Skip to content

ᖁᕝᕙᖅᓴᐃᓂᖅ ᓴᐃᒻᒪᖃᑎᒌᖕᓂᕐᒥ ᐅᕘᓇ ᓯᐊᕐᓇᕐᒥ ᓇᑦᑎᕐᒥ

ᑲᑎᙵᓂᐅᔪᓂ ᑯᑳᖅᑐᒥ-ᐊᓐᓄᕌᖅᓯᒪᔪᓂ ᐊᖑᓇᓱᒃᑎᓂ ᐱᓱᒃᐳᑦ ᓯᒡᔭᒥ ᑯᐸᐃᖕᒥ ᒫᒡᑕᓕᓐ ᕿᑭᖅᑕᖏᓐᓂ ᐅᓪᓗᕐᒥ ᐊᑕᐅᓯᕐᒥ ᓄᕕᐱᕆᐅᓚᐅᖅᑐᒥ, ᐃᒻᒥᓂᒃ ᐋᖅᑭᒃᖢᑎᒃ ᓯᒡᔭᐅᔪᒥ ᓯᐊᕐᓇᕐᒥ ᓇᑦᑎᕐᓂᑦ ᐱᑕᖃᒐᔪᓛᖑᔪᓂ. ᐃᓚᖏᑦ ᑎᒍᒥᐊᖅᐳᑦ ᖁᑭᐅᑎᓂᑦ, ᐊᓯᖏᑦ ᕼᐊᑲᐱᖕᓂ.
27888238_web1_220124-NUN-seals-seals_5
“I’m really happy to be here to experience this because after about a decade of not doing this kind of thing, I think I was starting to get a little bit heartsick,” said 23-year-old Aija Komangapik. Photo courtesy of Yoanis Menge “ᖁᕕᐊᓱᕐᔪᐊᖅᐳᖓ ᐅᕙᓃᓐᓂᓐᓂ ᐆᒥᖓ ᐊᑐᓕᒪᓂᖃᕐᓂᕐᒧᑦ ᐊᕐᕌᒍᑦ ᖁᓕᓂ ᑕᐃᒪᐃᓕᐅᖅᓯᒪᓚᐅᙱᑎᓪᓗᖓ, ᐆᒻᒪᑎᒐ ᐋᓐᓂᐊᒐᓚᓕᓚᐅᕐᒪᑦ,” ᐅᖃᓚᐅᖅᐳᖅ 23-ᓂ-ᐅᑭᐅᓕᒃ ᐊᐃᔭ ᖁᒪᖔᐱᒃ.

ᑲᑎᙵᓂᐅᔪᓂ ᑯᑳᖅᑐᒥ-ᐊᓐᓄᕌᖅᓯᒪᔪᓂ ᐊᖑᓇᓱᒃᑎᓂ ᐱᓱᒃᐳᑦ ᓯᒡᔭᒥ ᑯᐸᐃᖕᒥ ᒫᒡᑕᓕᓐ ᕿᑭᖅᑕᖏᓐᓂ ᐅᓪᓗᕐᒥ ᐊᑕᐅᓯᕐᒥ ᓄᕕᐱᕆᐅᓚᐅᖅᑐᒥ, ᐃᒻᒥᓂᒃ ᐋᖅᑭᒃᖢᑎᒃ ᓯᒡᔭᐅᔪᒥ ᓯᐊᕐᓇᕐᒥ ᓇᑦᑎᕐᓂᑦ ᐱᑕᖃᒐᔪᓛᖑᔪᓂ. ᐃᓚᖏᑦ ᑎᒍᒥᐊᖅᐳᑦ ᖁᑭᐅᑎᓂᑦ, ᐊᓯᖏᑦ ᕼᐊᑲᐱᖕᓂ.

ᑕᐃᒫᒃ ᐊᐃᔭ ᖁᒪᖔᐱᒃ ᐃᓚᐅᖃᑕᐅᓚᐅᖅᐳᖅ ᓇᑦᑎᕋᓱᖕᓂᕐᒥ ᓯᕗᓪᓕᖅᐹᒥ ᐊᕐᕌᒍᑲᓴᖕᓂ 10−ᓂ.

