Skip to content

ᐊᒥᓱᒻᒪᕆᐊᓗᐃᑦ ᑐᓐᓂᖅᑯᑎᒋᔭᐅᔪᓂ ᐃᓕᓐᓂᐊᕐᕕᖕᒧᑦ ᓱᓇᒃᑯᑖᓂ ᑎᑭᑉᐸᓪᓕᐊᕗᑦ

ᐅᒥᐊᕐᔪᐊᓂ ᐅᓱᕙᒃᑐᑦ ᑎᑭᑉᐸᓪᓕᐊᑎᓪᓗᒋᑦ ᓄᓇᓕᖕᓂ ᓄᓇᕗᒻᒥ, ᐃᓚᒋᔭᐅᔪᓂ ᑲᑎᙵᓂᐅᔪᓂ ᓄᑖᖑᔪ ᐃᒡᓗᒥᐅᑕᓂᒃ, ᓄᓇᓯᐅᑎᓂᒃ ᐊᒻᒪ ᓂᕿᓂᑦ ᐃᓕᓐᓂᐊᕐᕕᖕᒧᑦ ᓱᓇᒃᑯᑖᓂ ᑐᓐᓂᖅᑯᑕᐅᔪᓂ ᖃᓪᓗᓈᑦ ᓄᓇᖓᓐᓂ.
26283395_web1_210823-NUN-schoolsupplies_2
ᐊᓯᖏᓐᓂ ᑲᑎᙵᓂᐅᔪᓂ ᖁᕕᐊᓱᒃᑐᓂ ᓱᕈᓯᕐᓂ ᐃᒡᓗᓕᒑᕐᔪᖕᒥ ᐱᑲᐅᖅᑐᓚᐅᖅᑐᓂ ᓄᑖᓂ ᓇᖕᒪᒐᕐᒥᓂ ᐱᒋᐊᕐᓂᖓᓂ 2020-21−ᒥ ᐃᓕᓐᓂᐊᕐᓂᕐᒧᑦ ᐊᕐᕌᒍᖓᓂ. ᑐᓐᓂᖅᑯᓯᐊᑦ ᑎᑭᓚᐅᖅᐳᑦ ᑐᓂᔭᐅᓪᓗᑎᒃ ᐅᑭᐅᖅᑕᖅᑐᒥ ᑲᓇᑕᒥ ᐱᓕᕆᒃᓴᕋᓛᖑᔪᓂ.

ᐅᒥᐊᕐᔪᐊᓂ ᐅᓱᕙᒃᑐᑦ ᑎᑭᑉᐸᓪᓕᐊᑎᓪᓗᒋᑦ ᓄᓇᓕᖕᓂ ᓄᓇᕗᒻᒥ, ᐃᓚᒋᔭᐅᔪᓂ ᑲᑎᙵᓂᐅᔪᓂ ᓄᑖᖑᔪ ᐃᒡᓗᒥᐅᑕᓂᒃ, ᓄᓇᓯᐅᑎᓂᒃ ᐊᒻᒪ ᓂᕿᓂᑦ ᐃᓕᓐᓂᐊᕐᕕᖕᒧᑦ ᓱᓇᒃᑯᑖᓂ ᑐᓐᓂᖅᑯᑕᐅᔪᓂ ᖃᓪᓗᓈᑦ ᓄᓇᖓᓐᓂ.

ᐅᑭᐅᖅᑕᖅᑐᒥ ᑲᓇᑕᒥ ᐱᓕᕆᒃᓴᕋᓛᖑᔪᓂ ᓇᒃᓯᐅᔾᔨᓚᐅᖅᐳᑦ ᕼᐊᓐᓇᓚᖏᓐᓂ ᕿᑐᑦᑐᒐᐅᔭᕐᓂ ᑲᓗᒐᒃᓴᓂ ᐅᖃᓕᒫᒐᓂ, ᐅᓂᒃᑳᖃᑦᑎᐊᖅᑐᓂ ᐅᖃᓕᒫᒐᕐᓂ, ᑎᑎᕋᐅᑎᓂᑦ, ᐋᖅᑭᒃᓱᒐᕐᓂ, ᐃᒪᖃᐅᑎᓂᑦ ᐊᒻᒪ ᐊᓯᖏᓐᓂ ᐃᓕᓐᓂᐊᕐᕕᐊᕈᓯᕐᓂ ᓱᓇᒃᑯᑖᓂ ᐅᑭᐅᖅᑕᖅᑐᒥ ᐊᕐᕌᓂᐅᓚᐅᖅᑐᒥ ᐊᒻᒪᓗ ᓱᓕᒃᑲᓐᓂᖅ ᑎᑭᑉᐸᓪᓕᐊᔪᒧᑦ ᐃᓕᓐᓂᐊᕐᓂᒧᑦ ᐊᕐᕌᒎᔪᒧᑦ.

