ᕕᕗᐊᕆ ᓇᓗᓇᐃᖅᓯᕗᖅ ᐊᕐᕌᒍᑕᒫᒥ ᖃᓄᐃᓐᓂᐅᔪᒥ ᖁᕕᐊᓱᒍᑎᖃᖅᑐᒥ ᐊᔾᔨᒌᙱᓐᓂᐅᔪᒥ, ᐱᐅᓯᕐᒥ ᐊᒻᒪ ᐱᒻᒪᕆᐅᓂᖓᓂ ᐃᓄᒃᑐᒻᒥ ᓄᓇᕗᒻᒥ, ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ.
“ᐅᐱᓐᓇᖅᐳᖅ ᖁᕕᐊᓱᒍᑎᖃᕐᓂᕐᒥ ᐃᓄᒃᑐᒻᒥ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᕐᒥ ᓄᓇᓕᖕᓂ ᓄᓇᕗᓕᒫᒥ. ᑕᒪᑐᒪᓂ ᑕᖅᑭᐅᔪᒥ ᐱᕕᒃᓴᖃᑦᑎᐊᕐᓂᐅᕗᖅ ᑕᑯᒃᓴᐅᑎᑦᑎᓂᕐᒥ ᐅᐱᒋᓂᑦᑎᓐᓂ ᐅᖃᐅᓯᑦᑎᓐᓂ,” ᐅᖃᓚᐅᖅᐳᖅ ᔪᐊᓇ ᖁᐊᓴ, ᓄᓇᕗᒻᒥ ᒥᓂᔅᑕᖓ ᐃᓕᖅᑯᓯᓕᕆᔨᒃᑯᓐᓂ ᐃᑦᑕᕐᓂᓴᓕᕆᓂᕐᒧᓪᓗ.
ᐱᓕᕆᓂᐅᔪᖅ ᑕᒪᑐᒧᖓ ᐊᕐᕌᒎᔪᒥ ᖁᕕᐊᓱᒍᑕᐅᔪᒥ ‘ᖃᒡᒋᖅ–ᖑᕗᖅ’ ᐃᒡᓗᕕᒐᕐᔪᐊᕌᓗᒃ ᐃᓄᐃᑦ ᑲᑎᑉᐸᓚᐅᕐᓂᖏᓐᓂ ᖁᕕᐊᓱᒍᑎᖃᕐᓂᕐᒥ ᖃᐅᒪᓂᖅᓴᐅᔪᓂ ᐅᓪᓗᓂᑦ. ᐃᓄᐃᑦ ᐊᒻᒪ ᓄᓇᓖᑦ ᑲᑎᖃᑎᒌᒃᐸᓚᐅᖅᐳᑦ ᓂᕆᖃᑎᒌᒡᓗᑎᒃ, ᐱᙳᐊᕐᓗᑎᒃ ᐱᖅᑯᓯᑐᖃᖅᑎᒍᑦ ᐱᙳᐊᕐᓂᐅᔪᓂ, ᐃᙱᕐᓗᑎᒃ ᐱᖅᑯᓯᑐᖃᖅᑎᒍᑦ ᐱᓯᕐᓂ ᐊᒻᒪ ᕿᓚᐅᔾᔭᕐᓗᑎᒃ.
“ᑕᒪᑦᑕ ᐃᓚᐅᖃᑕᐅᓪᓗᐊᖅᐳᒍᑦ ᐸᐸᑦᑎᓇᓱᑐᐃᓐᓇᙱᓪᓗᑕ ᑭᓯᐊᓂ ᓴᙱᒃᑎᒋᐊᖅᓯᓗᑕ ᐃᓄᒃᑐᒻᒥ. ᐊᔭᐅᕆᕗᖓ ᓄᓇᕗᒻᒥᐅᓕᒫᓂ ᐊᑐᕐᓂᕐᒧᑦ ᐃᓄᒃᑐᒻᒥ ᐊᖏᕐᕋᒥ ᐊᒻᒪᓗ ᐃᖅᑲᓇᐃᔭᕐᕕᖕᒥ, ᐊᒻᒪ ᐱᒻᒪᕆᐅᓂᖅᓴᐅᔪᒥ ᓇᒡᓕᒋᔭᖃᕐᓂᕐᒥ ᐅᖃᐅᓯᑦᑎᓐᓂ ᐅᖃᐅᓯᖃᕐᓗᑕ ᕿᑐᕐᙵᑦᑎᓐᓂ,” ᐃᓚᒋᐊᖅᓯᓚᐅᖅᐳᖅ ᖁᐊᓴ.
