Skip to content

ᐃᓄᐃᑦ ᐃᓕᓐᓂᐊᖅᑎᑦᑎᔩᑦ ᓯᕗᓕᖅᑎᐅᓚᐅᖅᑐᑦ ᒥᑭᔪᓂᒃ ᐃᑯᒪᓂᒃ ᐋᖅᑭᒃᓱᐃᓂᕐᒧᑦ

ᐊᒥᓱᑦ ᓯᑭᑑᑦ ᓯᑕᒪᓖᓪᓗ ᐊᑭᖃᙱᑦᑐᒃᑯᑦ ᐋᖅᑭᒃᓱᖅᑕᐅᓚᐅᖅᑐᑦ 8-ᖑᔪᓄᑦ ᑯᐊᐸᒃᑯᑦ ᓴᓇᔨᖏᓐᓄᑦ ᓄᓇᕗᒥᐅᑕᓄᑦ ᐃᓚᐅᖃᑕᐅᑉᓗᒍ ᒥᑭᔪᓂᒃ ᐃᑯᒪᓂᒃ ᐋᖅᑭᒃᓱᐃᔪᓐᓇᖅᓯᔪᒪᓂᕐᒧᑦ ᐃᓕᓐᓂᐊᕈᑎᒃᑯᑦ ᑲᖏᖅᖠᓂᕐᒥ ᐃᓕᓐᓂᐊᓚᐅᖅᑐᑦ ᐱᓇᓱᐊᕈᓯᐅᓚᐅᖅᑐᒥ.
27496150_web1_211215-KIV-eng_1
Participants and instructors of the small engine repair course in Rankin Inlet gather with their certificates. From left to right, back row are Jolly Parr, West Baffin Co-op, Jefferson Killitkee, Tununiq Sauniq Co-op, Silas Etuk, Taqqut Co-op, Peter Jr. Atatsiak, Sanavik Co-op, Scott Kadlutsiak, Igloolik Co-op, Sandy Kaunak, Tununiq Sauniq Co-op, Jimmy Evalik, Ikaluktutiak Co-op, Robbie Aglukka, Naujat Co-op. In front are instructors Jamie Nakashuk and Jackie Nowdluk from the Pangnirtung Co-op. Photo courtesy of Sherry Smadella ᐃᓚᐅᖃᑕᐅᔪᑦ ᐊᒻᒪᓗ ᐃᓕᓐᓂᐊᖅᑎᑦᑎᔨᑦ ᒥᑭᔪᓂᒃ ᐃᑯᒪᓂᒃ ᐋᖅᑭᒃᓱᐃᔨᐅᓂᕐᒧᑦ ᐃᓕᓐᓂᐊᕈᑎᒥᒃ ᑲᖏᖅᖠᓂᕐᒥ ᑲᑎᓚᐅᖅᑐᑦ ᓇᓗᓇᐃᒃᑯᑕᖅᑖᖅᖢᑎᒃ. ᑐᓄᐊᓂ, ᓴᐅᒥᖅᖠᕐᒥ, ᔭᓕ ᐹᕐ, West Baffin ᑯᐊᐸᒃᑯᓐᓂᕐᒥᐅᑕᖅ; ᔨᕗᓴᓐ ᕿᓕᖅᑎ, ᑐᓄᓂᖅ ᓴᐅᓂᖅ ᑯᐊᐸᒃᑯᓐᓂᕐᒥᐅᑕᖅ; ᓴᐃᓚᔅ ᐃᑦᑐᖅ, ᑕᖅᑯᑦ ᑯᐊᐸᒃᑯᓐᓂᕐᒥᐅᑕᖅ; ᐲᑕ ᓄᑲᖏᖅᖠᖅ ᐊᑦᑖᑦᓯᐊᖅ, ᓴᓇᕝᕕᒃ ᑯᐊᐸᒃᑯᓐᓂᕐᒥᐅᑕᖅ, ᓯᒃᑲᑎ ᖃᑉᓗᑦᓯᐊᖅ, ᐃᒡᓗᓕᒃ ᑯᐊᐸᒃᑯᓐᓂᕐᒥᐅᑕᖅ; ᓴᓐᑎ ᖃᐅᓐᓇᖅ, ᑐᓄᓂᖅ ᓴᐅᓂᖅ ᑯᐊᐸᒃᑯᓐᓂᕐᒥᐅᑕᖅ ᔨᒥ ᐃᕙᓕᒃ, ᐃᖃᓗᒃᑑᑦᑎᐊᖅ ᑯᐊᐸᒃᑯᓐᓂᕐᒥᐅᑕᖅ; ᐊᒻᒪᓗ ᕋᐱ ᐊᒡᓘᒃᑲᖅ, ᓇᐅᔮᑦ ᑯᐊᐸᒃᑯᓐᓂᕐᒥᐅᑕᖅ. ᓯᕗᓂᐊᓂ ᐃᓕᓐᓂᐊᖅᑎᑦᑎᔩᑦ ᔭᐃᒥ ᓇᑲᓱᒃ ᐊᒻᒪᓗ ᔮᑭ ᓇᐅᓪᓚᖅ ᐸᓐᓂᖅᑑᖅ ᑯᐊᐸᒃᑯᓐᓂᕐᒥᐅᑖᒃ.

