ᖃᓄᐃᙱᑦᑎᐊᕐᓂᖏᓐᓂ ᐊᓪᓚᙳᐊᓂ ᕿᓚᓗᒐᕐᓂ ᐊᒻᒪ ᐊᓯᖏᓐᓂ ᑕᕆᐅᕐᒥᐅᑕᐅᔪᓂ ᐆᒪᔪᓂᑦ ᓴᖅᑭᒃᑲᓐᓂᓚᐅᖅᐳᖅ ᐊᖏᓪᓗᓂ ᐃᓱᒫᓘᑕᐅᓂᖓᓂ ᐅᑎᕐᓂᐅᔪᒥ ᐱᖁᔭᑎᒍᑦ ᑐᓵᓂᐅᔪᓂ ᑐᒃᓯᕋᖅᑕᐅᔪᒥ ᓄᓘᔭᕐᓂ ᓴᕕᕋᔭᒃᓴᒥ ᐅᔭᕋᖕᓂᐊᕐᕕᖕᒧᑦ ᐱᓕᕆᓂᖓᓐᓂ ᒪᕐᕈᖓᓂ ᐊᖏᒡᓕᒋᐊᕐᓂᐅᔪᒥ ᐃᖃᓗᖕᓂ ᐱᓇᓱᐊᕈᓯᐅᓚᐅᖅᑐᒥ.
ᐊᓪᓚᙳᐊᑦ ᕿᓚᓗᒐᑦ ᐅᓄᕐᓂᐅᔪᓂ ᑕᓯᐅᔭᕐᒥ, ᒥᑦᑎᒪᑕᓕᐅᑉ ᖃᓂᒋᔭᖓᓂ, ᑲᑕᓚᐅᖅᐳᖅ ᓇᓚᐅᑦᑖᖑᔪᒥ 5,018–ᒧᑦ 2020–ᒥ, ᑲᑕᒃᑐᒥ 9,931–ᓂ 2019–ᒥ, ᐅᖃᐅᓯᐅᓪᓗᓂ ᐅᖃᐅᔾᔨᔨᐅᔪᓂ ᖃᐅᔨᓴᓚᐅᖅᑐᒥ ᐳᐃᔨᐅᔪᓂᑦ. ᑕᒪᓐᓇ ᑕᐅᑐᖕᓂᖃᖅᐳᖅ 12,039–ᖑᔪᓂ ᐆᒪᔪᓂᑦ 2016–ᒥ ᐊᒻᒪ 10,489–ᓂ 2013–ᒥ. ᐊᓪᓚᙳᐊᑦ ᕿᓚᓗᒐᑦ ᐱᒻᒪᕆᐅᓪᓗᑎᒃ ᓂᕿᒋᔭᐅᔪᓂ ᐊᒥᓱᓄᑦ ᒥᑦᑎᒪᑕᓕᖕᒥᐅᓄᑦ.
“ᑕᒪᓐᓇ ᓯᕗᓂᐊᓂ–ᐃᓂᖅᑎᕆᓂᐅᙱᒃᑯᓂ ᖃᓄᐃᑦᑐᖃᕐᓂᖓᓂ, ᖃᐅᔨᒪᙱᓚᖓ ᑭᓱ ᑕᒻᒪᖅᓯᒪᖕᒪᖔᑦ,” ᐅᖃᓚᐅᖅᐳᖅ ᑯᕆᔅ ᑎᐱᑭ, ᐊᖓᔪᖅᑳᑉ–ᑐᖏᓕᖓ ᐊᑐᐊᒐᓂ ᐱᕙᓪᓕᐊᑎᑦᑎᓂᐅᔪᒥ ᐅᐊᖕᓇᒥ ᐃᒫᓗᖕᒧᑦ, ᑎᑎᕋᖅᑕᐅᓯᒪᓪᓗᓂ ᓄᖅᑲᖅᑎᑦᑎᔨᐅᔪᑦ ᐊᒻᒪ ᐊᔪᖅᓴᖅᑐᓄᑦ ᑐᓂᓯᔨᐅᔪᑦ ᑲᑐᔾᔨᖃᑎᒌᖑᔪᑦ ᖁᕝᕙᖅᓴᐃᓲᖑᔪᓂ ᖃᐅᔨᓴᕐᓂᕐᒧᑦ–ᐊᒻᒪᓗ ᓄᓇᓕᖕᓂ–ᑐᙵᕕᓕᖕᓂ ᐊᑐᑦᑎᐊᕐᓂᕐᒥ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐊᒻᒪ ᐊᒃᓛᓐᑎᒃᒥ ᐊᕕᒃᑐᖅᓯᒪᓂᐅᔪᓄᑦ.
