ᑭᕙᓪᓕᕐᒥ ᓂᕿᓕᕆᕝᕕᒃ ᓂᐅᕕᓚᐅᙱᑦᑐᖅ ᑐᒃᑐᓂᒃ ᐊᕐᕕᐊᓂ ᑭᖑᓪᓕᖅᐹᒥ ᐅᓂᑉᑳᓕᐊᖑᓯᒪᔪᖅ ᐅᑭᐅᒧᑦ ᒪᓕᒃᖢᒍ, ᑕᐃᒪᓐᓇ ᐅᖃᖅᖢᓂ ᐊᕙᑎᓕᕆᔨᒃᑯᓐᓄᑦ ᒥᓂᔅᑕ ᑕᐃᕕᑎ ᐊᕿᐊᕈᖅ ᒪᓕᒐᓕᐅᕐᕕᖕᒥ ᐱᓇᓱᐊᕈᓯᐅᓚᐅᖅᑐᒥ. ᐊᕿᐊᕈᖅ ᐅᖃᖅᖢᓂ ᐊᑯᓂᒎᖅ ᓄᕙᒡᔪᐊᕐᓂᒃᑯᑦ ᐊᓂᑦᑕᐃᓕᑎᑕᐅᓚᐅᖅᑎᓪᓗᒋᑦ, ᑭᕙᓪᓕᕐᒥ ᓂᕿᓕᕆᕝᕕᒃ ᓂᐅᕕᓚᐅᙱᑦᑐᖅ ᑐᒃᑐᓂᒃ ᐊᕐᕕᐊᓂ 2020-21-ᒥ
ᑲᑐᔾᔨᖃᑎᒌᑦ ᓂᐅᕕᓚᐅᖅᑐᑦ 883-ᓂᒃ ᑐᒃᑐᓂᒃ ᑕᐃᑲᓂ ᐅᑭᐅᒥ 64-ᓂᒃ ᐊᖑᓇᓱᒃᑎᓂᒃ, ᐃᒪᓐᓇ ᐊᕕᒃᑐᖅᓯᒪᑉᓗᒋᑦ: 802 ᑐᒃᑐᑦ 58-ᓂᒃ ᐊᖑᓇᓱᒃᑎᓂᒃ ᑲᖏᖅᖠᓂᕐᒥ; 46-ᓂᒃ ᑐᒃᑐᓂᒃ ᐱᖓᓲᔪᓂᒃ ᐊᖑᓇᓱᒃᑎᓂᒃ ᐃᒡᓗᓕᒑᕐᔪᖕᒥ; 31-ᓂᒃ ᑐᒃᑐᓂᒃ ᒪᕐᕉᖕᓂᒃ ᐊᖑᓇᓱᒃᑎᓂᒃ ᑎᑭᕋᕐᔪᐊᕐᒥ; ᐊᒻᒪᓗ ᓯᑕᒪᑦ ᑐᒃᑐᑦ ᐊᑕᐅᓯᕐᒥ ᐊᖑᓇᓱᒃᑎᒥ ᖃᒪᓂ’ᑐᐊᕐᒥ.
ᑕᐃᑲᓂ ᐅᑭᐅᒥ, ᑭᕙᓪᓕᕐᒥ ᓂᕿᓕᕆᕝᕕᒃ ᓂᐅᕕᓚᐅᖅᑐᖅ 33-ᓂᒃ ᐅᒥᖕᒪᖕᓂᒃ 15-ᓂᒃ ᐊᖑᓇᓱᒃᑎᓂᒃ. ᑖᑉᑯᓇᙵᑦ 30 ᐅᒥᖕᒪᐃᑦ 14-ᓂᒃ ᐊᖑᓇᓱᒃᑎᓂᙶᓚᐅᖅᑐᑦ ᑲᖏᖅᖠᓂᕐᒥ, ᐱᖓᓱᑦ ᐅᒥᖕᒪᐃᑦ ᐊᑕᐅᓯᕐᒥ ᐊᖑᓇᓱᒃᑎᒥᙶᖅᖢᓂ ᖃᒪᓂ’ᑐᐊᕐᒥ.