ᔩᓂ ᐅᒡᔪᒃ, ᐃᒃᓯᕙᐅᑕᐅᔪᖅ ᑕᓗᕐᔪᐊᒥ ᐃᓕᓐᓂᐊᖅᑐᓕᕆᔨᒃᑯᓐᓄᑦ ᑲᑎᒪᔨᖏᓐᓄᑦ, ᖁᙱᐊᓚᐅᖅᐳᖅ ᐊᓕᐊᓇᐃᒍᓱᖕᓂᐅᔪᒥ ᑐᓐᓂᖅᑯᑕᐅᔪᓂ ᓇᖕᒪᒑᓂ, ᐱᓗᐊᖅᑐᒥ, ᑐᓂᔭᐅᔪᓄᑦ ᓱᕈᓯᕐᓄᑦ ᐊᕐᕌᓂᐅᓚᐅᖅᑐᒥ.

“ᓱᕈᓰᑦ ᖁᔭᓕᔾᔪᑎᒋᕐᔪᐊᖅᐸᖓᑦ,” ᐅᖃᓚᐅᖅᐳᖅ ᐅᒡᔪᒃ. “ᑕᑯᕙᙱᓚᑎᑦ (ᐊᔾᔨᐸᓗᐊᓂ ᓱᓇᒃᑯᑖᓂ) ᓂᐅᕕᕐᕕᖕᒥ ᖁᓕᕈᐊᖏᓐᓂ ᓄᓇᓕᖕᓂ. ᓯᕗᓪᓕᐅᔾᔭᐅᑎᑕᐅᓗᐊᙱᒻᒪᑕ, ᐊᒻᒪᓗ ᐊᑭᑐᕗᖅ ᑭᓱᑐᐃᓐᓇᓂ ᑎᑭᓴᐃᓂᕐᒧᑦ ᑕᐃᒫᒃ ᖁᔭᒋᔭᐅᕐᔪᐊᖅᐳᑦ…ᓇᖕᒪᒑᑦ ᐊᑐᖅᑕᐅᒐᔪᒃᐳᑦ ᐅᓪᓗᒃᑯᑦ ᐊᐅᓪᓛᕐᓂᐅᔪᓄᑦ ᐊᒻᒪ ᑭᓱᑐᐃᓐᓇᕐᓄᑦ.”

ᐃᓚᒋᐊᖅᓯᓚᐅᖅᐳᖅ ᐱᐅᓂᐅᒃᑲᓐᓂᕆᕗᖅᓂᕈᐊᖅᑕᐅᓯᒪᔪᑐᐊᓄᑦ ᐃᓕᓐᓂᐊᖅᑎᐅᔪᑦ ᐱᑐᐃᓐᓇᖅᐸᙱᓐᓂᖏᓐᓂ ᑐᓐᓂᖅᑯᑕᐅᔪᓂ ᐃᓕᓐᓂᐊᕐᕕᖕᒧᑦ ᓱᓇᒃᑯᑖᖑᔪᓂ, ᑕᒪᒃᑭᓕᒫᑦ ᓱᕈᓯᐅᔪᑦ ᐃᓕᓐᓂᐊᕆᐊᖅᐸᒃᑐᓂ ᐱᕚᓪᓕᕈᑎᖃᕐᓂᖏᓐᓂ.

ᓯᓐᑎ ᑎᓕᓐ, ᓇᓂᓯᔨᐅᔪᖅ ᐅᑭᐅᖅᑕᖅᑐᒥ ᑲᓇᑕᒥ ᐱᓕᕆᒃᓴᕋᓛᖑᔪᓂ, ᑲᔪᖃᑎᒌᒃᓯᒪᔪᓂ ᑐᓂᓯᔨᐅᔪᓂ ᑲᓇᑕᓕᒫᒥ ᐃᑲᔪᖅᓱᐃᓲᖑᔪᓂ ᐊᔾᔨᒌᙱᑦᑐᓄᑦ ᐱᔾᔪᑕᐅᔪᓄᑦ ᐊᕐᕌᒍᓕᒫᒥ.