ᐅᖃᓚᐅᖅᐳᖅ ᐹᕙᓐᓛᓐ ᓴᕕᕋᔭᒃᓴᒧᑦ ᐅᔭᕋᖕᓂᐊᕐᕕᖓᓂ ᐱᓕᕆᔨᕐᔪᐊᖑᔪᑦ ᐅᖃᐅᓯᖃᓚᐅᖅᐳᖅ ᖃᕋᓴᐅᔭᑎᒍᑦ “ᐊᖏᔪᐊᓗᖕᒥ ᐊᐅᐸᖅᑐᒥ ᓇᕿᑦᑕᕆᐊᓕᖕᒥ” ᓄᓇᓖᑦ ᓇᕿᑦᑎᔪᓐᓇᕐᓂᖏᓐᓂ ᓄᖅᑲᖅᑎᑦᑎᓂᕐᒧᑦ ᐅᔭᕋᖕᓂᐊᕐᕕᓂ ᐊᐅᓚᑕᐅᓂᐅᔪᓂ ᑐᐊᕕᕐᓇᖅᑐᖁᑎᖃᓕᑳᓪᓚᒃᐸᑕ.
“ᐃᓱᒪᕗᖓ ᐃᓄᐃᑦ ᓂᐊᖁᒥᓂᒃ ᑯᒥᖃᑦᑕᖅᐳᑦ ᓂᐊᖁᒥᓂᑦ ᑐᓴᕌᖓᒥᒃ ᐆᒥᖓ ᐊᖏᔪᐊᓗᖕᒥ ᐊᐅᐸᖅᑐᒥ ᓇᕿᑦᑕᕆᐊᓕᖕᒥ ᐊᒻᒪ ᐃᓱᒪᓪᓗᑎᒃ ᓇᒦᓐᓂᖓᓂ ᐊᒻᒪ ᖃᖓ ᓇᕿᑕᐅᔪᓐᓇᕐᓂᖓᓂ,” ᑎᐱᑭ ᐅᖃᓚᐅᖅᐳᖅ, ᐅᖃᐅᓯᖃᖅᑐᒥ ᓇᓗᓇᕐᓂᐅᔪᒥ ᐊᓪᓚᙳᐊᓂ ᕿᓚᓗᒐᕐᓂ ᐃᓂᐅᔪᒥ.
