Skip to content

ᐊᖑᓇᓱᑦᑐᓕᕆᔨᒃᑯᑦ ᒥᑭᒋᐊᕐᓂᐊᖅᑎᓪᓗ ᐊᑎᓕᐅᖅᓯᒪᔪᑦ ᑐᒃᓯᕋᐅᑎᓂ ᐲᖅᓯᓂᕐᒧᑦ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖑᔪᓂ ᐊᖓᔪᖅᑳᖓᓂ

ᑲᖏᖅᖠᓂᕐᒥ ᐊᖑᓇᓱᑦᑐᓕᕆᔨᒃᑯᑦ ᒥᑭᒋᐊᕐᓂᐊᖅᑎᓪᓗ ᑲᑐᔾᔨᖃᑎᒌᖑᔪᓂ ᑐᓐᓂᖅᓴᐃᕗᑦ ᐊᑎᓕᐅᖅᓯᒪᔪᑦ ᑐᒃᓯᕋᐅᑎᓂ ᐲᖅᓯᓂᕐᒥ ᑯᓄ ᑕᑦᑐᐃᓂᒥ ᐃᓂᒋᔭᖓᓂ ᐊᖓᔪᖅᑳᖑᓂᕐᒧᑦ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖑᔪᓂ.
30718306_web1_221019-KIV-InukKonoPetition_1
ᑯᓄ ᑕᑦᑐᐃᓂ, ᐊᖓᔪᖅᑳᖅ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖑᔪᓂ, ᐊᑭᕋᖅᑐᖅᑕᐅᕗᖅ ᑲᖏᖅᖠᓂᕐᒥ ᐊᖑᓇᓱᑦᑐᓕᕆᔨᒃᑯᑦ ᒥᑭᒋᐊᕐᓂᐊᖅᑎᓪᓗ ᑲᑐᔾᔨᖃᑎᒌᖑᔪᓂ, ᐱᒋᐊᖅᑎᑦᑎᓯᒪᔪᒥ ᐊᑎᓕᐅᖅᓯᒪᔪᑦ ᑐᒃᓯᕋᐅᑎᓂ ᑕᑦᑐᐃᓂᒥ ᐲᖅᑕᐅᓂᖓᓂ ᐃᓂᒋᔭᒥᓂᑦ.

ᑲᖏᖅᖠᓂᕐᒥ ᐊᖑᓇᓱᑦᑐᓕᕆᔨᒃᑯᑦ ᒥᑭᒋᐊᕐᓂᐊᖅᑎᓪᓗ ᑲᑐᔾᔨᖃᑎᒌᖑᔪᓂ ᑐᓐᓂᖅᓴᐃᕗᑦ ᐊᑎᓕᐅᖅᓯᒪᔪᑦ ᑐᒃᓯᕋᐅᑎᓂ ᐲᖅᓯᓂᕐᒥ ᑯᓄ ᑕᑦᑐᐃᓂᒥ ᐃᓂᒋᔭᖓᓂ ᐊᖓᔪᖅᑳᖑᓂᕐᒧᑦ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖑᔪᓂ.

“ᓴᓂᕐᕈᑕᐅᑐᐃᓐᓇᔾᔮᙱᓚᒍᑦ ᑭᓇᑐᐃᓐᓇᕐᒧᑦ,” ᐅᖃᓚᐅᖅᐳᖅ ᕼᐃᐊᕆ ᐃᑎᓐᓄᐊᖅ, ᐃᒃᓯᕙᐅᑕᐅᓚᐅᑲᒃᑐᒥ ᑲᖏᖅᖠᓂᕐᒥ ᐊᖑᓇᓱᑦᑐᓕᕆᔨᒃᑯᑦ ᒥᑭᒋᐊᕐᓂᐊᖅᑎᓪᓗ ᑲᑐᔾᔨᖃᑎᒌᖑᔪᓂ (KHTO). “ᒪᓂᒻᒥᔾᔮᙱᓚᒍᑦ. ᐃᓄᖕᓄᑦ−ᓇᖕᒥᓂᕆᔭᐅᓪᓗᓂ ᓄᓇᐅᕗᖅ ᐅᓇᑕᕈᑎᖃᕐᓂᑦᑎᓐᓂ. ᑐᑦᑐᓄᑦ ᐃᓛᑰᓕᖓᓂᖏᑦ ᐅᓇᑕᕈᑎᒋᕙᕗᑦ.”

