Skip to content

ᕿᒧᒃᓯᖅᑎᐅᔪᑦ ᑲᓇᖕᓇᕐᒥ ᐅᑭᐅᖅᑕᖅᑐᒥ ᐅᖃᐅᓯᖃᖅᐳᑦ ᓯᕗᓂᒃᓴᖓᓐᓂ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖑᔪᑦ (QIA) ᑐᙵᓱᒃᑎᑦᑎᓚᐅᖅᐳᑦ ᕿᒧᒃᓯᖅᑎᐅᔪᓂ ᕿᑭᒃᑕᓂᓕᒫᒥ ᓯᕗᓪᓕᖅᐹᑦᑎᐊᖑᔪᒥ ᕿᒧᒃᓯᖅᑏᑦ ᐊᕕᒃᑐᖅᓯᒪᓂᐅᔪᒥ ᑲᑎᙵᓂᐅᔪᒥ, ᐱᓕᕆᐊᖑᓚᐅᖅᑐᒥ ᐃᖃᓗᖕᓂ ᓄᕕᐱᕆ 16–ᒥ 18–ᒧᑦ.
27312033_web1_211129-NUN-QikiqtaniDogMushers-INUK_1
Andy Attagutalukutuk of Iglulik heads for Uluksa Point near Arctic Bay on the opening day of the 2017 Nunavut Quest in Arctic Bay on April 20. The Qimmiit Revitalization program was originally started to financially support teams during the Nunavut Quest, Covid-19 has forced QIA to direct these funds to the dog teams themselves. File photo via Facebook ᐋᓐᑎ ᐊᑕᒍᑦᑖᓗᑯᑦᑐᒃ ᐃᒡᓗᓕᖕᒥᐅᑕᖅ ᑐᕌᖅᐳᖅ ᐅᓗᒃᓴ ᓄᕗᖓᓄᑦ ᐃᒃᐱᐊᕐᔫᑉ ᖃᓂᒋᔭᖓᓂ ᒪᑐᐃᖅᐸᓪᓕᐊᔪᒥ ᐅᓪᓗᖓᓂ 2017 –ᒥ ᓄᓇᕗᒻᒥ ᕿᒧᒃᓯᕐᓂᐅᔪᒥ ᐃᒃᐱᐊᕐᔪᖕᒥ ᐊᐃᑉᕆᓕ 20 –ᒥ . ᕿᒻᒦᑦ ᐅᑎᖅᑎᑕᐅᓂᖓᓂ ᐱᓕᕆᐊᖑᔪᖅ ᐱᒋᐊᖅᑐᐅᓚᐅᖅᓯᒪᕗᖅ ᑮᓇᐅᔭᑎᒍᑦ ᐃᑲᔪᖅᓱᐃᓂᕐᒥ ᕿᒧᒃᓯᖅᑎᐅᔪᓂ ᓄᓇᕗᒻᒥ ᕿᒧᒃᓯᕐᓂᐅᔪᒥ. ᓄᕙᒡᔪᐊᕐᓇᖅ -19 ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖑᔪᓂ ᑐᕌᖅᑎᑦᑎᓂᖏᓐᓂ ᑮᓇᐅᔭᓂᒃ ᕿᒧᒃᓯᖅᓯᐅᑎᓂᒃ ᕿᒻᒥᓄᓪᓚᕆᒃ .

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖑᔪᑦ (QIA) ᑐᙵᓱᒃᑎᑦᑎᓚᐅᖅᐳᑦ ᕿᒧᒃᓯᖅᑎᐅᔪᓂ ᕿᑭᒃᑕᓂᓕᒫᒥ ᓯᕗᓪᓕᖅᐹᑦᑎᐊᖑᔪᒥ ᕿᒧᒃᓯᖅᑏᑦ ᐊᕕᒃᑐᖅᓯᒪᓂᐅᔪᒥ ᑲᑎᙵᓂᐅᔪᒥ, ᐱᓕᕆᐊᖑᓚᐅᖅᑐᒥ ᐃᖃᓗᖕᓂ ᓄᕕᐱᕆ 16–ᒥ 18–ᒧᑦ.