ᐹᕙᓐᓛᓐᑯᑦ ᐊᖏᖅᓯᒪᓂᖃᖅᐳᑦ ᓇᐃᒡᓕᒋᐊᖅᓯᓂᕐᒥ ᐅᓯᑲᑦᑕᕐᓂᕐᒧᑦ ᐊᕐᕌᒎᑉ ᐃᓚᖓᓐᓂ ᓯᕗᓪᓕᖅᐹᒥ ᐱᓕᕆᓂᐅᔪᒥ ᒪᕐᕈᖓᓂ ᑐᒃᓯᕋᐅᑎᖓᓐᓂ, ᐃᓕᓯᓂᕐᒥ ᑭᒡᓕᖃᖅᑎᑦᑎᓂᐅᔪᒥ ᐅᒥᐊᕐᔪᐊᓄᑦ ᐊᕐᕌᒍᑕᒫᒥ ᕿᕿᑉᐸᓪᓕᐊᓂᖓᓂ ᐊᒻᒪ ᓯᑯᐃᖅᐸᓪᓕᐊᓂᖓᓂ ᒥᒃᖠᒋᐊᖅᑎᑦᑎᓂᕐᒧᑦ ᐊᒃᑐᐃᓂᐅᔪᓂ ᐃᒪᐅᑉ ᐊᑖᓂ ᓂᐱᖃᕐᓂᐅᔪᓂ ᐳᐃᔨᐅᔪᓄᑦ ᐊᒻᒪ ᐋᖅᑭᒋᐊᖅᓯᓂᕐᒥ ᓴᓇᔭᐅᓂᖓᓂ ᓄᓇᓯᐅᑎᑯᑖᓄᑦ ᐊᖅᑯᑎᖓᑕ ᓴᓂᕋᖓᓂ ᐱᔪᓐᓇᖅᑎᑦᑎᓂᕐᒧᑦ ᑐᒃᑐᓄᑦ ᐃᑳᕐᕕᒋᔭᖏᓐᓂ. ᐅᔭᕋᖕᓂᐊᕐᓂᕐᒧᑦ ᑲᒻᐸᓂᐅᔪᖅ ᑐᒃᓯᕋᕋᓱᐊᓕᖅᐳᑦ ᐅᓯᑲᑦᑕᖃᑦᑕᕐᓂᖏᓐᓂ ᕿᑎᐊᓂ ᔪᓚᐅ 15–ᒥ ᐅᒃᑐᐱᕆ 31–ᒧᑦ, ᐅᕝᕙᓘᓐᓃᑦ ᐅᖓᓯᒃᑎᒋᔪᒥ ᓄᕕᐱᕆ 15–ᒧᑦ, ᓯᑰᑉ ᖃᓄᐃᓐᓂᖓᓂ ᐱᔪᓐᓇᖅᑎᑦᑎᒍᓂ ᐊᒻᒪ ᓄᓇᓕᐅᔪᖅ ᒥᑦᑎᒪᑕᓕᖕᒥ ᐊᖏᕈᑎᒃ. ᐅᓄᕐᓂᐅᔪᓂ ᓴᕕᕋᔭᒃᓴᓂ ᐊᒡᔭᖅᑎᐅᔪᓂ ᑭᒡᓕᖃᖅᑎᑕᐅᓂᐊᖅᐳᑦ 168–ᓂ ᐊᕐᕌᒍᑕᒫᒥ, ᓱᒃᑲᐃᑦᑐᒥ ᐅᓄᖅᓯᕙᓪᓕᐊᓂᖓᓂ ᑕᐃᑯᖓ ᐅᓄᕐᓂᐅᔪᒥ ᐊᕐᕌᒍᓄᑦ ᑎᓴᒪᓄᑦ.
ᐹᕙᓐᓛᓐ ᐱᓕᕆᓲᖑᕗᑦ ᓇᖕᒥᓂᖅ ᐊᓪᓚᙳᐊᓂ ᕿᓚᓗᒐᕐᓂ ᓇᐅᑦᑎᖅᓱᕐᓂᕐᒥ ᐱᓕᕆᐊᖑᔪᒥ ᐊᒻᒪ ᑲᒻᐸᓂᐅᔪᖅ ᓇᓗᓇᐃᖅᓯᓚᐅᖅᐳᖅ ᐊᓯᖏᓐᓂ ᐱᔾᔪᑕᐅᑐᐃᓐᓇᕆᐊᓕᖕᓂ ᒫᓐᓇᓕᓴᐅᔪᒥ ᒥᒃᖠᒋᐊᕐᓂᐅᔪᒥ ᕿᓚᓗᒐᕐᓄᑦ ᐱᑕᖃᕐᓂᖏᓐᓂ ᑕᓯᐅᔭᕐᒥ: ᐃᒪᐅᑉ ᐊᑖᓂ ᐃᑯᕐᕋᒃᓴᓂ ᐃᓕᓯᓂᖏᓐᓄᑦ ᓇᑉᐸᖅᑎᕆᓂᕐᒥ ᒥᑭᑦᑐᓄᑦ–ᐅᒥᐊᕐᓄᑦ ᑭᓴᕐᕕᒃᓴᒥ; ᐅᓄᖅᓯᒋᐊᕐᓂᐅᔪᒥ ᐋᕐᓗᓂᑦ ᐃᓂᐅᔪᒥ, ᐊᖑᓇᓱᓲᖑᔪᒥ ᐊᓪᓚᙳᐊᓂ ᕿᓚᓗᒐᕐᓂ; ᐊᒻᒪᓗ ᐅᖁᒪᐃᓐᓂᖅᓴᐅᔪᒥ ᑕᐃᒪᐃᒐᔪᖕᓂᖓᓂ ᓯᑯᒥ ᖃᓄᐃᓐᓂᐅᔪᓂ ᐊᒻᒪ ᐱᔾᔪᑎᖃᖅᑐᒥ ᓯᑯᐃᖅᐸᓪᓕᐊᓂᖓᓂ.