ᐊᑎᓕᐅᖅᓯᒪᔪᑦ ᑐᒃᓯᕋᐅᑎᓂ ᐃᓕᓯᕗᖅ ᐱᖓᓱᓂ ᐊᑲᐅᙱᓕᐅᕈᑕᓪᓗᐊᑕᐅᔪᓂ ᑕᑦᑐᐃᓂᒧᑦ, ᐊᒻᒪ ᐃᓱᓕᑉᐳᖅ ᑲᑉᐱᐊᓵᕆᓂᐅᔪᒥ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖑᔪᓂ (KIA) ᑲᑎᒪᔨᖏᑦ ᐊᖏᙱᑉᐸᑕ ᐊᑎᓕᐅᖅᓯᒪᔪᑦ ᑐᒃᓯᕋᐅᑎᓂ , ᑲᖏᖅᖠᓂᕐᒥ ᐊᖑᓇᓱᑦᑐᓕᕆᔨᒃᑯᑦ ᒥᑭᒋᐊᕐᓂᐊᖅᑎᓪᓗ ᑲᑐᔾᔨᖃᑎᒌᖑᔪᓂ ᐊᓱᐃᓛᒃ ᐊᑎᓕᐅᖅᓯᒪᔪᑦ ᑐᒃᓯᕋᐅᑎᓂ ᓄᓇᕗᒻᒥ ᑐᙵᕕᒃᑯᓐᓄᑦ ᐊᑐᕈᓐᓃᖅᑎᑕᐅᓂᖓᓂ ᓇᓗᓇᐃᖅᑕᐅᓯᒪᓂᖓᓂ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖑᔪᓂ.

ᐃᓱᒫᓘᑕᐅᓪᓗᐊᑕᖅᑐᓂ ᐅᖃᐅᓯᒃᓴᓕᐊᖑᔪᑦ ᑕᑦᑐᐃᓂ ᐅᖃᓚᐅᖅᑕᖏᓐᓂ ᑕᐃᑲᓂ ᑎᑎᕋᖅᑕᐅᒋᐊᙵᖅᑐᒥ ᓄᓇᕗᒻᒥ ᓄᓇᒥ ᐊᑐᖅᑕᐅᓂᖓᓂ ᐸᕐᓇᐅᑎᒥ ᑲᑎᒪᓂᐅᔪᓂ ᑲᖏᖅᖠᓂᕐᒥ ᓯᑎᐱᕆᒥ.

ᑲᑎᒪᓂᐅᔪᓂ, ᑕᑦᑐᐃᓂ ᐅᖃᓚᐅᖅᐳᖅ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖑᔪᑦ ᐱᓯᒪᐃᓐᓇᕈᒪᓂᖏᓐᓂ ᓴᖑᓴᕋᐃᓐᓂᐅᔪᒥ ᐊᐅᓚᑦᑎᓂᕐᒧᑦ ᐃᓄᖕᓄᑦ−ᓇᖕᒥᓂᕆᔭᐅᔪᓄᑦ ᓄᓇᓂ ᐊᒻᒪ ᐱᕙᓪᓕᐊᑎᑦᑎᓂᐅᔪᓂ ᑐᒃᑐᓄᑦ ᕿᑎᕐᙱᐅᕐᕕᐅᔪᓂ ᓄᓇᐅᔪᓂ ᐱᓕᕆᐊᖑᓇᔭᖅᐳᖅ ᑭᓯᐊᓂ ᑕᒪᒃᑭᐅᒪᔪᒥ ᐅᖃᖃᑎᖃᕐᓂᐅᔪᓂ ᐊᒃᑐᖅᑕᐅᓯᒪᔪᓂ ᓄᓇᓕᖕᓂ, ᐊᒻᒪᓗᑦᑕᐅᖅ ᒪᓕᑦᑎᐊᕆᐊᖃᕐᓂᖏᓐᓂ ᐱᑕᖃᖅᐸᒌᖅᑐᓂ ᒪᓕᒐᑎᒍᑦ ᐱᓕᕆᓂᐅᔪᓂ.

