Skip to content

ᐊᕐᕕᐊᑦ ᐸᕐᓇᒃᐳᑦ ᐃᓄᒃᑎᑐᑦ ᒧᒥᕐᓂᕐᒥ ᓵᓚᖃᕋᓱᐊᕐᓂᐅᔪᒥ

“ᓄᕙᒡᔪᐊᕐᓈᓗᒃ ᐅᕙᑦᑎᓐᓂ ᓄᖅᑲᖓᑎᑦᑎᓚᐅᖅᐳᖅ ᐊᕐᕌᒍᓄᑦ ᒪᕐᕉᖕᓄᑦ,” ᐅᖃᖅᐳᖅ ᕼᐋᓇ ᒪᒃᐸ, ᑭᓯᐊᓂ ᐃᒻᒥᓂᒃ ᐊᒻᒪ ᑲᑎᒪᔨᕋᓛᖑᖃᑎᖏᓐᓂ ᖁᕕᐊᑉᐳᑦ ᐅᑎᖅᑎᕆᓂᐊᕐᓂᕐᒥ ᒪᕐᕈᖓᓂ ᐊᕐᕌᒍᑕᒫᒥ ᔪᐊᔾ ᕼᐋᐸᓈᖅ ᐃᖅᑲᐅᒪᓂᕐᒧᑦ ᐃᓄᒃᑎᑐᑦ ᒧᒥᕐᓂᕐᒥ ᓵᓚᖃᕋᓱᐊᕐᓂᐅᔪᒥ ᐊᕐᕕᐊᓂᑦ ᓄᕕᐱᕆ 10-13−ᒧᑦ.
30718297_web1_221019-KIV-InukArviatSquareDance_1
ᔪᐊᔾ ᕼᐋᐸᓈᖅ ᐊᓕᐊᓇᐃᒋᔭᖃᕐᔪᐊᓚᐅᖅᐳᖅ ᐃᓄᒃᑎᑐᑦ ᒧᒥᕐᓂᕐᒥ. ᓄᕙᒡᔪᐊᕐᓇᕐᒥ ᑭᒡᓕᖃᖅᑎᑕᐅᓂᐅᔪᓂ ᑭᒍᕙᕆᐊᖅᑎᑦᑎᓚᐅᖅᐳᖅ ᖃᓄᐃᓐᓂᐅᔪᒥ ᖃᔅᓯᒐᓚᖕᓄᑦ ᐊᕐᕌᒍᓄᑦ, ᑭᓯᐊᓂ ᐋᖅᑭᒃᓱᐃᔨᐅᔪᓂ ᑲᑎᒪᔨᕋᓛᖑᔪᓂ ᒪᕐᕈᖓᓂ ᐊᕐᕌᒍᑕᒫᒥ ᔪᐊᔾ ᕼᐋᐸᓈᖅ ᐃᖅᑲᐅᒪᓂᕐᒧᑦ ᐃᓄᒃᑎᑐᑦ ᒧᒥᕐᓂᕐᒥ ᓵᓚᖃᕋᓱᐊᕐᓂᐅᔪᒥ ᖁᕕᐊᓱᒃᐳᑦ ᐅᑎᖅᑎᕆᓂᕐᒥ ᐊᕐᕕᐊᓄᑦ ᓄᕕᐱᕆ 10-13−ᒧᑦ.

“ᓄᕙᒡᔪᐊᕐᓈᓗᒃ ᐅᕙᑦᑎᓐᓂ ᓄᖅᑲᖓᑎᑦᑎᓚᐅᖅᐳᖅ ᐊᕐᕌᒍᓄᑦ ᒪᕐᕉᖕᓄᑦ,” ᐅᖃᖅᐳᖅ ᕼᐋᓇ ᒪᒃᐸ, ᑭᓯᐊᓂ ᐃᒻᒥᓂᒃ ᐊᒻᒪ ᑲᑎᒪᔨᕋᓛᖑᖃᑎᖏᓐᓂ ᖁᕕᐊᑉᐳᑦ ᐅᑎᖅᑎᕆᓂᐊᕐᓂᕐᒥ ᒪᕐᕈᖓᓂ ᐊᕐᕌᒍᑕᒫᒥ ᔪᐊᔾ ᕼᐋᐸᓈᖅ ᐃᖅᑲᐅᒪᓂᕐᒧᑦ ᐃᓄᒃᑎᑐᑦ ᒧᒥᕐᓂᕐᒥ ᓵᓚᖃᕋᓱᐊᕐᓂᐅᔪᒥ ᐊᕐᕕᐊᓂᑦ ᓄᕕᐱᕆ 10-13−ᒧᑦ.

