᔪᓂ ᐊᒻᒪ ᐃᑲᔪᖅᓯᖅᑕᐅᓂᖏᓐᓂ ᕿᑎᕐᒥᐅᓂ ᐃᓄᐃᑦ ᑲᑐᔾᔨᖃᑎᒌᖑᔪᓄᑦ ᐊᒻᒪ ᓄᓇᓕᓕᒫᖑᔪᓂ ᕿᑎᕐᒥᐅᓂ ᐊᕕᒃᑐᖅᓯᒪᓂᐅᔪᒥ,” ᐅᖃᓚᐅᖅᐳᖅ ᐳᕉᔅ ᒪᒃᓚᐅᑦ, ᓴᐲᓇᒃᑯᑦ ᐊᖓᔪᖅᑳᖓ ᐊᒻᒪ ᐊᐅᓚᑦᑎᔨᒻᒪᕆᖓ.
ᔅᑖᓐᓕ ᐊᓇᑉᓚᒃ, ᐊᖓᔪᖅᑳᖑᔪᖅ ᕿᑎᕐᒥᐅᓂ ᐃᓄᐃᑦ ᑲᑐᔾᔨᖃᑎᒌᖑᔪᓄᑦ, ᑐᓂᓯᓚᐅᖅᐳᖅ ᐅᐱᒋᔭᖃᕐᓂᐅᔪᒥ ᓴᐲᓇᒃᑯᓐᓄᑦ ᑭᒡᒐᖅᑐᐃᓪᓗᓂ ᐃᓄᐃᑦ ᑲᑐᔾᔨᖃᑎᒌᖑᔪᓄᑦ ᐃᓕᑦᑎᓚᐅᖅᑎᓪᓗᒍ ᓵᓚᖃᐅᓯᐊᖑᔪᒥ.
“ᓴᐲᓇ ᐊᒃᓱᕈᖅᖢᑎᒃ ᐱᓕᕆᓯᒪᕗᑦ ᐸᕐᓇᐃᓂᕐᒥ ᒥᒃᖠᒋᐊᖅᑎᑦᑎᓂᕐᒥ ᓱᕋᑦᑎᕆᓂᐅᔪᒥ ᑐᒃᓯᕋᖅᑕᐅᔪᒥ ᑲᖑᖅ ᑕᓯᖓᓐᓂ ᐅᔭᕋᖕᓂᐊᕐᕕᖓᓂ ᒥᑭᓛᖑᔪᒥ ᐊᒃᑐᐃᓂᖃᕐᓂᐊᕐᒪᑦ ᑐᒃᑐᓄᑦ,” ᐊᓇᑉᓚᒃ ᐅᖃᓚᐅᖅᐳᖅ. “ᑕᐃᒪᑐᖅ ᐱᓕᕆᑦᑎᐊᕐᓂᖃᕐᓂᐊᖅᐳᑦ ᐱᔭᕇᖅᓯᓂᖏᓐᓂ ᑮᓇᐅᔭᖃᖅᑎᑕᐅᓂᖏᓐᓂ ᑲᖑᖅ ᑕᓯᕐᒥ ᐅᔭᕋᖕᓂᐊᕐᕕᖓᓂ ᐅᒃᑯᓯᒃᓴᓕᖕᒥ ᐱᓕᕆᐊᒃᓴᐅᔪᒥ. ᐊᐅᓚᑕᐅᓕᖅᐸᑦ ᐅᔭᕋᖕᓂᐊᕐᕕᐅᓗᓂ, ᐅᒃᑯᓯᒃᓴᓕᒃ ᐱᓕᕆᐊᒃᓴᖅ ᑐᓂᓯᓂᐊᖅᐳᖅ ᐊᒥᓱᓂ ᐃᓅᖃᑎᒌᖑᔪᓄᑦ–ᑮᓇᐅᔾᔭᒃᓴᓂᐅᔪᓂ ᐱᕕᒃᓴᖃᕐᓂᐅᔪᓂ ᐊᒻᒪ ᐱᕚᓪᓕᕈᑎᓂᒃ ᐃᓄᖕᓄᑦ ᕿᑎᕐᒥᐅᓂ ᐊᕕᒃᑐᖅᓯᒪᓂᐅᔪᒥ.”