“ᐱᒻᒪᕆᐅᕗᖅ ᐅᔾᔨᕈᓱᖕᓂᕐᒥ ᐃᓱᒪᓕᐅᕆᓚᐅᕐᓂᑦᑎᓐᓂ ᐱᑦᑕᐃᓕᒪᓂᕐᒥ ᓯᑯᒥᒃ ᓱᕋᑦᑎᕆᓂᐅᔪᒥ ᐅᐱᕐᙶᖅ 2021–ᒧᑦ ᐊᕐᕌᒎᑉ ᐃᓚᖓᓐᓂ ᑭᐅᓂᓪᓚᕆᐅᔪᒧᑦ ᐃᓄᖕᓄᑦ ᐅᖃᐅᓯᒃᓴᖏᓐᓂ, ᐊᒻᒪᓗ ᒥᒃᖠᒋᐊᖅᑎᑦᑎᓂᕐᒧᑦ ᖄᖏᐅᔾᔨᓂᐅᔪᒥ ᖃᓄᐃᓕᐅᕐᓂᑦᑎᓐᓂ ᓇᑉᐸᖅᑎᕆᓂᐅᔪᒥ ᐅᒥᐊᓄᑦ ᑭᓴᕐᕕᒃᓴᒥ ᒥᑦᑎᒪᑕᓕᖕᒥ,” ᐅᖃᓚᐅᖅᐳᖅ ᒪᐃᒋᓐ ᓗᐊᑦ-ᕼᐅᐊᐃᔪᓪ, ᐹᕙᓐᓛᓐᑯᑦ ᐊᖓᔪᖅᑳᑉ–ᑐᖓᓕᖓ ᒪᑭᒪᔾᔪᑎᒃᓴᐅᔪᓄᑦ ᐱᕙᓪᓕᐊᑎᑦᑎᓂᕐᒧᑦ.
ᑎᐱᑭ ᓇᓗᓇᐃᖅᓯᒃᑲᓐᓂᓚᐅᖅᐳᖅ ᐅᐊᖕᓇᒥ ᐃᒫᓗᖕᒥ ᑐᕌᕋᓱᐊᙱᓐᓂᖓᓂ ᑕᑯᓂᕐᒧᑦ ᐃᑲᔪᕈᑎᒃᓴᐅᔪᒥ ᓄᓘᔭᕐᓂ ᐃᑲᔪᕈᑎᒃᓴᓂ ᐊᑐᖅᑕᐅᙱᓐᓂᖏᓐᓂ ᐊᖏᓛᖑᔪᒥ ᐱᕚᓪᓕᕈᑎᖃᕐᓂᕐᒧᑦ.
