Skip to content

ᐱᔭᐅᔪᒪᕐᔪᐊᓗᐊᒧᑦ, ᓄᖑᕈᑎᓚᐅᖅᐳᑦ ᐅᕕᕈᕐᓂ

ᖃᒪᓂᑦᑐᐊᕐᒥ ᒪᒃᑯᖕᓂᖅᓴᓂ ᑲᓇᑕᒥ ᐅᓇᑕᖅᑐᒃᓴᙳᐊᓂ ᐱᓕᕆᐊᖑᔪᒥ ᑕᑯᕗᖅ ᖁᑦᑎᓛᖑᔪᒥ ᐱᔪᒪᓂᐅᔪᒥ
32109733_web1_230315-KIV-bakerrangers_1
95−ᓂ ᖃᒪᓂᑦᑐᐊᕐᒥ ᒪᒃᑯᒃᑐᓂ ᐃᓚᐅᖃᑕᐅᓚᐅᖅᐳᑦ ᒪᒃᑯᖕᓂᖅᓴᓂ ᑲᓇᑕᒥ ᐅᓇᑕᖅᑐᒃᓴᙳᐊᓂ ᐱᓕᕆᐊᖑᔪᒥ ᕕᕗᐊᕆᒥ. ᐱᖓᓱᐃᖅᓱᓪᓗᐊᖅᑐᒥ ᐱᔪᒪᓂᖃᓚᐅᖅᐳᑦ ᐋᖅᑭᒃᓱᐃᔨᐅᔪᓂ ᓂᕆᐅᖕᓂᕆᓚᐅᖅᑕᖓᓂ.

ᓗᐊᐃᒃ ᓛᓕᐅᕐ, ᐅᓇᑕᖅᑐᒃᓴᙳᐊᕐᓄᑦ ᐃᓕᓴᐃᔨᐅᔪᖅ ᐊᒻᒪ ᐃᓚᒋᔭᐅᔪᒥ ᓯᕗᓪᓕᖅᐸᐅᔪᒥ ᑲᓇᑕᒥ ᐅᓇᑕᖅᑐᒃᓴᙳᐊᓂ ᑲᑎᙵᓂᐅᔪᒥ ᔭᓗᓇᐃᕝᒥ, ᓇᒃᓴᖅᑎᓪᓗᒍ ᒪᒃᑯᖕᓂᖅᓴᓂ ᑲᓇᑕᒥ ᐅᓇᑕᖅᑐᒃᓴᙳᐊᓂ ᐱᓕᕆᐊᖑᔪᒥ ᖃᒪᓂᑦᑐᐊᕐᒧᑦ ᕕᕗᐊᕆᒥ, ᐃᓱᒪᓚᐅᖅᐳᖅ 30−ᒐᓚᖕᓂ ᒪᒃᑯᒃᑐᓂ ᓴᖅᑭᓐᓂᐊᕐᓂᖏᓐᓂ.

“ᐃᓱᐊᓂ 95−ᒐᓚᖕᓂ ᒪᒃᑯᒃᑐᓂ ᓴᖅᑭᑦᑐᖃᓚᐅᖅᐳᖅ ᐊᒻᒪ ᐊᓐᓄᕌᒃᓴᓂ ᓄᖑᕈᑎᓚᐅᖅᐳᒍᑦ ᑐᓂᓯᓂᕐᒥ,” ᐅᖃᓚᐅᖅᐳᖅ, ᐅᖃᖅᖢᓂ ᑕᒪᓐᓇ ᐱᐅᓪᓗᓂ ᐊᑲᐅᙱᓕᐅᕈᑕᐅᕗᖅ.

“ᐱᐅᔪᒻᒪᕆᐊᓘᓪᓗᓂ ᐱᓕᕆᐊᖑᓂᐅᕗᖅ ᐊᒻᒪ ᐱᒋᐊᑦᑎᐊᕐᔪᐊᓚᐅᖅᐳᖅ, ᐅᓄᕐᓂᖅᓴᐅᔪᓂ ᓂᕆᐅᒋᓚᐅᖅᑕᑦᑎᓐᓂ ᓱᓕᓪᓗᖓ.”

ᓛᓕᐅᕐ ᐅᖃᓚᐅᖅᐳᖅ ᐸᕐᓇᐅᑎᒃᓴᓂ ᐱᓕᕆᐊᖑᓯᒪᕗᑦ ᐊᑯᓂᐸᓗᖕᒥ ᓇᒃᓴᕐᓂᕐᒥ ᒪᒃᑯᖕᓂᖅᓴᓂ ᑲᓇᑕᒥ ᐅᓇᑕᖅᑐᒃᓴᙳᐊᓂ (JCR) ᐱᓕᕆᐊᖑᒧᒥ ᖃᒪᓂᑦᑐᐊᕐᒧᑦ, ᐅᓇᑕᖅᑐᒃᓴᙳᐊᓂ ᐱᓕᕆᐊᓂᖃᖅᑐᓂ, ᑭᓯᐊᓂ ᐸᐃᑉᐹᓕᕆᓂᖅ ᒫᓐᓇᓕᓴᐅᔪᒥ ᐱᔭᕇᖅᑕᐅᑕᐃᓐᓇᓚᐅᖅᐳᖅ ᐊᒻᒪ ᐃᒻᒥᓂᒃ ᐊᒻᒪ ᑲᑎᙵᓂᕆᔭᖓᑦ ᐳᓚᕋᕈᓐᓇᓚᐅᖅᐳᑦ ᓄᓇᓕᖕᓄᑦ ᐱᒋᐊᖅᑎᑕᐅᓂᖓᓂ ᑕᖅᑭᐅᓚᐅᖅᑐᒥ.

