Skip to content

70-ᓂ ᐊᕌᒍᑕᕐᓂᐊᓯᔪᖅ ᓱᓕ ᓴᓈᕐᒥᓂᒃ ᓄᖃᓚᐅᔮᖏᑦᑐᖅ

ᓴᐃᓕᔪᓐᓇᖏᓐᓇᒥᓕ ᑕᐃᑑᓯ ᐊᓗᓘᖅ.
33501431_web1_230807-NUN-INUK-Titus-Allooloo_1
ᑕᐃᑑᓯ ᐊᓗᓘᖅ ᐊᔾᔨᓕᐅᖅᑕᐅᖃᑎᖃᖅᐳᖅ ᖁᑭᐅᑎᒥᓂᒃ. ᒥᑎᒪᑕᓕᖕᒥᐅᑕᖅ, 70-ᓂ ᐊᕌᒍᑕᕐᓂᐊᓯᔪᖅ, ᑲᓇᑕᒥ ᐅᓇᓕᖕᓄᑦ ᐃᓚᐅᓕᕐᓂᑯ ᐊᕌᒍᑦ 2012-ᒥ, ᑲᑎᒪᔨᕐᔪᐊᖑᖃᑕᐅᓯᒪᓪᓚᓚᐅᖅᖢᓂ, ᓇᖕᒥᓂᖃᖅᑎᐅᓪᓗᓂᓗ. Titus Allooloo poses for a photo with his rifle. The Pond Inlet resident, now 70 years old, began serving with the rangers around 2012, after a long career in politics and business. Photo courtesy of Titus Allooloo

ᓴᐃᓕᔪᓐᓇᖏᓐᓇᒥᓕ ᑕᐃᑑᓯ ᐊᓗᓘᖅ.

69-ᓂᒃ ᐊᕌᒍᓕᒃ ᒥᑦᑎᒪᑕᓕᖕᒥᐅᑕᖅ ᐊᕌᒍᒐᓴᖕᓄᑦ ᓇᖕᒥᓂᖃᖅᑎᐅᖃᑦᑕᖅᓯᒪᔪᖅ ᐊᒻᒪᓗ ᒥᓂᔅᑕ ᑲᑎᒪᔨᕐᔪᐊᖅ ᓄᓇᑦᑎᐊᖅ ᒐᕙᒪᒥ.

ᓄᖃᖅᓯᒪᓕᖅᑕᖓ ᐱᓕᕆᐊᕆᖃᑦᑕᓚᐅᖅᑕᓂ, ᓴᐃᓕᐅᒪᓕᖅᑐᖅ ᐊᖏᕋᒥᓂ, ᒪᓇᐅᓕᖅᑐᖅ ᐃᖃᓇᐃᔮᓕᒃ ᓯᕗᓪᓕᖅᐹᖑᖃᑕᐅᓪᓗᓂ ᐅᓇᓕᖕᓄᑦ ᓇᐅᑦᑎᖅᓱᖅᑎ (CRPG), ᑐᖃᖅᑕᕐᕕᒃ ᑲᓇᑕᒥ ᐅᓇᓕᒃᓴᔭᓄᑦ ᑲᒪᒋᐊᖏᑦ, ᓄᓇᕗᑦ, ᓄᓇᑦᑎᐊᖅ, ᐃᓄᕕᐋᓗᖕᒥᐅᑦ ᐊᒻᒪᓗ ᐳᐃᑎᔅ ᑲᓚᒻᐱᔭ.

‘ᐅᓇᑕᖅᑐᖅᓴᖃᖏᑦᑎᐊᖅᑐᖅ ᐅᑭᐅᖅᑕᖅᑑᑉ ᓄᓇᖓᓂ’ ᐅᖃᖅᐳᖅ. ‘ᐃᖃᓇᐅᔮᖅᐳᑦ ᐃᔨᒋᔭᐅᓗᑕ ᓯᐅᑎᒋᔭᐅᓗᑕᓗ ᑲᓇᑕᒧᑦ ᐅᓇᑕᖅᑐᒃᓴᓄᑦ.’

ᐊᓗᓘᖅ ᐅᓇᓕᓴᔭᐅᓯᒪᓕᖅᐳᖅ, ᐱᓕᕆᖃᑎᖃᓲᑦ ᑲᓇᑕᒥ ᐅᓇᑕᖅᑐᓴᒃ ᓇᐅᑦᑎᖅᓱᔨᖏᓐᓄᑦ,ᐊᕋᒍᑦ 2012-ᒥᓂᒃ.