“ᓇᒃᓯᐅᔾᔨᓲᖑᕗᒍᑦ ᐃᓕᓐᓂᐊᕐᕕᖕᓄᑦ ᓱᓇᒃᑯᑖᓂ ᖃᐅᔨᑐᐊᕈᒪ ᐱᑕᖃᙱᓗᐊᕐᓂᖓᓂ ᐊᒻᒪᓗ ᑭᓱᑐᐃᓐᓇᕐᓄᑦ ᓲᕐᓗ ᐃᓕᓐᓂᐊᕌᓂᒃᑳᖓᑕ ᓴᓇᐅᒐᓕᕆᓂᕐᒧᑦ ᐱᓕᕆᐊᖑᔪᓄᑦ,” ᐅᖃᓚᐅᖅᐳᖅ, ᐃᓚᒋᐊᖅᓯᓪᓗᓂ ᓵᓚᒃᓴᒐᒃᓴᐅᔪᓂ ᐱᔪᒪᓂᖃᕈᓐᓇᐅᑎᓂ ᐱᓕᕆᐊᖑᔪᓄᑦ ᓲᕐᓗ ᐱᓕᕆᑦᑎᐊᕐᓂᖓᓂ ᓇᐃᓴᐅᓯᕆᓂᕐᒧᑦ ᖃᐅᔨᓴᕐᓂᐅᔪᒥ ᐅᕝᕙᓘᓐᓃᑦ ᐱᐅᓯᒋᐊᖅᑐᒥ ᐅᐸᑦᑎᐊᖃᑦᑕᕐᓂᖓᓂ ᓇᒃᓯᐅᔾᔭᐅᓲᖑᒋᕗᑦ. “ᐃᓕᓴᐃᔩᑦ (ᐅᕝᕙᓘᓐᓃᑦ) ᐃᓕᓴᐃᔨᓄᑦ ᐊᖓᔪᖅᑳᖑᔪᑦ ᐊᓯᖏᓪᓗ ᐅᕙᓐᓄᑦ ᐅᖃᖃᑦᑕᖅᐳᑦ ᑭᓱᓂ ᐱᖃᙱᓐᓂᖏᓐᓂ ᐅᕝᕙᓘᓐᓃᑦ ᐱᔪᓐᓇᙱᑕᖏᓐᓂ ᐊᒻᒪ ᐊᓱᐃᓛᒃ ᐃᑲᔪᕆᐊᓲᖑᕗᒍᑦ.”

ᓴᓗᒻᒪᖅᓴᐅᑎᓂ ᐱᖁᑎᑕᖃᕐᓂᐊᖅᐳᖅ ᐸᖅᑭᓂᐅᔪᓂ ᐱᖁᑎᓂᑦ ᑕᒪᑐᒪᓂ ᐊᕐᕌᒎᔪᒥ ᑎᓕᓐ ᑐᓴᓚᐅᕐᒪᑦ ᖃᔅᓯᐊᕐᔪᖕᓂ ᓄᓇᕗᒻᒥ ᐃᓕᓴᐃᔨᐅᔪᓂ ᐃᓚᖏᓐᓂ ᑮᓇᐅᔾᔭᒃᓴᓂᑭᑦᑐᓂ ᐊᖏᕐᕋᐅᒧᓂ, ᐃᒡᓗᖃᖅᑎᐅᔪᑦ ᐃᓛᓐᓂᒃᑯᑦ ᓂᕈᐊᕆᐊᖃᖅᐸᖕᓂᖏᓐᓂ ᓂᕿᓂᒃ ᓂᐅᕕᕐᓂᕐᒥ ᐅᕝᕙᓘᓐᓃᑦ ᓂᐅᕕᕐᓂᕐᒥ ᓴᓗᒻᒪᖅᓴᐅᑎᒋᓚᖕᓂ.

ᑎᓕᓐ ᐅᖃᐅᔾᔭᐅᒑᖓᒥ ᑭᓱᓪᓚᕆᖕᓂ ᐱᔭᕆᐊᖃᕐᓂᐅᔪᓂ, ᑎᑎᕋᓲᖑᕗᖅ ᐅᑭᐅᖅᑕᖅᑐᒥ ᑲᓇᑕᒥ ᐱᓕᕆᒃᓴᕋᓛᖑᔪᓂ ᕙᐃᔅᐳᒃᑯᑦ ᒪᒃᐱᖅᑐᒐᖓᓐᓂ ᐅᖃᐅᔾᔨᓂᕐᒧᑦ ᐊᒥᓱᐊᓗᖕᓂ ᐃᑲᔪᖅᓱᐃᔨᐅᔪᓄᑦ.