“ᐊᐅᓚᑕᐅᕗᖅ ᓄᓇᓕᖕᓂ,” ᓛᓕᐅᕐ ᐅᖃᓚᐅᖅᐳᖅ ᒪᒃᑯᖕᓂᖅᓴᓂ ᑲᓇᑕᒥ ᐅᓇᑕᖅᑐᒃᓴᙳᐊᓂ ᐱᓕᕆᐊᖑᔪᒥ. “ᓴᖑᓴᕋᐃᑦᑑᓪᓗᓂ ᐱᓕᕆᐊᖑᕗᖅ. ᓄᓇᓕᖕᓂ ᐅᖃᐅᓯᒃᓴᖏᓐᓂ ᐱᔪᒪᑐᐃᓐᓇᖅᐳᒍᑦ ᐱᔪᓐᓇᕐᓂᓕᒫᖏᓐᓂ. ᐃᓱᐊᓂ ᑐᕌᒐᒃᓴᕆᔭᖓ ᐆᒪᙵᑦ ᐱᓕᕆᐊᖑᔪᒥ ᐅᕙᑦᑎᓐᓂ ᐊᐅᓚᑦᑎᓂᕐᒥ ᐅᖓᓯᒃᑐᒥ ᐊᒻᒪ ᓄᓇᓕᒃ ᐊᐅᓚᑦᑎᓗᑎᒃ ᐱᓕᕆᐊᖑᔪᒥ ᐊᒻᒪ ᐱᓕᕆᓗᓂᔾᔪᒃ.”

ᖃᒪᓂᑦᑐᐊᕐᒥ, ᐃᑲᔪᓚᐅᖅᐳᖅ ᐱᓕᒻᒪᒃᓴᐃᓂᕐᒥ ᒪᒃᑯᒃᑐᓂ ᐅᓇᑕᖅᑐᒃᓴᓂ ᖃᓄᐃᓕᐅᕈᑕᐅᔪᓂ, ᐱᓕᒻᒪᒃᓴᓂᐅᔪᓂ ᐱᓕᕆᖃᑎᖃᖅᖢᑎᒃ ᐊᒻᒪ ᓴᓇᓂᕐᒥ ᐃᓅᑦᑎᐊᕋᓱᖕᓂᖏᓐᓂ, ᐊᒻᒪᓗᑦᑕᐅᖅ ᐊᐅᓚᑦᑎᓂᕐᒥ ᐃᓅᖃᑎᒌᖑᔪᓂ ᖃᓄᐃᓕᐅᕐᓂᐅᔪᓂ ᐱᐅᓯᒋᐊᖅᑎᑦᑎᓂᕐᒧᑦ ᐅᒃᐱᕈᓱᖕᓂᖏᓐᓂ ᐃᓄᓕᒫᓂ ᐅᖃᓪᓚᖕᓂᐅᔪᓂ. ᐊᖑᓇᓱᖕᓂᖅ, ᐃᖃᓪᓕᐊᕐᓂᖅ ᐊᒻᒪ ᐱᖅᑯᓯᑐᖃᖅᑎᒍᑦ ᖃᓄᐃᓕᐅᕐᓂᐅᔪᓂ ᐊᐅᓚᑕᐅᔪᓂ ᓄᓇᓕᖕᓂ ᐃᓚᒋᔭᐅᕗᑦ ᐱᓕᕆᐊᖑᔪᒥᑦᑕᐅᖅ.

“ᒪᒃᑯᒃᑐᑦ ᐊᓕᐊᓇᐃᒋᕐᔪᐊᓚᐳᖅᐸᖓ,” ᐅᖃᓚᐅᖅᐳᖅ ᓛᓕᐅᕐ. “ᓱᒃᑲᔪᐊᓗᖕᒥ ᐊᔪᕈᓐᓃᓚᐅᖅᐳᑦ. ᑲᒪᕐᔪᐊᓚᐅᖅᐳᖓ ᖃᓄᖅ ᓱᒃᑲᓂᖓᓂ ᐃᓕᑦᑎᓂᖏᓐᓂ.”