ᐊᒥᓱᑦ ᓯᑭᑑᑦ ᓯᑕᒪᓖᓪᓗ ᐊᑭᖃᙱᑦᑐᒃᑯᑦ ᐋᖅᑭᒃᓱᖅᑕᐅᓚᐅᖅᑐᑦ 8-ᖑᔪᓄᑦ ᑯᐊᐸᒃᑯᑦ ᓴᓇᔨᖏᓐᓄᑦ ᓄᓇᕗᒥᐅᑕᓄᑦ ᐃᓚᐅᖃᑕᐅᑉᓗᒍ ᒥᑭᔪᓂᒃ ᐃᑯᒪᓂᒃ ᐋᖅᑭᒃᓱᐃᔪᓐᓇᖅᓯᔪᒪᓂᕐᒧᑦ ᐃᓕᓐᓂᐊᕈᑎᒃᑯᑦ ᑲᖏᖅᖠᓂᕐᒥ ᐃᓕᓐᓂᐊᓚᐅᖅᑐᑦ ᐱᓇᓱᐊᕈᓯᐅᓚᐅᖅᑐᒥ.

“ᓴᕆᒪᒋᑦᑎᐊᖅᑕᒃᑲ ᑖᑉᑯᐊ ᐊᖑᑎᑦ,” ᑕᐃᒪᓐᓇ ᐅᖃᖅᖢᓂ ᓯᐅᕆ ᓯᒪᑎᓚ, ᐃᓕᓐᓂᐊᕈᑎᒥᒃ ᑲᒪᔨ ᐃᓚᒌᒃᓴᒃᑯᓐᓄᑦ.

ᑕᒪᓐᓇ ᐃᓕᓐᓂᐊᕈᑎ ᐋᖅᑭᒃᓱᖅᑕᐅᓯᒪᔪᖅ ᐃᓕᓐᓂᐊᕈᑕᐅᔪᓐᓇᖁᑉᓗᒍ ᓄᓇᓕᖕᓂᒃ ᑯᐊᐸᒃᑯᑦ ᐃᑯᒪᓕᕆᔨᖏᓐᓄᑦ ᐃᓕᓐᓂᐊᒃᑲᓐᓂᕈᓐᓇᖁᑉᓗᒋᑦ ᐱᕚᓪᓕᕈᑎᒃᓴᒃᑯᑦ ᓴᓇᕝᕕᖏᓐᓂᒃ ᐃᑯᒪᓕᕆᔨᐅᓂᖏᓐᓂᒡᓗ.