ᑕᑦᑐᐃᓂ ᐅᖃᐅᓯᐅᕗᖅ ᐅᖃᐅᓯᒃᓴᓕᐊᒥ ᐅᖃᓚᐅᕐᓂᖓᓂ ᑕᐃᑲᓂ ᑲᑎᓴᓂᐅᔪᒥ “ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖑᔪᑦ ᐃᓱᒪᒃᓴᖅᓯᐅᕆᓇᔭᕐᓂᖏᓐᓂ ᐃᑲᔪᖅᓱᐃᓂᕐᒥ ᐅᔭᕋᖕᓂᐊᕐᕕᖕᒥ ᕿᑎᕐᙱᐅᕐᕕᐅᔪᓂ ᓄᓇᐅᔪᓂ ᐅᕘᓇ ᓇᓗᓇᐃᖅᑕᐅᓯᒪᕐᔪᐊᖅᑐᓄᑦ ᖃᓄᐃᓕᖓᓂᐅᔪᓄᑦ,” ᐃᓚᖃᖅᑐᒥ ᖃᓄᐃᓕᐅᕐᓂᖃᙱᓐᓂᖓᓂ ᓯᕗᓂᐊᓂ−ᕿᑐᕐᙱᐅᕐᕕᐅᓂᐊᕐᓂᖓᓂ, ᕿᑐᕐᙱᐅᕐᕕᐅᓂᖓᓂ ᐅᕝᕙᓘᓐᓃᑦ ᑭᖑᓂᐊᒍᑦ−ᕿᑐᕐᙱᐅᕐᕕᐅᓚᐅᖅᑐᒥ ᐊᑯᓂᐅᓂᐅᔪᓂ, ᐊᒻᒪᓗᑦᑕᐅᖅ ᐊᐅᓚᑕᐅᓂᐅᔪᓂ ᓄᖅᑲᖅᑎᑕᐅᓪᓚᕆᒡᓗᑎᒃ ᒪᐃ−ᕿᑎᖅᐸᓯᐊᓂ ᔪᒪᐃ−ᕿᑎᖅᐸᓯᐅᓄᑦ.

ᑲᖏᖅᖠᓂᕐᒥ ᐊᖑᓇᓱᑦᑐᓕᕆᔨᒃᑯᑦ ᒥᑭᒋᐊᕐᓂᐊᖅᑎᓪᓗ ᑲᑐᔾᔨᖃᑎᒌᖑᔪᓂᓄᑦ ᐃᓱᒪᒋᔭᐅᓂᖓᓂ, ᓵᓐᓇ ᐅᖃᖅᑕᐅᓂᐅᔪᖅ “ᖁᔭᓈᖅᓯᕗᖅ ᐱᔪᒪᓂᐅᔪᓂ ᐃᓄᖕᓂ ᑭᕙᓪᓕᕐᒥ ᐊᕕᒃᑐᖅᓯᒪᓂᐅᔪᒥ ᓴᐳᔾᔨᓯᒪᓂᕐᒧᑦ ᑐᒃᑐᐃᑦ ᐅᓄᕐᓂᖏᓐᓂ, ᑕᐃᒪᐃᓐᓂᖓᓄᑦ ᐅᓗᕆᐊᓇᖅᑐᒦᑎᑦᑎᓂᕐᒥ ᐊᒥᐊᑯᔪᓂ ᓂᕿᒃᓴᖃᑦᑎᐊᕐᓂᐅᔪᒥ, ᐱᖅᑯᓯᐅᔪᓂ ᐊᒻᒪ ᐃᓕᖅᑯᓯᖓᓐᓂ ᐃᓄᖕᓂ ᐊᑭᕋᖅᑐᖅᑐᒥ ᐃᓚᒋᔭᐅᔪᓂ ᐱᔪᒪᔭᐅᓂᐅᔪᓂ ᐊᒻᒪ ᑐᕌᒐᕆᔭᖏᓐᓂ.”