ᑭᐅᓯᓪᓗᓂ ᐊᐱᖅᑯᑎᓂᒃ ᐊᕐᕕᐊᑦ ᓂᒋᐊᓂ ᒪᓕᒐᓕᐅᖅᑎᒥᙶᖅᑐᓂᒃ ᔫ ᓴᕕᑲᑖᕐᒥ, ᐊᕿᐊᕈᖅ ᑐᑭᓯᑎᑦᑎᒋᐊᓚᐅᖅᑐᖅ ᐱᑕᖃᙱᒻᒪᑦ ᖁᑦᑎᖕᓂᖅᐹᒃᑯᑦ ᑐᒃᑐᑖᖅᑎᑦᑎᔪᓐᓇᖅᑐᓂᒃ ᐊᑐᓂ ᓄᓇᓕᖕᓂ, ᑭᓯᐊᓂ ᑭᕙᓪᓕᕐᒥ ᓂᕿᓕᕆᕝᕕᒃ ᓇ`ᒥᓂᖅ ᐃᓱᒪᓕᐅᓲᑦ ᐊᒻᒪᓗ ᖃᐃᑕᐅᔪᑦ ᐋᖅᑭᒃᓯᒪᓇᓱᖃᑦᑕᖅᑕᖏᑦ ᐃᒪᓐᓈᖅᑐᖅᑕᐅᓯᒪᑉᓗᑎᒃ ᐊᖑᓇᓱᑏᑦ ᒥᑭᒋᐊᖅᑏᑦ ᑲᑎᒪᔨᖏᓐᓄᑦ.
ᐊᒻᒪᑦᑕᐅᖅ ᐃᓚᐅᖃᑕᐅᑉᓗᒍ ᐱᑕᖅᑕᐅᔪᑦ ᓇᐃᓪᓕᒋᐊᖅᓯᒪᔪᒃᑯᑦ ᑎᑎᕋᖅᑕᐅᓯᒪᓂᖏᓐᓄᑦ ᓄᓇᕗᒥ ᐱᕙᓪᓕᐊᔪᓕᕆᔨᒃᑯᓐᓂᒃ ᑯᐊᐳᕇᓴᒃᑯᓐᓂᙶᖅᑐᖅ 19 ᕿᓇᓗᒐᐃᑦ ᑎᑭᕋᕐᔪᐊᕐᒥᙶᓚᐅᖅᑐᑦ ᐊᒻᒪᓗ ᑲᖏᖅᖠᓂᕐᒥ ᑲᑎᖦᖢᒋᑦ; ᐊᒻᒪᓗ 3,856 ᑭᓗᒑᒻᔅᓂᒃ ᐅᖁᒪᐃᓐᓂᓖᑦ ᑕᕆᐅᕐᒥᐅᑕᑦ ᑎᑭᕋᕐᔪᐊᕐᒥᙶᓚᐅᖅᑐᑦ, 454-ᑲᓐᓃᑦ ᑭᓗᒑᒻᔅᓂᒃ ᐅᖁᒪᐃᓐᓂᓖᑦ ᐃᒡᓗᓕᒑᕐᔪᒥᙶᓚᐅᖅᖢᑎᒃ.
ᒪᓕᒐᓕᐅᕐᕕᖕᒥ ᐊᐱᖅᓱᖅᑎᓪᓗᒋᑦ ᒪᐃ 27-ᒥ, ᓴᕕᑲᑖᖅ ᐅᖃᓚᐅᖅᑐᖅ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᖓ ᓴᓇᑎᑦᑎᕙᖕᒪᑦ ᐊᖑᓇᓱᒃᑎᓂᒃ ᓂᕿᑖᕈᓐᓇᖃᑦᑕᖁᑉᓗᒍ ᑭᕙᓪᓕᕐᒥ ᓂᕿᓕᕆᕝᕕᒃ ᐊᒻᒪᓗ ᕿᑎᕐᒥᐅᓂᒃ ᓂᕿᑖᕐᕕᒃ.
ᓴᕕᑲᑖᖅ ᐊᐱᕆᓚᐅᖅᑐᖅ ᐊᕿᐊᕈᕐᒧᑦ ᖃᑉᓯᑦ ᐊᖑᓇᓱᒃᑏᑦ ᓴᓇᑎᑕᐅᓯᒪᖕᒪᖔᑕ ᑕᐃᑰᓇ.