“ᓯᕗᓪᓕᖅᐹᑦᑎᐊᕐᒥ ᐃᓄᖕᓂᒃ ᐃᓕᓐᓂᐊᖅᑎᑦᑎᔨᓂᒃ ᐊᑐᖅᑐᒍᑦ, ᑕᒪᓐᓇ ᐱᒻᒪᕆᐊᓗᒃ ᑲᔪᓯᑎᓯᒪᔭᖅᐳᑦ,” ᑕᐃᒪᓐᓇ ᐅᖃᖅᖢᓂ ᓯᒪᑎᓚ.

ᐃᓕᓐᓂᐊᖅᑎᑦᑎᔨᐅᓚᐅᖅᑐᑦ ᔭᐃᒥ ᓇᑲᓱᒃ ᐊᒻᒪᓗ ᔮᑭ ᓇᐅᓪᓚᖅ, ᐸᓐᓂᖅᑑᑉ ᑯᐊᐸᖓᓂᕐᒥᐅᑖᒃ.

“ᓯᕗᓪᓕᖅᐹᑦᑎᐊᕐᒥ ᐃᓕᓐᓂᐊᖅᑎᑦᑎᒋᐅᖅᖢᑎᒡᓗ, ᖁᔭᓐᓇᒦᖅᑕᒃᑲ ᐃᓕᓐᓂᐊᖅᑎᑦᑎᔪᓐᓇᕐᓂᕋᓚᐅᕐᒪᑎᒃ ᓴᓇᔨᑖᒃᑲᓐᓂᕈᓐᓇᖁᑉᓗᑕ ᐃᓄᖕᓂᒃ ᐃᓕᓐᓂᐊᖅᑎᑦᑎᔨᒃᓴᓂᒃ, ᐊᒻᒪᓗ ᑕᐃᒪᑐᖅ ᓯᕗᓂᒃᓴᒥ ᐃᓕᓐᓂᐊᖅᑎᑦᑎᖃᑦᑕᒃᑲᓐᓂᕈᒫᖅᑎᓪᓗᑕ, ᐃᓕᑦᑎᓯᒪᔪᓂᒃ ᐃᓕᓐᓂᐊᖅᑎᑦᑎᖃᑕᐅᔪᖃᖃᑦᑕᕈᒫᖅᐳᖅ.”

ᒪᕐᕉᒃ ᑯᐊᐸᒃᑯᑦ ᓴᓇᔨᖏᑦ ᐃᓕᓐᓂᐊᖃᑕᐅᓚᐅᖅᑑᒃ ᑭᕙᓪᓕᕐᒥᐅᑕᐅᓚᐅᖅᑑᒃ: ᐲᑕ ᓄᑲᖅᖠᖅ ᐊᑦᑖᑦᓯᐊᖅ ᖃᒪᓂ’ᑐᐊᕐᒥᐅᑕᖅ ᐊᒻᒪᓗ ᕋᐱ ᐊᒡᓘᒃᑲᖅ ᓇᐅᔮᕐᒥᐅᑕᖅ.