ᐃᓚᒋᐊᖅᓯᓚᐅᕆᕗᖅ ᐃᓕᓐᓂᐊᕐᕕᒃ, ᓄᓇᓕᖕᓂ ᐃᒡᓗᕐᔪᐊᑦ ᐊᒻᒪ ᓄᓇᓕᖕᓂ ᓇᖕᒥᓂᕆᔭᐅᔪᓂ ᑕᒪᒃᑭᑦ ᐃᑲᔪᖅᓯᕐᔪᐊᓚᐅᕐᓂᖏᓐᓂᑦᑕᐅᖅ.

“ᓄᓇᓕᐅᔪᖅ ᑲᒪᓇᕐᔪᐊᖅᐳᖅ,” ᐅᖃᓚᐅᖅᐳᖅ, ᐅᖃᖅᖢᓂ ᐃᓕᓐᓂᐊᕐᕕᒃ ᐃᑲᔪᖅᓱᐃᕐᔪᐊᓚᐅᕐᓂᖏᓐᓂ. “ᐱᐅᕐᔪᐊᖅᐳᖅ ᓄᓇᓕᖕᓄᐊᖅᖢᓂ ᐊᒻᒪ ᐃᓕᓐᓂᐊᕐᕕᒃ ᐃᑲᔪᖅᓱᐃᖃᑕᐅᓂᖏᓐᓂ.”

ᖁᑦᑎᒃᑐᒥ ᐱᔪᒪᓂᐅᔪᒧᑦ, ᓛᓕᐅᕐ ᐅᖃᓚᐅᖅᐳᖅ ᓄᓇᓕᒃ ᐱᔭᕆᐊᖃᕐᓂᐊᖅᐳᑦ ᐅᓄᕐᓂᖅᓴᓂ ᐅᓇᑕᖅᑐᒃᓴᙳᐊᓂ ᐊᐅᓚᑦᑎᓂᕐᒥ ᑕᒪᒃᑭᓂ ᒪᒃᑯᒃᑐᓂ. ᐊᖏᔪᖅ ᑐᕌᒐᒃᓴᖅ ᒫᓐᓇᐅᔪᒥ ᑐᙵᕕᓕᐅᕐᓂᕐᒥ ᐃᓐᓇᕐᓂ ᑲᑎᒪᔨᕋᓛᖑᔪᓂ ᑲᒪᒋᓂᖏᓐᓂ ᐱᓕᕆᐊᖑᔪᒥ – ᖃᓄᑎᒋ ᑲᑎᒪᖃᑦᑕᕐᓂᐊᕐᓂᖏᓐᓂ, ᑭᓱᓂᒃ ᖃᓄᐃᓕᐅᕈᑕᐅᔪᓂ ᐱᓕᕆᓂᖏᓐᓂ, ᐃᖏᕐᕋᓂᖓᓂ ᖃᓄᐃᓐᓂᖓᓂ.

ᓛᓕᐅᕐ ᐃᔨᒋᓯᒫᓂᒃᐳᖅ ᖃᔅᓯᒐᓚᖕᓂ ᑲᓇᑕᒥ ᑲᑎᓐᓂᐅᔪᓂ ᒪᒃᑯᖕᓂᖅᓴᓄᑦ ᐅᓇᑕᖅᑐᒃᓴᙳᐊᓄᑦ ᑎᑭᑉᐸᓪᓕᐅᔪᓄᑦ, ᐅᖃᓚᐅᖅᐳᖅ ᐃᓚᖏᑦ ᖃᒪᓂᑦᑐᐊᕐᒥᐅᑕᓂ ᒪᒃᑯᒃᑐᓂ ᐃᓚᐅᑐᐃᓐᓇᕆᐊᖃᕐᓂᖏᓐᓂ.

“ᐃᒃᐱᒍᓱᐊᓂᒃᐳᖓ ᑲᒪᓇᖅᑐᐊᓘᓪᓗᓂ ᓄᓇᓕᐅᓂᖓᓂ ᐱᒋᐊᖅᑎᑦᑎᓂᕐᒥ ᐆᒥᖓ ᐱᓕᕆᐊᖑᔪᒥ,” ᐅᖃᓚᐅᖅᐳᖅ. “ᐱᔭᒃᓴᖃᕐᔪᐊᖅᐳᑦ ᓯᕗᓂᐊᓂ, ᑭᓯᐊᓂ ᑕᒪᒃᑭᑦ ᑐᙵᕕᐅᔪᒥ ᐊᒻᒪ ᑐᙵᕕᖓᓂ ᐱᓕᕆᐊᑦᑎᐊᖑᕐᔪᐊᕐᓂᐊᖅᑐᒥ ᑕᐃᑲᓃᕌᓂᒃᐳᖅ.”

ᓛᓕᐅᕐ ᐃᓚᒋᐊᖅᓯᓚᐅᖅᐳᖅ ᐊᑐᐃᓐᓇᐅᖏᓐᓇᐅᔭᕐᓂᖓᓂ ᐅᖃᓪᓚᖕᓂᕐᒧᑦ ᐱᓕᕆᐊᖑᔪᒥ ᑭᓇᑐᐃᓐᓇᒧᑦ ᐃᓴᒍᒪᔪᓄᑦ.