“ᖁᕕᐊᓱᕐᔪᐊᖅᐳᖓ ᐅᕙᓃᓐᓂᓐᓂ ᐆᒥᖓ ᐊᑐᓕᒪᓂᖃᕐᓂᕐᒧᑦ ᐊᕐᕌᒍᑦ ᖁᓕᓂ ᑕᐃᒪᐃᓕᐅᖅᓯᒪᓚᐅᙱᑎᓪᓗᖓ, ᐆᒻᒪᑎᒐ ᐋᓐᓂᐊᒐᓚᓕᓚᐅᕐᒪᑦ,” ᐅᖃᓚᐅᖅᐳᖅ.

ᓴᓂᐊᓂ ᖃᔅᓯᐊᕐᔪᖕᓂ ᐊᐅᓪᓛᕐᓂᐅᔪᓂ ᓱᕈᓯᐅᑎᓪᓗᒍ, 23-ᓂ-ᐅᑭᐅᓕᒃ ᐃᓄᒃ ᓴᓇᐅᒐᓕᕆᔨ ᖃᔅᓯᐊᕐᔪᖕᓂ ᐱᕕᒃᓴᖃᓚᐅᖅᐳᖅ ᐃᓚᐅᖃᑕᐅᓂᕐᒥ ᐱᖅᑯᓯᑐᖃᕐᒥ ᓇᑦᑎᕋᓱᖕᓂᐅᔪᒥ.

“ᐃᓅᓯᕐᒪ ᓇᑉᐸᓪᓗᐊᖓᓂ ᐃᖃᓗᖕᓃᓚᐅᖅᐳᖓ ᐊᒻᒪ ᐊᐃᑉᐸᖓ ᓇᑉᐸᖓᓂ ᑯᐸᐃᖕᒦᓚᐅᖅᐳᖓ,” ᐅᖃᓚᐅᖅᐳᖅ. “ᐱᕕᒃᓴᖃᓗᐊᓚᐅᙱᓚᖓ ᐊᖑᓇᓱᖕᓂᕐᒧᑦ ᒪᒃᑯᒃᑎᓪᓗᖓ … ᑕᐃᒫᒃ. ᖁᔭᓕᓚᐅᖅᐳᖓ ᐱᕕᒃᓴᖃᕐᓂᐅᔪᒥ ᐃᒃᐱᖕᓇᓚᐅᕐᒪᑦ ᐱᔭᕆᐊᖃᕐᓂᓐᓂ.”

ᐊᐃᔭᐅᑉ ᓯᕗᓪᓕᖅᐹᕆᓚᐅᕆᕙᖓ ᐊᑐᕐᓂᕐᒥ ᕼᐊᑲᐱᖕᒥ.

“ᐱᓕᕆᑦᑎᐊᓚᐅᖅᐳᖅ,”ᐅᖃᓚᐅᖅᐳᖅ. “ᐊᓇᐅᓯᑐᐃᓐᓇᕐᓗᑎᑦ ᓂᐊᖁᖓᑕ ᖁᓛᒍᑦ.”

ᐊᐅᓪᓛᕐᓂᐅᔪᖅ ᐃᓚᒋᔭᐅᓚᐅᖅᐳᖅ ᓄᑖᖑᔪᒥ ᐃᓕᖅᑯᓯᒧᑦ ᐱᓕᕆᐊᒃᓴᐅᔪᒥ ᐅᑯᓇᓂ ᒫᒡᑕᓕᓐ ᕿᑭᖅᑕᖏᓐᓂ ᐊᒻᒪ ᐃᓄᐃᑦ ᓄᓇᓕᖏᓐᓂ ᐋᑐᕚᒥ, ᑕᐃᔭᐅᔪᒥ Reconseal ᐃᓄᒃᓯᐅᑎᒥᒃ, ᑕᕌᕋᓱᐊᖅᑐᒥ ᖁᕝᕙᖅᓴᐃᓂᕐᒥ ᓴᐃᒻᒪᖃᑎᒌᖕᓂᐅᔪᒥ ᖁᕕᐊᓱᒍᑎᖃᕐᓂᖏᓐᓂ ᑕᒪᒃᑭᓂ ᓄᓇᖃᖅᑳᖅᓯᒪᙱᑦᑐᓄᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ ᓇᑦᑎᕋᓱᖕᓂᕐᒥ ᐱᖅᑯᓯᑐᖃᐅᔪᓄᑦ..

