“ᓄᓇᒦᓐᓂᖅ ᖁᕕᐊᒋᔭᕋ,” ᐅᖃᖅᑐᖅ ᑖᓂᐅᓪ ᑖᐸᑕᐃ, ᑕᑯᒃᓴᐅᓕᕐᒪᑦ ᐊᐅᓚᔪᓕᐊᖓᓂᑦ 17-ᓂᒃ ᐅᑭᐅᓕᒃ ᖃᒪᓂᑦᑐᐊᕐᒥᐅᑕᖅ ᐊᔾᔨᓕᐅᕈᑎᒥᑦ ᓴᖅᕿᑦᑎᔪᖅ ᓄᓇᒦᖦᖢᓂ ᐅᑭᐊᒃᓵᖅ.
“ᓄᓇᓕᐊᖅᑕᕐᓂᖅ ᖁᕕᐊᒋᔭᕋ, ᐊᔾᔨᓕᐅᕈᑎᒐ ᓇᒃᓴᖅᖢᒍ, ᐊᔾᔨᓕᐅᕆᑉᓗᖓ, ᐊᐅᓚᔪᓂᒃ ᐊᒻᒪᓗ ᑕᑯᒃᓴᐅᑎᑦᑎᑉᓗᖓ ᓄᓇᕗᑦ ᐃᓚᖓᓂᑦ. ᐱᑕᖃᑦᑎᐊᖅᑐᖅ ᑎᑭᑕᐅᓚᐅᖅᓯᒪᙱᑦᑐᓂᑦ ᓄᓇᒥᑦ ᐅᕐᓂᒍᖕᓇᖅᑕᖕᓂᑦ ᐊᒻᒪᓗ ᑕᑯᔭᖅᑐᕐᓗᒍ.”
ᐅᖃᐅᓯᕆᓚᐅᖅᑕᖓ ᑐᓂᖕᒪᒍ 2023-ᒥᑦ ᓯᓚᒧᙵᐅᔾᔪᑎᖓ ᐊᐅᓚᔪᓕᐅᕆᓂᕐᒧᑦ ᐱᒡᒎᒃᑎᑦᑎᔪᓄᑦ. ᐅᖃᓪᓚᒃᑕᖓᓂᑦ ᐊᔾᔨᓕᐅᖅᑕᖏᓐᓂᑦ ᑖᐸᑕᐃᑉ ᐃᓐᓄᒃᑕᐅᓯᒪᙱᑦᑐᒃᑯᑦ ᖃᖓᑕᑎᑕᐅᓲᒃᑯᑦ ᐊᔾᔨᓕᐅᕆᔪᒥᑦ ᐊᔾᔨᓄᑦ ᓇᒃᑐᕋᓕᖕᓂᑦ, ᐅᒥᖕᒪᖕᓂᑦ, ᐃᖃᓗᖕᓂᑦ ᐊᒻᒪᓗ ᖃᒪᓂᑦᑐᐊᑉ ᖃᓂᑕᖓᓂᑦ.
ᐱᖓᓱᓂᑦ ᒥᓂᑦᓂᒃ ᑕᑭᑎᒋᔪᖅ ᐊᐅᓚᔪᖅ ᖃᑉᓯᐊᕐᔪᖕᓄᑦ ᑕᖅᕿᓂᑦ ᑲᑎᓯᒪᔪᑦ ᐊᔾᔩᑦ, ᐃᓚᖃᖅᖢᑎᒃ ᒪᕐᕉᖕᓂᒃ ᐅᑉᓘᖕᓂᑦ ᐋᖅᕿᒃᓱᖅᑕᖏᑦ. ᐱᓕᕆᐊᕆᔭᖓᓄᑦ, ᑖᐸᑕᐃ ᓵᓚᒃᓴᓚᐅᖅᑐᖅ ᓯᕗᓪᓕᖅᐹᒧᑦ ᐱᑖᒐᒃᓴᒧᑦ ᐊᒻᒪᓗ ᓯᕗᓪᓕᖅᐹᒦᖢᓂ ᖁᑦᑎᖕᓂᓖᑦ 7-ᒥᑦ 12-ᒧᑦ ᐆᒃᑐᖅᑐᓄᑦ ᐱᒡᒎᖕᓂᕐᒥᑦ, ᓵᓚᒃᓴᕈᓯᐊᖅᖢᓂ ᐱᖓᓱᑦ ᐅᑉᓗᓄᑦ, ᑕᒪᓗᒃᑖᖅ ᐊᑭᓕᖅᑕᐅᓯᒪᔪᒃᑯᑦ ᐹᓐᕝ, ᐃᐊᓪᐴᑕᒧᙵᐅᑎᑕᐅᑉᓗᓂ, ᐱᓕᕆᐊᖓ ᑕᑯᒃᓴᐅᑎᑕᐅᑉᓗᓂ ᓯᓚᒧᙵᐅᔾᔪᑎᖓ-ᒧᑦ Facebook-ᑯᑦ. ᐱᑖᓚᐅᕐᒥᔪᖅ ᓂᐅᕕᕈᑎᒥᑦ Mountain Equipment Company-ᑯᓐᓂᑦ ᐊᒻᒪᓗ ᐊᔾᔨᓕᐅᖅᑕᖓ ᑕᑯᒃᓴᐅᑉᓗᓂ ᐃᓚᒋᔭᐅᑉᓗᓂ ᐹᓐᕝ ᖃᖅᖃᖏᑦ ᐅᖃᓕᒫᒥᑦ ᐊᒻᒪᓗ ᐊᐅᓚᔪᓕᐅᖅᑕᐅᔪᓂᒃ ᑕᑯᒃᓴᐅᑎᑦᑎᔪᓂᑦ ᑲᑕᒑᕆᕝᕕᒃ 4-ᒥᑦ.