“ᐃᓄᐃᑦ ᓂᕈᐊᖅᓯᒪᕗᑦ ᑕᐃᔅᓱᒥᖓ ᐅᔭᕋᖕᓂᐊᒐᒃᓴᒥ ᐃᓚᒋᔭᐅᓂᖓᓂ ᐃᓕᒃᑯᐊᓂ ᐃᓄᖕᓄᑦ–ᓇᖕᒥᓂᕆᔭᐅᔪᓄᑦ ᓄᓇᒥ ᐋᔩᖃᑎᒌᖕᓂᐅᔪᒥ ᓄᓇᕗᒻᒥ, ᐊᒻᒪᓗ ᐱᔾᔪᑎᑦᑎᐊᕙᐅᔪᒧᑦ,” ᐅᖃᓚᐅᖅᐳᖅ, ᐅᖃᕆᐊᓪᓚᒃᖢᓂ ᓴᕕᕋᔭᒃ ᐱᐅᓂᖓᓂ ᐱᐅᓗᐊᒧᑦ ᒪᕐᕈᐃᖅᓱᖅᑐᒥ ᓴᓇᔭᐅᒃᑲᓐᓂᕆᐊᖃᙱᓐᓂᖓᓂ ᐊᒻᒪ ᑕᐃᒪᐃᒻᒪᑦ ᕿᒪᐃᓂᐊᖅᐳᖅ ᒥᑭᓐᓂᖅᓴᐅᔪᒥ ᐸᐅᕐᒥ ᑐᒥᓕᐊᖑᔪᒥ, ᐱᕙᓪᓕᐊᑎᑕᐅᑦᑎᐊᕈᓂ. “ᑐᑭᓯᓇᖅᐳᖅ ᐱᒻᒪᕆᐅᓛᖑᓪᓗᓂ ᐅᔭᕋᐅᔭᒥ ᐃᑲᔪᕈᑎᒃᓴᐅᓂᖓᓂ ᖃᐅᔨᒪᔭᑦᑎᓐᓂ ᓄᓇᕗᒻᒥ.
“ᑭᓯᐊᓂ, ᐊᕐᕌᒍᕗᑦ–10-ᓄᑦ ᐃᑲᔪᕈᑎᒃᓴᐅᙱᓚᖅ ᐅ–ᕝᕙᓘᓐᓃᑦ ᐊᕐᕌᒍᓄᑦ 20-ᓄᑦ ᐃᑲᔪᕈᑎᒃᓴᐅᓪᓗᓂ, ᐅᓇ ᐃᑲᔪᕈᑎᒃᓴᐅᕗᖅ ᐱᕙᓪᓕᐊᑎᑕᐅᑦᑎᐊᕈᓂ, ᑐᓂᓯᓂᐊᖅᐳᖅ ᐱᕚᓪᓕᕈᑎᒃᓴᓂ ᕼᐊᓐᓇᓚᖏᓐᓂ ᐊᕐᕌᒍᓄᑦ. ᑕᐃᒫᒃ ᐃᓚᖏᓐᓂ ᐱᕈᕐᓂᕐᒧᑦ ᐋᓐᓂᐊᕈᑎᑕᖃᖅᐸᑦ ᒫᓐᓇ ᐊᒻᒪ ᐃᓚᖏᓐᓂ ᐊᑲᐅᙱᓕᐅᕈᑕᐅᔪᓂ ᑕᐃᔅᓱᒧᖓ ᐊᐅᓚᑦᑎᔨᐅᔪᒧᑦ, ᐃᓱᒪᕗᖓ ᐱᐅᓂᖅᓴᐅᓂᖓᓂ ᐋᖅᑭᒃᓯᓂᕐᒥ ᕿᓚᒻᒥᐅᓂᖅᓴᒥ.”