ᐊᐃᔭ ᐃᒻᒥᓂᒃ ᓴᓇᓚᐅᖅᐳᖅ Reconseal−ᑯᑦ ᓇᓗᓇᐃᒃᑯᑕᖓᓐᓂ, ᑕᑯᒃᓴᐅᑎᑦᑎᔪᒥ ᐅᓈᕐᒥ ᐃᓚᖃᖅᑐᒥ ᕼᐊᑲᐱᖕᒥ ᑐᓄᐊᓂ ᐊᔾᔨᙳᐊᖑᔪᒥ ᓯᐊᕐᓇᕐᒥ ᓇᑦᑎᕐᒥ.

ᐊᑖᑕᖓ, ᓄᓇᕗᒻᒥ ᓴᓇᙳᐊᖅᑎ ᕉᐱᓂ ᖁᒪᖔᐱᒃ, ᐊᒻᒪ ᔪᐊᓂᔅ ᒥᐊᓐᔾ, ᐅᖃᓕᒫᒐᓕᐅᖅᑎ ᐊᒻᒪ ᐊᔾᔨᓕᐅᕆᔨ ᑯᐸᐃᖕᒥ, ᓇᓂᓯᔨᐅᕗᑦ ᓄᑖᖑᔪᒥ ᐱᓕᕆᐊᒃᓴᐅᔪᒥ.

“ᓇᖏᖅᓯᕗᒍᑦ ᐱᓕᕆᐊᖑᔭᕆᐊᓕᖕᒥ ᐊᒻᒪᓗ ᐱᓕᕆᓪᓗᑕ ᓴᐃᒻᒪᖃᑎᒌᓪᓚᕆᖕᓂᐅᔪᒥ ᐅᕘᓇ ᐆᒪᔪᒧᑦ,” ᐅᖃᓚᐅᖅᐳᖅ ᖁᒪᖔᐱᒃ. “ᑕᐃᒪᑐᖅ, ᑭᒃᑯᓕᒫᑦ ᑲᓇᑕᒥ ᑕᔪᖏᖅᓴᓂᐊᖅᐳᑦ ᐆᒧᖓ.”

ᐃᓱᒪᓕᐊᖑᔪᖅ ᐱᓕᕆᐊᒃᓴᒧᑦ ᓴᖅᑭᓚᐅᖅᐳᖅ ᒥᐊᓐᔾ ᐊᒻᒪ ᖁᒪᖔᐱᒃ, ᐊᑯᓂᐊᓗᒃ ᐱᖃᓐᓇᕇᒃᑐᓂ, ᐊᖑᓇᓱᒋᐊᖅᓯᒪᑎᓪᓗᒋᑦ ᒫᒡᑕᓕᓐ ᕿᑭᖅᑕᖏᓐᓂ ᓯᑎᐱᕆ 2021 ᓄᙳᐊᓂ.

ᓇᑦᑎᓚᐅᖅᐳᑦ ᓯᑎᐱᕆ 30−ᒥ, ᓯᕗᓪᓕᖅᐹᑦᑎᐊᖑᔪᒥ ᑲᓇᑕᒥ ᐅᓪᓗᖓᓂ ᓱᓕᓂᕐᒧᑦ ᐊᒻᒪ ᓴᐃᒻᒪᖃᑎᒌᖕᓂᐅᔪᒧᑦ.