“ᓯᕗᓪᓕᖅᐹᒧᑦ ᐱᑖᖅᖢᓂ ᖁᕕᐊᓇᑦᑎᐊᖅᑐᖅ,” ᑖᐸᑕᐃ ᐅᖃᖅᑐᖅ ᐹᓐᕝ-ᒧᙵᐅᕙᓪᓕᐊᑉᓗᓂ ᑭᕙᓪᓕᕐᒥᑦ ᐱᕙᓪᓕᐊᔪᓕᕆᔨᒃᑯᓐᓄᑦ. “ᐅᒃᐱᕈᓱᙱᑦᑐᖓ ᓱᓕ ᓵᓚᒃᓴᕋᒪ. ᐊᒻᒪᓗ ᓯᕗᓪᓕᖅᐹᒧᑦ ᐱᑖᒃᓴᒧᑦ ᓵᓚᒃᓴᖅᖢᖓ ᓄᓇᕗᒻᒥᑦ ᐅᐱᓐᓇᑦᑎᐊᖅᑐᖅ, ᐅᕙᒻᓂᑦ ᖁᕕᐊᒋᑦᑎᐊᖅᑐᖓ.”
ᐅᑉᓗᖅ ᓯᕗᓪᓕᖅᐹᒥᑦ ᐹᓐᕝ-ᒧᙵᐅᑎᓪᓗᒍ, ᐅᖃᐅᑎᔭᖏᑦ ᑭᕙᓪᓕᕐᒥᑦ ᐱᕙᓪᓕᐊᔪᓕᕆᔨᒃᑯᑦ ᖁᕕᐊᓇᖅᑐᓂᒃ ᐱᓕᕆᓚᐅᖅᑐᖅ, “ᑕᒪᓗᒃᑖᕐᓚᒃ ᓄᓇᓕᒃ ᐱᓱᒡᕕᒋᓚᐅᖅᑕᕋ” ᐊᒻᒪᓗ ᑐᒃᑐᕐᓚᖕᒥᑦ (deer) ᑕᑯᑉᓗᖓ.
ᑖᐸᑕᐃ, 17-ᓂᒃ ᐅᑭᐅᓕᒃ, ᐊᐅᓚᔪᓂᒃ ᐊᔾᔨᓕᐅᕆᔨᐅᖏᓐᓇᕈᒪᓯᒪᔪᖅ ᐊᒻᒪᓗ ᑭᑐᑐᐃᓐᓇᓄᑦ ᑕᑯᔭᒃᓴᓕᐅᕆᓂᕐᒥᒃ. ᖃᒪᓂᑦᑐᐊᕐᒥᐅᑕᐅᔪᖅ ᐊᔾᔨᓕᐅᕆᒐᔪᒃᑐᖅ ᓄᓇᓕᖕᒥᑦ ᖃᓄᐃᓕᐅᖅᑎᑦᑎᓂᖃᖅᑎᓪᓗᒋᑦ ᐊᒻᒪᓗ ᐱᓕᕆᐊᒃᓴᖅᑖᖃᑦᑕᖅᖢᓂ ᐊᐅᓚᔪᓕᐅᕆᓂᕐᒥᒃ. ᐅᖃᖅᑐᖅ ᑭᕙᓪᓕᕐᒥᑦ ᐱᕙᓪᓕᐊᔪᓕᕆᔨᒃᑯᓐᓄᑦ ᓯᕗᓂᒃᓴᒧᑦ ᑐᕌᒐᕆᔭᖓᓄᑦ ᐃᓚᐅᔪᑦ ᐃᖏᕐᕋᔭᒡᓗᓂ ᐅᕐᓂᒃᑕᖓᓂᑦ ᐊᔾᔨᓕᐅᕆᔨᐅᓂᕐᒧᑦ ᐊᒻᒪᓗ ᐊᐅᓚᔪᓕᐅᕆᔨᐅᓂᕐᒧᑦ.
ᐱᖃᑖ ᖁᑦᑎᓛᒧᑦ ᓵᓚᒃᓴᖃᑕᐅᔪᖅ ᐱᒡᒎᒃᑎᑦᑎᓂᕐᒥᑦ ᐃᓕᓐᓂᐊᖅᑎᐅᔪᓄᐊᓚᐅᖅᑐᖅ ᓇᑯᑕ ᐊᑦᑎᖕᓂᖅᓴᓄᑦ ᐃᓕᓐᓂᐊᕐᕕᖕᒥᑦ Mînî Thnî, ᐃᐊᓪᐴᑕᒥᑦ.