ᓇᓗᓇᐃᖅᓯᓂᐅᓂᐊᖅᑐᖅ ᑕᒪᑐᒧᖓ ᐊᕐᕌᒎᔪᒥ ᐃᓚᖃᕐᓂᐊᖅᐳᖅ ᑕᕐᕆᔭᓕᐊᖑᔪᓂ ᐃᓄᑐᖃᕐᓂ ᐅᓂᒃᑳᖅᑐᐊᖅᑐᓂ ᐊᑐᕐᓂᖃᐅᑎᖓᓂ ᖃᒡᒋᕐᒥ ᓄᓇᓕᖏᓐᓂ, ᐃᓅᖃᑎᒌᖑᔪᓄᑦ ᓯᐊᒻᒪᖅᑎᑦᑎᓂᐅᔪᓂ ᑕᑯᒃᓴᐅᑎᑦᑎᔪᒥ ᐅᖃᐅᓯᕐᒥ ᐃᑲᔪᖅᓱᐃᔨᐅᔪᓂ ᐊᒻᒪ ᐃᓕᓴᐃᔨᐅᔪᓂ ᓄᓇᕗᒻᒥ ᐊᒻᒪ ᐱᖅᑯᓯᑐᖃᖅᑎᒍᑦ ᐅᖃᐅᓯᕐᒥ ᓵᓚᖃᕋᓱᐊᕐᓂᐅᔪᒥ ᑲᑎᙵᑎᑦᑎᔪᒥ ᐃᓄᐃᑦ ᐃᓕᖅᑯᓯᖓᓐᓄᑦ.
ᓄᓇᕗᒻᒥ ᒐᕙᒪᒃᑯᑦ ᓇᓗᓇᐃᖅᓯᓚᐅᕆᕗᑦ ᐱᓕᕆᖃᑎᒋᓂᕆᔭᖓᓂ Microsoft–ᑯᓐᓂ, ᑐᓂᓯᔪᒥ ᐃᓄᒃᑎᑐᑦ Microsoft ᑐᑭᓕᐅᕆᓂᖓᓂ. ᑕᒪᑐᒪᓂ ᐊᕐᕌᒎᔪᒥ ᐊᑐᐃᓐᓇᖃᖅᑎᑦᑎᕗᖅ ᖃᓕᐅᔮᖅᐸᐃᒥ ᐊᒻᒪ ᐃᓄᐃᓐᓇᖅᑐᓐ ᑐᑭᓕᐅᕆᓂᐅᔪᒥ.
“ᐅᐱᓐᓇᖅᐳᖅ ᐃᑲᔪᖅᓱᐃᖏᓐᓇᕐᓂᕐᒥ ᓄᓇᕗᒻᒥ ᒐᕙᒪᒃᑯᓐᓂ ᐅᕙᓂ ᐱᒻᒪᕆᐅᔪᒥ ᐱᓕᕆᓂᐅᔪᒥ,” ᐅᖃᓚᐅᖅᐳᖅ ᑲᕙᓐ ᐲᒃᔅᑐᕐ, ᐊᖓᔪᖅᑳᖅ Microsoft ᑲᓇᑕᒥ.
“ᓄᑖᙳᖅᐸᓪᓕᐊᓂᐅᔪᓂ ᐃᓄᒃᑎᑐᑦ ᐅᖃᐅᓯᕐᒥ ᐆᒃᑑᑎᐅᔪᖅ – ᑭᐅᓂᕐᒥ ᓄᓇᓕᖕᒥ – ᐊᒻᒪ ᐃᓚᒋᐊᖅᑕᐅᓂᖓᓂ ᐃᓄᐃᓐᓇᖅᑐᒻᒥ Microsoft ᑐᑭᓕᐅᕆᓂᐅᔪᒥ ᓇᓗᓇᐃᖅᓯᓂᐊᖅᐳᖅ ᐃᓄᒃᑐᑦ ᐱᕈᖅᐸᓪᓕᐊᖏᓐᓇᕐᓂᖓᓂ ᐃᓕᖅᑯᓯᖃᑎᒌᖑᔪᓄᑦ ᑎᑭᓐᓂᐊᖅᑐᓄᑦ,” ᐃᓚᒋᐊᖅᓯᓚᐅᖅᐳᖅ.