ᐃᓚᒋᔭᐅᔪᓂ ᐊᓯᖏᓐᓂ ᐅᔭᕋᖕᓂᐊᕐᓂᕐᒧᑦ–ᐱᔾᔪᑎᓕᖕᓂ ᐊᑲᐅᙱᓕᐅᕈᑕᐅᔪᓄᑦ ᐹᕙᓐᓛᓐᑯᑦ ᓴᓂᓴᕋᓱᐊᖅᑕᖏᓐᓂ ᐅᑯᐊᖑᕗᑦ $1.4 ᐱᓕᐊᓐᓂ ᓂᖏᖅᑕᕐᓂᕐᓂ ᐊᑭᓕᖅᑕᐅᔪᓄᑦ ᓄᓇᕗᒻᒥ ᑐᙵᕕᒃᑯᓐᓄᑦ ᐊᒻᒪ $1 ᐱᓕᐊᓐᓂ ᓂᖏᖅᑕᕐᓂᕐᓂ ᐅᕗᙵᖅᑐᓄᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖑᔪᓄᑦ ᐃᓅᓯᕆᔭᖓᓂ ᐅᔭᕋᖕᓂᐊᕐᕕᖕᒥ; $1.5 ᐱᓕᐊᓐᓂ ᑐᓂᔭᐅᔪᓂ ᑖᒃᓯᓂᑦ ᐊᒻᒪ ᐊᑭᓕᐅᑎᓂᑦ ᑲᓇᑕᒥ ᒐᕙᒪᒃᑯᓐᓄᑦ ᐊᒻᒪ $679 ᒥᓕᐊᓐᓂ ᑖᒃᓯᓂᑦ ᓄᓇᕗᒻᒥ ᒐᕙᒪᒃᑯᓐᓄᑦ. ᑲᒻᐸᓂᐅᔪᖅ ᐸᕐᓇᒃᓯᒪᒋᕗᑦ ᓇᑉᐸᖅᑎᕆᓂᕐᒥ ᐊᐅᓚᐅᓯᕆᓂᕐᒧᑦ ᐱᓕᓐᒪᒃᓴᓂᐅᔪᒥ ᓄᓇᓯᐅᑎᖃᕐᕕᖕᒥ ᓴᓂᕋᔭᖕᒥ; ᐱᖓᓱᓂ ᐱᓕᒻᒪᒃᓴᐃᓂᕐᒧᑦ ᐃᒡᓗᕐᔪᐊᓂ ᐅᐊᖕᓇᒥ ᕿᑭᖅᑖᓗᖕᒥ ᓄᓇᓕᐅᔪᓂᓗ ᐊᒻᒪ $10-ᒥᓕᐊᓐᑐᖅᑐᒥ ᐱᓕᒻᒪᒃᓴᕐᕕᖕᒥ ᒥᑦᑎᒪᑕᓕᖕᒥ.
ᕼᐋᒻᓚᐅᔪᑦ ᐃᒃᐱᐊᕐᔪᖕᒥ, ᓴᓂᕋᔭᒃ ᐊᒻᒪ ᐊᐅ)ᐃᑦᑐᕐᒥ ᑕᒪᒃᑭᑦ ᑎᑎᕋᓚᐅᖅᐳᑦ ᑎᑎᖅᑲᓂ ᓇᓗᓇᐃᖅᓯᔪᒥ ᐃᑲᔪᖅᓱᐃᓂᐅᔪᒥ ᐱᓕᕆᓂᐅᔪᒥ ᒪᕐᕈᖓᓂ ᐊᖏᒡᓕᒋᐊᕐᓂᐅᔪᒥ ᓯᕗᓂᐊᓂ ᐱᖁᔭᑎᒍᑦ ᑐᓵᓂᐅᔪᒥ.
ᑐᓵᓂᐅᔪᑦ ᐱᔭᕇᕐᕕᒃᓴᖃᓚᐅᖅᐳᑦ ᓄᕕᐱᕆ 6–ᒥ. ᐱᖁᔭᑎᒍᑦ ᐱᓕᕆᓂᐅᔪᒥ ᐱᔭᕇᖅᐸᑦ, ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᓯᕗᒻᒧᐊᕆᓂᐊᕐᓂᖏᓐᓂ ᐊᑐᖁᔭᒥᓂᑦ ᐱᓕᕆᓂᐅᔪᒥ ᒪᕐᕈᖓᓂ ᒐᕙᒪᑐᖃᒃᑯᓐᓄᑦ ᒥᓂᔅᑕᖓᓄᑦ ᐅᑭᐅᖅᑕᖅᑐᒥ ᐱᓕᕆᓂᐅᔪᒥ ᕿᒥᕐᕈᓂᖓᓄᑦ.