“ᐊᓐᓄᕋᐃᔭᓚᐅᖅᐳᖅ ᖃᕐᓕᑲᓪᓚᒃᓯᒪᑐᐃᓐᓇᖅᖢᓂ ᐊᒻᒪ ᐃᒫᓄᐊᓚᐅᖅᐳᖅ ᓂᒃᓯᖃᖅᖢᓂ,” ᐃᖅᑲᐅᒪᕗᖅ ᖁᒪᖔᐱᒃ. “ᓂᒃᓯᓚᐅᖅᐸᖓ ᐊᒻᒪᓗ ᐅᓂᐊᖅᖢᓂᐅᒃ ᓯᒡᔭᒧᑦ, ᐊᒻᒪ ᑕᒪᑦᑕ ᐊᐅᐸᔮᖓᔪᒥ ᐅᕕᓂᕈᖅᓯᒪᓚᐅᖅᐳᒍᑦ. ᐅᕙᑦᑎᓐᓂ ᐊᔾᔨᓕᐅᕆᓚᐅᖅᐳᖅ ᓇᑦᑎᖅ ᐱᓚᒃᓯᒪᓪᓗᓂ ᑕᐃᒪᓐᓇ ᐱᓚᒃᓯᓲᖑᓂᖏᓐᓂ, ᑕᐃᒫᒃ ᐱᒋᐊᓚᐅᖅᐳᖅ ᓲᕐᓗ ‘ᐃᕼᐄ, ᓴᐃᒻᒪᖃᑎᒌᒃᐳᒍᑦ-ᓇᑦᑎᕋᓱᖕᓂᒃᑯᑦ ᓴᐃᒻᒪᖃᑎᒌᖕᓂᕐᒥ,’ ᑕᐃᒫᒃ ᑲᒻᐸᓂᕗᑦ ᑕᐃᒪᓐᓇ ᐊᑦᑎᖅᑕᐅᓚᐅᖅᐳᖅ.”

ᑐᓂᓯᓚᐅᖅᐳᑦ 700 ᐸᐅᓐᔅ−ᒐᓚᖕᓂ ᐊᖑᓇᓱᒃᑕᐅᔪᓂ ᓂᕿᓂᑦ ᑐᙵᓱᒡᕕᖓᑦ ᐃᓄᖕᓄᑦ, ᐃᑲᔪᕈᑎᒃᓴᒥ ᐱᓕᕆᕝᕕᒃ ᖃᓪᓗᓈᑦ ᓄᓇᖓᓐᓂ ᐃᓄᖕᓄᑦ ᑐᙵᕕᖃᖅᑐᓂ ᐋᑐᕚᒥ.

ᐃᓚᖓ ᑐᓂᔭᐅᓚᐅᖅᐳᖅ ᐃᖅᑲᐅᒪᓂᐅᔪᒥ ᓄᕕᐱᕆ 7−ᒥ ᐋᑐᕚᒥ ᒥᕐᙳᐃᖅᓯᕐᕕᖕᒥ ᐊᑦᑎᖅᑕᐅᒃᑲᓐᓂᓚᐅᖅᑎᓪᓗᒍ ᐅᐱᒋᔭᖃᖅᑐᒥ ᐃᓄᖕᒥ ᓴᓇᐅᒐᓕᕆᔨᒥᒃ ᐋᓂ ᐳᑐᒍᕐᒥ, ᐅᖃᓚᐅᖅᐳᖅ ᖁᒪᖔᐱᒃ.

ᖄᒃᑲᓐᓂᐊᒍᑦ, ᐊᖑᓇᓱᒃᑕᐅᓂᑯᓂ ᕿᓯᖕᓂ ᑐᓂᔭᐅᓚᐅᖅᐳᑦ ᐃᓴᕈᐃᑦ ᐃᓄᖕᓄᑦ ᓴᓇᐅᒐᓕᕆᔨᒃᑯᓐᓄᑦ, ᐱᓕᕆᕝᕕᒃ ᐋᑐᕚᒥ ᖁᕝᕙᖅᓴᐃᓲᒥᒃ ᐃᓄᐃᑦ ᓴᓇᐅᒐᖏᓐᓂ ᐊᒻᒪ ᐃᓕᖅᑯᓯᖓᓐᓂ, ᐊᑐᖅᑕᐅᓂᐊᖅᑐᓂ ᐃᓕᓐᓂᐊᖅᑎᑦᑎᓂᕐᒥ ᐱᖅᑯᓯᑐᖃᕐᒥ ᐸᕐᓇᐃᓂᐅᔪᒥ ᕿᓯᖕᓂ, ᐅᖃᓚᐅᖅᐳᖅ.

