ᖄᒃᑲᓐᓂᐊᒍᑦ, “ᐃᖏᕐᕋᔪᒥ ᐅᓪᓛᕈᒻᒥᑕᕐᒥ” ᑐᓂᔭᐅᓂᐊᖅᐳᖅ ᐱᖓᓱᓄᑦ ᒪᓕᖃᑦᑕᐅᑎᔪᓄᑦ ᓇᒡᒐᔾᔭᐅᒥ (ᑎᓯᐱᕆ 13, 20 ᐊᒻᒪ 27–ᒥ), ᑐᓂᓯᔪᒥ ᐃᓚᒌᖑᔪᓂ ᐱᔭᕆᐊᖃᖅᑐᓂ ᐅᓪᓛᕈᒻᒥᑕᒐᕐᓂ, ᐃᒻᒧᒃ, ᒍᕋᓅᓚ ᐊᒻᒪ ᔫᒐᑦ. ᓂᕆᐅᒋᔭᐅᕗᖅ ᐊᑭᖃᒃᑲᓐᓂᕐᓂᐊᕐᓂᖓᓂ $18,000–ᒥ.
“ᑮᓇᐅᔭᑲᓪᓛᓘᕗᖅ,” ᒪᒃᒥᓂᒥ ᐅᖃᓚᐅᖅᐳᖅ ᑲᑎᓪᓗᒍ $60,000–ᖑᔪᓂ.
ᑮᓇᐅᔭᓂ ᐱᕈᖅᑎᑦᑎᓇᓱᐊᕐᓂᕐᒧᑦ, ᐊᖏᔪᒥ ᐱᙴᖅᑎᑦᑎᓚᐅᖅᐳᑦ. ᖁᕕᐊᓱᒡᕕᖕᒥ ᓂᐅᕕᐊᒃᓴᖃᕐᔪᐊᕐᓂᐅᔪᒥ ᐋᖅᑭᒃᑕᐅᓯᒪᔪᖃᖅᐳᖅ ᑎᓯᐱᕆ 4–ᒧᑦ, ᐊᒻᒪᓗᑦᑕᐅᖅ ᐊᕐᕌᒍᑕᒫᒥ ᐅᖃᓘᑎᒃᑯᑦ ᑮᓇᐅᔭᓕᐅᕋᓱᐊᕐᓂᐅᔪᒥ, ᓴᐃᒪᒻ ᑯᓕᒃᑖᓇ ᐊᒻᒪ ᑎᑕᒃᑎᖏᑦ ᐱᙳᐊᕐᓂᐊᖅᑐᓂ ᐅᓐᓄᖓᓐᓂ ᐃᓚᖃᖅᑐᒥ ᑲᑕᔾᔭᖅᑎᓂ ᐊᒻᒪ ᕿᓚᐅᔾᔭᖅᑎᓂ, ᒪᒃᒥᓂᒥ ᐅᖃᓚᐅᖅᐳᖅ. ᓄᓇᓕᖕᒥᐅᑕᐃᑦ ᐅᖃᓗᖃᑦᑕᖁᔭᐅᕗᑦ ᑮᓇᐅᔭᓂᒃ ᑐᓂᓯᓂᕐᒧᑦ.
ᖃᕋᓴᐅᔭᑎᒍᑦ ᐊᑭᑦᑐᕋᐅᑎᓂᕐᒥ – ᑕᑯᒃᓴᐅᑎᑦᑎᔪᓂ ᓄᓇᓕᖕᓂ ᑐᓐᓂᖅᑯᑕᐅᔪᓂ ᐃᓚᖃᖅᑐᒥ ᐊᐃᐹᑦᓂ, ᕿᓯᖕᒥ ᐊᒻᒪ ᐅᒥᖕᒪᖕᒥ ᓴᓇᓯᒪᔪᓂ, ᓴᓇᐅᒐᓂ ᐊᒻᒪ ᑕᑯᒥᓴᐅᑎᓂᑦ – ᐱᓕᕆᐊᖑᓂᐊᖅᐳᖅ ᐱᓇᓱᐊᕈᓯᐅᔪᒥ ᑎᓯᐱᕆ 5–ᒥ.
