ᐊᐃᕕᓕᖕᒧᑦ ᒪᓕᒐᓕᐅᖅᑎ ᓴᓚᒪᓐ ᒪᓕᑭ ᑐᑭᓯᒋᐊᕈᒪᓚᐅᖅᑐᖅ ᒪᓕᒐᓕᐅᕐᕕᒃᑯᑦ ᓄᓇᕗᑦ ᒐᕙᒪᒃᑯᖏᑦᑕ ᑲᑐᔾᔨᓗᑕ ᒪᓕᒃᑕᒃᓴᖓᓂᒃ, ᐃᓚᓯᒋᐊᕈᑕᐅᔪᒪᔪᖅ 1,000-ᓂᒃ ᐃᒡᓗᒃᓴᓂᒃ ᓄᓇᕗᒥ ᒐᕙᒪᒃᑯᑦ ᒪᓕᒐᓕᐅᖅᑎᖏᑦ ᑖᑉᑯᐊᑦᑕᐃᓐᓇᐅᑎᓪᓗᒋᑦ.
“ᓇᐅᔮᑦ ᐊᒻᒪᓗ ᓴᓪᓕᖅ ᐃᒡᓗᑖᓪᓚᕆᒋᐊᖃᕋᓗᐊᖅᑎᓪᓗᒋᑦ, ᐃᓱᒫᓘᑎᖃᖅᑐᖓ ᑕᒪᓐᓇ ᓴᖅᑭᓪᓚᑦᑖᕐᓂᐊᕐᒪᖔᑦ ᓯᕗᓂᒃᓴᒥ ᐱᕕᒃᓴᕆᔭᖅᐳᑦ ᑕᐃᒪᐅᑎᓪᓗᒍ,” ᑕᐃᒪᓐᓇ ᐅᖃᖅᖢᓂ ᒪᓕᑭ ᔫᓐ 2-ᒥ. “ᒥᓂᔅᑕᐅᔪᖅ ᑐᑭᓯᑎᑦᑎᒋᐊᕈᓐᓇᖅᐹ ᑐᕌᒐᕆᔪᒪᔭᖓ 1,000-ᓂᒃ ᐃᒡᓗᓕᐅᕈᒪᓂᕐᒧᑦ ᓇᓗᓇᐃᖅᑕᐅᓚᐅᕐᒪᖔᑦ?”
ᖁᐊᓴ ᑯᓱᒐᖅ, ᒥᓂᔅᑕ ᑲᒪᔨᐅᔪᖅ ᓄᓇᕗᒥ ᐃᒡᓗᓕᕆᔨᕐᔪᐊᒃᑯᓐᓄᑦ, ᑭᐅᓚᐅᖅᑐᖅ ᑐᓵᔨᒃᑯᑦ ᐃᒡᓗᓕᕆᔨᕐᔪᐊᒃᑯᑦ “ᓇᒧᙵᐅᕙᓪᓕᐊᓯᒪᙱᒻᒪᑕ” ᒫᓐᓇᓵᖅ ᐅᑭᐅᖑᔪᓂᒃ ᐊᒻᒪᓗ ᖃᑉᓰᓐᓇᕈᖅᐸᓪᓕᐊᑉᓗᑎᒃ ᐃᓄᖕᓄᑦ ᐊᑐᖅᑐᐊᒐᒃᓴᑦ ᐃᒡᓗᑦ ᓴᓇᔭᐅᔪᑦ.
“ᑲᑎᒪᔩᑦ ᓄᓇᕗᒥ ᐃᒡᓗᓕᕆᔨᕐᔪᐊᒃᑯᓐᓄᑦ ᐅᕙᖓᓗ ᐊᖏᖅᓯᒪᔪᒍᑦ ᑕᒪᓐᓇ ᐊᓯᔾᔨᕆᐊᖃᕋᑉᑎᒍᑦ,” ᑕᐃᒪᓐᓇ ᐅᖃᖅᖢᓂ ᑯᓱᒐᖅ. “ᐊᓯᔾᔨᕆᐊᖃᖅᑕᖅᐳᑦ ᒐᕙᒪᖁᑎᕗᑦ. ᑕᒪᓐᓇ ᐊᓯᔾᔨᕆᐊᖃᖅᑕᖅᐳᑦ.”
ᐅᖃᖅᖢᓂᓗ ᑳᓐᑐᕌᒃᑖᖅᑎᑦᑎᓇᓱᖃᑦᑕᕐᓂᖅ ᑐᓗᖅᑕᕈᑕᐅᓕᖅᐸᖕᒪᑦ, ᐃᓱᒪᒋᔭᖃᖅᖢᓂᓗ ᖃᓄᐃᓕᐅᕈᑕᐅᔪᓐᓇᖅᑐᒃᑯᑦ ᑳᓐᑐᕌᒃᑏᑦ ᑳᓐᑐᕌᒃᑎᒋᔭᐅᓕᕈᓐᓇᖁᑉᓗᒋᑦ ᖃᐃᓯᑲᓪᓚᖕᓄᑦ ᐅᑭᐅᓄᑦ ᑳᓐᑐᕌᒃᑖᖅᑎᑦᑎᓇᓱᑐᐃᓐᓇᖃᑦᑕᕈᓐᓃᕐᓗᑎᒃ ᐅᑭᐅᑕᒫᑦ.