ᖁᒪᖔᐱᒃ, ᒥᑦᑎᒪᑕᓕᖕᒥᐅᑕᓪᓚᕆᒃ, ᓅᓚᐅᖅᐳᖅ ᑯᐸᐃᖕᒧᑦ ᐊᔅᓯᐊᕐᔪᖕᓂ ᐊᕐᕌᒎᓕᖅᑐᓂ. ᖃᐅᔨᒪᔭᐅᕗᖅ ᑲᑎᙵᓂᐅᔪᓂ ᓯᐊᒻᒪᖅᑎᑦᑎᓂᕐᒧᑦ ᓴᓇᙳᐊᒐᖏᓐᓂ ᐊᒻᒪᓗ ᐃᓕᓐᓂᐊᖅᑎᑦᑎᓂᕐᒥ ᒪᒃᑯᒃᑐᓂ ᐃᓄᖕᓂ ᐅᖃᐅᓯᖃᖅᐸᒃᖢᓂ ᖃᐅᔨᒪᓂᕐᔪᐊᕆᔭᖓᓂ ᓴᓇᙳᐊᒐᕐᓂ.

6,000−ᐸᓗᖕᓂ ᐃᓄᖕᓂ ᐋᑐᕚ ᐃᓂᒋᔭᖓᓃᑉᐳᑦ, ᐅᖃᐅᓯᐅᓪᓗᓂ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ ᓄᓇᙳᐊᖓᓂ ᑲᓇᑕᒥ. ᐊᒥᓱᑦ ᐊᑐᐃᓐᓇᖃᒐᔪᙱᓚᑦ ᐱᖅᑯᓯᑐᖃᖅᑎᒍᑦ ᓂᕿᓄᑦ, ᐅᖃᓚᐅᖅᐳᖅ ᖁᒪᖔᐱᒃ, ᑕᐃᒫᒃ ᐃᓱᒪᓂᐅᔪᖅ ᐃᓕᖅᑯᓯᒧᑦ ᑕᐅᖅᓰᓂᐅᔪᒥ ᒫᒡᑕᓕᓐ ᕿᑭᖅᑕᖏᓐᓂ ᐃᓱᒪᒋᔭᐅᓕᓚᐅᖅᐳᖅ.

ᖁᒪᖔᐱᒃ ᐅᖃᓚᐅᖅᐳᖅ ᐱᓕᕆᐊᒃᓴᐅᔪᖅ ᐃᑲᔪᕐᓂᐊᖅᐳᖅ ᓵᓚᖃᕋᓱᐊᕐᓂᕐᒥ ᓂᕿᒃᓴᖃᑦᑎᐊᙱᓐᓂᐅᔪᒥ ᑐᓂᓯᓂᕐᒥ ᓇᖏᙶᕐᓂᐅᔪᒥ ᐱᖅᑯᓯᑐᖃᖅᑎᒍᑦ ᓂᕿᓂᑦ ᖃᓪᓗᓈᑦ ᓄᓇᖓᓐᓂ ᐃᓄᖕᓄᑦ, ᐱᐅᓯᒋᐊᖅᑎᑦᑎᓂᐊᖅᑐᒥ ᐋᓐᓂᐊᖃᕐᓇᙱᑦᑐᓕᕆᓂᖏᓐᓂ ᐊᒻᒪ ᖃᓄᐃᙱᑦᑎᐊᕐᓂᖏᓐᓂ.

“ᐊᐅᓪᓚᖅᑎᑦᑎᓂᕐᒥ ᓇᑦᑎᐅᑉ ᓂᕿᖓᓐᓂ ᓄᓇᕗᒻᒥ ᐊᑭᑐᓂᖅᓴᒻᒪᕆᐅᕗᖅ ᐊᒻᒪ ᓂᕿᒃᓴᖃᑦᑎᐊᙱᓐᓂᖃᖅᐳᖅ ᑕᑉᐹᓂ,” ᐅᖃᓚᐅᖅᐳᖅ. “ᐅᕙᓐᓂ ᐊᔭᐅᕆᒐᓚᓚᐅᖅᐳᖅ ᐆᒥᖓ ᐱᒋᐊᖅᓯᓂᕐᒥ,

ᐅᕘᓇ ᐊᔾᔨᓕᐅᕆᓂᕆᕙᒃᑕᖓᓂ ᐊᒻᒪ ᑎᑎᕋᖅᐸᖕᓂᖓᓂ, ᒥᐊᓐᔾ ᑎᑎᕋᐅᓯᖃᖅᓯᒪᕗᖅ ᐃᓅᓯᐅᔪᓂ ᓂᐅᕕᐊᒃᓴᖃᕆᐊᖅᑐᖅᐸᒃᑐᓂ ᓇᑦᑎᕋᓱᒃᑎᐅᔪᓂ ᐊᑦᓛᓐᑎᒃ ᑲᓇᑕᒥ, ᖄᒃᑲᓐᓂᐊᒍᑦ ᓄᓇᕕᖕᒥ ᐊᒻᒪ ᓄᓇᕗᒻᒥ.

