Skip to content

ᒥᒃᖠᒋᐊᕐᓂᐅᔪᒥ ᓄᑖᙳᕆᐊᖅᑎᑕᐅᓂᐅᔪᒥ

ᑖᒥᔅ ᓕᕙᐃ ᓄᑖᒥᒃ ᐱᙳᐊᖅᑖᖅᐳᖅ ᑎᑭᑉᐸᓪᓕᐊᔪᒧᑦ ᕼᐋᑭᒧᑦ ᐊᕐᕌᒎᑉ ᐃᓚᖓᓐᓂ ᐊᒻᒪᓗ ᐃᓱᒪᔪᖅ ᐊᑐᕐᔪᐊᕐᓂᐊᕐᓂᖓᓂ.
26593115_web1_210927-NUN-NewZamboni-IceNV_1
Here is the new Ice NV ice resurfacing machine that will be in operation this coming hockey season in Arctic Bay. It’s electric-powered and is much smaller than a standard ice resurfacing machine. Photo courtesy of Thomas Levi ᐅᓇ ᓄᑖᖑᔪᖅ ᓯᑯᒥ NV ᓯᑯᓕᕆᔾᔪᑎ ᐊᐅᓚᑕᐅᓂᐊᓕᖅᑐᒥ ᑎᑭᑉᐸᓪᓕᐊᔪᒥ ᕼᐋᑭᒧᑦ ᐊᕐᕌᒍᖓᓂ ᐃᒃᐱᐊᕐᔪᖕᒥ. ᐅᐊᔭᒨᖅᑐᖅ ᐊᒻᒪᓗ ᒥᑭᓐᓂᖅᓴᒻᒪᕆᐅᓪᓗᓂ ᑕᐃᒪᐃᒐᔪᒃᑐᒥ ᓯᑯᓕᕆᔾᔪᑎᐅᕙᒃᑐᓂ.

ᑖᒥᔅ ᓕᕙᐃ ᓄᑖᒥᒃ ᐱᙳᐊᖅᑖᖅᐳᖅ ᑎᑭᑉᐸᓪᓕᐊᔪᒧᑦ ᕼᐋᑭᒧᑦ ᐊᕐᕌᒎᑉ ᐃᓚᖓᓐᓂ ᐊᒻᒪᓗ ᐃᓱᒪᔪᖅ ᐊᑐᕐᔪᐊᕐᓂᐊᕐᓂᖓᓂ.

ᐃᒃᐱᐊᕐᔪᖕᒥ ᐱᙳᐊᖅᑐᓕᕆᔨᖓ ᐱᓚᐅᖅᐳᖅ ᓇᒃᓯᐅᔾᔭᐅᔪᒥ ᓯᑯᒧᑦ NV–ᒥ, ᒥᑭᓐᓂᖅᓴᐅᔪᒥ ᓯᑯᓕᕆᔾᔪᑎᒥᒃ, ᑕᖅᑭᐅᑉ ᐱᒋᐊᕐᓂᐸᓗᐊᓂ. ᓴᓇᔭᐅᓚᐅᖅᑐᖅ Porta Ice–ᑯᓐᓂ, ᑲᒻᐸᓂᐅᔪᖅ ᑐᙵᕕᖃᖅᑐᒥ ᑭᐊᓪᒍᕆᒥ, ᐊᒻᒪ ᓕᕙᐃ ᐃᔨᒋᓯᒪᔭᖓ ᐊᑯᓂᐸᓗᖕᒥ.

“ᑕᑯᓚᐅᖅᐸᕋ Northbeat–ᒥ ᐊᑕᐅᓯᕐᒥ ᐅᓐᓅᔪᒥ ᓄᓇᑦᓯᐊᕐᒥ ᓄᓇᓕᐅᔪᒥ ᐱᖃᖅᑐᓂ,” ᐅᖃᓚᐅᖅᐳᖅ. “ᓇᓂᓚᐅᖅᐸᕋ ᑲᒻᐸᓂᐅᔪᖅ ᓴᓇᕙᒃᑐᓂ ᐊᒻᒪ ᖃᐅᔨᒋᐊᓚᐅᖅᐳᖓ ᐱᓇᓱᖕᓂᕐᒧᑦ ᐊᒻᒪ ᑎᑭᑎᑦᑎᓇᓱᐊᕐᓂᕐᒧᑦ.”

