Skip to content

ᒥᓂᔅᑕ ᐅᖃᖅᑐᖅ ᓇᖕᒥᓂᖅᑖᖅᑐᕐᓂᕐᒧᒡᒎᖅ ᐃᒡᓗᓂᒃ ᐃᑲᔫᑎ ᓴᖅᑭᑎᑕᐅᒃᑲᓐᓂᕈᓐᓇᔾᔮᙱᑦᑐᖅ

ᐊᐅᒐᑦᓈᖅ ᐃᑯᔅ ᑎᑎᖅᑲᓂᒃ ᓇᒃᓯᐅᔾᔨᓯᒪᔪᖅ ᒪᓕᒐᓕᐅᖅᑎᒧᑦ ᔮᓐ ᒦᓐᒧᑦ ᐊᒻᒪᓗ ᒪᒡᒐᕆ ᓇᑲᓱᖕᒧᑦ, ᒥᓂᔅᑕᒧᑦ ᑲᒪᔨᐅᔪᒧᑦ ᓄᓇᕗᒥ ᐃᒡᓗᓕᕆᔨᕐᔪᐊᒃᑯᓐᓄᑦ, ᑐᓴᖅᑎᑦᑎᑉᓗᓂ ᖁᕕᐊᓱᙱᓐᓂᕐᒥᓂᒃ ᐃᒡᓗᒃᓴᖃᙱᓗᐊᕐᓂᕐᒧᑦ ᓄᓇᕗᒥ. ᐃᑯᔅ ᐅᖃᖅᖢᓂ ᑎᑎᕋᓚᐅᖅᑐᕉᖅ ᑖᑉᑯᓄᙵ ᑕᑯᔪᒪᒐᒥ ᐊᓯᔾᔨᖅᐸᓪᓕᐊᔪᓂᒃ ᐅᖃᐱᓗᑲᑕᑐᐃᓐᓇᙱᓪᓗᓂ. ᐃᑯᔅ ᐅᖃᐅᓯᖃᓚᐅᖅᑐᖅ ᓇᖕᒥᓂᖅᑖᖅᑐᕐᓂᕐᒧᑦ ᐃᒡᓗᓂᒃ ᐃᑲᔫᑎᒥᒃ, ᐱᒋᐊᕈᑕᐅᓚᐅᖅᑐᖅ ᓄᓇᑦᑎᐊᑉ ᒐᕙᒪᒃᑯᖏᓐᓄᑦ 1980-ᓂᒃ ᐊᒻᒪᓗ 1990-ᓂᒃ, ᐊᔭᐅᖅᑐᐃᓂᕐᒧᑦ ᓄᑖᓂᒃ ᐃᒡᓗᒃᓴᓂᒃ ᓴᖅᑭᑎᑦᑎᕙᓪᓕᐊᔪᒪᓂᕐᒧᑦ.
26019465_web1_210804-kiv-housing-rankin_1
ᐊᐅᒐᑦᓈᖅ ᐃᑯᔅ ᒫᓐᓇᐅᔪᖅ ᐊᖓᔪᖅᑳᒃᑯᒥᓂᕐᒥᐅᑕᐅᔪᖅ, ᐅᕙᓂ ᐊᔾᔨᓕᐅᖅᑕᐅᓯᒪᔪᖅ, ᐊᖏᕐᕋᐅᒪᑉᓗᓂ ᐊᐅᔭᒃᑯᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᙱᓚᐅᑦᓈᖅᑎᓪᓗᒍ. ᑭᓯᐊᓂᓕ, ᐅᖃᖅᓯᒪᔪᖅ ᐃᒡᓗᒥᐅᖃᑎᖃᖅᖢᓂᒎᖅ ᐊᒥᓱᓂᒃ ᐅᑭᐅᖃᑎᒌᙱᑦᑐᓂᒃ ᐃᑲᔫᑕᐅᙱᑦᑐᖅ ᓄᓇᕗᒥ ᐃᒡᓗᓕᕆᓂᒃᑯᑦ ᐃᖢᐊᖏᓕᐅᕈᑕᐅᔪᒃᑯᑦ.

