ᐱᓕᒻᒪᒃᓴᓂᐅᔪᒥ ᑲᑎᒪᓂᐅᔪᒥ ᐃᖃᓗᖕᓂ ᑲᔪᖏᖅᓴᐃᓂᐅᔪᒥ ᐱᔭᕆᐊᖃᓚᐅᖅᑕᖓᓂ ᑑᑎ ᕿᔪᖕᒧᑦ, ᓄᓇᓕᖕᓂ ᐃᓱᒪᒧᑦ ᖃᓄᐃᙱᑦᑎᐊᕐᓂᐅᔪᒥ ᐱᓕᕆᔨᐅᔪᖅ ᖃᒪᓂᑦᑐᐊᕐᒧᑦ, ᑲᒪᒋᔭᖃᕐᓂᕐᒥ ᐱᓇᓱᐊᕈᓯᐅᔪᒥ ᖁᙱᐊᖅᑕᐅᓂᐅᔪᓂ ᐊᒻᒪ ᓄᓇᓕᖕᓂ ᑲᑎᖃᑎᖃᕐᓂᐅᔪᓂ ᐊᖏᕐᕋᖓᓂ ᓄᓇᓕᖓᓂ.

“ᐱᒻᒪᕆᐅᕗᖅ ᓄᓇᓕᐅᔪᖅ ᖃᐅᔨᒪᔪᓐᓇᕐᓂᐊᕐᒪᑦ ᐃᑲᔪᖅᑕᐅᓂᖃᕐᓂᖓᓂ ᐊᒻᒪ ᑲᑐᔾᔨᖃᑎᒌᖑᔪᓂ ᐃᑲᔪᕈᒪᑐᐃᓐᓇᖅᐳᑦ ᐃᓱᒪᒧᑦ ᐊᑲᐅᙱᓕᐅᕈᑕᐅᔪᓂ ᐅᕝᕙᓘᓐᓃᑦ ᐅᖃᓪᓚᖃᑎᖃᕐᓂᕐᒧᑦ,” ᐅᖃᓚᐅᖅᐳᖅ ᕿᔪᒃ, ᐋᖅᑭᒃᓱᐃᓚᐅᖅᑐᒥ ᐱᓇᓱᐊᕈᓯᐅᔪᒥ ᖁᙱᐊᖅᑕᐅᓂᐅᔪᓂ ᐊᒻᒪ ᐅᖃᖅᑎᐅᔪᓂ ᓄᕕᐱᕆ 21-25−ᒧᑦ.

ᐅᖃᖅᑎᐅᔪᓂ ᑲᓇᑕᒥ ᐸᓖᓯᒃᑯᓐᓂ, ᒪᓕᒐᓕᕆᓂᕐᒧᑦ ᐱᓕᕆᔨᕐᔪᐊᖑᔪᓂ ᐊᒻᒪ ᐊᓯᖏᓐᓂ ᑲᑐᔾᔨᖃᑎᒌᖑᔪᓂ ᐅᖃᐅᓯᖃᓚᐅᖅᐳᑦ ᐅᖃᐅᔾᔨᓂᖏᓐᓂ ᑲᒪᒋᔭᖃᕐᓂᕐᒥ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑲᐅᙱᓕᐅᕈᑕᐅᔪᓄᑦ ᐊᒻᒪ ᓇᒧᑦ ᐃᓄᐃᑦ ᓴᖑᔪᓐᓇᕐᓂᖏᓐᓂ, ᖁᙱᐊᖅᑕᐅᓂᐅᔪᑦ ᓄᓇᓕᖕᓂ ᑎᑕᒃᑎᓂ ᐅᐸᒃᑎᑦᑎᓚᐅᖅᑐᓂ ᐃᓄᒋᐊᓂᒃ ᖁᙱᐊᕆᐊᖅᑐᖅᖢᑎᒃ.