ᖁᑦᑎᒃᑐᒥ ᐅᑭᐅᖅᑕᖅᑐᒥ ᓂᒋᕐᒧᑦ ᕿᑭᖅᑖᓗᖕᒧᑦ, ᐃᓄᐃᑦ ᕿᒧᒃᓯᖅᑏᑦ ᑲᑎᓚᐅᖅᐳᑦ ᕗᕉᐱᓴ ᐃᓐᒥ ᐅᖃᐅᓯᖃᕐᓂᕐᒧᑦ ᐅᑎᖅᑎᕆᓂᕐᒧᑦ ᕿᒧᒃᓯᕐᓂᐅᔪᒥ ᓄᓇᕗᒻᒧᑦ ᓵᙵᓚᐅᖅᑎᓪᓗᒋᑦ ᐊᒥᓱᓂ ᐊᒃᓱᕈᕐᓇᕐᓂᐅᔪᓂ ᖄᖏᖅᓯᒪᓕᖅᑐᓂ ᐊᕐᕌᒍᓄᑦ 70-ᓄᑦ.

ᐊᑕᐅᓯᐅᔪᒥ ᐅᔾᔨᕐᓇᓗᐊᖅᑐᒥ ᐅᖃᐅᓯᐅᔪᓂ ᓴᖅᑭᑕᐅᔪᓂ ᐱᒋᐊᓕᓵᖅᑎᓪᓗᒋᑦ ᕿᒻᒥᓂ ᑐᖁᕋᐃᓂᐅᔪᓂ 1950–ᖏᓐᓂ 1970–ᖏᓐᓄᑦ, ᑕᐃᑲᓂ ᑲᓇᑕᒥ ᐸᓖᓯᒃᑯᑦ ᑐᖁᕋᐃᓚᐅᖅᑎᓪᓗᒋᑦ ᕼᐊᓐᓇᓚᖏᓐᓂ ᕿᒧᒃᓯᐅᑎᓂ ᕿᒻᒥᓂᑦ ᑲᓇᖕᓇᒥ ᐅᑭᐅᖅᑕᖅᑐᒥ ᓄᓇᓕᖕᓄᐊᖅᑎᑦᑎᕆᓂᕐᒧᑦ ᒫᓐᓇᐅᔪᒥ ᓄᓇᒋᓕᖅᑕᖏᓐᓂ.

ᑕᒪᓐᓇ ᓯᕗᓪᓕᖅᐸᐅᓪᓗᓂ ᐱᓕᕆᓂᐅᓚᐅᖅᐳᖅ ᐅᓪᓗᖓᓂ ᕿᒧᒃᓯᖅᑏᑦ ᑲᑎᓐᓂᐅᔪᒥ, ᐅᖃᓚᐅᖅᐳᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖑᔪᓄᑦ ᑐᑭᒧᐊᒃᑎᑦᑎᔨᖓ ᐃᓅᖃᑎᒌᖑᔪᓄᑦ ᐊᑐᐊᒐᖓᓐᓂ, ᕼᐋᒐᕐ ᐃᓪᓚᐅᑦ-ᓱᓪᓗᕕᓂᖅ.

“ᓄᓇᓕᓕᒫᓂ, ᐅᖃᐅᓯᐅᖏᓐᓇᖅᐸᒃᐳᖅ. ᑕᒪᓐᓇ ᑭᐅᑲᐅᑎᒋᔪᒪᓚᐅᖅᐸᕗᑦ, ᐱᓕᕆᐊᖑᑲᐅᑎᒋᓗᓂ ᓅᑦᑐᓐᓇᕐᓂᐊᕋᑦᑕ ᐅᖁᒪᐃᙱᓐᓂᖅᓴᐅᔪᓄᑦ ᐅᖃᐅᓯᒃᓴᐅᔪᓄᑦ ᐊᒻᒪᓗ ᓵᙵᓂᖅᓴᐅᓗᑕ ᓯᕗᓂᒃᓴᒧᑦ. ᕿᒧᒃᓯᕐᓂᖅ, ᖃᓄᖅ ᑕᐅᑦᑐᖃᕐᓂᐊᕐᓂᖓᓂ,” ᐅᖃᓚᐅᖅᐳᖅ ᐃᓪᓚᐅᑦ-ᓱᓪᓗᕕᓂᖅ.“ᖃᐅᔨᒪᔪᒪᕗᒍᑦ ᐱᐅᓂᖅᐹᖑᔪᒥ ᐱᓕᕆᓂᐅᔪᒥ ᐃᑲᔪᕈᓐᓇᕐᓂᑦᑎᓐᓂ ᕿᒧᒃᓯᖃᖅᑎᐅᔪᓂᑦ.”

ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᑲᔪᖅᓱᐃᓂᐅᔪᑦ ᑐᓂᔭᐅᔪᓂ ᑐᑭᓯᒋᐊᕐᕕᖕᒥ ᕿᒧᒃᓯᖅᑎᐅᔪᓄᑦ ᐊᑐᐃᓐᓇᐅᓚᐅᖅᐳᑦ ᐅᖃᖅᐳᖅ ᐃᓄᒃᓱᒃ ᐊᖅᓴᕐᓂᖅ, ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ (QTC) ᐊᑐᓕᖅᑎᑕᐅᓂᖓᓂ ᐊᒻᒪ ᐱᓕᕆᐊᖑᔪᓂ ᐊᐅᓚᑦᑎᔨᐅᔪᖅ, ᑕᐅᑐᒃᖢᒍ ᐊᒥᓱᐃᑦ ᓱᓕ ᑕᒫᓃᒻᒪᑕ ᐃᖅᑲᐅᒪᓂᕐᒧᑦ ᕿᒻᒥᓂ ᑐᖁᕋᐃᓂᐅᓚᐅᖅᑐᓂ.

“ᐆᒪᔪᓄᑦ ᐊᑐᖅᑕᐅᓂᑰᕗᖅ, ᐆᒪᔪᓄᑦ ᐃᖅᑲᐅᒪᓂᐅᕗᖅ, ᖃᖓᑦᑎᐊᐸᓘᓚᐅᖅᐳᖅ ᕿᒻᒦᑦ ᑐᖁᕋᖅᑕᐅᑎᓪᓗᒋᑦ,” ᐅᖃᓚᐅᖅᐳᖅ ᐊᖅᓴᕐᓂᒃ.

ᕿᒻᒥᓂᑦ ᐅᑎᖅᑎᕆᓂᕐᒥ ᐱᓕᕆᐊᖑᔪᖅ ᐅᕘᓇ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᓂᑦ ᐱᒋᐊᖅᑎᑕᐅᓚᐅᕆᕗᖅ ᐃᓚᒋᔭᐅᒃᑲᓐᓂᖅᖢᓂ ᐊᒃᓱᕈᕐᓂᐅᔪᒥ ᐅᑎᖅᑎᕆᓂᕐᒧᑦ ᕿᒧᒃᓯᓂᑦ ᓄᓇᕗᒻᒧᑦ. ᓯᕗᓪᓕᕐᒥ ᐱᒋᐊᖅᑕᐅᓪᓗᓂ ᑮᓇᐅᔭᑎᒍᑦ ᐃᑲᔪᖅᓱᐃᓂᕐᒧᑦ ᕿᒧᒃᓯᖅᑎᐅᔪᓂ ᑕᐃᑲᓂ ᓄᓇᕗᒻᒥ ᕿᒧᒃᓯᕐᓂᐅᔪᒥ, ᓄᕙᒡᔪᐊᕐᓇᖅ-19 ᓄᖅᑲᖅᑎᑦᑎᔭᕆᐊᖃᓚᐅᖅᐳᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖑᔪᓂ ᑐᕌᖅᑎᑦᑎᓂᖏᓐᓂ ᐅᑯᓂᖓ ᑮᓇᐅᔭᓂᒃ ᕿᒧᒃᓯᖅᑎᐅᔪᓄᑦ ᐃᒻᒥᖕᓄᑦ.