ᐱᓕᕆᐊᓂ ᓇᐅᑎᖅᓱᖅᖢᓂᒋ ᐅᒥᐊᕐᔪᐊᑦ ᐊᖁᓵᓱᑦ ᐅᑭᐅᖅᑕᑦᑑᑉ ᑕᕆᐅᖓᓂ, ᐊᐅᓚᑯᒻᒥ ᐊᐅᓚᑦᑎᔪᒥᒃ ᑕᑯᒃᐸᑦ, ᓇᓗᓇᐃᖅᓯᔨᑐᐃᓐᓇᐅᓪᓗᓂ CRPG ᑎᑎᕋᕐᕕᕐᔪᐊᖅ ᔭᓗᓇᐃᒥ, ᔭᓗᓇᐃᒥᐅᑦ ᑐᓴᖅᑎᑦᑎᓕᖅᖢᑎ ᐊᑐᕚ ᑎᑎᕋᕐᕕᖁᑖᓄᑦ.

ᐱᔾᔪᑎᖓ, ᐅᖃᖅᐳᖅ, ᑲᓇᑕᒥᑦ ᐅᓇᑕᖅᑐᒃᓴᑦ ᐊᒻᒪᓗ ᑲᓇᑕ ᒐᕙᒪᖓ ‘ᑐᓴᖅᑎᑕᐅᓱᖓᖅᐸᑕ ᖃᓄᐃᓂᕆᔭᐅᔪᓂᒃ ᑕᒪᓂ.’

‘ᐅᔨᖅᓱᖅᐸᒃᑕᕗᑦ ᐅᒥᐊᕐᔪᐊᑦ - ᑲᓇᑕᒧᑦ ᐅᒥᐊᕐᔪᐊᑦ ᐊᓯᖏᓪᓗ ᐅᒥᐊᕐᔪᐊᑦ - ᐱᓗᐊᕕᒃᑐᒥ ᑕᓪᓗᕈᑎᐅᑉ ᐃᒪᒍᑦ,’ ᐅᖃᖅᐳᖅ ‘ᐅᖃᐅᓯᕆᔭᕆᐊᖃᖅᑕᕗᑦ, ᓇᑭᙵᕋᓗᐊᖅᐸᑕ.

‘ᐅᖃᐅᓯᕆᕙᖕᒥᔭᕗᑦ ᐅᖅᓱᐊᓗᖃᐅᑏᑦ ᐊᒻᒪᓗ ᑎᖕᒥᓲᑦ.’

ᐊᓗᓘᖅ ᐊᒻᒪᓗ ᐅᓇᓕᑦ ᐱᓕᕆᐊᒃᓴᖃᐅᖅᐳᑦ, ᐱᔪᒧᑦ ᐃᓕᓐᓂᐊᖅᑎᑦᑎᓂᕐᒥᒃ ᐊᓐᓇᐅᒪᓇᓱᐊᕐᓂᕐᒥ ᑲᓇᑕᐅᑉ ᐅᓇᑐᖅᑕᒃᓴᖁᑎᖏᓐᓂ, ᐊᒻᒪᓗ ᑐᐊᕕᕐᓇᖅᑐᒃᑯᑦ ᕿᓂᖅᑏᑦ ᐊᒻᒪᓗ ᑕᕆᐊᑉ ᐊᑭᐊᓂᖔᖅᐸᑦᑐᓄ, ᒥᐊᓕᒐᕐᒥᐅᓄᓪᓗ.

ᐱᔭᕆᐊᖃᖏᒃᑲᓗᐊᖅᖢᓂ, ᐃᓕᓐᓂᐊᖅᑎᑦᑎᕙᒃᖢᓂ ᐅᖁᐋᒦᓐᓂᕐᒥᒃ ᐅᖁᓴᐅᑎᑕᖃᖏᑲᓗᐊᖅᑎᓪᓗᒍ, ᐊᐳᒻᒥᑦ ᐅᖁᐊᓕᐅᖅᖢᓂ ᐊᒻᒪᓗ ᐃᒡᓗᓂᒃ.

‘ᐊᔪᕐᓇᐃᓇᐅᔭᕐᓇᕐᒪᑦ ᐅᑭᐅᖅᑕᖅᑐᒧᑦ ᓱᖏᐅᑎᓇᓱᒃᖢᓂ,’ ᐅᖃᖅᐳᖅ. ‘ᐱᖅᓯᒧᑦ, ᐊᓄᕆᓄᓪᓗ, ᐊᔪᕐᓇᖅᑐᖅᓯᐅᖅᐸᒃᐳᒍᑦ, ᑭᓯᐊᓂᓕ ᖃᐅᔨᒪᒐᑎᒍ ᐊᓐᓇᐅᒪᓇᓱᐊᕐᓂᖅ ᓯᓚ ᒪᓕᒡᓗᒍ ᐃᓕᓐᓂᐊᖅᑎᓇᓱᒃᐸᒃᑕᐳᑦ ᐅᓇᑕᖅᑐᒃᓴᑦ.

‘ᐃᓕᓐᓂᐊᖅᑎᒃᐸᖢᑎᒍᑦ ᐃᓄᓇᓱᐊᕋᓱᖕᓂᕐᒥᒃ ᐃᒃᑮᕐᓇᖅᑐᒥᑦ.’