ᐊᑦᑖᑦᓯᐊᖅ ᐅᖃᓚᐅᖅᑐᖅ ᐊᓕᐊᓇᐃᑦᑐᐊᓘᓚᐅᖅᑐᕉᖅ ᑲᖏᖅᖠᓂᕐᒥ ᐃᓕᑦᑎᕙᓪᓕᐊᑉᓗᓂ ᐊᔾᔨᒌᙱᑦᑐᑕᐅᔪᓂᒃ ᐃᑯᒪᓂᒃ “ᐋᖅᑭᒃᓯᓚᐅᖅᑐᒍᑦ ᐃᒻᒪᖄ 15-ᓂᒃ 20-ᓄᑦ ᓯᑭᑑᓂᒃ ᐱᓇᓱᐊᕈᓯᐅᑉ ᐃᓗᐊᓂ,” ᑕᐃᒪᓐᓇ ᐅᖃᖅᖢᓂ ᐅᑎᕋᒥ ᐊᖏᕐᕋᒥᓄᑦ ᖃᒪᓂ’ᑐᐊᕐᒧᑦ. ᐊᕐᕕᓂᓕᖕᓂᒃ ᐅᑉᓗᓂᒃ ᐃᓕᓐᓂᐊᖅᑎᓪᓗᒋᑦ ᑲᖏᖅᖠᓂᕐᒥᐅᑦ ᓯᑭᑑᒥᓂᒃ ᐊᔾᔭᖅᑐᐃᖃᑦᑕᓚᐅᖅᑐᑦ ᐱᓕᕆᕝᕕᐅᔪᒧᑦ, ᐃᓛᓐᓂᒃᑯᑦ ᐳᐊᕐᕆᔭᖅᑕᐅᓯᒪᔪᑦ ᐱᖅᓯᖅᑳᓚᐅᖅᑎᓪᓗᒍ ᐊᒻᒪᓗ ᑲᒪᒋᔭᐅᓕᖅᖢᑎᒃ ᐱᓇᓱᐊᕈᓯᕐᒥᒃ ᑕᐃᑲᓂᑦᑕᐃᓐᓇᖅ, ᐃᑯᒪᓕᕆᔨᓄᑦ ᑲᒪᒋᔭᐅᓂᐊᖅᖢᑎᒃ ᐃᓕᓐᓂᐊᖅᑎᑦᑎᔨᑦ ᒥᐊᓂᖅᓯᔨᖏᑦ ᑕᐅᑐᒃᑎᓪᓗᒋᑦ.

ᐊᑐᓂ ᐃᓕᓐᓂᐊᖅᑎᑕᐅᔪᑦ ᐃᓕᑕᕆᔭᐅᔾᔪᑎᑖᓚᐅᖅᑐᑦ ᐃᓕᓐᓂᐊᕌᓂᒃᑲᒥᒃ.

ᓯᒪᑎᓚ ᐅᖃᖅᖢᓂ ᐃᓕᓐᓂᐊᕈᑎ ᑐᙵᕕᖃᕐᒪᑦ ᑯᐊᐸᒃᑯᑦ 7-ᖑᔪᒃᑯᑦ ᒪᓕᒐᖏᑦᑎᒍᑦ: ᐃᓕᓐᓂᐊᕐᓂᖅ ᐊᒻᒪᓗ ᐃᓕᓐᓂᐊᒃᑲᓐᓂᕈᓐᓇᕐᓂᖅ. ᐅᖃᖅᖢᓂ ᐱᒻᒪᕆᐊᓘᖕᒪᑦ ᓄᓇᓕᖕᓂ ᑯᐊᐸᒃᑯᓐᓄᑦ ᓴᓇᔨᖏᑦ ᐃᑯᒪᓕᕆᔪᓐᓇᕆᐊᖃᕐᓂᖏᓐᓄᑦ, ᓯᑕᒪᓕᖕᓂᒃ ᐋᖅᑭᒃᓱᐃᔪᓐᓇᕆᐊᖃᕐᓂᖏᓐᓄᑦ ᐊᒻᒪᓗ ᐊᓯᖏᓐᓂᒃ ᒥᑭᔪᓂᒃ ᐃᑯᒪᓂᒃ ᐊᐅᓪᓛᕈᑎᓂᒃ ᐊᑐᖅᑕᐅᕙᒃᑐᓂᒃ ᐅᑭᐅᖅᑕᖅᑐᒥ.

“ᖁᕕᐊᓱᒃᑐᑦ ᑕᑯᑉᓗᒋᑦ ᐃᓕᑕᕆᔭᐅᔾᔪᑎᑖᕌᖓᒥᒃ,” ᑕᐃᒪᓐᓇ ᐅᖃᖅᖢᓂ ᓯᒪᑎᓚ. “ᐱᒻᒪᕆᐊᓗᒃ ᐃᓕᑕᖅᓯᖃᑦᑕᕆᐊᖃᕐᓂᑉᑎᓐᓄᑦ ᐱᐊᓂᒃᓯᔪᖃᕌᖓᑦ.”