ᓇᐃᑦᑐᒥᒃ ᑕᕐᕆᔭᓕᐊᖑᔪᒥ ᑕᐃᔭᐅᒧᒥ La Fabrique culturelle, ᒥᐊᓐᔾ ᐅᓂᒃᑳᓚᐅᖅᐳᖅ ᓇᑦᑎᕋᓱᖕᓂᖅ ᐱᒻᒪᕆᐅᓪᓗᓂ ᐃᓚᒋᔭᐅᓂᖓᓂ ᓄᓇᓕᖕᓂ ᐃᓕᖅᑯᓯᐅᔪᒥ ᐊᒻᒪ ᑮᓴᐅᔾᔭᒃᓴᕐᓂᐅᔪᒥ ᐱᕈᖅᓴᑎᓪᓗᒍ ᒫᒡᑕᓕᓐ ᕿᑭᖅᑕᖏᓐᓂ.

ᑭᓯᐊᓂ, ᐃᓱᒪᖓ ᐊᒃᓱᕈᕐᔪᐊᓚᐳᖅᐳᖅ ᓄᓇᕐᔪᐊᒥ ᓇᑦᑎᕋᓱᖕᓂᕐᒥ−ᐊᑭᕋᖅᑐᖅᑐᓂ ᐱᓕᕆᓂᐅᔪᓂ ᓱᔪᐃᓚᐅᕐᓂᖓᓂ ᑕᒪᒃᑭᓂ ᓄᓇᖃᖅᑳᖅᓯᒪᔪᓄᑦ ᓄᓇᖃᖅᑳᖅᓯᒪᙱᑦᑐᓄᑦ ᓄᓇᓕᐅᔪᓄᑦ ᖁᔭᓐᓇᒦᒃ ᓄᖅᑲᖅᑎᑦᑎᓯᒪᓂᐅᔪᒧᑦ ᓇᑦᑎᕐᓂ ᓴᓇᐅᒐᐅᔪᓂ.

ᑕᐃᒪᙵᓂ, ᑕᒪᕐᒥᒐᓚᒃ ᐱᓕᕆᓂᖓ, ᐃᓚᖃᖅᑐᒥ ᒫᓐᓇᓕᓴᐅᔪᒥ ᐅᖃᓕᒫᒐᓕᐊᖓᓂ ᕼᐊᑲᐱᒃ, ᑐᕌᖓᓂᖃᖅᓯᒪᕗᖅ ᐃᓄᙳᖅᑎᑦᑎᓂᐅᔪᒥ ᓇᑦᑎᕋᓱᖕᓂᐅᔪᒥ ᐊᒻᒪ ᐃᓄᖕᓂ ᐊᑐᖅᐸᒃᑕᖏᓐᓂ.

ᒥᐊᓐᔾ ᐅᖃᓚᐅᖅᐳᖅ ᐅᓇ Reconseal’s ᓯᕗᓪᓕᖅᐹᖑᓪᓗᓂ ᐊᐅᓪᓛᕐᓂᕆᓚᐅᖅᐸᖓ ᒫᓐᓇᒧᑦ ᑎᑭᖦᖢᒍ, ᑭᓯᐊᓂ ᓂᕆᐅᒃᐳᖅ ᐱᑕᖃᒃᑲᓐᓂᓛᕐᓂᖓᓂ ᓯᕗᓂᒃᓴᒥ. ᐅᖃᓚᐅᕆᕗᖅ Reconseal, ᒫᓐᓇ ᐊᑎᓕᐅᖅᑕᐅᓯᒪᔪᒥ ᑎᒥᖁᑕᐅᓕᖅᑐᒥ, ᐃᓚᐅᑎᑦᑎᓂᐊᕐᓂᖓᓂ ᑕᒪᒃᑭᓂ ᐃᓕᖅᑯᓯᒧᑦ ᑕᐅᖅᓰᓂᐅᔪᒥ ᐊᒻᒪ ᖁᕝᕙᖅᓴᐃᓂᕐᒥ ᐅᔾᔨᕈᓱᖕᓂᐅᔪᒥ ᓇᑦᑎᕋᓱᖕᓂᕐᒥ ᐱᓕᕆᓂᕐᔪᐊᖑᔪᒥ ᒪᑭᒪᔾᔪᑕᐅᓂᖓᓂ.