ᖃᓄᐃᓐᓂᐅᔪᒥ ᐅᓪᓗᖏᑦ ᑕᐃᑲᙵᐅᕗᖅ 2016−ᒥ, ᐋᖅᑭᒃᓱᐃᔨᐅᔪᑦ ᑲᑎᒪᔨᕋᓛᑦ ᐋᖅᑭᒃᑕᐅᑎᓪᓗᒋᑦ ᓴᓇᓂᕐᒧᑦ ᐃᖅᑲᐅᒪᓂᐅᔪᒥ ᐃᓄᒃᑎᑐᑦ ᒧᒥᕐᓂᕐᒥ ᓵᓚᖃᕋᓱᐊᕐᓂᐅᔪᒥ ᐱᓕᑉ ᑭᒍᒥᐅᑦᓇᕐᒧᑦ, ᐃᓄᑐᖃᐅᔪᒥ ᐃᓄᑦᑎᑐᑦ ᒧᒥᕆᐅᓚᐅᖅᑐᒥ ᐃᓐᓇᐅᓂᖅᓴᐅᓕᖅᑎᓪᓗᒍ ᐊᒻᒪ ᐊᓕᐊᓇᐃᒋᕐᔪᐊᖅᖢᓂᐅᒃ. ᐃᓄᒃᑎᑐᑦ ᒧᒥᕐᓂᐅᔪᑦ ᐃᖅᑲᐅᒪᓪᓗᑎᒃ ᕕᓕᑉᒥ ᐱᓕᕆᐊᖑᓚᐅᖅᐳᑦ 2017−ᒥ ᐊᒻᒪ 2018−ᒥ.

ᐃᓚᒌᖑᔪᓄᑦ ᐱᔾᔪᑕᐅᔪᓄᑦ, ᐊᑎᖓ ᓵᓚᖃᕋᓱᐊᕐᓂᐅᔪᒥ ᐊᓯᔾᔨᖅᑕᐅᓚᐅᖅᐳᖅ ᒪᒃᐸ’ᐅᑉ ᐊᐃᖓᓄᑦ ᓯᕗᓂᐊᓂ 2019−ᒥ ᖃᓄᐃᓐᓂᐅᔪᒥ, ᓯᕗᓪᓕᖅᐸᐅᓪᓗᓂ ᐊᕐᕌᒍᑕᒫᒥ ᔪᐊᔾ ᕼᐋᐸᓈᖅ ᐃᖅᑲᐅᒪᓂᕐᒧᑦ ᐃᓄᒃᑎᑐᑦ ᒧᒥᕐᓂᐅᔪᒥ.

“ᖁᕕᐊᒋᑦᑎᐊᓚᐅᖅᐸᖓ ᐊᒻᒪ ᐊᓕᐊᓇᐃᒋᕐᔪᐊᖅᖢᓂᐅᒃ ᐃᓄᒃᑎᑐᑦ ᒧᒥᕐᓂᕐᒥ ᐊᒻᒪ ᐃᒻᒥᓂᒃ ᐃᓚᐅᖃᑕᐅᓚᐅᖅᐳᖅ ᖃᓄᐃᓐᓂᐅᔪᒥ,” ᐅᖃᖅᐳᖅ ᒪᒃᐸ ᐊᐃᒋᓚᐅᖅᑕᒥᓂ ᔪᐊᔾᒥ, ᐃᓅᔪᓐᓃᓚᐅᖅᑐᒥ ᐋᓐᓂᐊᕐᓂᐅᔪᒥ ᐊᑲᐅᙱᓕᐅᕈᑕᐅᔪᓄᑦ