ᐃᑲᔪᖅᓱᐃᓂᖅ ᐊᖏᔪᒥᒃ ᐃᑲᔪᖅᓯᒪᑎᓪᓗᒍ ᕿᑭᖅᑕᓂ ᕿᒧᖅᓯᕐᓂᑦ, ᐊᑭᖓ ᐆᒪᓇᓱᐊᕐᓂᕐᒧᑦ ᓄᓇᕗᒻᒥ ᑐᕌᖅᑎᑦᑎᓯᒪᕗᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖑᔪᓂ ᐊᖏᒡᓕᒋᐊᖅᓯᓂᕐᒧᑦ ᐃᑲᔪᖅᓱᐃᓂᐅᔪᒥ ᑐᓂᕙᒃᑕᖏᓐᓂ ᕿᒧᒃᓯᖅᑎᐅᔪᓄᑦ, ᑐᑭᓯᓇᖅᓯᑎᑦᑎᑕᐅᑦᑎᐊᓚᐅᖅᑐᒥ ᑕᐃᒃᑯᓄᖓ ᐃᓚᐅᖃᑕᐅᔪᓂ ᕿᒧᒃᓯᖅᑏᑦ ᑲᑎᒪᓂᖓᓐᓂ.

“ᑕᒪᐃᑎᒍᑦ ᐅᖃᐅᓯᒃᓴᐅᔪᖅ ᑐᓴᓚᐅᖅᑕᕋ ᕿᒧᒃᓯᖅᑏᑦ ᐱᓕᕆᐊᒃᓴᐅᔪᖅ ᐱᒋᔭᕗᑦ, $3,000 ᑐᓂᕐᕈᑎᒋᔭᕗᑦ ᕿᒧᒃᓯᖅᑎᐅᔪᓄᑦ ᐃᑲᔪᕐᓂᖃᕐᔪᐊᖅᐳᖅ, ᑭᓯᐊᓂ ᒥᑭᓗᐊᖅᐳᖅ. ᐴᖑᔪᒥ ᕿᒻᒥᓄᑦ ᓂᕿᒃᓴᓕᐊᖑᔪᒥ ᐃᒃᐱᐊᕐᔪᖕᒥ $200–ᑲᓴᐅᕗᖅ, ᕿᒧᒃᓯᖃᕈᕕᑦ 16–ᓂ (ᕿᒻᒥᓂᑦ), ᑕᐃᒫᒃ ᑕᒪᓐᓇ ᐊᑭᑦᑐᖅᓴᕋᐃᑉᐳᖅ,” ᐅᖃᓚᐅᖅᐳᖅ ᐊᖅᓴᕐᓂᖅ, ᑕᐃᒫᒃ ᐊᖏᒡᓕᒋᐊᖅᓯᓂᖅ ᐊᖏᓂᐅᔪᒥ ᑮᓇᐅᔭᓂ ᑐᓂᕐᕈᑕᐅᔪᒥ ᑐᓂᓯᕙᖕᓂᖓᓐᓂ ᓂᕈᐊᒐᒃᓴᒻᒪᕆᐅᕗᖅ ᓯᕗᒻᒧᑦ ᑕᐅᑐᒃᖢᓂ, ᐃᓚᒋᐊᖅᓯᓚᐅᖅᐳᖅ.

ᐃᓂᐅᔪᓂ ᓇᑦᑎᖃᕐᓂᖅᓴᐅᔪᓂ ᐊᑐᐃᓐᓇᐅᔪᓂ, ᐅᖃᓪᓚᖕᓂᖃᓚᐅᖅᐳᑦ ᐃᒻᒪᖄ ᐊᖑᓇᓱᒃᑎᓂ ᐃᑲᔪᖅᓱᐃᓂᐅᔪᒥ ᐊᑐᐃᓐᓇᐅᓂᖅᓴᐅᔪᒥ ᕿᒻᒥᓄᑦ ᓂᕿᒃᓴᖃᖅᑎᑦᑎᓂᕐᒥ ᓄᓇᓕᐅᔪᓂ ᕿᒥᕆᕙᒃᑐᓂ ᕿᒻᒥᖏᓐᓂ ᐃᓄᒃᓯᐅᑎᓂᒃ ᓂᕿᖔᓂ ᐅᓇᐅᙱᖔᖅᑐᒥ ᕿᒻᒥᓄᑦ ᓂᕿᒃᓴᓕᐊᖑᔪᒥ ᓂᐅᕕᐊᒃᓴᐅᕙᒃᑐᓂ.