ᐊᐅᒐᑦᓈᖅ ᐃᑯᔅ ᑎᑎᖅᑲᓂᒃ ᓇᒃᓯᐅᔾᔨᓯᒪᔪᖅ ᒪᓕᒐᓕᐅᖅᑎᒧᑦ ᔮᓐ ᒦᓐᒧᑦ ᐊᒻᒪᓗ ᒪᒡᒐᕆ ᓇᑲᓱᖕᒧᑦ, ᒥᓂᔅᑕᒧᑦ ᑲᒪᔨᐅᔪᒧᑦ ᓄᓇᕗᒥ ᐃᒡᓗᓕᕆᔨᕐᔪᐊᒃᑯᓐᓄᑦ, ᑐᓴᖅᑎᑦᑎᑉᓗᓂ ᖁᕕᐊᓱᙱᓐᓂᕐᒥᓂᒃ ᐃᒡᓗᒃᓴᖃᙱᓗᐊᕐᓂᕐᒧᑦ ᓄᓇᕗᒥ. ᐃᑯᔅ ᐅᖃᖅᖢᓂ ᑎᑎᕋᓚᐅᖅᑐᕉᖅ ᑖᑉᑯᓄᙵ ᑕᑯᔪᒪᒐᒥ ᐊᓯᔾᔨᖅᐸᓪᓕᐊᔪᓂᒃ ᐅᖃᐱᓗᑲᑕᑐᐃᓐᓇᙱᓪᓗᓂ. ᐃᑯᔅ ᐅᖃᐅᓯᖃᓚᐅᖅᑐᖅ ᓇᖕᒥᓂᖅᑖᖅᑐᕐᓂᕐᒧᑦ ᐃᒡᓗᓂᒃ ᐃᑲᔫᑎᒥᒃ, ᐱᒋᐊᕈᑕᐅᓚᐅᖅᑐᖅ ᓄᓇᑦᑎᐊᑉ ᒐᕙᒪᒃᑯᖏᓐᓄᑦ 1980-ᓂᒃ ᐊᒻᒪᓗ 1990-ᓂᒃ, ᐊᔭᐅᖅᑐᐃᓂᕐᒧᑦ ᓄᑖᓂᒃ ᐃᒡᓗᒃᓴᓂᒃ ᓴᖅᑭᑎᑦᑎᕙᓪᓕᐊᔪᒪᓂᕐᒧᑦ.

ᑕᒡᕘᓇ ᐃᑲᔫᑎᒃᑯᑦ, ᓄᑖᑦ ᐃᒡᓗᑖᖅᑐᖅᑐᑦ ᐃᖕᒥᓂᒃ ᐃᒡᓗᒥᓂᒃ ᓴᓇᔪᓐᓇᖃᑦᑕᓚᐅᖅᑐᑦ ᐊᒻᒪᓗ ᑮᓇᐅᔭᖅᑖᖅᑎᑕᐅᕙᒃᖢᑎᒃ ᐊᑭᓕᖅᑑᑎᒃᓴᒧᑦ ᓇᑉᐸᖅᑎᕆᓂᒃᑯᑦ.

ᔪᓚᐃ 26-ᒥ ᑎᑎᖅᑲᒥᒃ ᑭᐅᓯᔾᔪᑕᐅᔪᒥᒃ ᐃᑯᔅ ᐃᓱᒫᓘᑎᖓᓄᑦ, ᓇᑲᓱᒃ ᐅᖃᓚᐅᖅᑐᖅ ᑕᐃᒪᐅᓕᖅᑎᓪᓗᒋᑦ ᒪᓕᒃᑕᐅᔭᕆᐊᖃᓪᓚᑦᑖᖅᑐᑦ ᐃᒡᓗᓕᐅᕐᓂᕐᒧᑦ “ᐱᒻᒪᕆᐅᔪᑦ ᑐᓗᖅᑕᕈᑏᑦ ᐃᑲᔫᑎᒃᑯᑦ ᑕᐃᒪᐅᓇᔭᕐᒪᑕ ᐊᑐᖅᑕᐅᖃᑦᑕᖅᓯᒪᔪᒃᑯᑦ.”

ᑎᑎᕋᖅᖢᓂᓗ ᓄᓇᕗᒥᐅᑦ ᐱᔪᓐᓇᖅᓯᒪᙱᒻᒪᑕ “ᐃᓕᓯᔪᓐᓇᕐᓂᕐᒧᑦ ᐊᔾᔨᖓᓂᒃ ᓇᖕᒥᓂᖅᑖᕈᑎᒃᓴᒃᑯᑦ” ᐱᔭᐅᔭᕆᐊᖃᖃᑦᑕᖅᓯᒪᔪᑎᑐᑦ ᐃᒡᓗᓕᐅᕐᓂᐊᕐᓗᓂ.