“ᐊᖏᕐᔪᐊᖅᖢᓂ ᐃᑲᔪᕈᑎᒃᓴᐅᕗᖅ ᐅᕙᓂ ᐱᒋᔭᑦᑎᓐᓂ ᑕᐅᕙᓂ ᕿᑭᖅᑕᐅᔪᓂ,” ᐅᖃᓚᐅᖅᐳᖅ ᒥᐊᓐᔾ. “ᓯᕗᓂᒃᓴᒥ ᐱᓕᕆᐊᒃᓴᖃᖅᑎᑦᑎᔪᒪᕗᒍᑦ ᐃᓄᖕᓄᑦ ᐊᑭᓕᖅᑕᐅᔪᓐᓇᕐᓂᐊᕐᒪᑕ. ᐊᒻᒪᓗ ᐃᓄᖕᓂ ᑲᑎᙵᓂᑦᑎᓐᓃᖁᔨᕗᒍᑦ ᒫᒡᑕᓕᓐ ᕿᑭᖅᑕᖏᓐᓂ, ᐊᓯᖏᓐᓂ ᐃᓚᖏᓐᓂ ᐅᑭᐅᖅᓴᑕᖅᑐᒥ ᐊᒻᒪᓗ ᓄᓇᓕᐸᐅᔭᒥ.”

ᖁᒪᖔᐱᒃ ᐊᖏᖃᑎᖃᓚᐅᖅᐳᖅ Reconseal ᐊᒻᒪᓗ ᓯᐊᕐᓇᕐᒥ ᓇᑦᑎᕋᓱᐊᕐᓂᕐᒥ ᐱᓕᕆᓂᕐᔪᐊᖑᔪᒥ ᒫᒡᑕᓕᓐ ᕿᑭᖅᑕᖏᓐᓂ ᐊᖏᓂᖅᓴᐅᔪᒥ ᓂᐅᕕᐊᒃᓴᖃᕆᐊᖅᑐᖅᑐᒥ ᐱᕕᒃᓴᖃᕈᓐᓇᕐᓂᖓᓂ ᓯᕗᓂᒃᓴᐅᔪᒥ.

“ᖃᐅᔨᒪᓂᕆᔭᕋ ᐃᓄᒃᑎᒍᑦ ᐱᐅᒋᓪᓚᕆᒃᑲᑦᑎᒍᑦ ᑕᒪᒃᑯᓂᒐᓚᒃ.”

27888238_web1_220124-NUN-seals-seals_4
The group of camo-clothed hunters walked the beach on the Magdalen Islands, Quebec, one day this past November, positioning themselves along a stretch of shore where grey seals could be found. Photo courtesy of Yoanis Menge ᑲᑎᙵᓂᐅᔪᓂ ᑯᑳᖅᑐᒥ-ᐊᓐᓄᕌᖅᓯᒪᔪᓂ ᐊᖑᓇᓱᒃᑎᓂ ᐱᓱᒃᐳᑦ ᓯᒡᔭᒥ ᒫᒡᑕᓕᓐ ᕿᑭᖅᑕᖏᓐᓂ, QC−ᒥ, ᐊᑕᐅᓯᕐᒥ ᐅᓪᓗᒥ ᓄᕕᐱᕆᐅᓚᐅᖅᑐᒥ. ᐃᒻᒥᓂᒃ ᐃᓕᓯᓪᓗᑎᒃ ᓯᒡᔭᒥᑦ ᓯᐊᕐᓇᓂ ᓇᑦᑎᕐᓂ ᓇᓂᔭᐅᕙᒃᑐᓂ.