ᓴᓪᓕᕐᒥ ᐱᓕᕆᖃᑕᐅᔪᑦ ᒪᒃᑯᒃᑐᑦ ᒪᒥᓴᕐᓂᕐᒧᑦ ᐱᕕᖃᖅᐳᑦ

ᐊᐅᔭᒃᑯᑦ 2005-ᒥ, ᓯᐅᖃ ᐊᒻᒪᓗ ᓄᐊ ᒪᑐ ᐃᓱᒪᖃᓚᐅᖅᓯᒪᖕᒪᑕ ᐃᑲᔪᕈᒪᓪᓗᑎᒃ ᒪᒃᑯᒃᑐᓂᒃ ᓴᓪᓕᕐᓂ.

ᐅᔨᕈᓱᓚᐅᖅᓯᒪᖕᒪᑕ ᒪᒃᑯᒃᑐᑦ ᐱᕋᔭᕈᓘᔭᖅᖢᑎᒃ ᐊᒻᒪᓗ, ᑕᒪᓂᕐᕆᒥᐊᖅᖢᑎᒃ’ ᓄᓇᓕᒃ ᐱᓕᕆᐊᒃᓴᖃᖏᑎᓪᓗᒍ, ᐊᓱᐅᓛᒃ

ᐅᐃᒌᒃ ᓄᓕᐊᕇᒃ ᐱᒋᐊᖅᑎᑦᑎᓚᐅᖅᓯᒪᕗᑦ 10 ᒪᒃᑯᒃᑐᓂᒃ ᐊᐅᓪᓚᕈᔾᔨᓪᓗᑎᒃ, ᐃᓕᓐᓂᐊᖅᑎᖦᖢᓂᒡᔪᒃ ᐃᖃᓗᒐᓱᖕᓂᕐᒥᒃ,

ᐱᔅᓯᓕᐅᕐᓂᕐᒥᓪᓗ ᐱᕋᔭᖕᓇᖅᑐᒃᑰᖁᔨᖏᒧᑦ.

ᐱᓕᕆᐊᖑᓂᐊᖅᑐᖅ ᐱᓇᓱᐊᕈᓯᐅᑉ ᓄᙳᐊᓂ, ᒪᑐᒃ-ᑯᑦ 52-ᓂᒃ ᒪᒃᑯᒃᑐᓂᒃ ᐊᑎᓕᐅᕈᔾᔨᓪᓗᑎᒃ ᐃᓚᐅᔪᒪᔪᓂᒃ. ᑕᒪᕐᒥᒃ

ᐱᔪᒪᔪᑦ ᐱᔪᓐᓇᖏᓐᓇᒥᒡᔪᒃ, ᐊᓱᐄᓛᒃ ᓄᓇᓕᐅᔪᖅ ᐃᑲᔪᕐᓯᑲᐅᑎᒋᓪᓗᙱᑦ ᐊᑐᕆᐊᓕᖕᓂᑦ ᐊᐅᓪᓛᕈᑎᒧᑦ, ᓂᕿᓂᒃ,

ᐊᓪᓕᓂᕐᓂᒃ ᐊᒻᒪᓗ ᓱᐴᔫᕐᓂᒃ, ᑐᖓᓱᒃᑎᑦᑎᓪᓗᑎᒡᓘᓐᓂᑦ ᐃᒡᓗᕋᓛᕐᒥᓂᒃ ᓯᓂᒃᑕᖁᔨᓪᓗᑎᒃ.

‘ᒪᒥᓴᕐᓂᖅᑕᖃᑦᑎᐊᓚᐅᖅᓯᒪᕗᖅ’. ‘ᐅᖃᓪᓚᕈᓘᔭᖅᖢᑎᒃ, ᐃᒃᐱᒋᔭᖏᑦ ᐊᓂᑎᖅᖢᓂᒡᔪᒃ ᐊᐅᓪᓚᖅᓯᒪᓂᑦᑎᓐᓂ.’

ᐱᓇᓱᐊᕈᓯᐅᑉ ᓄᖑᐊᓂᑐᐃᓐᓇᐅᓂᐊᓚᐅᕋᓗᐊᖅᖢᓂ ᐅᓪᓗᕐᒥᒃ ᐃᓚᔭᐅᓪᓗᓂ ᐃᓚᓯᖁᔨᒐᒥᒃ –

ᓄᖃᖓᓐᓇᐅᖏᒃᑲᓗᐊᖅᑎᓪᓗᒍ – ᑲᔪᓯᑎᑐᐃᓐᓇᖅᖢᑎᒍᑦ ᐊᑐᖅᑕᐅᕙᓪᓕᐊᔪᖅ.

ᑕᐃᒪᖓᓂᒃ ᐃᓕᖅᑯᓯᐅᓕᖅᐳᖅ ᓄᓇᓕᖕᒧᑦ, ᒪᑐᒃᑯᑦ ᐊᕋᒍᑕᒪᑦ ᑭᓇᐅᔭᓂᒃ ᑲᑎᑦᑎᓇᓱᒃᐸᒃᖢᑎᒃ ᑐᕌᖅᑐᒧᑦ

ᐱᓕᕆᐊᕆᕙᒃᑕᒥᓄᓐ ᐊᐅᔭᑕᒪᑦ ᐱᔪᓐᓇᕌᖓᑕ.

‘ᓈᒻᒪᒃᑐᒃᑰᑎᐸᒃᑕᕗᑦ,’ ᐅᖃᖅᐳᖅ ᐱᓕᕆᐊᒃᓴᑦ ᐊᐅᓪᓚᖅᓯᒪᓕᕌᖓᑕ. ‘ᐃᒃᐱᖕᓂᖅ ᓇᖕᒥᓂᒧᑦ ᐊᑲᐅᓯᓕᖅᓴᐃᓪᓗᑕ.’