ᐋᖅᑭᒃᓱᐃᔨᐅᔪᑦ ᐃᖅᑲᓇᐃᔭᖅᑎᑦᑎᓂᐊᖅᐳᖅ ᓂᕈᐊᖅᑎᐅᓂᐊᖅᑐᓂ ᑲᑎᖅᓱᖅᑕᐅᕙᓪᓕᐊᔪᓂ ᓇᐃᓴᐅᓯᕆᓂᐊᖅᑐᓂ, ᐊᒻᒪ ᐊᖏᐸᓗᒃᑐᓂ ᓵᓚᖃᐅᓯᐊᒃᓴᖃᕐᓂᐊᖅᐳᖅ ᐱᔭᐅᔪᒃᓴᓂ, ᐃᓚᖃᖅᑐᒥ $10,000−ᒥ ᓯᕗᓪᓕᖅᐸᐅᔪᓄᑦ ᒧᒥᖅᑎᐅᔪᓄᑦ.

“ᖁᕝᕙᕆᐊᖅᑎᑦᑎᓇᓱᐊᓚᐅᕋᓗᐊᖅᐳᒍᑦ ᓵᓚᖃᐅᓯᐊᒃᓴᓂ,” ᐅᖃᖅᐳᖅ ᒪᒃᐸ, ᐃᓚᒋᐊᖅᓯᓪᓗᓂ ᐅᕙᒦᑦ ᐊᒻᒪ ᓵᓚᖃᐅᓯᐊᒃᓴᑯᓗᖕᓂ ᑎᑭᓴᖅᑕᐅᓯᒪᓂᖏᓐᓂᑦᑕᐅᖅ.

ᒫᓐᓇᒧᑦ ᑎᑭᖦᖢᒍ, ᒧᒥᖅᑎᓂ ᐊᕐᕕᐊᓂ ᐊᒻᒪ ᑲᖏᖅᖠᓂᕐᒥ ᐊᑎᓕᐅᕆᓯᒪᕗᑦ, ᐊᒻᒪ ᒪᒃᐸ ᓂᕆᐅᖕᓂᖃᖅᐳᖅ ᑕᑯᓂᐊᕐᓂᖓᓂ ᒧᒥᖅᑎᓂ ᑎᑭᕋᕐᔪᐊᕐᒥ.

ᑲᖏᖅᖠᓂᖅ ᐱᐅᔪᓂ ᐊᑐᕐᓂᑯᓂᖃᖅᐳᑦ ᐆᒥᖓ ᐱᓗᐊᖅᑐᒥ ᖃᓄᐃᓐᓂᐅᔪᒥᑦᑕᐅᖅ, ᒪᒃᑯᒃᑐᓂ ᒧᒥᖅᑎᓂ ᑭᕙᓪᓕᕐᒥ ᐊᖓᔪᖅᑳᖃᕐᕕᖓᓂ ᓵᓚᖃᓚᐅᖅᑐᓂ 2019−ᒥ ᒧᒥᕐᓂᐅᔪᒥ.

“ᐊᓕᐊᓇᐃᕐᔪᐊᖅᐳᖅ ᑕᑯᓂᕐᒥ ᐊᓯᖏᓐᓂ ᐃᓄᖕᓂ ᐊᒻᒪ ᐊᔪᙱᕐᔪᐊᕐᓂᖏᓐᓂ,” ᒪᒃᐸ ᐅᖃᖅᐳᖅ.

ᒪᒃᐸ ᓂᕆᐅᖕᓂᖃᓗᐊᖅᐳᖅ ᑭᓱᓕᒫᑦ ᐊᐅᓚᑦᑎᐊᕐᓂᐊᕐᓂᖏᓐᓂ ᐊᒻᒪ ᐋᓐᓂᖅᑐᖃᙱᓪᓗᓂ.