ᒪᕐᕉᒃᑲᓐᓂᕐᓂ ᐊᓯᖏᓐᓂ ᐃᓱᒫᓘᑕᐅᔪᓂ ᑎᑎᕋᖅᓯᒪᕗᑦ: ᐊᑕᐅᓯᖅ ᐸᓯᒃᖠᖅᖢᓂ ᑕᑦᑐᐃᓂᒥ ᓱᕋᐃᓂᖓᓂ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖑᔪᓂ ᒪᓕᒐᕋᓛᒥᒃ ᑕᐃᑲᓂ ᑲᑎᒪᔨᐅᔪᓄᑦ ᑲᑎᒪᓂᐅᔪᒥ ᐅᒃᑐᐱᕆ 5−ᒥ “ᓂᕈᐊᕈᓐᓇᖅᑐᓂ ᐃᓚᒋᔭᐅᔪᓂ ᓂᕈᐊᕈᓐᓇᙱᑎᖦᖢᓂᒋᑦ ᑲᑎᒪᓂᐅᔪᒥ.”

ᐊᒻᒪᓗᑦᑕᐅᖅ, ᑲᖏᖅᖠᓂᕐᒥ ᐊᖑᓇᓱᑦᑐᓕᕆᔨᒃᑯᑦ ᒥᑭᒋᐊᕐᓂᐊᖅᑎᓪᓗ ᑲᑐᔾᔨᖃᑎᒌᖑᔪᓂ ᐸᓯᒃᖠᕗᑦ ᑕᑦᑐᐃᓂ ᖃᓄᐃᓕᐅᕐᓂᖃᓚᐅᕐᓂᖓᓂ ᐊᕐᕌᒍᑕᒫᒥ ᑕᒪᐃᑎᒍᑦ ᑲᑎᒪᓂᐅᔪᒥ ᐅᒃᑐᐱᕆ 6−ᒥ ᖁᔭᓈᖅᓯᓂᖓᓂ ᐱᖁᔨᕗᖔᕈᑎᓕᐊᖑᔪᒥ ᑲᖏᖅᖠᓂᕐᒥ ᐊᖑᓇᓱᑦᑐᓕᕆᔨᒃᑯᑦ ᒥᑭᒋᐊᕐᓂᐊᖅᑎᓪᓗ ᑲᑐᔾᔨᖃᑎᒌᖑᔪᓂ ᓄᖅᑲᖅᑎᑦᑎᓂᕐᒥ ᐊᖅᑯᓯᐅᕐᓂᐅᔪᒥ ᐃᑎᒡᖕᒧᑦ ᓴᐳᔾᔨᓯᒪᓂᕐᒥ ᑐᒃᑐᓄᑦ ᐅᑎᖅᑕᕐᕕᐅᕙᒃᑐᓂ ᐊᖅᑯᑕᐅᔪᓂ “ᐊᒻᒪ ᑐᑭᓕᐊᖅᑎᑦᑎᓂᖃᕐᓘᑎᓚᐅᖅᐳᖅ ᐃᓚᒋᔭᐅᔪᓂ ᐊᖏᓚᐅᙱᓐᓂᖓᓂ ᓈᒻᒪᒍᓱᖕᓂᕐᒥ ᐱᖁᔨᕗᖔᕈᑎᓕᐊᖑᔪᒥ ᓕᕈᐊᕈᓐᓇᖅᑐᓂ ᐃᓚᒋᔭᐅᔪᓂ ᑲᑐᔾᔨᖃᑎᒌᖑᔪᓂ… ᑕᐃᒪᐃᓐᓂᖓᓄᑦ ᓴᒃᑯᐃᑦᑎᓂᖓᓂ ᐱᔪᓐᓇᕐᓂᕆᔭᖓᓂ ᐱᔨᑦᑎᕋᕐᓂᕐᒧᑦ ᐊᖓᔪᖅᑳᖑᓂᕐᒥ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖑᔪᓂ.”