ᕿᔪᒃ ᓇᓚᐅᑦᑖᕆᓚᐅᖅᐳᖅ ᐅᓄᕐᓂᖅᓴᐅᔪᓂ 60−ᓂ ᐃᓄᖕᓂ ᐅᓐᓄᑕᒫᒥ – ᑕᐃᑲᓂᒐᓚᒃ ᓇᐃᓴᐃᔪᓐᓃᓚᐅᖅᐳᖓ.

“ᐱᓇᓱᐊᕈᓯᐅᓚᐅᖅᐳᖅ ᖃᓄᐃᓐᓂᐅᔪᓂ ᑕᐃᒫᒃ ᓄᓇᓕᐅᔪᖅ ᖃᒪᓂᑦᑐᐊᕐᒥ ᖃᐅᔨᒪᕗᑦ ᑲᑐᔾᔨᖃᑎᒌᒃᑕᖃᕐᓂᖓᓂ ᐅᕙᓂ ᖃᒪᓂᑦᑐᐊᕐᒥ ᐅᐸᒍᓐᓇᖅᑕᖏᓐᓂ ᐃᑲᔪᖅᑕᐅᔭᕆᐊᖃᕈᑎᒃ, ᐅᖃᖃᑎᖃᕐᓂᕐᒧᑦ ᑭᓇᑐᐃᓐᓇᒧᑦ,” ᐅᖃᓚᐅᖅᐳᖅ.

ᐃᓱᒪᓕᐅᕐᓂᖃᓚᐅᖅᐳᖅ ᐱᓕᒻᒪᒃᓴᐃᓂᐅᔪᒥ ᑲᑎᒪᓂᐅᔪᒥ ᐃᖃᓗᖕᓂ, ᐊᑕᐅᓯᐅᔪᒥ ᐅᖃᖅᑎᐅᔪᓂ ᐅᖃᓪᓚᓚᐅᖅᑎᓪᓗᒍ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐱᓇᓱᐊᕈᓯᐅᔪᒥ ᐱᓕᕆᐊᖑᓚᐅᖅᑐᒥ ᓄᕕᐱᕆᒥ.

“ᑲᔪᖏᖅᓴᓚᐅᖅᐹᖓ ᐱᓕᕆᓂᕐᒥ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᐅᔪᒥ,” ᐅᖃᓚᐅᖅᐳᖅ ᕿᔪᒃ.

ᓯᕗᓪᓕᖅᐸᐅᔪᒥ ᐅᓐᓄᖓᓂ ᑕᑯᓚᐅᖅᐳᑦ rapper ᑯᕆᔅᑎᐊᓪ ᑕᒍᕐᓈᒥᒃ ᖁᙱᐊᖅᑕᐅᓂᖓᓂ, ᒪᓕᒃᑕᐅᔪᒥ ᑲᑕᔾᔭᖅᑎᓂ, ᕿᓚᐅᔾᔭᖅᑎᓂ ᐊᒻᒪ ᐃᓄᒃᑯᑦ ᐱᓕᕆᓂᐅᔪᒥ beatboxer ᓂᐅᓪᓯᓐ ᑕᒍᕐᓈ ᑕᑯᒃᓴᐅᑎᑦᑎᓂᖃᖅᖢᓂ.

ᕿᔪᒃ ᐅᖃᓚᐅᖅᐳᖅ ᐊᕐᕌᒍᑕᒫᒥ ᖃᓄᐃᓐᓂᙳᕈᓐᓇᕐᓂᖓᓂ ᓯᕗᓂᒃᓴᐅᔪᒥ, ᑐᓴᕋᒥ ᐱᐅᔪᓂ ᑭᐅᓂᐅᔪᓂ ᐊᖓᔪᖅᑳᖑᔪᓂ ᐊᒻᒪ ᓱᕈᓯᕐᓂ, ᖁᕕᐊᓱᓚᐅᖅᑐᓂ ᖃᐅᔨᓂᕐᒧᑦ ᐃᑲᔪᖅᑕᐅᓂᖃᕐᔪᐊᕐᓂᖓᓂ ᐊᑐᐃᓐᓇᐅᔪᓂ.

Leave a comment

Your email address will not be published. Required fields are marked *