ᐊᑲᐅᙱᓕᐅᕈᑎᑐᐊᖅ? ᑮᓇᐅᔭᑦ. ᐊᑭᖃᓚᐅᖅᐳᖅ $42,000–ᐸᓗᖕᓂ ᓯᑯᓕᕆᔾᔪᑎᒧᑦ ᐊᒻᒪ ᐅᓯᑲᑦᑕᖅᑕᐅᓂᖓ ᑲᑎᓪᓗᒍ ᐊᒻᒪ ᓕᕙᐃ ᑕᐃᒪᓐᓇᒐᓚᒃ ᑮᓇᐅᔭᖃᓚᐅᙱᓚᖅ ᐊᒻᒪ ᑕᒪᓐᓇ ᑐᑭᖃᓚᐅᖅᐳᖅ ᑎᑎᕋᐃᓂᕐᒥ ᑐᒃᓯᕋᐅᑕᐅᔪᓂ ᖃᐅᔨᓇᓱᖕᓂᕐᒧᑦ ᑮᓇᐅᔭᓂ ᐱᕈᐃᑎᑦᑎᔪᓐᓇᕐᒪᖔᑦ.

ᓯᕗᓪᓕᖅᐹᒥ ᖃᐅᔨᒋᐊᓚᐅᖅᐳᖅ ᐱᙳᐊᖅᑐᓕᕆᔨᒃᑯᓐᓂ ᐊᕕᒃᑐᖅᓯᒪᓂᐅᔪᒥ, ᑐᓂᓯᔪᓐᓇᓚᐅᖅᑐᓂ ᓕᕙᐃᒥ $20,000 ᑮᓇᐅᔭᖃᖅᑎᑕᐅᓂᐅᔪᒥ. ᐊᓱᐃᓛᒃ ᑎᑎᕋᓚᐅᖅᐳᖅ ᑐᒃᓯᕋᐅᑕᐅᔪᒥ ᐹᕙᓐᓛᓐ ᓴᕕᕋᔭᒃᓴᒧᑦ ᐅᔭᕋᖕᓂᐊᕐᕕᖓᓄᑦ, $20,000 ᑐᓐᓂᖅᑯᓯᐊᖃᖅᑎᑦᑎᓚᐅᕐᒥᔪᓂ. ᑭᓯᐊᓂ ᓱᓕ ᐊᒥᒐᓚᐅᖅᐳᖅ $2,000–ᓂ.

ᐊᒥᐊᒃᑯᖓ ᕼᐋᑭ ᓄᓇᕗᒻᒥᙶᓚᐅᖅᐳᖅ.

“ᕼᐋᑭ ᓄᓇᕗᑦ ᑐᓂᓯᓚᐅᖅᐳᑦ $5,000–ᓂ ᐅᕙᑦᑎᓐᓄᑦ,” ᐅᖃᓚᐅᖅᐳᖅ ᓕᕙᐃ. “ᓇᓗᓇᐃᖅᓯᒐᔪᒃᐳᒍᑦ ᑕᒪᒃᑭᓂ ᐱᙳᐊᖅᑎᑦᑎᓐᓂ ᑕᐃᒃᑯᓄᖓ ᑕᐃᒫᒃ ᐱᐅᓚᐅᖅᐳᖅ ᐅᕙᑦᑎᓐᓂ ᐃᑲᔪᕐᓂᖏᓐᓂ.”

ᓇᐃᓴᐅᓯᕆᒍᕕᑦ, ᐊᒥᐊᒃᑯᕗᖅ $3,000–ᓂ ᑮᓇᐅᔭᖃᒃᑲᓐᓂᕐᓂᕐᒥ ᑭᓯᐊᓂ ᓕᕙᐃ ᐅᖃᓚᐅᖅᐳᖅ ᖃᐅᔨᒫᓂᒃᑐᖅ ᑭᓱᒧᑦ ᐊᑐᕐᓂᐊᕐᒪᖔᒍ ᐊᒥᐊᒃᑯᖓ.

“ᓄᑖᙳᕆᐊᖅᑎᑦᑎᔭᕆᐊᖃᖅᐳᒍᑦ ᐊᐅᓚᑦᑎᓂᕐᒧᑦ ᐊᑕᔪᒥ ᐃᓯᖅᑎᑕᐅᔪᓄᑦ ᓇᓗᓇᐃᖅᓯᔾᔪᑎᒧᑦ ᓯᐊᕐᕆᔮᕐᕕᖕᒥ,” ᐅᖃᓚᐅᖅᐳᖅ.