2018-ᒥ ᕿᒥᕐᕈᓚᐅᖅᑎᓪᓗᒋᑦ ᓇᖕᒥᓂᖅᑖᕈᑎᒥᒃ ᐃᒡᓗᓄᑦ ᓴᖅᑭᑎᑕᐅᓯᒪᔪᒥᒃ ᒪᓕᒐᓕᐅᕐᕕᖕᒥ ᓇᓗᓇᐃᖅᑕᐅᓚᐅᖅᑐᖅ ᐃᑲᔫᑕᐅᓚᐅᖅᓯᒪᔪᖅ ᓇᖕᒥᓂᖅᑖᖅᑐᕐᓂᕐᒧᑦ ᐃᑲᔫᑎᒃᑯᑦ ᖃᐅᔨᓴᖅᑕᐅᓯᒪᓚᐅᙱᒻᒪᑦ ᓯᕕᑐᔪᒃᑯᑦ ᓇᖕᒥᓂᖅᑖᖅᑐᖅᑐᑦ ᑮᓇᐅᔭᓕᕆᔾᔪᑎᒋᔪᓐᓇᖅᑕᖏᓐᓄᑦ ᐃᒡᓗᖃᕈᓐᓇᕐᓂᕐᒧᑦ ᐸᐸᑐᑦᑎᐊᕈᓐᓇᕐᓂᕐᒧᓪᓗ.

“ᑕᐃᒪᐃᒻᒪᑦ, ᐊᒥᓱᑦ ᓇᖕᒥᓂᖅᑖᖅᓯᒪᔪᑦ ᐃᒡᓗᓂᒃ ᑕᒡᕘᓇ ᐃᑲᔫᑕᐅᓚᐅᖅᑐᒃᑯᑦ ᐋᖅᑭᐅᒪᙱᑦᑐᓂᒃ ᐊᑭᓕᖅᑑᑎᖃᓕᓚᐅᖅᑐᑦ ᐊᒻᒪᓗ ᐊᒥᓱᑦ ᐊᒥᒐᖅᓯᑉᓗᑎᒃ ᐊᑐᕈᓐᓇᖅᑕᖏᓐᓂᒃ ᐃᒡᓗᖃᕐᓂᕐᒧᑦ. ᐃᓚᖏᑦ ᐃᒡᓗᑖᖅᓯᒪᔪᑦ ᑲᔪᓯᑎᑦᑎᑦᑎᐊᓚᐅᕋᓗᐊᖅᑎᓪᓗᒋᑦ ᐃᒡᓗᑖᕐᓂᕐᒥᓂᒃ, ᑕᐃᑉᑯᐊ ᐃᑲᔫᑏᑦ ᐊᒥᓱᓄᑦ ᐃᓄᖕᓄᑦ ᐃᓚᒌᖕᓄᓪᓗ ᑮᓇᐅᔭᓕᕆᓂᒃᑯᑦ ᐊᒃᓱᕈᕐᓇᖅᑐᒃᑰᖅᑎᑦᑎᓯᒪᔪᑦ ᐊᒻᒪᓗ ᑐᙵᑎᖃᕐᓂᖅᓴᐅᓕᖅᐸᒃᖢᑎᒃ ᒐᕙᒪᒃᑯᓐᓂᒃ,” ᑕᐃᒪᓐᓇ ᐅᓂᒃᑳᓕᐊᒃᑯᑦ ᑎᑎᖃᖅᓯᒪᔪᖅ.

ᓇᑲᓱᒃ ᐅᖃᖅᖢᓂᓗ ᐃᓄᐃᑦ ᓇᖕᒥᓂᖅ ᐃᒡᓗᑖᖅᑐᕋᔭᖅᐸᑕ ᐃᒡᓗᓕᕆᔨᒃᑯᑦ ᐃᒡᓗᖏᑦ ᐊᒥᒐᙱᓐᓂᖅᓴᐅᓕᕋᔭᕋᓗᐊᖅᑎᓪᓗᒋᑦ, 84%-ᖏᓐᓃᑦᑐᑦ ᓄᓇᕗᒥᐅᑦ ᐃᒡᓗᑖᕆᐊᓖᑦ.