“ᐱᓕᕆᑦᑎᐊᖅᐸᑦ ᖃᓄᒻᒪᑦ ᐊᓯᔾᔨᕐᓗᒍ? ᐃᓚᖏᑦ ᓄᓇᓕᐅᔪᑦ ᐅᓄᕐᓂᖅᓴᓂ ᓇᑦᑎᖃᖅᐳᑦ ᑕᐃᒫᒃ ᐱᓕᕆᖃᑎᖃᕈᓐᓇᖅᐳᑦ ᓄᓇᓕᖕᓂ ᐊᖑᓇᓱᒃᑎᐅᔪᓂ, ᐊᓯᖏᑦ ᓇᑦᑎᖃᓗᐊᕌᓗᙱᑐᐃᓐᓇᕆᐊᖃᖅᐳᑦ,” ᐃᓪᓚᐅᑦ–ᓴᓪᓗᕕᓂᖅ ᐅᖃᓚᐅᖅᐳᖅ, ᐅᖃᖅᖢᓂ ᐱᓕᕆᖃᑎᖃᕈᓐᓇᕐᓂᖏᓐᓂ ᐊᑐᓂ ᓄᓇᓕᐅᔪᒥ ᖃᐅᔨᓇᓱᐊᕐᓂᕐᒥ ᑭᓱᑦ ᐱᐅᓛᖑᔪᒥ ᐱᓕᕆᓂᖃᕐᓂᖏᓐᓂ.

ᐋᓐᓂᐊᓕᕇᒃᑯᓯᖅᓯᓂᕐᒥ ᐃᑲᔪᖅᓱᐃᓂᐅᔪᒥ ᕿᒻᒥᓄᑦ ᐅᖃᐅᓯᒃᓴᒃᑲᓐᓂᐅᓚᐅᖅᐳᖅ ᕿᒧᒃᓯᖅᑎᐅᔪᑦ ᐱᔪᒪᓂᖃᓚᐅᖅᐳᑦ ᐱᓂᖏᓐᓂ ᐊᐅᓪᓛᖅᐸᒃᑐᒥ ᐆᒪᔪᓄᑦ ᓘᒃᑖᖑᔪᒥ ᐱᓕᕆᐊᖑᓂᖃᖅᑐᒥ ᐅᕝᕙᓘᓐᓃᑦ ᐊᐅᓪᓚᖅᑎᑦᑎᓂᕐᒥ ᐋᓐᓂᐊᓕᕇᒃᑯᑎᓂᒃ ᑕᑉᐸᐅᙵᓪᓚᕆᖕᒧᑦ ᕿᒧᒃᓯᐅᔪᓄᑦ, “ᐱᔭᕆᐊᖃᕐᓂᖃᖅᐳᖅ ᐊᒻᒪ ᐱᔪᒪᓂᖃᖅᐳᖅ ᐋᓐᓂᐊᓕᕇᒃᑯᓯᕐᓂ ᐃᑲᔪᖅᓱᐃᓂᐅᔪᒥᑦ” ᐅᖃᓚᐅᖅᐳᖅ ᐊᖅᓴᕐᓂᖅ.

ᐅᑎᖅᑎᕆᓂᖅ ᕿᒧᒃᓯᕐᓂᐅᔪᒥ ᓄᓇᕗᒻᒥ ᐱᒻᒪᕆᐅᕗᖅ ᐅᖃᐅᓯᕐᒧᑦ ᐅᑎᖅᑎᕆᓂᐅᔪᒥᑦᑕᐅᖅ, ᑲᑎᖃᑎᖃᒐᔪᒃᑐᒥ ᐅᖃᐅᓯᕐᒧᑦ, ᐅᖃᖅᐳᖅ ᐃᓪᓚᐅᑦ–ᓴᓪᓗᕕᓂᖅ.