ᑕᑦᑐᐃᓂ ᓇᒃᓯᐅᔾᔨᓚᐅᖅᐳᖅ ᐅᖃᐅᓯᒃᓴᓕᐊᒥ ᑭᕙᓪᓕᕐᒧᑦ ᑐᓴᒐᒃᓴᓕᕆᔨᒃᑯᓐᓄᑦ ᑭᐅᓂᕐᒧᑦ.

“ᓯᕗᓪᓕᖅᐹᖑᔪᒥ ᐊᒻᒪ ᐱᒻᒪᕆᐅᓛᖑᔪᒥ, ᐊᑎᓕᐅᖅᓯᒪᔪᑦ ᑐᒃᓯᕋᐅᑎᓂ ᐃᓗᓕᖃᖅᐳᖅ ᓱᓕᙱᑦᑐᓂ ᐅᖃᐅᓯᒃᓴᓕᐊᖑᔪᓂ,” ᐅᖃᓚᐅᖅᐳᖅ.

“ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖑᔪᓂ ᐃᓱᒪᓕᐅᕆᔪᓐᓇᙱᓚᑦ ᐱᔪᓐᓇᖅᑎᑦᑎᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᑐᒃᑐᓄᑦ ᕿᑎᕐᙱᐅᕐᕕᐅᔪᓂ ᓄᓇᐅᔪᓂᑦ. NIRB (ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ), ᐃᒪᓕᕆᓂᕐᒧᑦ ᑲᑎᒪᔨᖏᑦ, NPC (ᓄᓇᕗᒻᒥ ᐸᕐᓇᐃᔩᑦ) ᐃᓚᒋᔭᐅᔪᐃᓐᓇᐅᕗᑦ ᕿᒥᕐᕈᓂᕐᒥ ᐱᑕᖃᑐᐃᓐᓇᕆᐊᓕᖕᓂ ᐱᕙᓪᓕᐊᑎᑦᑎᓂᕐᒧᑦ.”

ᑕᑦᑐᐃᓂ ᐅᖃᕆᐊᓪᓚᓚᐅᖅᐳᖅ ᐃᑲᔪᖅᓱᐃᓂᖓᓂ ᐱᒻᒪᕆᐅᔪᒥ ᐱᓕᕆᓂᐅᔪᒥ ᑲᖏᖅᖠᓂᕐᒥ ᐊᖑᓇᓱᑦᑐᓕᕆᔨᒃᑯᑦ ᒥᑭᒋᐊᕐᓂᐊᖅᑎᓪᓗ ᑲᑐᔾᔨᖃᑎᒌᖑᔪᑦ ᐱᓕᕆᕙᖕᓂᖏᓐᓂ, ᐱᓗᐊᖅᑐᒥ ᓴᐳᔾᔨᓯᒪᓂᐅᔪᒥ ᑐᒃᑐᓂ.

“ᐅᕙᖓᑦᑕᐅᖅ ᐊᖑᓇᓱᒃᑎᐅᕗᖓ ᐊᒻᒪ ᖃᐅᔨᒪᕗᖓ ᐱᒻᒪᕆᐅᓂᖓᓂ ᑐᒃᑐᓂ ᐃᓚᑦᑎᓐᓄᑦ ᐊᒻᒪ ᐃᓄᖕᓄᑦ,” ᑎᑎᕋᓚᐅᖅᐳᖅ.

ᑭᐅᓂᖓᓂ ᐅᖃᐅᓯᐅᔪᒥ ᐅᖃᐅᓯᒃᓴᓕᐊᖑᔪᒥ ᓄᓇᒥ ᐊᑐᕐᓂᕐᒧᑦ ᐸᕐᓇᐅᑎᒥ ᑲᑎᒪᓂᐅᔪᒥ, ᑕᑦᑐᐃᓂ ᐅᖃᓚᐅᖅᐳᖅ ᐊᑎᓕᐅᖅᓯᒪᔪᑦ ᑐᒃᓯᕋᐅᑎᓂ ᑎᑎᕋᖅᓯᒪᓂᖓᓂ ᑐᑭᓯᑦᑎᐊᙱᓐᓂᖃᕐᓂᖏᓐᓂ.