“ᓇᒃᓯᐅᔾᔨᓲᖑᕗᒍᑦ ᑭᓱᑐᐃᓐᓇᓂ ᐅᑭᐅᖅᑕᖅᑐᒥ ᐸᐃᕆᕝᕕᖕᓄᑦ ᐱᔭᕆᐊᓕᖕᓄᑦ ᖁᑦᑎᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕕᐊᕈᓯᕐᓄᑦ,” ᐅᖃᓚᐅᖅᐳᖅ.

ᓄᖅᑲᑐᐃᓐᓇᓲᖑᙱᓚᑦ ᐃᓕᓐᓂᐊᕐᕕᖕᓄᑦ ᓱᓇᒃᑯᑖᓄᑦ. ᐅᑭᐅᖅᑕᖅᑐᒥ ᑲᓇᑕᒥ ᐱᓕᕆᒃᓴᕋᓛᖑᔪᓂ ᑐᓂᓯᕐᔪᐊᓲᖑᒋᕗᑦ ᖁᕕᐊᓱᒡᕕᐅᑎᓪᓗᒍ. ᖃᓂᒋᔭᖓᓂ 4,600−ᓂ ᖁᕕᐊᓲᓯᐊᓂ ᓇᒃᓯᐅᔾᔭᐅᓚᐅᖅᐳᑦ ᓱᕈᓯᕐᓄᑦ ᓄᓇᕗᓕᒫᒥ ᖁᕕᐊᓱᒡᕕᐅᓚᐅᖅᑐᒥ, ᐅᖃᐅᓯᐅᓪᓗᓂ ᑎᓕᓐᒧᑦ. ᐊᓯᖏᓐᓂ ᖁᕕᐊᓲᓯᐊᓂ ᐃᓄᑐᖃᕐᓄᐊᓚᐅᖅᐳᑦ ᐊᒻᒪ ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᓄᑦ.

ᑲᑎᙵᓂᐅᔪᖅ ᐃᑲᔪᕐᓂᖃᕐᔪᐊᓚᐅᕆᕗᖅ ᐃᓗᓪᓕᖅᓱᐃᓂᖓᓂ ᐃᒡᓗᓕᒑᕐᔪᖕᒥ ᐸᐃᕆᕝᕕᖓᓂ ᐃᓕᓐᓂᐊᕈᑎᒃᓴᓄᑦ ᐱᙳᐊᓂ ᐊᒻᒪᓗ ᐱᒋᐊᖅᑎᑦᑎᓂᕐᒥ ᐊᔪᖅᓴᖅᑐᓄᑦ ᓂᕿᑖᕐᕕᖕᒥ ᓄᓇᓕᐅᔪᒥ ᐊᕐᕌᒎᑉ ᐃᓚᖓᓐᓂ ᓯᕗᓂᐊᓂ.

ᑐᓂᓯᔨᐅᔪᑦ ᐱᓕᕆᕙᒃᐳᑦ ᑮᓇᐅᔭᓂ ᐱᕈᖅᓴᐃᓂᐅᔪᓂ ᓇᓗᓇᐃᖅᓯᓂᕐᒧᑦ ᐃᓄᑐᖃᑦ ᓂᕿᒃᓴᖃᕐᓂᖏᓐᓂ, ᐊᒻᒪ ᐃᓚᖏᑦ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑐᐃᔪᑦ ᐱᔭᒃᓴᖃᕐᓂᖓᓂ ᐊᑐᓂ ᓱᕈᓯᐅᔪᖅ ᐊᑑᑎᖃᖅᐳᖅ ᕿᐱᓂ ᐃᓄᑐᖃᕐᓄᑦ ᐊᑐᓚᐅᖅᓯᒪᔪᓂ ᐊᐅᓪᓚᖅᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ ᐊᕐᕌᒎᔪᓂ.

“ᓇᒃᓯᐅᔾᔨᕙᒃᐳᒍᑦ ᐱᖁᑎᓂᒃ ᐃᕿᑦᑐᓐᓇᖅᑕᒥᓂᑦ. ᓄᓇᓕᖕᒥᐅᑕᐅᕗᑦ ᓂᐱᖃᙱᖦᖢᑎᒃ ᐊᒃᓱᕈᕐᓯᒪᕐᔪᐊᖅᐳᑦ,” ᑎᓕᓐ ᐅᖃᓚᐅᖅᐳᖅ.