“ᐊᒥᓱᐃᑦ (ᐃᓄᒃᑎᑐᒻᒥ ᐅᖃᐅᓯᖅ) ᑲᑎᒥᓂᖃᖅᐳᖅ ᐊᕙᑎᒧᑦ. ᐃᓕᖅᑯᓯᒧᑦ ᖃᓄᐃᓕᐅᕐᓂᐅᔪᑦ ᐱᓕᕆᕙᒃᑕᑦᑎᓐᓂ ᓲᕐᓗ (ᕿᒧᒃᓯᕐᓂᖅ), ᐊᔾᔨᒌᙱᑦᑐᓂ ᐅᖃᐅᓯᖅᑕᖃᖅᐳᖅ ᑭᓱᓕᒫᓄᑦ … ᓲᕐᓗ ᐊᓄᒧᑦ. ᐅᑎᖅᑎᕆᓂᑐᐃᓐᓇᐅᙱᓚᖅ ᕿᒧᒃᓯᓂᑦ ᑭᓯᐊᓂ ᑲᑎᖃᑎᖃᖅᐳᖅ ᐅᖃᐅᓯᕐᒥ ᐊᒻᒪᓗ ᑲᑎᖃᑎᖃᕆᕗᖅ ᐃᓕᖅᑯᓯᒧᑦ,” ᐅᖃᓚᐅᖅᐳᖅ ᐃᓪᓚᐅᑦ–ᓴᓪᓗᕕᓂᖅ.

ᐊᓯᐊᓂ ᐱᓕᕆᐊᖑᔪᒥ ᕿᒧᒃᓯᖅᑎᓄᑦ ᒪᒃᑯᒃᑐᓂ ᐱᔪᒪᓕᖅᑎᑦᑎᓂᖏᓐᓂ ᕿᒧᒃᓯᖅᑎᙳᕐᓂᖏᓐᓂ.

“ᐃᓄᑐᖃᐃᑦ ᒪᑐᐃᖓᐃᓐᓇᐅᔭᖅᐳᑦ ᐃᓕᓐᓂᐊᖅᑎᑦᑎᓂᕐᒧᑦ, ᒪᒃᑯᒃᑐᑦ ᑲᙳᓱᒋᐊᖃᙱᓚᑦ ᐊᒻᒪ ᐊᐱᕆᔭᖅᑐᑐᐃᓐᓇᕐᓗᑎᒃ,” ᐅᖃᓚᐅᖅᐳᖅ ᐊᖅᓴᕐᓂᖅ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖑᔪᑦ ᐸᕐᓇᒃᓯᒪᓂᖃᙱᓚᑦ ᑕᒪᑐᒥᖓ ᐊᕐᕌᒍᑕᒫᒥ ᑲᑎᙵᓂᖃᖅᑎᑦᑎᓂᕐᒧᑦ ᓂᕆᐅᒃᐳᑦ ᑲᒪᒋᔭᖃᐃᓐᓇᕐᓂᖓᓂ ᕿᒧᒃᓯᖅᑎᓂᑦ ᐊᒃᓱᓪᓘᓐᓃᑦ ᐊᕐᕌᒍᑦ ᒪᕐᕉᖕᓂ ᐱᖓᓱᓂᓪᓘᓐᓃᑦ ᐊᓂᒍᕌᖓᑦ. ᓯᕗᓪᓕᖅᐹᖑᔪᒥ ᑲᑎᖃᑎᒌᖕᓂᐅᔪᒥ, ᐅᖃᖅᐳᑦ, ᑐᓂᓯᓯᒪᕗᖅ ᑐᑭᓯᓇᕐᓂᖅᓴᐅᔪᒥ ᑐᕌᒐᕆᔭᐅᔪᒥᒃ ᖃᓄᖅ ᐃᑲᔪᕐᓂᕐᒧᑦ ᕿᑭᖅᑕᓂ ᕿᒧᒃᓯᓂᑦ.