ᓱᕈᓰᑦ ᐱᕕᒃᓴᖃᕐᓂᐊᖅᐳᑦ ᖁᕕᐊᓲᓯᐊᕐᓂᖏᓐᓂ ᓵᓐᑕ ᑲᓛᓯᒥ ᐊᒻᒪᓗ ᐊᔾᔨᓕᐅᖅᑕᐅᖃᑎᖃᕐᓗᑎᒃ ᑎᓯᐱᕆ 18–ᒥ. 3,500–ᓂ Timbits–ᓂ Tim Hortons–ᓂ ᐊᒻᒪ ᐆᓇᖅᑐᒥ ᑯᑯᖕᒥ ᐊᑐᐃᓐᓇᐅᓂᐊᖅᐳᑦ ᑕᐃᑲᓂ ᖃᓄᐃᓐᓂᐅᔪᒥ.
ᓵᓐᑕ ᑲᓛᓯᒥ ᐃᖏᕐᕋᔭᖕᓂᐅᔪᖅ ᐅᓪᓗᖅᓯᐅᑎᒦᑉᐳᖅ ᖁᕕᐊᓱᒡᕕᐅᑉ ᑐᖔᓂ.
ᖃᕋᓴᐅᔭᑎᒍᑦ ᐊᔪᙱᓐᓂᐅᔪᓂ ᖁᙱᐊᖅᑕᐅᓂᐅᔪᒥ ᐋᖅᑭᒃᑕᐅᓯᒪᕗᖅ ᑎᓯᐱᕆ 27–ᒧᑦ. ᒪᓕᒃᑕᐅᓂᐊᖅᐳᖅ ᖃᕋᓴᐅᔭᑎᒍᑦ ᒧᒥᕐᓂᐅᔪᒥ ᖃᐅᑎᓪᓗᒍ. ᑕᕐᕆᔭᖅᑎᑕᐅᓂᕐᒥ, ᓈᓚᐅᑎᒃᑯᑦ ᓇᓚᐅᑦᑖᕐᓂᐅᔪᒥ ᐊᒻᒪ ᑲᐃᒃᒥ ᑕᖅᓯᖅᓱᐃᓂᕐᒥ ᓵᓚᖃᕋᓱᐊᕐᓂᐅᔪᒥ ᐃᓚᒋᔭᐅᖃᑕᐅᒋᕗᑦ.
ᓄᕙᒡᔪᐊᕐᓇᖅ-19 ᐊᔪᕐᓇᖅᑎᑦᑎᓚᐅᖅᐳᖅ ᖁᕕᐊᓱᒡᕕᖕᒥ ᖁᕕᐊᓱᖕᓂᐅᔪᒥ ᒪᕐᕈᖓᓂ ᐊᕐᕌᒎᔪᓄᑦ, ᑭᓯᐊᓂ ᖁᒻᒧᐊᔫᓂ ᓱᓕ ᐱᓕᕆᐊᖑᓂᐊᖅᐳᑦ ᑎᑭᑎᑦᑎᓂᕐᒧᑦ ᓄᑖᖑᔪᒥ ᐊᕐᕌᒎᔪᒥ.
“ᓇᓗᓇᐃᖅᓯᓂᖅ ᑭᒃᑯᓕᒫᑦ ᐃᓚᖏᓐᓃᑦᑐᓐᓇᕐᓂᐊᕐᓂᖏᓐᓂ (ᓄᕙᒡᔪᐊᕐᓇᖅ-19–ᒧᑦ) ᑭᒡᓕᖃᖅᑎᑕᐅᓂᐅᔪᓄᑦ ᐊᕐᕌᓂ, ᐊᒻᒪ ᑭᒃᑯᓕᒫᑦ ᐱᐅᔪᒥ, ᐆᓇᖅᑐᒥ ᓂᕆᔭᒃᓴᖃᕐᓂᐊᕐᓂᖏᓐᓂ. ᐱᔾᔪᑎᒃᓴᖃᙱᑦᑎᐊᖅᐳᖅ ᐊᖏᕐᕋᐅᔪᓂ ᑭᓱᖃᙱᓐᓂᖏᓐᓂ, ᓇᓗᓇᐃᖅᓯᑦᑎᐊᕐᓂᐊᖅᐳᒍᑦ, ᐊᒻᒪ ᑲᑎᙵᓂᖃᑦᑎᐊᕐᓂᕐᒧᑦ,” ᒪᒃᒥᓂᒥ ᐅᖃᓚᐅᖅᐳᖅ.