ᐱᓕᕆᐊᕆᓗᒍ ᐊᔪᕐᓇᕈᓐᓇᕐᒪᑦ, ᑭᓯᐊᓂ ᓄᖃᓂᒑᓯᒪᙱᑦᑐᖅ ᒪᓇᐅᔪᖅ ᖃᓂᑦᑐᒃᑯᑦ. ᐱᔪᓐᓇᑎᐊᕋᒥᓱᓕ ᑎᒥᒥᑎᒍ, ᐃᓕᐊᓇᐃᒋᓪᓗᓂᐅᒡᓗ ᓄᓇᐃᓐᓇᕐᒦᖢᓂ. ᐊᐅᔭᐅᓵᖅᑐᒥᑦ ᐅᒥᐊᖅᑐᓵᖅᑐᖅ ᐃᖃᓗᖕᓂᑦ ᒥᑎᒪᑕᓕᖕᒧᑦ. ᐃᓕᓐᓂᐊᖅᑎᑦᑎᓂᕐᒥᓪᓗ ᖃᐅᔨᒪᔭᕐᒥᓂᒃ ᐃᓕᓐᓂᐊᖅᑎᑦᑎᔪᒪᕙᒃᖢᓂ ᐋᓂᖅᑐᓕᕆᓂᕐᒧᑦ ᐅᒪᓇᓱᐊᕐᓂᕐᒧᓪᓗ ᐊᕋᒍ ᐊᑐᑕᖓᓂᒃ.

‘ᓄᓇᐃᓐᓇᖅ ᑲᔾᔮᕆᔭᕋ,’ ᐅᖃᖅᐳᖅ. ‘ᐊᑐᖅᐸᓪᓕᐊᔭᕋ ᐊᓕᐊᓇᐃᒋᓪᓗᒍᓗ.

‘ᐃᓕᐊᓇᐃᒋᔭᕋ ᖃᐅᔨᒪᔭᒃᑲ ᐃᓕᓐᓂᐊᖅᑎᔾᔪᑎᒋᓪᓗᒋᒃ ᖃᐅᔨᔭᕆᐊᖃᖅᑐᓄᑦ.’

‘ᑕᐃᒪᐃᓐᓂᐊᖅᖢᖓ ᐊᔪᙱᓐᓂᓕᒪᕐᓂᑦ.’

ᐊᓗᓘᖅ ᓂᕈᐊᖅᑕᐅᓚᐅᖅᓯᒪᔪᖅ ᓯᕗᓕᕐᒥ ᐱᓕᕆᐊᒃᓴᒥᓂ ᓄᓇᑦᑎᐊᖅ ᑲᑎᒪᔨᕐᔪᐊᖏᓐᓄᑦ 1987-ᒥ ᐊᒻᒪᓗ ᐱᓕᕆᐊᕆᓪᓗᓂᐅᒃ 1995-ᖑᕋᓱᖕᓂᖓᓂᒃ. ᐃᓚᐅᓕᕆᓪᓗᓂᓗ ᓄᓇᕗᒻᒥ ᓂᕈᐊᒐᒃᓴᓕᕆᓂᒧᑦ ᑭᒡᓕᓯᓂᐊᖅᑎᑯᓐᓄᑦ ᐱᓕᕆᑎᑦᑎᔩᑦ, ᐊᕿᒃᑕᐅᓂᖃᓕᓵᖅᑎᓪᓗᒍ ᓂᕈᐊᒐᒃᓴᓕᕆᓂᕐᒧᑦ ᑭᒡᓕᓯᓂᐊᖅᑎᒃᑯᑦ ᓄᓇᕗᒻᒥ.

1 CRPG 2000-ᓂᒃ ᐅᓇᓕᓴᔭᖕᓂᑦ ᐊᕿᒃᓯᓯᒪᕗᑦ 61-ᓂᑦ ᓇᐅᑦᑎᖅᓱᖅᑎᓖᑦ ᐊᒻᒪᓗ ᐅᓇᓕᓴᔭᕋᓛᑦ 44 ᓇᐅᑦᑎᖅᓯᔨᖏᑦ 65 ᐅᑭᐅᖅᑕᑐᓕᒪᒥ ᐊᕕᒃᑐᖅᓯᒪᔪᒃᑯᑦ,’ ᒐᕙᒪᑯᑦ ᑎᑎᖃᖏᓄᑦ ᑕᑯᓪᓗᒍ ᖃᕋᓴᐅᔭᒃᑯᑦ.

ᐅᓇᓕᒃᓴᔭᐃᑦ ‘ᐃᖃᓇᐅᔭᖅᑕᖅᑐᑦ’’ ᐊᑭᓕᖅᓱᖅᑕᐅᕙᒃᐳᑦ ᐱᓕᕆᐊᕐᒥᓄᑦ.’ ᖃᕋᓴᐅᔭᒃᑯᑦ ᑕᑯᓪᓗᒍ.