ᓄᑖᖅ ᓯᑯᓕᕆᔾᔪᑎ ᐊᐅᓚᑉᐸᙱᓚᖅ ᐅᖅᓱᐊᓗᒃᓴᒧᑦ ᑭᓯᐊᓂ 36-ᓴᙱᓂᓕᖕᒥ ᐊᐅᓚᐅᑎᓕᖕᒥ 6–ᓂ 6-ᓴᙱᓂᓕᖕᓂ ᐃᓗᑐᔪᒥ–ᐱᓕᖅᑭᒃᑕᕐᓂᖓᓂ ᕚᑕᓖᓕᖕᓂ. ᐃᒪᖃᕈᓐᓇᖅᐳᖅ 491 ᓖᑕᓂ ᐃᒪᕐᒥ ᐊᑕᐅᓯᕐᒥ ᐃᒻᒥᖅᑕᐅᓂᖓᓂ, ᐊᒻᒪᓗ, ᑕᐃᒪᓐᓇᑎᑐᑦ ᓯᑯᓕᕆᔾᔪᑕᐅᔪᑎᑐᑦ, ᐃᓗᐃᑦᑐᒥᒃ–ᐊᖏᓂᓕᖕᒥ ᓴᕕᖃᖅᐳᖅ ᖄᖓᓂ ᓯᑯᒥ ᐲᔭᐃᓂᕐᒧᑦ ᐃᒻᒥᖅᓱᖅᑕᐅᑎᓪᓗᒍ. ᐳᕋᐃᖏᑦ ᓴᒃᑯᑲᐅᑎᒋᓲᖑᕗᖅ ᐃᓯᒐᐃᑦ ᐲᑐᐊᕈᕕᐅᒃ ᓱᒃᑲᓕᔾᔪᑎᖓᓄᑦ.

ᓕᕙᐃ ᐅᖃᓚᐅᖅᐳᖅ ᐊᑕᐅᓯᐅᔪᒥ ᐊᖏᔪᓂ ᐱᔾᔪᑕᐅᔪᓂ ᐱᓚᐅᕐᓂᖓᓂ ᓄᑖᖑᔪᒥ ᓯᑯᓕᕆᔾᔪᑎᒥᒃ ᐃᖅᑲᓇᐃᔭᖅᑎᖏᑦ ᐃᓗᐊᕈᓱᖕᓂᖅᓴᐅᖕᒪᑕ ᑕᐃᒪᐃᑦᑐᒥᒃ ᐊᐅᓚᑦᑎᓂᕐᒥ.

“ᓱᓕ ᓄᑕᐅᙱᑦᑐᒥ Zamboni–ᒥ ᑭᓯᐊᓂ ᑭᒃᑯᓕᒫᑦ ᐃᓗᐊᖅᓴᓚᐅᙱᒻᒪᑕ ᐊᖁᖦᖢᑎᒃ,” ᐅᖃᓚᐅᖅᐳᖅ. “ᐊᑕᐅᓯᕐᒥ ᒪᕐᕉᖕᓂᓪᓘᓐᓃᑦ ᐃᓄᖕᓂ ᐊᖁᑦᑐᓐᓇᖅᑐᓂ ᑕᐃᒫᒃ ᓄᑖᖑᔪᖅ ᐊᔪᕐᓇᙱᑎᑦᑎᒃᑲᓐᓂᕐᓂᐊᓕᖅᐳᖅ ᐃᓄᖕᓄᑦ.”

ᑐᖅᑯᖅᑕᐅᓂᖓᓄᑦ, ᓕᕙᐃ ᐅᖃᓚᐅᖅᐳᖅ ᒥᑭᓐᓂᖓ ᓈᒻᒪᖕᒪᑦ ᓯᐊᕐᕆᔮᕐᕕᖕᒥ ᐊᑦᑐᖏᕈᓐᓇᖅᑐᒥ ᐃᓯᕈᓐᓇᕐᒪᑦ ᐊᓐᓂᑭᑕᕐᕕᖕᒥ ᑭᓯᐊᓂ ᐊᓯᖏᓐᓂ ᐃᓂᒃᒃᓴᖅᑕᖃᕆᕗᖅ ᐃᓂᐅᔪᖅ ᒥᑭᓗᐊᖅᐸᑦ.

“ᐊᓐᓂᑭᑕᕐᕕᒃ ᐃᒻᒥᖅᓱᖅᑕᐅᔾᔮᙱᑦᑐᖅ ᑭᓯᐊᓂ ᐅᒃᑐᐱᕆᐅᑉ ᓄᙳᐊᓂ,” ᐅᖃᓚᐅᖅᐳᖅ. “ᓯᓚᒥ ᐊᑐᕈᓐᓇᕐᓂᐊᖅᐸᕗᑦ ᑭᓯᐊᓂ ᐃᓕᔪᓐᓇᕐᓂᐊᖅᐸᕗᑦ ᐊᓯᖏᓐᓂ ᐃᓂᐅᔪᓂ ᐊᓐᓂᑭᑕᕐᕕᖕᒥ ᐱᔪᒪᒍᑦᑕ.”





Pop-up banner image