ᑯᓱᒐᖅ ᐅᖃᖅᖢᓂ ᒐᕙᒪᒃᑯᑦ ᓇᓗᓇᐃᔭᐃᓂᐊᕐᒪᑕ ᑐᕌᒐᕆᔪᒪᔭᖏᓐᓂᒃ ᖃᓄᖅ ᑕᒪᓐᓇ ᐱᐊᓂᒃᑕᐅᓇᔭᕐᓂᖓᓄᑦ ᐃᒡᓗᓕᕆᓂᕐᒧᑦ ᑐᕌᖓᔪᖅ ᐊᒻᒪᓗ ᐅᒃᐱᕈᓱᒃᑲᒥᒎᖅ ᐱᐊᓂᒃᑕᐅᔪᓐᓇᕋᔭᕐᓂᖓᓄᑦ.
ᒪᓕᑭ ᐊᐱᕆᓕᓚᐅᖅᑐᖅ ᑯᓱᒐᕐᒥᒃ ᓇᓗᓇᐃᖅᓯᖁᑉᓗᒍ ᖃᑉᓯᑦ ᐃᒡᓗᑦ ᐸᕐᓇᒃᑕᐅᓯᒪᖕᒪᖔᑕ ᓄᑖᖑᓂᐊᕐᓂᖏᓐᓄᑦ ᐃᒡᓗᓕᐊᖑᔪᑦ ᑲᑎᙵᔪᒃᑯᑦ ᐊᒻᒪᓗ ᖃᑉᓯᑦ ᐸᕐᓇᒃᑕᐅᓯᒪᖕᒪᖔᑕ ᐃᓚᒋᐊᕈᑕᐅᓂᐊᕐᓂᖏᓐᓄᑦ ᐊᑐᖅᑐᐊᒐᒃᓴᐅᓂᐊᖅᑐᒃᑯᑦ ᐅᕝᕙᓘᓐᓃᑦ ᓂᐅᕕᐊᖑᔪᓐᓇᖅᑐᒃᑯᑦ.
“ᒫᓐᓇᐅᔪᖅ ᑕᒪᒃᑯᐊ ᐅᖃᐅᓯᕆᕙᓪᓕᐊᓕᓵᖅᑕᖅᐳᑦ ᖃᓄᖅ ᐋᖅᑭᐅᒪᓂᐊᕐᓂᖏᓐᓄᑦ,” ᑕᐃᒪᓐᓇ ᒥᓂᔅᑕᐅᔪᖅ ᑭᐅᑉᓗᓂ ᑐᓵᔨᒃᑯᑦ. “ᐅᒃᐱᕈᓱᒃᑲᑉᑕ ᖃᑉᓯᑦ ᐃᒡᓗᑖᖑᔪᓐᓇᖅᑐᑦ ᐃᓚᕚᓪᓕᕈᓐᓇᕐᓂᖏᓐᓄᑦ, ᐊᑭᑐᓗᐊᙱᑦᑐᒃᑯᑦ, ᐊᒻᒪᓗ ᐱᓕᕆᖃᑎᖃᕐᓗᑕ ᐃᓄᖕᓂᒃ ᓇᖕᒥᓂᖅ ᐃᒡᓗᑖᕈᒪᓇᔭᖅᑐᓂᒃ ᓇᖕᒥᓂᖅ ᐃᒡᓗᑖᖅᑎᑦᑎᓂᒃᑯᑦ ᐃᑲᔫᑎᒃᑯᑦ ᐊᒻᒪᓗ ᓇᖕᒥᓂᖅ ᐃᒡᓗᑖᕐᓂᐊᕐᓗᓂ ᐃᑲᔫᑎᒃᑯᑦ, ᐱᔪᓐᓇᕈᑉᑕ”.
ᐅᖃᓕᖅᖢᓂᓗ ᒐᕙᒪᒃᑯᑦ ᓇᓗᓇᐃᖅᓯᐊᓂᒍᓐᓇᙱᒻᒪᑕ ᒪᓕᑭᐅᑉ ᐊᐱᖅᑯᑎᖏᓐᓂᒃ ᑭᓯᐊᓂ ᑐᑭᓯᒋᐊᖅᑎᑦᑎᒃᑲᓐᓂᕈᒪᑉᓗᓂ ᐊᑐᐃᓐᓇᐅᓕᖅᐸᑕ.
Aivilik MLA Solomon Malliki wanted some specifics in the legislative assembly about the Government of Nunavut’s Katujjiluta Mandate, which commits to adding 1,000 housing units to the territory during this government’s term.
“Although Naujaat and Coral Harbour are in desperate need of housing, I am concerned that this may not be a realistic goal to achieve with the timeline available to us,” said Malliki June 2. “Can the minister clarify how the specific target of 1,000 units was identified?”
Lorne Kusugak, minister responsible for the Nunavut Housing Corporation, responded by saying through interpretation that the corporation hasn’t “really gone anywhere” in recent years and has been seeing fewer and fewer public housing units being built.
“The board of the Nunavut Housing Corporation and myself have agreed that we need to change the course of this,” said Kusugak. “We need to change our government. We need to change this issue.”
He noted the tendering process as an obstacle, suggesting as a potential option that contractors could be taken on for several years at a time instead of going to tender every year.
Kusugak said the government would be identifying its goals on how to achieve the housing commitment and he believes it’s possible.
Malliki then asked if Kusugak could clarify how many of the units were planned to be newly constructed public housing multi-plexes and how many were planned to be added to the overall housing stock through lease or purchases.
“We are actually right now beginning our work into those details,” the minister responded through interpretation. “We believe that we could achieve greater numbers of public housing, affordable housing, and working with people who would like to enter into private homeownership through our homeownership programs and homeownership assistance programs, if we can.”
He went on to say the government was not at the level of detail to provide specifics to Malliki’s question but would be happy to provide more information when it becomes available.