ᑕᒪᑐᒪᓂ ᐊᕐᕌᒎᔪᒥ ᑲᑎᒪᔨᕋᓛᖏᑦ ᖃᔅᓯᒐᓚᖕᓂ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᖃᖅᐳᑦ, ᐊᒥᓱᑦ ᐃᓕᓴᐃᔨᐅᓪᓗᑎᒃ.
“ᐃᑲᔪᒃᑲᐅᕐᔪᐊᖅᐳᑦ ᑕᒫᓃᑎᓪᓗᒋᑦ. ᐃᓚᖏᑦ ᐊᐅᓪᓚᕐᓂᐊᖅᐳᑦ (ᖁᕕᐊᓱᒡᕕᖕᒥ ᕿᑲᕐᓂᐅᔪᒥ) ᐃᓚᖏᓐᓂ ᑕᑯᓯᒪᙱᒻᒪᑕ ᐊᕐᕌᒍᓄᑦ ᒪᕐᕉᖕᓄᑦ,” ᒪᒃᒥᓂᒥ ᐅᖃᓚᐅᖅᐳᖅ ᐃᓕᓴᐃᔨᐅᔪᓂ ᐃᑲᔪᖅᑐᓄᑦ. “ᐅᓄᙱᒃᑲᓗᐊᖅᖢᑎᒃ ᑭᓯᐊᓂ ᐱᓕᕆᒃᑲᒻᒪᕆᐊᓘᕗᑦ ᑲᑎᙵᓂᐅᓪᓗᑎᒃ … ᐊᖏᔪᐊᓘᓪᓗᓂ ᐱᓕᕆᓂᐅᕗᖅ ᑭᓯᐊᓂ ᐃᓱᐊᓂ ᖃᓄᐃᓐᓂᐅᔪᓂ ᐱᓕᕆᔪᒥᓇᑦᑎᐊᖅᐳᖅ.”
ᓗᐊᕆ ᕉᑎᒃ, ᐊᑕᐅᓯᐅᔪᒥ ᐃᓕᓴᐃᔨᐅᔪᓄᑦ ᑲᑎᒪᔨᕋᓛᖑᔪᓂ ᖃᔅᓯᐊᕐᔪᖕᓄᑦ ᐊᕐᕌᒍᓄᑦ, ᐅᖃᓚᐅᖅᐳᖅ ᐊᓕᐊᓇᐃᒋᔭᖃᕐᓂᖓᓂ ᐃᓚᐅᖃᑕᐅᓂᕐᒥ ᐱᒋᐊᕈᑕᐅᔪᒥ “ᐅᕙᓐᓄᑦ, ᖁᕕᐊᓱᒡᕕᒃ ᓄᓇᓕᓄᑦ ᑐᕌᖓᖕᒪᑦ – ᐸᐸᑦᑏᓐᓇᕐᓂᕐᒧᑦ ᐱᖅᑯᓯᐅᔪᓂ ᐱᒋᐊᖅᑕᐅᓚᐅᖅᑐᓂ ᐊᕐᕌᒍᒐᓴᓂ ᖁᕐᓗᖅᑐᕐᒥᐅᓄᑦ ᑐᓂᓯᕗᖅ ᐱᕕᒃᓴᖃᕐᓂᐅᔪᒥ ᑕᒪᒃᑭᓗᒃᑖᖑᔪᓄᑦ ᐆᒪᓂᕐᒧᑦ ᐊᒻᒪ ᐃᓕᑦᑎᓂᕐᒧᑦ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐱᓐᓇᕆᔭᐅᔪᓂ ᓲᕐᓗ ᐱᔨᑦᓯᕐᓂᕐᒥ ᐊᒻᒪ ᐱᓕᕆᖃᑎᒌᖕᓂᕐᒧᑦ.”