“91%-ᒋᔭᖏᑦ ᐃᒡᓗᓕᕆᔨᒃᑯᓐᓂᒃ ᐊᑐᖅᑐᐊᖅᑐᑦ ᑕᐃᒪᐅᑎᓪᓗᒋᑦ, ᐊᑭᒋᔭᐅᔪᑦ ᓂᐅᕕᕐᓂᕐᒧᑦ ᐊᒻᒪᓗ ᑲᒪᓂᕐᒧᑦ ᓇᖕᒥᓂᖅ ᐃᒡᓗᒋᓂᐊᖅᑕᒥᒃ ᐊᑭᑐᔫᔪᖅ. ᓇᓚᐅᑦᑖᖅᓯᒪᑉᓗᑕ ᐃᒻᒪᖄ 16%-ᖑᔪᑦ ᐃᓚᒌᑦ ᐊᑭᓕᖅᑐᐃᕌᓂᒍᓐᓇᕋᔭᖅᑐᑦ ᓇᖕᒥᓂᖅ ᐃᒡᓗᒃᓴᒥᓂᒃ,” ᑕᐃᒪᓐᓇ ᑎᑎᕋᖅᖢᓂ ᓇᑲᓱᒃ, ᐃᒪᓐᓇᓗ ᑎᑎᕋᒃᑲᓐᓂᖅᖢᓂ, “ᐅᖃᕋᓱᙱᑦᑐᒍᑦ ᑕᒪᒃᑯᐊ ᑐᓗᖅᑕᕈᑏᑦ ᐊᓂᒍᕈᓐᓇᕋᔭᙱᓐᓂᖏᓐᓄᑦ ᐊᓂᒍᕈᓐᓇᕋᔭᕐᒪᖔᑕᓗ.”

ᑭᐅᓯᓂᒃᑯᑦ ᓇᑲᓲᑦ ᑎᑎᖅᑲᖓᓂᒃ, ᐃᑯᔅ ᐅᖃᓚᐅᖅᑐᖅ ᑭᕙᓪᓕᕐᒥ ᑐᓴᒐᒃᓴᓕᕆᔨᒃᑯᓐᓄᑦ ᓄᑖᖅ ᐃᒡᓗᑖᕈᑎᓄᑦ ᐃᑲᔫᑎᒃᓴᖅ ᓴᖅᑭᑎᑕᐅᓇᔭᙱᒃᑲᓗᐊᖅᐸᑦ, ᒐᕙᒪᒃᑯᑦ ᖃᓄᖅᑑᒃᑲᓐᓂᕋᔭᕐᒪᑕ ᐃᒡᓗᑦ ᓂᐅᕕᐊᒃᓴᐅᔪᓐᓇᖃᑦᑕᕋᔭᖅᑐᑦ ᒥᒃᓵᓄᑦ.

ᐃᑯᔅ ᐊᒥᓱᓄᑦ ᓂᑉᓕᕐᕕᐅᓯᒪᔪᖅ ᓄᓇᕗᒥ Facebook-ᑯᑦ ᑎᑎᕋᓚᐅᖅᑳᖅᑎᓪᓗᒍ, ᑎᑎᕋᕐᕕᐅᓯᒪᑉᓗᓂᓗ ᓄᓇᕗᒥ ᑭᒡᒐᖅᑐᐃᔨᒧᑦ ᒪᓕᒐᓕᐅᕐᕕᒡᔪᐊᕐᒥ ᒧᒥᓛᖅ ᖃᖅᑲᕐᒧᑦ.

“ᐅᖃᖅᖢᓂ ᖁᕕᐊᓱᓚᐅᕐᓂᕋᖅᖢᓂ ᑕᐃᒪᐃᓕᐅᕈᑕᐅᔪᒥᒃ ᐊᒻᒪᓗ ᐊᐱᕆᑉᓗᓂ ᖃᓄᖅ ᐃᑲᔪᕈᓐᓇᕋᔭᕐᒪᖔᕐᒥ,” ᑕᐃᒪᓐᓇ ᐅᖃᖅᖢᓂ ᐃᑯᔅ.

“ᓇᖕᒥᓂᖅ ᐃᒡᓗᖃᖅᖢᓂ ᐃᓱᒪᒃᑯᑦ ᐋᖅᑭᐅᒪᓇᕐᓂᖅᓴᐅᓲᖅ - ᓇᖕᒥᓂᖅ ᐃᓂᖃᖅᖢᓂ ᐅᕐᓂᒍᓐᓇᖅᑕᒧᑦ, ᐊᒻᒪᓗ ᐃᖕᒥᓂᒃ ᐱᓕᕆᔪᓐᓇᕐᓂᕐᒧᑦ ᖃᐅᔨᒪᑉᓗᓂ. ᐊᒥᓱᑦ ᐊᖏᕐᕋᖃᓕᓲᑦ ᐱᑦᑎᐊᖅᑕᐅᙱᒥᐊᖅᖢᑎᒃ ᓇᒧᙵᐅᕝᕕᒃᓴᖃᙱᓗᐊᒧᑦ, ᑭᓯᒥ ᐃᒡᓗᑭᒃᓴᖅᑐᓄᑦ.”





Pop-up banner image