“ᐅᖃᐅᓯᒃᓴᓕᐊᖅ ᑐᓂᓯᑐᐃᓐᓇᖅᐳᖅ ᐅᓂᒃᑳᕆᓂᐅᔪᒥ ᐱᑕᖃᑐᐃᓐᓇᕆᐊᖃᖅᑐᒥ ᐱᓕᕆᓂᐅᔪᒥ ᒪᓕᒃᑕᐅᓇᔭᖅᑐᒥ ᐱᕙᓪᓕᐊᑎᑦᑎᓂᐅᔪᒥ ᑐᒃᓯᕋᖅᑕᐅᔪᖃᕈᓂ ᕿᑎᕐᙱᐅᕐᕕᐅᔪᓂ ᓄᓇᐅᔪᓂ ᐊᒻᒪ ᐱᑕᖃᑐᐃᓐᓇᕆᐊᖃᕐᓂᖓᓂ ᖃᓄᐃᓕᖓᓂᐅᔪᒥ ᒪᓕᒃᑕᐅᔭᕆᐊᖃᕋᔭᖅᑐᓂ,” ᑎᑎᕋᓚᐅᖅᐳᖅ ᑕᑦᑐᐃᓂ.

ᐊᑭᕋᖅᑐᓚᐅᕆᕗᖅ ᐸᓯᒃᖠᕆᓂᐅᔪᒥ ᐱᖁᔨᕗᖔᕈᓯᒥᒃ ᐃᒃᓯᖕᓇᖅᑕᐅᓚᐅᕐᓂᖓᓂ ᐊᕐᕌᒍᑕᒫᒥ ᑕᒪᐃᑎᒍᑦ ᑲᑎᒪᓂᐅᔪᒥ.

“ᐅᐱᐅᖅᑲᓗᓂ ᐱᔨᑦᑎᕋᐃᓐᓇᕐᓂᐊᖅᐳᖓ ᐃᓂᒋᔭᓐᓂ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖑᔪᓂ ᐊᖓᔪᖅᑳᖑᓂᕐᒥ ᖃᓂᑦᑐᒥ ᐱᓕᕆᖃᑎᖃᕐᓗᖓ ᑕᒪᒃᑭᓂ ᐃᓄᖕᓂ ᐊᒻᒪ ᑲᑐᔾᔨᖃᑎᒌᖑᔪᓂ ᓲᕐᓗ ᐊᖑᓇᓱᑦᑐᓕᕆᔨᒃᑯᑦ ᒥᑭᒋᐊᕐᓂᐊᖅᑎᓪᓗ ᑲᑐᔾᔨᖃᑎᒌᖑᔪᓂ ᓴᐳᔾᔨᓯᒪᓂᕐᒧᑦ ᓄᓇᑦᑎᓐᓂ, ᐃᓕᖅᑯᓯᑦᑎᓐᓂ, ᐆᒪᔪᑦᑎᓐᓂ ᐊᒻᒪ ᐃᑲᔪᖅᓱᐃᓗᖓ ᐱᐅᓂᖅᓴᐅᑎᑦᑎᓂᐅᔪᒥ ᐊᕕᒃᑐᖅᓯᒪᓂᕆᔭᑦᑎᓐᓂ ᓯᕗᓂᕐᓴᒧᑦ ᐱᐅᓯᖃᑎᒌᖑᔪᓄᑦ,” ᑎᑎᕋᓚᐅᖅᐳᖅ ᑕᑦᑐᐃᓂ. “ᑲᑎᒪᖃᑎᖃᒃᑲᓐᓂᕐᓂᐊᖅᐳᖓ ᐊᖑᓇᓱᑦᑐᓕᕆᔨᒃᑯᑦ ᒥᑭᒋᐊᕐᓂᐊᖅᑎᓪᓗ ᑲᑐᔾᔨᖃᑎᒌᖑᔪᓂ ᑎᑭᐅᑎᔪᓐᓇᕐᓂᐊᕋᑦᑕ ᐆᒥᖓ ᐱᓕᕆᓂᐅᔪᒥ ᑲᑎᙵᓗᑕ.”





Pop-up banner image