“ᖃᐅᔨᔪᒪᔪᖓ ᖃᑉᓯᑦ ᑮᓇᐅᔭᓕᐅᖅᑎᑕᐅᖃᑦᑕᕐᒪᖔᑕ ᐊᖑᓇᓱᒃᑏᑦ ᐊᕐᕕᐊᓂ ᓴᓇᔭᒃᓴᖃᑦᑎᐊᙱᒻᒪᑦ ᑕᐃᑲᓂ ᐊᒻᒪᓗ ᐊᖑᓇᓱᒃᑎᓂᒃ ᓴᓇᑎᑕᐅᔪᖃᖅᐸᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᒃᑯᖏᓐᓄᑦ ᐊᖑᓇᓱᒃᑎᐅᓗᑎᒃ, ᐱᐅᔫᔪᖅ,” ᑕᐃᒪᓐᓇ ᐅᖃᖅᖢᓂ ᓴᕕᑲᑖᖅ.
ᑭᓯᐊᓂᓕ, ᐊᕿᐊᕈᖅ ᑭᐅᔾᔪᑎᒃᓴᓂᒃ ᓴᖅᑭᑎᑦᑎᒃᑲᓐᓂᖅᑎᓪᓗᒍ ᒪᐃ 30-ᒥ, ᓴᓇᔨᖃᓪᓚᑦᑖᙱᑦᑐᒡᒎᖅ ᐊᖑᓇᓱᒃᑎᓂᒃ.
“ᑐᑭᓯᑎᑦᑎᔪᒪᔪᖓ ᑭᕙᓪᓕᕐᒥ ᓂᕿᓕᕆᕝᕕᒃ ᓴᓇᑎᑦᑎᖃᑦᑕᙱᒻᒪᑦ ᐊᖑᓇᓱᒃᑎᓂᒃ,” ᑕᐃᒪᓐᓇ ᐊᕿᐊᕈᖅ ᐅᖃᖅᖢᓂ ᑐᓵᔨᒃᑯᑦ. “ᓂᐅᕕᖃᑦᑕᕐᓂᖅ ᓂᕿᓂᒃ ᐊᖑᓇᓱᒃᑎᓪᓚᑦᑖᓂᒃ ᐊᒻᒪᓗ ᐊᑭᓕᖅᑕᐅᖃᑦᑕᕐᓂᖏᑦ ᐅᖁᒪᐃᓐᓂᖏᓐᓄᑦ ᒪᓕᓲᑦ.”
Kivalliq Arctic Foods bought zero caribou from Arviat in the last reporting year, revealed Environment Minister David Akeeagok in the legislative assembly last week.
Akeeagok said that due to the extended Covid-19 lockdowns, Kivalliq Arctic Foods (KAF) did not purchase any caribou from Arviat in 2020-21.
The organization bought 883 caribou that year from 64 harvesters, with a breakdown as follows: 802 caribou from 58 harvesters in Rankin Inlet; 46 caribou from three harvesters in Chesterfield Inlet; 31 caribou from two harvesters in Whale Cove; and four caribou from one harvester in Baker Lake.
That year, KAF purchased 33 muskoxen from 15 harvesters. Thirty of those muskoxen came from 14 harvesters in Rankin Inlet, with three muskoxen provided by one harvester in Baker Lake.
Responding to questions from Arviat South MLA Joe Savikataaq, Akeeagok explained that there is no maximum set amount of caribou meat purchased per community, but that KAF uses its judgement and tries to line up its inventory with guidance from hunters and trappers organizations.
Also included in the harvesting summary from Nunavut Development Corporation was that 19 beluga whales were harvested from Whale Cove and Rankin Inlet combined; and 3,856 kilograms of Arctic char were harvested in Whale Cove, with another 454 kilograms in Chesterfield Inlet.
During questions in the legislative assembly May 27, Savikataaq noted that the development corporation’s 2020-21 harvest report for KAF states, “Nunavut Development Corporation employs harvesters as part of the supply chain for Kivalliq Arctic Foods and Kitikmeot Foods.”
Savikataaq asked Akeeagok how many hunters are employed in that program.
“I would like to know how many paid hunters are in Arviat because employment is limited there and if there are hunters who are working for the development corporation as hunters, it’s a good thing,” said Savikataaq.
However, when Akeeagok returned with more information June 1, he said there were no directly employed hunters.
“I would like to clarify the Kivalliq Arctic Foods does not employ harvesters,” said Akeeagok through interpretation. “The business purchases meat from the harvesters directly and compensates them for the weight of their catch.”