ᐱᐊᓂᒃᑳᖓᑕ ᐱᓕᕆᐊᕐᒥᓂᒃ ᐱᓱᒃᐸᒃᖢᑎᒃ ᓄᓇᓕᖕᒧᑦ ᓴᓪᓕᓄᑦ – 42 ᑭᓛᒥᑕ ᐅᖓᑎᐊᕐᔪᐊᓂᒃ ᐅᖓᓯᖕᓂᓕᒃ,

‘ᐅᔨᕈᓱᖁᓪᓗᒋᑦ ᒪᒃᑯᒃᑐᑦ ᑭᓱ ᐊᔪᕐᓇᖅᓯᒐᓗᐊᕋᖓᑦ, ᐊᓂᒍᕐᕕᖃᓲᖅ.’

‘ᑭᓕᒐᓛᒃᖢᑎᒃ, ᐊᒥᕐᓛᓪᓗᑎᒡᓗ ᐱᓱᒧᑦ ᐃᓚᖏᑦ ᐱᓱᑦᑎᐊᖏᑉᐸᓕᓵᖅᖢᑎᒃ, ᑭᓯᐊᓂ ᐱᐊᓂᒃᐸᒃᑕᕗᑦ ᐃᓱᓕᖢᑎᒍᑦ

ᐱᓱᒃᑕᕗᑦ.’ ᐅᖃᖅᐳᖅ ᓯᐅᕋ.

ᓄᐊ ᒪᑐ, ᐅᖃᖅᐳᖅ, ᐃᓱᒪᓕᐅᕆᓚᐅᕋᒥ ᐱᓱᖑᖅᑎᑦᑎᓗᑎᒃ ᐊᖁᑎᒃᑯᑦ ᒪᒃᑯᒃᑐᑦ ᐱᓱᑎᐊᓛᖑᓇᓱᒃᖢᑎᒃ ᐱᓱᒃᑎᑎᑐᑦ.

‘ᐅᒃᐱᕆᓚᐅᖏᑦᑕᕋ ᓴᕿᑎᒻᒪᔾᔪᒃ, ᓱᖃᐃᒻᒪ ᑲᖑᑦᑕᐅᓂᖅᐹᖑᓚᐅᕋᒥ ᐱᖃᓐᓇᕆᔭᖅᑕᕆᓵᖅᖢᓂᐅᒃ.’ ᐅᖃᖅᐳ ᓯᐅᕋ.

ᑲᖑᓱᖏᑦᑐᑐᖃᐅᓇᔭᖂᕋᒥᒍᖅ.

ᓯᐅᕋ ᐅᖃᖅᐳᖅ ᐱᓕᕆᖃᑎᖃᖃᑦᑕᕐᓂᖅ ᒪᒃᑯᒃᑐᓂ ᐃᖕᒥᓄᑦ ᐊᒃᑑᑎᖃᑦᑎᐊᖅᓯᒪᒐᒥ, ᐃᑲᔪᖃᑎᒌᖕᓂᖅ

ᐊᑲᐅᔪᑎᖃᕈᓐᓇᕋᒥ ᑭᓇᓕᒪᕐᒧᑦ.

‘ᐃᓲᒪᓘᑏᑦ ᐊᓯᐅᓲᑦ ᐊᖏᕐᕋᒥ’ ᑕᑯᓪᓗᓂ ᐊᓯᒥᓂᒃ ᐊᓯᒥᓂᒃ ᐃᓄᓯᕈᓯᐊᓂᒃ.

ᒪᑐᒃᑯᑦ ᐸᕐᓇᒃᐸᓪᓕᐊᓕᕐᒥᔪᑦ ᐱᓕᕆᐊᖑᓂᐊᖅᑐᒥᒃ ᑕᕿᑦᑎᓐᓂ, ᓯᐅᕋ ᑭᓇᑯᑐᐃᓐᓇᕐᓂᒃ ᐃᓱᒪᓕᐊᖃᕈᑎᒃ ᑕᒪᑐᒪ

ᒥᒃᓵᓄᑦ ᐃᑲᔪᑎᐅᓇᔭᖅᑐᒥᒃ ᓄᓇᓕᖕᓄᑦ ᐱᒋᐊᖁᔨᓪᓗᓂ.

‘ᑕᒪᑦᑕᑦᑎᐊᖅ ᒪᒥᓴᕐᓂᖃᕆᐊᖃᖂᕋᓗᐊᖅᐳᒍᑦ ᖃᑯᒍᑭᐊᖅ,’ ᐅᖃᖅᐳᖅ. ᐃᓱᒪᒋᓚᐅᖅᓯᒪᖏᑕᕗᑦ 10-ᓂ ᒪᒃᑯᒃᑐᓂᒃ

ᐱᔪᒪᑎᓪᓗᑕ ᐊᐅᓪᓚᕈᔾᔨᓗᑕ. ᐊᑐᐊᓂᒃᓯᒪᔪᖅ ᑕᑯᓪᓗᒍ ᑕᐃᒪᐃᔾᔮᕋᓱᒋᓚᐅᖅᓯᒪᖏᑦᑐᖓ, ᑭᓯᐊᓂᓕ ᑕᐃᒪᐃᑉᐳᖅ

ᐅᓪᓗᒥ ᓇᖕᒥᓂᕈᔪᑐᐃᓐᓇᖅ. ᐃᓛᓐᓂᒃᑯᑦ ᐊᑐᔾᔮᕋᓱᒋᙱᑕᕗᑦ ᐊᖁᓵᖅᐸᒃᐸᕗᑦ, ᐊᑲᐅᓂᖅᓴᒃᑯᕐᓇᖅᖢᓂᓗ.